Guerilasit e LANC

[BARAT]

Keta jane vetem te varurit, se te pushkatuar ka plot

.......................................

Kush ishin dëshmorët që u varën në litar nga forcat pushtuese në vitet 1939-1944


30 shqiptarët që fashistët i varën në litar gjatë Luftës


Erion HABILAJ-Tirana Observer

Shqipëria ka qenë një nga vendet që pati shumë viktima në njerëz gjatë Luftës së Dytë Botërore, kjo pasi shqiptarët nuk i'u nënshtruan pushtuesve, por iu kundërvunë atyre me të gjitha mjetet. Shumë njerëz u vranë u pushkatuan dhe u varën nga pushtuesit, vetëm pse deshën lirinë. Nga 28 mijë dëshmorë që kanë rënë për çlirimin e vendit, 39 janë ekzekutuar nga pushtuesit me varje. I pari që është ekzekutuar me varje ka qenë një i ri nga Devolli, Dajlan Zhupani. Ai u var më 8 prill të vitit 1941, në Durrës, një ditë pas pushtimit të Shqipërisë nga Italia, vetëm pse refuzoi të shkarkonte mallrat nga anijet luftarake italiane që kishin zbarkuar në port. Gazeta "Tirana Observer" boton listën e plotë të 39 të varurve, shumica e të cilëve u shpallën Heronj të Popullit, si dhe fjalët e tyre të fundit gjatë momentit të ekzekutimit.

Kush janë ata që u varën në litar nga forcat pushtuese në vitet 1939-1944.

Vasil Laçi, 1923-1941, Hero i Popullit.
Në çastin e varjes, xhelati e pyeti se përse bëre atentat kundër perandorit? Vasili u shpreh: "e bëra me vetëdije për Shqipërinë". Vasili iu nënshtrua torturave të rënda. në 26 maj ai u dënua nga gjyqi ushtarak me vdekje. Në çastin e varjes, kur e pyetën për fjalën e fundit, Vasil Laçi u kërkoi një krehër për të krehur flokët. Dhe ashtu krenar, i patundur, para se të binte në litar, thirri: "Poshtë fashizmi! Rroftë Shqipëria e lirë"!
Perlat Rexhepi, 1919-1942, Heroi i Popullit.
Para vdekjes ka thënë: "Populli do të armatoset e do t'i hedh në det pipinot, siç i hodhën baballarët tanë në 1920 në luftën e Vlorës." Ky është një nga 3 Heronjtë e Shkodrës ku akti i tyre trimëror veçohet si një nga majat e heroizmit, sepse të rrethuar pa asnjë shprese dalje nga rrethimi dhe pa shpresë se do të mbeten gjallë, ndezin luftën. Është një majë heroizmi, sepse u ndeshën në forca të pa barabarta në numër. Ata vetëm tre, armiqtë disa qindra. Këta tre heronj u shfaqën para pushtueseve si një trup e shpirt i vetëm. Të vendosur për t'u vetëflijuar, por të bindur se në themel të lirisë kërkohej të derdhej dhe gjaku i tyre. Heroizmi i Perlat Rexhepit i dha një shtytje te mëtejshme trimërisë dhe heroizmave të luftëtarëve partizanë, qëndresa e tij u shndërrua në kushtrim që rrezatohej në të gjithë Shqipërinë, sepse ai e bëri vdekjen të papërfillshme. U vetëflijua i bindur se duhej të vet flijohej. Perlat Rexhepi vdiq me shpresën e madhe se do të vinte liria. Akti heroik i Perlatit i ngriti atij një shtatore të lartë që do të jetojë gjatë në historinë e kombit. Perlati si një lab i vërtet edhe pse i zënë në befasi dhe në pabesi tregoi që nuk do të dorëzohej kurrë. Ai ishte ilegali i parë në Shkodër. Kur e zbuloi policia italiane menjëherë u vu në ndjekje të tij dhe në një moment e plagosën. U shërua nga plaga dhe sërish vazhdoi aktivitetin e tij revolucionar. Ai ra dëshmor në 22 qershor 1942. Pas vrasjes që iu bë në lagjen Ballaban trupin e tij dhe të shokëve i ekspozuan në mes të qytetit të varur në litar për t'i treguar popullsisë së çfarë ishte në gjendje të bënte pushtuesi fashist. Akti heroik i Perlatit me shokë e ngriti peshë gjithë qytetin e Shkodrës dhe mbarë Shqipërinë.
Bule Naipi, 1920-1944, Heroinë e Popullit
Më 17 korrik 1944 fashistët gjermanë varën dy nga vajzat me trime shqiptare. Bulen e burgosën në kalanë e Gjirokastrës, ku qëndroi e papërkulur. Në një takim që pati me nënën e saj para se ta ekzekutonin, i tha: "E dashur nënë! Sot bija jote u dënua me vdekje nga kriminelët ballisto-gjermanë. Po të le lamtumirën e fundit, ma bëj hallall gjirin që më ke dhënë. Në mesnatë, litari do të këpusë fillin e jetës sime. Qëndro e fortë! Duaje dhe mbroje fort çdo vajzë shqiptare, ashtu siç më doje dhe mua. Dita e çlirimit është e afërt. Partizanët do ta ma marrin hakun. Fitorja është e jona.
Persefoni Kokëdhima, 1924-1944, Heroinë e Popullit.
Ajo në momentin e varjes deklaroi se nuk pranoi falje nga armiqtë.
Jordan Misja, 1913-1942, Heroi i Popullit.
Ai është gjithashtu një nga tre Heronjtë e Shkodrës. Në përballjen me armikun me forca jo të barabarta ai e çoi veten në vetëlijim. Shtëpia e tij ishte pikë sulmi e pushtuesve. kur Perlati e Brankoja u vranë dhe shtëpia mori flakë, Jordani përmes tymit u hodh te pusi qe t'i shuheshin flakët. Aty forcat fashiste e kapën dhe e varën në mes të qytetit të Shkodrës. Para sulmit të shtëpisë ka thënë: "Zoti Gasper! I thuaj kavalierit dhe atij spiunit, çuni i Hajdarit, se komunistët vetëm njëherë flasin e, po qe se i ka marr malli me na i ndie zanin, të urdhërojnë t'i afrohen shtëpisë".
Branko Kadia, 1921-1942, Hero i Popullit.
Në momentet para vdekjes ka thënë "Po flet Branko Kadia, tym le të flaket shtëpia, se na i dalim zot, ta marrë vesh Shqipëria se luftuam ne sot". Branko Kadia ashtu si shokët e tij, Perlati e Jordani trupat e tyre të pa jetë i varën në mes të qytetit. Kuptohet për panik.
Vaso Kadia, 1916-1942, Heroi i Popullit.
Në fjalët e fundit të tij, para varjes në litar, ishin: "Okupatorit fashist nuk do t'i japim ushtarë, por plumbin ballit".
Hamit Shijaku, 1918-1942, Hero i Popullit.
Ka marrë pjesë në disa aksione dhe demonstrata kundër pushtuesve. Për herë ishte në veprim. Në 21 shkurt 1942 kapet në befasi dhe disa ditë më vonë në 2 mars, pas torturave çnjerëzore, varet natën në burgun e Tiranës. Fjalët e vetme përpara varjes ishin "Ju jeni xhelat dhe xhelatët se kanë jetën e gjatë. Populli do te ngrihet,sepse tani ai ka udhëheqjen e tij dhe do t'iu dërrmojë."
Shyqyri Ishmi, 1922-1942, Hero i Popullit.
Ai mori pjesë në njësitet guerile të Tiranës dhe kreu me sukses disa aksione, falë guximit të tij ai krye detyra të veçanta. Ai u kap nga fashistët dhe në 22 tetor 1942 u dënua me varje. Shyqyriu u var në Pazarin e Madh të Tiranës. Fjalët e tij të fundit ishin: "Rinia shqiptare i ngjan barit të livadhit që, i kositur, bëhet me i gjallërueshëm, një bie një ngrihet. Poshtë fashizmi"! Akti barabar i varjes se Shyqyriut e ndezi edhe më shumë urrejtjen e popullit për pushtuesin.
Emin Duraku, 1920-1942, Hero i Popullit.
Ai përpara varjes, deklaroi: "Edhe një mijë vjet të më mbanit në burgjet fashiste, unë nuk heq dorë nga idetë e mia komuniste.
Fuat Babani, 1918-1943, Hero i Popullit.
Ai ishte një nga të parët partizanë të Devollit. U bë komandant i të parës çetë partizane, çetë që kreu shumë aksione dhe ngriti Devollin në këmbë, duke mbushur radhët e brigadave me partizanë e partizane devollinj. Ai ra dëshmor në 7 mars të vitit 1943, në fshatin Hoçisht, dhe fjalët e tij të fundit ishin: " Edhe pse pushtuesi është më i madh dhe me i armatosur, populli është më i fortë dhe do ta rifitoje lirinë"! Trupin e tij të pa jetë fashistët e varën.
Sabahudin Gabrani, 1923-1943, Hero i Popullit.
Ai, pasi u kap nga forcat fashiste, u dënua me vdekje. Fjalët e tij të fundit ishin: "Mos u trembni në aksione, se dhe këtu në Ministrinë e Kulturës, ku punojmë, po na zbuluan, ne do ta kthejmë në një kala komuniste."
Kristaq Tutulani, 1919-1943, Hero i Popullit.
Ai ra dëshmor në 6 korrik 1943 në Gosë të Kavajës së bashku me motrën tij, Margaritën. Ne ditarin tij ai ka lënë kujtimet: "S'ka nder më të madh për një njeri se sa te jetë anëtar i Partisë Komuniste, të marrësh emrin partizani luftës për liri". Trupin e tij pasi e pushkatuan e varën.
Margarita Tutulani, 1924-1943, Heroinë e Popullit.
Ajo që moshë fare të njomë e gjen veten në krye te demonstratave të Tiranës. Ajo shquhet në mobilizimin e rinisë dhe grave në Luftën çlirimtare. Ajo pushkatohet së bashku me të vëllain në 6 korrik 1943 në Gosë të Kavajës. Në ditarin e saj shënohet. "Atdhe! Sa e ëmbël, e bukur, tingëlluese është kjo fjalë, por që të kesh një atdhe duhet që të jesh i lirë. Ne lirinë na i ka grabitur fashizmi. Populli atë do ta fitoj me gjak. Poshtë fashizmi!"
Kiço Greço, Hero i Popullit.
Ai përpara litarit, në gusht të vitit 1942, deklaroi me ballin lartë: "Ua dogjëm zyrën fashistëve në Korçë, sepse fashizmi është më i keq se sa një epidemi kolere". Këto ishin fjalët e fundit të Kiços, dhe pastaj vjen varja në litar.
Andrea Vrusho, 1927-1943. Ai në momentin e varjes në litar, deklaroi: "Fashistë! Nuk i trembem vdekjes në litar, sepse luftoj për lirinë e vendit tim.
Shyqyri Kambo, 1920-1943.
Në çastin e varjes deklaroi: "S'ka forcë që i ndalon devollinjtë për të mos luftuar kundër fashistëve."
Raqi Grabocka, 1920-1943.
Ai u var në litar së bashku me Shyqyriun dhe pak a shumë edhe ai deklaroi: "Poshtë fashizmi! Shqipëria do të çlirohet"!
Isuf Gjata, 1891-1944.
Ishte me profesion pedagog. Në momentin e varjes tha: "Ai që e flijon jetën për atdheun, nuk e përfill plumbin dhe as litarin".
Shyqyri Alimerko, 1923-1943, Hero i Popullit.
Ai para se të varej në litar, me sy të çelur tha: "Për mua sot është dita më e lumtur, sepse flijohem për popullin tim".
Manush Alimani 1924-1944. Hero i Popullit. Para se të varej u dërgon një letër shokëve ku midis të tjerave u thoshte: "Qëndrimi para vdekjes do të jetë: "Rroftë Lufta Nacionalçlirimtare. Ju vijoni punën me kujdes dhe përgatituni për hakmarrje popullore"!
Dajlan Zhupani, 1892-1939.
Nga fshati Hoçisht i Devollit. Ishte kryepunëtor në portin e Durrësit. Më 7 prill 1939, kur forcat fashiste mundën të zbarkonin atje, Dajlani nuk pranoi t'u bindej fashistëve që të shkarkonin punëtorët mallrat e tyre. Ata e arrestuan, e torturuan, por ai pabindur nuk ju nënshtrua urdhrave të tyre. Më 8 prill 1939 e varën në hapësirën e portit.
Demir Progri, 1922-1943.
"Të sulmojmë burgun. Nuk duhet ushqyer iluzion për drejtësinë fashiste". Më 7 mars 1943 u vra në luftë me fashistët në Hoçisht të Devollit. Trupin e tij të pa jetë e varën në litar.
Abdulla Progri, 1922-1943.
Më 7 mars po në Hoçisht u vra dhe trupin e tij të pajetë e varën në litar për ta ekspozuar.
Teki Hanaj 1913-1943.
U burgos në kampin e përqendrimit në Porto-Romano, dhe pas pak ditësh së bashku me tre bashkëfshatarët e tij i çuan në burgun e Tiranës. Pas gjyqit u vendos të vareshin në litar. Tekiu para varjes në fjalën e fundit tha: " Rroftë djalëria shqiptare! Poshtë fashizmi, nuk jam fajtor". Këtu u mbyll dhe jeta e këtij djali trim të luftës antifashiste.
Rexhep Shakaj, 1922-1943.
Edhe Rexhepi varet në burgun e Tiranës. Kur iu kërkua fjala e fundit, ai ngre kokën lart e tund që t'i largohen flokët nga balli, dhe thërret me tërë forcën që mund të ruante në ato momente: Jam i pafajshëm! Poshtë fashizmi, Rroftë Shqipëria! Rrofshin patriotët shqiptarë!
Sadik Brahimaj, 1897-1943.
Ja fjalët e tij të fundit me litarin në grykë: "Poshtë fashizmi, nuk kam frikë prej vdekjes, jam vlonjat! Rroftë Shqipëria! Nuk jam fajtor! Poshtë Italia"!
Isa Veselaj, 1925-1943.
Ai në momentin e fundit që do të varej në litar, nuk pranoi të fliste asnjë fjalë, me justifikimin se i kishte thënë të gjitha në gjyq. Isai e mbylli jetën me lavdi në një moshë fare të re. Ai nuk pranoi të vihej në shërbim të fashizmit dhe të tradhtonte popullin e tij. të katër këta heronj nga Vajza e Vlorës në një zë nuk pranuan që të bashkëpunonin me fashistët dhe të faleshin nga dënimi. Ata, të katërt, shkuan në litar ashtu siç shkuan "bilbilenjtë" në Janinë, dhe kështu njerëzit heronj përsërisin njëri-tjetrin në kohë të ndryshme.
Më 6 korrik 1943, në fshatin Barmash të Ersekës gjashtë burra i varën në litar dhe 101 i pushkatuan. Më 8 prill 1939, fashistët italian në Sarandë varën në litar toger Nafiz Babanin dhe dy ushtarë të tjerë, të cilët ishin kundërpërgjigjur armikut deri në ato momente me trimëri të rrallë.

