Barcelona kualifikohet!

[KOKASHTA]

Besoj se do jete nje ndeshje sh. e veshtire per BARCEN sepse skuadrat PORTUGEZE luajne nje loje brazilianesh { Spektakel dhe gola } ...

Nqf se barca nuk shenon qe pjesen e pare benfika kualifikohet !

[Julius]

A mer Davius dhe ti Tockashta, Barca eshte favorite per kete ndeshje. Tani nqs doni qe te mos fitoje tjeter muhabet. Si skuader eshte me e mire, avantazhin e fushes e ka, futboll fantastik loz. Mos e lodhni shume kete muhabet.

[Davius]

O Julius, cka me mua or yahoo...

Une nuk jam anti-barca, sic je ti anti-real, ( ), por une mundohem te flas ate qe me duket se do te ndodh ose me sakte po ndodhen....

[KOKASHTA]

O iuliuspalla, ore cdo skuader e madhe eshte favorite dhe luan futboll te bukur por s`eshte e thene qe te fitoje barca patjeter .

E mban mend tani 2 vjet kur fitoi porto? Ku ishin ato skuadrat e favorshme dhe qe luajne futboll te bukur?

Nejse mo sheqyr arritet dhe ju te merrni veten se spara dukeshit kishit vite ne champions legue. Edhe nje here qe vajtet deri ne gjysem ua mori shpirtin JUVENTUS 2-1 ne camp nou

Pershendetje !

[ClaY_MorE]

Barça-Benfika, nevojë për gola!

Barcelona ka besim se do të lërë pas ndeshjet e fundit, ku nuk ka arritur të gjejë dot shumë herë rrugën e rrjetës, dhe të rikthehet te forma e zakonshme e këtij sezoni, në ndeshjen ndaj Benfikës, e vlefshme për çerekfinalet e Ligës së Kampioneve. Në ndeshjen e parë, katalanasit barazuan me rezultatin 0-0, ndërkohë që në ndeshjen e kthimit, e cila do të zhvillohet në "Kamp Nou", kërkojnë të jenë sa më rezultativë në sulm. "Ne kemi shënuar vetëm një gol në ndeshjet me Realin dhe me Benfikën, dhe kjo nuk është një statistikë e mirë për ne. Gjithsesi, e rëndësishmja është që kemi arritur të krijojmë shumë raste dhe tani duhet thjesht që në ndeshjet e ardhshme të jemi sa më rezultativë, - tha Xhovani van Bronkhorst. - Ne nuk jemi të shqetësuar në këtë aspekt, pasi kemi besim të plotë në aftësitë e sulmuesve si Samuel Eto dhe Henrik Larson. Ne thjesht duhet të kemi pak më shumë fat. Synimi ynë është suksesi në Ligën e Kampioneve dhe për të arritur një gjë të tillë, duhet t'i mundim kundërshtarët me radhë. Për momentin duhet të fitojmë në fushën tonë ndaj Benfikës," - shtoi ai. Trajneri i Barçës, Frenk Rajkard, deklaroi se problemi që ka pasur sulmi në dy ndeshjet e fundit, mund të zgjidhet në ndeshjen e kthimit ndaj skuadrës portugeze. "Nëse nuk arritëm të shënonim gol në dy ndeshjet e fundit, nuk do të thotë se do të vazhdojmë kështu. Në fakt, futbollistëve u është shtuar oreksi për të bërë sa më shumë gola. Kjo është diçka pozitive," - tha ai. Futbollisti argjentinas, Lionel Mesi, u rikthye në stërvitje ditën e hënë, pas një dëmtimi që e la jashtë fushave për një muaj, gjithsesi nuk pritet të luajë. Ndërkohë, sulmuesi kamerunas, Samuel Eto, ka marrë trajtim të veçantë gjatë këtyre ditëve, për shkak të një tërheqjeje muskulare, dhe do të luajë që nga minuta e parë. Vëmendja e trajnerit Rajkard është përqendruar te reparti i mbrojtjes, ku ka edhe mungesat më të rëndësishme. Meksikani Rafael Markez dhe brazilianët Edmilson e Silvinjo janë të dëmtuar, ndërsa mesfushori Tiago Mota, i cili gjithashtu mund të luajë si mbrojtës, ka pësuar një tërheqje muskulare dhe është në dyshim. Gjithsesi, kapiteni Karles Pujol do të jetë i gatshëm dhe mund të jetë në qendër të mbrojtjes së bashku me Oleguerin. Si Rajkardi, edhe trajneri i Benfikës, Ronald Kuman, do të përballet me disa mungesa. Sulmuesi Nuno Gomesh dhe mbrojtësit Nelson e Alsides janë të dëmtuar dhe nuk do të jenë të gatshëm. Kumani pritet të përdorë sërish një taktikë mbrojtëse, e cila bazohet te kundërsulmet e shpejta, duke u nisur nga aftësitë e Fabricio Mikolit dhe Xhovanit. "Ne kemi sulmues që janë të aftë të shënojnë në "Kamp Nou". Është përballje shumë e vështirë, por kemi shanse që të marrim një biletë për në gjysmëfinale," - tha Fabricio Mikoli. Edhe trajneri Kuman ka besim te forca e ekipit. "Ne do të shkojmë atje me synimin për të siguruar një rezultat që na nevojitet dhe do të luftojmë deri në minutën e fundit. Gjithçka është e mundur," - tha ai.


