Adelina Ismaili

[Besi_11]

Nuk e di valla per Adeline po te flas eshte caresh dhe i ka hije gjiteqka edhe qka vesh me besoni ,pra me e mira eshte ne gjithe Shqiptarin ........E zoja bre .hallall i kofte asaj.........

[^AngeL^]

besi edhe un ashu si thu ti mendoj.....yll eshte,,ajo ka dal miss kosova,,vec kush e ka inoti dhe ka zili i thot e shumtume,,se trup e tana i ka

[Bl3ri]

Adelina Ismajli

[Flori]

Kengetarja shqiptare nga Kosova Adelina Ismaili eshte nje kengetare qe ne estraden e muzikes shqiptare per 20 vjet rresht ka argetuar publikun shqiptar si ne Kosove, Maqedoni, Shqiperi dhe Diaspore.
Adelina Ismaili prej ne moshe te re ka filluar te mirret me muzike. Talenti i saj eshte i pakontestueshem. Mirepo Adelina Ismaili pervec muzikes dhe kenges shqipe, publikut shqiptar i ka prezentuar dicka edhe me shume se muzika. Ajo ka qene e zgjedhur edhe si "Miss Kosova" ne fillim te viteve te nentedhjeta.

Paraqitja e Adelina Ismailit ne skenen e muzikes shqiptare ka qene me plote surpriza si ne tekstin e kengeve, muzikes, veshjes, pamjes, vallezimit, etj. Lirisht mund te themi se Adelina Ismaili me talentin e saj ka qene nje pasqyre e vertete e kohes se vuajtjeve shqiptare, nje rebelim i vertete qe nuk eshte pajtuar me shume sende ne Kosove dhe jeten e perditshme te shqiptareve. Sidomos Adelina nuk e ka pranuar poziten inferiore te femres shqiptare ne shoqeri. Ndonjehere vete veshja, pamja e Adelina Ismailit neper video klipe te shumta te saj mund te tregon me shume se vet teksti i kengeve te saja.

Te gjithe e dijme se Adelina Ismaili ne skenen e muzikes shqiptare u fut pikerisht atehere kur populli shqiptar i Kosoves gjindeshte nen okupimin serb. Adelina permes kengeve dhe spoteve te saja tregonte se rinia shqiptare dhe vete Adelina nuk pajtohen me politiken defensive shqiptare. Nuk pranojne okupimin serb dhe tkurrjen e shqiptareve ne zgripce. Aju permes kenges do te na thote "deri kur keshtu.." Adelina ne nje spot te vetin do te vesh uniforme ushtarake, pastaj do te kendoj kengen "Lavdi Ushtarit", ne nje tjeter do t'i perkujtoj deshomoret e Kosoves "Zahir Pajaziti". Pas luftes, konvertimin e politikaneve komunista shqiptar ne demokrate fetare, do ta quaj "Sex Bomb" duke e filluar kengen me Salatet dhe me vallezim "Belly Dance". Sikur Adelina don te na tregoje, "kur ata nderrojn qimen si ujku", une Adelina Ismaili "Behem Sex Bombe".

Adelina Ismaili kur kendon ne skene eshte artiste e vertete. Aura e saj zoteron skenen dhe me levizjet artistike pushton publikun me surprizat e reja qe shpesh ndodh jane perditshmeri e jetes se rinise shqiptare. Adelina ka guximin e Shotes Shqiptare, ndaj edhe e kendon vallen e Shotes ne nje kenge, qe elitave te ndryshme, qofte politike, qofte ekonomike, qofte fetare, "fraerave" te ketyre elitave korruptuese shqiptare ne Kosove, premtimeve te tyre mashtruese, me nje fjale te kenges qe eshte zhargon ditor i rinise shqiptare t'u tregoj se ku e kane vendin:"Shko n R. S."...

Flitet, cka nuk flitet per Adelina Ismailin, spekulohet per cdo paraqitje te saj, levizje te saj, ka fraer Adelina apo nuk ka, eshte e dashuruar Adelina apo nuk eshte, kurse akush nuk ndalet te mendoj se edhe Adelina eshte "Qika e Prishtines" qe kerkon dashuri, pret per nje grimce shprese ku edhe zemra e saj pushtohet nga ndonje mashkull. Adelina edhe kur te dashurohet i ka hije se eshte ikone e Kosoves per Muzike, per vallezim, per surprize...Adelina Ismaili eshte per gjithcka dhe qendron mbi vet shpirtin e Adelina Ismailit. Adelina eshte Qika dhe Vajza e Prishtines per kengen Shqip.

