Shkodër: Muslimanët kundërshtojnë bustin e Nënë Terezës

[Iliriani]

Faleminderit fjollat dhe fioreal,

Nënë Tereza - shpirt i kombit


Bujar Leskaj*

Gonxhe Bojaxhi e njohur kudo si Nënë Tereza, është njeriu që mëshirës i dha pushtet. Kumti i saj e kapërcen kohën, duke u shndërruar në njësi e pakapshme për të. Ajo iu shfaq botës në kohë të errëta për t’i dhënë dritë. Shekulli që prej pak kohësh kaloi, qe i pasur në histori dhe personalitete, por të gjithë dhe gjithçka njohën vlerësime dhe kundërshti, ndërsa gruaja “e vogël” jo, pa mëdyshje të gjithë u bashkuan në konsideratën se Nënë Tereza është shenjti i gjallë, sfera më e epërme e qenieve njerëzore. Ajo frymëzoi krahasimet e gjithkujt që do të harmoninë dhe virtytin. Gonxhja shqiptare u shndërrua në gjuhë, fjalët e së cilës njeriut i thanë dhe i provuan se dashuria është e mundur. At Zef Pllumi me origjinalitetin e patjetërsueshëm, na jep këtë përcaktim mbi marrëdhëniet e Nënë Terezës me fenomenet e shekullit. “Tiranët mizorë sot përçmohen edhe prej njerëzve të vet. Bankierët e mëdhenj, të pasun, dinakë e “misët” trupëbukurat flutura, lule të vyshkuna, kanë mbetë pa emën. Paradoks i madh i këtij shekulli, Nanë Tereza e Kalkutës prej kombit të shqiptarëve. Ajo nuk pati kurrë kapitale, as pushtet shtetnor: kje vetëm shpirti i dashunisë për jetën, për njeriun e për Zotin, që e bani të madhe para njerëzve të këtij shekulli”.
Si qytetar i këtij vendi, por edhe si ministër i kabinetit “Berisha”, gjej rast të theksoj që Nënë Tereza nuk ka provokuar kurrë gjë tjetër veçse mirësi, paqe, dashuri, tolerancë aq sa kjo botë e madhe postmoderne pa madhështinë e asaj gruaje shtatbrishtë do të ishte e mangët. Ajo hyri në mes të lebrozëve, të përbuzurve të varfërve, pa i pyetur kurrë të ç’feje jeni, të ç’race, kombi, vendi apo ngjyre. Ajo e mbështolli njeriun me petkun e humanizmit, duke u shndërruar në ikonë të kësaj ndjesie për të gjithë globin. Ta konsiderosh atë vetëm si murgesha që i përket botës katolike, do të thotë që ta zvogëlosh pafundësisht. Do të zemëroheshin hindutë, myslimanët, ortodoksët që ajo i deshi pa dallime.
Kur Nënë Tereza merrte çmimin Nobel për paqe, klika që komandonte vendin e saj Shqipërinë, e denigroi e madje nuk e lejoi që të vendoste një tufë me lule mbi varrin e të dashurve të saj, duke na vënë përsipër një njollë turpi, ndonëse para saj të mëdhenjtë e politikës dhe shoqërisë botërore gjunjëzoheshin. Ajo nuk u zemërua kurrë me ne, përkundrazi në çdo kontinent ajo çoi frymën dhe emrin e Shqipërisë dhe i gjithë ky komb identifikohej me të.
Shqipëria e pas 90-ës te Nënë Tereza gjeti forcën për t’u ringritur, mori diçka nga ajo, duke iu afruar botës si populli i saj në të njëjtën kohë Nënë Tereza kuptoi që shqiptarët pa kurrfarë, dallimi e kishin pranuar atë si shpirt të kombit. Kur në vitin 2003 papa Gjon Pali i Dytë shpalli lumturimin e Nënë Terezës, flamujt tanë kombëtarë, duke u valvitur hareshëm në sheshin e “Shën Pjetrit” në Vatikan, te çdo shqiptar sanksiononin një krenari të ligjshme, sepse mund të thonin me plot gojën jemi bashkëkombës të Nënë Terezës.
