Zhvillimet politike post-Rugova në LDK

[Llapi]

Lulzim Zeneli zëdhënës i LDK-së : "MOSMBAJTJA E TAKIMEVE TË KRYESISË SË LDK ËSHTË NJË LOJË SHUMË E FËLLIQTË" !! - në revistën "JAVA"



Lulzim Zeneli zëdhënës i LDK-së : "MOSMBAJTJA E TAKIMEVE TË KRYESISË SË LDK ËSHTË NJË LOJË SHUMË E FËLLIQTË" !! - në revistën "JAVA"

- Pjesë nga intervista e Lulzim Zenelit zëdhënës i LDK-së dhënë revistës "JAVA"

JAVA: Kohëve të fundit Kryesia e LDK-së shpesh ndodh që nuk i mban mbledhjet e rregullta të Kryesisë? Pse?

Zeneli: Kjo është një e metë e madhe që po i ndodh LDK-së. Do e quaja edhe fatkeqësi…në realitet…po ndodh kjo.

JAVA: As juve si zëdhënës nuk ju shpjegohen arsyet e mosmbajtjeve të këtyre mbledhjeve?

Zeneli: Nuk ka shpjegime. Unë duhet të potencoj se në kohën e presidentit Rugova ne jemi takuar 3 herë në javë, e tash ndodh 3 javë të mos takohemi. Kjo tregon se ka të meta në funksionalitetin e brendshëm të LDK-së. Është momenti kur niveli i përgjegjësisë duhet të rritet brenda vetë LDK-së, përndryshe nuk do të jemi në nivelin e përgjegjësisë që na e ka besuar elektorati. Po them elektorati, për vetë faktin se ekzistojnë shumë gjëra për të cilat duhet të mirren vendime urgjente, shumë të shpejta, dhe kjo kërkohet prej nesh. Prej Kryesisë së LDK-së ka shumë përgjigje që priten. Do thosha se mosmbajtja e takimeve është një lojë shumë e fëlliqtë.

JAVA: Cili është qëllimi i kësaj loje?

Zeneli: Ekziston mundësia se këto janë kalkulime politike.

JAVA: A lidhen këto në njëfarë mënyre me shtyerjen e zgjedhjeve të brendshme?

Zeneli: Plotësisht lidhen këto kalkulime me shtyerjen e zgjedhjeve të brendshme në LDK dhe lidhen edhe me elemente tjera, e kjo është me denigrimin e figurave të mëdhaja të LDK-së.

JAVA: A do të mbahen këto zgjedhje në afatin e caktuar nga OSBE-ja?

Zeneli: Grupi punues do të dalë me një dokument dhe Kryesia e LDK-së do të jetë ajo e cila do të caktojë datën. Këshilli i Përgjithshëm i partisë është ai organi kompetent që do ta merr vendimin për shpalljen e datës së zgjedhjeve. Këto janë zgjedhjet më të rëndësishmet në histori për LDK-në.

[Llapi]

LËVIZJET NË LDK, E SHTYNË TË LËVIZË DACI
Nga Vedat Vllasaliu
May 11, 2006, 15:38


LDKistat

Kush do të jetë kryetari i ardhshëm i Partisë më të madhe në Kosovë, Lidhjes Demokratike të Kosovës? Një pyetje që padyshim është me interes për një numër jo të vogël të qytetarëve brenda këtij vendi.
Emërimi i Fatmir Sejdiut për kryetar të Kosovës me arsyetimin se ky ka qenë amaneti i kryetarit të ndjerë Ibrahim Rugova, ka bërë që kohëve të fundit të fillojnë lëvizjet brenda partisë numër një në Kosovë. Shkarkimi i Nexhat Dacit nga posti i kryeparlamentarit, që në fillim u bë i mundshëm dhe i kapshëm për një numër të anëtarëve të kësaj partie, me arsyetimin se ky shkarkim bëhet për hir të demokracisë dhe proceseve të cilat duhet të shtyhen përpara, ka bërë që kjo parti të pësojë termete të mëdha brenda saj.
Nexhat Daci akuzohet për keqmenaxhim dhe jodemokraci brenda parlamentit.
Një numër i anëtarëve të kësaj partie është shprehur kundër këtij shkarkimi, e sidomos Forumi Rinor i kësaj partie, i cili njihet edhe si katalizatori kryesor i LDK-së.
Ndërkaq, disa të tjerë e përkrahin këtë vendim, edhe pse të gjithë e mbronin Dacin nga akuzat për keqmenaxhim dhe jodemokraci.

Shumëkush flet për ndarjet brenda LDK-së. Dëgjohen emra të ndryshëm të radhitur në dy taborre, ashtu si u kualifikuan në JAVA: taborri i Rugovistave dhe ai i LDK-istave.
Dikush i përshëndet këto shkarkime dhe shpreson për një demokraci më të madhe brenda partisë, të tjerët shprehen se demokracia ka ekzistuar brenda saj dhe tash po shkilet kjo demokraci. Një gjë është e ditur, këtë parti e presin zgjedhjet e brendshme, të cilat prej disave priten dhe thirren me ngulm, e për disa të tjerë shpresohet për një shtyrje me afat të pacaktuar. Brenda gjithë këtyre lëvizjeve dhe paralajmërimeve për shkarkimet e radhës, ekziston një fokus, ai i figurës së Dacit.
Pas shkarkimit të Dacit, në një intervistë dhënë mediave në kohën kur ai ende gjendej në vilën e tij në Brezovicë, ai pat deklaruar se ka në dispozicion planin A, B, C.
Fushatat brenda LDK-së në një mënyrë vetëmsa kanë filluar. Daci kohë më parë ka qenë i ftuar në Zvicër nga anëtarët e LDK-së në diasporë, dega në Zvicër. Ato ditë Daci ishte pritur nga një numër i madh i anëtarëve dhe simpatizantëve të kësaj partie, thuhet se ka qenë afërsisht 800 persona. Daci po ashtu është ftuar nga pjesë tjera të diasporës shqiptare si në Gjermani, Suedi...
Fushatën e heshtur, apo thënë drejtë, dëshirën për ta takuar Dacin e ka vazhduar elektorati i LDK-së brenda Kosovës. Me t’u kthyer nga Gjermania, Daci është ftuar në Kastriot, pastaj në Pejë, Gjakovë, Ferizaj dhe së fundi këto ditë në Viti.
Dacin e do elektorati, është përgjigja nga shumë anëtarë të kësaj partie. Dhe njëherit ata shprehen se e vetmja figurë e cila do t’i fitonte zgjedhjet është ajo e akademikut Daci. Nexhat Daci është ftuar këto ditë të jetë pjesëmarrës në përvjetorin e dëshmorëve të rënë për liri në Korishë, komunë e Prizrenit, dhe po ashtu njoftohet se shpejt do të ftohet edhe në Klinë, në vendlindjen e zëvendësuesit të tij Kolë Berisha.

