Adelina Ismaili

[Zevzeku]

E ke ne RTK "Amazing be njeri",TV21 "Op Op njeri",KTV "Express" (ne kete emision gazetarja ia beri pyetjen "Si arrini te jeni gjithmone qendra e vemendjes kudo qe paraqiteni?" Degjoje pergjigjen e Adelines,do te qeshesh shume,eshte kinge ajo ),ne ALSAT te Maqedonise ku posaqerisht pershendeti nje adhurues te saj dhe ne te gjitha gazetat ditore te Kosoves.Ishte interesant momenti kur hyri Adelin dhe te gjitha kamerat u fokusuan ne te,jo u tha duke qeshur:" Jemi ketu per Jehona Sopin dhe jo per mua.Asgje s'do t'ju tregoj".Ishte vertet mbremje interesante,por te le ta shikosh.Me quditi Zanfina sa bukur kendon live!!!Gjate gjithe mbremjes ishte e qete dhe e matur,por ne skene e kalli dhe te gjithe filluan t vallezojne kur kendoi "Gajdexhiun" live.Atehere u ndez atmosfera.Vertet bukur.

[Bl3ri]

Prit prit se me ben kurioz ti tani mua ????

Emisionin e pash amazingbenjeri por shume pak nxori skena nga promovimi i albumit kurse interviste me Adelinen nuk munda me pa ne ate promovim ,
Interviste pash ne RTK per ato kenget e huazuara ku RTK-ja i kerkonte falje Adelina Ismajlit .
Kanalet tjera une nuk i rroki se jam ne nje vend ku nuk mundem mi shiqu .

Te Alsati ke pershendeti Adelina , mundesh te me tregosh te lutem ??, Te lutemmm

Dua te di kush eshte adhuruesi se.... mos jam une hhihihihih

Zevzeku me njeh mua nga diku se nga shkrimet me dukesh i njohurr ..

[Zevzeku]

Megjithëse e cenzuruar dhe anashkaluar nga mediumet,duke mos harruar dhe "fushatat" agresive qe bëhen nga njerëz te caktuar te gazetave por dhe internetit për qellime personale dhe tendenca te pandershme ndaj Adelina Ismailit,ajo shumë e qete dhe e buzeqeshur arrin qe ti demantoje me fakte të gjitha padejtesite qe i bëhen.Me punën e saj qe shpërthen si një vullkan,nëpërmjet te cilit deshmohet se arti shqiptar është me i begatshmi ne rajonin ballkanas por edhe rrezikon kulturat e varfëra te popujve qe na rrethojne dhe gllaberitin kulturën tonë.Adelina nuk flet vetëm për vete.Arsyeton te gjithë artistet shqiptar dhe artin tonë.E madhe është

[Bl3ri]

Për Adelina Ismajlin

E dim shumë mirë qe për Adelinen është shkruar dhe shkruhet ende sot e kësaj ditë .
Ajo është një uragan i pashuar . Din te deshmoje veten para te gjithëve , din tua mbyll gojen te gjithëve me punën dhe suksese e saja .
Qe nga mosha e saj e rre thashethemet për Adelinen nuk kan te ndalur , gjë qe ndonjëherë edhe gazetat dhe revistat tona e kan tepruar , por Adelina as qe është mërzitur diçka sepse ajo dhe familja Ismajli janë mësuar me gjëra te tilla .
Të jesh i famshem ne mesin e shqipetareve dhe mos merresh nëpër goje kjo nuk është e mundur , duke marr parasysh famen e Adelines .
Nuk duhet te habitemi pse shumë rrall e shohim Adelinen nëpër rrugë duke ecur dhe shetitur .
Ishte femija i parr qe editoi 4 albume me këngë për fëmijë .
Ishte këngëtarja e parr qe me ekstravagancen e saj theu temat tabu ne trojet tona .
Ishte femra e pare qe ua hapi dyert tashmë kengetareve tjera te zhveshen deri ne masë te madhe .
Adelina edhe kur zhveshet ka shije . Dikush qe nuk e kupton mendon qe Adelina e tepron , por ajo kur nuk e tepron me ekstravagancen e saj .
Din te mbaj dhe tregoje veten


