Kadare, i madh apo i famshëm?

[vagabondo_nyc]

Urime Z. Kadare! Ska llaf eshte nje nder shkrimtaret me te mdhenje te botes. Me qe e lexova Press Release te agjencise qe ja dha cmimin po e ve linkun:

http://www.manbookerinternational.co...a/20050602.php

[Diabolis]

Ismail Kadare fiton çmimin “The Man Book International”.

Ismail Kadare është fituesi i parë çmimit “The Man Book International”.
Cmimi “The Man Book International” është një iniciative e re dhe mund të fitohet nga një autor i çdo kombësie punët e të cilit janë botuar qoftë shkruar ose përkthyer në gjuhën angleze. Me vlerë £60.000 çmimi do të jepet çdo dy vjet i sponsorizuar nga kompania Man Group e cila sponsorizon dhe Çmimin “The Man Booker Price” për fiction.
Juria e çmimit për vitin 2005 përbëhet nga John Carey, kryetar, Alberto Manguel dhe Azar Nafis antarë.
Ismail Kadare u përzgjodh nga një listë paraprake shpallur më 18 Shkurt 2005 në Gerogetown University, Washingotn DC midis 18 autorësh 10 prej të cilëve janë autorë të përkthyer në anglisht si më poshtë:
Margaret Atwood (lindur-Kanada), Saul Bellow (Kanada), Gabriel Garcia Marquez (Kolumbi), Gunter Grass (Gjermani), Ismail Kadare (Shqipëri), Milan Kundera (Çeki), Stanislaw Lem (Poloni), Doris Lessing (Persia), Ian McEwan (UK), Naguib Mahfouz (Egjzpt), Tomas Eloy Martinez (Argjentina), Kenzaburo Oe (Japoni), Cynthia Ozick (USA), Philip Roth (USA), Muriel Spark (Skoci), Antonio Tabucchi (Itali), John Updike (USA), A.B. Yehoshua (Izrael).
Professor John Carey, komenton:
“Ismail Kadare është një shkrimtar që hedh në hartë një kulturë të tërë: historinë e saj, dëshirën, folklorin, politikën, fatkeqsitë. Ai është një shkrimtar universal i një traditë rrëfimi që shkon deri tek Homeri.”
Në përgjigje të fitimit të çmimit Kadareja komenton:
Ndjehem thellësisht i nderuar nga çmimi The Man Booker International Fiction. Unë jam një shkrimtar prej anës së Ballkanit, një pjesë të Evropës e cila prej kohësh është dëgjuar veçanërisht për lajme poshtërsish njerëzore – konflikte me armë, luftra civile, pastrime etnike, e me radhë.
Shpresa ime e madhe është se opinioni Evropian dhe botëror mundet që tani e tutje të kuptojë se ky rajon, të cilit vendi im, Shqipëria, i përket, mundet gjithashtu të ngrejë gjithashtu lajme të një lloji tjetër dhe të jetë shtëpia e të tjera lloj arritjesh, në fushën e arteve, literarturës dhe civilizimit.
Do të dëshiroja ta pranoja çmimin që më është dhënë si një konfirmim që besimi dhe shpresat e mia nuk kanë humbur.”
Ismail Kadare do të marrë çmimin dhe trofenë në Ceremoninë e Çmimit në 27 Qershor 2005 në Edinburg. Juria do të shkruajë dhe një vlerësim për punën e autorit fitues. Në bazë të rregullave, Kadareja do të zgjedhë dhe një përkthyes ose disa përkthyesa të veprës së tij për të marrë çmimin shtesë për përkthimin me vlerën £15.000.
Librat e Kadaresë të përkthyer në anglisht janë:
The General of the Dead Army, The Three Arched Bridge, Broken April, Chronicle in Stone, Durontine, The File on H, The Concert, The Palace of Dreams, Albanian Spring, The Pyramid, Elegy for Kosovo, Spring Flowers, Spring Frost, The Successor (January 2006), Agamemnon's Daughter (në pritje).
Për t’u shënuar, vetëm 32 lexues kishin shkruar për Kadarenë në zgjedhjen popullore e jo të gjithë e mbështetin atë.

http://www.manbookerinternational.com/media/ për shkarkimin e fotografisë së Kadaresë

[oiseau en vol]

[...] Juria e çmimit për vitin 2005 përbëhet nga John Carey, kryetar, Alberto Manguel dhe Azar Nafis antarë. [...]

