Gjykata e Krimeve të Rënda: Dënimi burg përjetë për Aldo Baren

[Guri i Kuq]

Aldo Bare ekstradohet nga Turqia

Tiranë – Është ekstraduar sot kapoja e Bandës së Lushjes, Aldo Bare emri i vërtetë i të cilit është Armando Shkurti.
Avioni Çarters me Baren mbërriti në orën 10:00 në aeroportin ndërkombëtar të Rinasit nga Turqia. Për këtë arsye, ky aeroport ishte nën masa të rrepta sigurie.

Bare u arrestua më 26 mars të vitit 2006 në Ankara të Turqisë, për veprën penale të "trafikut të lëndëve narkotike". Gjykata e Larte turke, vendosi aso kohe ekstradimin e Bares në vendin tonë. Bare e kundërshtoi vendimin, duke pretenduar se do të vritet po të kthehej në Shqipëri.

Aldo Bare akuzohet për kryerjen e veprave penale të:
- "Vrasjes me paramendim" të shtetasit Genci Kashari, Xhevat Demiri, Nimet Zenelit, Masar Aliu,
-"Vrasjes me paramendim" të mbetur në tentativë të shtetasit Artur Daja, Gramoz Selmani dhe Masar Aliu,
-"Mbajtjes pa leje të armëve luftarake",
-"Shkatërrimit të pronës me zjarr" të banesës së shtetasit Shkëlqim Haxhiu,
-"Krijimit te Organizates kriminale" dhe të "Kryerjes së veprave penale nga organizata kriminale".

Koto krime Bare i ka bërë gjatë vitit 1997 dhe më pas. Ai u arratis nga Shqipëria për rreth dhjetë vite. Alfred Shkurti kërkohej nga drejtësia shqiptare për një sërë vrasjesh.


2009-11-25 10:01

[il_colpevole]

“Enver Rabia është ekzekutuar nga “Banda e Lushnjes”, një ditë pasi më ka takuar mua në Tiranë”. Për herë të parë, një dëshmitar, me profesion ish-polic, hedh dritë mbi një nga vrasjet mister të ndodhura në kryeqytet, ku një nga anëtarët e “Bandës së Lushnjes” u hodh në erë me minë me celular në një pallat të lagjes “Don Bosko”. Pëllumb Beqiri ka rrëfyer me detaje si u njoh me Enver Rabinë, si mësoi për vrasjen e xhaxhait të tij mësues, Idajet Beqirit, takimet me ekzekutorin Rabia, rrëfimet e tij mbi disa vrasje të kryera me urdhër të Alfred Shkurtit, si dhe takimi i fundit me të një ditë para se ta shpërthenin në lagjen “Don Bosko”. Të gjithë këto detaje të dhëna para oficerëve të Policisë Gjyqësore disa vite më parë, procesverbali i të cilëve u lexua dje nga prokurori i çështjes. “Idajet Beqirin e kisha xhaxha dhe atë e ekzekutoi “Banda e Lushnjës””. Sipas deklarimeve të tij, të gjithë ngjarjen e kishte marrë vesh nga shoku i tij Enver Rabia, i cili kishte qenë dhe pjesë e bandës së Alfred Shkurtit, të njohur si Aldo Bare. Dëshmitari tregonte se në vitin 1997, teksa ishte duke patrulluar në Lushnjë, i kishte ardhur Leonard Prifti së bashku me dy persona të tjerë, të cilët i kishin drejtuar pistoletën. Po i njëjti veprim ishte kryer edhe nga ana e dëshmitarit Beqiri. “Vjen Enveri i merr pistoletën Leonardit dhe më kërkon edhe pistoletën time, pastaj më kërkoi të shkoja pas tij. Më çoi në një ndërtesë. Aty njoha vetëm Ilir Stërgun. Pasi u futëm brenda, aty gjetëm edhe Alfred Shkurtin e Enver Dondollakun. Rabia i ka thënë Alfred Shkurtit që të më linin, sepse isha djalë i mirë dhe mund t’iu duhesha”, - ka rrëfyer dëshmitari Beqiri. Pas disa ditësh, në qytetin e Lushnjës mësohet të ketë ndodhur përplasja mes Alfred Shkurtit dhe Artur Dajës, ku edhe ishte plagosur Enver Rabia. Ai ishte fshehur nga Shkurti dhe mjekohej prej tij. “Një ditë isha te posta e vjetër dhe më afrohet Enver Rabia. Më pyet se çfarë e kisha Idajet Beqerin dhe më thotë vetëm që e kishin vrarë gabimisht, pasi donin të vrisnin vetëm Gramoz Selmanin. Dy ditë më pas kam qenë në afërsi të plastmasit në Lushnjë dhe prisja të gjeja një automjet për të shkruar në Fier. Aty më vjen Enveri së bashku me një tjetër person, të cilit i kërkoi të na linte vetëm. Më tha se kishin shkuar për dy javë në fshatin Bidaj, në Kolonjë të Lushnjës, për të vrarë Gramos Selmanin. Sipas Rabisë, kur kishin shkruar në Kolonjë kishin qëndruar në afërsi të lapidarit dhe prisnin që të vinte Gramozi. Enver Dondollaku i kishte thënë Rabisë që të kthehej në Lushnjë se e priste shefi”, - vazhdonte dëshmitari. Më tej, ai bënte me dije se Rabia i kishte treguar se pasi janë kthyer nga fshati, ushtarët e Shkurtit i kishin treguar se kishin vrarë shoferin e Selmanit dhe mësuesin Idajet Beqiri. Pëllumb Beqiri tregonte se pasi ishte njohur me ekzekutimin e xhaxhait të tij, ishte takuar shumë kohë më pas me Rabinë. Por, gjatë këtij takimi, ai i ishte treguar shumë i shqetësuar dhe donte të largohej nga vendi, pasi kishte vrarë disa njerëz të pafajshëm, për të zbatuar urdhrat e Aldo Bares. “E ndihmova Rabinë dhe ai u largua në Kretë. Pas disa kohësh kam qenë në shtëpinë e vjehrrit tim, kur më thonë që të kërkon një person jashtë. Fillimisht nuk e njoha, pasi ishte transformuar tërësisht. Rabia më tregoi se e kërkonte Enver Boriçi, i cili i kishte kërkuar që t’i mbaronte një porosi, por që nuk e dinte se çfarë ishte. Të nesërmen ai kishte udhëtuar në Tiranë, ku e takoj në rrugën “Myslym Shyri”. Më tregon se donin ta vrisnin. Të nesërmen e hodhën në erë në lagjen “Don Bosko””, - mbylli rrëfimin Beqiri.


