LSI i bashkohet koalicionit të majtë

[Brari]

Federate majtas dhe rikompozim djathtas?
E Premte, 26 Maj 2006
Nga Agron BALA

Rutina politike shqiptare u prish kete jave nga dy ngjarje qe ndodhen pothuajse ne te njejten kohe: nenshkrimi i nje marreveshjeje e te majteve ne opozite per te dale me kandidate te perbashket ne zgjedhje dhe krijimi i nje grupi parlamentar te PDK-se, apo me mire rikompozimi i numrave brenda maxhorances. Jane dy levizje qe gjithsesi i japin konfigurim te ri te te dy kampeve, por tashme ne pozita te ndryshme.

Pas nje sherrnaje te gjate, me akuza e kunderakuza, me kercenime e kontestime, opozita e majte, papritur, nje dite te bukur, paraqitet ne nje tryeze, duke nenshkruar marreveshjen qe per te gjithe ishte e papritur. Rama, duke leshuar gjithnje nga kopshti i PS-se, u dha aleateve LSI dhe PSD sherrxhinj nga nje anetar ne KQZ dhe arriti te siguroje firmat e kryetareve te tyre ne nje karte. Mirepo, ne vend qe i gjithe "populli i majte" te ngelte i kenaqur nga ky "bashkim", cuditerisht ai po shfaq dyshime te medha per motivin e ketij bashkimi dhe friken se lideret e tyre u bashkuan thjesht per te ndare torten elektorale dhe jo nga motive te tjera politike. Realisht, pyetja qe shtrohet eshte: a do kishim nje bashkim te se majtes nese PS-ja nuk do shperndante dhurata nga "kopshti" i vet? Sigurisht qe jo. Pa kete dhurate ishte e pamundur qe Meta dhe Gjinushi te uleshin bashke, kur njeri deklaronte se tjetri eshte kryetar pa parti dhe tjetri qe pergjigjej se ishte i pari qe kishte sjelle humbjen e se majtes ne korrikun e vjetshem.

Ne "mehallen" tjeter politike, pra ne kampin e maxhorances, ngjarja ndodhi po aq befasisht dhe kur nuk e priste askush. Nikoll Lesi, qe i kishte siguruar partise se tij dy deputete dhe me "letra" i perket maxhorances, heq dore nga kreu i PDK-se dhe ia ofron kete post Nard Ndokes, kryetar i grupit parlamentar te PDR-se. Thuhet se Ndoken do ta "shoqerojne" ne kete rrugetim politik edhe dy apo tre deputete te tjere nga maxhoranca. Nuk ka asnje dyshim se pavaresisht deklarimeve te Ndokes, per nje mbeshtetje pa kushte te qeverise, pra per nje levizje qe nuk do te krijoje probleme me numrat ne Parlament, jane hedhur dyshime serioze se motivi i vertete i kesaj levizjeje eshte presioni ndaj Kryeministrit dhe maxhorances, nepermjet kercenimit te votes. Mendohet qe kjo levizje do te rrise aksionet e deputeteve realizues te saj dhe do te ule ato te maxhorances deri tani solide.

Ne te gjithe boten eshte nje prirje e natyrshme qe qenia ne opozite e forcave politike i shtyn ato drejt levizjeve centripete, nderkohe qe qenia e tyre ne maxhorance i shtyn drejt levizjeve centrifuge. Dhe normalisht, ne kete veshtrim, edhe dy levizjet e mesiperme nuk bejne perjashtim nga rregulli i pergjithshem. Por problemi i vertete qe shtrohet ne realitetin politik shqiptar eshte nese keto levizje behen nga forca reale politike apo nga fantazma politike, qe kane mbijetuar per arsye te tolerances, bamiresise apo hezitimeve te forcave kryesore politike? Dhe, me tej, cfare pasqyrojne realisht keto forca politike, cfare elektorati kane, cfare mbeshtetje reale kane per idete e tyre politike?

Problemi i vertete i ketij realiteti mjaft te cuditshem politik eshte Ligji Elektoral. Po te analizosh ligjet elektorale qe kane shoqeruar zgjedhjet ne Shqiperi, megjithese kane ndryshuar sa here ka patur zgjedhje, ne thelb kane qene te njejta : pra ligj maxhoritar te korrektuar me ate proporcional. Pikerisht ketu qendron edhe thelbi i "se keqes" se realitetit politik shqiptar. Duke qene perballe nje gare ku mund te fitosh apo te humbasesh me fare pak vota, dy partite kryesore shqiptare, kane dashur te grumbullojne edhe votat e te gjithe spektrit perkates ne maxhoritar dhe kane leshuar vendet e tyre ne proporcional. Kostoja e nje zgjidhjeje te tille ka qene vertete e rende: sot kemi mbi 60 parti politike, 14 prej te cilave jane te perfaqesuara ne Parlament dhe me "armen" e tyre te vetme, kartonin, kane sjelle dhe mund te sjellin permbysje te medha politike. Ndaj, ata jane gjithnje te faktorizuar, te perfaqesuar dhe te rendesishem per hir te atyre 1000 apo 5000 votave qe kane ne te gjithe vendin dhe qe normalisht nuk mund t'u siguronte atyre qofte edhe nje mandat te vetem. Mjafton te permendim faktin qe me ndonje perjashtim fare te rralle, kryetaret e ketyre partive tash 15 vjet zgjidhen vetem nga listat proporcionale.

Nga argumenti i mesiperm kuptohet se dy partite e medha perpara zgjedhjeve grumbullojne ne gjirin e tyre djajte e vegjel dhe pas zgjedhjeve keto djaj behen cuditerisht "te medhenj" dhe percaktojne politikisht te medhenjte qe i kane krijuar. Shembulli me i mire per kete ishin zgjedhjet e korrikut te vjetshem, ku parti qe nuk dihet a kane apo nuk kane fare elektorat, u gjenden ne parlament te perfaqesuar me shtate, tete apo dhjete deputete! Dhe kur tregohesh kaq "bujar", natyrisht do te pranosh edhe abuzimin me bujarine tende.

