Jeta e emigrantit dhe vëndi i Forumit Shqiptar

[Zemrushja]

Mr. Tironci.. ke shume te drejte lal.. Te gjithe ashtu bejne dhe nga ana tjeter shofin duart se ca do u coje ndonje qe eshte larg ne dhe te huaj...

Asnje nuk e kupton se cfare mundi dhe dierse keqen nje emigrant ne dhe te huaj per te vene sado pak ne vije jeten e vet... Nejse nejse.. sbesoj se keto gjera do te ndryshojne ndonjehere...

[good girl]

Teme e bukur zemerushe, urime.

Edhe une si shume te tjere jam larg SHqiperise prej shume vitesh, 12 tashme, dhe kam shume shume mall per Shqiperine dhe per te folur shqip. Nuk kam kontakt me asnje shqiptar ketej, per kete arsye u regjistrova ne forum. Megjithese ketej jam mire dhe kam te ardhme me mungon dicka, kur lexoj ne forum shqip kenaqem edhe me budallalleqe, eshte nje kenaqesi e vecante.
Shpresoj te kthehem nje dite ne Shqiperi, po ku i dihet jetes.

[Zemrushja]

kjo tem shum me intereson .
me futet ne shpirt dhe me lendon ....
mallin per shqiperin ma shton ....
nga enderrat me zgjon ....
zemren ma mbush me gezim sepse flas me bashkatdhetaret e mij ...

ketu larg rri ne dritare ....
shikoj pyllin ku drerat hedhin valle ....
ka bukuri ka qetesi nuk ka balt nuk ngrihet pluhri ...
cka po me duhet kur me mungon shoqeria ....
me mungojn rruget me zhurem me gjalleri ......
me mungojn nje pirje kafe me uj te ftoht buz deti ...
me mungon me e "embla (gjuha shqip ).....


ku ti kerkoj rrenjet e tua shqiperi ....
thell ato jan te mbjella ne gjakun tim ...
dhe pse jam i merguar ne dhe te huaj ...
ne brendesi ndiej mall kam trishtim ....


dallget e adriatikut perplasen ne karaburun ...flladi i llogoras me mall i sjell tek un

Nuk je i vetem ne kete bote...
nuk je i vetem me kto lote
por t'gjith n'emigrim
ndihemi bosh gjithmone

Mos ki gajle miku im
se shume shpejt nje dit do vij
mbase do kthehemi atje
t'rrim me familjet tona si perhere

te pershendes loti.. flm per poezine

Good_girl flm zemer

[LandOfEagles]

O malet' e Shqipërisë e ju o lisat' e gjatë!
Fushat e gjëra me lule, q'u kam ndër mënt dit' e natë!
Ju bregore bukuroshe e ju lumenjt' e kulluar!
Çuka, kodra, brinja, gërxhe dhe pylle të gjelbëruar!
Do të këndonj bagëtinë që mbani ju e ushqeni,
O vendëthit e bekuar, ju mëndjen ma dëfreni.

Ti Shqipëri, më ep nderë, më ep emrin shqipëtar,
Zëmrën ti ma gatove plot me dëshirë dhe me zjarr.

Shqipëri, o mëma ime, ndonëse jam i mërguar,
Dashurinë tënde kurrë zemëra s'e ka harruar.

Nuk ka asnje fjale qe mundet te me sheroj plaget qe i kam thelle ne zemer, mundohem se koti te largoj mendjen por prap nuk ik mendja aq lehte dhe nuk mund te humb ate mllef qe e kam ne zemer dua te degjoj shqip, te flas shqip, te degjoj nje ze femiu ne shqip por kalojn muaj kur me vie rasti te degjoj dhe te shkel shqip.
Jetoj dhe punoj ku asnjehere as ne enderr nuk e kam pare dhe kurre as mendja nuk me ka shkuar se do te shkeli token ne Lindjen e Mesme dhe do shetis tere keto shtete dhe keto ane qe vetem ne gjeografi i kam mesuar dhe prekur neper harta.