Kush ishte Bule Naipi

Bule Naipi lindi në vitin në 1922, në Gjirokastër. Ajo ishte anëtare e Rinisë Komuniste së bashku me Qemal Stafën. Që në fillim të fëmijërisë së saj u përball me vështirësi të mëdha. I ati i saj largohet për në Shtetet e Bashkuara të Amerikës dhe le vetëm Bulen dhe të vëllain, Sadon. Të dy fëmijët e familjes Naipi dalin partizanë, duke dhënë kontribut të madh në largimin e pushtuesit nazist nga Shqipëria. Buleja pasi tregon trimëri të pashoq në Luftën Antifashiste Nacionalçlirimtare, përfundoi në duart e armikut, i cili e vari në datën 17 korrik të vitit 1944 në sheshin “Çerçiz Topulli”. Heroina edhe në momentet e fundit, e palëkundur përpara armikut tregoi një virtyt të lartë të vajzave shqiptare, edhe pse ishte vetëm 22 vjeç në atë kohë. Me shembullin e Bule Naipit dhe shoqes së saj Persefoni Kokëdhima iu tregua okupatorit se shqiptarët bëjnë një luftë të drejtë dhe të pabarabartë, dhe se me çdo kusht kjo luftë do të fitohet.

Lista e të varurve

Vasil Laçi
1923-1941
Perlat Rexhepi
1919-1942
Bule Naipi
1920-1944.
Persefoni Kokëdhima
1924-1944
Dajlan Zhupani
1892-1939
Jordan Misja
1913-1942.
Branko Kadia
1921-1942
Vaso Kadia
1916-1942
Hamit Shijaku
1918-1942
Shyqyri Ishmi
1922-1942
Emin Duraku
1920-1942
Fuat Babani
1918-1943
Sabahudin Gabrani
1923-1943
Kristaq Tutulani
1919-1943
Margarita Tutulani
1924-1943
Kiço Greço
Andrea Vrusho
1927-1943.
Shyqyri Kambo
1920-1943
Raqi Grabocka
1920-1943
Isuf Gjata
1891-1944
Shyqyri Alimerko
1923-1943
Manush Alimani
1924-1944
Dajlan Zhupani
1892-1939
Demir Progri
1922-1943
Abdulla Progri
1922-1943
Teki Hanaj
1913-1943
Rexhep Shakaj
1922-1943
Sadik Brahimaj
1897-1943
Isa Veselaj
1925-1943

[Dragut]

Ej o Barat po pse e ul veten në kështu lloj shkrimesh... Unë e njof Erionin personalisht... shkrimet nuk i donte ai por kryeredaktori. Një cop idiot dhe për më tepër i shkurtër.

Mjaft lexuat kështu idiotlliqe. Ata katër të parët që ka sjell Tavo grecku... janë kriminela e vrasës që provonin pistoletat e tyre me lypsa e fakirë.. prandaj mos na sillni këtu këta plera.

Bulen e vranë vetë komunistët se na bote dashni nëpër ferra me partizanët apo dhe Persefonin...

Hajt pra se mjaft lexut ato që urdhërohen nga komunistët.

[Dito]

Cfare analizash! Vertet per te ardhur keq, cohen capaculet dhe diskutojne historine e para 70 vjeteve, qe besoj as baballaret si kane pasur ne kete bote jo me te kene qene vete ne ate kohe.
Te mendojme se ndonjeri prej tyre vertet ka qene kriminel apo ku di une cfare epiteti tjeter i bashkangjisni, por mendoni dicka nje moment te vetem, shume prej tyre idealizonin aspiraten me elementare "lirine", mbase edhe u genjyen, ndoshta edhe u vrane pas luftes, por gjithsesi ata ishin njerez te thjeshte te dale nga populli dhe luftuan heroikisht per ate qe besonin. Eshte paturpesi te njollosesh gjithcka nga historia e cila flet qarte per gabimet, mashtrimet, masakrat, etjj por qe flet qarte edhe per luften e nje populli qe sado simbolike qe ishte kishte edhe ajo heronjte e saj.
Shkruan dikush qe Persefoni apo Bulja na paskashin qene k'u'r'v'a?! Une ngelem sinqerisht i shtangur nga kjo fraze. Mund te me thote personi nga i vjen ky informacion kaq i sakte ku flitet per k'u'rverine e ketyre heroinave apo individi flet me mllefe personale pasi regjimi mund ti kete persekutuar familje apo mbare gjinine.

Me te qete kur diskutoni per gjakun e derdhur per nje ceshtje te madhe sic eshte atdheu sepse padashur bini ne gracken e tradhetise pasi mohon atdheun dhe luften e bijve te tij.


Dito.

[Dragut]

Shkruan dikush qe Persefoni apo Bulja na paskashin qene k'u'r'v'a?! Une ngelem sinqerisht i shtangur nga kjo fraze. Mund te me thote personi nga i vjen ky informacion kaq i sakte ku flitet per k'u'rverine e ketyre heroinave apo individi flet me mllefe personale pasi regjimi mund ti kete persekutuar familje apo mbare gjinine.

E para, kena ra dakort që ky është një forum emigrantësh dhe ska lidhje shumë me ata që jetojnë këtu.

E dyta, Për Persefonin e Bulen ajo varja në pemë është një karagjozllik... dhe ta lëmë... kurse ky Adnani që është kryetar e ka pranu vetë që vriste pa "urdhërin" e të madhit.

Ju rrini studioni andej DEMOKRACINË ju jeni emigrantë asgjë tjetër.

[BARAT]

Dragut
Ej o Barat po pse e ul veten në kështu lloj shkrimesh... Unë e njof Erionin personalisht... shkrimet nuk i donte ai por kryeredaktori. Një cop idiot dhe për më tepër i shkurtër.
Mjaft lexuat kështu idiotlliqe. Ata katër të parët që ka sjell Tavo grecku... janë kriminela e vrasës që provonin pistoletat e tyre me lypsa e fakirë.. prandaj mos na sillni këtu këta plera.
Bulen e vranë vetë komunistët se na bote dashni nëpër ferra me partizanët apo dhe Persefonin...
Hajt pra se mjaft lexut ato që urdhërohen nga komunistët.

Pershendetje Dragut!