Ndaj, eshte e domosdoshme qe demokracia te filloje aty ku duhet, ne perfaqesimin real te elektoratit. Duhet gjetur nje ligj elektoral, i cili te na jape per here te pare ne keto vite te pluralizmit, mbeshtetjen reale qe kane forcat politike ne popull. Gjithcka duhet te filloje qe kendej, sepse po u deformua ky vullnet, deformohet gjithcka ne godinen politike qe ngrihet mbi te. Dhe per te realizuar kete qellim ka vetem nje menyre: hartimi i nje ligji elektoral proporcional te paster ose te nje tjetri qe bashkon votat per kandidatet dhe per forcen politike ne nje te vetme. Sigurisht qe kjo nuk do te sjelle ne Parlament 14 forca politike, por ndoshta as 4 te tilla, por ama keto 4 forca do te kishin realisht elektoratin e tyre. Natyrisht, ne kete rast, te papriturat dhe aksidentet politike nuk do te ishin kaq te shpeshta dhe kaq kaotike, sic po ndodhin gjithe keto vite ne boten politike shqiptare.

Por, fatkeqesisht, ky fenomen politik mesa duket do vazhdoje te jete tipik per ne, perderisa aktualisht te gjitha forcat politike jane deklaruar per ruajtjen e ketij ligji elektoral, duke e kthyer Parlamentin shqiptar ne nje rebus te paparashikueshem per kedo. Ndaj, nuk duhet te cuditemi nese cdo dite e re do te sjelle edhe levizje te reja politike, nese edhe nje deputet i pakenaqur do te krijoje krize, nese cdo particke virtuale do na hyje ne parlament pa asnje vote te vertete!

Eshte detyre e dy partive te medha qe te mos japin lemosha, por te krijojne aleanca me parti te vogla qe vertete kane mbeshtetje ne elektorat. Mbi keto themele cdo godine politike do te ishte solide. Ne te kundert, do befasohemi gjithnje nga tekat subjektive te njerit apo tjetrit.





korrieri

[Teddy]

ajo qe te ben me shume pershtypje eshte nervozismi qe eshte krijuar ne gjithe simpantizantet pseudo te djathte,per shkak te bashkimit te opozites. Me tentativat nga me qesharaket dhe te perlulurat peprpiqen jane perpjekur te ndjellin inatmes dy forcave opozitare e tani nuk ju mbetet gje tjeter vecse te fillojne intrigat e oborrit, per me terper duke risjelle artikuj tes hkruar nga te tjere, sepse fantazia e tyre nuk arrin te prodhoje dot as edhe nje intrige. o ndoshta sepse ne filozofine e kesaj partie kaq te djathte sa edhe komuniste ( si mund ta quash ndryshe nje parti qe shproneson pronaret) edhe intrigat e krijuara duhet te jene vazhdim i mendimit te kryeministrit i cili vazhdon dhe deshmon cdo dite e me teper se sa i paafte eshte e qe kalon kohen e tij jo duke menduar se si te krijoj por duke menduar ke te sulmoj e mbi ke te shpife sa me shume. deri dje rradhen e kishte prokurori i pergjithshem, tani presidenti e neser mund te jete kushdo prej jush. Ka shnderruar parlamentin ne nje komision hetimor mbi te gjithe. por i paafte si eshte jam i bindur qe edhe tentativa e tij per tu bere diktator do te jete e kote.
une do i rekomanadoja kryeministrit te nderronte profesion. pse jo le te behej ai prokurori i ardhshem i Shqiperise, sepse askush nuk eshte me ne gjendje se ai te krijoj nga hici nje mal te tere me akuza...e atehere lum si ne.

[miko]

Me ne fund...

Lsi-ja u kthye atje ku e ka vendin,dhe tashme qeveria i ka ditet te numeruara.Kolapsin ekonomik nga ku po e drejton vendin kjo qeveri ineficiente,vetem kualicioni i majte eshte ne gjendje ta shmangi.Goditja e pare ka per te qene ne zgjedhjet lokale,ku "blloku" i majte ka per te fituar me diference...

Personalisht isha shume optimist per arritjen e kesaj marreveshje.Mesa duket Edi,i ka hyre punes seriozisht jo veteme per te kthyer te majten ne pushtet por edhe per krijimin e nje komunikimi te shendoshe mes bazes dhe degeve te rretheve.Ky komunikim ka per te sjelle dhe rezultatin e duhur.Edi Rama ka per te qene individi/politikani qe do largoje "kancerin" e Shqiperise nga politika nje here e pergjithmone.Do ti japim dhe nje pension te majme per "kontributin e cmuar" qe o ka dhene atdheut...

[Brari]

gazeta 55

.

Data: 29/05/2006, ora

Rexhep Meidani, presidenti i federatës së majtë



Ish-presidenti i republikës po planifikohet të emërohet president i Federatës së Majtë, nën shembullin e koalicionit italian të Romano Prodit, i cili nuk mori parasysh strukturat e partive pjesëmarrëse. Partitë kanë nisur negociatat në mënyrë konfidenciale, me grupe pune të kryesuara nga Ndre Legisi për LSI-në, Petro Koçi për PS-në, dhe krerët e partive të vogla Gjinushi e Milo. Mejdani vlerësohet si një figurë ende e pakonsumuar në ekzekutiv, ndërkohë që promovimi i tij pritet të nisë në KPD-në e së premtes dhe në kongresin socialist të 10 qershorit