Ndaj historisë është legjitime të kesh opinione e qëndrime të ndryshme, por ama besoj që janë fort të paktë ata shqiptarë që nuk e kuptojnë dhe besojnë që ADN-në e këtij kombi e kanë ngjizur emrat madhorë të Gjergj Kastriotit, Buzukut, Budit Bogadanit Veqilharxhit, Kristoforidhit, Naimit, De Radës, i Qemalit, A Zogut, Konicës, Fishtës, Nolit, Gurakuqit, Rugovës dhe më tepër akoma emri i Nënë Terezës.
Në kuadrin e politikave të reja që po ndërmerr MTKRS-ja, që konsistojnë në ndërgjegjësimin ndaj vlerave kombëtare dhe forcimit të kujtesës historike, ne realizuam këtë monument dhe vendosëm që të respektojmë Shkodrën, qyteti i cili ndër mote ka qenë shembull qytetërimi, kulture, bashkëjetese e tolerance pikërisht i atyre vlerave që Nënë Tereza përçoi kudo në botë. Në tetor të vitit 2005 unë si ministër i Kulturës nga foltorja e teatrit “Migjeni”, propozova që pikërisht në këtë qytet, simboli universal i vlerave humane pra Nenë Tereza të ketë përmendoren e saj dhe mbaj mend mirë që shkodranët m’u përgjigjën me një duartrokitje të nxehtë, e cila ma forcoi më tej bindjen time. Shkodra na flet përditë me historinë e saj, bash në agimet e pavarësisë Gjergj Fishta së bashku me klerikët myslimane të qytetit bashkon me drita kishën dhe xhaminë. Kjo dritë nuk u shua asnjëherë sepse ajo është emëruesi i përbashkët i shqiptarisë, kjo dritë që nga Shkodra ka ndriçuar mbarë botën tonë. Këtë dritë Nënë Tereza e përçoi në të gjitha skajet, çka tregon se toleranca nuk i buronte vetëm nga doktrina, por edhe nga raca të cilës i përket.
Ky detyrim i yni (dhe besoj i çdo shqiptari) mendoj se do të konkretizohet edhe në qytete të tjera si Vlora, Durrësi apo Korça, sepse ne e dimë që lavdia e saj nuk ka nevojë për asgjë ndërsa ndërgjegjja, shpirti dhe të vepruarit tanë kanë nevojë për të. Ja ç’na shkruan ajo në vitin e vrazhdë 1997; “Kujtoni se Zoti ka krijuar secilin prej nesh për gjëra të mëdha; të duam dhe të na duan. Ky është kuptimi i jetës, të cilin asnjë vuajtje nuk mund ta largojë prej nesh. Çdo burrë, çdo grua, çdo fëmijë është vëllai im, motra ime dhe unë duhet t’i dua gjithsecilin, ashtu si Zoti na do të gjithëve… Nëna po lutet shumë për të gjithë popullin tim të dashur të Shqipërisë, derisa secili të mësojë të dashurojë deri në dhimbje në mënyrë që t’i sjellë paqe vendit dhe zemrave të gjithsecilit. Le të lutemi”. Për ta nderuar ashtu siç duhet Nënë Terezën dhe për të përkufizuar më mirë lidhjen shpirtërore të popullit tonë me këtë shenjtore, MTKRS-ja dëshiron që brenda këtij mandati qeverisës të mundësojë fillimin e punimeve për të ndërtuar muzeun ndërkombëtar Nënë Tereza në Tiranë.
Duke ndjekur parimin e saj që thotë “Dashuria ndërton dhe urrejtja shkatërron”, shoqëria jonë do t’i hapë vetes rrugë të reja integruese.
Unë jam i bindur që Këshilli Bashkiak i Shkodrës, duke iu bashkuar iniciativës jo vetëm të ministrit të Kulturës, por të mbarë opinionit në një nga sheshet e bukura të qytetit të Rozafës do të dijë t’i gjej monumentit të Nënë Terezës vendin që i takon natyrshëm. Ky akt do të jetë konfirmim i radhës i qytetarisë shkodrane e një hop i ri tejet emancipues.