Ben mire qe jep mendimin, se per kete jane forumet. Ula une veten? E pse, a ma sqaron dot?
Eshte e gabuar qe gazetarin e paskan detyruar te nxjerre nje shkrim qe nuk donte, por mungesa e deshires nga ana e tij vetem sa e nxjerr ate te lare, dmth vetem sa justifikon idete qe ka ai ne lidhje me LIIB...por idete e tij nuk jane fjala e perendise. Ti e ke shume gabim qe i konsideron te tere plera. Nuk ka pyll pa derra, por jo te tere jane derra.
Ka pasur kriminele si thua ti, ka pasur tradhetare, por ka pasur shume me teper nga ata qe besonin, qe luftonin per Shqiperi dhe qe ne fund si gjithnje e mira s'fiton...pushtetin e mbajten ate qe ishin me te zote. Gjithsesi qe te mos sjellim tere FSH ketu dhe te ndizet diskutim mbi LIIB, po e mbyll duke te thene qe jo te tere ata emrat e mesiperm jane si thua ti ...plera. Tutulanet me shoke dhane gjak per Shqiperi..pune tjeter pastaj se si vijoi historia, por populli shqiptar derdhi gjak dhe e beri pa asnje interes tjeter pervec lirise se tij.
Mire Bulen dhe Persefonin i vrane vete, por te tjeret varen veten? Nuk kane vrare vetem per kurveri partizanet por kane vrare edhe per nje pale corape te marra vjedhurazi ne nje shtepi, apo per nje cope buke te fshehur nga uria e skajshme etj etj...gjera qe kryesisht u bene nga disiplina e luftes. Ka raste pastaj qe kane rene edhe dy e tre vllezer nga nje dere. Ti e ke gabim kur identifikon levizjen shqiptare per liri me individe te caktuar.

[Dragut]

Bulen e vranë vetë komunistët se na bote dashni nëpër ferra me partizanët apo dhe Persefonin...

Hajt se mund të tregohesh më pak delikat. Nuk ishin të gjithë ashtu... por ata që ishin, mjaftonin për të gjithë. Kështu që, ka diçka të drejtë aty. Kishte plera sa të duash, por kishte dhe të rinj që u mashtruan.

Flisni me tironsa po nga ata të vërtetët dhe do ju tregojnë se si vriteshin rrugës "armiqë e popullit" të cilët o ishin shitsa ambulantë o ishin jevgj që lypnin.

Idea është të mos i besoni shumë këto që janë shkrujt 45 vite. Askush nuk e di se çfarë ka ndodhur atëherë. As ti Dragut (ço ky emër mër vlla?), dhe as njoni. Ose Ose thërrisni Martin dhe Doc dhe hypini "Makinës së kohës" dhe vrap shikoni se çfarë ndodhi.

Falë natyrës kemi gjykimin e shëndoshë dhe arsyen, dhe kështu kritikojmë e vëmë në dyshim. Prandaj nuk pranohen të gjitha kallëp ato që ka sjell Tannhauzeri.

[BARAT]

Nemesistjeter: Flisni me tironsa po nga ata të vërtetët dhe do ju tregojnë se si vriteshin rrugës "armiqë e popullit" të cilët o ishin shitsa ambulantë o ishin jevgj që lypnin.


O Nemesisi ju e degjeroni fare diskutimin. Duket sikur behet fjale per nje bande te filan rruge qe vidhte pula dhe vriste lypsa per tu tallur, kur nderkuhe Vasil Laci beri dicka qe sot jo te gjithe shqiptaret e bejne (ndoshta edhe gabohem sepse mbase edhe Vasili e ngaterroi perandorin me lypes )...kete e solla vetem sa per shembull, pasi nuk i vihet vula qe ishin te tere ashtu o te tere keshtu. Ka pasur edhe nga ata qe i kishin "oo" ne katror. Ka histori plot per ta se si kane luftuar, keshtu qe nuk eshte mire te hedhesh poshte popullin tend ose ta gjykosh per sistemin qe do te vinte pas, sepse asnje nga ata qe luftonin se dinte si do shkonte puna (hiq ketu ata qe kishin plane, te paret).
ps
meqe ke vendosur flamurin e UCK-se, op te them se kur UCK-ja vritej kishte kosovare qe talleshin dhe thonin...kush mer a UCK-ja? Asigjo s po bon..
Prandaj eshte mire te shikohen me realizem gjerat dhe jo emocionalisht

[Dragut]

O Nemesisi ju e degjeroni fare diskutimin.

Prandaj eshte mire te shikohen me realizem gjerat dhe jo emocionalisht

Ej po ti më duket se po tallesh...

Lexon ti ça shkruj unë apo jo?!

Falë natyrës kemi gjykimin e shëndoshë dhe arsyen, dhe kështu kritikojmë e vëmë në dyshim. Prandaj nuk pranohen të gjitha kallëp ato që ka sjell Tannhauzeri.

[Brari]

gjithmon do dalin genjeshtra per sa kohe media eshte ne dor te mafies..

ja ca genjeshtra ne kte gazete..

tirana observer

50 agjentët sekretë më të famshëm shqiptarë




PErgatiti:
Dorina topollaj, Armand jonuzi

Ata quhen "Luftëtarët e heshtur". S'kanë emër, s'kanë fytyrë, s'kanë identitet pikërisht pse mbajnë shumë emra, shumë look-e, shumë pasaporta. Secili prej tyre është një hero, nën lëkurën e një njeriu të zakonshëm me miq, familje, virtyte e huqe. "Tirana Observer" do të zbulojë disa nga ata, që nga heshtja i kanë nxjerrë kujtimet e kolegëve të tyre. Agjentë shqiptarë që kanë punuar për shtetin shqiptar, por dhe për shtete të huaja. Ata që kanë punuar me nder, e ata që kanë lënë pas punës së tyre turp. Në këtë suplement do të vijnë historitë e 50 prej tyre, të rrëfyera në media e libra nga ish-agjentë të Shërbimit si Mark Dodani e Bekim Budo, por dhe nëpërmjet kujtimeve të ish-kreut të Komisionit të Verifikimit të Figurave, Nafiz Bezhani. Kush ishte "Ciceroni" i famshëm, shqiptari me emër Iliaz Bazna, i lindur në vitin 1904, i cili punonte për llogari të shërbimeve sekrete gjermane dhe angleze. Kush ishte "Kobra", një nga agjentët më profesionistë të Sigurimit të Shtetit, por njëkohësisht dhe të CIA-s. I stërvitur me profesorë të KGB-së, në Akademinë e Moskës, si dhe i trajnuar me rezultate të shkëlqyeshme për dy vjet nga CIA, "Kobra" arriti t'u shërbente të dyja këtyre shërbimeve me besnikëri. Kush ishte Hamit Matjani, agjenti shqiptar i CIA-s që përgëzoi aftësinë e Sigurimit të Shtetit që e futi në kurth. Nëpërmjet rrëfimeve vijnë historitë e Asim Alikos, Mehmet Shehut, Pal Melyshit, Hekuran Pobratit, Kadri Hazbiut e të tjerë. Misionet dhe jeta e "Gavetës së vjetër", "Gjeneralit", "Diellit", "Dragoit", "Gramafonit". Si rekrutoheshin agjentët shqiptarë, shantazhet dhe devotshmëria. Paradokset dhe lojërat agjenturore, profesionalizmi dhe sakrificat. Rreziqet dhe vështirësitë, si dhe ndërhyrjet nga shërbimet e huaja si CIA amerikane, UDB-ja jugosllave, MI-6 britanik, SIM-i italian etj.
Rrënjët e spiunazhit shqiptar zënë fill që në kohën e Pashait të Janinës. Ai krijoi një rrjet shumë të mirë informatorësh dhe agjentësh, të cilët ish-kreu i Shërbimit Informativ në vitet '91, Irakli Koçollari, i ka quajtur "Policia sekrete e Ali Pashës". Ndërkohë ligjërisht, krijimi i këtij shërbimi në Shqipëri daton që në vitin 1920 nën drejtimin e ish-Ministrit të Brendshëm, Ahmet Zogu. Sigurimi i Shtetit mban si datë të krijimit të tij më 30 prill të vitit 1943.

Ceno bej Kryeziu

Spiuni i parë dhe i famshëm shqiptar mund të quhet padyshim Ceno bej Kryeziu, i cili ishte njëkohësisht edhe kunat i Ahmet Zogut. Ai kishte lindur në Gjakovë dhe ishte rekrutuar nga Shërbimi Sekret Jugosllav që në vitet '20. Në sajë të aftësive të tij, ai ki kishte arritur t'u kalonte shumë informacion jugosllavëve. Për këtë arsye, në vitin 1924 pas ndihmës që jugosllavët i dhanë Zogut për të ardhur në pushtet, ata i kërkuan këtij të fundit që kunatit të tij Ceno bej Kryeziu, t'i jepej posti i Ministër i Brendshëm. Por më pas Zogu do ta kuptonte lojën që bënte kunati i tij dhe më vonë ky i fundit detyrohet të largohet nga Shqipëria dhe vendoset në Çekosllovaki. Më 14 tetor 1927, Ceno bej Kryeziu qëllohet për vdekje në kafe "Passage" në qytetin e Pragës, nga studenti shqiptar 23 vjeç, i quajtur Alqiviadh Bebi.

"Ciceron"

Iliaz Bazna është emri i legjendës shqiptare të spiunazhit, i njohur me pseudonimin "Ciceroni". Ka lindur në vitin 1904, në Prishtinë, në kohën kur krahina e Kosovës, por edhe pjesa më e madhe e Ballkanit, ishte e pushtuar nga Perandoria Osmane, më vonë familja e tij vendoset në Turqi. Ai u bë një nga spiunët më të famshëm gjatë Luftës së Dytë Botërore, në kohën kur punonte si kamarier në shtëpinë e ambasadorit britanik në Ankara. "Ciceron" arrin t'u japë gjermanëve informacione të shumta, por të gjitha këto në shkëmbim të parave. Brenda një kohe të shkurtër, ai arriti të mbledhë rreth 300 mijë stërlina, një shumë jashtëzakonisht e madhe në atë kohë. Por në pranverë të vitit 1944 zbulohet veprimtaria e tij. "Ciceroni" arrin të arratiset së bashku me të gjitha paratë e tij të cilat rezultuan të ishin false. "Ciceroni" vdiq në Stamboll, në vitin 1971, por historia e tij u bë skenar filmi dhe subjekt libri.

Hekuran Pobrati

Hekuran Pobrati ishte anëtar i grupit special të Ministrisë së Brendshme, ai njihej me pseudonimin "Mali". Pobrati lindi në fshatin Pobrat të Beratit, më 15 shtator të vitit 1920. Ai u martua në vitin 1949 me Feraset Xhaferr Vërlacin (Ngurëza) dhe pati me të gjashtë fëmijë. Pobrati kreu shkollën e mesme dhe në vitin 1943 ishte partizan i Brigadës së Parë Sulmuese me funksione nga zëvendëskomandant kompanie deri në zëvendëskomandant batalioni. Pas çlirimit mbaroi dy kurse shtatëmujore për oficer dhe mori detyrën komandant batalioni në mbrojtjen e popullit. Nga vitit 1947 deri në nëntor 1948, arrestohet nga Koçi Xoxe nën akuzën e bashkëpunimit me armikun. Pas 1948-s rifiton të gjitha të drejtat dhe merr pafajësinë. Në këtë vit filloi punë në Sigurimin e Shtetit, deri sa doli në pension. Ai mbante pseudonimin "Mali" dhe ka marrë pjesë në operacione të famshme së bashku me kolegun e tij, Asim Aliko. Pobrati vdiq në vitin 1991.