Tur Daja ekzekutoi vëllanë e Bares, Danin



Një tjetër dëshmi me interes për organin e akuzës ka qenë ajo e dëshmitarit Izet Kurti, i cili deklaroi dje mbi përplasjen e Artur Dajës dhe Alfred Shkurtit. “Ishte ora 2 e drekës, në vitin 1997. Isha në banesën time, së bashku me bashkëshorten dhe me vjehrrin, Ramazan Zenelin. Shkoj në banjë për të larë duart, kur dëgjoj të shtëna. I them bashkëshortes ku është babai, e cila më përgjigjet që ishte poshtë. Dal në ballkon dhe shikoj se ishte një automjet “Fiat” dhe dy të plagosur”, - tregon dëshmitari. Sipas tij mjeti qëndronte në xhade, ndërsa 5 ose 6 metra më tutje qëndronte një IFË, ku nuk kishte asnjë person në të. “Në makinë mbrapa shoferit ishte dhe vëllai i Aldo Bares, Dani, i veshur me rroba oficeri dhe me një “Skorpions” në dorë”, - vazhdon Kurti. Më tej ai bën me dije se 20 metra më tutje, pranë një klubi, ishte Artur Daja, Gramor Selmani e disa persona të tjerë të armatosur. Ata, mësohet të ishin ulur jashtë, ndërsa poshtë tavoline i vrarë qëndronte Genci Kashari. Dëshmitari deklaroi se më pas ata kanë qëlluar personat që ishin në makinë të plagosur. Pas kësaj ngjarjeje, Kurti ka treguar se ka njohur edhe Erjon Cicin, i akuzuar si anëtar i “Bandës së Lushnjës”. Cici mësohet ta ketë rrahur dëshmitarin, madje i kanë thyer edhe duart. Mësohet se Cici së bashku me disa persona të tjerë e kishin shpënë në një vend që ishte në afërsi të degës Lushnjë, ku edhe i kishin kërkuar që t’u sillte djalin e tij, Yllin për ta vrarë. Ngjarja, sipas tij, ka ndodhur menjëherë pas vrasjes së Nimet Zenelit, të cilin dëshmitari e kishte kunat.
Bare më kërkonte të dhëna për dhëndrin, Gramozin