Megjithë polemikat që po konsumohen në publik nga drejtuesit e partive të majta, lidhur me pamundësinë e krijimit të një federate të majtë, apo edhe me konfirmimin e vlerësimit se kjo federatë për momentin është një ide e parakohshme, kjo s’po i pengon “ideologët” e federatës që t’i mishërojnë lëvizjet e tyre. Aktualisht të 4 partitë e thirrura për të formuar federatën e ardhshme kanë ngritur komisionet që po merren me modalitetet se si do të krijohet federata e ardhshme si dhe parakushtet që paraqisnin secili prej formacioneve politike. Negociatat në emër të Partisë Socialiste po i udhëheq Petro Koçi, edhe pse ende s’është e qartë nëse ai ka edhe besimin e plotë të kryesisë së PS-së për to. Në emër të LSI-së është aktuar si negociator Ndre Legisi, ndërkohë që socialdemokratët dhe Partia e Demokracisë Sociale përfaqësohen me kryetarët e tyre; Gjinushin dhe Milon, pasi duket se s’ka të tjerë të besuar në radhët e rralluara të këtyre partive. Negociatorët janë emëruar si me porosi për të prodhuar modelin prodian “Ulliri”, koalicion që nuk u mbështet fort tek liderët e partive por që në fund ia arriti që të fitonte zgjedhjet e fundit parlamentare. Negociatorët po krijojnë një federatë të prodhuar enkas për Rexhep Meidanin, ish-presidentin e republikës dhe një njeri ende popullor në radhët e socialistëve dhe partive të tjera të së majtës. Rexhep Meidani u shpëtoi të gjitha fushatave të baltosje që kanë organizuar kohë pas kohe qarqet e majta dhe mediat e tyre mbështetëse, ndërkohë që profili intelektual i tij ende jep shpresa se ai mund të provohet në një ekzekutiv të ardhshëm të së majtës. Gjinushi, Milo, Koçi dhe Legisi janë mbështetës historikë të kandidaturës së Rexhep mejdanit, si konsensuali që mund të bashkojë të majtën dhe t’i udhëheqë ata në një koalicion që do të shumonte partitë e në fund do të mund të përfaqësonte si duhet mazhorancën e ardhshme socialiste. Negociatat ruajnë ende një fytyrë konspirative, ndërkohë që krerët në publik s’pushojnë së foluri për parakohshmërinë e kësaj federate. Shembulli i freskët i suksesit të koalicionit italian po i detyron ideologët e së majtës shqiptare që të dalin nga skemat primitive që shohin si promotore partitë politike dhe krerët e tyre dhe të mundohen të prodhojnë një imazh të ri nëpërmjet një figure jo krejt të kontestueshme nga ana e polit tjetër politik. Konspiracioni rreth negociatave për federatën e majtë dhe kandidaturën e Rexhep Meidanit po mundohet të fshehë sadopak stadin ku kanë mbërritur përgatitjet në grupet e punës, të drejtuara nga Koçi, Legisi, Gjinushi e Milo, megjithatë është marrë vesh se promovimi i kandidaturës së Rexhep Meidanit si presidenti i federatës së ardhshme pritet të fillojë që në mbledhjen e Komitetit të Përgjithshëm Drejtues të së premtes për të regjistruar një stacion kulminant në fjalimet përshëndetëse të liderëve të së majtës në kongresin e 10 qershorit.

Re. Po.
Skadon afati për Sollakun, hetuesit e PS të marrë peng nga dosjet



Komisioni parlamentar nuk nuk ka mundur të marrë asnjë dokument të rëndësishëm nga organi i akuzës, ndërsa data 29 maj ka qenë afati i fundit i dorëzimit të tyre. Në vend të tyre, dalin në dritë detyrimet që Isaraj, Braçe, Xhafa e Gjinushi kanë ndaj Theodhori Sollakut



Kryeprokurori Theodhori Sollaku nuk ka dorëzuar pranë komisionit hetimor dosjet më të rëndësishme të kërkuara, por është mjaftuar me njohjen e Kuvendit të disa fashikujve aspak të rëndësishëm dhe periferikë. Arsyetimi ka qenë koha e pamjaftueshme dhe vonesa e postës si dhe ligji mbi Prokurorinë që nuk lejon të jepen dosjet që janë nën hetim. Për këtë arsye organi i akuzës ka lënë të pakënaqur komisionin hetimor me të dhënat e dërguara dhe për këtë priten reagimet e palëve. Skema e ndjekur nga theodhori Sollaku i ngjan shumë asaj të përdorur nga Edi Rama pak para zgjedhjeve të vitit 2003, kur u vendos hetimi i tij nga Kuvendi. Atëherë deputetët e komisionit nuk i lejuan që të hyjnë në bashki dhe iu kërkua një leje e vecantë nga parlamenti dhe një shkresë e firmosur nga kryetari i komisionit parlamentar që ishte thjesht një justifikim që të bllokohej procesi. Nga ana tjetër, kryebashkikau Edi Rama në atë kohë u lejua që të instalojë brenda sallës së parlamentit një videoprojeksion ku pasqyroheshin një pjesë e punëve propogandistike të tij, edhe pse kjo praktikë nuk u lejua pak më vonë për opozitën kur deshi të përdorë filmimet si prova në cështje të rëndësishme politike. Gjithsesi, kryeprokurori Sollaku deri më tani nuk është thirrur në komision por kjo nuk përjashtohet në ditëtë në vazhdim ku ai do të merret atje si i pandehur për mosveprimin e tij ndaj krimit dhe korrupsionit.

Pistat e mundshme të zgidhjes

Pas refuzimit të pranimit të deputetëve në arkivat e prokurorisë dhe pas kalimit të afatit kohor të dorëzimit të dokumentave sipas kërkesës së kuvendit, institucioni i parlamentit mund të veprojë me vendosmëri për të detyruar kësaj radhe qoftë edhe me forcë ligjore prokurorinë që të pranojë kontrollin parlamentar. Procedurat deri tani kanë qenë tërësisht zyrtare ku Sollakut i është kërkuar npërmjet siglimit të kërkesave të mazhorancë sdhe opozitës në komisionin parlaemntar hetimor, materiali që lidhet me objektin e hetimit. Mosveprim për një sërë vrasjesh të bujshme, mosveprim për raste korruptive dhe plot akuza të tjera vërtetohen nga dosjet që i janë kërkuar kryeprokurorit. Ai ka refuzuar rrugën e dorëzimit të dokuemntave duke sfiduar kështu në fazën e parë legjislativin që duhet tëërmbushë detyrimin e tij ligjor në lidhje me hetimin. Një prej pistave të mundshme është edhe hyrja me mandat të vecantë e deputetëve në organin e akuzës dhe këmbëngulja e tyre për të punuar brenda institucionit pa nxjerrë nga godina dokumentacionin që është cilësuar si “top secret”