Ditëve të fundit brenda kësaj partie debatohet për mbajtjen apo mosmbajtjen e zgjedhjeve të brendshme. Fatmir Sejdiu ishte shprehur se këto zgjedhje do të mbahen kur te shohin se është e nevojshme. Kolë Berisha kërkon mbajtjen e zgjedhjeve të Forumit Rinor të LDK-së, duke u thirrur në një deklaratë apo nënshkrime nga disa anëtarë të Forumit Rinor, gjë të cilën ky forum e hedh poshtë, duke u arsyetuar se ato nënshkrime janë falsifikuar. Por, një gjë është e vërtetë: Forumi Rinor i është nënshtruar 5 herë radhazi votës së lirë, përderisa anëtarët e e partisë asnjiherë! Kjo ishte edhe përgjegja që i bëri Kolë Berishës kryetari i Forumit Rinor Sejdë Tolaj, duke thënë se kredibiliteti i Forumit dhe i tij si kryetar është legjitimuar në shumjë raste, prëderisa ai i Kolë Berishës nuk i është nënshtruar ndponjëherë këtij legjitimiteti.
Njoftohet se Daci do të udhëtojë në Amerikë, i ftuar të takohet me Bob Dole dhe përfaqësues të tjerë shqiptarë të diasporës në Amerikë. Se ka filluar fushata brenda LDK-së, kjo po shihet nga avioni. Po cili nga ato plane A, B, apo C është duke u realizuar?

G.Java

[Llapi]

EQREM KRYEZIU ËSHTË AI QË NA NDAN NË LDKISTA DHE NË RUGOVISTA

Nga Vedat Vllasaliu
May 11, 2006, 15:38


Gani Geci

LIDHJEN DEMOKRATIKE TË KOSOVËS DUHET TA UDHËHEQIN AKADEMIKËT, E JO ATA ME SHKOLLA TË MESME APO ATA ME SHKOLLA TË NATËS


JAVA: Fillimisht nuk keni qenë përkrahës i zotëri Dacit, e kohëve të fundit duket se ju keni ndërruar qëndrimin. Cila është arsyeja e ndërrimit të qëndrimit në lidhje me zotëri Dacin?

Gani Geci: Jo, ju lutem…ne nuk e kemi ndërruar mendimin për Dacin. Ne Dacin e kemi përkrahur gjithmonë, edhe atëherë kur ka qenë kryetar i Parlamentit të Kosovës. Ne nuk i kemi përkrahur disa ministra të qeverisë së Kosovës, të cilët janë zgjedhur nëpër kafene. Përderisa, sa i përket figurës së Dacit, Daci është akademik…është një figurë e madhe e politikës së Kosovës.

JAVA: Me fjalë tjera, e keni përkrahur atëherë, mirëpo a e përkrahni edhe sot?

Gani Geci: Ne e kemi përkrahur edhe në fillim të karrierës së tij politike, atëherë kur është konstituar parlamenti i Kosovës, në atë kohë disa të ish dalur nga lufta e kanë kërcënuar zotëri Dacin,e ne edhe atëherë e kemi përkrahur. Arsyeja e kësaj përkrahje ndaj tij është se ai është akademik dhe është figurë e fuqishme mbrenda LDK-së.

JAVA: E kam fjalën kur u shkarkua Daci, e keni përkrahur edhe në atë kohë?

Gani Geci: Ahaaaa…sa i përket shkarkimit të Dacit, ne nuk kemi përkrahur disa ministra mbrenda qeverisë, që janë bërë ministra nëpër kafiteri, kjo ka qenë ajo. Përderisa, sa i përket shkarkimit të Dacit, ne gjithmonë kemi qenë kundër këtij shkarkimi. Për shkak se shkarkimi i Dacit ka bërë disa termete brenda LDK-së. Daci është një figurë e madhe e Lidhjes Demokratike të Kosovës. Dua të sqarohem shumë thjesht: Nexhat Daci i ka fituar zgjedhjet e para elektorale, me mbi 65 përqind në Prishtinë, mandej në zgjedhjet në parti ka qenë i dyti, pas presidentit të Kosovës.

JAVA: Sipas jush, Daci është person shumë i rëndësishëm për Lidhjen Demokratike të Kosovës?

Gani Geci: Lidhja Demokratike e Kosovës pas vdekjes së presidentit të ndjerë Ibrahim Rugova (është fjala për kohën e tashme dhe gjithë këto gjëra që po ndodhin në kohën e fundit), fitimin e këtyre zgjedhjeve e sheh në figurën e Nexhat Dacit. Elektorati është ai që e sheh këtë…Ne duhet të bëjmë një test me elektoratin dhe ta pyesim elektoratin e LDK-së se cilën figurë ata e mbështesin, dhe atëherë do ta shihni se me kend do t’i fitojë zgjedhjet Lidhja Demokratike.