Vjehrri i Gramoz Selmanit ka deklaruar dje para gjykatës se ishte thirrur dy herë nga anëtarët e “Bandës së Lushnjës”, pasi ata i kërkonin të dhëna për dhëndrin e tij. Dervish Arapi deklaroi e kishte 11 vjet pa kontaktuar me vajzën e tij, pas kthimit të saj nga Italia, dhe i vetmi informacion që ka për të është se ndodhet në Greqi. “Më kanë marrë dy herë dhe më kanë shoqëruar në zyrat ku rrinte ushtria e Alfred Shkurtit. Më kanë kërkuar të dhëna mbi dhëndrin tim Gramoz Selmani, por iu kam thënë që nuk di asgjë. Më kanë lënë porosi se nëse do të kisha informacionin e parë, duhet t’i vija në dijeni”, - tregoi i moshuari.

[Albo]

Bumci: Edi Rama, i implikuar ne "Banden e "Lushnjes"

E Enjte, 26 Nentor 2009

Aldo Bumci, ne nje interviste dhene mbreme per Ora News, tha se kreu i "Bandes se Lushnjes", Aldo Bare dhe krahu i djathte i tij, Enver Dondollaku, per te kontrolluar te gjithe ekonomine e qytetit te Lushnjes perdornin te gjitha metodat, duke nisur me terrorin dhe duke bashkepunuar me eksponente te politikes se majte qe ishte ne pushtet dhe nepermjet tyre fitonin tenderet publike. Sipas Bumcit, ne pergjimet e bisedave te tyre nga policia italiane, citohen emrat e shume politikaneve te majte shqiptare dhe krahas emrit te deputetit te PS, Erion Brace, figuron edhe ai i kryebashkiakut te Tiranes dhe njekohesisht kryetari i PS, Edi Rama. Telefonata ku shfaqet emri i Rames, eshte kryer ne oren 13.08 te dates 22 shkurt 2003, ne periudhen kur Kuvendi diskutonte ngritjen e nje komisioni parlamentar hetimor ndaj kryebashkiakut, komision, i cili drejtohej nga deputeti Sokol Olldashi. Ne ate kohe ne mjaft gazeta dhe media vizive, kreu i Bashkise se Tiranes akuzohej publikisht per "ndertimet e disa pallateve ne qender te Tiranes nga njerezit e "Hakmarrjes per Drejtesi". Bumci tha se Edi Rama po kandidonte atehere per nje mandat te dyte ne krye te Bashkise dhe ky fakt ka zgjuar edhe vemendjen e dy krereve te bandes se Lushnjes, Aldo Bare dhe Enver Dondollaku, biseda telefonike te te cileve jane pergjuar nga Prokuroria italiane.

Me tej, Bumci ka cituar se Dondollaku, duke biseduar me Aldo Baren eshte shprehur se: "Edi Rama rrezikon te humbe mandatin, sepse po ndihmon ata te "Hakmarrjes". Hetuesit italiane kane zbuluar se, "ata te Hakmarrjes" personifikonin anetaret e organizates kriminale "Hakmarrja shqiptare per Drejtesi". Kjo bande kishte hyre ne konflikt me banden e Lushnjes ne kete periudhe per tenderin e pastrimit te qytetit te Lushnjes. Nje konflikt qe shkaktoi pese viktima ne te dyja krahet, dhe pikerisht per kete qellim banda e Lushnjes ishte e vemendshme ndaj lidhjeve qe kishte Edi Rama me njerezit e "Hakmarrjes". Sipas dosjes se policise italiane, citimi per Edi Ramen eshte kryer gjate bisedes mes Enver Dondollakut me Aldo Baren qe ndodhej ne Turqi dhe fliste me celularin me numer 0090/5369646988. Fillimisht, Dondollaku ka sinjalizuar "Profesorin", nofka e Aldo Bares, per faktin se forcat speciale te policise ishin nisur ne Tropoje, nje informacion qe mund te thoshte se banda nuk do te kishte ndonje shqetesim ne bazen e saj. Me pas, Dondollaku shton edhe lajmin per Edi Ramen qe rrezikonte te humbte mandatin. Kjo mund te kete lidhje me faktin, se ngritja e Komisionit Hetimor, Olldashi kishte per qellim edhe verifikimin e shkeljeve te dyshuara te kryebashkiakut Rama, sidomos ne ndertimin e pallateve nga njerezit e organizates kriminale, "Hakmarrja per Drejtesi". Kete konflikt interesi mes bandave, duket se Enver Dondollaku e ka pare me interes t'ia transmetoje Aldo Bares.