"Dragoi"

Në librin "Mëkatarë" të Nafiz Bezhanit, ish-kryetarit të Komisionit Shtetëror të Kontrollit të Figurave, trajtohet gjerësisht dosja "Dragoi", e agjentit me emrin imagjinar Robert Duka. "Dragoi" vlerësohej nga Sigurimi si agjent profesionist dhe me rezultate shumë të mira. Ai ishte me arsim të lartë dhe një njeri me reputacion në rrethet intelektuale. Në libër shpjegohet se fillimisht "Dragoi" u fut në Sigurim me qëllimin e vënies nën kontroll të Sigurimit të rretheve letrare dhe veçanërisht veprimtarinë e rrezikshme që mund të zhvillonin ato. Në atë kohë ishte nën shënjestër grupi "armiqësor" i letrarëve të rinj të Universitetit të Tiranës, të drejtuar nga Kasëm Trebeshina. Duke qenë një person i simpatizuar nga këto rrethe letrare, "Dragoi" mund të jepte informacione të vlefshme dhe të pengonte veprimtarinë në këtë drejtim. Një detaj interesant jepet dhe në lidhje me një detyrë të "Dragoit" për "përpunimin e profesor Skënder Luarasit", të cilin e kishte mik, dhe vështirësitë e tij në këtë mision.

Lirim Dema

Ish-furnitor i mensave të punëtorëve në NSHFP të Kukësit, Lirim Dema ishte arratisur në Kosovë, pasi gjatë një kontrolli financiar që i ishte bërë ndërmarrjes, ishin zbuluar shumë falsifikime të dokumentacionit, të bërë nga ai për qëllime përfitimi. Para se të arratisej nga frika e ndonjë dënimi, ai i kishte zënë pritë makinës që sillte rrogat e punëtorëve dhe kishte vrarë shoqëruesin e armatosur të saj, Mark Nikollën. Pasi kishte mbërritur në Kosovë, ai ishte rekrutuar nga UDB-ja jugosllave dhe i ishte zotuar se do t'i shërbente me besnikëri çdo urdhri të saj. Kështu ai punoi për UDB-në, në varësi të Mirko Vukoviq, një agjent i rrezikshëm që punonte kundër Shqipërisë, duke organizuar njësi me qëllim rrëzimin e pushtetit të asaj kohe deri sa u vra nga agjentët e Sigurimit të Shtetit në Itali.

"Martini"

Agjenti radist ishte larguar nga Shqipëria në ditët e para të çlirimit, së bashku me shumë ish-ushtarë italianë që kishin mbetur në Shqipëri pas kapitullimit të Italisë. Sipas librit "Mëkatarë 2", ai u vesh me rrobat e një ushtari që mbeti në Durrës dhe me emrin e tij u nis në Itali. Aty deklaroi se e kishte bërë këtë vepër për shkak se ishte kundra regjimit politik të vendosur në Tiranë dhe se kishte deklaruar se do të luftonte për përmbysjen e atij regjimi. Në këto kushte, atij iu njoh statusi i të mërguarit politik dhe u bashkua me grupet e tjera të shqiptarëve të arratisur. "Martini" ishte rekrutuar nga Sigurimi i Shtetit dhe shërbente në kampin e refugjatëve shqiptarë që ndodhej midis Barit dhe Brindisit si radist. Ai jepte informata për planet e të arratisurve, të cilat gjithmonë dështonin në sajë të këtij dekonspirimi. Gjithashtu, "Martini" shërbente si bazë informacionesh për agjentët e tjerë të ngarkuar me misione në Itali.

Koll Qefalia

Nën pseudonimin e "Nishozit" fshihej Koll Qefalia, kryetar i Këshillit Popullor në një zonë të Mirditës. Ai ishte agjenti më besnik i Alush Leshanakut, ose i njohur ndryshe "Luani", agjentit të shërbimeve sekrete italiane. "Nishozi" ishte njeriu që luajti rolin e ndërmjetësit për takimin që do bëhej midis Alush Leshanakut dhe Frontit të Rezistencës. Kjo e fundit ishte një organizatë fantazmë e ngritur nga Sigurimi i Shtetit për të futur në kurth bandat, e cila drejtohej nga Kadri Hazbiu. Ish-agjentët e Sigurimit, megjithëse "Nishozin" e konsideronin si një nga armiqtë më të mëdhenj, e vlerësojnë shumë profesionalizmin e tij. Sipas tyre, "Nishozi" i kamuflonte lëvizjet e tij. Madje disa prej tyre kanë qëndruar për një kohë të gjatë nën shoqërinë e tij, pa e ditur se ai ishte pikërisht njeriu të cilin e kërkonin me ngulm. Qefalia kapet pas një kurthi agjenturor të organizuar nga Sigurimi i Shtetit.

Mehmet Shehu

Ai cilësohet nga ekspertët e Shërbimeve Sekrete si një nga agjentët më të famshëm shqiptarë. Po ndryshe nga teoritë e shumta që janë hedhur për rolin e tij në Shërbimin Sekret Shqiptar si poliagjent, Bekim Budo në librin e tij "Shërbimi i Fshehtë", e cilëson atë si dopioagjent në favor të interesave të Shqipërisë. Sipas librit të Budos, Shehu mbante pseudonimin e koduar BAB-008, të cilin e kishte mbajtur që kur bënte pjesë në Shkollën Teknike dhe zbërthehej "Balcan American Branche" (Rrjeti Amerikan i Ballkanit. Ndërkohë pseudonime të tjera si "Mjekra", "Misha" etj., ishin pseudonime konspirative të cilat i mbante gjatë pushtimit nazifashist. Shehu grumbulloi me vete agjentët kryesorë të zbulimeve serbo-sovjetike dhe filloi dopiolojën me KGB-në dhe UDB-në jugosllave. Shehu u ndihmua nga CIA për organizimin e disa kurtheve operacionale si dhe kapjen e bandës legjendë të Hamit Matjanit, në shkëmbim të kërkesave të tyre nga blloku komunist.

Mark Dodani

Ish-oficeri i Sigurimit të Shtetit është futur në këtë shërbim në fillim të vitit 1946, i nxitur nga vrasja e babait dhe vëllait të tij në vitin 1945. Por në mënyrë të drejtpërdrejtë, ai angazhohet në operacione në vitin 1948 pas takimit me Kadri Hazbiun. "Mendoja se më kishin thirrur për punën time në zonën në veri, gjë e cila mu përforcua kur aty gjeta edhe Bardhok Bibën, por nuk dija se që në ato momente jeta ime do të merrte rrjedhë tjetër", ka rrëfyer Dodani për median. Sipas shënimeve të ish-sigurimsit, Kadriu (ndonëse e kishte njohur shkarazi dhe më parë), i drejtohet Markut: "Ti je Mark Dodani!". "I thashë se unë jam", - tregon Dodani. Pa e zgjatur, Kadriu i është drejtuar Bardhok Bibës: "Mos e kërko më Mark Dodanin, ai do të punojë me ne". Kështu, për 35 vjet me radhë, Dodani punoi në organet e Sigurimit me pseudonime të ndryshme, ku më kryesoret janë "Xhakoni" e "Studenti". Pas daljes në pensionin e parakohshëm, u atashua si shkrimtar i lirë pranë Kinostudios "Shqipëria e Re". Ka shkruar 3 romane, një monografi, dhjetë novela, disa vëllime me tregime, tre skenarë filmash artistikë dhe pesë skenarë dokumentarësh, ku i fundit është xhiruar në vitin 2003 dhe titullohet "Tiranë, në Evropë".

Alush Leshanaku

Ishte me origjinë nga Elbasani, fshati Leshanak. Kishte qenë profesor gjimnastike në Liceun-Gjimnaz të Shkodrës qysh në periudhën e regjimit të ish-mbretit Zog. Studentët shkodranë të gjimnazit e njihnin si njeri të shkathët, intelektual të zotin, me një trup sportisti, fizikisht i fortë, disi enigmatik. Sapo u largua mbreti Zog I, më 7 prill 1939, Alush Leshanaku vihet në shërbim të fashizmit, teksa rekrutonte "Giovani Fashisti", të rinj fashistë. Në vitin 1941, me pseudonimin "Luani", punon si agjent i shërbimit sekret italian me mision në Shqipëri. Detyra e tij ishte të krijonte grupe e t'i organizonte ato që ishin për rrëzimin e regjimit komunist në atë kohë. Kishte zbarkuar në Mirditë me parashutë, dhe ishte një nga agjentët më të rrezikshëm për Sigurimin e Shtetit, cilësohej si "Gjenerali i Perdes së Hekurt". Alush Leshanaku, i njohur me kodin "Luani", kishte zbarkuar me parashutë në Mirditë. Ja ç'shkruan në ditarin e tij: ""Pra qeveria është siguruar për ekzistencën time e mbi qëndrimet në... Po më gjurmojnë e po më ndjekin". Leshanaku mbeti i vrarë nga Sigurimi i Shtetit.

Asim Aliko

Ai ishte kryetari i grupit special të Ministrisë së Brendshme që kishin si qëllim depërtimin në radhën e bandave e agjenturave të huaja me pseudonimin "Tomorri". Aliko u bë pjesë e Sigurimit të Shtetit në vitin 1948 dhe punoi derisa doli në pension në vitin 1965. Ish-oficeri i Shërbimit Sekret, Mark Dodani tregon se Aliko për pesë vjet ka kapur 120 banditë. Taktika e tij ishte që t'i përçante banditët, të organizonte takime në vende ku donin oficerët e Sigurimit, me qëllimin për t'i kapur të gjallë. Mënyra më origjinale e Alikos ishte se pjesën më të madhe të rasteve ai e arrinte këtë me dollitë që ngrinte. Aliko njihej si pijetar dhe shpesh shefat e tij e kishin të vështirë t'ia besonin detyrat, por ai pikërisht me këtë siguronte suksesin e operacionit. Duke ngritur dolli, ai u krijonte afinitet kundërshtarëve, duke i bërë të besonin se ishin në të njëjtën llogore, e më pas i zinte robër. "Tomorri" kishte lindur në Kurvelesh, në vitin 1915. Ai ishte vlerësuar me titullin "Hero i Popullit", u nda nga jeta në vitin 1987.