Kritiket e muzikes ende nuk e kane thene fjalen e vertete per Adelina ismailin. Vetem hoxhallaret, kur Adelina zgjedhet "Miss Kosova", paten thene, "kembe cullukja Adelina Ismaili po ua merr mend xhematit tone neper xhamia...na eshte bere krejt tallava muhabeti neper mexhlise...". Me fjale tjera Adelina Ismaili prek edhe imagjinaten e korruptuar te hoxheve dhe prifteve shqiptare.

Kritiket e rastit thone se ne disa kenge te saj dominon kiqi, shundi, emitimi, etj. etj. dhe kritiket profesional te muzikes shqiptare mbeten ende pa ndonje formulim te vertete per artisten, kengetaren shqiptare nga Kosova, Adelina Ismaili.

Sidoqofte, Adelina Ismaili do te na kendoje ende shqip, edhe disa vjet tjera me radhe, do te kemi edhe surpriza tjera, do presim edhe ndonje Album te Ri me te mire se "Mbreteresha dhe Roberesha", deri sa vet Adelina te mbetet simbol i kohes qe po e perjetojme me kengen e saj "BUKE E KRIPE ME KOKA KOLLE".... Hajde shqiptare, hajde...se na eshte bere koka krejt TALLAVA me kenget e Adem Ramadanit "Piskame deri ne Sabah" si mevludi i Tahir Efendi Popova... "Ta permendim Zotin ne pergjitmone"...Ruana, o Zot, se krejt cka servohet nuk eshte edhe muzike shqiptare... Ndersa per vehabistat e ri ne Kosove muzika e Adem Ramadanit eshte hallall, ngase na kendon ilahi, qe te mbesim edhe me gjate me "Buke e kripe e koka kolle", kurse muzika e Adelines eshte haram... Ku ku medet per neve, a krejt kemi harruar se MUZIKA ESHTE ART...

[besarti]

Une mendoj qe Adelina eshte kengetarja me e sukseshme ne Kosove/Shqiperi! Por mendoj qe ajo eshte edhe ma e ndegjueshmja!

Prej qe ka dalur shpirti i shqiptarit ne net, jam vizitues i rregullt dhe nese nuk gaboj Adelina ka qene me e ndegjueshmja!

@Albo
Nese i ke statistikat qe nga fillimi s'do te ishte keq qe ne 10 vjetorin e faqes t'i publikosh, te pakten ato te muzikave! Jam shum i sigurte qe Adelina do te jet ne vend te pare!

E mbaj mend si femije kur kendonte ne RTP! Rrespekt...!!! se sa kengetarja erdhi e shkoj e Adelina eshte ende ne skene, kjo e tregon aftesine e saj! Ska nevoje per ma shum fjale!

[Bl3ri]

Adelina Ismajli

[Bl3ri]

Sensacionet në festivalet shqiptare gjithmonë kanë munguar. Kryesisht diskutohej (përveç këngës) ndonjë kërcim amatoresk ndonjë veshje e guximshme e ndonjë aksident skenik…dhe pastaj erdhi Adelina Ismaili. Nëse herën e parë testoi skenën shqiptare, kur u rikthye në “Festivalin e Këngës në RTVSH” i la të gjithë gojëhapur. Një këngë perfekte, kërcim perfekt dhe veshje / zhveshje perfekte. Ishte diçka që në ato momente askush nuk mund ta kishte menduar se do të sillej në skenen tonë, por Adelina nuk gaboi, përkundrazi ju provoi të kundërtën e kështu vazhdon të bëjë edhe sot. Pothuajse dhjetë vjetë më vonë, vazhdon të mbetet një ndër këngëtaret më të preferuara e më seksi në Shqipe, duke u adhuruar jo vetëm nga fansat, por edhe koleget e saja. S’kam pse ta fsheh që kam simpati për të, pasi për mendimin tim ajo ka qenë dhe do të mbetet edhe për një kohë të gjatë i vetmi Pop Star në muzikën shqipe. Nuk do zgjatem në arsyet, se përse e kemi zgjedhur si këngëtaren më seksi, pasi mjafton ti hidhni një shikim fotove EKSKLUZIVE për OH!SHQIPE në seksionin e Galerisë dhe do të na kuptoni.
VËRENI!
Ju rekomandojmë fotot ti shikoni në shoqërinë e një miku/mikeje të cilët në rast se mbyteni, mund të telefonojë urgjencën lol.