(20:45) Barcelona-Benfika (0-0)

Formacioni i mundshëm:

Barcelona: 1 Valdes, 2 Beletti, 23 Oleguer, 5 Pujol, 12 Van Bronkhorst, 17 Van Bomel, 24 Iniesta, 20 Deko, 10 Ronaldinjo, 7 Larson, 9 Eto. Tr: F.Rajkard

Benfika: 31 Moreto, 33 Rosha, 4 Luizao, 3 Anderson, 5 Leo, 16 Beto, 6 Petit, 14 Fernandes, 20 Simao, 11 Xhovani, 30 Mikoli. Tr: R.Kuman

Gjyqtar: L.Mishel (Sllovaki)


Shifra dhe fakte:

Barcelona - Benfika
Ndeshje të luajtura: 4
Fitore:
Barcelona 1
Benfika 1
Barazime: 2

31.05.62 Benfika-Barcelona 3-2
11.12.91 Benfika-Barcelona 0-0
15.04.92 Barcelona-Benfika 2-1
28.03.06 Benfika-Barcelona 0-0

- Barcelona nuk ka pësuar asnjë humbje në 12 ndeshjet që ka luajtur në fushën e vet, gjatë tri sezoneve të fundit në kompeticionet europiane.
- Barcelona nuk ka pësuar asnjë humbje në ndeshjet e Ligës së Kampioneve këtë vit, ku ka fituar gjashtë dhe ka barazuar tri prej nëntë ndeshjeve të luajtura, ndërkohë që ka shënuar 19 gola dhe ka pësuar katër.

- Fitorja 2-0 e Benfikës në fushën e Liverpulit gjatë raundit të kaluar, ishte e para në 11 ndeshjet e luajtura jashtë fushe.
- Benfika e ka arritur pesë herë finalen e Ligës së Kampioneve, gjatë 15 paraqitjeve të arritura në çerekfinalet e kompeticionit.


Gjendja disiplinore:

Barcelona
Të skualifikuar: Asnjë
Skualifikohen në rast kartoni: Deko, Rafael Markez, Oleguer dhe Mark van Bomel

Benfika
Të skualifikuar: Nuno Asis
Skualifikohet në rast kartoni: Beto

[ClaY_MorE]

Rajkard: Duhet të jemi "të zgjuar"!

