Postuar mė parė nga tironse_me_fiks
Hahahaahahahhaah , Tironse nuk thot u qka i paske frajerkat e mira , por thot , u qka i paske farmerkat ( Jeans ) e mira , ku i ke bleeeee ,
Te pershendes , normal qe Adelina eshte sex simboli shqipetar , eshte kengetarja me e adhururar
Shume simpatike
Ishte ne Boston..I lojti djemte nga fiqir viranka :P
ADELINA eshte ylli i skenes shqiptare,,,me cdo muzik ose kenge qe ben i pershtatet me vjeshje dhe kercim.
Two Heart, Two Minds, In Time, Did Find, One Love, One Aim, Two Paths, The Same
Te lutem mos fillozofo shume se nuk je asgje veq se nje 0 , nuk ta fut askushi ty per ate mundohesh me fillozofi diqka dhe me na tregu , ani Adelina albumin e vjedhur , aahahahahahaahah , mushu moj katundare qe nuk din asgje , hajde tash futja
shekulli
-----
Këngëtarja kosovare rrëfen se ka vendosur të tërhiqet për shkak të një krize private dhe profesionale. Jeton si në ngujim, pa celular dhe e-mail, pasi kërcënohet me mesazhe dhe është nën mbikëqyrjen e policisë
Adelina Ismaili, në krizë
Belina Budini
PRISHTINË – Nuk lëviz nga shtëpia po nuk qe e shoqëruar nga njerëz të besuar dhe me asnjë makinë tjetër përveçse me taksitë e shërbimit VIP të Prishtinës. Çdo mesazh dhe thirrje në celularin e saj privat kontrollohet nga policia dhe adresa e saj e e-mailit është e bllokuar për momentin. Shfaqet aq rrallë në bare dhe vende publike në Prishtinë, sa edhe në skena apo koncerte. Ndërsa në Tiranë kanë nisur ta harrojnë për shkak të mungesës së gjatë në skenë prej 5-6 vjetësh, në Prishtinë është ende në qarkullim, në saje të thashethemeve. Dhe ai më i fundit lidhet me “ngujimin” e saj pas një sherri në publik mes ish-të dashurit të saj dhe një eksponenti të policisë, që duket se është tanimë “frajeri” i ri i Adelina Ismailit.
“Ndihem e kërcënuar, - rrëfen këngëtarja kosovare për gazetën “Shekulli”,- “për shkak të disa mesazheve kërcënuese që kam marrë në celular. Për këtë arsye, policia ma ka marrë telefonin.” Ndërkohë që policia vazhdon hetimin, Adelina tregon se është në pritje të sqarimit ligjor të çështjes. Por këngëtarja kosovare ndihet vazhdimisht e kërcënuar. Dhe jo thjesht nga disa mesazhe verbale në celular. Sa herë lajmërohen koncerte të saj në Kosovë, njoftohen edhe lajme për vendosje bombash dhe eksplozivi. Megjithatë, nuk është kjo arsyeja për të cilën Adelina Ismaili i është larguar skenës publike. As sëmundja e gjyshes së saj nuk duket fort bindëse, ndërkohë që rrëfen vetë se ka vendosur të tërhiqet për një kohë të papërcaktuar, në mënyrë që të shohë me sy objektiv se çfarë po ndodh me botën e saj të muzikës.
“Jam tërhequr jo vetëm nga skenat shqiptare, por edhe nga ato të diasporës dhe të Kosovës. Ka shumë arsye që më shtyjnë të tërhiqem pikërisht tani, kur kreativiteti i autorëve kosovarë është në krizë”, - thotë Adelina, duke shtuar se kërkesa e të gjithëve për të qenë komerciale e ka çuar drejt këtij vendimi. E pranon që imazhi i saj mund të ketë nevojë për rifreskim dhe karriera e saj për një frymë të re, por thotë se kjo është kryesisht një krizë kreativiteti e autorëve kosovarë. “E konsideroj gabim timin që nuk kam bashkëpunuar me kompozitorë shqiptarë”. Sidoqoftë, nga pjesëmarrja në festivalet shqiptare nuk ruan aspak mbresa të mira, pasi, siç thotë, është ndierë e trajtuar si qytetare e rangut të dytë, si shumë kolegë të tjerë të saj kosovarë.