[Zemrushja]

Eshte e vertete qe shqiptaret tani kane mundesine e tyre me te madhe per te "Bredhur" neper vendet e ndryshme te botes.. mbase e ndiejme veten me mire ku jetojme.. por prape eshte shume e veshtire.. malli nuk na len te qete.

Isha ne Shqiperi kete vere.. Sinqerisht ndiesha shume mire ditet e para.. Por me vone u futa nen ate hijen e perjetimit te halleve te shqiptareve.. Papunesia.. Jetesa e dobet.. te gjitha kto me bene te kem frike te kthehem perjetesisht aty..

[vajzaevaleve]

Po cpate mi Zemrushe qe na i hap plaget?!!!
Shqiperin po e qajm me lot se kur ishim aty nuk e kishim menduar se do kishim kaq maaaaaaaaaaaaaaaaaaaaaaaaaaaaaaaaaaaaaaaaaaaaaaaaa aaaaaaaaaall.
Jam shum mir ktu ku jam por si e Bukura Shqiperi nuk ka .
Jetoj me shpresen se ndonje dit do te kthehem dhe do ta gjej ashtu si uroj me gjith shpirt.

[Zemrushja]

Pikerisht kjo ishte dhe arsyeja e hapjes se ksaj teme, te shkembejme me njeri tjetrin kujtimet e bukura qe kemi nga Shqipria si dhe te "cmallemi" sa do pak me bashkepatriotet tane..

[Ali Baba Tepele]