JAVA: Ngjarjet e fundit brenda LDK-së, të shtynë të kuptosh se Lidhja Demokratike po ndahet në dysh?

Gani Geci: Jo…jo…vetëm duhet të ketë zgjedhje dhe pikë. Lidhja Demokratike duhet të mbajë zgjedhjet brenda partisë. Ai që i fiton votat, ai do të jetë kryetar i partisë. Ne, vëllezërit Geci dhe gjithë anëtarësia e Lidhjes Demokratike, do të rreshtohemi pas atij që i fiton votat. Unë po flas për vëllezërit e mi dhe për veten personalisht, ne do të jemi pas atij që i fiton zgjedhjet në kuvend të rregullt të Lidhjes Demokratike të Kosovës.


Mos po doni të bëhemi si parlamenti i Shqipërisë


JAVA: Ju personalisht jeni pro Dacit apo kundër tij?

Gani Geci: Ende s’ka filluar fushata për kryetar të Partisë. Ne jemi në njëfarë forme pak a shumë neutralë, pasi Lidhja Demokratike e Kosovës nuk është prononcuar se do të mbahen zgjedhjet me datën e caktuar apo se do t’i shtyjë ato.

JAVA: Nexhat Daci është kritikuar për keqmenaxhim dhe jodemokraci brenda parlamentit të Kosovës dhe vetë Lidhjes Demokratike të Kosovës. Si i perceptoni ju këto akuza drejtuar Dacit?

Gani Geci: Sa i përket keqmenaxhimeve - është auditimi. Auditimi është edhe në parlament edhe në disa ministri. Pra, auditimi është bërë dhe nuk ka ndonjë argument se zotëri Daci ka bërë ndonjë keqmenaxhim në parlamentin e Kosovës. Unë sa i kam përcjell mjetet e informimit, nuk kam ndëgjuar diçka që argumenton keqmenaxhimin e Dacit. E sa u përket atyre ‘sahatave’, ‘orave’…ato janë diçka tjetër.
Sa i përket autoritetit të Dacit, ne jemi duke e shikuar çdo ditë parlamentin e Shqipërisë… Mos po dëshirojmë që të bëhet i njëjtë edhe parlamenti ynë?



Eqrem Kryeziu po na ndanë


JAVA: Eqrem Kryeziu në një intervistë për media është shprehur se “ka kaluar koha e jodemokracisë dhe ka ardhë koha e demokracisë, të cilën e kemi pritur”. A ka pasur demokraci brenda LDK-së më parë?

Gani Geci: Nëse Eqrem Kryeziu ka thënë se nuk ka pasë demokraci brenda LDK-së, atëherë Lidhja Demokratike e Kosovës më parë ka pas një president, të ndjerin Ibrahim Rugova, pra atëherë ai paska qenë fajtor sipas Eqrem Kryeziut pse nuk paska pasur demokraci brenda LDK-së.

JAVA: Zotëri Daci në njëfarë mënyre është përfshirë në një fushatë e cila në qarqe mediatike po quhet fushatë rugoviane, e në anën tjetër, sipas po këtyre qarqeve mediatike, brenda LDK-së ekziston edhe fryma tjetër e quajtur rryma LDK-iste. Cilën prej këtyre dy rrymave e përkrahni ju personalisht?

Gani Geci: Thënë sinqerisht, ne jemi anëtarë të Lidhjes Demokratike të Kosovës. Ne kërkojmë që të mbahet një kuvend i Lidhjes Demokratike të Kosovës, dhe në kuvendin e rregullt të Lidhjes Demokratike të Kosovës, le të dalin me disa kandidatë. Ne nuk kemi asgjë kundër që kundërkandidat i Nexhat Dacit të jetë Eqrem Kryeziu, e kundërkandidat i të dyve të jetë Sabri Hamiti, apo Ali Lajçi, sikur edhe është duke u përfolur nëpër media. Dhe, ai i cili i fiton zgjedhjet është kryetar i Lidhjes Demokratike të Kosovës. Dua një gjë të sqaroj: këto ndarjet në LDK – është vetë Eqrem Kryeziu ai i cili i ka bërë. Pra kjo ndarje në LDK-ista dhe Rugovista. Eqrem Kryeziu është ai i cili bën ndamjet. Unë po flas për atë që po shoh në media. Eqrem Kryeziu po i bën këto ndarje, duke thirrur jo këta janë me mua, ata janë me ata tjerët.

JAVA: Ju më herët keni kritikuar edhe zotëri Fatmir Sejdiun, kryetarin e tanishëm të Kosovës, në lidhje me një duartrokitje që ai i bën zotëri Rexhep Qosjes. Kjo kritikë lidhet me ndarjet që janë brenda LDK-së, apo lidhet drejtëpërsëdrejti me figurën e Rexhep Qosjes?

Gani Geci: Ne kemi punuar 16 vjet që Kosova të frymojë si shtet. Ish presidenti i ndjerë Rugova ka propozuar disa elemente të shtetit, e elemente të shtetit janë himni dhe flamuri. Këto janë simbole të shtetit. Këto kanë qenë propozime të presidentit të ndjerë të Kosovës, zotëri Ibrahim Rugova, e fatkeqëisht i gjithë elektorati i LDK-së është duke e pa vetë që nëpër disa manifestime nuk është duke u kënduar himni dhe nuk është duke u përdor flamuri i Dradanisë. E këto janë elemente të shtetit. E këto elemente një ditë do të vinin përmes një referendumi apo propozimi edhe në kuvendin e Kosovës të miratohen. Fatmir Sejdiu përderisa ishte prezent në manifestimin ku ishte i pranishëm edhe Qosja, ku Qosja nuk la fjalë të keqe pa thënë për presidentin Rugova, Fatmir Sejdiu rrehte shuplakë dhe kjo ka qenë e vërejtur edhe nga mjetet e informimit. Këtë gjest të tij e kanë pa me sytë e tyre e gjithë anëtarësia e LDK-së. Ne s’kemi asgjë kundër Fatmir Sejdiut, mirëpo ajo ka ra në sy tek anëtarësia e LDK-së. Unë duhet të precizoj se ne nuk jemi ata të cilët përkrahin dikend që shan punën 16 vjeçare të presidentit të ndjerë Rugova.