Këngët e Adelines

Të gjitha këngët e Adelines jan HIT-e
Të gjitha këngët e Adelines kan mesazh , ne vete permbajne një d.m.th.-ie qe le të kuptosh aftësinë e Adelines.
Tekstet i shkruan vet gjë qe talentin e ka trashëguar nga mami i saj.
Prej kenges se parr kur marrim i analizojme të gjitha ne vete permbajne një ngrohtesi ku mundesh me gjet veten .
Adelina u ka kenduar gjithëve -
- Deshmoreve te Kosovës ,
- Luftetareve te lirisë ,
- Politikaneve shqiptar ,
- Femijeve ,
- Vajzave shqipetare ,
- Djemve shqiptar ,
- Dashurise ,
- Jetes se vështirë ne Kosovë ,
- Jetimeve ,
- Të varferve ,
- Shokeve dhe shoqeve te saja etj etj .
Këngët e Adelines janë huazuar edhe nga serbet dhe bullgaret.

Stili i Adelines

Stili i saj ekstravagant shumë i pëlqyer nga femrat dhe i kopjuar nga disa kolege te estrades sone .
Adelina nga gjithë kengetaret tona ka një stil te veçante .
Ajo çdohere del ndryshe dhe ndryshe nga te tjerat .
Të gjithë mundohen ta kopjojne .
Kur ajo zhvishet tjerat shpejt e shpejt ta imitojne , ndërkohë Adelina vishet me një shpejtesi te madhe gjë qe u len te kuptojnë se ato qe e imitojne janë shumë mbrapa Adelines .
Vishet me veshje speciale d.m.th.. qep atë qe e deshiron dhe qe i rrin trupit te saj .
Çdo ditë është me e bukur me e bukur me e bukur.


Karakteristikat e Adelines

Nder shumë karakteristika qe i disponon Adelina duhet te përmend vetëm një është ajo vetulla e saj e bukur .
Me trupin e saj me përmasa perfekte mund të themi qe është njera nder femrat me sexy ne trojet shqipetare.
Fytyra publike qe përmendet ne shumë evenimente dhe ne shumë raste.
Ska vend ku nuk përmendet emri i saj .
Është një nder emrat me te kërkuar ne google , ndërsa nëpër webfaqe shqipetare është këngëtarja me e komentuar .
Është këngëtarja me e dashur e rrinise .
Për Adelinen ngrihet pluhur ne çdo vend.
Kan shkruar gazetat , revistat shumë çka për Adelinen , te vërteta dhe te paverteta .
Shumë kush ja ka inatin .
Por është fakt se ajo prej kur ka filluar te kendoje çdo ditë e me tepër adhurohet .


Është pak të shkruhet për Adelina Ismajlin , por të shkruhen gjëra te vërteta e jo gënjeshtra .
Atraksion qe nuk shkruhet asnjhere është Adelina Ismajli.

[webmasterpimi]

Sick eshte vaLLa shum femer e mir

sKa me ta numer 1 esht ne KOSOV


Mpuch Adelin

[Zevzeku]

Qe eshte e adhuruar nga shqiptaret e dijme te gjithe,dhe cdo njeri i suksesshem ka armiq.Kishte edhe Skenderbeu.Por...Nje gje nuk mund ta mohoje askush:Ajo ishte dhe eshte pop-star i pare shqiptar.
Une nuk diskutoj me njerez qe i konsideroj nen nivelin tim.
(Ketu po behem si Adelina )

[Zevzeku]

