Arsenal kualifikohet!

[Shpirt Njeriu]

Henry ka lozur per Juventus shtate muaj para se te vij tek Arsenali,por perseri ne nje interviste qe dha mbreme ne televizor mendonte se do jete e veshtire.
PS:Ketu ne Angli sa mezi po e presin sepse eshte e vetmja skuadre Angleze ne keto momente `THE ONLY ONE ENGLISH TEAM LEFT`.

Fundi shikohet neser

Shpirt Njeriu

[bavarezi5]

Mjafton se ky neser nuk do rrij pa shenu nje GooL

Edhe me nuk shenu nuk eshte me rendesi per Arsenalin se ka avantash te madh 2:0,edhe me 1:0 me humb kualifikohet.

[ClaY_MorE]

Juvja kërkon "mrekullinë" pa Del Pieron

Juventusi, kampion Italie, do të shpresojë te rikthimi i mesfushorit Pavel Nedved për të përmbysur humbjen e pësuar në ndeshjen e parë ndaj Arsenalit. Çeku mungoi për shkak të skualifikimit në ndeshjen e "Hajbërit", ku bardhezinjtë pas humbjes 2-0 kompromentuan seriozisht mundësinë për të luajtur në gjysmëfinale. "Juventusi është një skuadër që është mësuar të luftojë deri në minutën e fundit dhe këtë do të bëjmë edhe ndaj Arsenalit. Do të jetë e vështirë, por përderisa në futboll gjithçka është e mundur, ne do të luajmë kartat tona, - tha Nedvedi. - Sigurisht, Arsenali është më i sigurt pas ndeshjes së parë. Unë nuk mund të them se do të kualifikohemi apo jo, por jam i bindur se skuadra do të japë aq sa ka në mundësitë e saj." Pavarësisht nga rikthimi i Nedvedit, trajneri i Juventusit, Fabio Kapelo, nuk do ketë mundësinë të fusë në fushë formacionin më të mirë. Patrik Vieira dhe Mauro Xherman Kamoranezi do të jenë të skualifikuar, ndërsa sulmuesi Alesando Del Piero nuk do të jetë i gatshëm, pas dëmtimit të pësuar tri javë më parë. "Pinturikio" do ta ndjekë ndeshjen nga tribuna, pasi mjekët nuk kanë dhënë garancitë e duhura. Kësisoj, dyshja titullare e sulmit do të jetë Ibrahimoviç-Trezege. Xhanikeda dhe Kielini do të jetë dy të reja të tjera në krahasim me ndeshjen e parë. Nga ana tjetër, trajneri i Arsenalit, Arsen Venger, u qetësua teksa mësoi se Frabregas dhe Eboue do të ishin të gatshëm për transferën torineze. Mesfushori spanjoll dhe mbrojtësi nga Bregu i Fildishtë u dëmtuan gjatë fitores 5-0 që Arsenali arriti në fundjavë ndaj Aston Vilës. Gjithsesi, mundësitë që këta futbollistë të jetë titullarë në "Dele Alpi", janë shtuar ndjeshëm orët e fundit. Rikthim i rëndësishëm për "Topçinjtë" është edhe ai i Frederik Ljunbergut. Suedezi ka të ngjarë të luajë nga minuta e parë në një mesfushë me pesë futbollistë, e gjitha në mbështetje të sulmuesit të vetëm, Tierri Henri. Kapiteni nga Franca rikthehet në stadiumin ku luajti vetëm gjashtë muaj para se të kalonte në Londër. Vengeri do të vendosë vetëm në orët e fundit të lidhje me aktivizimin e Sol Kembëllit. Mbrojtësi i kombëtares angleze nuk luan që prej një muaji, por kohët e fundit është grumbulluar rregullisht. Eksperienca e tij mund të jetë shumë e nevojshme për Arsenalin, që synon të arrijë për herë të parë në historinë e tij në gjysmëfinalet e Ligës së Kampioneve. "Jemi në formë. Jemi një skuadër ku ndërthuren kampionët me eksperiencë me talentet e reja," - tha biellorusi Aleksandër Hleb, i cili është në balotazh për një vend titullari me spanjollin Hoze Antonio Rejes. Ky i fundit u shpreh: "Kemi bërë një punë të mirë në "Hajbëri" dhe tani duhet ta përfundojmë atë në Torino. Një gol i yni do të ishte vendimtar për fatet e kualifikimit. Kësisoj nuk do të mendojmë vetëm për mbrojtjen. Diçka e tillë nuk bën pjesë në stilin tonë.