MIKRO-PERANDORIA...PLAGË QË KULLON GJAK SHQIPTAR.---19/11/07
Qysh nga koha e hapjes së emigrimit shoqërija jonë Shqiptare,gjith populli Shqipëtar,për herë të parë shkeli mbi udhë të pa shkelura e të pa pershtatura për të.Po ndodhnin dhe do ndodhnin fenomene që kërkonin zgjidhje dhe që hapnin të tjera shtigje, fusha veprimi, e shtrirjesh të reja, si nga ana ekonomike dhe nga ajo sociale e politike.Për një moment e humbën toruan të gjithë para "Prespektivave të reja", por shum shpejtë disa e kuptuan se nuk ishin vetëm prespektiva, por ishin më tepër një telash, një problem që do nxirrte jo pakë shqetesime,që do kishte një çmim të lartë jetik,i cili sado jetë të pa fajshme të thithte në vorbullin e ngritur,përsësri nuk do ngopej! Nuk ngopej sepse nuk zgjerohej vetëm barku i fatkeqësisë,por sa vinte e zgjerohej oreksi keqdashës i ndonjë vëndi imigrues,apo pritës,siç ishte në rastin tonë konkret më i afërti,më i përfoluri,më i preferuari,më i gjenduri,më i dallueshmi,më i kushtueshmi,më i pazëvëndësueshmi,më përfituesi,...gjitoni i veçantë historik Greqia!
Është një ndryshim i madh, të cilin e kanë thënë edhe të tjerë shpesh por, po e theksojmë edhe një herë,për efekt përsëritje e rikujtese për masën e gjerë.Ndryshimi i vëndit EMIGRUES dhe vëndit IMIGRUES!P.S.-(Emigrues-një vënd i cili nxierr fuqi puntore; Imigrues-një vënd që thith fuqi puntore
Vëndi EMIGRUES si Shqipëria u detyrua për kushte historike ekonomike e politike të shpërthente dyert e hekurta të izolimit disa dekadash,për kërkimin e shtigjeve e mundësive të reja zhvillimi,i cili ndodhi në fakt një ekstrem,siç është MBI JETESA.Do ndalemi përsëri më poshtë.
Vëndi IMIGRUES, në rastin tonë Greqia,duke përfituar nga ky shpërthim i pandalshëm, shumë shpejtë plotësoi vëndet bosh që kishte ekonomia dhe zhvillimi në tërësi.Hapi vënde të reja pune ose më mirë,shfrytëzimi duke parë mundësinë e krahut të lirë dhe falas në shumë drejtime. Shpalli në vetvete një farë-MIKRO-PERANDORIE, e pa ligjëruar por shum praktike, duke deklaruar se mund të bënte çfar të donte me të tjerët,aq më tepër kur këta ishin nevojtar me shpresa të vrara apo të humbura.Këtë që themi,jo vetëm e kemi mbi kurriz prej 15 vjetësh, por jemi tej-ngopur me njohjen ligjore,me aktet ligjore, të cilat gjithmonë kanë qënë në funksion të këtij sistemi,aq negativ, aq shkatërrues,aq skllavërues për atë pjesë të emigrantëve shqiptar të cilët përbëjnë 67% të gjith imigracionit në Greqi.Një vënd si Greqia, e cila është pjesë përbërëse e një komuniteti të zhvilluar (të paktën të deklaruar të tillë) siç është Evropa e bashkuar,është pjestare aktive në disa organe vendimarrëse e egzekutive ato që janë evropiane e botërore,është paradoks që të lejohet të instaloj një sistem ligjor anti-demokratik,siç është mos njohja e të drejtave themelore të njeriut.Por siç e shohim,tek njerzit ndodhin të gjitha!Kjo nuk është një akuzë që e bëj unë personalishtë se nuk pata ndonjë përfitim personal! Kjo është një akuzë e mbështetur në fakte të pa mohueshme dhe e ngritur nga organe kompetente të zbatimit, të mbrojtjes së të drejtave të njeriut, me rëndësi ndërkombëtare.Problemi që shtrohet nuk është vënia në dyshim e qënies së një dukurie,apo fenomeni të tillë,me efekte negative për mbar shoqërinë njerëzore dhe aq më konkretishtë për pjesën e prekur direkt të imigrantëve