RIKTHEHET DIVA ADELINA ISMAILI
Ata qe ndjekin ekranet apo spektaklet ku nuk mungojne yjet e muzikes, kane vene re javet e fundit mungesen e dives fort te diksutuar te kenges, Adelina Ismaili. Kengetarja shqiptare ka qene larg skenave per hir te nje fatkeqsie familjare. Adelina duke zbatuar zakonet shqiptare ne raste fatkeqsish, nuk ka preferuar te ndjeke axhenden e saj, te mbushur me ftesa per spektakle televizive apo koncerte ne mbare boten ku jetojne shqiptare. Nje nga daljet e para televizive te Adelines ka qene pak dite me pare ne nje spektakel te RTK-se , ku kengetarja ishte veshur me te zeza dhe ishte trukuar ne sy dhe buze me ngjyra fort te erreta.
Rikthimi i saj nis me iniciativen e saj per koncert humanitar dedikuar legjendes se gjalle te luftes dhe paqes se Kosoves-Ramush Haradinaj.

[Zevzeku]

ADELINA ISMAILI FLET NGA SARANDA.
Nga Mira ZENATI

Sarandë - Është ora 02:00 e natës së shtunë, dhe ylli i muzikës kosovare sapo zbret nga skena. E qeshur dhe mjaft e lirshme ulet në tavolinën tonë dhe me mirësjellje na kërkon falje për pritjen. Adelina Ismajli prej një mungese prej katër vitesh në Shqipëri, na thotë se do na i tregojë të gjitha. "Tani më pyesni për çfarë të doni", thotë ajo duke buzëqeshur në verandën e hotel "Butrintit", ku zhvillohet edhe koncerti që ka mbledhur këngëtarët më të njohur shqiptarë që nga Ardit Gjebrea, Lejdina Çelo, Orinda Huta, Çiljeta Xhilaga etj. "Më ftoi Arditi me të cilin kam marrëdhënie shumë të mira", tregon këngëtarja e njohur, e cila vjen për herë të parë në Sarandë. Në një intervistë ekskluzive për "Tirana Observer", popstari shqiptar tregon përse i ka munguar skenës shqiptare. Momentet më të përfolura të jetës së saj, që nga historia e rrëmbimit nga Arkani, incidenti me Leonora Jakupin dhe puthjen në skenë me Genta Ismailin. Gjithashtu ajo tregon të vërtetën për operacionet plastike, për imitimet e këngëve të huaja dhe mendimet e saj për statusin e Kosovës. Cila është jeta private e saj dhe lidhja e mundshme me një djalë nga Shqipëria.

Ju vini në Shqipëri pas katër vitesh. Pse keni qëndruar kaq shumë kohë larg Shqipërisë?

Në fakt aktiviteti im i plotë që ka munguar në Shqipëri është gati shtatë vjet. Kam ardhur vetëm një herë para katër vitesh, pasi isha mysafire në një emision. Gjithsesi, nuk kam qëndruar larg me qëllim. Më është imponuar një gjë e tillë. Gjithmonë thosha se do të shkoj nesër, do të shkoj nesër në Shqipëri, por ja ku erdhi edhe kjo ditë. Dhe sot them se jam këtu bashkë me kolegë të shquar të muzikës dhe këngës.

Si u realizua ardhja juaj në Sarandë?

Unë jam e ftuar nga zotri Gjebrea dhe çdo ftese që më bën ai, unë do t'i përgjigjem, sepse e njoh, e kam mik, gjithë familja ime, jo vetëm unë. Ka më shumë se dhjetë vite që e njoh, ai është njeri i dëshmuar dhe çdo vepër e tij është e dëshmuar. Kështu që, gjithmonë i përgjigjem ftesave të tij, mirëpo kjo e sotmja ishte një mbrëmje me të vërtetë fantastike. Mua më pëlqeu, u kënaqa shumë. Siç e patë kënduam bashkë, këngëtarë dhe spektatorë. Ne nuk donim të ndaheshim nga kjo natë e magjishme dhe e paharruar, ku u ndjemë këngëtarët më të vlerësuar. Skena ishte magjike. Spektatorët po ashtu. Një mrekulli.