Elbino: Kur ka qenë hera e parë që keni dëgjuar të ju quajnë "seks simbol" dhe si keni reaguar?
Adelina: Ishte viti 1997. Sapo isha zgjedhur Miss Kosova dhe një adhuruese më uroi duke më quajtur "seks simbol shqiptar". Natyrisht, kur dikush e quan seks simbol një person të cilin çdo ditë e shikoj në pasqyrë, reagimi është një habi e madhe dhe në gojë më erdhi pyetja "E pse unë seks simbol?!". Gjatë më kishte penguar ky epitet. Por ishte vendimtare një bisedë me të madhen Nexhmije Pagarusha e cila më bëri të ndihem mirë në lëkurën time. Posaqërisht tani kur e di se të qenit seksi nuk ka të bëjë me fjalën "seks", por me karizmën, sharmin, qëndrimin e njeriut.
Në Shqipëri, por në Kosovë më së tepërmi sa herë që dhe një këngëtare e re dhe seksi fillojnë krahasimet se kush është më seksi ajo apo juve lol p.sh. me Leonora Jakupin, më pas me Gentën, Nora Istrefin etj...a thua ju kanë shndërruar në një njësi matjeje të bukurisë në Kosovë?
Hahahahaha, jo jo jo, unë nuk mund të jem njësi matjeje e bukurisë kosovare. Jo assesi. Ne kemi vajza shumë më të bukura se unë, fotomodele, manekine, këngëtare, etj. Edhe unë befasohem që sa herë lind një këngëtare e bukur në skenën tonë, bëhet krahasimi me mua. Pse harrohen këngët dhe videoklipet ku unë me qëllim shëmtoja veten, për të ardhur në shprehje kënga dhe interpretimi im? Prap them se "fajin" e kam vet, sepse isha e para që u mundova të tregoj që femra shqiptare edhe mund të këndojë, edhe vallëzojë, por edhe të duket bukur. Dhe jo siq na paramendonin dikur, femra të shtypura, me shami dhe mantele të cilat shërbejnë për të lindur fëmi dhe për ti robëruar rrethit. Jo, vetëm desha të tregoj se për shqiptarin femra nuk është skllav. Njerëzit si duket mbajnë në mend që unë them se një femër e bukur, mund të jetë edhe e aftë. Dhe tani skena jonë është plot femra të bukura dhe të afta. C'mon, nuk është e thënë të jesh e shëmtuar, për të qenë këngëtare e mirë! Në vendet perëndimore, por edhe lindore, çdo artist i kushton rëndësi të veqantë pamjes se vet. Eh, mund të them që krahasimi me bukuroshet e skenës është kompliment i madh për mua.

Kur jeni puthur-apo ju kanë puthur për të parën herë? Si ka qenë puthja e parë )
Isha në spital. Atë ditë po festohej një ngjarje shumë e rëndësishme. Një grua kishte lindur fëmiun e parë të saj. E mbaj në mend sikur të ishte dje, edhepse isha shumë e re. Ajo grua ishte nëna ime, e puthura isha unë. Ia ktheva puthjen dhe u shkreha në vaj, kërkoja ushqimin hahahahahaha. E di që prisje përgjigje tjetër, por këtë grimcë intimiteti të cilin ende nuk e ka prekur show-biznesi më lejo ta ruaj për vete. Skenës i kam dhënë shumë, nuk dua ta teproj.

Sipas Adelinës, çfarë e bën një femër seksi e çfarë jo. Po një mashkull?
Për mua tërheqëse është një femër e cila është spontane e cila në asnjë moment nuk tenton të lë përshtypjen e femrës fatale, apo një femre "macho", siq i shoh plot femra me sjellje arrogante apo qëndrim të shtanguar duke pozuar edhe në banjo. Gjithmonë më duket seksi një femër e cila buzëqesh bukur dhe ka në vete një fragjilitet të ndërthurur me qëndrim spontan. Pak a shumë, ngjashëm mendoj dhe për mashkujt. Ok nuk pres fragjilitet tek mashkulli hahahahaha, por ecja, qëndrimi dhe buzëqeshja spontane gjithmonë është seksi.

Sipas mendimit dhe shijes suaj personale cila është këngëtarja më seksi
në Shqipe, po në botë?
Uh, pyetje në të cilën do të mund të bëja një listë me qindra emra hahhahaha. Kam aq shumë kolege që i konsideroj seksi saqë do të turpërohesha po ta harroj ndonjerën e cila nuk me bie në mend në këtë moment. Kam shijen e publikut besoj në këtë aspekt. Edhe mua më duken seksi këngëtaret tona që publiku i vlerëson si të tilla. Gjithashtu edhe për këngëtarët botërorë kam një listë të gjatë hahahaha, por në këtë moment më duhet ta përmend J.Lo e cila seksipilitetin e vet e maskon për mrekulli me aftësi tjera. Sigurisht dikush pret ta pëermend Shakirën hahaha, por është aq shumë e imituar nga këngëtaret në Ballkan saqë më ka ikur lezeti edhe ta shikoj. Edhepse e çmoj shumë seksipilitetin aq origjinal të saj ku në vallëzim ndërthur edhe trendet perëndimore edhe përdridhjen orientale.