në Greqi.Problemi i madh dhe i pa zgjidhur është se;Çfar bëjnë shtetet përkatëse të kësaj pjese imigrantësh!Në këtë grupim bën pjesë edhe shteti Shqiptar,i cili deri tani, në mos është treguar sehirxhi,është treguar me siguri indiferent e i pa fuqishëm.Kjo ka ndodhur deri tani.Sipas analistëve të ndryshëm,të bazuar në njohjen e mirë të gjëndjes politiko-shoqërore të deri tanishme,të bazuar në përpjekjet e disa medjeve të ndryshme për të ndryshuar mentalitetin e klasës qeverisëse,duke u bazuar në përpjekjet e disa organizatave të veçanta përfaqësuese të emigrantëve shqiptar me aftësi të kufizuara veprimi e të pa organizuara si duhet,dalin në përfundim se;Tani ka ardhur koha që ky fenomen,ky qëndrim jo vetëm nuk duhet të jetë prezent,të praktikohet e të jetë jetik,por përkundrazi të dënohet me mënyrat e sakta brënda dispozitave të caktuara ligjore.Për këtë ka organe kompetente dhe njerëz të përgatitur e të armatosur ligjërisht e mendërishtë.Ka organizma Evropjane që funksionojnë më së miri, por që ata që duhet t'i vinin në lëvizje këto organizma,nuk kanë bërë punën, detyrimet e tyre morale dhe intelektuale karshi shoqëris ku jetojnë.
Kjo mangësi ndodh për dy arsye të vetme;
1-Mos përgatitje e kuadrit konkret,mos njohje e ligjeve dhe detyrave!
2- Pengesë dhe zvarritje e qëllimëshme kundrejt një shpërblimi konkret e përfitimi material.
Rasti i dytë është elementi kryesor i asaj sëmundje shoqërore që është quajtur KORRUPSION.Të mos çuditet njeri sepse e dëgjon këtë.Analizat po të vazhdojnë, pa tjetër do na shpien edhe tek personat e korruptuar,sepse çdo gjë e ka një emër,por askush nuk e ka marrë mundimin t'i hyjë kësaj analize.Kësaj analize duhet t'i futet shteti Shqiptar,qeverija Shqiptare për të nxierrë përgjegjësin e vonesave ligjore,apo mos respektimin e konventave ndërkombëtare.E them me forcë këtë, si emigrant Shqiptar,pa prekur të drejtat e dikujt kërkoj të drejtat e mia,por fatkeqësishtë apo fatmirësisht për mua se nuk jam i vetëm! Nuk i jap receta asnjë qeveritari por, i jap vërejtje dhe po t'a di se kush është, i jap dënim kapital,sepse po luan me jetën e fëmijve, të rinisë,me ëndërrat e tyre, me jetën e mijëra familjeve,pleqve,grave,nënave,vajzave të reja të flakura nëpër rrugët e Greqisë si plaçkë e vjetëruar, e dalë jasht përdorimit.Shumë shkurt u jap të më kuptojnë, atyre që mund të më kritikojnë për gjuhën e ashpër që përdora në këtë rast.Ju siguroj se po të ishte ai person në këtë gjëndje, do ishte 1000 herë më i pa duruar e i pa përgjegjshëm për atë që mund të bënte.Por emigrantët shqiptar nuk janë treguar asnjëherë ekstremistë,por janë treguar shumë të duruar e të kulturuar.Marrim vetëm një fakt,nga disa që janë.Ligjshmëria e shtetit Grek shkruan e zezë mbi të bardhëmigrantit i jepet përgjigje brënda 45 ditëve nga dita e depozitimit të kërkesës;!
Cili organ shtetëror Grek, Bashki,Prefekturë, e ka respektuar këtë afat deri tani?
Nuk mundën për 45 ditë?...Po i falim për 60!...Po i falim për 80!...Por jo për 365 ...dhe 730 ditë!!!Dhe në fund e marrin të skaduar!Duhet të themi edhe një të vërtetë tjetërreqia pretendon se ju ka dhënë mundësi ligjërimi imigrantëve!Kjo nuk është aspak e vërtetë.E vërteta është se;Të gjithë imigrantët në Greqi e kanë blerë dhe po e blejnë lejen e qëndrimit!Themi lejen e qëndrimit..Jo lirinë!Lirinë akoma nuk jua kanë shitur!