Cili këngëtar apo këngëtare shqiptare është idhulli juaj?

Nexhmije Pagarusha. Deri në këtë moment, ajo është e pazëvendësueshme, e pakalueshme. Vokal, këngë, paraqitje skenike, bukuri, i kishte të gjitha.

Për sa i përket bukurisë. Thonë se juve ju pëlqen të bëni edhe operacione plastike. Sa e vërtetë është kjo?

Unë mendoj se në kohën kur unë jam paraqitur, ishte viti 1997 dhe neve njerëzit na imagjinonin me shami dhe me mantele të gjata. Shumica e shqiptareve duket e bukur dhe nuk ka pse të thonë se kjo ka bërë operacione plastike. Në mjedisin, mentalitetin tonë, nëse do ta godasësh dikë, për gjininë e bukur, atëherë godite në moral apo në diçka tjetër, si me këto silikonizimet. Unë falënderoj shumë nënën natyrë, nënën Kosovë që më ka bërë të bukur dhe prindërit e mi. Unë nuk jam edhe kaq e bukur sa dukem sepse unë e zbukuroj veten. Edhe ky është art. Edhe skulpturat e Da Vinçit ishin shumë të bukura edhe nudo, mirëpo nuk ka asnjë gjë të jashtëzakonshme atje. Këtë e lidh krejt me "lakuriqësinë", sepse ai është efekti i gjithë këtyre përfoljeve. Nuk e kam kompleks të tregoj nëse do të kisha bërë diçka. Betohem se gazetarët do të jenë të parët ata që do ta marrin vesh në qoftë se unë bëj diçka.

Pak politikë…, por thonë se ju keni marrë pjesë edhe në një garë elektorale për deputete në Kosovë...

(Qesh). Jo, jo asnjëherë. Është diçka që mua, në fakt, nuk më pëlqen asnjëherë të merrem me të. Më pëlqen ta kritikoj shumë politikën, pozitivisht apo negativisht qoftë. Jam prerë për të bërë kritika pa ngurrim për ato që jane mire,apo nuk më duken mirë tek politikanët.

Ç'mendim keni për statusin e Kosovës, ndërkohë që flitet për pavarësi, për pavarësi të kushtëzuar…?

Do të përgjigjem kronologjikisht. Kosova është në progres, megjithëse është edhe pak e vështirë për ta mbrojtur atë për shkak të varfërisë. Standardet po përmbushen dalëngadalë. Ne jemi munduar me shekuj për pavarësinë. Për sa i përket pavarësisë së kushtëzuar, me sa di unë, asnjë shtet në botë, nuk ka pavarësi të palimituar në njërën apo tjetrën mënyrë. Tash varet se me ç'ka është e kushtëzuar dhe nuk më përket mua të flas për këtë punë. Më duket se kryeministri ynë, Çeku, është në Tiranë dhe po merret me këtë punë. Atë mundeni ta pyesni dhe do të jetë pak më shumë objektiv se unë. Po pavarësia është ëndrra e çdo kosovari. Edhe imja.

Gjatë luftës në Kosovë u fol shumë se ju jeni rrëmbyer nga Arkani. Cila është e vërteta e kësaj historie?

Unë kam dhënë shumë intervista në lidhje me këtë gjë. Nëse unë do të isha rrëmbyer nga Arkani, atëherë nuk do të isha këtu me ju duke ju dhënë intervistë. Unë këtë njeri e kam parë vetëm
në televizor dhe kam mendimin që ka gjithë bota për të.