Si mendon njerzit e kanë në gjenetikë të qenit seksi apo e kultivojnë
gjatë jetës ?
Mendoj se ka të bëjë me natyrën e njeriut. E ke apo nuk e ke. Shumë njerëz joshin përreth pa vetëdije dhe kjo i bën shuuuumëëë seksi. Nuk besoj as në gjenetikë, por as në "seksipilitetin e kultivuar". Kjo e fundit më duket artificializëm qesharak.

Biseduam pak më parë për një shndërrim total të Adelinës në albumin dhe videon e re. Mund të na shuani kuriozitetin me ndonjë detaj të vogël?
Hmmm....Edhepse e kam të ndaluar të flas për çdo projekt para finalizimit, mund të them që së shpejti do të shohim një Adelinë ndryshe. Dhashtë Zoti dhe përkundër të gjitha vështirësive aktuale, arrij të bëjë diçka që do të kënaqë adhuruesit e mi. Dhe patjetër që dua të falënderoj “OH!shqipe” për pozitivitetin që sjell tek ne. Një puthje infinitive për të gjithë ju.

Intervistoi: Elbino

Të drejtat e autorit © "OH!shqipe" 03/2006.

[Bl3ri]

Adelina Ismajli eshte vertet DIVE

[Bl3ri]

Adelina Ismaili

20 vjetet e Adelinës si këngëtare

Ajo flet dhe tregon se si ne nje koncert ne Drenice , derisa ajo kendonte , i afrohet nje vajze dhe i dhuron lule , ajo vajza tashme kengetare e estrades sone shqipetare ne moshen e Adelines e cila mundohet te behet rivale ose e quan veten rivale te Adelines .
Shume e shume gjerta per Adelinen mundeni me lexu me poshte .

E njohim qysh e re kur për herë të parë u bë idol për qindra fëmijë kosovarë. E njohim si vajzën e parë që kishte marr guxim të deshët para auditoriumi shumë serioz në Festivalin e RTSH-së në Tiranë, atëherë kur kishte vetëm 18 vjet. Të gjithë e njohin Adelina Ismailin, madje edhe fëmijët më të vegjël, ata të cilët që nga fëmijëria këndojnë vargjet e këngëve të kësaj këngëtare.
Thonë që është rebele, por e tillë nuk është. Është egër kundër padrejtësive që i bëhen jo vetëm asaj por edhe kolegëve të saj. Ata që e njohin thonë se Adelina ka bërë shumë për Kosovën.
Në datëlindjen e saj të njëzet nuk ishte shkuar ashtu siç ajo e kishte planifikuar më parë, por ia që të tjerët i kishin dhënë asaj komplimentet më të mira.
Shkurt e shqip, Adelina Ismaili, këngëtare arriti dhe do të jetë idili i gjithë shqiptareve për jetë. Më këtë duhet të krenohet vetë ajo dhe gjithë shqiptaret sepse ajo është qika e Ilirëve, e kosovareve dhe e gjithë shqiptareve.

Çka mund të thoni tash pas njëzet vjet karriere në skenën kosovare?

Them se jam njeri më fat. S'di a guxoj ta quaj vetën të prekur nga Zoti, por atë që e kam pasur dhe e kam ndarë me auditoriumin. Më është dhënë mundësia që të jem para tyre. E kam shfrytëzuar duke ndarë lumturinë, vuajtjen, gëzimin, dhembjen, të gjitha më ta. Kam marr këto ndjenja nga ta dhe i kam përjetuar, por edhe i kam dhënë. Edhe pse ishte rrugë e shtruar me therra. Por sa të rrezikshme ishin ato, motivi rritej edhe më shumë. Kam kaluar momente të tmerrshme, por ato kalonin, unë mbetesha po kjo që jam. Nuk brengosesha për pisllëqet e "të mëdhenjve" të cilëve iu pengoja. E dija së publiku jep notën reale. Dhe dëshira ime për të thënë atë që është, për të kënaqur njerëzit me këngën time, për të zbutur dhembjen e dikujt, për të nderuar ata që duhet nderuar, për të dhuruar dashuri, më është shpërblyer më shumë se që do të mund të imagjinoja. Kam mësuar shumë. Respektoj mendimet e çdokujt, por unë jam ajo qe vendos kush është person i çmuar për mua dhe kush mundet të jetë në afërsinë time. Të tjerët e kanë të pamundur të depërtojnë afër meje. Nuk i nderoj as me nen çmim. Jam e lumtur. Pas 20 vjet punë permanente, unë kam edhe shumë për t’i dhënë atyre që nuk më braktisën gjatë tërë këtyre viteve. Meritojnë befasi të këndshme nga unë. Vetëm të më jepet rasti të dhuroj. Nuk dua më shumë. Sot mund t’i shlyej këto dy dekada karriere, unë do të filloja nga e para dhe do të bëja prapë të gjitha ato që e bëra, sepse ata që më duan, e nuk janë të paktë, e meritojnë. Mund të them që ngadhënjeva në profesionin tim. Primarisht kënaqa vetën dhe ata që më duan. Tjerët për mua janë të parëndësishëm.