Kam lexuar një libër shumë të bukur të Alberto Manguel "Une histoire de la lecture" (Një histori e leximit). I mrekullueshëm ! Jua këshilloj të gjithëve

Urime dhe z. Kadare, një rrëfimtar i palodhur i shpirtit ballkanik dhe atij shqiptar.

[Shijaksi-London]

Mes 18 kandidatësh u vlerësua dje me çmimin "Man Booker International Prize"

Kadare triumfon në Londër mbi nobelistët



Nga Londra
Muhamed Veliu
Gazeta Shqiptare


Ismail Kadare është vlerësuar dje pasdite me çmimin prestigjoz "Man Booker International Prize 2005". Mes 18 shkrimatrëve më në zë të botës, si Gabriel Garcia marquez, Milan Kundera, Gunter Grass, etj, shkrimtari shqiptar është zgjedhur nga anëtarët e jurisë së kësaj gare letrare të përvitshme si fitues i këtij çmimi. "Man Booker International Prize", është një çmim i themeluar në botën anglofone nga shoqata e shkrimtarëve Britanike, Irlandeze dhe e vëndeve të Kommonwealthit që prej vitit 1969. Por në vitin 2002 nga "Booker Prize" ai mori emërtimin "Man Booker International Prize" dhe i ndahet një elite të zgjedhur shkrimtarësh nga e gjithë bota, vepra e të cilëve është e shkruar ose e përkthyer në gjuhën angleze. Ismail Kadare 69 vjeç u nderua me këtë çmim jo për ndonjë vepër të veçantë, por për tërësinë e punës së tij si shkrimtar. Ndërsa jurisë së këtij konkursi ndër shumë vepra të autorit i kanë bërë përshtypje novelat "Prilli i thyer" dhe kryevepra e tij "Gjenerali i Ushtrisë së vdekur".

Vlerësimi

Për herë të parë që nga krijimi i këtij çmimi, juria angleze këtë vit ka bërë një përjashtim në përzgjedhjen e fituesit. Sipas jurisë së sivjetme, e cila ka anoncuar fituesin mbasditen e djeshme, mësohet se kriteri i vlerësimit ka qenë kontributi i një autori nga çdo vend i botës, i cili ka dhënë një kontribut të veçantë në pasurimin e letërsisë botërore. "Ismail Kadre është një shkrimtar, i cili lë gjurmë në të gjithë kulturën, histotrike, folklorike dhe politike të vendit të tij. Ai është një shkrimtar universal, i cili shkruan histori që datojnë prej nga koha e Homerit", shprehet profesori John Carey, kryetari i jurisë së përbërë nga novelisti dhe editori Alberto Manguel si dhe akademiku njëkohësshit shkrimtari Azar Nafisi. Kur u shpallën kandidatët e këtij çmimi në muajin shkurt, kryetari i jurisë Carey u shpreh i entuziazmuar për 18 kandidaturat e këtij vitit. "Për ne këta janë 18 autorë, tek të cilët kombinohet veçantia dhe universaliteti dhe na kujtojnë përherë kënaqësinë e parezistueshme të të lexuarit"
Në rradhën e kandidatëve që synonin vlerësimin me këtë çmim për vitin 2005 ishin shkrimtarë si Margaret Atwood nga Kanadaja, Saul Bellow po nga Kanadaja, Gabriel Garcia Marquez, nga Kolumbia, Gunter Grass nga Gjermania, Stanislaë Lem nga Polonia, Doris Lessing nga Britania, Ian McEwan po nga Britania, Naguib Mahfouz nga Egjipti, Tomas Eloy Martinez nga Argentina, Cynthia Ozick nga SHBA, John Updike po nga SHBA Antonio Tabucchi nga Italia, etj.