*Ministër i Turizmit, Kulturës, Rinisë dhe Sporteve

[Brari]

“Nënë Tereza” i duhet Durrësit



--------------------------------------------------------------------------------

“Nënë Tereza” i duhet Durrësit
Nga Bashkim Kopliku

Në shëtitoren bregdetare në Durrës, fare pranë portit, ka nja njëzet vjet që mbijeton një çiban: monumenti i një njeriu me pushkë, që vrapon të japë kushtrimin komunist se erdhën armiqtë nga deti. Sa herë kemi diskutuar për heqjen e asaj relikje të komunizmit, është jo vetëm anakronike (jashtë kohës), por edhe e dëmshme për imazhin aq të diskutueshëm të Shqipërisë—megjithatë, ai është aty! Nejse, më mirë vonë se kurrë. A ka pritje më të mirë për të huajt, paraqitje më të mirë për Durrësin dhe Shqipërinë, nëse pamja e parë nga deti, do të ishte figura e një shenjtoreje, statuja e Nënë Terezës. Në “dylbitë” e evropianëve do të fokusohej shënjëtorja e madhe shqiptare, e jo më si deri tani, një “njeri me pushkë”. Durrësi është një nga pikat kryesore ku fillon koridori i 8-të, nëpër të cilin priten të vërshojnë mallra, njerëz, kulturë e aktivitete nga më të larmishmit, nga perëndimi në lindje, dhe anasjelltas. Nuk besojmë të ketë shqiptarë që nuk e mirëpresin këtë koridor. Po si i mirëpresim ne shqiptarët të huajt që do të kalojnë nëpër këtë korridor?! Themi se duhet t’i mirëpresim sa më mirë, sepse është edhe në leverdinë tonë. Por nuk është fare mirëpritje, nëse i presim me pushkë, e jo me mirësi—e ku ka mirësi më të madhe se ajo e Nënë Terezës! Nuk ka figurë më të përshtatëshme për të zevendësuar atë monumentin komunist, sesa një statujë e Nënë Terezës. Do të ishte një reagim pozitiv yni, zëvendësimi i një “simboli të komunizmit” me një simbol të mirësisë, të fesë. Ky zëvendësim do të ishte një mesazh i mirëpritur, meqë bota, pikërisht këtë periudhë, po na e rikujton antikomunizmin, të cilin po fillonim ta harronim! Figura e një shenjtoreje, aq më tepër katolike, të cilët komunizmi i kishte veçanërisht në plan të parë të persekutimit, do të ishte simbol i pendesës sonë, për të kaluarën tonë të ndotur me prishjen e kishave dhe xhamive, me luftën e paprecedent kundër të gjithë feve. “Nënë Tereza” është komplementare me shumë nga ne shqiptarët e tjerë, sepse na plotëson me ëmbëlsinë e saj, me sakrificën e saj sublime për jetën e të tjerëve, me globalizmin e saj: ajo shkoi nga Shqipëria të ndihmojë njerëzit në Indi, në anën tjetër të botës. Statuja e Nënë Terezës, do të ishte edhe një pikë lidhjeje e perëndimit të krishterë, me ne që jemi me shumicë myslimanë. Do të ishte në përputhje të plotë me vllazërimin tonë fetar, katolikë, ortodoksë dhe myslimanë. Do të ishte një lidhje e natyrshme me rrënjët tona katolike, gjë që veçse do t’i forconte dy mbishartesat tona më të vona, si atë myslimane, si edhe atë ortodokse, e që të tilla duhet të mbeten: diversiteti sjell siguri dhe qëndrueshmëri.
E Durrësi, ka edhe historinë e vet të lidhur me fenë katolike të Nënë Terezës. Është Durrësi që ka tradita të lashta të krishtera, që datojnë jo shumë më vonë se të vetë qendrës së katolicizmit, Italisë. Në Durrës, ka patur katolikë të thjeshtë e klerikë katolikë që luftuan për lirinë e të gjithë shqiptarëve, pa dallime fetare: Dom Nikollë Kaçorri, për ta përmendur si një nga përfaqësuesit më të respektuar të katolikëve të Durrësit, ishte një patriot, që arriti deri në postin e zëvendëskryeministrit të qeverisë së parë shqiptare, asaj me kryeministër Ismail Qemalin. Një “Nënë Terezë” në bregun e detit, do të ishte si të ishte vënë një monument për vetë Dom Nikollë Kaçorrin, e përsa e sa personalitete katolike që banuan këtu. Për lexuesit me prirje luftarake, do të thonim se “Nënë Tereza” është karshillëku më i mirë që do t’u jepnim armikut të përbashkët, terorizmit me sllogane fetare, që nga ai me inkuizicione e deri tek ky me Bin Ladena: ne jemi të bashkuar, të tre fetë në një, në shqiptarizëm, në evropianizëm.
Shpresojmë të kemi sensibilizuar Bashkinë e Durrësit, si edhe kryeministrin aktual, që në shenjë të bashkëpunimit të pushteteve, qëndror-lokal, ta thyejnë akullin e politikës konfliktuale, me zëvendësimin e “komunistit me pushkë”, me “shenjëtoren Nënë Tereza”.