Juventus - Arsenal (0-2) (20:45)

Formacionet e mundshme:

Juventus: 1 Bufon, 19 Zambrota, 21-Turam, 28 Kanavaro, 3 Kielini,
18 Mutu, 23 Xhanikeda, 8 Emerson, 11 Nedved, 9 Ibrahimoviç, 17 Trezege. Tr: F.Kapelo

Arsenal: 1 Lehman, 27 Eboue (36 Djourou), 28 Ture, 20 Senderos (Kembëll), 16 Flamini, 7 Pires, 15 Fabregas, 19 Gilberto, 8-Ljunberg, 9 Rejes (14-Hleb), 14 Henri. Tr: A.Venger

Gjyqtar: H.Fandel (Gjermani)

Shifra dhe fakte:

Juventus - Arsenal
Ndeshje të luajtura: 5
Fitore Arsenal: 3
Barazime: 1
Fitore Juventus: 1

09.04.80 Arsenal - Juventus 1-1
23.04.80 Juventus - Arsenal 0-1
04.12.01 Arsenal - Juventus 3-1
20.03.02 Juventus - Arsenal 1-0
28.03.06 Arsenal - Juventus 2-0

- Në dy sezonet e fundit të Championsit, Juventusi ka fituar nëntë nga tetë ndeshjet e luajtura në Torino, duke pësuar vetëm dy gola.
- Juventusi ka arritur dhjetë herë në gjysmëfinalet e Ligës së Kampioneve, nga 13 pjesëmarrje në çerekfinale.

- Arsenali i ka fituar të katër ndeshjet jashtë fushe që ka luajtur në këtë edicion të Ligës së Kampioneve.
- Arsenali nuk ka pësuar gol në shtatë ndeshjet e fundit të luajtura në Ligën e Kampioneve. Goli i fundit që "Topçinjtë" kanë pësuar në këtë veprimtari, ka qenë ai i Markus Rosenbergut më 27 shtator, në ndeshjen Ajaks-Arsenal 1-2.

Gjendja disiplinore:

Juventusi
Të shkualifikuar: Kamoranezi, Viera, Zebina
Skualifikohen në rast kartoni: Kovaç, Turam, Trezege

Arsenal
Të skualifikuar: asnjë
Skualifikohen në rast kartoni: Rejes, Ture

[ClaY_MorE]

Kapelo: Mund të bëjmë "të jashtëzakonshmen"