Trajneri i Barcelonës, Frenk Rajkard, ka besim se futbollistët e tij do të përdorin edhe mendjen, përveç këmbëve, në fushën e lojës. Barcelona, e cila është një skuadër me sulmin më rezultativ në Europë, nuk është treguar e tillë në dy ndeshjet e fundit, ku ka shënuar vetëm një gol. Rajkardi nuk do të ketë në dispozicion argjentinasin Lionel Mesi, për sa i përket sulmit, por ai mund t'u besojë futbollistëve të klasit botëror si Ronaldinjo, Samuel Eto, Henrik Larson, Ludovik Zhuli dhe Deko. Në përballjen e parë me Benfikën, katalanasit nuk arritën të shënojnë gol, edhe pse krijuan shumë raste. "Benfika është një ekip që tregohet tepër i kujdesshëm në mbrojtje dhe është i vështirë për t'u kaluar. Mendoj se duhet përdorur mendja më shumë se këmbët. Kam shumë besim te futbollistët e mi dhe jam i sigurt që ata do të arrijnë të shënojnë disa herë," - tha Rajkardi. Skuadra spanjolle duhet të ketë më shumë kujdes në mbrojtje, pasi kundërsulmi i kundërshtarit është me të vërtetë i rrezikshëm. "Ata dinë se si të sulmojnë dhe dinë si të shënojnë gol. Mendoj se duhet të jemi tepër të përqendruar dhe të mos bëjmë gabime, pasi mund të rezultojnë fatale. Pas ndeshjes së parë u thashë futbollistëve të mi se gjithçka është shumë në rregull dhe se në fushën tonë do të fitojmë. Ata kanë besim tek aftësitë e tyre dhe do të jenë tepër të motivuar në fushën e lojës. Por e di gjithashtu që ata nuk do ta nënvlerësojnë kundërshtarin. Benfika ka eliminuar skuadra të mëdha më parë dhe do të vijë në "Kamp Nou" me synimin për të arritur një rezultat pozitiv, i cili i siguron një biletë për në raundin tjetër. Dua t'ia bëj të qartë se nuk do ta ketë aspak të lehtë dhe se ne jemi favoritë," - tha holandezi.


Deko: S'jam i shqetësuar

Mesfushori portugez i Barcelonës, Deko, është shprehur tepër optimist para përballjes kundër skuadrës së vendit të tij. "Ne kemi shumë besim tek aftësitë tona dhe jemi të motivuar. Nuk kemi pse të shqetësohemi për ndonjë gjë, edhe pse duhet të kemi kujdes në fushën e lojës. Kam besim se do të fitojmë dhe do të kualifikohemi," - tha ai.


Kumani "mohon" miqësinë me Rajkardin

Benfika dhe Barcelona do të përballen për herë të dytë së bashku në çerekfinalet e Ligës së Kampioneve këtë vit. Portugezët kanë arritur të fitojnë titullin kampion vitin e kaluar, ashtu siç bëri edhe Barcelona në Spanjë. Trajnerët respektivë, Ronald Kuman dhe Frenk Rajkard, kanë luajtur së bashku me kombëtaren e Holandës gjatë kohës që kanë qenë futbollistë, por trajneri i skuadrës portugeze ka deklaruar se kjo nuk do të thotë asgjë. "Unë kam luajtur te Barcelona si futbollist dhe kam fituar Ligën e Kampioneve me atë skuadër, madje kam luajtur shumë herë edhe me Frenk Rajkardin për kombëtaren e Holandës. Por mendoj se kjo gjë nuk ka të bëjë fare. Ne jemi dy persona të ndryshëm dhe kemi karaktere të ndryshme. Secili ka mendimet e veta për futbollin dhe nuk ka pse marrëdhënia jonë shoqërore të ketë të bëjë me ndeshjen," - tha ai. Ndërkohë, për sa i përket sulmuesit Nuno Gomesh, i cili do të mungojë për shkak të dëmtimit, Kumani shtoi: "Ai është një futbollist shumë i mirë dhe do të jetë një mungesë e rëndësishme për ne. Nuno Gomesh është tepër rezultativ dhe do të duhej shumë në përballjen me një skuadër si Barcelona. Gjithsesi kam besim edhe te futbollistët që kam në dispozicion dhe do të kërkojmë kualifikimin ndaj katalanasve."

[ClaY_MorE]

Ja edhe nje mendim persa i perket kesaj ndeshje.

Shume e mendojne se Barcelona do ta kete te lehte, por ne ndeshjen e pare nuk doli sic parashikohej.

Nejse edhe une mendoj se Barcelona do te kualifikohet.

[KOKASHTA]

Ore te gjith ashtu mendojne ...Por nuk i dihet, se dhe benfika nuk eshte skuader qe duhet nenvleresuar per te vetmin fakt sepse portugezet luajne futboll brazilian { te shpejte dhe spektakel } ...Keshtu qe cdo gje mund te pritet .

Shnet e pare !

[km92]

Forza Barcelona

[Shpirt Njeriu]

Une mendoi se Barcelona do te shenoi 2 gola sonte,por sic kane thene dhe parafolsit lojes nuk i dihet.

psu te milanit mos u beni shume ne qef sepse lyon lozi mire,por ishte pa fat,u rrofte ai portjer juve te milanit qe s`din te godase topin do te mbese e forta e tij ne champions league

Shpirt Njeriu