GSH

[D@mian]

Keta s'duan Nenen,
keta duan "Baben"

[s0ni]

Kush po ja var ketyre aman, gagaga me keq se gjinkallat po bejne.

Besoj qe Shkodranet e presin me krah hapur bustin e Nene Terezes, si gjithe Shqiptaret!!

[Iliriani]

E ka zakon media do vej ne fund te botes e do gjej njerin qe ve ndonje bombe e ben ndonje budallallek , e gjithe gjerat pozitive nuk kane rendesi.
.................................................. .................................................
Shekulli

“Të flasësh në shkodër kështu është fyese”


luigji_61@hotmail.com

Te flasesh ne Shkoder per ndasi fetare eshte diçka fyese. Per 50 vite Shkodra u pushkatua,u burgos,bijte e saj i varen dhe kurre nuk u dorezuan prej bishes se eger komuniste. Ne qe jemi te nje brezi te thyer ne feminine tone na kujtohet se si Kisha dhe Xhamia ne qender te qytetit jane lidhur me drita. Po mos te shkojme aq gjate. Te gjithe jemi deshmitare te disa viteve me pare kur u lejuan te hapen institucionet e kultit ne Shqiperi. Nje grup i besimit musliman ku kishin patur te ruajtur ne shtepite e tyre kumonen e kishes, futen ne mes edhe priftin dhe u drejtuan ne varret e Rrmajit te qytetit te Shkodres dhe dhane meshen e pare qe u perhap si vetetimë ne mbare Shqiperine e shume stacione televizive folen per kete ngjarje dhe jo shume dite me pas djelm te rinj muslimane e te krishterë iu drejtuan Xhamise se plumbit ne hyrje te qytetit dhe dijeni mire o ju shoqata qe doni te na sillni vellavrasjen,aty u falen te gjithe muslimane e te krishterë dhe ne qe kemi qene te pranishem,shihje vec lot ne syte e te gjthve, lot gezimi qe u ringjall edhe nje here ne vendin e shqiponjave feja, ajo qe per 50 vite u perdhos nga ai sistem i mallkuar. E ju te nderuar drejtues te atyre shoqatave te ashtuqujtura mos kerkoni te hidhni balte mbi ate popull po dilni dhe demaskoni ato njerez qe me vetedije apo pa vetedije kane dale e kane bere nje maskarade te pa pare e te pa degjuar ne Shkoder locen tone. Marre e kombit rafte mbi ta. Me Nene Terezen krenohet nje komb, po te shkosh ne zyren e njerëzve më të fuqishëm të globit, fotografine e saj do ta shikosh te ekspozuar. Pra a eshte turp per ju qe perdorni te tilla shprehje. Shkodra eshte shquar si nje nder qytete me me tolerance fetare ne te gjithe rajonin. Mendoni se ku ju çon kjo rruge pa krye dhe beni kthese sa nuk eshte vone sepse kjo ka per te krijur nje precedent e reagim te madh edhe ne median e shkruar dhe ate elektronike. Me lot ne sy nje i tretur shume larg vendelindjes se dashur.