Dosja Isaraj dhe Kuqoja i Beratit nuk dorëzohen nga prokuroria

Pas publikimeve mbi rastet e mosekzekutimit të urdhrave të gjykatës nga prokuroria, kjo e fundit nuk ka paranuar që të japë në parlament dosjet e lirimit të vëllait të Arben Isarajt dhe cështjen e Kuqos së Beratit. Vëllai i deputetit socialist, Altin Isaraj, i akuzuar për vrasje, dhe i dënuar me shtrim në spitalin psikiatrik në Elbasan, nuk u shtrua kurrë aty, pasi Prokuroria nuk e ekzekutoi urdhrin. Kjo çështje, por dhe raste të ngjashme do bëheshin pjesë e punës së Komisionit hetimor për veprimtarinë e Prokurorisë. Pavarësisht këtyre mësohet se Altin Isaraj nuk është shtruar kurrë në spital. Prokuroria nuk e ka ekzekutuar kurrë vendimin e gjykatës.

Por, megjithëse në dosjen e Isarajt, të akuzuar për vrasje, janë dhe dy persona të tjerë, materiali ndaj tij veçohet. “Gjithashtu, duke patur parasysh faktin se ky i pandehur ka ardhur për gjykim në bashkëpunim edhe me dy të pandehur të tjerë, në bazë të nenit 93/2, të Kodit të Procedurës Penale, gjykata çmon se materiali në ngarkim të tij, të veçohet nga dy të pandehurit e tjerë.”, thuhet në vendim. Për mosekzekutim të këtij urdhri do të niste dhe hetimi nga Komisioni parlamentar. Në prokurori është kërkuar informacion mbi masat e marra nga ana e Prokurorit të Përgjithshëm për kontrollin e ekzekutimeve të vendimeve gjyqësore, për shtrim në spital psikiatrik të personave të akuzuar për trafik dhe vrasje, konkretisht për çështjet e mësipërme, si dhe mbi masat e marra ndaj prokurorëve, të cilët kanë shkelur ligjin. Gjithashtu, do të hetohet nëse ka patur kallëzim penal për këta prokurorë, dhe nëse po, cila është ecuria dhe ndjekja që ka bërë ndaj tyre, Prokurori i Përgjithshëm.

Rasti i Kuqos, i njëjtë me atë të Isarajt

Rasti i Aleksandër Kuqos në Berat, “të çmendurit” është një tjetër rast identik. Por, për to, dhe shumë raste të tjera, Komisioni parlamentar për hetimin e veprimtarisë së prokurorisë kërkoi materiale për hetim. “Informacion mbi veprimet e kryera nga ana e Prokurorisë për ekzekutimin e vendimit nr. 13, datë 22.01.2003, të Gjykatës së Shkallës së Parë, Fier (Prokuroria e Rrethit Fier). Është vërtetuar tashmë, se nga ana e Prokurorisë nuk është bërë asgjë për zbatimin e masës së sigurimit duke u lënë i lirë i dënuari për trafik droge”, thekson kërkesa e komisionit hetimor të refuzuar nga Sollaku.

Socialistët refuzuan të nënshkruajnë deklaratën e konfliktit të interesit

Anëtarët socialistë refuzuan në fillim të punës së Komisionit Hetimor Parlamentar për veprimtarinë e Prokurorisë që të pranojnë një amendament që do të shmangte konfliktin e interesave gjatë hetimit. Amendamenti nuk arriti të futej në rregulloren e punës së komisionit. Mazhoranca deklaroi se të gjithë ata që hetojnë për këtë çështje, duhet të jenë të pastër. Pas debateve të shumta, socialistët vendosën që të nënshkruajnë nga një deklaratë në lidhje me konfliktin e interesit. Por, dhe në lidhje me deklaratën pati kundërshti të forta nga ana e deputetëve socialistë.
Re. Po.
Data: 30/05/2006, ora

Berisha: Kullat e Ramës, babëzia që u kanoset fëmijëve
Kryeministri Berisha ka dhënë dje mesazhin e qartë se projekti francez i përdorur nga Edi Rama për qendrën e Tiranës ishte papërshtatshëm dhe gllabëronte njëherë e përgjithmonë hapësirat për fëmijët dhe mjediset e gjelbëruara


Kryeministri i vendit ka denoncuar dje planin e z Rama për qendrën e Tiranës të hartuar në fazën e parë pasi projekti kishte mangësi në planifikimin e hapësirave për fëmijët dhe mjediseve të gjelbëruara. Deklarata e z Berisha janë bërë dje gjatë takimit të konferencës së 3-të kombëtare për fëmijët realizuar në prag të ditës së fëmijëve. “Fëmijët e Shqipërisë vuajnë më shumë se të gjithë anëtarët e tjerë të shoqërisë nga babëzia. Asnjë park nuk ndërtohet në kryeqytet për fëmijet, përkundrazi shkatërrohen edhe ato parqe të pakta të trashëguara nga komunizmi. E njëjta situatë eshte edhe në qytetete të tjera, ku nuk është ndërtuar asnjë park apo mjedis për fëmijët. Ndaj në planin kombëtar qeveria do t’u diktojë dhe përcaktojë standarte, kritere dhe norma në të gjithë urbanistikën vendit, që fëmijëve t’u jepet pjesa e tokës dhe diellit që u takon, pasi në këtë mënyrë përveç betonit, nuk mbetet asgjë për ta”, është shprehur kryeministri. Sali Berisha mori pjesë në Konferencën e tretë Kombëtare me temë “Të drejtat e njeriu fillojnë me të drejtat e fëmijëve”. Në këtë aktivitet të organizuar nga Ministria e Punës, Çështejeve Sociale dhe Shanseve të Barabarta, në bashkëpunim me UNICEF, ishin të pranishëm përfaqësues të organizatave në ndihmë të fëmijëve, përfaqësues të pushtetit vendor, donatorë të ndryshëm etj. Kryeministri Berisha nënvizoi rëndësinë dhe domosdoshmërinë e madhe që ka respektimi i të drejtave të fëmijëve dhe shprehu angazhimin e plotë të qeverisë për zbatimin e strategjisë për mbrojtjen dhe zhvillimin e këtyre të drejtave.

