Zhgarravinat e mia

[Estella]

Sokol poezite e tua jane si gjurma e udhës së një tingulli të fundit drejt pafundësisë së jehonave të tua.


Me admirim,

Estella

[Estella]

Poezia është të shkruarit me shkronja shtypi të alfabetit të harresës, fjalët urrejtje, dashuri dhe vdekje.

[macia_blu]

me alfabetin e shpirtit e te mendjes...
mbeshtetur ne brinjet e filozofise...
(eh, po kur shkruan bukur edhe ti?!)

per mua eshte nje nder te zgjedhurit e forumit....
me mall per nje poezi te re...
por qe edhe po nuk e hodhe ketu...e bindur se shkruan bukur.
miqesisht el-macia_blu

[macia_blu]

sa pak paskam thene "shkruan bukur" jo bukur ore po SHUME BUKUR, MREKULLISHT BUKUR....
(per mendimin tim...)mallueshem ajo...el...macia...blu

[Sokoli]

Gjunj’ prere zvarris hapat
. . . . . . . . . . . . . . . . . . . udheve
. . . . . . . . . . . . . . . . . . . . . . . . . te Michiganit katror
me Vendlindjen mbetur
. . . . . . . . . . . . . . . . . . kocke ne fyt
shpinen m’a rendon mallkimi me mizor
po me mbyt, po me mbyt...

Jetofsh ne kohe interesante!
Me rendohet mbremjeve mbi shpine.
Trashegim i lashte nder breza te leshte.
S’paska pasur mallkim me te hidhur per njerine.

[Sokoli]

E sheh atë të marrin atje tej?
Shhh... ësht' poet.
Mos e nga,
lëre të qetë.

E di pse?
Se ti s'je poet!



11 shtator – 2002

[shigjeta]

e bukur

[macia_blu]

e di pse?
se ti s'je poet -sa e thjeshte-sa e bukur!
me e bukur se gjithe te bukurat eshte kthimi yt i mezi pritur nga dashnoret e poezise .
urime mik...

[Sokoli]

Tek të shoh ashtu,
gjoks-zbërthyer,
të ikur, të krisur
vrasës të mishit,
rregull-braktisur,
gjiton të Krishtit,
në hartë të grisur
Më vjen të t'pyes:
"Mos je gjë poet"?

E tek të ndiej t'ma kursesh përgjigjen
të lutem të nginjesh sadopak
në lotin e bojës sime, o Poet.
O i qelqti bir i ndienjës
O kujdestar, i dhëmbur i shpirtit
Pagë e bukë të është dhimbja
Për fund, fundi pa fund i Sizifit.

[Sokoli]

Çekiçi i qelqtë rreh pa pushim
kudhrën femërore të derdhur në plastikë
goditet a godet rreket e dot s’ndan
stinëve lëmuar ritual a detyrim.

Shkëndija të papara forxhës anembanë
thyerje, ngjitje, shkrirje
............................qysh herët në agim
krisur, përvëluar, ne të Natyrës darë
sundon i robëruar ndër robër sundimtarë.


9 Tetor - 2002
Michigan
© Sokol Nika