22/03/2006
KATEGORIA: Letrat e Lexuesve

[Edvin83]

Nene Tereza eshte figure madhore e kombit shqiptar dhe ne vend qe te krenohemi me te e pergojojme dhe tani na doli dhe kjo tjetra qe nuk duan ti lene bustin t'ia vene ne Shkoder.Une nuk i njoh ata persona te ashtuquajtur perfaqesues te Myslimaneve ne Shkoder, une Shkodren e njoh mire dhe ma merr mendja qe nuk ka ndonje qytetar Shkodran pa dallim se cfare feje i perket te jete kunder apo te flase keq per Nene Terezen.Nuk e kuptoj logjiken e atyre personave qe jane kunder venjes se bustit ne Shkoder. Ata flasin ne koke te vet dhe nuk perfaqesojne popullin. Si bika tani dmth meqe Gjergj Fishta ka qene katolik te mos permendet fare dhe te mos nderohet apo te botohet Lahuta e Malcise?
Une jam vete mysliman dhe jam i pari qe do te dilja te vija bustin e Nene Terezes ne Shkoder apo kudoqofte ne Shqiperi.
Sic ka thene dhe Pashko Vasa, -"Po jeni vellezer more te mjere"
Dhe po fliste pikerisht per keto budallalleqe qe disa pseudoshqiptare na nxjerrin.

[Lioness]

Intelektualët në Shkodër: Të sillet busti i Nënë Terezës

“Është nder të kemi bustin e Nënë Terezës në Shkodër”. Kjo ka qenë në vija të trasha deklarata e djeshme e Forumi Shkodran , një OJF e përbërë nga intelektualë shkodranë të profesioneve të ndryshme si mjekë, punonjës socialë, financierë, artistë, inxhinierë, biznesmenë etj. Forumi Shkodran është i njohur në zonë pasi ka ngritur vazhdimisht zërin për çështje të rëndësishme që lidhen me qytetin e Shkodrës.

Në deklaratën e djeshme lidhur me vendosjen e bustit të Nënë Terezës, gjë që u kundërshtua ditë më parë nga disa shoqata muslimane, forumi thekson se është e tepërt të flitet për figurën e shenjtores, nobelistes së vetme shqiptare. “Për më tepër ajo është një nobeliste për paqen, e vlerësuar nga e gjithë bota. Fakti që Ministria e Kulturës dhe bashkia e Shkodrës marrin nismën për të nderuar këtë figure të shquar, përbën akoma më shumë nder për qytetin tonë. Ky propozim gjen fatkeqësisht keqkuptimin e grupeve të caktuara, natyrisht një pakicë pa jehonë deri tani, që me papërgjegjshmëri i bëjnë thirrje disa pseudondjenjave të qarqeve të caktuara të qytetarëve të Shkodrës.

Ne si forum i Shkodrës gjejmë momentin për t’ju referuar edhe njëherë historisë shembullore të qytetit tonë, të bashkëjetesës dhe mirëkuptimit shumëshekullor të besimeve të ndryshme. Këtë traditë të mirë ne do ta mbrojmë me fanatizëm, duke iu kundërvënë çdo nisme radikale”,- theksohet në deklaratën e Forumit Shkodran. Po kështu në të përshëndetet reagimi publik i kryemyftiut të Shqipërisë, Selim Muça, në favor të vendosjes së bustit të Nënë Terezës në një nga vendet publike të qytetit të Shkodrës, “duke i dhënë përgjigje kështu të gjitha nismave jokompetente, pseudointelektuale dhe pseudofetare”,- përfundon deklarata e Forumit Shkodran.