Vlerësimi për planin e Ramës

Në mënyrë që të jetë sa me e plotë dhe serioze, si detyra dhe realizimi më pas, planit duhet t’i jepet koha e mjaftueshme. Duhet të mbahet parasysh interesi i qytetarëve të Tiranës dhe qytetarëve shqiptarë, sepse Tirana është e gjithë shqiptarëve në kuptimin e kryeqytetit. Ndaj ne duhet të përpiqemi të bëjmë diçka shumë serioze

Vendime të KRTRSH-së që prekin edhe planin francez

KRTRSH vendosi; të mbetet në fuqi, por të rishqyrtohet vendimi i KRT-së së Bashkisë së Tiranës nr. 1/4, datë 18.03.2005, për lejen e ndërtimit për godinë banimi dhe shërbimi 2, 4, 5 kate dhe me 2 kate parkim në tokë, në rrugën “Asim Zeneli”, sipas kërkesës së Prefektit të Qarkut Tiranë dhe Drejtorisë së Policisë së Ndërtimit. Kryeministri Berisha theksoi se për këtë vendim policia ndërtimore konstaton se leja e ndërtimit është në përputhje me studimin francez, por shkel rregulloren e urbanistikës, të miratuar me vendim të Këshillit të Ministrave. Në asnjë rrethanë ky forum nuk mund të jetë mbi Këshillin e Ministrave, tha kryeministri. Për këtë arsye, u vendos që kjo çështje të rishqyrtohet edhe njëherë nga ana juridike, para se të merret vendimi. “Këto papajtueshmëri duhet të zgjidhen. Po ashtu, Ministra e Punëve Publike dhe Transportit Publik duhet të nisë negociatat me studion franceze, e cila ka bërë një punë të mirë. Projekti ka vlera të padiskutueshme dhe u jep përgjigje shumë nevojave të qytetarëve. E vetmja gjë që duhet të shihet është ndikimi i babëzisë në lartësitë e këtyre ndërtimeve. Nga ana tjetër, juristët duhet të na qartësojnë se cilat janë hapat që duhet të ndërmerren për të harmonizuar planin”, tha zoti Berisha.

Re. Po.
PS sulmon OSBE-në, kërkon fitore pa zgjedhje
Rikthehet agresioni komunist ndaj organizmave perëndimore. Ben Blushi kërkon në emër të PS-së përjashtimin e OSBE-së nga ndërmjetësimi për reformën zgjedhore si dhe lënien jashtë listave të 150 mijë votuesve nga regjistri i përkohshëm


PS sulmon OSBE-në, kërkon fitore pa zgjedhje



Rikthehet agresioni komunist ndaj organizmave perëndimore. Ben Blushi kërkon në emër të PS-së përjashtimin e OSBE-së nga ndërmjetësimi për reformën zgjedhore si dhe lënien jashtë listave të 150 mijë votuesve nga regjistri i përkohshëm. Kundërshtohen rekomandimet e ODIHR-it dhe kërcënohet me bllokimin e plotë të procesit, në rast se zgjedhjet nuk do t’u garantojnë socialistëve një gjysëmfitore të Ramës ndaj kundërshtarëve brenda partisë



Pasi ka marrë vërejtje të rënda nga ana e përfaqësueve të prezencës së OSBE-së dhe kreu të saj, Pavël Vaçek mbi qëndrimin e mbajtur një ditë më parë në tryezën e komisionit parlamentar për reformën zgjedhore, në lidhje me regjistrin e përkohshëm të votuesve, ish-ministri socialist i Pushtetit vendor dhe Decentralizmit, Ben Blushi atakoi dje ashpër institucionin e njohur ndërkombëtar sidomos në asitencën që jep në përgatitjen e infrastrukturës ligjore zgjedhore, duke deklaruar se ai nuk duhet që të përzihet më në cështjen e reformës zgjedhore. ”Kjo është një çështje teknike që nuk bën pjesë në rekomandimet bazë të kësaj organizate, por ka ikur koha kur çdo lloj kompromisi arrihet përmes negociatave me faktorë të tjerë. Besoj se partitë politike shqiptare janë në gjendje të gjejnë mirëkuptim për këto çështje pa pasur asistencë të huaj”- u shpreh tha Blushi duke shtuar se në këtë drejtim çështja e komisionit të reformës zgjedhore nuk duhet të ekzagjerohet, pasi nuk ka asnjë alarm për bllokimin e punës së këtij komisioni". Faktikisht dhe fatkeqësisht qëndrime të tilla nuk janë pa precedentë. Vetëm një vit më parë, Presidenti i Aleancës Demokratike, ishte edhe më ekstremist në deklaratën e tij duke kërkura largimin sa më pare nga Shqipëria të parardhësit të Vaccek, Osmo Liponen dhe kësisoj krejt OSBE-së, një qëndrim ky tipik i nomenklaturës ish-kumuniste në vendet e ish-Bashkimit Sovjetik që sot udhëheq me dorë të hekurt. Megjithatë një deklaratë e tillë e nxjerrë nga goja e Sekretarit Politik të partisë më të madhe të opozitës, merr një rëndësi jo të vogël, pasi është tregues i trajektores që kërkon të ndjekin socialistët mbi reformën zgjedhore. Pas këtij sulmi, Blushi tha socialistët nuk kanë ndërmend, që të heqin dorë nga ideja e eliminimit të regjistrit të përkohshëm të zgjedhësve, i cili sipas tij parashikon që të ketë “kontigjente të lëvizshme zgjedhësish". Në këtë kuadër bashkëkryetari i komisionit të posaçëm për reformën zgjedhore, theksoi se Partia Socialiste mbështet principin që çdo shtetas i Republikës së Shqipërisë që ka të drejtë vote, duhet të votojë aty ku ai është regjistruar, pra pranë gjendjes civile ku figuron aktualisht. "Kushdo që do të ndryshojë gjendjen civile për të votuar aty ku ai banon ka kohën e mjaftueshme të transferohet në gjendjen civile përkatëse, në bazë të ligjeve që rregullojnë këtë çështje. Kërkesa e anëtarëve të PS-së në këtë komision që regjistri i përkohshëm të mos aktivizohet më, i jep mundësi kryetarëve të bashkive dhe komunave, për regjistrime shtetasish aty ku ata nuk figurojnë në gjendjen civile”- deklaroi Blushi që përshëndeti nga ana tjetër vendimin e mazhorancës për marrjen si burim kryesor për përmirësimin e listave të përgjithshme zgjedhore, listën e zgjedhjeve të vitit 2005, që sipas tij “është inventari më i mirë i mundshëm për momentin".