Konflikti Aldo Bare - "Hakmarrja..."

Perplasja e bandes se Lushnjes me organizaten kriminale "Hakmarrja per Drejtesi" nisi qe ne pranveren e vitit 2002. Shkak u be fitimi i tenderit prej 1.2 milion dollaresh per pastrimin e qytetit te Lushnjes. Njerezit e bandes se Bares dhe ata te "Hakmarrjes per Drejtesi", qe sipas pergjimeve te bisedave nga Prokuroria italiane perfaqesoheshin prej Roland Shytit, i mbiquajtur prej bandes "Mustaqekuqi", kerkonin qe te siguronin kete fond te majme me nje afat 5-vjecar. Pas presioneve ndaj krereve te Bashkise, te dyja bandat u gjenden, duke matur forcen me njera-tjetren. Ky konflikt i ashper solli edhe 5 te vrare dhe 6 te plagosur. Ne telefonaten numer 161 te shkeputur nga dosja e Prokurorise se Torinos, e kryer ne date 25 mars 2003, vihet re nje tjeter detaj per kete shqetesim te bandes per organizaten "Hakmarrja per Drejtesi". Dondollaku dhe Aldo Bare flasin per faktin qe, "Mustaqekuqi" (Roland Shyti) "kishte marre nje kapar prej 500 mije eurosh per tenderin e pastrimit te qytetit te Lushnjes". Fillimisht tenderi i pastrimit te qytetit u fitua nga firma qe kishte pas saj njerezit e "Hakmarrjes". Por, pas atentateve dhe vrasjeve nga te dyja krahet, tenderin e pastrimit te qytetit te Lushnjes e fitoi nje firme qe zyrtarisht nuk kishte lidhje me asnje krah te bandave. Pronari i firmes qe fitoi tenderin e pastrimit deklaroi atehere ne nje interviste se jo vetem qe ishte marre peng dhe kercenuar, por kishin tentuar edhe ta vrisnin ne momentin qe kishte dashur te terhiqte kestet e metejshme te tenderit.

Telefonata 145

Biseda ne gjuhen shqipe, ora 13.08 e dates 22 shkurt 2003 mes qytetareve shqiptare te quajtur Enver Dondollaku, "Goni" dhe "profesorit" (Aldo Bare).

Transkriptim ne forme permbledhese i telefonates me Imei nr. 350642073479560 i perdorur nga "Goni" (Dondollaku) drejt numrit te nje celulari turk 0090/5369646988 te perdorur nga "Profesori" (Aldo Bare).

"Goni" (Dondollaku) i thote "Profesorit" se do te flase perseri me shefin e Policise Kriminale. "Profesori" i komunikon qe te mos dergoje Erionin. "Goni" i thote se ka mesuar se reparti special i Policise se Tiranes (RENEA) ka vajtur ne Tropoje... Goni shton se, Edi Rama rrezikon te humbe mandatin, sepse po ndihmon "ata te Hakmarrjes". "Profesori" e pyet nese kane nisur serish punen. "Goni" i pergjigjet po, duke shtuar se kerkon te nise pune me prostituta, por "profesori" nuk e aprovon dhe e fton te shkoje tek ai ne Turqi.

KJ

[Brari]

per kokkatrorat tane.. .

shpesh perdoret pallavra.. e krijuar ne zyrat e PS-se se Saliu hoqi oficeret e i la rrugeve e qe sipas kokkatrorit u jepet e drejta femijve te oficerave te krijojne banda per mbijetese ekonomike etjetj..
shum agjitatore socialiste edhe banden hakmarrja e justifikojne me te tilla "arsyetime"..

e verteta eshte e thelle e per fat te keq askush nuk e ka analizuar.. e brari po ben tash nje analize qe tu a freskoje mendjen miletit te lindur vone por qe kan fatin e keq qe te kene gjysher mashtrues qe nuk i sqarojne .. e nga qe nuk i kan sqaruar jan prodhuar dhe erion velinjte e bracet e shytet e baret e spiropalet..mbi te cilet mbeshtet PS-ja..

gjerat kan lidhje ne kte bote..