Kadri Hazbiu

Pseudonimi i tij ishte "Besniku". Një nga figurat kryesore të diktaturës deri në vitet '80, kur u akuzua si "armik i popullit dhe i partisë", ka qenë një nga agjentët më të njohur të Sigurimit të Shtetit. Madje cilësohej si legjenda e shërbimit inteligjent shqiptar. Hazbiu njihej nga bandat si kryetar i Komitetit Qendror i Frontit të Rezistencës, një organizatë e krijuar për të futur në kurth të gjithë agjentët e huaj si dhe banda që synonin përmbysjen e regjimin e sistemit komunist. Megjithëse me formim ekonomist, Hazbiu ishte vetëm 23 vjeç kur u emërua shef i Sigurimit të Ushtrisë. Studimet për këtë detyrë i kreu në Shkollën e Lartë të Sigurimit në Moskë, ku u profilizua në fushën e agjenturës dhe të çështjeve të policisë. Ai punoi si agjent i Sigurimit deri në vitet '50. Me cilësitë e tij, ai kishte krijuar besimin se mund të ishte një shtyllë e fortë e shtetit të asaj kohe. Deri në vitin 1979 ai punon në drejtim të Ministrisë së Brendshme. Më pas, Hazbiu u emërua ministër i Mbrojtjes, të cilin e mbajti deri në vitin 1981. Pas vrasjes së Mehmet Shehut, Hazbiu u akuzua si armik i popullit dhe u ekzekutua më 10 shtator të vitit 1983.

Pal Mëlyshi

Pal Mëlyshi, me pseudonimin "Furtuna", ishte një nga agjentët më të mirë të Sigurimit të Shtetit. Ai ishte një komunist i flaktë, edhe pse babai i tij ishte detyruar të arratisej pse nuk i përkrahte idetë komuniste. U fut në Sigurim në shtator të vitit 1949 dhe qëndroi deri sa u vra në vitin 1950. Synimi i tij ishte të ndihmonte në luftën kundër bandave. Por infiltrimi ishte shumë i vështirë, pasi të gjithë e njihnin për komunist. E motra e tij, Marie Mëlyshi kujton në një intervistë për "Tirana Observer", se kapobanda e vinte herë pas here në provë. "Një natë, ndërsa i jepet një detyrë, ai bashkë me dy anëtarë të tjerë të bandës përplasen me disa sigurimsa. Fillon shkëmbimi i zjarrit mes tyre. Pali gjen një moment të përshtatshëm dhe vetëplagoset. Që pas kësaj ngjarje kapobanda u pati thënë anëtarëve të tjerë, që Pali tashmë ishte pjesë e tyre dhe asnjeri nuk duhet të fliste keq për të", tregon e motra. "Furtuna" u vra nga sigurimsat në një shkëmbim zjarri me bandën, nga e cila nuk u shkëput dot në momentin e rrethimit.

Pashke Prela

Dëshmorja nga Puka ka qenë një nga agjentet më të njohura femra të Sigurimit të Shtetit. Ndoshta kjo, edhe për shkak fundit tragjik të saj. Kryetari i bandës, "Keqanaj", të cilin Prela e futi në kurth të Sigurimit të Shtetit, mori hak duke e vrarë në sytë e fëmijëve të saj. Ish-oficeri i Sigurimit, Mark Dodani ka treguar për "Tirana Observer", se vejusha ishte një agjente e zonja dhe se ishte afruar te Shërbimi pas kërcënimeve të bandave, se ajo do të vihej në shërbim të tyre. Në fillim të vitit 1947, u realizua edhe kurthi që do paralajmëronte fundin tragjik të Prelës. Ndërsa banda "Keqanajt" strehohej në shtëpinë e saj, e cila nuk dyshonte për Prelën, pasi edhe shtëpia ndodhej në një reliev shumë të thyer, agjentja vë në jetë planin. "Pashka çorienton "kryebanditin". I mbushi rëndë çantat me ushqime, djathë, turshi, bukë, ndërkohë që midis ushqimeve iu kishte futur sende të rënda, madje dhe gurë, me qëllim që kur të dilte nga dera të mos ishte në gjendje të vraponin për t'iu ikur forcave që i kishin rrethuar", rrëfen Dodani. Kryebanditi arrin të shpëtojë, dhe me gjithë se Prelës iu kërkua të linte banesën, nuk pranoi, me shpresën se nuk ishte pikasur. Por pas disa muajsh, kryebanditi kthehet në befasi dhe ther me thikë Pashke Prelën në sytë e fëmijëve.

Sofokli Mici

Personazhi imagjinar Sofokli Mici trajtohet në librin "Mëkatarë 2" të Nafiz Bezhanit si një agjent profesionist i Sigurimit të Shtetit. Ai ishte një intelektual shumë i njohur. Kishte studiuar në Leningrad për Drejtësi. Ishte zgjedhur anëtar i Gjykatës së Lartë dhe kishte fituar tituj shkencorë doktor dhe profesor. Sipas Bezhanit, ideja për të aktivizuar prof. Sofon, siç e quan ai në libër, në Shërbimin Sekret Shqiptar u krijua pas vizitës turistike që bëri në Shqipëri në vitin 1985 një grup turistik grek. Në dosjet sekrete ai është protagonist i asaj me emrin "Misioni Apollon", e cila kishte si qëllim normalizimin dhe përmirësimin e marrëdhënieve midis dy vendeve fqinjë, Shqipëri e Greqi, mision i cili u realizua me sukses nga ai. Në të njëjtën kohë, në dosje dyshohej se prof. Sofo ishte bashkëpunëtor i shërbimit sekret grek, Asfali, gjë e cila nuk vërtetohet ligjërisht.

Ymer Kondo

Një agjent profesionist i Sigurimit të Shtetit, Ymer Kondo mbart një histori mjaft interesante. I ardhur nga një familje pronarësh vlonjatë, pas çlirimit ai u radhit në listën e personave që konsideroheshin armiq të klasës punëtore. I rritur me këtë njollë në biografi, ai ishte një person i izoluar nga shoqëria dhe njerëzit. Edhe pasi mbaroi Shkollën Tregtare ai nuk gjeti asnjë vend pune për shkak të biografisë së tij. Edhe vetë u bë objekt i persekutimeve të herëpashershme. Por, për çudi, ai pranoi të punonte për Sigurimin e Shtetit e madje me zell të madh. Në një nga arrestimet e tij, një nga gjeneralët e Ministrisë së Brendshme e kishte marrë Ymerin dhe e kishte futur në një kurs të veçantë për ta stërvitur si specialist zbulimi. Pastaj i kishin propozuar të punonte në kampin e të arratisurve në Itali si radist. Me një të shkuar të tillë, të gjithë besonin se Kondo ishte një i arratisur dhe i mbushur me mllef ndaj regjimit. Kondo njihej si agjent inteligjent dhe i shkathët. Ai vrau edhe "Njekovin", një poliagjent të njohur.

"Papastrati"

Një nga agjentët më të njohur është edhe ai me pseudonimin "Papastrati". Ai ishte me origjinë greke dhe jetonte në një qytet në jug të Shqipërisë. Për shumë vite, sipas kujtimeve të oficerit të Sigurimit të Shtetit, Bekim Budo, ai ka punuar për llogari të agjenturave greke. "Papastrati", sipas Budos, kishte arritur të ngrinte një rrjet të fuqishëm informatorësh në jug të Shqipërisë për llogari të agjenturës greke. Në vitet '70, Sigurimi i Shtetit Shqiptar kishte rënë në gjurmët e kësaj veprimtarie dhe arrin të kapë, falë një kombinacioni të përsosur, "Papastratin", i cili tregon përpara hetuesve se si ishte vënë në shërbim të grekëve. Më pas agjenti "Papastrati" rekrutohet nga Sigurimi i Shtetit dhe bën një lojë të dyfishtë. Ai i dha shumë informata shtetit shqiptar në lidhje me Shërbimin e Fshehtë Grek.

"Berlini"

Agjenti "Berlini" është padyshim një nga agjentët më të mistershëm shqiptarë. Kjo për shkak se në të gjitha dokumentet, ai asnjëherë nuk ka figuruar me emrin e tij, duke mbetur një anonim. Por veprimtaria e tij si spiun, sipas kujtimeve të oficerit të Sigurimit të Shtetit, Bekim Budo, ka qenë shumë e madhe. Sipas Budos, në dosjen "Berlini" nuk ka shënime nga drejtues eprorë si dhe vlerësime për informacionet që ka dhënë. Karakteri i këtij agjenti del kur bëhet kombinacioni për ta futur në lidhje me Sekretarin e III-të të Legatës Italiane në Tiranë. Aksioni i tij u krye me sukses, ai arriti të ishte në aksione të ndryshme dhe të jepte informacione për Sigurimin e Shtetit.

"Gramafoni"

"Gramafoni" është një nga agjentët jugosllavë me kombinacion në vendin tonë dhe me një histori të veçantë me karakter përgjithësues për sa i përket formave dhe metodave të veprimtarisë së zbulimit jugosllav ndaj vendit tonë. Ai ishte me orgjinë nga Padeshi i Tropojës dhe kishte lindur në Vlorë, më pas i ati i tij oficer gjatë kohës së Zogut ishte vendosur në Jugosllavi. Para se jugosllavët ta fusnin "Garmafonin" në Shqipëri, i bënë një kurs intensiv. "Gramafoni" u fut në Shqipëri në vitet '50 nga kufiri jugosllav, si një kosovar që përndiqej nga serbët. Ai u vendos në fillim në Fier, por veprimtaria e tij i ra menjëherë në sy Sigurimit të Shtetit. Pasi u kap "Gramafoni" pranoi qenien e tij në shërbim të zbulimit jugosllav, pasi iu paraqitën disa prova tekniko-shkencore dhe më pas ai punoi për Sigurimin e Shtetit, duke bërë një lojë të dyfishtë. Për të mos rënë në sy të zbulimeve jugosllave, ai u burgos për disa vjet në burgun e Burrelit dhe më pas Sigurimi i Shtetit e dërgon atë jashtë vendit për interesa të tij.

Adem Rama

Agjenti Adem Rama u kthye në çështje dite në vitin 1953, ku u shënua si incident i marrëdhënieve shqiptaro-jugosllave. Për këtë ngjarje propaganda jugosllave trumbetoi se ishte zbuluar veprimtaria armiqësore e agjentit të rrezikshëm të Sigurimit të Shtetit, Adem Rama, student me bursën e shtetit jugosllav në Universitetin e Beogradit. Ndërkohë, nga Sigurimi ai mbahej nën vëzhgim si agjent i UDB-së. Nafiz Bezhani tregon në "Mëkatarë 2" se në dosjen e tij kishte raporte të hollësishme për Sigurimin, në të cilat ai kishte denoncuar si të dyshimtë 86 persona, nga të cilët 12 konsiderohen të rrezikshëm. Adem Rama ishte i biri i një shqiptari që pas çlirimit u bë kryetar bashkie në Prishtinë. Por pas uljes së të atit nga detyra, që përkonte me kohën e gjimnazit, ai kërkohej të rekrutohej nga UDB-ja, pasi ishte një djalë inteligjent dhe i shkathët. Në kohën e drejtimit të Komisionit të Figurave të Bezhanit, ky agjent ishte një person publik dhe me ndikim në jetën politike të vendit.

Agjenti S.Ll.

