Banda e Durrësit: Vendimi i gjyqit, “burg për jetë” për 4 anëtarë

[Mr Zeid]

O limbo kot te pjyes per kurjozitet, se un kame njojtur nje djal me kete emer, shume vite para, mos ka qene gje ne amerik ky, ose vellai i tij ,dhe a ka pas ndenjur me shtepi tek parafabrikatet e komanit? (shkolla e ndertimit dikur nuk e di a eshte akoma)

[arbereshi_niko]

Ngushellime familjes dhe te afermeve...

[prenceedi]

ngushellime familjes dhe te afermeve..........
Nese atentati eshte bere per arsye qe nuk lidhen me politiken, del qarte se çfare klase politike kemi.
Nese ky atentat eshte bere per arsye politike, atehere perseri del qarte se çfare klase politike te qelbur kemi.

[Linda5]

Ngushellime familjarve

Po me sa po degjoj neper lajme thuhet se ky person qeka mar me trafik droge ..dhe ne qoftese esht e vertet kjo ,dihet qe kjo eshte bere per larje hesapesh ,dhe nuk kemi pse ta ngatarrojme me politiken kte ngjarje

[ILMGAP]

Mos ta fajsojm popullin,ne te shkretet i zgjedhim si te urte e te bute,te dijshem e me vlera,por si duket kokat i kan atu ku ulen e kolltuqet ja u zan frymen,dhe ja turbullojn mendjen,keshtu qe punojn pa koke fare vetem me ate qe ulen ne kolltuk!

Pra,ju e keni kuptuar realitetin e pse prap vazhdoni ti votoni., thjesht keni mbyllur sytë dhe veshët arsyeja e mbylljës është realiteti.

Realiteti nuk është në dobi të popullit veq të Kriminelëve , le të mundohemi ta përmirësojmë këtë realitet negativ.

Si Përmirësohet ?

Ky Realitet negativ shëndrrohet në pozitiv vetëm atëherë kur kjo qeveri e tanishme do shkatërrohet më pas të krijohet një e re me modifikime të mëdha dhe në krye të saj të vijnë njerëz të ditur dhe udhëheqës të mirë të popullit.

[MaDaBeR]

Ngushellime familjarve

Po me sa po degjoj neper lajme thuhet se ky person qeka mar me trafik droge ..dhe ne qoftese esht e vertet kjo ,dihet qe kjo eshte bere per larje hesapesh ,dhe nuk kemi pse ta ngatarrojme me politiken kte ngjarje

Linda5, sepse disa jane te papermbajtshem emocionalisht, dhe duan ta lidhin çdo gje te zeze me nje emer. Me vjen gjynah per te tille persona, sepse mesa duket kane probleme me veten.

Edhe une them, le te dale nejehre versioni zyrtar, te pyeten deshmitare, sepse eshte nje person qe i ka mbijetuar kesaj vepre makabre.

Por, edhe nqs eshte vrare per larje hesapesh, eshte prap nje gabim shujme i madh. Duhet te ishte arrestuar dhe duhet te ishte denuar per veprat, e jo te lihej i lire per tu vrare.

Nja dy fjale dua te them edhe per ate Nard Ndoken. Qe ne fillimet e tija ne PD, kur ka pas mbajtur poste te rendesishme dikur, nuk me ka pelqyer asnjeher. Pastaj u largua nga PD ne disa parti pa identitet dhe me ne fund u be kryetar i PDK. Turp per personat qe mban ne parti. Nje here doli Tom Doshi, deputet pa shkolle dhe shume i perfolur, tani na del dhe i ndjeri tjeter trafikant.

[[Perla]]

Mos po prisni qe policia te thote qe ishte vrasje politike ?? Sa enderroni dhe juve

[MaDaBeR]

E perse duhet ta thote nese nuk eshte?

[EdiR]

Ngushellime familjes dhe mjer ai qe shkoi i ri.
Sa per c'do gje tjeter ndoshta do ti ndihmoje Zoti apo te jene me fat te gjejne kush e beri dhe ti jepet fund spekullimeve.

[Asriana]

Bilanci më i padëshiruar në Shqipëri, është bilanci i vrasjeve. Shifrat janë aq të frikshme sa duket se në 16 vjet në territorin e Shqipërisë janë zhvilluar pjesë nga Lufta e Tretë Botërore. Nga një popullsi mbi 3 milionë shqiptarë, që nga viti 1992 janë vrarë me armë zjarri dhe me armë të ftohta 5 097 persona. Po të bësh një përllogaritje të thjeshtë matematikore, i bie që mesatarisht çdo një ditë e gjysmë të jetë vrarë një person.

Duke u bazuar në analizën e Policisë së Shtetit, gazeta "Tirana Observer" boton sot të gjitha statistikat e numrit të vrasjeve që nga viti 1991 e deri në vitin që sapo lamë pas, si dhe vrasjet që janë cilësuar si më të bujshmet për secilin vit. Që nga vrasja e Gaz Muçës më 7 prill të vitit 1992 e deri te vrasja e 10-vjeçarit Bekim Çenga më 27 shtator 2007 në Dibër.