Re.Po.

55

[Lunesta]

Bashkimi i partive politike ne prag zgjedhjesh eshte dukuri mese normale ne boten e qyteteruar perendimore. Ndaj edhe bashkimi i se majtes nuk eshte risi por nevoje e rrethanave politike. E majta humbi zgjedhjet se u perca, ndaj ky veprim perpiqet te zhbeje gabimin e vjetshem. Eshte veprim i volitshem pasi qeveria duket se ka deshtuar ne shume aspekte sot, ndersa vete kryeministri duket me shume njeri qe do te qeverise me skema grandioze ne koken e vet por asgje ne realitet nuk ndodh qe te mendosh se kemi qeberi me timonier realist e jo timonier iluzionist.

[Lunesta]

Kreu i PS-së tha se zbatimi i parimit “Një anëtar, një vote”, do të jetë fleksibël rast pas rasti

Rama: Reforma e statutit, preludi i fitores në zgjedhje


Denion Ndrenika

TIRANË- Socialistët miratuan, pa ndryshime thelbësore, materialin me ndryshimet dhe përmirësimet në statut, duke kaluar thuajse pa debate problematike të gjithë dokumentin e ratifikuar nga kryesia të hënën. Varianti i miratuar është pjesë e asaj politike reformuese, për të cilën kryetari Edi Rama tha se ishte një proces i hapur i cili harton dhe se askush nuk ka të drejtë t'i vërë thikën, përpara sesa më votën e tyre të gjithë delegatët e Kongresit do të sanksionojnë këtë reformë që është kapitulli i parë i ringritjes së PSSH-së dhe pa asnjë dyshim preludi i fitores sonë në zgjedhjet e ardhshme. Në statut është theksuar aplikimi i parimit të zgjedhjes së drejtuesve të degëve dhe të kryetarit të vetë partisë me votim të drejtpërdrejtë, parimi “Një anëtar, një votë". “Ne jemi në një moment kur mund të përcaktojmë me shtyllat kryesore të kësaj reforme, së pari, integrimin përfundimtar të parimit "Një anëtar një votë", në zgjedhjen e kryetarit të Partisë Socialiste të Shqipërisë dhe të kryetarëve të degëve, duke përcaktuar si një parim të palëvizshëm këtë parim zgjedhjeje për të dhjetë qytetet të organizuara brenda territorit të bashkive në PS dhe duke i lënë fleksibilitet aplikimit të këtij parimi rast pas rasti në të gjitha pjesët e tjera të territorit. Në këtë zgjedhje na ka çuar qoftë konstatimi se Partia Socialiste në kushtet ku filloi rrugën për t’u kthyer në pushtet kishte nevojë për një shtrirje dhe për një ballafaqim statusor me anëtarësinë dhe qoftë konstatimi tjetër se ky është një parim i cili nuk është i shtrirë në të gjithë strukturën e partisë, në asnjë nga partitë simotra në Internacionalen Socialiste”, -tha kryetari. Rama ka vërejtur me përparësi lehtësimin e procedurave të anëtarësimit. “Gjithmonë, duke marrë parasysh nevoja që ka PS-ja, në këto kushte për t’u hapur tërësisht ndaj shoqërisë, për të qenë e gatshme të integrojë brenda saj të gjitha ato vlera dhe kontribute që përfaqësojnë sot opinionin opozitar shqiptar dhe njëkohësisht që përfaqësojnë opinionet alternative për të përgatitur shpejt një alternativë serioze qeverisëse dhe, nga ana tjetër, për shqetësimet e panumërta që kemi konstatuar, qoftë për sa i përket anëtarësimit, për shqetësime të konstatuara dhe nga dhjetëra e dhjetëra, mos të them qindra ankesa të ardhura nga qytetarë të interesuar për t’u anëtarësuar në PS, që janë ndeshur me murin e burokracisë. Nga ana tjetër, kemi marrë përsëri në konsideratë modelet e partisë të firmosura në Internacionale, duke gjykuar se rruga për regjistrimin në parti nëpërmes zyrave të organizimit të partisë në qendër apo në bazë, rrugë kjo e përcaktuar në shumicën dërrmuese nga këto modele, është rruga më e shpejtë dhe më e mirë. Kështu, Partia Socialiste e Shqipërisë është e para parti dhe e vetmja parti politike në Shqipëri që krijon një sistem lehtësues për anëtarësimin të interesuarve duke marrë në konsideratë ndryshimet e mëdha sociale, gjithashtu duke marrë në konsideratë edhe psikologjinë e brezit të ri”, -tha kryetari.

RAMA, 10 PIKAT REFORMUESE TË STATUTIT

Parimi “Një anëtar, një votë”, shtylla kryesore e reformës
Liberalizimi i procedurës së anëtarësimeve në parti
Sanksionohet kategoria e ndërmjetme midis anëtarit të partisë dhe qytetarit apolitik
Krijimi i organizatave socialiste jo më vetëm me kritere në kriterin territorial, pra mund të ketë më shumë organizata për një qendër votimi
Hiqet kufizimi kohor për t’u zgjedhur në forumet drejtuese
Ka saktësim të kompetencave dhe funksioneve të forumeve drejtuese
PS-ja bëhet promotore e një revolucioni me përfshirjen e një kuote fikse grash dhe vajzash 50 % me 50 % në listën konkurruese në Kongres për zgjedhjen e anëtarëve të Komitetit të Përgjithshëm Drejtues,
Ridimensionimi i forumeve drejtuese në përbërje do të thotë që në Komitetin e Përgjithshëm Drejtues dhe për çdo pikë nënvizoj bazuar edhe në modelet e partive simotra Internacionale, grupi parlamentar do të jetë i përfaqësuar eksoficio, pra të qenit deputet nënkupton edhe të qenit anëtar i këtij forumi. Po ashtu do të jenë të përfaqësuar eksoficio edhe një sërë personash të tjerë për shkak të detyrave që kanë ose kanë pasur si të mandatuar nga PSSH-ja, normë kjo që e kanë të tëra partitë politike jo vetëm të Internacionales
Statuti parashikon inicimin e mocionit nga anëtarësia për të gjithë ata që janë zgjedhur përmes parimit "një anëtar, një votë"
Ka disa mekanizma që janë ridimensionuar ose që kanë krijuar, për shembull është ridimensionuar dhe ka mbetur vetëm si një organizëm qendror Komisioni i Garancive Statusore dhe është krijuar komisioni i zgjedhjeve në parti, për shkak se partia po ballafaqohet me procese zgjedhore të njëpasnjëshme dhe shumë të rëndësishme.