JAVA: Në bazë të kësaj që thoni ju, domethanë rregullat e presidentit Rugova po shkilen nga vetë anëtarët e LDK-së?

Gani Geci: Kryesia e Lidhjes Demokratike, po flas për kryesinë e cila është tani në këtë kohë, dhe kryesia e cila do të vie, mendoj që vizion do ta kenë rrugën e presidentit të ndjerë Rugova, pasi Rugova ka qenë presidenti më i fuqishëm në politikën rajonale, jo vetëm atë kosovare, por rajonale. Tani jemi në prag të zgjidhjes së statusit. Dua të potencoj se këta njerëz të cilët asokohe kanë vizatuar harta, presidenti i Kosovës i kishte pyetur se kush jeni ju që të shkoni dhe të vizatoni harta në Angli. Këtë presidenti asokohe ia kishte thënë Lutfi Hazirit. Pra, e kam fjalën për Lutfi Hazirin.



Ne nuk domë një Qipro



JAVA: Ju doni të thoni se nga vetë anëtarët e LDK-së ka pas mendime që kanë rezultuar me dalje nga binarët e përcaktuar nga presidenti i ndjerë i kësaj partie, zotëri Rugova?

Gani Geci: Binarët e kësaj partie kanë qenë që Kosova të jetë shtet i pavarur. Ju e dini, filozofia më e shkurtër ka qenë, “sa më shpejtë që të njihet pavarësia e Kosovës, aq më shpejtë do të qetësohet kjo pjesë e rajonit dhe e botës’.

JAVA: Kohëve të fundit negociatat të cilat po zhvillohen nuk garantojnë një status decidivisht të atillë çfarë e ka menduar edhe vetë Presidenti i ndjerë Rugova. Çka mendoni ju në lidhje me këtë?

Gani Geci: Ne nuk dëshirojmë një Qipro. Anëtarësia e Lidhjes Demokratike nuk dëshiron Qipron Veriore dhe Qipron Jugore, nuk dëshiron Mitrovicën Veriore dhe Jugore. Mitrovica duhet të jetë një qytet i gjithë qytetarëve që banojnë aty, qofshin ata serbë shqiptarë apo nacionalitete tjera. Po ashtu, ne jemi kundër asaj që Qagllavica të marr gjysmën e Prishtinës dhe të bëhet një komunë e madhe.


Ata që janë për shtyerje të zgjedhjeve, janë ata anëtarë që frikohen nga këto zgjedhje



JAVA: Parregullsitë të cilat i cekët edhe vetë ju, si çështja e himnit, pastaj Rexhep Qosjes… a janë përçarje në vetë LDK? Nëse po, kjo përçarje a kishte me e rreziku LDK-në që në zgjedhjet e ardhshme të humb votat?

Gani Geci: Ju lutem…ne nuk flasim për përçarje këtu. Jemi para një kuvendi të Lidhjes Demokratike, para një kuvendi të madh të LDK-së, pasi ne kemi humbur një burrë të madh të shtetit të Kosovës, e ai ka qenë presidenti i ndjerë, i nderuari Ibrahim Rugova. Dhe, meqë jemi para një kuvendi, nuk domethënë se jemi të përçarë, sepse po e potencoj, pas kuvendit ne do të jemi prap një, do ta ndëgjojmë kryetarin që do të zgjidhet me votën e lirë dhe besoj se të gjithë anëtarët e LDK-së do të rreshtohen pas tij.

JAVA: Një numër i anëtarëve të LDK-së është shprehur pro mbajtjes së zgjedhjeve të brendshme partiake, përderisa një numër ka qenë kundër mbajtjes së zgjedhjeve.Çka mendoni, a duhet të shtyhen këto zgjedhje apo duhet të mbahen?

Gani Geci: Unë them se ata që janë prononcuar për shtyrjen e zgjedhjeve janë ata anëtarë që frikohen nga këto zgjedhje.

JAVA: Ju mendoni se duhet të mbahen këto zgjedhje?

Gani Geci: Po, unë mendoj dhe thërras që këto zgjedhje të mbahen sa më parë që është e mundur. Arsyeja kryesore është se ne jemi e vetmja parti pa kryetar, përderisa të gjitha partitë tjera i kanë kryetarët. E kanë zotin e shpisë, edhe ne duhet ta kemi.

JAVA: Sipas jush, kush do të jetë kryetari i ri i Lidhjes Demokratike të Kosovës?

Gani Geci: Unë mendoj se do të jetë ai i cili fiton shumicën e votave në kuvendin e rregullt.

JAVA: Ju nuk keni ndonjë anëtar për të cilin supozoni se do të fitonte?

Gani Geci: Jo, ende nuk ka filluar fushata. Meqë ende s’ka filluar fushata, ne ende s’jemi përcaktuar që ta përkrahim këtë anëtar apo atë anëtar. Por, ne jemi të mendimit që Lidhjen Demokratike të Kosovës duhet ta udhëheqin akademikët, e jo ata me shkolla të mesme apo ata me shkolla të natës.



© by Gazetajava.com

[DardanG]

More gjithnjë kamë pasur një rrespekt ndaj figurës së Gani Gecit (dhe familjes Geci në tërsi), porse intervista e tij më lartë më ka lënë gojëhapur për maturinë, pjekurinë dhe burrërinë, urtinë e tij. Por si mund të jetë ai ndryshe kur është bir i Gecve të LLaushës, bir dhe trim Drenice e Kosove!