Si e shpjegoni faktin që ju jeni puthur me Genta Ismailin në buzë?
Mendoni se ne do të ishim puthur drejtpërsëdrejti në një xhirim, siç themi ne, të video - projekteve të vitit të ri?! Asnjëherë. Ishte një vallëzim spontan mes meje dhe saj, dhe unë e theksoj se e kam shoqe, dhe në atë moment ne u përqafuam faqe më faqe. Ishte thjesht një vallëzim në formë përshëndetjeje. Mirëpo, si duket dikush ka nxjerrë, siç themi ne, kuadra gjatë montazhit. Ajo puthje është e montuar dhe është lançuar në internet. Po, edhe nëse do ta bënim, do ta bënim në një koncert të madh, jo si kopje e Madonës dhe Britney, por diçka më interesante. E di që sensacion mund të jetë vetëm skandali. Mirëpo vërtet këtu nuk ka, nuk ekziston. Përndryshe, unë preferoj mashkullin në këtë aspekt (shikon nga e ëma dhe qesh).

Ju keni një repertor të pasur me këngë të rrymave të ndryshme. Përse imitoni këngët e vendeve të tjera si p.sh ato turke?

Jo, aspak. Jam më së shumti imituese e këngës shqipe. Në Kosovë tashmë është një aktualitet që të kapen se cilat këngë janë të vjedhura, ose të huazuara, siç themi ne. Është publikuar një këngë e imja, sikur është vjedhur, huazuar nga një bullgare. U dëshmua se kënga ime është kënduar më nëntor të vitit 2001, ndërsa e bullgares në vitin 2005. Pra mund të krenohem. Ndoshta kjo nuk është modesti. Mund të krenohem se i kam shpëtuar bastardimeve të ndryshme që bëhen tani në muzikë. Ndoshta përgojimi për imitim të këngës turke, rrjedh sepse kam qenë e ftuara e një këngëtari turk (Ibrahim Tatlises) në Prishtinë dhe pastaj lindën këto, Adelina-Turqi. Unë jam shumë e lumtur që mora pjesë në koncertin e tij, madje kënduam edhe në duet këngën më të fundit të tij. Unë e zgjedh rrugën se si mund të arrij tek suksesi, me hapa të sigurt. Dhe në këtë rrugë jam origjinale. Përpiqem të jem vetvetja.

Pas 21 vitesh në skenë, e kujtoni ende këngën tuaj të parë?

Isha 6-7 vjeç, ishte kënga "Ne jemi bukuria e atdheut". Isha shumë e vogël dhe atë vit kisha filluar të këndoja. Isha në korin e Radio Prishtinës në atë kohë dhe mu besua kjo këngë që të merrja pjesë në një festival shumë prestigjioz të fëmijëve në atë kohë. Unë fitova vendin e parë nga juria dhe publiku. Kjo ishte diçka totalisht e papritur për mua.

Sa këngë ka repertori juaj?
Nuk e di se sa këngë ka repertori im, sepse në Kosovë nuk evidentohen gjëra të tilla, për shkak të atyre që ndodhën. Megjithë ato që kam kënduar, edhe tek Radio Prishtina, edhe si fëmijë, edhe si adoleshente e deri tani, 21 vjet karrierë, mund t'i afrohet numrit 700 këngë në repertorin tim. Këto janë këngë solistike.

Ju vetëm këndoni, apo ju është krijuar mundësia edhe për të krijuar muzikë? A njeh Adelina ndonjë vegël muzikore për të luajtur?

Kam mbaruar shkollën e muzikës dhe 1 vit pranë Akademisë së Arteve të Bukura, dega piano. Mund dhe guxoj të them se jam një pianiste solide, mesatare.

Sa herë ka ardhur Adelina Ismajli në Shqipëri, po në Sarandë?

Në Sarandë është hera e parë për mua dhe ndihem kaq e palumtur që qëndroj kaq pak. Unë jam vërtet e fansinuar nga ky qytet dhe siç themi ne, jam llahtarisht e mahnitur. Ndërsa në Shqipëri kam ardhur disa herë.

Juve ju quajnë pak rebele në skenë, por edhe pak inatçie. Cila është e vërteta për incidentin me Eleonora Jakupin?

