Anketa: 51.18% e te anketuarve jane pro mbajtjes se zgjedhjeve lokale në vitin 2006

[ARIANI_TB]

Në një anketë nga agjencia e lajmeve Kosovapress “A duhet të mbahen zgjedhjet e rregullta lokale këtë vit?”, në të cilën morën pjesë 1059 respodentë, për mbajtjen e zgjedhjeve në vitin 2006 u shprehen 51.18%, apo 542 respodentë, për mbajtjen e zgjedhjeve në vitin 2007 u shprehën 28.42% apo 301 respodentë, kundër mbajtjes së zgjedhjeve këtë vit 17.37% apo 134 respodentë, ndërsa 3.01% apo 32 respodentë, nuk kanë preferuar asnjërën nga këto tri variante.



Ndryshe, LDK, PDK dhe AAK ende nuk kanë paraqitur kërkesën e tyre zyrtare për kohën e mbajtjes së zgjedhjeve lokale, ndërsa ORA ka kërkuar që ato të mbahen në vjeshtën e këtij viti.

Në anën tjetër Soren Jesen Petersen ka kërkuar nga subjektet politike kosovare që vetë të vendosin për kohën e mbajtjes së zgjedhjeve lokale, të cilat sipas rregullores është dashur të mbahen gjatë kësaj vjeshte.

Petersen ka thënë se duhet shikuar argumentet për të vlerësuar nëse zgjedhjet lokale mund të mbahen sivjet ose jo, ndërkohë që ka bërë të ditur se do të ketë takime me subjektet politike kosovare për t’u konsultuar lidhur me vendimin përfundimtar.



Prishtinë, 19 prill 2006 (Kosovapress) Koha 17:53