Villarreal kualifikohet!

[inter_forever]

DO LOZIM PER FITORE.

Mancini sot ne konferencen ne shtyp :

<< Dua qe Interi te lozi sic ben gjithmone , per fitore , pa menduar per te mbajtur rezultatin .
Nje gol i kundershtareve mund te dale ne cdo moment ndaj duhet hyre me mentalitet fitusi ne fushe.

Figo ? Ka rekuperuar plotesisht . Neser ne mengjes do bejme stervitjen e fudnti dhe do shofim , por besoj qe do jete ne fushe .

Me i rrezikshmi i Villareal ? Riquelme . Eshte lojtar shume i mire dhe ne cdo moment mund te vendose ne veshtiresi kundershtaret >>

[MICHI]

Suksese Interit edhe i uroj nje fitore te paster..
ForcA InteR

[Manci]

Vilareal-Inter, shpresat te "katenaço"

Debutuesi në Ligën e Kampionëve, Vilareali, pritet të zhvillojë një nga ndeshjet më të rëndësishme, kur do të presë në fushën e vet italianët e Interit. Kjo është ndeshja e dytë e çerekfinaleve, pasi përballja e parë përfundoi 2-1 për Interin. Në fakt, spanjollët shpresojnë se taktika e tyre e stilit "katenaço", mund të rezultojë e suksesshme dhe t'i sigurojë një biletë për në gjysmëfinalet e kompeticionit

[Manci]

or shoki ne kemi hire ketu per te shenur dhe te mbesin postimet a te fshihen

[ClaY_MorE]

"Duhet të japim maksimumin si në ndeshjen e kaluar, edhe pse kemi ardhur në një fazë tepër decizive të sezonit, ku varen edhe synimet." Presidenti i Interit, Xhaçinto Faketi, është nisur me skuadrën e tij për t'u përballur për herë të dytë me spanjollët e Vilarealit, ndeshje e vlefshme për një vend në Ligën e Kampioneve. Në ndeshjen e parë që u zhvillua në "San Siro", Interi fitoi me rezultatin 2-1: "Treguam cilësi dhe karakter, dhe arritëm një fitore të rëndësishme. E nisim ndeshjen në avantazh, por gjithashtu të ndërgjegjshëm se për të kaluar raundin, skuadra duhet të japë maksimumin në fushën e lojës. Dua të theksoj që futbollistët janë në një formë shumë të mirë fizike dhe ky është rezultat i punës së mirë të trajnerit dhe përgatitësve fizikë. Mendoj se kjo situatë e mirë e skuadrës duhet të shfrytëzohet në maksimum," - ka thënë Faketi. Në fakt, skuadra zikaltër nuk do të mendojë të mbrojë rezultatin. "Të mbrojmë rezultatin? Skuadra jonë e ka në karakter që gjithmonë të bëjë lojën e vet, pa menduar se si ishte ndeshja e kaluar. Futbollistët futen në fushën e lojës me synimin e vetëm fitoren. Në ekip ka shumë futbollistë me cilësi të jashtëzakonshme, të cilët dinë ta drejtojnë skuadrën në fushën e lojës, në çfarëdo lloj situate. Ndeshja do të jetë shumë e rëndësishme, më e rëndësishmja e sezonit tani për tani." Ndërkohë, për përballjen me Vilarealin ka folur edhe mbrojtësi zikaltër Ivan Ramiro Kordoba. "Është një ndeshje që kërkon shumë inteligjencë. Mendoj se duhet të kemi shumë kujdes, pasi avantazhi ynë është i ngushtë. Në asnjë mënyrë nuk do të shkojmë në Spanjë për të mbrojtur rezultatin e ndeshjes së parë. Ne do të zhvillojmë lojën tonë dhe do të kërkojmë fitoren. Kam shumë besim te forca e skuadrës," - tha ai.

Mançini grumbullon Figon

Portugezi Luis Figo është grumbulluar nga trajneri Roberto Mançini për sfidën me skuadrën spanjolle të Vilarealit, e vlefshme për çerekfinalet e Ligës së Kampioneve. Mesfushori mungoi në ndeshjen e parë për shkak të dëmtimit, ndërkohë që edhe tani nuk është akoma e sigurt nëse do të jetë i gatshëm që nga minuta e parë, edhe pse filloi stërvitje të plotë që ditën e diel.