Ja cfare u tregonte nji here doktor isufi ca miqve te tije ne danimarke..

ishte mbremje tha vone.. e ne veranden e viles ne bllokun e famshem te udheheqjes.. shoku enver degjonte si zakonisht lajmet ne radio..
enveri nuk degjonte radio tiranen sepse ..dihet.. ajo skish cte thosh e ngrata.. pra enveri degjonte me shum kujdes radiot e huaja.. italiane franceze jugosllave etj..
u dha lajmi se.. presidenti Nixon do te shkonte ne Kine me ftese te timonierit te madh.. pra kryetarit MAO..
enveri u be tym..
menjihere foli neper dhembe e cfryu.. do prishem tha dhe me kta.. pra me kinen..
Nexhmija qe ishte aty prane reagoj..
Nuk e kisha pare kurre tha doktori nexhmijen te perzihej kaq hapur..
Mos enver i tha ajo.. se kjo do jete katastrofe..
o po nuk pyes fare tha enveri.. do prishem e pike.. dhe filloj ftohja e meredhenjeve me Kinen..

jan vitet 70 e ca qe thoni ju..

po pse u shqetsua Nexhmija..

sepse.. qe ta dini juve.. Kina ishte per shqiperine athere sic eshte sot po themi.. ndonje pre baballareve tuaj per juve..
Pra ju atje ku ini prisni qe tu vije ajo letra qe tregon se babi juaj bos ne tirane ju ka derguar.. me unionin western.. ate "shuken" e majme me para..
Dhe kina e maos athere e mbante shqiperine me buke.. e me buke duhet te kuptoni.. me gjithcka..
qe nga bicikletat deri tek traktoret.. qe nga fisheket deri tek tanket..qe nga boja kepucve per ushtaret deri tek.. stilografet per drejtoret.. e studento profesoret.. qe nga fletoret e kalajmve te shkollave deri tek.. boja pelikan ne kinkalerira.. qe nga kutite me qumesht kondensuar.. PANDA..der tek vaporret me oriz fasule grure e me the te thashe.. qe nga vidhat e bulonat e der tel konstruksionet metalike te fabrikave.. qe nga zis gazet e BE cetë e transportit.. deri tek reaktivet e aviacionit e der tek helikopeteret ushtarake.. qe nga doku i veshjeve deri tek pelhurat e peceve te kembeve.. qe nga letra e thaseve te cimentos der tek letra speciale me te cilen shtypeshin librat e enverit e revistat e gazetat e cdo liber .. shkolle apo letersie..
me mijra kineze inxhiniere punonin neper kantjeret ku ndertoheshin uzna e fabrika apo baza ushtarake.. qe nga fusha e aviacionit ne torrovice e deri tek tynelet nen det e nen mal ne porto palermo.. qe nga pashalimani e deri ne mjeks te elbasanit e ne polican te beratit.. ku ndertohej industria ushtarake.. qe nga rafineria e ballshit der ne azotik te fierit qe nga uzina sodes Vlore der ne uzin te instrumentave ne Korce..qe nga digat e fierzes vau dejes e der ne metalurgjik te elbasanit.. qe nga kombinati mao ce dun ne berat der ne uzin superfosfat te Lacit..
Vec asaj vaporret kineze hynin e dilnin duke furnzuar shqiperine me ter te mirat.. e vec asaj vaporret e shqiperise benin rrugen durres-shanghaj nat e dite.. duke sjelle dhuratat e kines se madhe dhene nga mao e Cuni i Lales per shqiperine..
Pra kina e mbante gjalle shqiperine e asaj kohe..