Kush ju ka mbajtur kaq shume ne skene, publiku apo dashuria ndaj skenës?

Këto dyja nuk ndahen. Është publiku ai që bënë skenën të shenjtë, dhe si të tillë e nderoj duke ia dhënë dashurinë time publikut nga skena. Dhe janë ata që vlerësojnë sa jam e sinqertë në ndjenja, e jo unë. Janë ata që më mbajtën gjallë kaq shumë më magjinë e muzikës. Jam pjesë e tyre. Deliriumi pozitiv i publikut në sallën "1 Tetori" në Prishtinë ishte fuqia ime. Dhashë atomin e fundit për të bërë të pamundurën. Kisha para vetës një organizim të tmerrshëm, ku nuk na u mundësua të këndojmë "live", ku çmimi i biletës ishte tepër i lart për kushtet tona, ku nuk u nderuan të ftuarit e mijë VIP, ashtu siç e meritojnë, moti i ligë, kisha një kabinë të neveritshme mu në skenë, kisha mijëra adhurues para sallës që lusnin për uljen e çmimit te biletës, nuk kisha mbajtës mikrofoni deri sa ma gjeti sigurimi! Me kërkuan para për të ndezur fishekzjarrët në fund të koncertit. Edhe pse i dhashë, nuk i ndezën, dhe ende nuk jam paguar as unë dhe asnjë mysafir imi për koncertin. Ata duan para, ne duam ta kënaqim publikun. Prandaj të gjitha i përballova dhe dhashë maksimumin. Si çdo herë, unë kundër problemeve. Dhe kur dikush merr guximin që mua të më kritikojë për anomalitë e organizatorit, unë e pyes pse bënë një gjë të tillë, kur e di që nuk është faji im? Me përgjigjet aq mjerueshëm saqë më bënë të qesh dhe të bindem qe nuk është kritikuar koncerti, por aktivitetet tjera të Adelinës të cilat dikujt i dhembin sikur kur ulen në biçiklete pa shalë hahahaha. Dhe gjatë bisedës miqësore me "kritikuesin", ai me ofron të blej një këngë nga ai hahaha. Nuk ka me etike, vlen rregulli "duam para". Eh, edhe këto probleme me motivojnë që njerëzve të tillë, me punën time e cila bazohet në dashuri ndaj publikut, indirekt "t'ua tharb hundët" me notën që më jep publiku. Por, patjetër me duhet t’i falënderoi dhe mysafiret e mi te mrekullueshëm pa të cilët kurrë nuk do të arrija të bëjë diçka kaq të bukur. Falënderoj një Nora Istrefi, bombe e muzikës sonë, një Gresa Behluli këngëtare e mrekullueshme e cila po ndërton më hapa të sigurt karrierë më të cilën të gjithë do të mburremi një dite, një Fjolla Krasniqi e cila përpos zërit të shkëlqyer shndrit me sharmin e saj skenik, Zanfinen e uroj të jetë këngëtare e mirë por pa me ngacmuar në duet ahahaha, dhe një këngëtar tashmë të dëshmuar, një yll më zë dhe përformanse magjepse Ermal Fejzulahu. Le ta dinë se i dua.



Cilat janë momentet më interesante që do i veçoje që nga fëmijëria e deri më sot, gjatë kësaj karriere?

