Kultura e forumeve shqiptare

[Davius]

Nga Ylber Memia

Po të lexosh e lexosh shumë nga bashkëbisedimet e shqiptarëve në forumet e internetit, mund të mësosh mjaft nga veçoritë tona kombëtare individuale.Forumet janë një shpikje e mrekullueshme ku mund të shfrysh pasionet e mllefet e tua, të lëshosh demonët e egër që të mundojnë, të fshihesh pas nofkave të shumëllojshme: zilja, kaçilja, demi, kopaçja, dybeku, nastradini, kazanova, kukudhi, balozi, jarani, fjora, bora, pellushja, e të tjera e të tjera dhe të brohorasësh anonimatin tënd.

Mund të shkruash si të të vijë, me pika, me presje, pa pika, pa presje, me ccfarwdo zhargoni e pa doganë fjalësh. Mund të shkruash e të japësh mend për çdo gjë të botës. Mund të shash, të pështysh, të bulërasësh, të hingëllish, e edhe të masturbohesh. Mund të hiqesh trim, i ditur, me kulturë, patriot që s’të bën syri tërr, që e do me shpirt popullin tënd po që s’përton t’i bësh për një lek ata që s’janë dakord me mendimin tënd, t’i quash të shkjaut, të grekut, të nemces e të firaunit a thua se ata s’janë nga populli yt. Mund të citosh njerëzit e mëdhej, të rrëfesh historira personale e të tregosh barcaleta me fjalë pise.

Rroftë anonimati!

Nuk mendoj se ka pasqyrë më të mrekullueshme ku mund të shohësh Shqipërinë e sotme ashtu siç është në të vërtetë, se sa në forumet tutje tëhu internetit. Një kakofoni e mjerueshme zërash. Njëri i bie gozhdës e tjetri patkoit. Një budalla hedh një gur në lumë e njëqind budallenj të tjerë turren ta nxjerrin, pastaj durojnë e durojnë ca të mënçur aty në breg dhe thërrasin: Po jo aty or budallej, ka rënë atje më tutje. Dhe turren edhe ata në lumë. Asnjë diskutim i hapur nuk përfundon me ndonjë racionale që do të vlente. Të gjitha hapërdahen në gërrmërre personale, krekosje të shëmtuara e poza kalorsiake. Dhe imagjino kur ato shpesh herë fshihen pas armurave të anonimatit.

Qëllimet e forumtarëve (dmth ata që ngrenë forumet) janë padyshim të larta e fisnike. Ka forume për politikën, dashurinë, artin, letërsinë, muzikën, shkencën. Dhe kjo është mirë. Por nuk shkon shumë dhe lukunia e forumxhijve (dmth ata që shkruajnë nëpër forume) i prish, shaktërron e i përdhos të gjitha. Sigurisht që ka forume më serioze ku shkruesit nuk fshihen pas nofkave dhe ku ata që shkruajnë dinë të shkruajnë e komunikojnë si njerëz normalë të kulturuar. Por edhe nga këto, mjaft degjenerojnë në një bjerrje mendimi polivalent apo në shporta karavidhesh. Diskutonte për shembull një forum që të ngrihen apo të mos ngrihen TEC-et në Vlorë. Shumë nga forumxhinjtë (kjo fjalë nuk përdoret me ngarkesë emocionale, por për kollajllëk), ambjentalistë apo mjedisorë të thekur, sillnin prova pse nuk duhen bërë ato në Vlorë.

Citoheshin personalitete, bashkëngjiteshin artikuj gazetash, shahej qeveria socialiste që e nisi këtë punë, shahej edhe ajo demokratja që nuk po e bitis siç duhej e më në fund doli dikush me një peticion për qeverinë që të ndalohet urgjent projekti. Kur fashitet diskutimi dhe merr e lexon të gjitha ç’janë shkruar për këtë temë (apo të tjera si kjo) vë re se ka fare pakë gjëra të dobishme. Një që s’kishte asnjë mendje në krye për këtë, e gjen veten me tre a katër të tilla në të katër anët e horizontit, një tjetër që qe i bindur në mendimin e tij, bindet edhe më shumë se ka të drejtë edhe kur e drejta është me vite larg nga mendimi i tij.