Me ftohjen e relatave kaq te ngushta e kaq jetike me kinen.. Shqiperia morri te poshtezen kur thon kosovaret..
Edhe se enveri hodhi parullen me forcat tona.. edhe se mileti u shtrydh ne pune edhe se jugosllavia ja la hapur rruget e tregetise me europen.. perseri ekonmia shqiptare morri rrugen drejt humneres..
provuan te gjitha format me e mbajt stabilitetin ekonomik por nuk u arrit asgje..
Ne vitet 80 ta.. dukej qarte se.. vendi nuk mund te sherohej me..
Edhe se Enveri shpiku grupe armiqesore per te justifikuar deshtimin e sistemit.. perseri rrokullisja vazhdonte..
as tufezimi e kolektivizimi e eksportimi i cdo prodhimi bujqesor vendas drejt botes.. nuk zgidhi asgje..
per te blere nje paisje mekanike.. qe dikur ja sillte kina llokum ne goje.. enverit i duhej te eksportonte vaporra te tere me rrush e domate me pjeshk e mandarina.. me molle korce e limona himare.. me vaj ulliri e kamomile ..me sherebele e geshtenja.. me konjak e krom.. me pirit e baker..
Fale durimit popullor qe i shihte dyqanet bosh e nuk pipetinte.. enveri e shtyu si e shtyu deri nga 80 e caja.. dhe erdhem te ato ditet ku i kni pare ne video.. kur ai i thot shoqes VIte.. pse nuku e kini realizuar pllanin e vitit 1938 te.. 80 e 3 e korigjon i ngrati ramiz..
Pra kish marre fund cdo gje..
Ndermmarjjet mbeten pa pune.. tregetia shkoj ne xerro..
a e dini kush eshte patrioti me i madh..duall ahere nje barsalete..
eshte cerciz topulli thosh dikush.. jo mo jo.. eshte selam musai.. thosh tjetri.. jo po eshte mic sokoli thosh tjatri.. jo mo jo .. e po kush na qenka mo..
eshte spinaqi.. thuhej..e pse..
sepse eshte i vetmi qe nuku e ka braktisur atdheun..
Pra ne dyqanet shqiptare mungonte djathi e vaji..orizi e fasdulja mishi e bylmeti.. fruta e perimja.. sepse te gjitha eksportoheshin jashte per me mbulue krizen financiare.. e i vetmi qe nuk eksportohej nga partia ishte spinaqi.. vetem ai i ngrati mund te gjindej ne raftet e shitoreve ushqimoro-zarzavatore.. se tjerat gjera..aha duhej shum mund e sakrific per tu gjendur.. sikurse radhat kilometrike.. oret pa fund dhe tallon triska e tmerrshme..

Ne keto kushte o kok katroret tane te nderuar.. e gjeti Dhjetori studentor shqiperine.. bile dhe me keq se cpo e pershkruaj une..
Dhe ishte Ramiz Alia ai qe u detyrua ne vitin 89-90 te te merrte nismen e shkurtimit te ushtrise.. dhe nuk mund ti vihet faj per kete ..sepse Shteti Nuk kishte me as buke per femijet e jo me rroga per mijra e mijra e mijra oficere.. qofshin komandante apo komisare..
Nuk kishte me para e buke per te mbajtur mijra e mijra oficere.. e kjo ishte arsyeja e lirimit ..
Dhe fillon Shkurtimi.. qe ne 90 ten.. pra kur Saliu eshte vetem kryetar i PD-se e jo kryeminister apo president..
Mirpo oficeret shqiptare bejne sikur e harrojne kete..
Pikerisht kur ne ministri te mbrotjes eshte titullar shoku ose zoti Perikli Teta.. vet ish inxhinier ushtarak e kryeminister eshte ose Fatosi ose dikush tjeter nga PS e president eshte vet RAmiz Alia..perpilohet lista dhe ekzekutohet kjo liste.. me ushtaraket qe do te linin punen ne ushtri..
Ajo liste i dha perparesi mbajtjes ne detyre te oficereve te rinj e specialiste.. dhe largimit te oficereve temoshuar e te llojit KOMISAR.. apo sekretar partie.. meqe sapo kishim hyre ne Pluralizem..
1 vit me vone kur vjen Sali Berisha president.. ai fillon lidhjet ma NATO-n dhe fillon specializimi i shum oficerave te rinj ne vendet e Natos..
Me shum nuk mund te bente..
Gjithashtu Saliu u dha pensionin dhe statusin ushtarakve te liruar..
Se nje pjes e tyre kete e shfrytezuan per tu marre me propagande anti demokraci.. kjo nuk eshte faji i Saliut..
Pa pune mbeti gjith Shqiperia o Kokatrora..
Ne fund te viteve 80 ta.. pushoj se funksionuari industria civile dhe ushtarake ushqimore dhe kimike.. dhe njerzit mbeten pa pune..
Fatosi perdori ca kohe variantin e 80 %.
Pra rrini ne shpija pa pune o popull e do merrni rroge 80 % te asaj qe kini marre kur punonit..
Ndoshta ashtu e gjykuan se ishte zgidhja..
Por ska zgidhje nga krizat e gjata te regjimeve staliniste..