“Për momentin po e shoh gjithçka në distancë, në mënyrë që të jem e pandikuar. Dhe të them të drejtën, e vetmja këngë ngushëlluese për mua në këto momente është “Perëndimi dhe Lindja” e grupit Xhejko, e cila më duket si një dritë në fund të tunelit.” Ndërkohë, ajo vetë personalisht thotë se është tërhequr për të marrë një vendim se si të vazhdojë karrierën, kur dilema është pikërisht kah Lindja apo kah Perëndimi. “Por unë kam bërë edhe pauza të tjera gjatë karrierës sime, sepse muzika është një botë irreale. Karriera është si një flluskë sapuni, vezullon dhe të fashinon për një moment, por mund të ndërpritet. Prandaj ajo nuk ka qenë asnjëherë primare në jetën time.”
Kush e kishte besuar se Adelina Ismaili është romantike? Gjatë intervistës për “Shekullin”, ajo shprehet në fakt se do ta jepte të gjithë popullaritetin e saj për një jetë të lumtur në fshat. Madje e ka provuar këtë të fundit. “Kam provuar të jetoj në natyrë për 2-3 muaj, në një shtëpi në fshat, pa televizor, pa radio, shtyp dhe telefon. Më pëlqen shumë fshati, jeta afër natyrës, qoftë edhe në një kasolle. Nuk më nevojiten aspak paratë për të qenë e lumtur”. Tregon se shpesh i ndodh të ngopet me shkëlqimin e gënjeshtërt të famës dhe atëherë paqen e gjen në familje, me motrat dhe mamanë e saj, pasi babai është ende kurbetli në Austri.
Megjithëse në fazë reflektimi, shpreson që këtë vit të jetë e pranishme në Shqipëri, pasi prej afro 6 vjetësh ka munguar. Por projekti më i madh që thotë se ka, është përgatitja e një albumi surprizë me shumë rock dhe techno, por edhe këngë të përpunuara popullore, hip-hop dhe rap. “Ndoshta krizën e momentit në muzikë do ta zgjidhë vetë publiku”, - përfundon Adelina, me shpresën që këngët “tallava”, të cilat kanë pushtuar Kosovën, të dalin sa më parë nga moda. Për momentin ajo do të vijojë të qëndrojë e tërhequr për të parë më qartë jo vetëm realitetin jashtë saj, por edhe së brendshmi, në vetvete.
Adelina Ismaili për Leonora Jakupin
“Ende nuk e kam të qartë se si ka nisur sherri që më pas bëri bujë këtu në Kosovë. Di që unë po prisja prej disa minutash që të më lirohej gardëroba, në mënyrë që të zhvishesha. Zakonisht nuk preferoj të më shohin lakuriq. Me shumë mirësjellje iu luta asaj të lironte gardërobën, por si përgjigje mora një të shtyrë. Këtu ndërhyri mamaja ime, e cila nisi të grindej me të. Unë di vetëm që gjithçka ka qenë aksidentale dhe thjesht u vetëmbrojta, pasi u sulmova keq dhe nëse nuk do të isha mbrojtur, do të kisha humbur ndonjë sy. Megjithëse u hodha në gjyq për këtë çështje, unë u deklarova e pafajshme. Më ka lënë përshtypje të keqe vetëm viktimizimi i saj nëpër media.”
Për operacionet plastike
“Kam dëgjuar thashetheme pa fund për silikonizimin tim. Madje kanë thënë edhe që kam hequr një brinjë për t’u bërë më e hollë. Ngaqë kam thyer disa tabu duke treguar gjëra që tregohen me shekuj në art, njerëzit më kanë veshur me operacione plastike. Nuk kam bërë asnjë të tillë. Këtë shenjën në vetull e kam kujtim nga motra ime, e cila kur isha 15 vjeç ma shkaktoi pa dashje. Ndërsa në buzën e sipërme, për të cilën gjithashtu thuhet se e kam bërë, kam një herpes të pashërueshëm. Është thjesht një sëmundje, që do të doja të mos e kisha”.
Për dashurinë e saj të re
“Jam e dashuruar. Jam prej pak kohësh me të dhe është një mashkull që nuk ka lidhje me profesionin tim. Është një njeri i qetë dhe më i matur se unë. Më pëlqejnë partnerët që ndryshojnë nga unë dhe në këtë aspekt ai është një antipod i imi. Është shenja e akrepit, ndërsa unë jam e shigjetarit. Nuk jam duke menduar për martesë, por martesa është gjëja e fundit e mirë që mund t’i ndodhë njeriut në jetë. Dëshiroj të martohem, por që në martesën time të ketë besim, mirëkuptim dhe patjetër liri intime.”