Në një forum, një nga forumxhinjtë me CV të lartë hedh një ide “gjeniale”: të modifikohen shkronjat e shqipes në mënyrë që ajo t’i përshtatet kohës së cyberspace. Pra të hiqen fillimisht “ë” dhe “ç” dhe më pas edhe ato dyshkronjëshet munduese dhe të zëvendësohen me të tjera më të lehta. Për shembull në vend të “ë“ vemë “ee” dhe në vend të “ç” vemë “sch”. Duke reduktuar shkronjat në 26, do të kemi kursime aq të mëdha sa që Shqipëria e gjorë do ta ketë fare kollaj të fluturojë jo në Evropë por edhe më tutje, në ndonjë planet tjetër.

Forumxhijve të tjerë që e dëgjojnë këtë, u ndodh si me ata të mënçurit e bregut të lumit që u tha më sipër. Durojnë e durojnë pastaj s’durojnë më e i turren lumit të nxjerrin gurin, nakatosur në baltë e në llucë me budallenjtë e tjerë. Sigurisht është detyrë e forumtarëve (apo moderatorëve siç u thonë) që t’u japin drejtim e mos lënë të degjenerohen temat. Në fund të fundit, ata duhet të jenë ekspertë të mirëfilltë të forumeve të tyre.

Nuk është e vështirë të zbulosh shpeshherë nëpër forumet tona krizën e identitetit, intolerancën dhe mbivlerësimin e vetes. Del açik prirja e jetës së sotme shqiptare: për të folur e folur shumë dhe për të bërë konkretisht pakë, pakë, pakë, sa pakë. Në këtë formë siç është, kultura e forumeve është kushërirë e parë me kulturën e thashethemnajës së kafeneve dhe të endjes bjerrakote të turmave tutje tëhu rrugëve. Jeta e njeriut është tepër e shkurtër për të harxhuar orët e ditët kësisoj.

Mjete të tilla të teknologjisë së informacionit e komunikimit janë avantazhe të jashtzakonshme të kohës e të brezave tanë. Le t’i përdorim ato me më shumë dobi e mend. Jo ta gjejmë veten brenda tyre se nuk kemi ç’të bëjmë tjetër me kohën tonë, por të futemi në to për të ndjerë të bukurën e racionalen e për t’i shërbyer me sa mundemi vendit tonë të vogël e pse jo, edhe botës sonë të madhe.

[Ryder]

ky autori duhet te kaloje shum kohe ne shpi.

[Pasiqe]

Nga Ylber Memia
Në një forum, një nga forumxhinjtë me CV të lartë hedh një ide “gjeniale”: të modifikohen shkronjat e shqipes në mënyrë që ajo t’i përshtatet kohës së cyberspace. Pra të hiqen fillimisht “ë” dhe “ç” dhe më pas edhe ato dyshkronjëshet munduese dhe të zëvendësohen me të tjera më të lehta. Për shembull në vend të “ë“ vemë “ee” dhe në vend të “ç” vemë “sch”. Duke reduktuar shkronjat në 26, do të kemi kursime aq të mëdha sa që Shqipëria e gjorë do ta ketë fare kollaj të fluturojë jo në Evropë por edhe më tutje, në ndonjë planet tjetër.

Ore e dini qe s'eshte ide e keqe? ë-ja dhe ç-ja vetem per te ngaterruar jane. Shume mire e paska pasur ky forumisti (Ylberi na e quan "forumxhi", po nuk ofron ndonje aresye se pse forumisti e paskesh gabim).

[dodoni]

Analize e mire por e ekzagjeruar pak. Jo te gjithe forumistet qe shkruajne neper forume jane anonim dhe ka shume tema neper forume qe me te vertete kontribuojne ne probleme te ndryshme tona kombetare. Poashtu, eshte shkembim i informacioneve kombetare te fushave te ndryshme, pastaj zgjerim i rretheve shoqerore tona, argetim etj. etj.

Per punen e sharjeve, ofendimeve e te tjera gjera si keto, i gjen jo vetem ne forume shqiptare por edhe ne ato amerikane e te te gjitheve. Normalisht qe njerez te tille duhet te largohen nga forumet (dhe kete gje e bejne si eshte me se miri moderatoret e forumeve) dhe te qetesojne trurin e tyre.