Shekulli

[King_Arthur]

le te bejne cfare te duan ata nuk fitojne joooooo

[Lunesta]

keep saying that to urself...

[Brari]

KJ

E Premte, 09 Qershor 2006


NE VEND TE NJE LETRE PA ZARF NE VIGJILJE TE KONGRESIT :"AGALLARET" E BAZES DHE KRYEAGAI EDI RAMA

Nga gazeta "Zeri i Rinise" e 12 qershorit 1991, mbaj mend se nuk mbeti asnje kopje pa u shitur ne tere vendin. Ishte botuar ai fjalimi qe hengri mjaft gure, te bertitura e fyerje nje dite me pare ne Pallatin e Kongreseve. Ajo skene zemerate e auditorit 15 vite me pare, kur Dritero Agolli shpalosi plot mencuri guximin dhe pergjegjesine qytetare e intelektuale per te thene te verteten e asaj "ndarjeje te hidhur", nuk mund te harrohet.

Kur te bertiturat agresive vazhduan edhe pasi mblodhi fletet e diskutimit (prej te cilit "Zeri" cuditerisht nuk botoi asnje rresht!?), oratori reformator foli dicka pa leter qe tronditi me tej Kongresin e fundit te Partise se Punes. Vec te tjerave, e mbylli jo pa irritim e deshperim:"...Kur dikush jep shpirt te tjeret bertasin. Ju bertisni, pasi ajo qe u polli ju po jep shpirt ne shtratin e vdekjes.

Une kot mora mundimin ta shpetoja. Shpetojeni vete po mundet, une do te largohem, pasi nuk e duroj dot eren e ketij te vdekuri dhe aq me teper bertitjet tuaja prane te vdekurit". Qe nga ajo dite rrodhen shume ujera. Mirepo Driteroi yne u be vertet nje nga figurat kryesore shpirterore te Partise Socialiste.

Dhe ne nje kuptim me te gjere, publicistika e tij politike nuk u be prone ekskluzive vetem e asaj partie. Perkundrazi. Ndersa gjurmet e ngjarjes se mesiperme nuk mund te shuhen lehte nga kujtesa njerezore e historike, brenda dhe jashte vendit. Jo me kot e kam kujtuar shpesh kohet e fundit, kur kryetari i Parti Bashkise eshte ngjirur mbare e prape, si kambane pa thumb dhe ndoshta fare pak si mushke xanxare. Perse valle?


Nje nga kopjet e shemtuara te shpirtit antidemokratik, mendoj se eshte edhe mania e urdhrit, lumi i neneve "statutore" qe synon te betonoje kolltukun e lidershipit apo te ndaloje hapjen e gojes. Vullnetarizmi partiak, ne te vertete nuk ka asgje te perbashket me rendjen dhe perkushtimin neverites vetem pas Njeshit.

Me konkretisht, disa sterkembesha lepires te djeshem rreth Nanos, pas doreheqjes se tij civile, qytetare e teper demokratike, iu vardisen dhe iu qepen si kulper Edi Rames te Kulla e Sahatit. I bejne fresk e hije apo iu mbeshteten si gjithnje nje peme te larte?!...Sepse idealizmi e militantizmi kallp pakeson realisht "idealin e nje shoqerie per rrenje". Te kuptohemi drejt, personalisht une i cmoj dhe i nderoj militantet e cdo force politike, te cilet jane praktikisht themeli i vete pluralizmit.

Flas kryesisht per ate kontigjent qe tashme ka zene padrejtesisht ndonje qoshe neper trashegimine pozitive te se majtes, e sidomos ne ca forume drejtuese ne qender. Te eturit per pushtet e para, zakonisht u nxjerrin "syte" dhe nuk u vene dot "vetulla" forcave te ndryshme politike. Pershembull, pompimi irritues i "takimeve me bazen", mendoj se nuk ia ngre aq shume sa flitet rytbene populiste Edi Rames. Shqiptaret dhe sidomos socialistet, per ato "inkursione e marshime" te karfosura me bodiguarde, kane sy e shikojne, kane veshe e degjojne.

U velen shpejt nga monologjet parafabrikate te podiumeve, qe pastaj hidhen si simite neper kaseta te posacme radiotelevizive. Nje kolegu yne analist serioz, e quajti me te drejte ditet e fundit "Bajraktarizem politik te pafytyre" kete dukuri. Po fjala dhe mendimi i militanteve te PS se, perse nuk pipetin as para dhe as prapa ligjerimit te kryetarit neper ekrane? Vertet e besojne ende deklaraten e tij te shumelakuar si "i pari mes te barabarteve"?

Ne do ta mbyllim epoken e agallareve ne Partine Socialiste!...
Kush e leshon kete "betim" solemn? Dora vete, kryeagai Edi Rama. Po ku valle?
Ne Fier, perballe nje grumbulli anetaresh, simpatizantesh e te zgjedhurish ne baze. Shkurt, ua beri bene agallareve e pasanikeve te pacipe "socialiste" neper fshatra e qytete te largeta, te cilet marrin fryme me zor permes rrethimit nga luksi dhe ashtu te tejngopur e gogesites nuk u cahet fare daullja. Sepse keto i ndodhin vetem fukarait...