Njeriu me kohë nuk ndryshon, mirëpo formohet. Unë isha një fëmijë që u zhvillua në një kohë pa kohë, sepse ne vazhdimisht përballeshim në çdo moment të jetës me raprezalje të ndryshme dhe shtypje të ndryshme. Jeta kufizohej vetëm shkollë - shtëpi. Kjo u reflektua edhe në paraqitjet e mia skenike dhe unë mora guximin të flas hapur për gjërat e gabuara që ndodhin edhe nga të tjerët, por edhe nga ne vetë shqiptarët. Për sa i përket incidentit me kolegen Jakupi, ishte diçka aksidentale, ma merr mendja mua. Për këtë më së miri mund të përgjigjet gjyqtari, i cili e mbylli rastin duke më shpallur mua totalisht të pafajshme në çdo pikë. Për sa më përket mua, unë, ka tri vite që ka ndodhur kjo gjë, nuk e kam përmendur më asnjëherë. Atë minutë që është mbyllur çështja e gjyqit, unë nuk e kam përmendur më. Kjo eshte diçka e tejkaluar në kete moment. Raportet e mia me Eleonorën kanë mbetur të ftohta, sepse unë kam dashur ashtu. Nuk më ka pëlqyer pse Jakupi viktimizohej shumë nëpër media. Nuk ishte edhe aq e rëndë. Ka mundur edhe treni që ta shkelë dhe do ishte një gjë normale që mund të ndodhë.

Do të pranoje të jepje një koncert recital me këngët e tua, nëse do t'ju bëhej një ftesë nga Bashkia e Sarandës?

Do të isha njeriu më i lumtur në botë që të jem me koncert në Sarandë, por jo vetëm këtu, në çdo vend shqiptar. Unë tani po e shoh se sa kam humbur që nuk kam qenë në Shqipëri. Mirëpo jeta deshi ashtu, nuk ishte e qëllimshme, por kurrë s'është vonë kur shpirti do.

Ju jeni një zonjushë?

Ende po.

Do të preferonit të njiheshit me një djalë nga Shqipëria?

Pse jo. Unë nuk kam paragjykime. Absolutisht.

Cila është e nesërmja juaj artistike?

Këtë vit kam shumë plane. Unë e kam ters kur flas për planet e mia paraprakisht, sepse nuk realizohen pastaj. Diçka ndërthuret në këmbët e mia dhe rrëzohem.( Qesh).
Adelina është e pasur, mesatarisht e tillë, apo e varfër?

Sa bukur që nuk më pyetët, a jeni e pasur? E pasur, jo që jo. Mund të them që kam një jetë normale. Pasuria ime më e madhe është harmonia, familja ime dhe shëndeti që kemi.
Nga sa persona përbëhet familja juaj?

Nga katër njerëz dhe dy shtazë. (Qesh).

“Puthja” që tronditi botën shqiptare

Vetëm pak muaj më parë dy bukuroshet më seksi të Kosovës, Adelina dhe Genta Ismaili pushtuan faqet e gazetave, si në shtypin kosovar ashtu dhe atë shqiptar. Shkak u bë një foto, ku dy bukuroshet ishin duke u puthur në buzë me njëra-tjetrën. Sipas gazetave, Adelina dhe Genta Ismaili janë puthur në buzë, në skenë, gjatë një koncerti të organizuar në Prishtinë nga DEA. Koncerti organizohej me rastin e festave të fundvitit dhe në të merrnin pjesë këngëtarë shumë të njohur nga Shqipëria dhe Kosova si Ermal Fejzullahu, Rovena Stefa, Zanfina Ismajli, etj. Por filmimet e këtij koncerti janë shfaqur vetëm në muajin mars. Dy këngëtaret e njohura për zërin dhe lukun e tyre befasues në skenë, sipas mediave janë puthur ashtu sikurse Madona e Britney Spirs, dy vjet më parë në ndarjen e çmimeve të MTV-s. Por këngëtarja Adelina Ismajli e ka mohuar këtë ngjarje duke deklaruar se filmimi ishte i montuar.