[ideus]

More gjithnjë kamë pasur një rrespekt ndaj figurës së Gani Gecit (dhe familjes Geci në tërsi), porse intervista e tij më lartë më ka lënë gojëhapur për maturinë, pjekurinë dhe burrërinë, urtinë e tij. Por si mund të jetë ai ndryshe kur është bir i Gecve të LLaushës, bir dhe trim Drenice e Kosove!

DardanG, si ta poston Llapi dyshohet per nderhyrje ne ato intervista.

[DardanG]

DardanG, si ta poston Llapi dyshohet per nderhyrje ne ato intervista.

Eshtë e mundshme! Megjithatë, po të ndërhynte intervista do të kishte një kahje tjetër. Sidoqë të jetë më pëlqeu ashtu si ishte, nëse vërtetë ishte ashtu.

[Llapi]

DardanG, si ta poston Llapi dyshohet per nderhyrje ne ato intervista.

Jo jo nuk nderhyn Llapi kurr por nuk po ju pelqen sepse ne LDK nuk din kush han e kush paguan me nji fjal nuk e njef qeni te zojen e shpis siq thot nji fjal popullore
qe ku e ke intervisten e Lexoje e shife se a e kame ndryshue a jo balit.


http://gazetajava.com/artman/exec/se...x/default.html

[DardanG]

Jo jo nuk nderhyn Llapi kurr por nuk po ju pelqen sepse ne LDK nuk din kush han e kush paguan me nji fjal nuk e njef qeni te zojen e shpis siq thot nji fjal popullore
qe ku e ke intervisten e Lexoje e shife se a e kame ndryshue a jo balit.


http://gazetajava.com/artman/exec/se...x/default.html

Mezi pret derisa të shkatërrohet ajo LDK, more LLapi! Aq shumë ta ka zënë udhën, aq shumë të janë errur sytë nga urrejtja për pjesën më të madhe të popullit të Kosovës! Aq shumë gënjen, aq shumë trillon, aq shumë përflet, aq shumë "profetizon", por kurrë nuk ia qëllon...!
Nuk është e cuditshme more "LLapi", sepse je i sojit cfarë je. Dhe këtë e di populli, ndaj sado që shtireni "patriot", sado që shtireni "clirimtar", sado që përbetoheni në emër të popullit kosovar e shqiptar (dhe herë herë e shani dhe e poshtëroni nga urrejtja që keni ndaj tij), populli e di cfarë jeni. Katër zgjedhje, more "Llapi" i humbet nga LDK ( e unë sinqerisht do të deshiroja që ti ta fitoje të paktën një) dhe si sheh ëndrra që të fitosh në zgjedhjet e pesta! Jo more "LLapi", me këto mend që i ke ti, me këtë lëkurë që endërron ditë e përditë, me këto sharje e fyerje, me këto falle nuk mund të fitosh zgjedhje vecse aty ku i ke fituar, në ato pak komuna dhe fshatra që nuk cojnë dhe aq shumë peshë ( fundja duhet sa për pluralizëm politik).
LDK mund të jetë në krizë (gjithmonë kriza të tilla ndodhin kur lideri i tyre ndërron jetë), por mos harro ore "LLapi" se kjo "krizë" në LDK më shumë është fryrë nga vetë LDK, më shumë është e shpifur dhe ndoshta edhe është e taktizuar se sa është reale. Mos harro more "Llapi" se ju mendonit se LDK u shkatërrua kur ikën ai e ai (Hyseni, Tahiri, Shukriu, Bukoshi...) por ajo nuk u shkatërua, por u clirua dhe doli gjithnjë e më e fort, ndërsa të ikurit mbetën në bishtë të pelës! Dhe të turpëruar!
Mos harro more LLapi se LDK nuk e krijoi vetëm Rugova, por atë e krijuan 700 mijë shqiptarë, dhe shqiptarë të vërtetë, të cilët u nënshkruan në të parën parti opozitare kundër Serbisë dhe atë para syve të ushtarëve dhe policëve serb dhe po LDK së bashku me atë popull organizuan referendumin për pavarësi, po ata shpallën Kushtetuten e Kacanikut! Ata e bënë haptas, si trima e nacionalist të përbetuar dhe nuk e bënë fshehtas", apo tutzash (ilegalisht ju tingëllon më shumë juve) sic e bëtë ju ndonjë "p..." birucave! Ata700 mijë shqiptarë që u nënshkruan ta luftojnë haptas Serbinë do të votojnë sërish për LDK, cfarëdo që të jetë ajo, edhe pa një Editë , edhe pa një Hydajet, edhe pa një Bujar, edhe pa një Edi, edhe pa një...soj e sorollop të mundshëm që mund të dalë ashtu sic dolën dhe u penduan fort që dolën ( sikur zonjusha Editë që derdhte lotë mbase pendese pranë arkivolit të Rugovës).
Sinqerisht nuk me pengon nëse partia e juaj do të fitoj në zgjedhjet e ardhshme ( me shpresë që të fitoj ajo pjesa më e shëndoshë), por ka shumë pak mundësi ta bind një popull të tërë një parti me antarë sikur ti more "LLapi" që sheh ëndërra, cel filxhanë dhe me mendje të errësuar dhe sy të skuqur nga urrejtja! Nga urrejtja kundrejt shumicës së popullit i cili nuk ju përfill se nuk ju përfill. Mbase edhe ju njeh, fort mirë ndasj nuk ju përfill?!
Populli do ta thotë fjalën e vetë në zgjedhjet e ardhshme dhe ai do të dënoj dhe do të shpërblejë secilën parti, por mendja e një populli nuk thehet aq lehtë, sadoqë të mëdha të jenë zhgënjimet e tij. Miku i mirë dihet në kohë të vështirë, thotë populli! Dhe ata 700 mijë shqiptarë ishin miqë të mirë të njëri tjetrit, në kohë të vështirë, shumë të vështira!