Agjenti S.LL., ka qenë një agjent i shërbimit sekret shqiptar dhe ka vepruar për një kohë të gjatë pa arritur të zbulohet nga shërbimet sekrete të huaja. Ai ishte me origjinë nga Dibra dhe punonte kryesisht në dëm të shërbimit sekret jugosllav. Sipas ish-agjentit Bekim Budo, ai ishte ndër të paktët agjentë të Sigurimit Shqiptar që nuk u zbulua nga shërbimet jugosllave. Kjo, sipas Budos, se agjenti S.Ll. sa herë dërgohej me detyra në Dibrën e Madhe, ai nuk shkonte në asnjë rast atje ku e rekomandonin, dhe mbijetoi falë zgjuarsisë dhe intuitës së tij, nuk u kap nga UDB-ja, e cila kishte shumë agjentë që punonin për llogari të saj në Shqipëri. Ai kreu shumë misione të rëndësishme në Jugosllavi, duke bërë të mundur dështimin e shumë komploteve nga ana e UDB-së.

Demo Tafani

Demo Tafani ka qenë një agjent i shërbimeve sekrete italiane. Ai kishte lindur në Elbasan. Demo Tafani ishte rekrutuar nga shërbimet sekrete italiane gjatë kohës së pushtimit të vendit tonë nga Italia. Pas çlirimit të vendit ai ishte larguar nga Shqipëria së bashku me mikun e tij dhe agjentin e shërbimeve sekrete italiane Alush Leshanakun. Në vitin 1949 ata dërgohen me mision në Shqipëri, pasi ishin personalitete të njohura e të vendosura në misionin e tyre, por gëzonin edhe një mbështetje në qarqet nacionaliste në vend. Në këtë periudhë shërbimi i zbulimit e kundërzbulimit të shtetit shqiptar e kishte shtuar depërtimin e personave apo grupeve speciale në këto grupime diversante, duke bërë që Demo Tafani të binte shpejt në duart e tyre.

Dielli

Një nga agjentët më të mirë me origjinë shqiptare, por që ka vepruar në dëm të shtetit shqiptar, ka qenë edhe ai me pseudonimin Dielli. I dërguar për të vjelë informacion në Greqi në vitet e para të çlirimit "Dielli", me origjinë çame, oficer i shërbimit sekret shqiptar në vitin 1946 raportohet i vrarë. Për këtë arsye shteti shqiptar i asaj kohe e shpalli "Diellin" në mënyrë sekrete dëshmor dhe familjes së tij iu lidh pension i posaçëm dëshmori. Pas disa vitesh, kundërzbulimi i Shërbimit Sekret Shqiptar vërtetoi se "Dielli" ishte shëndoshë e mirë dhe se vepronte si interlokutor midis qendrës se shërbimit të jashtëm sekret dhe grupit të spiunazhit të huaj, ngritur në klandestinitet të thellë në Shqipëri. Kjo tregoi se agjenti sekret "Dielli" kishte bërë lojë të dyfishtë dhe kishte mashtruar shërbimet sekrete shqiptare.

Et'hem Çako

Ka qenë një nga agjentët më të mirë të CIA-s me origjinë nga Shqipëria. Pas largimit nga Shqipëria në fund të Luftës së Dytë Botërore si kundërshtar i regjimit komunist ai rekrutohet nga CIA. Më pas ai dërgohet në Shqipëri me mision për të organizuar luftën kundër rrëzimit të regjimit të Enver Hoxhës. Në vitin 1949 ai hidhet me parashutë në Shqipëri. Detyra e tij ishte që të përgatiste terrenin për zbarkimin e grupeve të tjera diversenate si dhe të Hamit Matjanit. Por në sajë të agjentëve të infiltruar të Sigurimit të Shtetit ai bie menjëherë rob i tyre sa zbarkon në Shqipëri. Operacioni për kapjen e tij kishte marrë emrin e "Buza e Bredhit".

"Gaveta e Vjetër"

Ndue Zefi, me pseudonimin "Gaveta e vjetër", mund të quhet padyshim si një nga agjentët më frutdhënës të Sigurimit të Shtetit në fund të viteve '40. I rekrutuar nga Sigurimi i Shtetit në vitin 1949, "Gaveta e vjetër", me origjinë nga një fshat i Mirditës, dha një kontribut të madh në zbulimin dhe eliminimin e bandave diversante në atë kohë. I kamufluar si një anëtarët i këtyre bandave si dhe armik i pushtetit të asaj kohe, Ndue Zefi i dha Sigurimit të Shtetit informacion të shumtë në lidhje edhe me shërbimin sekret jugosllav që shërbente në ato anë. Gjithashtu, ai gëzonte besimin e Komitetit të Maleve, gjë për të cilën, falë besës që kishte dhënë, i kishte shpëtuar ata disa herë nga pritat dhe kurthet e forcave të ndjekjes. Por agjenti i shërbimit sekret do kishte një fund tragjik, pasi vetëm pak kohë pas rekrutimit të tij nga ana e Sigurimit të Shtetit ra viktimë e një skenari të UDB-së jugosllave që kishte zbuluar aktivitetin e tij të dyfishtë.

“Gjenerali”

“Gjenerali” ishte një agjent dopiorol. Ai e pranon këtë fakt edhe përpara “Sekretarit” (Hetuesit). Mendohet se pothuajse të gjithë agjentët e shërbimit tonë të fshehtë ishin të tillë. Ky person mbante lidhje me agjenturat jashtë shtetit. Gjatë Luftës Nacionalçlirimtare mbahej në lidhje nga misionarë të huaj, ndërsa pas çlirimit të vendit e mori në lidhje togeri francez Cochet. Ndërkohë, atij i kishin fiksuar, edhe disa takime të fshehta me majorin anglez Smith. Në këto kondita, siç del nga dosja, ai arrestohet në mënyrë sekrete dhe pasi zbërthehet si agjent i huaj, rekrutohet me material komprometues nga zëvendësministri, “gjenerali” dhe një nënkolonel e këshilltar jugosllav.

Gjon Gjinaj, “Munella”

Gjon Gjinaj ka qenë një nga agjentët shqiptarë që punonte për llogari të agjenturës italiane në fund të viteve '40. Ai ishte cilësuar si nj nga agjentët e tyre më të mirë dhe për këtë arsye ai ishte hedhur me parashutë më malet e Mirditës në vitin 1947, me detyrë krijimin dhe organizimin e bandave të armatosura për të rrëzuar regjimin komunist në vend. Ai veproi në atë periudhë së bashku me Alush Leshanakun, edhe ky një agjent i shërbimeve sekrete italiane. Por në vitin 1949, Gjon Gjinaj, ose i njohur ndryshe me pseudonimin Munella, së bashku me bandën e tij arrin të futet në kurth nga Sigurim i Shtetit. "Grupi Special" i krijuar nga Mehmet Shehu dhe i drejtuar nga Kadri Hazbiu arrin të kap Gjon Gjinajn, i cili më vonë ekzekutohet po nga ky grup.

Halit Bajrami

Padyshim është cilësuar si një nga agjentët më të mirët e Sigurimit të Shtetit. I arratisur nga Shqipëria në vitin 1950, Halit Bajrami mbante në atë kohë postin e zv/shefit të Sigurimit në Korpusin Ushtarak të Qarkut të Korçës? Gjatë kësaj kohe ai qëndroi në vende të ndryshme dhe së bashku me shokun e tij me të cilin u arratis, Sabaudin Haznedari, u rekrutuan nga shërbimet sekrete të huaja. Por gjatë kësaj kohe, si agjent i shërbimeve të huaja, Halit Bajrami i dërgoi informacion me shumë vlerë Sigurimit të Shtetit. Në vitin 1982 ai bëhet pjesë e grupit të Xhevdet Mustafës, që kishte marrë si detyrë eliminimin e Enver Hoxhës. Gjatë zbarkimit të grupit në Shqipëri, Halit Bajrami bën të mundur dekonspirimin e planit, duke bërë të mundur që anëtarët e tjerë të bandës së Mustafës të eliminoheshin. Pas kësaj ngjarje, Halit Bajrami dërgohet përsëri nga Sigurimi i Shtetit jashtë vendit.

Hamit Matjani

Drejtori i CIA-s në vitet '50, Allen Dulles i kishte vënë Hamit Matjanit nofkën "Tigri". I cilësuar si një nga agjentët më të mirë shqiptarë që punonte për llogari të CIA-s, Matjani kishte arritur të realizonte shumë aksione në Shqipëri për rrëzimin e regjimit komunist. I larguar nga Shqipëria menjëherë pas ardhjes në pushtet të regjimit komunist, "Tigri" kishte arritur të desantonte në Shqipëri gati 26 herë. Kjo e kishte bërë atë që të quhej nga shërbimi sekret amerikan si njeriu më i zotë për të desantuar në Shqipëri. Në të gjitha rastet që ai kishte hyrë në Shqipëri, ishte futur nga toka nëpërmjet Greqisë. Herën e fundit që ai u fut në Shqipëri ai u hodh me parashutë nga ajri. Në vitin 1953, vetëm pak kohë pas zbarkimit në malet e Shëngjergjit në Elbasan, ai do kapej nga organet e Sigurimit pas kurthit që ata i kishin bërë me anë të radios ndërlidhëse. Ai u dënua me vdekje dhe u ekzekutua më 14 prill 1954.

"I penduari"

Ky ishte pseudonimi i një prej agjentëve me histori më paradoksale të Sigurimit të Shtetit. Ai kishte mbaruar me rezultate të shkëlqyera shkollën e larë për oficer dhe Akademinë Ushtarake në vitin 1962 dhe kishte arritur të bëhej komandant korpusi, por pas spiunimit të shokut të tij të ngushtë për një frazë, ishte dënuar me 15 vjet si armik i popullit. Në burg, pranon me vullnet të plotë të vihet në shërbim të organeve të Sigurimit si i penduar, për të shlyer fajin e bërë dhe e zgjedh edhe vetë pseudonimin e tij "I penduari". Për 11 vjet, ndonëse agjent i Sigurimit, ai i është nënshtruar torturave çnjerëzore për të fituar besimin e të burgosurve, objekt i veprimtarisë së tij agjenturore. Për 11 vjet ai kaloi nga burgu në burg, gjoja me dënime disiplinore por në fakt me shërbime tepër speciale, të përgatitura me kujdes nga organet e specializuara të Sigurimit. Me përmbysjen e diktaturës, "I penduari" fiton statusin e të persekutuarit politik dhe emërohet në funksione të larta të shtetit.

"Hutini"

"Hutini" hyn në listën e atyre agjentëve që bëjnë historinë famëkeqe të Sigurimit të Shtetit. Ai ka qenë një personalitet në arenën e politikës shqiptare pas '90-ës. Agjenti i Sigurimit të Shtetit, ishte rekrutuar në vitin 1970 dhe kishte punuar për 10 vjet për këtë shërbim. Në dosjen e tij, që Nafiz Bezhani e citon me numër 17594, paraqitet edhe veprimtaria e këtij agjenti, i cili spiunonte edhe detaje nga më të vogla. "I tillë ishte për shembull një nga raportet e para për ushtar Njazinë, i cili ishte çuar natën, kishte kapërcyer gardhin e repartit dhe kishte shkuar në vreshtat e kooperativës, kishte ngrënë rrush dhe u kishte sjellë edhe shokëve", shkuan në "Mëkatarë 2", ish-kreu i Kontrollit të Verifikimit të Figurave. Pas ardhjes së demokracisë, "Hutini" emërohet në organet qendrore të vendit. Ndërkohë që ka informacione se ai ishte i përfshirë edhe në veprimtarinë e skemave piramidale.