Për motrat Gjoni dhe këngën e ngjashme
“Kënga “Dy motra, një frajer”, ka qenë një ide e hershme e imja. Unë njoh vetëm njërën nga ato vajzat që kanë një këngë me temë të njëjtë në Shqipëri, atë balerinën me kaçurrela. Por mund të them se këngën e kam punuar para vitit 2004, megjithëse është publikuar më vonë. Duhet të krahasojmë datat e daljes së këngëve. Por dua të sqaroj se fenomeni që tregon kënga mua personalisht më neverit, megjithëse është një gjë e cila është bërë si në modë tani dhe po ndodh shumë në gjeneratat e reja. Në këngë unë luaj rolin e një femre të çekuilibruar dhe tekstin e kam shkruar vetë, por ato nuk janë aspak qëndrimet e mia”.
Për politikën dhe presidentin e ri
“Kosova ka klasë politike shumë të pjekur dhe të aftë për ta bërë punën e vet. Përderisa edhe pozita, edhe opozita e votuan këtë kryetar, mendoj se në këtë moment është njeriu i duhur. Presidenti i ri është një njeri që do të përcjellë rrugën e Rugovës dhe unë gëzohem pa masë kur dëgjoj nga mediat serbe që me keqardhje shprehen se edhe pas vdekjes së Rugovës asgjë nuk ka ndryshuar në Kosovë për pavarësinë, e cila duket tanimë më e afërt se kurrë. Politika është një realitet të cilin unë nuk kam sesi të mos e përfshij në këngët e mia, megjithatë nuk do të isha bërë kurrë politikane, pasi di t’i mbroj vetëm ekstremisht idetë e mia.”
16/02/2006
KATEGORIA: Metropol
----------
Kushe kercenon adelinen?
Ata "trima" le te tregojn trimeri me Arkanat e jo me adelinen..
Ne kosoven e Lire nuk ndihet e lire ylli i kenges Kosovare..
Kjo eshte tragjedi..
Kush e flliq Lirin qe Kosoves ja dhuroj Nato?
dihet..
2/18/2006 - REAGIMI I ADELINA ISMAILIT NDAJ ARTIKULLIT NE GAZETEN "SHEKULLI" ***EKSKLUZIVE***
Rrefen Adelina Ismajli
Jam e befasuar dhe njekohesisht e shokuar nga artikulli "Adelina Ismaili,ne krize" botuar ne gazeten "Shekulli",date 16 II 2006 lidhur me intervisten te cilen beme me gazetaren Belinda Budini ne Prishtine.Duke mos ditur arsyet e gazetares qe te devijoje nje bisede tejet pozitive,ndihem e obliguar per hir te lexuesit qe te sqaroj genjeshtrat e botuara dhe shtremberimin e intervistes nga ana e gazetares.Ajo qe s'arrij ta kuptoj eshte tendenca e gazetares qe mua te me paraqese sikur nje person i cili po kalon ne nje "krize" qofte profesionale apo private,duke "argumentuar" cilesimin e saj me shpifje te renda qellimin e te cilave nuk e di,dhe mungesen totale te etikes gazetareske.Per te sqaruar sa me hollesisht biseden qe bera me gazetaren e lartpermendur,ndjej obligim qe kronologjikisht te tregoj pergjigjet e mia si dhe cilesimin e gazetares "detektive" e cila erdhi nga Tirana per te "zbuluar" c'po ngjet me mua,duke harruar qe une jetoj ne Kosove ku ka shume e shume gazetare tejet profesioniste te cilet quditerisht nuk e paskan verejtur qe une kam "kriza" dhe nuk e paskan pare te arsyeshme te shkruajne per keto gjera.
Artikulli fillon me fjaline qe "une nuk levize nga shtepia".Si u be qe u takuam pra ne kafeteri ne Prishtine,pasiqe qenkam e "palevizshme"?
Kush jane "njerezit e besuar" qe me shoqerojne mua?
Si eshte e mundur qe nje njeri i rrezikuar,i cili nuk leviz nga shtepia dhe shoqerohet nga "njerez te besuar" te vije ne takim me gazetaren fill e vetme me taxi?
