A eshte cdo gje e veshtire para se te behet e lehte??

[ALBA]

Çdo gjë është e vështirë, para se të bëhet e lehtë...????



shkruar:nga Alba_Mausi



Kush mund ta dijë apo ta sqarojë fshehtësinë se pse pikërisht në këto çaste i lexon këto reshta, e jo tjerat? Njëherë nje njëri i zgjuar më tha: "Jeta e padobishme është më e keqe se vdekja e hershme!" Ke dëgjuar ndonjëherë për vjedhësit e ëndrra. Hajdut te tillë ndodhen kudo rreth nesh. Na e vjedhin ëndrrën duke na ushqyer në vend të saj me porositë e llojit: "ti nuk mundesh, është e pamundur, është rrezik, nuk është për ty, nuk është mirë, mos... është herët, është vonë..." Tërë kohën na tregojnë mbi atë se çfare nuk mundemi dhe asnjëherë nuk na flasin mbi atë se çfar mundemi. Na bombarojnë me frazat: "... jeta është e rëndë... bla bla bla..." duke na përgatitur vazhdimisht për dështime, për vdekje!... E nëse e vëren lindjen e hënës në vend të perëndimit të diellit, të quajnë ëndërrimtar. Më me dëshirë na pranojnë nëse çdo ditë shkojmë në të njëjtin restorant, veshim rroba të njëjta, merremi me veprimtari të njëjtë, hamë ushqimin e njëtë... njëjtë... njëjtë, ndërsa me padëshirë i shikojnë ata që bëjnë diçka tjetër, ata që hulumtojnë, zbulojnë dhe orvaten...
Asgjë nuk është e pamundur, përveç nëse nuk pajtohemi me të. Jeta e njeriut shpie vetvetiu në përparim. Mos lejo që vjedhësit të t'përgatisin për humbje, t'ia ndërrojnë krahun jetës sate. Jeta është një letër e bardhë në të cilën Ti vizaton atë që dëshiron. Mos ia jep lapsin e jetës sate askujt. Kurrë mos heq dorë nga ëndërra jote. I vetmi përgjegjës për jetën tënde je vet Ti. Askush nga ata që të "mësojnë" se si duhet jetuar nuk do t'ia sjellin qumështin fëmijes tënd. Njeriun që do të kujdeset për jetën tënde e ke gjetur në orën e kaluar. Edhe më tej vazhdo të takohesh me të. Merre pasqyrën dhe buzëqeshi përzemërsisht. Thuaji, unë të besoj, Ti ke për t'më bërë të suksesshëm dhe të lumtur. Nuk është me rëndësi se ç'mendojnë të tjerët për ty. Mos u brengos për të tjerët. Njeriu është i lumtur vetëm aq sa dëshiron të jetë. Ai vet e zgjedh nëse don ta vizatojë pikëllimin a lumturinë. Dhe ajo që është më e rëndësishmja, përdori në praktikë, ngase nëse diçka di dhe nuk e përdor, është njëjtë sikur të mos e di fare.

Të paqëndrueshmit janë të vetmit që humbin

Nga jeta merr vetëm aq sa jep. Asgjë nuk bie në fund të detit. Në natyrë nuk ekziston rregulli diçka për asgjë. Sikur që çdo pasojë e ka shkakun, ashtu dhe çdo sukses ka çmimin e vet.

E Njeriu pozitiv jep pozitivizëm. E për t'u mbushur me pozitivizëm, duhet menduar pozitivisht - për çdo gjë dhe secilin.




Gjej kohë...
... për punë - puna është çmim i suksesit.
... për të menduar - mendimi është çelës i fuqisë.
... për lojë - loja është fshehtësi e rinisë së amshueshme.
... për lexim - leximi është bazë e urtësisë.
... për mirësjellje - mirësjellja hap rrugën drejt fatit.
... për të dashuruar - dashuria është privilegj i perëndive.
... për të shikuar rreth vetes - në vetmi dita është e shkurtër.
... për buzëqeshje - buzëqeshja është muzikë e shpirtit.

[Piloti]

Amon mi se skam kohe me lexuar te gjithen se paske shkruajtur shume dhe se lexoj dot sot por do te kthej pergjigje ndonje dite tjeter ok ALb__Mouse

[Estella]

Piloti-it
I love your recipe...........
Alba asgje nuk eshte aq e veshtire dhe aq e lehte sa duket. Cdo njeri duhet te japi 100% ose me shume qe te jete i sukseshem ne jete, dhe te realizoje enderat e veta.

[Steve]

Eshte me e thjesht qe nje gje e lehte, te behet e veshtire.

[bjondina]

Patjeter cdo gje duket e veshtire ne fillim.Por do thosha se shkalla e veshtiresise ndryshon.Ka gjera qe ne fillim duken te parealizueshme dhe ka gjera qe thua;e eshte pak e veshtire por rregulohet lehte.