Moisiu në Përmet

Debati më i fundit, i lindur në Shkodër, pas një deklarate të disa shoqatave muslimane që kundërshtojnë vendosjen e bustit të Nënë Terezës në qytet, ka qenë pjesë e fjalës së presidentit Alfred Moisiu, i ndodhur dje në Berat, për festën e Sulltan Novruzit. Moisiu madje i krahasoi me ferrat përpjekjet e atyre që duan të krijojnë konflikte fetare në Shqipëri. Ai bëri thirrje për ruajtjen e tolerancës ndërfetare. “Nënë Tereza është njeriu më i respektuar nga të gjitha besimet fetare, hindutë, budistët, muslimanët, të krishterët etj.

Ajo respektohet shumë edhe në Indi ku besimet fetare janë të shumta. Me këtë rast dua të përshendes qëndrimin e mbajtur nga kreu musliman, Haxhi Selim Muça, i cili vërtet tregoi se ne ruajmë e trashëgojmë atë që kanë thënë të parët, rilindasit tanë: se feja e shqiptarit është shqiptaria. Ne shqiptarët, siç kemi jetuar deri tani të bashkuar ashtu vazhdojmë të qëndrojmë e të jetojmë, se kjo është për të mirën tonë e të brezave që vijnë, se e ka vërtetuar historia”,-tha presidenti shqiptar.

“Kjo tokë është mbrojtur nga të gjithë, është zhvilluar nga të gjithë, pavarësisht nga besimi fetar dhe kjo është trashëgimi shumë e madhe, një arritje shumë e madhe e gjyshërve dhe e stërgjyshërve tanë, të cilën ne kemi për detyrë ta forcojmë. Mendoj se drejtuesit fetarë në vendin tonë e kanë të qartë dhe po punojnë mirë në këtë drejtim. Sigurisht do të ketë dhe ferra të ndryshme, por ato nuk pengojnë ecjen përpara të Shqipërisë, ecjen përpara të besimit fetar, të vëllazërimit fetar në Shqipëri”,-përfundoi ai.

[Bianconero]

Nene Tereza ka vend edhe ne Xhami, jo me ne sheshet ''neutrale'' te Shkodres. Nuk kane pse indinjohen muslimanet shkodran nga simboli i miresise vetem per faktin se eshte Katolike. Gjithsesi sigurisht qe nuk jane shkodran keta plehra, as turq por nga ndonje vend ku jane fabrikat e terrorizmit. Kemi qene fatkeq deri tani, sot e tutje nuk na falet nese vazhdojme te jemi nje popull lavire qe ''hap zemren'' me nje cokollat ''hilal''!

P.S: (Jo partia Socialiste por per shembull) Disa lecka ketu nuk rrine dot pa e gjete nje arsye a dy qe mos ta miratojne propozimin e vlonjatit i cili nderon shkodren sepse behet fjale per njeriun me te famshem shqiptar. Nuk shprehet ne cdo teme vreri anti-krishterim sado llum te jesh! Duro o gjallese se ne fund ty ste pyet njeri per asgje, merru me ato carcafet e konvertimeve te Izabela-ve te cilat tani jane Ajshe me mire. Mundesisht ban edhe si djal i mencur dhe serioz

Kam fillu me u ndje krenar qe jam shqiptar kohet e fundit, do kenaqet Zana e Malit e cila ka zgjedhur heshtjen kete radhe

[Toro]

Dikur Napoleoni i Madh ka thene:"Kur shikoni nje grua , futjani me shpulle surratit....Ju mund te mos e dini se pse e godisni, ajo e di!".....Sot ne Shqiperi, ne vend te fjales "grua", duhet te perdoret fjala "gazetar".....

Sot niveli i gazetarise shqiptare eshte aq i ulet , saqe per hir te sensacionit te lajmit, jane gati te mbjellin urrejtjen nderfetare.....

Ashtu si ne jeten publike ka rregulla te pashkruara, edhe gazetaria ka te tilla rregulla...

Gazetaret shqiptare = thashethemexhinj lagjeje me rroge

Une nuk kam asgje per te thene, per ata individe apo organizata qe hiqen se perfaqesojne myslimanet e Shkodres....Fundi i fundit edhe ne se nuk duan te vendoset monumenti i Nene Terezes ne Shkoder, kjo eshte e drejta e tyre ta kene kete mendim.