Nen mbikqyrjen e ciles polici jam une?!
Ku bazohet gazetarja kur thote qe une shfaqem rralle ne bare apo koncerte? Beri sondazh ne Kosove ajo?
Kah pershtypja e gazetares qe une qenkam e "ngujuar"?
Tani kalojme ne nje qeshtje pak me sensitive ku gazetarja ia lejon vetes lirine qe nepermes emrit tim,te preke tema te ndjeshme siq jane sulmet e dikuj ndaj nje organi shteteror siq eshte Sherbimi Policor i Kosoves,duke iu referuar thashethemeve qe njefare "ish i dashuri i imi ka patur sherr me nje eksponent te policise"!!!
Ku merr gazetarja lirine qe te kontestoje punen e nje organi ligjvenes?Nga thashethemet?Ok pra.Nese e nderuara gazetare i referohet lirise se shprehjes,mendoj qe kjo liri i kalon kufinjte e normales.Po e zeme qe kjo vajzushke goje-embel ka ne dispozicion lirine qe te krijoje senzacione duke iu referuar gjoja "thashethemeve" (te cilat quditerisht e para i paska zbuluar) qe une paskam nje ish- te dashur i cili ben sherre me policine.A mundet e nderuara te justifikoje me argumente kete fjali?!Jo thashetheme,as montime,as genjeshtra por argumente!Apo...Ah,do te referohet tek "thashethemet" dhe "burimet e fshehta".Fore e demoduar e gazetareve amatore.Kur jemi tek "frajeri i ri i Adelina Ismailit" pse gazetarja nuk me pyeti mua per identitetin e te dashurit tim,por prap referohet tek disa "thashetheme"??Me krenari do te flisja per te,dhe nuk jam e vetmja qe flas me krenari per ate njeri!Asnjehere nuk kam thene qe ndihem e kercenuar!!!Asnjehere nuk kam thene qe "policia ma ka marre telefonin".E nderuara gazetare,e verejtet celularin ne doren time,nga ku thirra taxine?Ku ishin policet nen mbikqyrjen e te cileve jam,gjate intervistes me ju? Kah kjo liri qe te luani me Sherbimin Policor te Kosoves,nepermejt meje?!
E konsideroj tejet te pandershme qasjen tuaj ndaj pyetjes qe me bete lidhur me koncertet ne Kosove,kur iu sqarova se kisha turne mjaft te suksesshme gjate veres 2005 ne Kosove,ne te cilen u kercenova nga njerez te panjohur me alarmime te rrejshme bombash,te cilet mund te jene kushdo.Kam pershtypjen qe nga kjo fjali imja,ju nxorret fillin dhe thurret e nje storie te imagjinuar.
"Sqarimin ligjor" e kam permendur kur me keni pyetur per alarmimet me bomba ne koncerte,dhe assesi per ndonje arsye tjeter,siq ju leni te kuptohet ne artikullin tuaj.
Ajo qe me beri te ndihem tmerresisht e indinjuar eshte fjalia juaj ku thoni qe semundja e gjyshes sime iu duket jo fort bindese.E nderuar,nese ju nuk afektoheni dhe nuk keni ndjenja per familjaret e juaj,me besoni qe gjyshja ime eshte personi me i dashur ne jeten time dhe semundja e saj eshte baraz me nje tragjedi per mua.Ndoshta eshte e kote qe t'iu spjegoj qe jeta e asaj gjyshe e cila me rriti dhe edukoi eshte absolutisht me e rendesishme se cfaredo karriere ne kete bote per mua.Ndoshta e keni veshtire te kuptoni qe dikush e do gjyshen e vet,por ky eshte problem ekskluzivisht i juaji dhe assesi nuk guxoni te veni ne pikepyetje ate qe une ndjej,vetem pse ju ndoshta nuk ndjeni per familjaret tuaj.
Asnjehere nuk kam thene se jam terhequr nga skenat e Kosoves dhe diaspores.Edhe po ta thoja,kjo gje automatikisht demantohet me turneun tim 24-31 dhjetor ne U.S.A dhe koncertet,programet,aktivitetet e mia ne Kosove.
Asnjehere nuk kam thene qe "kompozitoret kosovare kane krize kreativiteti",por kam thene qe "muzika mbareshqiptare eshte ne krize identiteti" !