[shigjeta]

Analize vertet "e thelle" kjo me lart, po autori ka harruar disa gjera.
Problemet e shqiptareve nuk mund te zgjidhen neper forume, por supozohet qe ka nje qeveri dhe nje parlament qe duhet te merret me to. Forumet vetem japin nje mundesi me shume, ne kete rast shqiptareve, per te shprehur opinionet e tyre ne lidhje me tema te ndryshme. Keto mendime nuk eshte e thene te jene gjithmone profesionale, per te tilla ekzistojne organizata, shoqata, revista etj qe kane informacionet e tyre edhe ne internet. Autori harron qe jo te gjithe kane mundesi te jene afer vendit apo njerezve qe kane lene pas dhe forumet iu japin nje mundesi komunikimi me shqiptar te tjere neper bote. Ka harruar gjithashtu te beje nje krahasim midis forumeve shqiptare (akoma ne fillime) dhe atyre te huaja, ku si ne cdo komunitet real apo virtual ka nivele anetaresh dhe postimesh nga me te ndryshmet.

[Dito]

Forumet mund te jene cudiberes, por mund te jene edhe masakrues. Lexo Davius djali se cbehet me besimet fetare apo nacionalizmin pa fre, mendo se c'behet me politiken.
Forumet duhet ti takojne vetem shkences dhe letersise, mbase edhe ndienjes, por kurre politikes, besimit apo nacionalizmit sepse jane impulsuesit me te medhenj mbi ceshtjet qe kane vetem zjarr brenda tyre.


Dito.

[Brari]

davius..

kemi thene.. se cdo artikull nga mediat duhet shoqeruar me emrin e gazetes nga e ke marre.
une keshtu bej .. cdo here.

ky ylberi nuk merret vesh ku do me dale..
ato ndryshimet e germave sjan kerkuar neper forume por bashkim kopliku e ka ngritur ne gazet si problem..
ne GSH kishte shkruajtur sot ky tropojani memia i llojit lush perpal.. e shante berishen.. si te "rrezikshem..
nje dite kish nxjerre shpaten te mbroje kadarene se mos e ha ujku..

zakonisht ky lloj tipi eshte nga ata qe i kurdis erion bracja..

ja do ja shohim pallavrat dhe ketij gjat kohes..

[Fiori]

Në forumet shqiptare shkruajnë e bisedojnë gjithë shqiptaret. Bisedojnë ata me tre kater shkolla dhe diplloma, bisedojnë dhe rrugaçët, bisedojnë shqiptarë të lindur në Shkodër, e ata të lindur në Korçë, shqiptarë të lindur në US e shqiptarë të lindur në Kinë.

Pra forumet e kanë kryer me kohë misionin e tyre fillestar. Jam kurioze të di çfarë misioni ka kryer në jetë Znj. Memia, që fatkeqsisht përfaqson shtypin shqiptar?!

Do kisha dëshirë të bisedoja sy në sy me Znj. Memia jo vetëm për ti hapur pak horizontin në lidhje me nivelin e shqiptarëve forumistë por ndoshta dhe për ti shpjeguar dy tre funksione elementare të tastjerës së kompjuterit. Ndoshta vetëm atëherë do e kuptonte Znj. Memia se injoranca e disave si puna e vet, nuk mund të jetë kursesi faji i të gjithë atyre që kanë nderin të flasin të njëjtën gjuhë.

[ATMAN]

mendoj se nuk mund te futen te gjithe forumet shqiptare me nje thes , duke qene se jam i rregjistruar ne disa forume shqiptare shikoj se ka forume qe jane koti fare qe nuk ja vlen te japesh dhe te marresh mendime dhe te harxhosh kohen ,dhe nga sa kam pare vete ka forume te tjera serioze ku ja vlen te diskutosh problemet e verteta te shoqerise

p.sh forumi shqiptar eshte shume serioz,po ashtu eshte edhe albforumi,nje tjeter forum serioz eshte edhe diskutime.com,etj

ka edhe forume qe jane negative ,po nuk dua ti tregoj ketu sepse cdo person duhet te nxjerri konkluzionin e tij ,duke u bazuar ne kendveshtrimin e vet

[engerti]

Ne fakt ka te drejte Davius. Shiko se cfare i ndodhi nje anetari pas nje eksperience ne forum.

Kliko