[Beni-usa]

DardanG, postimi i juaj nuk do koment por nuk do të preferoja të
debatosh me LLAPIN se ai është i verber dhe nuk sheh me larg se hunda
e tij, vet krahina e Llapit prej nga është edhe Llapi janë 60% LDK dhe
30% PDK. Sa të është në krye të PDK Hashim Biçiklisti dhe Xhavit Mafija
nuk ka me fitu zgjedhje edhe për 50 vjet, një kryetar partie që i humb të
gjitha zgjedhjet e mundshme pra kater zgjedhje deri tash nuk e di pse
ende vazhdon te jetë kryetar.

Beni

[Llapi]

Zhagitja e zgjedhjeve në LDK

Loja me një proces shumë të rëndësishëm

Shkruan: Sabit Rrustemi

Mbajtja apo shtyrja e zgjedhjeve në LDK tashmë është bërë thjeshtë një lojë e pështyrë dhe aspak e denjë për një parti më një përvojë 16 vjeçare. Të luash me një proces kaq të rëndësishëm zgjedhor, do të thotë të luash me një anëtarësi të gjerë prej qindra mijëra anëtarësh. Po, do të thotë edhe të luash apo edhe t’ i mohosh në njërën anë edhe dokumentet bazë, dokumentet themeltare të partisë, siç është vetë statuti i saj.

Kur ndalesh dhe shikon kush e heq vallen e kësaj loje, mbetesh i nemitur. Nuk mund ta besosh se në krye të saj është vetë kryesia e LDK-së. Kjo kryesi u zgjodh në vitin 1998 pas një procesi zgjedhor demokratik, i cili ishte aq i diskutueshëm dhe sot e asaj dite, për pjesën që braktisi LDK-në, mbeti një proces i pashpjegueshëm. Më pas, në procesin zgjedhor, ndër më të mirëfilltit që u mbajtën ndonjëherë në LDK atë të vitit 2002, po kjo kryesi, pa miratim a votim fare të Këshillit të Përgjithshëm të LDK zgjati jetën e saj përmes emrit të Dr. Ibrahim Rugovës, presidentit historik të Kosovës, edhe për dy vite, pa e mbledhur fare KP të LDK-së deri në një Kuvend Pune të LDK-së që kishte edhe karakter zgjedhor (2004) duke u harrnuar edhe me nëntë anëtarë të rinj, për të cilët u shfrytëzua rasti i pranisë së anëtarëve të KP në Kuvendin e Përgjithshëm të LDK-së dhe u aminuan, falë autoritetit të pakontestueshëm të Rugovës dhe, kontestimi i saj nuk ka ardhur asnjëherë në shprehje, pavarësisht mënyrave të jetëgjatësisë së saj apo të procedurave të zbatuara në gjithë këtë jetëgjatësi. Mirëpo, pas vdekjes së Presidentit Rugova, kjo kryesi përmes sjelljes së saj dhe veprimeve të ngutshme dhe të pakonsultuara dhe të pamiratuara nga KP i LDK-së që ndërmori, vetvetiu kontestoi legjitimitetin e saj. Ndërsa tash, me insistimin e shumicës së saj për shtyrjen e procesit të rregullt zgjedhor në LDK vetëm që , për mendimin tim, edhe më tepër po e deligjitimon të qenit e saj në udhëheqjen e një partie kaq të madhe dhe thuaja të papërsëritshme në tërë rajonin e kësaj pjese të Ballkanit. Me vite të tëra, dhe jo vetëm unë, kemi qenë mbështetësit e kësaj kryesie. Asnjëherë nuk e kemi kërkuar përgjegjësinë e saj, përkundër lëshimeve të manifestuara ose, përkundër të qenit përherë nën hijen e Presidentit Rugova. E kemi mbështetur për hir të proceseve në të cilat kalonte Kosova, e kemi mbështetur edhe për hir të asaj se, në momentin kur u zgjodh, ishte propozim i vetë Presidentit Rugova. Siç e kemi mbështetur edhe pas luftës dhe, edhe gjatë nderimeve dhe pas përcjelljes fizike të vetë Rugovës, duke kërkuar dhe dëshiruar që, vërtetë të jetë besnike e frymës së Rugovës në LDK dhe e gjithë asaj trashëgimie politike që la Rugova jo vetëm për LDK po në rend të parë për Kosovën dhe qytetarët e saj si dhe vetë rajonin.