Falenderimi

Menjëherë pasi është njoftuar për këtë vlerësim, shkrimtari Ismail Kadare është shprehur se "ndjehem thellësisht i nderuar nga fitimi i çmimit "Man Booker International Fiction Prize 2005". Kadare në komentin e fitimit të çmimit nuk ka harruar të anashkalojë pozitën gjeografike të vendit të tij pavarësisht se ai që prej vitit 1990 jeton në Francë. Duke patur parasysh imazhin negativ të Ballkanit dhe ballkanasve, të zhytur në shekuj mes konfliktesh, Kadare në letrën falenderuese drejtuar jurisë së këtij çmimi komenton këtë pozitë aspak favorizuese për Ballkanin, duke shpresuar në një të ardhme paqësore për këtë rajon të nxehtë. Ismail Kadare prej disa vitesh është kandidat për çmimin e madh "Nobel", i cili kap një vlerë prej 1 milion dollarësh. Por ai është vlerësuar edhe në ballafaqime të tjera letrare në arenën ndërkombëtare. Në Shqipëri shkrimtari Ismail Kadare ka fituar pothuajse të gjithë çmimet letrare në të dy kohët. Ai është fitues i "Pendës së Artë" si dhe mban titullin e lartë "Nderi i kombit". Kadare është anëtar i Akademisë Franceze dhe është përkthyer në shumë gjuhë të botës.


"Kanë mbërritur kohë ndryshimesh në Ballkan"

Kadare i dërgon letër falenderimi jurisë
Letërsia e tij u ngjiz në Ballkan. Në këtë rajon të nxehtë shkrimatri Ismail Kadare lindi, u rrit dhe shkroi libra që i kapërcyen kufijtë e këtij gadishulli mbushur me konflikte e luftra. Në letrën e tij dërguar jurisë britanike që e vlerësoi me çmimin "Man Booker International Prize", Ismail Kadare theksoi disa prej shqetësimeve të tij mbi këtë vend.
"Unë jam një shkrimtar nga Ballkani, një pjesë e Europës, e cila për një kohë të gjatë ka qënë një lajm ekskluziv për pandershmëri humane, konflikte armësh, luftrash civile, spastrime etnike e kështu me radhë." Por, shkrimtari i njohur beson se ky opinion për Ballkanin në përgjithësi dhe për vendin e tij Shqipërinë në veçanti, ndërsa vitet kalojnë do të nisë të ndryshojë në sytë e Europës dhe do të ndërtohet një imazh krejt ndryshe. Në letrën e tij Kadare shënon se ka ardhur koha e ndryshimit. "Besimi im i madh është se tani e tutje Europa do të kuptojë, që ky rajon në të cilin ndodhet edhe vëndi im Shqipëria, mund të japë edhe lajme të llojit krejt ndryshe nga ato të derimëtanishmet, dhe në të njëjtën kohë të bëhet një burim lajmesh për arritje në fushat e artit, të letërsisë dhe civilizimit". Ndërsa lidhur me vlerësimin që kjo juri dha për veprën e tij shkrimtari Ismail Kadare u shpreh se "do të dëshiroja ta pranoja këtë çmim, me të cilin jam nderuar si një konfirmim që konfidenca dhe shpresat e mia nuk janë vendosur gabim

[hope31]

Urime dhe nga une I.Kadarese per cmimin dhe nderin qe i behet punes dhe veprave te tij.
E meriton ai kete vleresim dhe ne bashkekombesit e tij jemi krenar per te.

[ideus]

Te shpresojme dhe cmimin NOBEL per letersi se shpejti

[dodoni]

Urime dhe shume suksese Kadarese edhe ne te ardhmen. Urojme dhe jemi te bindur qe shpejt do ta marre edhe cmimin Nobel.

Tung Tung

[RTP]

Qosjen e kishte kap fruthi,ashtu ndegjova!



http://www.bbc.co.uk/albanian/news/2...e_booker.shtml

[klos]

urime kadarese per kete cmim prestigjoz

[ArberXYZ]

Urime kadarese. Edhe Grasia Marquezin e kishte kaluar!!