E thamë më lart se do kthehemi në temën e MBIJETESËS!Këtë nuk e thamë as për romantizëm,as për diplomaci por është një fakt konkret, të cilin pamvarsisht se e vuajnë të gjith emigrantët në kurrizin e tyre në jetën e përditëshme,prapë është mëse e vërtetë se nuk e kuptojnë të gjithë si të tillë.Nga ana e kundërt,ata që ndjekin një politikë të tillë,që instaluan një sistem skllavo-pronar dhe e pagëzuan ndryshe për të fshehur qëllimin e vërtetë,përsëri i tradhëtoi praktika dhe stadi i zhvillimit të shoqëris së sotme.Kështu që dolën zbuluar ligjëvënësit,pamvarsishtë emrave konkret të përgjegjësisë së 1-shit!Kush studion historinë, e ka të qartë lindjen dhe perëndimin e sistemeve e rendeve shoqërore.Mos t'i duket e tepërt dikujt,po të bëja një ndërhyrje të vogël, duke sjellë në kujtesë, shumë shkurtë, rritjen e lavdisë e të zhvillimit të Romës së lashtë,aqë e përfolur për nga veçorija e zhvillimit të rëndësishëm klasor e historik.Mbeti në histori si e veçantë dhe e pa përsëritëshme.
Në shekullin e parë pas e.r.s.( pas krishtit) Roma mori një zhvillim të madh për kohën,në ekonomi,kulturë,art e teknologji.Këtë e arriti duke skllavëruar e vënë në zinxhira mijra e miliona skllevër.Duke shfrytëzuar krahun e tyre të lirë kundrejt një shpërblimi mospërfillës.Duke i ndaluar me ligj të drejtën e ankimit të çdo skllavi nën vulën e skllavërisë.U deshë të kalojnë më shum se 2 shekuj e gjysëm afërsishtë që të shpërthenin kryengritjet të cilat sollën shkatërrimin e pa tjetërsueshëm të Romës.Është interesante vërtetë, por historia përsëritet.Është vërtetë habi,për ata që e kuptojnë, se kush e nxori nga sirtari dhe serviri një skllavopronari të re, duke e shkundur e fshirë pluhurin e historisë e të kohës!E servirën t'i shikojnë të mirat e pasurimit të shpejtë, duke mos llogaritur dëmin e madh që i bie shoqëris së sotme.Është një lloj me tregëtin e pluhurit të bardhë, apo të mishit të bardhë,siç quhen sotë, të cilët të japin mundësin e vënies së një pasurie të madhe e të shpejtë,duke mos llogaritur dëmin e madh që i bie mbarë shoqërisë!
Kjo po ndodh konkretishtë tani në Greqinë "Moderrne" ose më drejtë të kohës moderrne,sepse ka kohë ta kapë moderrnizimin! Greqia e sotme ka 15 vjet e sigurtë, që shfrytëzonë më tepër se 1 milion imigrant nga vënde të ndryshme të botës, duke ju vënë atyre kushte, të cilat prekin direktë të drejtat e njeriut!Duke qënë në kundërshtim të hapur me kartën e të drejtave të njeriut dhe me konventën ndërkombëtare! Dhe gjithë këtij sistemi skllavërues i ka vënë emrin DEMOKRACI! Me të vërtetë bota është kaq injortante,kaqë naive sa t'a besojë si të vërtetë këtë? Duke mos marrë parasyshë se një imigrant, i paisur nga kjo klasë sunduese politike, me një VEVEOSI,është i privuar nga shumë të drejta? Kjo nuk mjafton të çojmë para përgjegjësisë, në bangon e të akuzuarëve sotë në këtë kohë që jetojmë,një politikë të gabuar e antinjerëzore,sado individualiste qoftë ajo? Si e me çfar të drejte e çojë bota Millosheviçin në Hagë?E pra,regjimi totalitar e skllavopronar lulëzon në Greqinë e sotme dhe ne fatkeqësishtë jemi bashkëkohësit e tij historik! Kjo thirrje u drejtohet të gjithë emigrantëve Shqiptar dhe qeverisë Shqiptare në gjuhën shqipe.Ka ardhur koha të zgjuhemi dhe ta shohim njëri-tjetërin në sy.
Vetëm të bashkuar flasim më fortë se kaq.
Danel Cana

