Korpi dhe Gjaku i Krishtit

[NoName]

KORPI DHE GJAKU I KRISHTIT -B-
15.06.2006

L1: Dal 24,3-8; L2 Heb 9,11-15; Ungjilli: Mk 14,12-16.22-26


Kjo festë, të cilën po e kremtojmë është një festë ku përkujtojmë dhe na bënë të mendojmë dhe të jetojmë me Korpin dhe Gjakun e Jezu Krishtit. Inkarnimi i Birit, Jezu Krishtit është ngjarje më e madhe në historinë e Zotit me njeriun. Me jetën tokësore të Jezusit ky inkarnim nuk erdhi ende në cak, por kjo vazhdohet në sakramente të cilat u ndahen besimtarëve nëpërmes meshtarëve në kishë. Në euharisti është bërë Krishti Buka e jetës për ne, për mbarë njerëzimin. Ai neve na fton të kemi pjesëmarrje në këtë ushqim të shenjt, në euharisti.

EUHARISTIA ËSHTË MESI I JETËS PËR NE BESIMTARËT.

Një libër i Papës Benediktit XVI titullohet: „Zoti është afër nesh - Euharistia: mesi i jetës“. Euharistia në kuptimin e vërtetë bëhet si një shkollë e veprimit të dashurisë ndaj të afërmit. Euharistia na udhëheq në një mënyrë të kësaj dashurie, dhe kjo neve na tregon se çfarë vlere ka njeriu si vëlla e motër jonë në sytë e Zotit, që Jezu Krishti vetvetën na dhuron në formën e bukës dhe të verës. Zoti, pra është afër nesh - Euharistia është mesi në jetën tonë krishtere.

Euharistia dhuron jetën dhe është jetë për ne të gjithë dhe burim i dashurisë ndaj të afërmit dhe Zotit. Jezu Krishti më anë të Korpit dhe të Gjakut të vet në formën e Bukës dhe të verës behët qendra e jetës e së cilit prej nesh, bëhet jetë për ne. Pjesëmarrja në euharisti për të gjithë të pagëzuarit është më të vërtetë zemra e të se dielës dhe për këtë ka nevoja jeta jonë e krishterë. Ai e dhuroi jetën e vet që neve t´na bëhet ushqim shpirtëror. Në flinë e shëlbimit duhet të kanë të gjithë njerëzit pjesëmarrje. Euharistia është përshpirtëria më e mira, është mesi i jetës sonë.

Në Euharisti është gjithë një mister, që do të thotë në shenjë të bukës dhe verës, përkujtim të mundimeve dhe të ngjallurit të Jezusit: Besimtari i cili në këtë Korp të flijuar dhe Gjakë të derdhur, fiton fuqinë e të shndërruarit, ashtu si shën Augustini na thotë: «Bëhuni, çka ju merrni, dhe merrni çka ju jeni» (Sermo 272,1). Në euharisti është bërë Krishti Buka e jetës dhe Buka e gjallë për mbarë njerëzimin, por edhe për ne që jemi dhe kemi pjesëmarrje në këtë mister të shenjt. Ai neve na fton të kemi pjesëmarrje në këtë ushqim të shenjt. Jezu Krishti na urdhëron vet këtë që ta marrim dhe prej saj edhe të jetojmë: “Merrni e hani: ky është korpi im“! “Merini e pini prej tij gjithë, sepse ky është gjaku im-gjaku i Besëlidhjes që do të derdhet për të gjithë në shpërblim të mëkatëve“. „Bëni këtë nëpër kujtimin tim”.

Secili prej nesh duhet të ketë dashuri dhe dëshmi për Euharisti: Ne si miq të Krishtit takohemi shumë herë e më dëshirë në emër të Tij, që Atë t'a lëvdërojmë, atij t´i këndojmë dhe atë t´a falënderojmë. Zoti na dhurohet neve që ne të dhurojmë. Korpi i Krishtit është një urë lidhëse që lidhë mbarë njerëzimin në një emër e në një qellim.

„Euharistia është dhurata e dhuratave të Zotit për njerëzimin“. Në meshën shenjte kisha shenjte përkujton vdekjen e Krishtit dhe kremton ngjalljen e tij. Euharistia është pranishmëri sakramentale. Në euharisti Jezusi e tregon më të vërtetë dashurinë e vet ndaj nesh, „deri në pikën e fundit“ (Gjn 13, 1). Ky aspekt i dashurisë universale të sakramentit të euharistisë bazohet në vet fjalët e Shëlbuesit. Si rritet kisha? „Përherë në altar ndodh flija e kryqit, në të cilën është flijuar Krishti, Qengji ynë i Pashkëve“ (1 Kor 5, 7), kryhet vepra e Shëlbuesit tonë. Pjesëmarrja e besimtarëve në euharisti i zbaton në mënyrën më të drejtpërdrejtë fjalët e Zotërisë: „Banoni në mua sikurse edhe unë në ju“ (Gjn 15,4). Apostujt janë poashtu fundament të euharistisë, sepse këtë Jezusi vet ua besoj atyre dhe pasardhësve të vet. Kisha e kremton euharistinë nëpër shekuj, kremton atë që e përcillën apostujt në ne, si porosi të Zotërisë. Bashkësia, që bashkohet në kremtim të euharistisë, ka nevojë për një meshtar të shuguruar, që e udhëheq atë bashkësi, që t'mund të jetë më të vërtetë një bashkim euharistik. Kisha i bashkon besimtarët me Trininë Shenjte. Euharistia është paraqitja më e lartë sakramentale e bashkësisë së kishës.

Euharistia Shenjte është mënyra më e përshtatura për ne më të cilin ne me Të takohemi, ku vjen ai në zemrat tona me anë të Korpit e Gjakut. Buka dhe vera janë shenjat më të mëdhajat për Korpin e flijuar të Jezusit dhe për Gjakun e tij me të cilat ai e vulosi Besëlidhjen e Re.

Kjo Besëlidhje duhet që prej secilit prej nesh edhe të jetohet dhe të zbatohet në jetën tonë të përditshme. Duhet ta kemi të gjithë të kjartë, që nëse ne si katolik nuk e zhvillojmë jetën tonë me anë të këtyre dhuratave të shenjta të Korpit e Gjakut të Krishtit, atëherë do të jemi njerëz më të ligshtë dhe jo zbatues të urdhërit të tij kur na thotë dhe urdhëron që të marrim Korpin gje Gjakun e tij.

Le të jetë kjo ditë që ndoshta vendosje e vërtetë për jetë dhe në jetën: dua të ushqehem me këto dhe të kam pjesëmarrje sa më të shpeshtë. Letë jetë euharistia për ne të gjithë një shërim shpirtëor dhe „një medikament i pavdëkësisë“ sikur që thotë shën Ignaci i Antiohisë, nëse ushqehemi me Korpin dhe Gjakun e tij edhe nëse vdesim do të jetojmë. A do të jetojmë apo do të vdesim kjo mvaret prej nesh? Ta përfundojmë me fjalët e psalmistit nuk dua të vdes dua të jetoj!