Asnjehere nuk kam thene qe "e konsideroj gabim qe nuk kam bashkepunuar me kompozitor shqiptare" sepse gjate gjithe karrieres sime kam bashkepunuar me kompozitore te kombesise shqiptare,qofshin ata nga Kosova,Maqedonia,etj.Kam thene qe e kam tejet te veshtire te bashkepunoj me kompozitore shqiptare nga Shqiperia per shkak tekeve te producenteve,dhe kete gje e konsideroj gabim! Nuk jam une ajo qe kam bere ndasi "kosovare" dhe "shqiptare".Me sa di une,te gjithe jemi komb shqiptar.
Kur me keni pyetur se cila kenge me pelqen per momentin,kam permendur kengen "Perendim a Lindje" nga grupi kosovar Jericho,ku kam hasur ne nje injorance nga ana juaj duke me pyetur se "kush jane keta,Shqiperia nuk i njeh"! Ju kam spjeguar kush jane,dhe me ka befasuar mos-informimi juaj per sukseset e ketij grupi.
Nuk ju kam thene qe projekti im me i madh gjate vitit 2006 do te jete publikimi i albumit,por ju kam thene qe do te jete me i vogli! Nuk ju kam dhene hollesi se cka do te permbaje albumi.Nuk kam thene qe vetem Kosoven e ka pushtuar muzika "tallava",por trojet gjitheshqiptare,ku ju keni shtuar se ky problem eshte mjaft aktual edhe ne Shqiperi,fjali ne te cilen jam pergjigjur pozitivisht.Ne asnje moment gjate intervistes nuk kam permendur ndasi "kosovar dhe shqiptar".Kete e keni bere ju ne artikullin tuaj,dhe ndihem shume keq qe ia lejoni vetes luksin te beni dallime te tilla.
Sa i perket pergjigjes per incidentin me Leonora Jakupin,asnjehere nuk kam thene qe "nena ime filloi te grindet me Leonoren" ose "Leonora filloi te grindet me nenen time" por kam thene tekstualisht qe "nena ime qortoi Leonoren me nje fjalor prej nene,sepse mund te jete dhe nene e saj" !
Asnjehere nuk iu kam thene qe "kam semundje ne buze",por ne konstatimin tuaj kur thate qe "mua me duket qe keni operuar buzet sikur Rudina Magjistari" jam pergjigjur ne konotacion humori duke iu thene "eshte qeshtje e juaja se si i shihni buzet e mia dhe te Rudines,me leni pershtypjen qe pelqeni buzet e femrave".
Sa i perket dashurise se re,nuk kam thene qe "i dashuri im eshte akrep ne horoskop",dhe as nuk kam thene "me pelqejne partneret..." sepse ne jeten time nuk kam me shume se nje partner.Prap iu lutem qe ne shkrimet tuaja te mos reflektoje jeta juaj private,sepse nuk isha une ajo qe kaloi diten dhe naten ne Brezovice me disa partnere,por ishit ju (nese ju i keni lejuar vetes qe te jepni mendime personale ne shkrimet per mua, e bej edhe une,por une flas vetem kur disponoj me fakte).
Kur jemi te motrat Gjoni,ishit ju ajo qe me pyetet"a ndiheni e indinjuar qe motrat Gjoni kopjuan kengen tuaj".Isha konfuze,pasiqe kete kenge nuk e kam degjuar ndonjehere,dhe u pergjigja duke thene:"Njoh Inis Gjonin dhe besoj qe eshte koincidence.Ky fenomen eshte mjaft i perhapur".Pas insistimit tuaj se kush kend e ka kopjuar,une iu luta juve qe te urdheroni dhe te beni krahasimin e datave te publikimit te dyja kengeve pasiqe iu intereson kaq shume te diskreditoni motrat Gjoni,sepse une nuk e bej nje gje te tille.E imagjinuat pergjigjen time :"Kenga "Dy motra nje frajer ishte ide e kahershme e imja." dhe fjaline ku une gjoja them se kjo kenge eshte shkruar para vitit 2004.
Ne pyetjet e juaja te parreshtura mbi politiken nuk kam thene qe i mbroj idete e mia ekstremisht.Perkundrazi,e nderuar e di c'eshte kompromisi dhe debati kostruktiv.