Trajneri i Vilarealit

Pelegrini: Kryesorja? S'duhet të pësojmë gol
Trajneri i Vilarealit, Manuel Pelegrini, ka deklaruar se mënyra e vetme për të siguruar një biletë për në gjysmëfinalet e Ligës së Kampioneve, do të ishte që në ndeshjen dytë ndaj Interit si fillim të mendojnë për portën e tyre. "Rezultati 1-2 për italianët nuk është edhe aq i keq për ne. Në ndeshjen e dytë duhet të mendojmë vetëm të mos pësojmë gol. Ky do të jetë synimi parësor në fushën e lojës, pasi gjithçka vendoset nga golat që mund të shënojë kundërshtari. Për sa i përket sulmit, normale që do të japim gjithashtu maksimumin tonë, por kur të jepet gjithmonë rasti për të sulmuar. Duhet të jemi sa më të kujdesshëm në mbrojtje dhe të markojmë mirë kundërshtarët," - tha Pelegrini. Për Vilarealin, kjo është hera e parë që luan në Ligën e Kampioneve dhe po paraqitet me të vërtetë mirë.

[ClaY_MorE]

Debutuesi në Ligën e Kampionëve, Vilareali, pritet të zhvillojë një nga ndeshjet më të rëndësishme, kur do të presë në fushën e vet italianët e Interit. Kjo është ndeshja e dytë e çerekfinaleve, pasi përballja e parë përfundoi 2-1 për Interin. Në fakt, spanjollët shpresojnë se taktika e tyre e stilit "katenaço", mund të rezultojë e suksesshme dhe t'i sigurojë një biletë për në gjysmëfinalet e kompeticionit. Këtë stil loje ka qenë pikërisht Interi që e ka përdorur për herë të parë, në fillim të viteve 1960. Për Vilarealin, një fitore 1-0 do të jetë shumë e nevojshme dhe morali i tyre nuk është aspak i keq. Në fundjavë ata arritën të fitojnë me këtë stil loje, me rezultatin 1-0 në transfertë ndaj Saragozës. "Ishte një paraqitje shumë e mirë. Ne e provuam atë dhe rezultoi e suksesshme për ekipin tonë. Gjithsesi, futbolli është i bukur për spektaklin dhe golat, ndaj më pas dolëm në lojën tonë. Arritëm të kishim shumë raste, shënuam gol dhe goditëm shtyllën. Në pjesën e parë të lojës i befasuam disi ata që e panë ndeshjen, pasi nuk ishin mësuar të shikonin një Vilareal që rrinte në mbrojtje, por në pjesën e dytë nuk i lamë shumë shanse kundërshtarit," - tha trajneri Manuel Pelegrini. Vilareali ka humbur vetëm një nga 17 ndeshjet në Ligën e Kampioneve dhe ka arritur të mos pësojë gol në plotë 13 ndeshje, por edhe fitoret e tyre kanë qenë me rezultat shumë të ngushtë. Në sulm, spanjollët pritet të vendosin uruguajanin Diego Forlan dhe pas tij do të vijë argjentinasi Huan Roman Rikelme, i cili do të shërbejë për të krijuar hapësira në mbrojtjen e Interit dhe të krijojë raste për sulmin. Ndërkohë që në repartin ofensiv do të ndihmojë edhe ish-sulmuesi i Milanit, Hoze Mari, ose meksikani Guilermo Franko. Puna e tyre do të jetë shumë e rëndësishme dhe e vështirë, pasi duhet të kalojnë futbollistë si Havier Zaneti, i cili u cilësua si futbollisti më i mirë në fushën e lojës, gjatë përballjes së kaluar. Skuadra italiane pritet të jetë me një 11-she në një formë të mirë fizike. Gjatë ndeshjes së kampionatit kundër Mesinës, trajneri Roberto Mançini la pushim disa prej yjeve të tij. Luis Figo nuk është akoma i sigurt nëse do të jetë gati, ndërkohë që Santiago Solari mund ta fillojë lojën që nga minuta e parë, pas asaj paraqitjeje shumë të mirë në ndeshjen e kampionatit. Në fakt, në përballjen ndaj Mesinës, Interi fitoi me rezultatin 3-0, duke i shënuar golat që në 26 minutat e para. "Ne duhet të paraqitemi ashtu siç bëmë në kampionat. E dimë që do të jetë një përballje shumë e vështirë, por duhet të kërkojmë fitoren. Synimi ynë është kualifikimi, por do të shkojmë në Spanjë për të dhënë maksimumin në fushën e lojës," - tha trajneri Mançini. Ndërkohë, spanjolli Solari e ka cilësuar skuadrën e vendlindjes së tij tepër të fortë. "Ata mundohen të luajnë sa më mirë në mbrojtje dhe pastaj mendojnë për sulmin. Do ta kemi tepër të vështirë, pasi kanë kundërsulm të fortë dhe mbrojtje të pakalueshme. Gjithsesi kam shumë besim te forca e skuadrës sime," - tha ai.