“Arditi më tepër mik i mamasë sime”

"Arditi ka krijuar një raport më të mirë me mamanë time se sa me mua vetë", tregon duke qeshur këngëtarja e njohur për marrëdhëniet me kolegun shqiptar. Adelina tregon se Arditi e ka shoqe nënën e saj Mona, së cilës ajo ia dedikon suksesin. Ndërsa për vete tregon se përveçse koleg të mirë, me Arditin ka dhe një miqësi po aq të mirë. "Kemi qenë në shumë turne së bashku. Kemi një miqësi shumë e mirë, pa kompromis, e pakushtëzuar", thotë ajo duke shtuar se një gjë që është shumë e vështirë të bëhet është, një miqësi pa kurrfarë interesi. "Është e vërtetë që Gjebrea është një mik i madh i Kosovës, posaçërisht i artit kosovar", thotë Ismaili.

Adelina pianiste

Vajza kosovare ka lindur në vitin 1979 në Prishtinë. Ka mbaruar shkollën për muzikë dhe 1 vit pranë Akademisë së Arteve të Bukura në degën e Pianos. "Mund dhe guxoj të them se jam një pianiste solide, mesatare", tregon me sinqeritet këngëtarja e njohur.

Çmimi i parë

Ka qenë 6-7 vjeçe kur ka fituar çmimin e parë të jetës së saj.
"Ishte kënga "Ne jemi bukuria e atdheut". Isha shumë e vogël dhe atë vit atë vit kisha filluar të këndoja", kujton Adelina me nostalgji festivalin e fëmijëve që i hapi rrugën e artit.

Shtatë qind këngët

Nuk mund të thotë me saktësi se sa këngë ka kënduar një nga popstaret më të reja në moshë, por më me eksperiencë në muzikë. "Në Kosovë nuk evidentohen gjëra të tilla, për shkak të atyre që ndodhën. Por shifra mund t'i afrohet numrit 700 këngë në repertorin tim", shton ajo.

Marrë nga Tiranaobserver

[Zevzeku]

Pas nje pauze te shkaktuar nga nje tragjedi familjare,Diva Ismaili i rikthehet skenes muzikore duke filluar me organizimin e nje koncerti humanitar per legjenden e luftes dhe paqes se Kosoves,Ramush Haradinajn,per te vazhduar me koncert madheshtor ne Sarande me kolegun Ardit Gjebrea si dhe risia e fundit-videoklipi i shumepritur ku shohim nje Adeline te re e cila ndeshet me te vjetren,imazh dhe performim krejtesisht ndryshe,kenge e zhanrit hard-rock.Videoklipi "Miredita" eshte bere shkak i inicimit te shume shkrimeve dhe emisioneve speciale ne Kosove,sepse perveq atraktivitetit vizuel, ne vete permban edhe mesazhin e luftes individuale kunder krimit.Shohim nje Adeline e cila rrahet me dy meshkuj ne stilin "Tomb Raider".Adelina-pa fund skandale e pa fund suksese.Shikim te kendshem.

[Zevzeku]

Adelina Ismajli deshmohet prap pas pas 21 vite kariere ne Polifest ku ishte e vetmja e cila u duartrokit aq shume saqe e detyrua te kthehet tre here bis ne skene.Jam mahnitur me kete Madonne shqiptare.Loje skenike tmerresisht e bukur.Nexhmije Pagarusha e quajti "Hyjneshe",Ardit Gjebrea" Fituese".Sa keq qe nuk ishte ne konkurence Apo ndoshta me mire,sepse ia di vleren vetes.Mahnitese.Kosova mbreme ia dha cmimin me te madh Adelines.Dashurine e paskaj...