Mbetem gjithashtu e befasuar pse nuk u publikuan pyetjete e juaja "Me cilet politikane kam miqesi?","Cka mendoj per djemte e Shqiperise?","Kush me beri oferta viteve te fundit te kem recital dhe turne ne Shqiperi?","Cka mendoj per Ardit Gjebrene?","Pse nuk marr pjese ne festivale?","Cfare preparate kozmetike perdor?","Cili eshte libri i fundit qe kam lexuar?","Cilin fakultet vijoj?","Cili eshte politikani i preferuar ne Shqiperi"?"Cilat jane sukseset e mia te deritanishme?","Si arrij te jem me e votuara ne Kosove?"etj,etj...
Mund te shtoj qe ky reagim eshte kunder principeve dhe parimeve te mia,pasiqe ka kohe qe injoroj genjeshtrat e botuara per mua.Por te jeni e bindur qe nuk do te lejoj qe nepermes emrit tim te vehet ne pikepyetje puna e Sherbimit Policor te Kosoves,as te lidhen aktivitet kriminale te dikuj me emrin tim,gjithsesi e befasuar se si arritet te njihni aktivitetet e te njejteve per ato dite sa qendruat ne Kosove,te preket kredibiliteti i personave te cilet i cmoj prap ne nje artikull botuar per mua,te kontestohet ajo qe ndjej per familjen time,per koleget dhe perveq genjeshtrave,te cenzurohet nje interviste ku une me dashamiresine me te madhe iu pergjigja fteses.Dhe tani pyetem "Ne cfare krize eshte Belinda?" Mendoj se kam pergjigjen.Ndoshta Tirana per ju nuk eshte aq atraktive sa ndodhite ne Brezovice.Dhe e gjithe kjo qe them,mund te deshmohet nga dy miqte e juaj te cilet ishin prezent gjate gjithe intervistes.Tani sigurisht e kuptoni se ju duhet te ndiheni e kencenuar nga e verteta,dhe te perballeni me krizen tuaj e cila ju shtyri te botoni artikull te tille.Atehere e kuptoni se nuk jam une ajo qe ndihet e kercenuar dhe nuk jam une ajo qe qenka ne krize.Mendoj se e kercenuar dhe ne krize duhet te ndiheni ju.E kercenuar nga e verteta e cila do te ndriqohet nga ligji,dhe ne krize ndergjegjeje.
Adelina Ismaili.
17 2 2006
----------------------------
Marrur nga gazeta LAJM Ekskluzive,Prishtine.
Gjithqka eshte e montuar nga gazetarja e cila ka keqperdorur miresine dhe sinqeritetin e Adelina Ismajlit ,
Perderisa ka bere intervisten ajo ne dore ka pasur telefonin mobil dhe prej aty ka thirrur taxi per ty kthyer ne shtepi .
Gjitha jane te paverteta , kete gje do ta deshmoje edhe SHPK-ja e cila do rreagoje se shpejti per keto shkrime .....
Ndoshta edhe do vijoje ndonje rreagim me ane gjygjesore nga ana e Adelina Ismajlit kunder gazetares dhe ndaj vet gezates ,, Shekulli ,, gezate e cila i genjen dhe i mashtron lexuesit me thashetheme palidhje dhe te paverteta
adelina per mendimin tim eshte nje kengetare shum e keqe edhe nga pamja e jashtm eshte jash mase e shemtur dhe nje drogirashe e prishur pra sja vlen me degju ate as kenget e saja se vertet i ka te shpifura
rrezarta easy easy se nese nuk ke problem me shikimin ajo nuk eshte aspak e shpifur nga pamja si fytyra ndac trupi,,,mbase mund ta quash ashu si kengetare por te thuash e shumtuar hmmmmmmmmmmmmmm me vjen keq per shijen tende,,,sepse e shemtuar ska arritur ti thoj kush akoma sepse nuk eshte.
Two Heart, Two Minds, In Time, Did Find, One Love, One Aim, Two Paths, The Same
Askush nuk te detyron ta degjosh si ashtu askush nuk te ka detyoruar te shkruash ketu per Adelina Ismajlin , nese nuk te pelqen Adelina dhe zanfina Ismajli atehere rri larg temave te motrave Ismajli per arsye mos fitosh infarkt nga inati dhe xhelozia ....
Regullat e Postimit
Krijoni Kontakt