THIRRJE E HAPUR
Drejtuar gjithë emigrantëve shqiptar kudo që ndodhen por në veçanti ne Greqi ,Itali, Gjermani e në vëndet e tjera Evropës.
Drejtuar gjithë organizmave shtetërore,Shqiptare,Greke dhe ato Evropiane.
Drejtuar gjithë medieve,për qëllim publikimi.

Shqetësimi këtë herë ju vjenë nga një shoqatë shumë e madhe në Greqi,e cila është LSHSHG-(Lidhje e shoqatave Shqiptare në Greqi).Mbase edhe kini dëgjuar,sepse kjo organizatë është më aktivia në konstatimin dhe kërkimin e plotësimit të të drejtave që ju takojnë Emigrantëve Shqiptarë në Greqi.
Siç mund ta dini,mundësitë tona janë të kufizuara nga legjislacioni dhe nga vetë gjëndja konkrete.Për këtë punë kërkojmë ndihmën e organit më të lartë legjislativ të shtetit tonë mëmë,siç është "Parlamenti".
Mendojmë se tashmë ka kaluar fazën e tranzicionit dhe ka gjetur vetë-veten!Duke njohur të drejtat,detyrat dhe mundësitë,kërkojmë të ndihmojë një pjesë të trungut të vet,që është e barabartë me 1/4 e numurit të popullsisë së regjistruar në Shqipëri.Kjo masë kaq e madhe,e cila juridikisht është në gjëndje të nxierrë përfaqësuesit e sajë ligjor,kërkonë nga parlamenti Shqiptar ndërhyrjen ligjore të vendosur, jashtë korrnizave burokratike dhe kompromentuese.
Kemi ëndërruar për një demokraci me fytyrë e ngjyrë shqiptare! E jo për një demokraci ku të zëne vënd vjedhja, korrupsioni, prostitucioni ,shitja e fëmijve, e një sërë të këqiash që e kanë mbledhur njeriun shqiptar të bëhet sot një grusht.
- Më thoni pse kaq të pa fatë ne shqiptarët, që punojmë e jetojmë, në një vend që, edhe pse e ndanë një vijë kufiri me Greqinë,jemi bërë sikur na ndajne detra e oqeane?
- Nuk ka mjaftuar zhukja e 502 femijve vetëm në katër vjet ? (1998-2002)
- Zhdukja pa lënë gjurmë, e qindra shqiptarëve nga policia, apo individë me frymë fashiste, që prodhon politika e disa qarqeve të caktuara Greke apo,...Entusiazmi,,i ushtarëve Grekë, kur thonë :''I shikoni ata?/ Janë Shqiptarë,/ Me zorrët e tyre,/ Do bëjmë litarë?
Fyerjet, përbuzjet , e të tjera probleme , për një dekadë e gjysëm të qëndrimit në këtë vënd, mbahen pengë mbi 650 mije shqiptarë, me të famëshmet "karta te ngjyrosura" që u thonë VEVEOSI !
Me forcën e shpirtit në të ftohtë e në të nxehtë, emigranti shqiptar ka thirrur : "Na ndihmo o Shtet",Mirëpo shteti i ynë, nuk ka kohë të merret me shtetasit e tij!...As edhe i duhet shumë të dijë sa dhe ku i ka !!
Në cilën nga komunitetet e huaja gjenë intelektualë, me tituj e grada shkencore si të komunitetit shqiptar, që bëjnë punë të rëndomta, për të jetuar ?
Aqë e vërtetë kjo sa që edhe një ish ministër ka ushtruar detyrën e rojes së objektit !
A e di ti o shtet, se emigrantët po shkojne drejtë shpërbëries si komb? Dhe se familjet shqiptare vuajnë nga plagët e dhimbjes së madhe?
Fëmijët e lindur në Greqi apo të rriturit janë privuar jo vetëm nga e drejta e njohjes së Atdheut ,por edhe e vëndit ku ata janë lindur e rritur, sepse "duhet të kesh lindur grek që të jesh grek !" Siç thotë Prefekti Selanikut, zoti Panajotis Psomiadhis, "dashamirës" i Shqipërisë dhe shqipëtarëve!
Se prindërit e moshuar po e kalojnë këtë fundë jete pa gëzuar me femijët e tyre, për të mos thënë që mjaft prej tyre nuk prehen të qetë !
Vëllezër e motra kudo që jeni, por në veçanti në Greqi! Ka ardhur koha t'i themi: Mjaftë durimit tonë! Që njerzit e vendeve pritëse, në veçanti Greqia ,nuk po e kuptojnë si tolerancë, që siç dihet, mbart kulturë, por si triumf i realizimit të nënështrimit, që mbartë politika e nxitur nga racizmi e ksenofobia, deri në kupolat e shtetit . .!
Është faktë se emigrantet shqiptarë kudo që janë, i përkasin asaj shtrese të popullsisë më të emancipuar, në raportë me pjesën tjetër, sepse migrimi i'u dha mundësinë të itergrohen në një shoqëri të civilizuar.
Mirpo kur flasim për një "klime jo favorizuese", që ekziston sot për ne shqiptarët e Greqisë, psenë duhet ta kërkojmë tek politikat e ndjekura deri me sotë nga shteti i ynë dhe institucionet që e përbëjnë atë, të cilat vazhdojnë të mos jenë ndikuese për rritjen e imazhit, për Shqipërinë dhe për emigrantët shqiptarë kudo që ndodhen, por në veçanti në Greqi !