Pra i bie qe e drejta te bejne banda u takonte cdo te riu qe i kishte mbetur mamaja apo babaja pa pune..
Jooo nuk eshte ashtu..

Pra mos ja hidhni Saliut..


..

Po pse saliu nuk i sqaron keto gjera..

sepse ai kur thot edvini ishte ne koh te PPSH nje sekretar i rendomte partie..

kjo eshte fjala me me vend e edvinit..

Pra ai saliu pra nuk e ka njohur mire Shqiperine sikurse i jati i edvinit apo si namiku ose mozi etj.. qe hynte dilte e merrte porosi tek Nexhi se cfar duhet bere qe ta trullosim miletin.. artistikishto skulpturalishto fasadoist.. qe te mos kuptoj sa eshte sahati.. pra te mos kuptojne se kemi marre fund..
Pra edvini e ka ditur qe ahere djallezite e PPSH-se.. pra ate metode pune.. .. propaganda..fasadoizmi.. pra paraqitja e fukarait te fshatit te pa buk e pa uj e pa veshje e pa strehe ne Pikture apo filma apo TV e skulptura e revista e ekspozita.. si nje qaf derr i fuqishem.. muskuloz qe korr grure duke qeshur me faqe te kuqe krah per krah me mjelsen topolake e bashk me kasketen traktorist qe shikon i frymezuar horizontin nga po rrezaton dielli i partise.. qiell blu e lule te bukra ka tirona.. e aksionist me pantallona.. gaz hare o lum si ne..

Saliu nuk i mesoj kurre kto gjera..
po kto i dinte mire Namiku e edvini.. prandaj atyre sja ha qeni shkopin e prandaj Saliut ja hane buken nga dora..

Pra Sali Berisha qe ta dini ju kokkatroret nga trekendeshi i bermudes..fier vlor berat.. me te cilet Ps do bej prap 97 tat.. e mori shqiperine ne 9o -te e dy.. si nje qorre pa sy.. si nje makin te ndryshkur qe ne rrëzë.. si nja govatë e care.. ne 700 bira.. si nje kazan pa b.ithe.. si nje tre semure te mbaruar me te tera..

Kte nuk ju a thone juve gjysherit..megjithse i dine kto pune shu me mire se brari.. se ishin ata neper zyrat e shtetit dhe i dinin se hallet vendi i kish me shum se ujet e detit..
po ata jo qe nuk u lodhen ti sheronin..po mendjen e kishin vetem se si te pergjonin.. cka po thot filani e fisteku..a mos po thon se ska dyqani gjiz e oriz.. apo mos po thone.. se po.rdhi industria e nuk prodhon dot asgje me shqiperia..
Me kte hall e mbyllen ata epoken e tyre te Lavdishme..
pacin faqen e zeze..


..

[puroshkodran]

Ej djale se je dhe moderator te lutem mos posto brrockulla te tilla se kur operonte banda e Baros Edi Rama hante makarona ne France.
Me mire thuaj qe Sali Berisha eshte njeriu i pare qe zbriti ne hene se se paku do ta besojne tropojanet.

Biseda ne gjuhen shqipe, ora 13.08 e dates 22 shkurt 2003 mes qytetareve shqiptare te quajtur Enver Dondollaku, "Goni" dhe "profesorit" (Aldo Bare).


Ne 2003-shin ne France?
Gjeni ndonji alibi tjeter per shefin se e hagri qafen e pates

[POKO]

Biseda ne gjuhen shqipe, ora 13.08 e dates 22 shkurt 2003 mes qytetareve shqiptare te quajtur Enver Dondollaku, "Goni" dhe "profesorit" (Aldo Bare).
Transkriptim ne forme permbledhese i telefonates me Imei nr. 350642073479560 i perdorur nga "Goni" (Dondollaku) drejt numrit te nje celulari turk 0090/5369646988 te perdorur nga "Profesori" (Aldo Bare).
"Goni" (Dondollaku) i thote "Profesorit" se do te flase perseri me shefin e Policise Kriminale. "Profesori" i komunikon qe te mos dergoje Erionin. "Goni" i thote se ka mesuar se reparti special i Policise se Tiranes (RENEA) ka vajtur ne Tropoje... Goni shton se, Edi Rama rrezikon te humbe mandatin, sepse po ndihmon "ata te Hakmarrjes". "Profesori" e pyet nese kane nisur serish punen. "Goni" i pergjigjet po, duke shtuar se kerkon te nise pune me prostituta, por "profesori" nuk e aprovon dhe e fton te shkoje tek ai ne Turqi.