Janë shumë. Arrita të depërtoj në "Akordet e Kosovës" edhe pse isha fëmijë i zakonshëm punëtoresh të thjeshtë, edhe pse nënçmohesha nga nënat dhe baballarët e "mëdhenj" të komunizmit. Pastaj gjatë pushtimit serb bëra videokasetën e parë për fëmijë duke e ndërprerë xhirimin për t’u fshehur pas shkurreve nga "milicia" serbe, isha tri herë në paraburgim në shtetet sllave për shkak të teksteve të mia, improvizova e para uniformën e Ushtrisë se Kosovës në zemër të Drenicës ku njerëzit digjnin rrobat e trupin nga ngazëllimi. Ah po,me kujtohet dhe një moment kur një vajze vrapoi nga publiku dhe puthi Beken me afsh, kurse mua me dhuroi lule dhe me luti te "fotografohej me idhullin e saj", vajzë e cila tash është këngëtare e moshës sime nga Drenica dhe shpreson që do të jetë armike imja, pastaj ikja nëpër mal nga salla sportive në Pejë nga "milicia" serbe, pastaj 101 trendafila të freskët para këmbëve të mia të dhuruar nga një adhurues në Gjermani, pastaj një sportist shqiptar me renome botërore që po thëntë gotat me duar derisa këndoja dhe vështroja e çuditur gjakun, dirigjenti më nam botëror Zhani Ciko i cili pas zhveshjes sime në Shqipëri me tha:"E sheh qe te ka hije çdo gjë? Kthehu në skene, mos u friko ka dhjetë minuta që po duartrokasin". Mos të harroj “Miss Kosova 1997” kur u desh të ndërrohej juria tri herë brenda ditës sepse “Miss 1996” e cila ishte kryetare e jurisë kundërshtonte pjesëmarrjen time, pastaj jam shqiptarja e parë që po merrte pjesë ne “Miss Globe”, ku shpalla vetën qytetare të Republikës se Kosovës dhe "ngrëna shqelmin" e diskualifikuar sepse kishte reaguar ambasada "jugosllave" dhe derisa kryetari i jurisë ishte para infarktit, unë qeshesha plot qejf më kokë ulur, momente të paharrueshme kur unë adoleshente në turne nëpër Evropë me kolegë më të moshuar lozja e vetmuar duke ua ndalur dritat në skenë, ç’kyçur zërimin apo ua "huazoja" mikrofonin para daljes në skenë dhe ikja duke qeshur, e kur më zinin më shpienin tek nena ime për veshi, pjesëmarrja para 150.000 njerëzve në Tirane me DJ.Bobon kur gjatë provës gjenerale dëgjova fjalën "do na turpërojë kosovarja" nga një njeri "i madh" i RTSH të cilin e nderova më një "grusht gjakderdhës" mu në goje dhe fitova respektin nga ai, trashaluqi i dehur ne Zvicër i cili u ngjit në skene për të vallëzuar para meje duke me detyruar ta marr për dore dhe të shkoj në kuzhinën e sallës më të për ta mbyllur në frigoriferin e madh deri sa të këndoj pikat e mia dhe derisa t’i ndihmoj njeriut që të vije në gjendje normale, revolen në kokën time para se të dilja në skene në koncert në Stadiumin e Prishtinës, adhuruesit të cilët shpërthyen tri rende ushtarake dhe përfunduam sikur të na kishte zënë një mbështjellës betoni i adhurimit, lajmërimi i granatës në Besianë para 12.000 spektatoreve të cilët nuk lëshonin vendin dhe unë vendosa të këndoj për ta, për të ardhur polici pakistanez të më arrestojë, i cili e dinte që lajmërimi ishte i rrejshëm dhe e nderova "pa qellim" duke vallëzuar me mikrofon në barkun e tij qe t'ia mbyllja gojën gënjeshtare dhe të vazhdonim të kënaqeshim me publikun. Ndeshja basketbollistike ku gjoksi im me forcat e fundit po kërkonte "pavarësinë" nen korsetin e ngushte, rrëzimi im spektakular në pishinë nga e cila dola si pulë kamioni, por edhe nga tavolina gjatë xhirimit te nje videokasete festive nga i cili s'mund ndenja ulur 4 dite,dhe se fundi "entuziazmi" i pantallonave të mia gjate koncertit për 20 vjetorin e karrierës, të cilat "shpërthyen" nga kënaqësia që ishin bashkë me mua hahahahahaha. Janë këto vetëm disa që në këtë moment më kujtohen, por vërtet jeta skenike deri tash ka qenë e hidhur por edhe shumë e ëmbël për mua sepse çdo gjë që kam bërë ose që më ka ndodhur e kam përjetuar si kënaqësi.

A mund t'i numërosh personat qe keni bashkëpunuar më ta gjatë kësaj periudhe?

Janë shumë dhë të gjithë gëzojnë respektin tim. Nga Afrim Macula që më bëri këngën e parë "Ne jemi bukuria e atdheut", profesoresha e pianos që gjeti dellin tim për këndim, Pranvera Badivuku që më udhëzoi në botën e këngës, Naim Krasniqi, Xhevdet Gashi, Ilir Berani, Ëirusi, Ilir Osmani, Andin Randobrava, Ardit Gjebrea, prof. Valton Beqiri, Florent Boshnjaku, Beka, prof.Ilir Bajri, Haki Krasniqi ,Gaxibo, Zhani Ciko, pastaj një i madhi Sevdai Radogoshi, "Stupcat", Adem Mikullovci, Gani Iberdemaj, Agim Sopi, e shumë të tjerë të cilët shpresoj që të mos i kem harruar. Pa anashkaluar faktin që inspirim imi ishin koleget e mi duke filluar nga legjenda e gjallë Sabri Fejzullahu, Shkurte Fejza, Remzije Osmani, shoqja ime Gili, pastaj grupi i atëhershëm Jericho Ëalls, Elita 5, reperet tonë, këngëtarët e rinj supër të talentuar që i gëzohem suksesve të tyre, e shumë të tjerë që më motivojnë të merrem më muzikë.