Vrasjet e bujshme

Në pamje të parë duket se kanë kaluar shumë vite, por që në krahasim me vrasjet që kanë ndodhur, duken shumë pak. Kanë kaluar 16 vjet që nga viti 1991, por mesatarisht për çdo 1.5 ditë të këtyre viteve ka ndodhur nga një vrasje. Sipas statistikave të policisë, rezulton që në 16 vjet janë kryer 5 097 ekzekutime, ku rekordin e vrasjeve e mban viti 1997 me 1542 të tilla. Secili prej këtyre viteve ka pasur disa vrasje të bujshme, duke filluar që nga vrasja e Gaz Muçës në Tiranë, e specialit të RENEAS, Arben Ujka në Shkodër, biznesmenit Abaz Ulliri në Krujë e për të vazhduar me zhdukjen e Remzi Hoxhës, ekzekutimin e drejtorit të Përgjithshëm të Burgjeve, Bujar kaloshi; me vrasjen e shekullit, vrasjen e Azem Hajdarit. Por jo më pak të bujshme janë cilësuar vrasjet e kryetarit të Dhomës së Avokatisë, Kleanthi Koçit në Tiranë apo vrasjet e kryepolicëve Arben Zylyftari dhe Gani Malushi. Me jo më pak zhurmë u shoqërua edhe vrasja e kryetarit të Lidhjes së Misionarëve, Emin Spahia, e kryetarit të PD-së së Hasit, Behar Kastrati, biznesmenit shkodran Kin Kodra dhe e 10-vjeçarit Bekim Çenga që ndodhi vitin e kaluar.

Analiza

Gjatë analizës së Policisë së Shtetit, që u zhvillua dy ditë më parë, ra në sy që numri i vrasjeve vit pas viti, sidomos vitet e fundit, ka ardhur në zbritje. Por në krahasim me vitin 2006 në të gjithë Shqipërinë u shënuan 14 vrasje më shumë. Por kur hedh një sy statistikave të viteve '92, '93, 94 duket që gjithçka ka ardhur në përmirësim, duke mos përmendur ngjarjet e vitit të trazirave 1997, ku u vranë 1542 persona dhe nuk u zbuluan as gjysma e tyre.



Gazmend Muça

Vrasja më e bujshme e vitit 1992 është cilësuar vrasja e Gazmend Muçës, i cili u qëllua për vdekje më 7 prill të atij viti në Tiranë. Në atë datë Gaz Muça bashkë me anëtarët e grupit të tij kanë qenë ulur në një lokal në afërsi të spitaleve, ku ka mbetur i vrarë.



Arben Ujka

Vrasja e legjendës së forcave speciale RENEA, Arben Ujkës, padyshim që pati mjaft bujë në vitin 1993. Ai mbeti i vrarë më 22 gusht të atij viti, teksa tentoi të arrestonte një të shumëkërkuar në fshatin Mushan të Shkodrës, nga vetë i shumëkërkuari.



Abaz Ulliri

Suksesi që kishte në biznesin e tij në Nikël të Krujës iu pre në mes Abaz Ullirit, i cili vra në maj të vitit 1994. Vrasja e tij pati një bujë të madhe, për vetë faktin se fillimisht ekzekutimi i tij u cilësua si aksident, por më vonë u zbulua se ishte një vrasje.



Remzi Hoxha

Vjen për t’u marrë me biznes në Shqipëri, merret peng dhe nuk dihet dhe sot e kësaj dite se çfarë është bërë me të. Më 21 tetor të vitit 1995, në rrugën “Siri Kodra” në Tiranë, Remzi Hoxha takohet me tre persona, të cilët u prezantuan si punonjës së SHIK-ut dhe zhduket.



Bujar Kaloshi

Një vrasje e bujshme ndodh në kryeqytet mëngjesin e 26 korrikut të vitit 1996. Bujar Kaloshi, i cili ishte drejtor i Përgjithshëm i Burgjeve, qëllohet për vdekje sapo del nga shtëpia e tij nga disa persona që edhe sot e kësaj dite nuk janë identifikuar.



Artur Rustemi

Ajo kohë, që tashmë na shfaqet aq larg, është kohë për t’u zbërthyer ligjërisht. Gjithçka u përmbys që nga 10 shkurti i vitit 1997, kur gjatë protestave në Vlorë mbeti i vrarë Artur Rustemi, i cili ishte në krye të protestuese. Ekzekutimi i tij u cilësua më i bujshmi i atij viti.



Azem Hajdari

E cilësuar si vrasja e shekullit, edhe sot e kësaj dite ekzekutimi i deputetit të Partisë Demokratike, Azem Hajdari, më 12 shtator të vitit 1998 në Tiranë, kujtohet si vrasja më e bujshme. Gjykimi i çështjes “Hajdari” ka vazhduar për 70 seanca në Gjykatën e Tiranës.



Kleanthi Koçi

Një ngjarje e bujshme tronditi kryeqytetin mbrëmjen e 21 shkurtit të vitit 1999. Një nga juristët më të njohur, kryetari i Dhomës së Avokatisë, Kleanthi Koçi mbeti i plagosur rëndë pas një atentati që u organizua ndaj tij dhe gjeti vdekjen teksa shkonte për mjekim në Itali.



Arben Zylyftari

Padyshim që ngjarja më e bujshme pas viteve ’90 është vrasja e drejtorit të Policisë së Shkodrës, Arben Zylyftari. Ai u vra nga një plumb në zemër gjatë një aksioni për arrestimin e dy personave më 3 gusht 2000 në Shkodër.



Riza Çeço

Vrasjet e biznesmenëve gjithmonë janë cilësuar të bujshme nga policia, për vetë faktin se janë shoqëruar me shumë zhurmë, por dhe shumica e tyre nuk kanë as sot e kësaj dite autorë. E tillë është vrasja e biznesmenit Riza Çeço më 19 dhjetor të vitit 2001 në Tiranë.