Tash, kjo kryesi shpërfill këtë mbështetje. Kjo shpërfillje, tashmë ka kaluar edhe përmasa më të mëdha sepse, pas vdekjes së Rugovës dhe kalimit të ditëve të zisë, nuk e pa të udhës asnjëherë ta thërras KP të LDK-së dhe, gjitha ato vendime të rëndësishme t’ i aprovojë përmes organit më të lartë të partisë. Po, i mjaftoi vetëm shumica brenda vetë kryesisë së LDK-së, gjë që realisht bëri veprim kundër-statutar. Zgjedhja e presidentit të vendit është dashur të manifestohet në publik edhe përmes mbështetjes së Këshillit të Përgjithshëm të LDK-së. Njësoj është dashur të diskutoheshin dhe mbështeteshin edhe ndërrimet në qeveri dhe në Kuvendin e Kosovës po përmes Këshillit të Përgjithshëm. Grupi Parlamentar i LDK-së në Kuvendin e Kosovës nuk është Këshilli i Përgjithshëm ani se shumica e anëtarëve të këtij grupi, në mos të gjithë, janë njëkohësisht edhe anëtarë të këtij Këshilli. Por, ata kanë emër tjetër dhe përfaqësojnë politikat e LDK në Kuvendin e Kosovës, politika këto që do duhej të ndërtohen dhe aprovohen nga KP i LDK. Grupi Parlamentar është dashur të jetë realisht vetëm një Grup a trupë që në Kuvendin e Kosovës zbaton politikat e LDK-së dhe të elektoratit të saj, meqë ka marrë shumicën e votave të qytetarëve të Kosovës. Kjo, deri më tash nuk ndodhi asnjëherë dhe, kryesia e LDK-së që po thirret shumë në vendime demokratike, në teste të demokracisë dhe në një model politik për partitë tjera, e ka pasur rastin ta promovojë së paku njëherë organin më të lartë të partisë në marrjen e vendimeve shumë të rëndësishme për Kosovën. Tash, po kjo kryesi, shpërfilljen, injorimin apo cinizmin e saj e shpreh veçmas kur thotë se do ta thërras dhe konsultojë edhe Këshillin e Përgjithshëm të LDK-së rreth mbajtjes apo shtyrjes së zgjedhjeve në LDK a, në anën tjetër, lëre që nuk e bën këtë po, përmes një Grupi Punues përbrenda kryesisë prolongon zgjedhjet sepse Grupi ende nuk e ka dhënë mendimin e vet, propozimin apo elaboratin rreth kësaj çështjeje. Në pajtim me prolongimin e punës që do duhej ta kryente ky Grup, prolongohen apo nuk mbahen fare mbledhjet e kryesisë sepse “Grupi ende nuk e ka kryer punën” apo paska qenë festa e l Majit apo edhe më keq, anëtarët e kryesisë paskan qenë të zënë me punë të tjera. Kur mblidhet kryesia sërish bëhet lojë, sërish shpërfillet anëtarësia dhe sërish shpërfillet KP i LDK, sepse merret si pretekst arsyetimi se, pa u thirrur dhe KP i LDK-së nuk mund të merret vendimi. Po vendimet tjera si u morën atëherë? Apo, nëse Grupi brenda dhjetë ditëve nuk e paska kryer punën, a meritonte edhe një afat shtesë po prej dhjetë ditëve, ani se edhe gati po kaq ditë kaluan derisa u mblodh kryesia për t’ ia vazhduar mandatin e punës po këtij Grupi, i cili, sërish për mendimin tim dhe jo vetëm timin, nuk ka pasur fare nevojë të formohet sepse kjo gjë ka qenë dhe është e rregulluar me statutin e partisë. Dhe, lexohet e kuptohet qartë, edhe pa ndihmesën e këtij Grupi. Por, kur po u bie mirë për vete, statutin e lexojnë si duhet edhe pa Grup Punues e, kur e shohin se mund t’ ju rrezikohet vendi në kryesi, formojnë Grup për ta konsultuar statutin apo thënë më troç për ta vazhduar jetëgjatësinë në kryesi derisa t’ia sigurojnë vetes edhe një mandat përmes përpunimit të terrenit, jo në terren po, joshjes së disa përfaqësuesve të tyre në terren me vende nëpër ministri si dhe rritjen e rejtingut në publik përmes intervistave me nga tri – katër vazhdime nëpër të përditshmet tona. Thua që ne jemi qorra, hamë gjithçka që na servohet. A nuk është lojë kjo, për t’ mos i thënë bash troç hajgare? Se nuk e ditkam neve sa juristë janë anëtarë të kryesisë? Se u dashka për të qenë vetëm jurist për ta kuptuar këtë statut? Loja më e madhe po ndodh pikërisht me debatin e pashpallur rreth mbajtjes apo shtyrjes së vetë zgjedhjeve në LDK si dhe me përmendjen e vdekjes së Rugovës si shkas për shtyrjen e këtyre zgjedhjeve.

Duke e ndërlidhur këtë proces me mbajtje ose jo të zgjedhjeve, zgjedhjet në LDK veç po shtyhen. Tashmë kaloi gati edhe gjysma e majit. Në një parti çfarë është LDK , nuk ka shans që ky proces kaq i madh dhe po kaq i rëndësishëm të nis dhe përfundojë brenda një muaji. Do të thotë, kryesia ka arritur qëllimin e saj, shtyrjen e zgjedhjeve, njësoj siç e ka arritur më herët qëllimin me ndarjen e posteve në rend të parë për vete dhe për ata që janë më afër dardhës, pavarësisht dyfishimit apo edhe trefishimit të këtyre posteve, në mënyrë që, përmes posteve ta rrisin edhe më tepër autoritetin në parti sepse kanë fuqinë e vendimmarrjes tash edhe në instanca të tjera si dhe përmbushjen e apetiteve personale edhe të mbështetësve të tyre, në forma të ndryshme, natyrisht duke i keqpërdorur pozitat e fituara në saje të të qenit anëtar kryesie e jo, në saje të aprovimit të këtyre pozitave nga KP i LDK-së.

Po kjo kryesi nuk qe në gjendje akoma që, edhe pas dy muajsh të marrë qëndrim për lirimin e posteve të deputetëve nga ata ministra apo zëvendësministra që i zgjodhi nga radha e deputetëve, edhe në qeveri. A, nëse nuk ka harruar kjo kryesi, një gjë e tillë ka qenë edhe premtim i vetë presidentit Rugova dhe atë në mbledhjen e fundit të KP të LDK-së para dy vitesh se, ata kandidatë për deputet që nuk do të zgjidhen për Kuvendin e Kosovës, do të kihen parasysh për qeveri dhe do të sistemohen nëpër ministri.

