Zot Tironci i Manzës

[Diabolis]

Aventurat e Zot Tironcit

Zot Tironci i Manzës

Nga Migjel Sherrvantes Saiverdha

Libri i Parë

Përkushtimi i autorit për Librin e Parë

Shoqes së Beratit

Militantit të Galigatit, Kryeplakut të Babrusë dhe Bathores, Kryebashkiakut të qytezës të Alarupit dhe Prefektit të qyteteve të Kavajës, Kuçovës dhe Beratit

Duke besuar në sjelljen e lavdërueshme dhe nderin që Shkëlqesia juaj jep për gjithfarë lloj të zgjedhurish, si një Komisionere aq e prirur për të mirëpritur besët paqësore, veçanërisht ato që përtej bujarisë, nuk bien aq sa për shërbime dhe përfitime të poshtra, unë kam vendosur të publikoj Zotërinë Mendjemprehtë Zot Tironci i Manzës nën mbrojën e emrit më të ndritur të Shkëlqesisë suaj, duke ju lutur juve, me të gjithë nderimin që kam për të tillë madhëri, ta pranoni atë dashamirësisht nën mbrojtjen tuaj; që, edhe pse i zhveshur nga ai gajtan i çmuar elegance dhe erudicioni me të cilin të zgjedhurit që stisen në selitë e të diturve zakonisht vishen, nën hijen tuaj ai i sigurt të mund të dalë përpara gjykimit të disave që të paçliruar nga padija e vet, e kanë huq të dënojnë punët e të tjerëve me më shumë rreptësi se drejtësi. Kur urtësia e shkëlqesisë suaj të marrë parasysh qëllimet e mia të mira, besoj se ju nuk do të përbuzni varfërinë e një dhurate kaq të mjerë.

Migjel Sherrvantes Saiverdha