Gjatë karrierës keni takuar njerëz te mire dhe njerëz jo edhe aq te mire, apo thenë me thjesht miq të Adelinës dhe armiq. Pas këtij suksesi dhe atij në të ardhmen, çka do i thojë këtyre miqve dhe armiqve tuaj?

Hahaha, miqve mundohem dhe ua kthej për të mirë, ndërsa armiqve u them "Ua kthefsha për të mirë",dhe zakonisht "ua kthej për të mirë" duke ua dhuruar kafshim thonjesh sa më të mbarë gjatë punës dhe sukseseve të mia, të deritanishme. Ndoshta, nesër nuk do të jem më në skenë, ndoshta do të jem më e padashura, ndoshta do ta braktis këngën, por i kam nderuar ata që e meritojnë dhe i kam luftuar më shumë sukses ata që më kanë thurrur ndërskamca, me kanë cenzuruar, më kanë fyer. Jam gjak arbëri dhë të mirën e të keqen e kthej shumëfish.

Kush ka qenë miku më i afërt i Adelinës në skenë për 20 vite?

Mike, bodyguarde, ndihmese, udhërrëfyese, menaxhere, kritike, personi që ka sakrifikuar gjysmën e jetës se saj për mua ka qenë Mona ime, nëna. Njeriu mund t’i bëjë të gjitha në jetë, por borxhin për prindin e mirë nuk arrin ta shpaguaje dot kurrë. Dhe do vdes me ndjenjën që suksesi im është në fakt suksesi i saj.

Urimi më i mire që ia tha dikush Adelinës në datëlindjen e saj të 20 si këngëtare?

Uh, ishin shumë. Por do ta veçoja një grua në moshë me fëmiun në dorë që më tha:" Eh moj Adelina jonë, na ke dhënë me shumë vite kënaqësi sesa qe ke vite vet",dhe vajza e vogël në që në nderkohë po me përqafonte dhe këndonte në veshin tim "Pel ty jam une mbleteleshe" hahaha. Ishin njerëz të zakonshem nga publiku dhe ky urim beri që të ulë kokën dhë të fshij lotin tinëz.

Cilat kane qene emocionet e para te Adelinës në vitin e parë të daljes në skenë dhë në datelindjen e 20 në Prishtinë?

Po shikoja vetën në pasqyrë që kisha lodrën e Pink Panterit në dorë. Për ca sekonda para meje kaluan të gjitha ato që kanë ndodhur gjatë këtyre 20 viteve, miliona emocione po përshkonin qenien time. Buzëqesha dhe gemzat në faqet e mia ishin ende aty sikur para 20 vitesh. I thash vetës: "A e din çka Adelinë? Sonte po fillojmë nga fillimi!". Dhe e fillova Pink Panterin tim që më dukej se e kam kënduar dje. Është shumë i varfër fjalori i njeriut që të shpjegohet ajo ndjenjë. Do ta quaja hyjnore.

Gjithmonë jeni konsideruar rebelja e skenës kosovare, ku keni bërë edhe njëfarë revulucionë në muzikën shqiptare. Çka ju bënë rebele, dhe çka e inatos Adelinën, dhe ndaj kujt reagoni ju?

Ah,me duhet te kthehem tek filozofi im i preferuar, Nietzche dhe ta citoj :" Te rebeluarit janë të guximshmit që sfidojnë realitetin e hidhur duke u sakrifikuar. Po qesë kanë sukses në do t’i përkrahim. Po qese ndrydhen nga të "medhënjte", ne tërhiqemi dhe i përbuzim". Nuk mund të them që jam tash rebele më. Kam pasqyruar realitetin e kohës, rrethanave, të mirave dhë të këqijave që simbolizojnë kohën në të cilën jetoj. Kam thënë të gjitha që kam dashur t’i them dhe që i konsideroj të vërteta. Skena ma ka shpërblyer këtë sinqeritet. Rebele apo do të thosha një luftëtare më ka bërë padrejtësia para se cilës nuk mund ta ul kokën, ia dhuroj grushtin! Ja pra, padrejtësia me inatos por edhe me motivon që të punoj për ta mposhtur. Tash dua që njerëzit mos t’i përball më me atë që u dhemb. E kundërta. Dua që ata të kënaqen duke i harruar problemet kur unë ju këndoj këngë qejfi dhe vallëzoj më ta. Na duhet pozitiviteti edhe mua,por edhe atyre që më dëgjojnë dhe shikojnë.