Une e kam me gazetaret qe i zyrtarizojne keto organizata apo individe si perfaqesues te gjithe myslimaneve ne Shkoder...Ata jane me te rrezikshem ....

[Brari]

Shkodra duhet të falenderojë ministrin Leskaj!



Iniciativa e ministrit Leskaj qe perfaqeson qeverine “Berisha”, per vendosjen e permendores se humanistes se madhe me vlera boterore Nene Tereza, e cila i jep nje rendesi te madhe kombit shqiptar, eshte nje vendim i drejte i nje ministri qe me te vertetë deshiron me te gjitha mjetet dhe politikat kulturore, qe Shqiperia te jete pjese e shoqerise se zhvilluar boterore dhe perpiqet qe institucioni qe ai drejton, te vleresoje kulturen e vertete dhe

projektet që ndikojne fuqishem ne rivleresimin dhe çuarjen perpara të tradites sonë të mrekullueshme, qe u perdhos per 50 vjet dhe qe nuk u trajtua mire gjate viteve te tranzicionit. Pikerisht, iniciativa per vendosjen e permendores dhe strategjia qe ministri po ndjek per reformen ne fushen e kultures, po e ben kete ministri, pjese e zhvillimit intensiv te kultures dhe ekonomise shqiptare. Iniciativa per vendosjen e permendores eshte nje prej vendimeve më serioze qe merr kjo ministri, qe prej 15 vitesh tranzicion. Leskaj eshte ministri i pare i Kultures, ne keto 15 vjet, qe po synon krijimin e nje etape te re ne kete ministri, e cila eshte keqperdorur shpesh keto vite tranzicion, duke u kthyer gati si nje ish-shtëpi kulture ose vend per perfitime te jashtezakonshme materiale ku, per ironi, kultura dhe tradita kane perfituar shume pak.

Prandaj duhet pershendetur ministri Leskaj dhe falenderuar nga shkodranet, jo vetem per vendosjen e kesaj permendoreje, por edhe per idete te cilat i shpalli ne nje takim per turizmin ne Shkoder, ku tregoi se e ka te qarte misionin e tij ne krye te ketij dikasteri. Njekohesisht, kam ndjekur edhe debatin qe zhvillohet ne media per teatrin dhe kulturen ne pergjithesi. I gjithe establishmenti i kultures kerkon nje reforme, e cila te rivendose ne

vend traditen qe eshte nje prej kritereve per integrimin tone ne BE. Te gjitha vendet qe jane anëtaresuar ose presin te anëtaresohen, e kane bere reformen ne fushen e kultures dhe theksin e kane vene ne rikonsiderimin e kulturave kombetare. Vendosja e permendores se Nënë Terezes, jo vetem qe vlereson nje figure te ndritur me permasa boterore qe na jep nje mbeshtetje ne njohjen tone si komb dhe kulture, por eshte edhe nje pike e forte per intensifikimin e çeshtjes shqiptare si Kosove e kudo qe ajo eshte ne diskutim. Ndryshimet

gjeo-politike ne rajon dhe aspirata jone per integrim euroatlantik kerkon patjeter rikonsiderimin dhe vleresimin e figurave te shquara si Nene Tereza, qe jane garanci per procesin e perfshirjes sone ne familjen e zhvilluar te botes se zhvilluar, aspirate e kahershme e te pareve tane. Gjithashtu, vemendja qe zoti Leskaj drejton per kulturen ne pergjithesi te qytetit te Shkodres, projekti per vendosjen e fototekes “Marubi” ne nje

ndertese tjeter, projekti per krijimin e nje qendre te madhe te kultures shkodrane, ku te perfshihet galeria dhe te gjitha institucionet e kultures, se fundi, iniciativa per vendosjen e permendores se Nene Terezes, patjeter qe duhen pershendetur dhe vleresuar nga i gjithe opinioni i qytetit te Shkodres.



Autori është kryetar i Komisionit të Kulturës në Bashkinë e Shkodrës

Qamil Gjyrezi

g55