Ky premtim i dr. Rugovës fare pak apo thënë vetëm simbolikisht është zbatuar nga ana e kësaj kryesie dhe e ministrave që janë thuaja të gjithë edhe anëtar kryesie. Vetëm tre ish deputetë (nëse nuk gaboj) dhe atë, Tomë Hajdari e Blerim Baruti janë zgjedhur zëvendës ministra si dhe Esat Dauti është emëruar këshilltar në një ministri nga ish deputetët e legjislacionit të kaluar. Kandidatët tjerë për deputetë që ishin në listën e partisë e që nuk ishin më parë deputetë as që kanë ardhur në shprehje. Vetëm le të shikohet lista e këshilltarëve nëpër ministri, sidomos nëpër ato ministri ku ministrat janë njëkohësisht edhe anëtar kryesie dhe do të shihet pasqyra e zbatimit të premtimit të vetë dr. Rugovës dhe ajo se sa i kanë shkuar për fjale ata që më së shumti e mbajnë në gojë emrin e tij. Mund të shikohet dhe ana tjetër e kësaj kryesie e cila pas vdekjes së Rugovës shfrytëzoi rastin të pasurohet me poste të shumta. Gati çdo anëtar kryesie njëkohësisht është ose edhe kryetar komune,z/kryetar komune, deputet e ministër po, edhe anëtar i ndonjë agjencioni që është themeluar ose nga Kuvendi i Kosovës ose nga ndonjëra prej ministrive që udhëhiqet prej LDK-së apo edhe udhëheqës i ndonjë qendre ndërkomunale që, gjithashtu është në kompetencë të ndonjë ministrie. Kur t’i mbledhësh tash gjitha këto funksione të akumuluara dhe privilegje të fituara në emër të LDK-së dhe të kapitalit që ka krijuar anëtarësia e LDK-së, mund ta marrësh normale kërkesën apo propozimin e tyre për shtyrjen e zgjedhjeve që, njëkohësisht është edhe një kohë plus jo vetëm për t’ i rregulluar shumë çështje brenda këtyre strukturave ekzistuese qeveritare po, edhe për të fituar anëtarësi në terren në funksion të ruajtjes së këtyre posteve dhe këtyre privilegjeve përmes marrjes edhe të një mandati nga një proces zgjedhor që dëshirojnë paraprakisht për ta pasur nën kontrollë Mbajtja e zgjedhjeve me kohë dhe në një procedurë tamam demokratike (gjë që nuk po ndodhë – së paku deri tash) nuk do të thotë se kësaj kryesie automatikisht do t’i merrej mandati. Përkundrazi, edhe këtyre anëtarëve të deritashëm të kryesisë së LDK-së do t’ ju jepej rasti të garojnë dhe të rizgjedhen sërish, përmes votës, sepse këtë gjë e lejon edhe statuti i partisë. Mirëpo do t’u jepte rastin edhe të tjerëve që t’i sfidojnë dhe, përmes një gare tipike demokratike që do ta cilësonte me këtë veçori edhe më shumë LDK-në, ata do ta votëbesonin në një mënyrë edhe punën e tyre të deritashme dhe, askush, madje as unë nuk do t’ mund t’ jua zinte për të madhe.

Aspak nuk do të më pengonte (dhe jo vetëm mua) që, të rizgjidhen thuaja të njëjtit, ama përmes formës së rregullt e jo improvizimeve, siç ndodhën mjerisht më 2004 apo edhe më keq, siç vazhduan mbetjen në kryesi për dy vite, nga 2002 e deri më 2004, pa miratimin e KP të LDK-së, i cili nuk qe mbledhur fare, ani se Kuvendi i përgjithshëm veç i pat përfunduar punimet dhe e pat votuar KP e, besa një pjesë të anëtarëve të KP , krejt në fund, i pat përfshirë edhe pa votë, por, me propozimin e Presidentit Rugova, duke e rritur numrin e anëtarëve të KP, nga 75 në 101 anëtarë.

Mbajtja e zgjedhjeve me kohë, më së shumti do t’ i kish bërë nder kësaj kryesie dhe presidentit tashmë historik të saj, dr. Ibrahim Rugovës si dhe anëtarësisë së saj të gjerë e cila me ngulm insiston në ruajtjen dhe kultivimin e frymës së Rugovës në LDK dhe në institucionet e Kosovës. Mbajtja e zgjedhjeve me kohë, më së shumti do ta kish favorizuar këtë vijë dhe po këtë kryesi e, jo si aludohet apo edhe trumbetohet kuluareve se, do ta kish favorizuar akademik Nexhat Dacin. Mbajtja e zgjedhjeve me kohë (çfarë realisht më nuk pritet të ndodh) do ta kish unifikuar edhe më tepër LDK-në dhe nuk do t’ jua kish dhënë mundësinë qarqeve të caktuara rreth LDK-së dhe jashtë saj, të manipulojnë dhe trumbetojnë kundër kësaj kryesie apo kundër një katërsheje siç e kanë identifikuar, sikundër që nuk do ta kishin pasur kënaqësinë për t’ ju fryrë valëve të përçarjes apo të krahëve, të cilët dëshirojnë t’ i krijojnë dhe t’i kenë brenda LDK-së.

LDK as nuk ndahet në rugovistë e në institucionalistë e, aq më pak në rugovist e lëdëkëist, çfarë thotë dikush apo fantazon, madje edhe nga kreu i saj. LDK-ja, që nga fillimi ishte edhe rugoviste e, edhe institucionaliste, sepse përherë përmes votës ka insistuar dhe insiston e duhet edhe më tutje të insistojë jo vetëm në ndërtimin e hierarkisë së partisë po, edhe të hierarkisë së pushtetit në Kosovë. Askush si LDK-ja nuk e dëshmoi veten se njeh dhe pranon vetëm institucionin e votës që është vetë fjala e popullit, në këtë rast e anëtarësisë së saj, meqë, asnjëherë nuk i pranoi apo mori diç pa këtë votë. Kryesia e LDK-së, nuk ka nevojë ta djeg veten shkaku i mungesës apo shtyrjes së kësaj vote, sepse ka përballuar sfida të rënda në këto tetë vite, përmes momentesh tepër delikate dhe, një numër i mirë i saj meriton të votëbesohet përmes anëtarësisë së saj, përkatësisht organeve më të larta që zgjidhen përmes votës. Shtyrja eventuale e zgjedhjeve në LDK tash e tutje mund të arsyetohet bindshëm vetëm me fillimin dhe mbajtjen e kampionatit botëror të futbollit gjatë qershorit dhe një pjese të korrikut. Arsye të tjera, realisht nuk ka.

(Autori është anëtar i KP të LDK-së)