(20:45) Vilareal - Inter (1-2)

Formacionet e mundshme:

Vilareal: Viera, Venta, Rodriguez, Alvarez, Arruabarrena, Takinardi, Sena, Sorin, Rikelme, H.Mari, Forlan.

Inter: Toldo, Zaneti, Kordoba, Samuel, Uome, Figo (Solari), Veron, Kambiaso, Stankoviç, Adriano, Rekoba (Martins).

Gjyqtar: Kiros Vasaras (Greqi)


Shifra dhe fakte
Vilareal - Inter
Ndeshje të luajtura: 1
Fitore Inter: 1
29.03.06 Inter - Vilareal 2-1

- Vilareali ka humbur vetëm një nga 17 ndeshjet në Kupat e Europës dhe në 13 prej tyre nuk ka pësuar asnjë gol.
- Humbja e Vilarealit ndaj Interit në ndeshjen e kaluar, ishte e para në Ligën e Kampioneve dhe e pesta në 35 përballjet në kompeticionet europiane.

- Interi ka humbur vetëm një nga dhjetë ndeshjet e fundit jashtë fushe në Ligën e Kampioneve.
- Interi fitoi 5-1 ndaj Valencias, në ndeshjen e tyre të fundit në Spanjë.


Gjendja disiplinore

Vilareal
Të skualifikuar: asnjë
Skualifikohen në rast kartoni: Gonzalo, Viera, Sena, Sorin

Inter
Të skualifikuar: Asnjë
Skualifikohen në rast kartoni: Kruz, Pizarro

[JaCk_DaniELs]

Ishalla me sukses e fitofte

[KOKASHTA]

Ndeshje icik e veshtre per INTERIN pasi villareal shenoi nje gol ne MILANO gje qe e favorizon shume PLUS qe skuadrat spanjolle jan shume te rrezikshme dhe luajne nje loje per tu admiruar. Megjithate interi ka kapacitet ti beje balle madje dhe te fitoje ...

Te shohim cdo behet !

[inter_forever]

INTERI sot ne darke loz me kete formacion :


Ne porte : TOLDO .


Ne mbrojtje : Majtas CORDOBA , ne qender MATERAZZI dhe SAMUEL , djathtas J.ZANETI .


Ne mesfushe : FIGO , CAMBIASSO , VERON , STANKOVIC .


Ne sulm : ADRIANO dhe RECOBA .


Dyshimet kane qene per mbrojtjen dhe sulmin ...Mancini sot ne mengjes ka stervit skuadren me kete formacion titullar .

Sic shifet INTERI loz me formacion titullar , ndaj nuk ka asnje justifikim . Ndoshta probleme mund te kete ne gjendjen fizike te FIGO , i cili mund te zevendesohet gjate lojes ( CESAR ose SOLARI ) ....
Ne sulm patjeter qe gjate lojes mund te futet MARTINS ne vend te RECOBES .



MANCINI ka detyre te veshtire sot . Nese kualifikohet gjithcka eshte brenda normalitetit , ndersa nese eleminohet eshte falimentim total per Interin ne kete sezon ( pavaresisht se nje vend i dyte dhe nje kupe Italie mund te ngushellojne ndonjerin )....



VILLAREAL eshte qytet i vogel (45.000 banore ) dhe per here te pare ne historine e tyre futen ne champions dhe arrijne deri ketu .
Edhe per ta eshte ndeshje jete a vdekje se kane edhe tifozerine , por lozin lirshem sepse eshte sukses edhe arritja deri ketu .



INTERI e nderlikoi kualifikimin me ate golin ne minuten 1 ne ndeshjen e pare dhe sot duhet te lozi super e te fitoje , ndryshe falimentim per kete sezon .

[KOKASHTA]

Ore ...

Neqofte se interi e nis lojen me qetesi dhe ti perballoje sulmeve te villarealit pjesen e pare besoj se do kulifikohet .