Hysen Lepenica

Hysen Lepenica ka qenë një nga agjentët shqiptarë që punonte për llogari të CIA-s. Veprimtarinë e tij ai e kreu kryesisht në fund të viteve '40. Ku pasi ishin trajnuar nga oficerë të CIA, ai së bashku me disa agjentë të tjerë zbarkon në Shqipëri me detyrë për të rrëzuar regjimin e komunist. Ata zbarkuan në Grykën e Dukatit në tetorin e vitit 1948. Pasi nëndetësja doli në sipërfaqe, Hysen Lepenica, Zagoll Shena, Safet Kaba, etj. me anë të një varke gome iu drejtuan bregut. Por misioni i tij do dështonte për shkak se ranë pre e një kurthi të ngritur nga Sigurimi i Shtetit. Siç rezultoi më vonë, shkak për dështimin e tyre ishin informacionet që agjenti sekret Kim Filbi u kishte dhënë sovjetikëve në lidhje me misionin e tyre. Sovjetikët ua kishin dërguar menjëherë këtë informacion Sigurimit të Shtetit, të cilët kishin organizuar pritën.

Idriz Seiti, "Profesori"

Agjenti Idriz Seiti ishte anëtar i i "Grupit Special" të krijuar nga Mehmet Shehu dhe Kadri Hazbiu në vitet e para të pasçlirimit. Grupi kishte si detyrë zbulimin dhe eliminimin e të gjitha bandave diversante që vepronin në atë kohë në vend. I lindur në fshatin Çorrush të Mallakastrës, Idriz Seiti gjatë Luftës së Dytë Botërore u bashkua me forcat partizane dhe u dallua për trimëri dhe besnikëri ndaj Partisë. Për këtë arsye, menjëherë pas çlirimit, me krijimin e Sigurimit të Shtetit, duke qenë edhe mik i ngushtë i Mehmet Shehut, i cili në atë kohë ishte ministër i Brendshëm, emërohet anëtar i Grupit Special dhe iu vendos pseudonimi "Profesori". Gjatë veprimtarisë së tij si agjent, "Profesori" luajti një rol të madh në kapjen dhe vjeljen e shumë informacioneve të agjentëve të shërbimeve të huaja. Pas vitit 1953, kohë kur u shkri dhe "Grupi Special", Idriz Seiti fillon punë në Ministrinë e Brendshme. Por në vitin 1982, vetëm pak kohë pas vdekjes së Mehmet Shehut, ai arrestohet nga Sigurimi i Shtetit si agjent i shërbimeve të huaja.

Jonuz Mersini

Është cilësuar pa dyshim si një nga agjentët më të mirë të Sigurimit të Shtetit që ka vepruar jashtë vendit. Jonuz Mersini, i vendosur në Francë në vitet '50, arriti deri aty sa të punonte pranë mbretit Zog gjatë kohës së qëndrimit të tij në Francë. Gjatë kësaj kohe ai i dha Sigurimit të Shtetit informacione të shumta, duke bërë që shumë nga planet grupeve nacionaliste dhe legaliste për rrëzimin e regjimit komunist të dështonin. Në vitin 1952 ai u urdhërua në atë kohë nga Sigurimi i Shtetit dhe konkretisht nga kreu i tij, Kadri Hazbiu të eliminonte Ahmet Zogun. Por këtë mision ai nuk mund ta kryente dot. Më vonë, pas dekonspirimit të tij si agjent, ai kthehet në Shqipëri. Historia e tij i shërbeu më vonë edhe një shkrimtari të njohur të vendit tonë, i cili bëri nj libër që pati shumë sukses në atë kohë.

"Kobra"

Është një nga agjentët shqiptarë me histori më interesante ndër figurat e Shërbimit Sekret. "Kobra" kishte luftuar me devotshmëri si partizan në kohën e luftës e më pas ishte vënë në shërbim të Sigurimit të Shtetit. Por jo vetëm të tij, por edhe të Shërbimit Inteligjent të Amerikës, pra të CIA-s. Në vitin 1949 ai ishte "arratisur" në Amerikë, ku u trajnua për dy vjet nga CIA. Ai kishte kryer ndërkohë Akademinë Ushtarake në Moskë, dhe kishte njohje me personalitete të KGB-së që kishin qenë pedagogët e tij atje. "Kobra" njihej si agjent shëtitës i CIA-s, me disa emra e funksione, me foto të ndryshme, herë me mjekër e mustaqe e herë i rruar, herë me kaçurrela brune, e herë biond e herë tullac. Një nga agjentët më profesionistë të Sigurimit të Shtetit dhe të CIA-s, u dënua nga të dyja shërbimet dhe qeveritë. Nga Partia e Punës u akuzua si tradhtar dhe si "shërbëtor i imperialistëve amerikanë", ndërsa nga CIA, si agjent i Sigurimit. Ai burgoset nga kjo e fundit dhe kthehet në Shqipëri disa muaj para se të vdiste. "Kobra" kreu shumë funksione të suksesshme për llogari të Sigurimit dhe të CIA-s, duke u qëndruar besnik të dy këtyre shërbimeve.

Koçi Xoxe

Ish-ministri i parë i brendshëm në qeverinë e sapokrijuar të pasçlirimit në vitin 1945, Koçi Xoxe vetëm katër vite më vonë u akuza si agjent i UDB-s jugosllave. Sipas dokumenteve të Sigurimit të Shtetit ai u ishte një nga agjentët më të fuqishëm të UDB-së dhe kishte arritur të krijonte një rrejt agjenturor shumë të madh për llogari të jugusllavëve. Koçi Xoxe lindi në vitin 1911 në Follorinë. Ai është themelues dhe kryetar i parë i Partisë Komuniste Korçë. Pjesëtar i mbledhjes themeluese të Partisë Komuniste Shqiptare, anëtar i Byrosë Politike dhe K.Q. të saj që nga krijimi. Anëtar i Shtabit të Përgjithshëm nga 10 korriku i vitit 1942. Pas çlirimit ai mori postin zv/kryeministrit dhe të ministrit të Brendshëm. Më 28 nëntor 1948, ai arrestohet me akuzën si agjent i jugosllavëve. Ai nuk e pranon kurrë akuzën dhe gjykata më pas e dënon me vdekje, pushkatohet në maj të vitit 1949.

"Koloneli"

"Koloneli" është cilësuar si një nga agjentët më mirë dopiorol të Sigurimit të Shtetit. I lindur në Elbasan në një familje patriotike ai u rekrutua nga shërbimi sekret britanik që në vitet '30 me rekomandim të Margaret Hazllëk. Gjatë luftës "Koloneli" u aktivizua me forcat partizane. Në sajë të intelektit dhe gjuhëve të shumta arriti të bëhej edhe përkthyesi i Enver Hoxhës gjatë takimeve të këtij të fundit me misionarët anglezë. Gjatë kësaj kohe ai filloi të punojë edhe për Frontin Nacionalçlirimtar. Pas çlirimit ai filloi të punojë për Sigurimin e Shtetit, duke bërë të mundur sjelljen e shumë informacioneve të vlefshme. Më pas ai dërgohet me detyrë nga Sigurimi i Shtetit jashtë vendit ku qëndron për një kohë të gjatë.

"Loro"

"Loro", ishte një ish-oficer kufiri dhe komunist, i cili ishte nxjerrë në lirim "për mungesë vigjilence", pasi në zonën e tij kufitare kishin kaluar kufirin diversantë pa u kuptuar nga nënreparti i tij. Më pas ai ishte kthyer në Tiranë, ku punonte si kasap. Sipas librit "Mëkatarë 3" të Nafiz Bezhanit, agjenti që pas përjashtimit nga partia ishte vënë nën funksion të shërbimeve të huaja. Ai ndihmoi këto shërbime për futjen e familjes Popa në vitin 1985 në ambasadën italiane. Një ngjarje e madhe kjo që shënoi krisjen e parë të shtetit shqiptar. "Loro" organizoi hyrjen e 6 vetëve të kësaj familjeje në ambasadën italiane në Tiranë.

Nikoll Mëlyshi

Padyshim që historia e familjes së Mëlyshajve është një nga më interesantet e shërbimeve sekrete. Rrallë mund të ndodhte që në një familje, i ati të shërbente për një agjenturë sekrete dhe i biri për një tjetër. Nikoll Mëlyshi, babai i Pal Mëlyshit ishte një nga agjentët më potentë të CIA-s në vitet '50. Ai ishte hedhur me parashutë nga CIA në malet e Mirditës dhe atje kishte arritur të krijonte një bandë me të cilën organizonte aksione të ndryshme kundër regjimit komunist. Por ndërkohë që ai punonte për CIA, i biri i tij, Pal Mëlyshi punonte si agjent i maskuar në Sigurimin e shtetit. Pas vrasjes së të birit, Nikoll Mëlyshi kthehet në Amerikë ku jetoi deri sa vdiq në vitin 1989.

Agjenti "Profesori"

"Profesori", ishte një nga krerët e emigracionit shqiptar në Belgjikë gjatë kohës së regjimit komunist, por njëkohësisht ai ishte edhe një nga agjentët më të fortë të Sigurimit të Shtetit. Agjenti sekret ishte nga Elbasani dhe njihej si nacionalist. Rekrutimi i tij për llogari të Sigurimit të Shtetit ishte bërë nga Omer Nishani, i cili e kishte mik të ngushtë. Pas rekrutimit të tij, Sigurimi i Shtetit kishte bërë të mundur dërgimin e tij jashtë vendit dhe infiltrimin e tij në radhët e emigrantëve shqiptarë në Bruksel. Gjatë kësaj kohe ai i solli Sigurimit të Shtetit të dhëna shumë të vlefshme si për situatën e spiunazhit ashtu edhe për zhvillime të tjera me rëndësi. Të dhënat, "Profesori" i siguronte nga burime tepër sekrete dhe agjentë potentë, ku ndër ta shquhet edhe një senator amerikan.

Panajot Plaku

Panajot Plaku është akuzuar nga Sigurimi i Shtetit si agjent i UDB-s. Anëtar i Komitetit Qendror si dhe gjeneral i ushtrisë shqiptare, ndryshe nga miqtë e tij të ngushtë, Dali Ndreu dhe Liri Gega, të cilët u arrestuan dhe u dënuan si agjent të jugosllavëve, ai arriti të arratisej në Jugosllavi në vitin 1957, vetëm pak momente para arrestimit. Ata akuzoheshin se të tre se bashku punonin për llogari të shërbimeve sekrete jugosllave. Por, megjithëse arriti t'i shpëtonte arrestimit, Panajot Plaku nuk mundi t'i shpëtonte dot kurthit të Sigurimit të Shtetit. Vetëm pak kohë më vonë me anë të një agjenti të saj arriti të vriste në Jugosllavi ish-gjeneralin shqiptar, Panajot Plakun, të akuzuar si spiun i UDB-së jugosllave.