Gjatë datelindjës suaj në skene kishte edhe shumë personalitete politike. Cili personalitet politike ua dha komplimentin më të mirë?

Vet fakti qe zëvëndës-kryeministri, ministra të shumte, gjeneralë, kolonelë, elita e SHPK-së, shokët e mi më të mirë, shokë dhe shoqe të mija, familjaret, njerëz të gjitha partive në Kosovë me nderuan më prezencën e tyre në koncertin tim është nderi më i madh që më është bërë ndonjëherë. Nuk pata privilegjin nga organizatori që t’i ftoj të gjithe ata që desha. Por,ata njerëz që ndenjen aty duke aplauduar deri në këngën e fundit ne minus gradë celzius, është diçka që më bënë të mendoj se Zoti me ka dhuruar shume fat. Komplimenti me origjinal që më është thenë është "Ne shqiptaret duam të shkojmë në MTV. E ti na solle MTV-në në Kosovë". U kënaqa kur dëgjova këtë fjali, por ende kam shumë për të dhënë.

Ta harrojmë ditëlindjen t'i kthehemi jetës private. Si quhet qeni i Adelinës?

Haahaha .Qeni im quhet Aksi (Axi), dhe është temperament e njashtu i dashur sikur unë hahahaha.

Cilës shenjë të horoskopit i takoni, dhe a i besoni?

Besoj në ligjet e galaktikës se krijuar nga Zoti, por jo kur gazetat tona të përditshme i reprizojnë. Jam shigjetar më nënshenjë Luan, pra dy shenja zjarri, nga tri te vetmet ne horoskop. Por arrij ta kontrolloj këtë zjarr hahaha.

Cilin ushqim e pelqeni?

Te gjitha ato qe hahen. Nuk bej naze. Por parapëlqej specialitet tona, dhë të peshkut.

Çka e pengon me se shumti Adelinën në Kosovë?

Po humbim dashurinë ndaj tjetrit. Po humbet uniteti që kishim i cili na shpëtoi. Nuk jemi në gjendje të rezonojmë më larg se hunda, dhë të shohim se ne nuk jemi të tillë, por ata që vepronin dikur haptas, tash na përqajnë tinez. Po harrojmë se jemi pasardhës të popullit me fisnik në Evropën Lindore, te Ilirëve. Nuk jemi në gjendje të krenohemi me vetën. Vrapojmë pas parave, popullaritetit, ambicies se deformuar. Nuk jemi në gjendje ta kuptojmë vlerën e Kosovës dhe sa ka ajo për të na dhënë. Nuk e dijmë më, me sa pak arrihet lumturia. Unë e di. Dua njeriun që më do dhe e dua, dua shtëpi druri të vogeël më oxhak në gjëlbrim, ajër të pastër dhe cicerrimë zogjesh ku do të kalojë një prrua. Dua shumë fëmijë të cilët do të dijnë stërnipër të kujt janë. Me pengon që harrojmë të krenohemi më atë që jemi.

Thoni që dëshironi shumë fëmijë. Ju pëlqejnë që të keni shumë djem, apo ju pëlqejnë vajzat?

Vetëm dhashtë Zoti të jenë të shendoshë. Dhe po, dua shumë fëmijë, e thash. Mëndoj se do te isha e bukur shtatëzene hahahaha. Pak shaka. Unë mendoj se shenjtëria e se qenit nënë, është dhurata me hyjnore më të cilën Zoti bekoi fëmrën.

[vrojtuesi]

Adelina Ismajli eshte vertet DIVE

Si shum kush ndër shqiptari kam mendime edhe të mira, por edhe kritika për Adelinën, e sidomos për të motrën e saj që s'ka lidhje fare!

Mirëpo një gjë nuk po e marr vesh nga gjithë diskutimi për te në Forum, e sidomos adhurimi tejmase i saj nga "adhuruesi", por as nga fotot e saja provokuese nuk kuptova SE VISHET ME BREKË ADELINA APO JO!

Tung Adelinë,

" e ta hongt synin Sabri Fejzullah loçkani yt" - gjyshi yt, ndërsa këta më të rinjët me siguri kërkojnë diçka tjetër nga ti!! - ndoshta me ta dhuruar një fustan nga qelqi !!! apo ndoshta diçka edhe, edhe më shumë !!!