[Syte_e_Tigrit]

Epo hallall POKO,sekretet te shtetit Shiptare rrugeve.......
Pastaj POKO,per Aldo Baren,ka vetem akuza,akuza,akuza,dhe ......asnje fakt!!!
Mos u lodhni kot te gjeni gjurmet e UJKUT kur ujqerit jane mes JUSH,dhe jo 1??por 2 ujqer??
Dy ujqer me emrat S Berisha & E Rama.po mjere ky popull qe ka rene ne duart e dy SKIZOFRENEVE pa LIMIT,po nga njera ane e ka HALLALL ti kete.
Tung

[soni12]

i gje me ben pershtypje:keto gazetat e majta pse nuk qesin ne fillim nje artikull ku japin gezimin e viktimave te ketyre krimineleve qe me ne fund do marrin denimin para drejtesis,nese ngjet,por gjithmo vrapojne te kapin ndonje familjar te ketyre krimineleve duke i qa hallin se apo i trajtojne mire apo jo.duket me tamam sikur keto gazeta,pacavure financohen nga keto kriminel.do na bejne me qa ndonje dite me ankesat e grus djatit,motre aldo bares e ku di un se kujt ma.

[Albo]

Perjashtohet nga "Banda e Lushnjes", gjyqtarja Balili

E Premte, 04 Dhjetor 2009

Tirane- Pas nisjes se hetimeve nga Prokuroria e Rrethit Gjyqesor Durres, per gjyqtaren Marsela Balili, ajo eshte zevendesuar si kryesuese e trupit gjykues te "Bandes se Lushnjes". Ne vend te saj eshte emeruar gjyqtari civilist i gjykates se Tiranes, Albert Mece. Nderkohe qe sipas vendimit te marre nga KLD-ja, te gjitha proceset gjyqesore qe drejtohen nga kjo gjyqtare, do te drejtohen nga te tjere gjyqtare. Prokuroria e Pergjithshme, i kishte derguar KLD-se nje kerkese per procedimin e kesaj gjyqtareje, pasi dyshohet per korrupsion pasiv. KLD vendosi dy dite me pare, t'i heqe imunitetin kesaj gjyqtareje dhe ky vendim eshte shoqeruar me pezullimin e saj nga detyra, deri ne provimin ose jo te akuzes ndaj saj. Procesi gjyqesor ne ngarkim te anetareve te "Bandes se Lushnjes", eshte shtyre per nje tjeter seance, ne menyre te tille qe gjyqtari i emeruar si kryesues ne kete proces te njihet me aktet e dosjes. Te pandehur ne procesin e dyte qe po zhvillohet ne ngarkim te anetareve te "Bandes se Lushnjes", jane Ilir Stergu, Afrim Hoxha, Erion (Niko) Cici, Arjan Alicaj, Jorgo (Agur) Muzaka (Musaku) dhe Rexhep Gina. Keta persona akuzohen nga Prokuroria e Krimeve te Renda per disa vepra penale, nder to edhe vrasjet e ndodhura disa vite me pare ne Lushnje. Te pandehurit akuzohen se ne emer te "Bandes se Lushnjes", te kryesuar nga Aldo Bare, kane kryer nje sere krimesh ne qytetin e Lushnjes gjate viteve 1997 e me pas.

R.Caushaj
KJ

[mesuesi_1]

i gje me ben pershtypje:keto gazetat e majta pse nuk qesin ne fillim nje artikull ku japin gezimin e viktimave te ketyre krimineleve qe me ne fund do marrin denimin para drejtesis,nese ngjet,por gjithmo vrapojne te kapin ndonje familjar te ketyre krimineleve duke i qa hallin se apo i trajtojne mire apo jo.duket me tamam sikur keto gazeta,pacavure financohen nga keto kriminel.do na bejne me qa ndonje dite me ankesat e grus djatit,motre aldo bares e ku di un se kujt ma.

po tani ..... disa gjera thuhen troc e disa gjera kuptohen vete