Shqiptari është përpiekur të afirmojë vehten, ashtu siç është në të vërtetë, i zgjuar e punëtor, i dashur e njeri i besës, i preokupuar dhe mjaft i rregullt në itergrimin e shoqerisë së vendit pritës. Na vjenë keqë që disa nga vëndet pritëse, e në veçati fqinji jonë më i afërt, siç është Greqia, nuk do t'ia njohi këto veti ! E megjithatë, i rënduar aqë shumë moralisht e psikollogjikisht, ai prapë di t'i jetë mirenjohës këtij populli e shteti, që na u ndodh pranë kur ne kishim më shumë se kurrë nevojë !Na strehoi e punësoi .
Por kurrësesi ne emigrantët Shqiptarë nuk mundet të pajtohemi me ligjet që nxierr ky shtet për ne emigrantët, që kapërcejnë çdo kufi të shkelies së të drejtave të njeriut !
Është e vërtetë që ne i shkelëm disa nga vendet e E vropës si të pa ftuar, nga nevoja për të mbijetuar një jetë më të mirë! Por kjo nuk do të thotë që të shfrytezohet ky rast! Për t'i shfrytëzuar këta të pa fatë, siç po ndodhë në vëndin me emigrimin më të madh të shqiptareve ,që populli i tij vetë e ka provuar dhe e di ç'është emigrimi! Ka qënë interesi i dyanshem ekonomik, e më tepër i vendit pritës, që shqiptarët të jenë të pranishëm në ç'do gurë themeli, të lagur me djersën e me gjakun e tyre.
Nuk janë pak, 550 shqiptarë të aksidentuar vetëm në sektorin e ndërtimit, që dergjen pa as një ndihmë e shpresë, në kurriz të familjeve të tyre të varfëra! As edhe pak ,15-16 vjet qëndrimi në Greqi e sotë nuk denjohet të jepet një leje qendrimi e rregullt!
Organizatat apo shoqatat e ndryshme shqipëtare ,që janë krijuar kudo në botë, por në veçanti në vëndet pritëse me fluks më të madh shqiptar, siç është Greqia, si dhe mjaft intelektualë të ndershëm janë përpiekur të krijojnë imazhin e dashurisë dhe miqësisë midis dy popujve e vendeve tona.Ato kanë ndikuar jo pakë për njohjen e perlave kulturore të dy popujve e vendeve ku ato veprojnë, Kanë shërbyer si ura të lidhjes së miqësisë midis tyre.Mirëpo zëri i tyre jo sa duhet është dëgjuar.Problemet e tyre nuk janë përfillur në veçanti nga vendi pritës e pastaj nga shteti i ynë.
Vëllezër e motra ! Kush nga ne emigrantët kërkon dhe është i qetë ta kalojë jetën larg vatanit e njerëzve të zemrës? Të boshatiset nga ëndërrat e fëminisë e të katandiset në një rini të vyshkur?
Kush ??
Prandaj ne kërkojmë një zëri që, emigrantët shqiptar kudo që ndodhen por në veçanti në Greqi, të mos privohen nga as një e drejtë që buron nga ligji themelor,Kushtetuta Republikës së Shqipërisë dhe karta e të drejtave të njeriut .
-- Kërkojmë për rastin e Greqisë:
1 - Legalizim pa as një kushtë të shqiptarëve që kanë mbi një dekadë e gjysëm në Greqi .
2 - Të hiqet ndërvarija e rinovimit të lejes së qëndrimit nga ekzistenca e një numuri të caktuar ensimash, me përjashtim të atyre që nevoiten për librezën shendetësore.
3 - Të hiqet kushti për të ardhurat në lidhje me bashkimin familjar.
4 - Asnjë pengesë për ata që kërkojnë ushtrim të aktivitetit të pa varur.
5 - T'u jepet nënshtetësia Greke fëmijëve që lindin në Greqi.
6 - Të ndalohet deportimi apo marrja e masave kundër emigrantëve të mitur.
7 - Fëmijët e emigrantëve që studiojnë në Greqi, apo perfundojnë studimet në sistemin arsimor grek, të perfitojnë automatikisht leje qëndrimi me afat të pa kufizuar.
8 -Të mos privohen nga asistenca sociale (Epidhoma) studentët e emigrantëve si deri më sotë.
9 - Të zbatohet konventa përkatëse e Keshillit të Ervopës, për ushtrimin e së drejtës për t'u zgjedhur, e për të zgjedhur për pushtetin lokal, e të tjera probleme që parashikojnë organizmat e Bashkimit Evropian për të drejtat e njeriut.
10 - Fëmijët Shqiptarë nuk duhet të privohen nga mësimi i gjuhes shqipe si deri më sotë .Në shkollat greke, komuniteteve t'u jepet e drejta e dy apo më shumë orëve në javë e mesimit të gjuhës së tyre .
Prandaj çdo emigrant shqiptar ka të drejtë të protestoi me tërë forcën e shpirtit, për mungesën e dorës së ngrohtë të shtetit ndaj emigrantëve Shqiptarë,për keqësimin e kushteve në këtë një dekadë e gjysëm.
Sotë më shumë se kurrë ka ardhur koha t'u themi një herë e përgjithmonë ndal, bëmave të këqia për Shqiperinë e shqiptarët kudo që janë.
Edhe ne si pjesë e një populli të dalë nga portat e dhimbjeve të mëdha, kërkojmë të stolisim atë që ëndërron njerzimi në këtë mijëvjeçar të ri,lirinë dhe demokracinë.
Shkatërrimi më i madh vjen atëherë kur, gjërat serioze nuk merren seriozishtë.