"Ati yne qe je ne qiell, nemna fuqine te mbajme gojen mbyllur, per te mos thene gjepura!", do te shkruante Konica pasi te degjonte zerin e kryetarit te Bashki Partise. Se nuk ishte thjesht kapsllek apo nje lajthitje e rendomte politike. Si mujshar i pandreqshem, kur pagezon "agallaret" e bazes brenda Thembres se Akilit ne PS, nuk do te thote te kujdesesh vetem per tavanin dhe t'i vesh berrylin ose te kalbet dyshemeja.

Por drejtuesit neper rrethe nuk mund te jene te vdekur e te pakallur perballe bajraktarizmit politik te kryetarit qe "u zgjodh me hir, me pahir" ne krye te partise me te madhe opozitare pas 3 korrikut. Dhe cuditerisht "harroi" se Nano nuk ishte dhe nuk eshte nga ata qe "po te bjere lisi, kushdo mund te beje dru me te".

Se fundi na thuhet publikisht se kryetaret e bazes paskan shtrenguar fort rripin e pantallonave. Shumica e tyre jane pa makina, pa tollona karburanti, pa dieta. Dhe me keq akoma, po kalojne muaj qe nuk firmosin ne asnje bordero, pra nuk marrin rrogen sepse ne arken e partise sot bie miu e thyen koken! Perballe ketij kolapsi financiar qesharak (kur ne Tirane zbrazen miliona brenda e jashte selive), lideret e kupoles qendrore paskan marre qyrkun e fajit dhe ua kane hedhur ne koke anetareve te thjeshte ne fshatra e qytete. Perse veprohet keshtu?

Sipas shifrave burokratike nga bulevardet e kryeqytetit, niveli i mbledhjes se kuotave gjate vitit te kaluar nuk e kaperceu 25 per qindeshin(?!). Por as shitja e kartave te reja te anetaresise me firmen e Rames (200 leke copen), nuk mundi t'ua liroje sadopak rripin drejtuesve "agallare" ne baze. Ndersa "fukarenjte" e kupoles se PS se ne qender, shume prej tyre te lidhur koke e kembe me biznese e pasuri te paligjshme, me disa llogari bankare brenda e jashte vendit, paskan marre persiper reformimin e ristrukturimin "modern" te kesaj force politike.

Vetem nje gje nuk dihet sakte: A i zgjidhen ndopak qesete e tyre te fryra nga kolltuqet e djeshme? Apo nuk i le statuti bunker i deritanishem gjer te shtunen, ashtu sic paska mbyllur portat e shtimit te radheve te partise. Brockulla! "Liberalizimi i procedurave" ne pranime apo ne karriere, mendoj se do i beje hyzmet me teper avenirit dhe autoritarizmit te kryetarit, sipas motos se vjeter por me kostum te ri "vete shkruaj, vete vulos".

Quaji sa te duash "prelud i fitores" ndryshimet ne Statut apo si "kapitull i pare i ringritjes se PS se".

Ai qe duhet te kete pozicion teper te lekundshem ne parti, eshte Xhafa!...
Kolege te mi, kete deklarate batute tashme nuk e thote autori i ketij opinioni dhe as eshte thjesht nje replike e rendomte kafenesh. E tha kryetari i eurosocialisteve te Shqiperise.

Dhe jo ne rruge a te kompleksi i pishinave te liqeni artificial, por brenda ne KPD ne e fundit te PS se. Ngritja e zerit vetem nga z.Koja, flet prape shume. Edi Rama perseri heshti(?!). Ashtu sic ka bere perballe lumit te denoncimeve ne media, te KLSH se, te dikasterit perkates etj. per krahun e tij "te djathte" tek Kulla e Sahatit, atje ku thurnin se bashku rrjeten e merimanges "Nano ik".

Per ate prototip te korruptuar qe guxoi te flase vetem Koja (te cilin nuk e njoh personalisht), "bajraktari politik" Rama beri namin per ta futur edhe ne Kryesine e partise, por deshtoi. Dhe si "kompensim", me nje kurajo e karshillek cmendurak, jo me kot i paska varur ne qafe kemboren e disa komisioneve parlamentare e partiake, deri te ky me i fundit per shpetimin e Sollakut.

Pra, promovon si "te pazevendesueshem" nje medioker e abuziv te pakufishem, nje milioner mjaft te dyshimte. Ky kryetar bajraktar, perse i ben bisht prononcimit te vet publik, rreth asaj figure njollerret ne kupolen e PS se?! Kam bindjen se as ne kongresin e tanishem nuk do e zgjidhe gjuhen...

Sepse sic u theksuan disa pikepyetje ne media: do te jete realisht fillimi i "eres se re"; forcim i pozitave te Rames; cmontim i PS se se Nanos apo legalizim i shkeljeve sistematike te Statutit gjate 8 muajve te fundit? "Durimi proverbial i te nenshtruarve" ndaj Njeshit e paska nje kufi. Dhe tani se fundi na beri me dije se "PS do te fitoje aftesine e te degjuarit te opinionit publik". Ne te vertete ajo lloj shurdherie i takon kryetarit dhe jo militanteve te thjeshte, e as ndonje telenovele te vjeter.

Koha e shpresave patetike mbase nuk ka marre fund. Por te kesh "meshire" per te ligjte, do te thote t'u shkaktosh dhimbje te mireve". Sepse nuk eshte njelloj si ti drejtohesh dikujt qe po mbytet ne mes te valeve te lumit dhe t'i i thua te ruhet nga nje pike vese! Dhe as eshte vetem Rama qe "po denatyron kryetarin e PS se" apo qe u ngjit ne maje te deges dhe nje dite me diell "degen nga fundi filloi per ta prere"...

Shkurt, "agallaret" e bazes qe nuk sigurojne dot as koromanen e perditeshme, ngrejne koken lart e shikojne tavanin (Kupolen) e majmur te partise dhe flasin si nen buze: Po te kujdesesh vetem per tavanin, kalbet dyshemeja!...

Nga Kristo Mertiri

[DardanG]

"Sorra sorrës nuk ja nxjerrë dot sytë!", thonë