Sabaudin Haznedari

Ai ishte një nga anëtarët e grupit të Xhevdet Mustafës, të dërguar nga CIA për eliminim e Enver Hoxhës. Sabaudin Haznedari kishte lindur në Durrës dhe kishte qenë një njeri shumë aktiv gjatë Luftës Nacionalçlirimtare. Pas çlirimit ai mori disa poste drejtuese, por më vonë pas një konflikti me një nga krerët e partisë së këtij qyteti ai pushohet nga puna. Në vitin 1950 ai arratiset nga Shqipëria së bashku me një shokun e tij dhe vendoset në fillim në Greqi, më pas në Turqi e në fund në Itali. Gjatë kësaj periudhe ai rekrutohet nga shërbimet sekrete të huaja dhe fillon të punojë për ta. Në vitin 1982 ai zbarkon në Divjakë bashkë me Xhevdet Mustafën. Por vetëm pak orë pas zbarkimit, grupi i tyre zbulohet në qytetin e Rrogozhinës, dhe gjatë një përplajse me policinë Sabaudin Haznedari vritet.

Shemsi Aliaj

Agjenti sekret pranë ambasadës shqiptare në Romë konsiderohet si një nga rekrutuesit më të mirë të Shërbimit Sekret Shqiptar. Në pak vite ai arrin që në Romë, por edhe në Milano apo Bari, të ketë një rrjetë të gjerë informatorësh në radhët e zyrtarëve italianë, në duart e të cilëve qarkullonin të dhëna sekrete që i interesonin shtetit shqiptar. Si arritja më e madhe e Aliajt konsiderohet rekrutimi në vitin 1953 i shefit të Shifrës së Ushtrisë Italiane. Aliaj, pasi mëson se italiani ishte një pijedashës, i futet punës që edhe ai të mësonte pijen. Organizon një kontakt në pamje të parë të rastësishëm me italianin, dhe shpejt bëhen shokë të uiskit. Në gjendje të dehur ai arrin t'i marrë një firmë shefit të shifrës dhe më këtë dokument i bën presion derisa arrin ta rekrutojë. Materiali i parë i rëndësishëm në duar të shqiptarit ishte një film rreth 2 orësh i një stërvitjeje sekrete të NATO-s. Shemsi Aliaj u kap nga agjentët e Shërbimit Sekret Italian teksa ishte me dy nga bashkëpunëtorët e tij vendas. Ai u shpall "non grata" dhe u dëbua nga Italia. Llogaritet që në 4-5 vite ai të ketë rekrutuar rreth 25 bashkëpunëtorë në Itali.

Skënder Barçi

Skënder Barçi është një agjent i Sigurimit të Shtetit, i cili ka vepruar në vitet '60. Kryesisht veprimtarinë e tij ai e kreu në Jugosllavi, ku kishte për detyrë të mblidhte informacione sekrete mbi agjentë e UDB-së. Në vitin 1961, sipas disa dokumenteve jugosllave, ai arrestohet në qytetin e Shkupit nga shërbimet sekrete jugosllave. Kjo, pasi sipas tyre, Skënder Barçi kishte marrë si detyrë nga Sigurimi i Shtetit eliminimin e ish-gjeneralit shqiptar që tashmë jetonte në Jugosllavi, Panajot Plakut. Po sipas këtyre dokumenteve, Skënder Barçi gjatë marrjeve në pyetje kishte pranuar se punonte dhe se detyrën për eliminimin e Panajot Plakut ja kishte dhënë vetë ministri i Brendshëm i asaj kohe, Kadri Hazbiu. Më pas gjykata jugosllave e dënoi atë vetëm me gjashtë vite burg, më pas ai u rekrutua nga UDB-ja dhe punoi për llogari të tyre.

Taho sejko

Taho Sejko është cilësuar si koka e krijimit të "Grupit çam" i mbështetur dhe financuar nga shërbimi sekret grek. Ai madje, sipas Sigurimit të Shtetit, është edhe personi që kreu rekrutimin për llogari të shërbimeve sekrete greke të vëllait të tij më të vogël, gjeneralit të njohur, Teme Sejkos. I lindur në vitin 1912, në Filat të Çamërisë, në vitin 1920 familja e tij shpërngulet që andej dhe vendoset në Konispol, Sarandë. Ende nuk bëhet e ditur se si ai u rekrutua nga shërbimi sekret grek. Por sipas dokumenteve të Sigurimit të Shtetit, ai arriti të krijonte një grup agjenturor shumë të madh. Në vitin 1960 ai shkarkohet nga të gjitha postet e rëndësishme që mbante dhe arrestohet bashkë me vëllain e tij. Por ndryshe nga vëllai i tij, Teme Sejko, që i pranoi të gjitha akuzat si agjent i shërbimit sekret grek, Taho Sejko, sipas dokumenteve të atyre kohëve nuk e pranoi asnjëherë akuzën. Por megjithatë ata shpallen fajtorë, me akuzën e krijimit të grupit armiqësor çam dhe dënohet me vdekje.

Teme Sejko

Teme Sejko është quajtur nga Sigurimi i Shtetit si një nga agjentët më të rrezikshëm që kanë punuar për agjenturën greke. Madje, sipas Sigurimit të Shtetit, në bazë të dokumenteve dhe deklarimeve të ish-agjentit Teme Sejko, grupi i tij kishte si detyrë rrëzimin e regjimit të Enver Hoxhës. I lindur në vitin 1922, në Filat të Çamërisë, gjatë Luftës së Dytë Botërore ai ishte një nga themeluesit e çetës "Çamëria". Pas çlirimit ai mori poste shumë të rëndësishme, madje ishte një nga gjeneralët e parë shqiptarë si dhe kundëradmiral i Flotës Shqiptare. Ai ishte rekrutuar për llogari të shërbimeve greke nga i vëllai i tij më i madh, Taho Sejko. Grupi i drejtuar prej dy vëllezërve u zbulua në vitin 1960, ku dhe u kryen arrestime të shumta. Sipas dokumenteve të Sigurimit të Shtetit, u arrestuan mbi 2 mijë vetë, kryesisht çamë, si anëtarë të grupit agjenturor, por me një urdhër nga lart u liruan të gjithë përveç 200 personave. Pas arrestimit, Teme Sejko i pranoi të gjitha akuzat për spiunazh. Ai u dënua me vdekje dhe u pushkatua po atë vit.

Xhevdet Mustafa

I arratisur nga Shqipëria në vitin 1964 në drejtim të Amerikës, Xhevdet Mustafa është njeriu që hyri si personi fundit që do desantonte në Shqipëri për të vrarë ish-diktatorin Hoxha. Gjatë qëndrimit të tij në Amerikë, Xhevdet Mustafës ishte rekrutuar nga shërbimet sekrete amerikane. Ai ishte shumë i njohur për forcën e tij fizike. Në shtator të vitit 1982 i nisur nga Brindizi i Italisë, Mustafa së bashku me 2 persona të tjerë zbarkon në plazhin e Divjakës. Detyra e tij ishte eliminimi i Enver Hoxhës. Por në fakt Xhevdet Mustafa nuk arrin të realizojë dot detyrën e tij, pasi plani dekonspirohet. Më 27 shtator 1982, pas dy orë luftimi, Xhevdet Mustafa vritet nga forcat e Sigurimit të Shtetit.

Zenel Shehu

Ai do mbahet mend si njeriu që bëri të mundur kapjen e Hamit Matjanit. Badigard i Ahmet Zogut dhe mik i ngushtë i Hamit Matjanit, ai rekrutohet nga CIA, me urdhër të mbretit për të desantuar në Shqipëri. Detyra e tij ishte t'i paraprinte mbërritjes në vend të grupeve të tjera diversante. Zenel Shehu zbarkon në Shqipëri në vitin 1952, por shumë shpejt ai do kapej nga shërbimi sekret shqiptar. Më pas nëpërmjet tij ata realizojnë kapje edhe të 13 grupeve të tjera me anë të radiolojës. Duke qenë mik i ngushtë i Hamit Matjanit, ai e detyron këtë të fundit të zbarkojë në Shqipëri, duke i paraqitur një situatë tjetër në vend. Pas kësaj, në vitin 1953, Matjani zbarkon në Shqipëri dhe kapet menjëherë nga Sigurimi i Shtetit, kurse Zenel Shehu kishte vetëm pak ditë që ishte vrarë.

"Vogëlushi"

Edhe peshën e ka pasur të vogël tek Sigurimi i Shtetit, por kjo detyrë ia komplikoi atij gjithë jetën. Me të tillë pseudonim iu shfaq Nafiz Bezhanit dosja e një ambasadori, që duhej t'i kontrollonte figurën. Në librin "Mëkatarë" shpjegohet se "vogëlushi" u fut në Sigurim me premtimin se do i jepnin bursë për të filluar studimet e larta, një hile që përdorej shpesh për të rekrutuar të rinj në Sigurim. Ai pranoi, dhe me vajtjen me studime në Francë, me misionin që të raportonte për çdo sjellje të shokëve të tij që studionin atje, veçanërisht për veprimet e tyre në përkrahje të kulturës perëndimore. Ai bie në dashuri atje me një franceze. Për këtë, Sigurimi i preu bursën e përjashtoi nga radhët e veta duke e akuzuar rëndë për marrëdhënie intime me një agjente të shërbimit të huaj. Ai vëzhgohej për çdo veprim të tij me kontrollin 2/A, që do të thotë vëzhgim gjatë 24 orëve. Një rast që tregon fare mirë paradoksin e të qenit agjent dhe i persekutuar.

Agjenti Mëhilli

Agjenti me pseudonimin "Mëhilli" ishte në nga spiunët më të rrezikshëm të UDB-s jugosllave që vepronte në Shqipëri. Ai ishte një nga drejtuesit më të lartë të Ministrisë së Brendshme në vitet e regjimit komunist. Në sajë të veprimtarisë së tij, shumë agjentë sekretë shqiptarë u zbuluan ose shumë aksione të tyre u dekonspiruan. Por, megjithatë ende nuk është e sigurt se çfarë materialesh dhe informacionesh i ka dhënë UDB-së agjenti Mëhilli. Në disa prej dokumenteve që u zbuluan prej Sigurimit të Shtetit, në lidhje me veprimtarinë e këtij agjenti rezultoi se ai kishte dërguar UDB më shumë informacion për figurat politike shqiptare të asaj kohe. Ai u zbulua në fillim të viteve '80, dhe do dënohej rëndë nga drejtësia e asaj kohe.

.................................................. .......................




ka harruar te fusi vehten nafizi si spiuno legen..

cfar rrenash pa pik turpi fabrikojne..

jen kaq injorant kta gazetaret sa ti publikojne keto shpifje si histori?