Lidhja e Shoqatave të Emigrantëve Shqipëtar në Greqi

[xlindax]

Shumica e shqiptareve sot ndodhen ne emigrim.. Do te doja te hapja kete teme per te pare se si do te shpreheni ju, se si e ndieni ju veten tuaj larga atdheut tuaj....

Une jam zemrushja dhe jam larg atdheut tim prej disa vjetesh... Me mungon shume cdo gje e vendlindjes sime madje edhe te shkruaj shqip.. Prandaj mbase me pelqen me shume te shrkuaj ketu dhe ne chat.. Pse me pelqen?... Sepse kam mall, shume shume mall per vendlindjen time; per njerezit e mi.

Do te doja te beja nje pershendetje per te gjithe shqiptaret kudo jane dhe ju uroj sa me pak halle paci ne vend te huaj.....

Ju lutem flisni sa me hapur per jeten tuaj. Le te jete nje sofer kjo per te gjithe emigrantet kudo qe jane

Ju pershendes nga zemra te gjitheve

M pelqeu menyra si ke shkruar... bukur!
Persa me perket e ndiej veten mire ketu ku jam (pothuajse gjithmon, kur mendimet nuk me rrembejn nga realiteti) Ndonjeher mendoj se shpia ime eshte ketu, atje me duket vetja jasht vendi, kalojn vitet, ndryshon menyra e te jetuarit e....boooooooh! Un jam gjithmon e me konfuse...

[salihaj]

Zemrushe! Nuk ka organ më i fortë se zemra që i përballon të mirat edhe të tjera. Nëse viziton Shqipërinë, merr me vete virtytet më të mira kombëtare, mbjelli për rreth aty ku jeton. Ato do të reflektonin në Ty dhe rrethin tëndë. Do bëhësh e famëshme, si dhe do të krijosh një Shqipëri të vogël në atë rreth.