Pavarësisht nga mungesat e Alesando Del Pieros, Patrik Vierirasë dhe Mauro Xherman Kamoranezit, Fabio Kapelo ka besim se skuadra e tij mund ta përmbysë humbjen e pësuar një javë më parë në Londër ndaj Arsenalit. "Nuk ankohem për mungesat. Mendoj se me futbollistët që kam në dispozicion, mund të arrij një rezultat pozitiv. Ndonjëherë mrekullitë ndodhin, - tha trajneri i "Zonjës së vjetër". - Jemi të bindur që mund të bëjmë diçka të jashtëzakonshme. Mund të ndodhë gjithçka dhe do të provojmë që nga minuta e parë me bindjen se jemi të fortë aq sa duhet për të realizuar këtë përmbysje. Unë besoj te "mrekullitë"." Më pas, ish-trajneri i Milanit, Realit të Madridit dhe Romës "përjeton" humbjen 2-0 të pësuar në Angli: "Duhet një Juve ndryshe nga ajo e "Hajbërit". Edhe pse në pjesën e parë nuk pati shumë diferencë ndërmjet skuadrave. Ndryshe nga takimi i parë, tani nuk duhet të gabojmë asgjë. Kjo, pasi gabimi më i vogël do të na nxirrte jashtë Championsit, veprimtarisë më të lakmuar." Për t'u kualifikuar, Juventusi duhet të shënojë tre gola, pa pësuar asnjë, por mund të mjaftojnë edhe dy për ta çuar ndeshjen me shtesë apo me penallti. "Nëse ndeshja do të zgjidhet me 11-metërsha, atëherë do të thotë se kemi bërë diçka të rëndësishme. Por nuk do të kishte sens në rast se do të eliminoheshim. Duhet të synojmë vetëm rezultatin 3-0. Më pas, nëse Arsenali shënon, do të na duhet të bëjmë më shumë se një mrekulli." Në fund, trajneri italian u shpreh: "Rikthehet Nedvedi dhe ai është një futbollist shumë i rëndësishëm për ne. Ka gjithçka që duhet për të vendosur një ndeshje të madhe. Eshtë një futbollist që e rrit ritmin e lojës dhe ndaj Arsenalit do të na duhet të luajmë me 100 km/h."



Venger: Edhe 90 minuta sakrificë!

Trajneri i Arsenalit, Arsen Venger, ka bërë të ditur se secili nga futbollistët e tij është i vetëdijshëm për sfidën e madhe që "Topçinjtë" kanë sot ndaj Juventusit. Arsenali fitoi në ndeshjen e parë të zhvilluar në "Hajbëri" me rezultatin 2-0 dhe sot në Torino do të synojë të arrijë për herë të parë në çerekfinalet e Ligës së Kampioneve. "Futbollistët e mi janë inteligjentë, - deklaroi Vengeri. - Ata e dinë se duhet të tregohemi të zgjuar në Torino. Duhet të jemi të përqendruar, të kujdesshëm në mbrojtje dhe të ndihmojmë njëri-tjetrin." Trajneri francez shtoi më parë: "Ne duhet të sulmojmë dhe të përpiqemi ta fitojmë ndeshjen. Do të ishte një gabim trashanik nëse do të mendonim vetëm për mbrojtjen." Vengeri do të vendosë vetëm në minutën e fundit në lidhje me aktivizimet e Fabregasit dhe Eboues. Të dy këta futbollistë u dëmtuan në fitoren që Arsenali arriti në fundjavë me rezultatin 5-0 ndaj Aston Vilës, por gjithsesi kanë udhëtuar me skuadrën për në Itali. Veteranët Sol Kembëll dhe Frederik Ljunberg janë dy futbollistë të tjerë, te të cilët mund të bazohet Vengeri. "Rezultati i ndeshjes së parë na jep mundësitë të bëjmë ndeshjen tonë, - vazhdoi trajneri që drejton prej nëntë vitesh Arsenalin, - por Championsi është një veprimtari e vështirë dhe e mbushur me të papritura. Futbollistët i pret një tjetër 90-minutësh, në të cilën duhet të sakrifikojnë gjithçka." Ndërkohë, në lidhje me takimin e sotëm dha mendimin e tij edhe Tierri Henri. Kapiteni tha: "Në futboll mund të ndodhë gjithçka dhe Juventusi do të jetë ndryshe nga ai që pamë në Londër. Në këto kushte do të na duhet të bëjmë një tjetër ndeshje shembullore. Eshtë takimi më i rëndësishëm i të gjithë sezonit tonë."

[ClaY_MorE]

Atehere po jam mendimin tim personal persa i perket kesaj ndeshje.

Arsenal mendoj se edhe sot do te fitoje pa problem pasi ne rradhet e juves ka shume mungesa. Edhe ne sondazh kam votuar per Arsenal pasi e kam paska si inat juven.


Forca Arsenal.

[anaksimenus]

s'ka shonc juvja me rraf arsenalin me me shum se dy gola diferenc.
Ka munci juvja mos t'fitoj as neshjen jo mo t'kualifikohet.
gjithsesi ne fund fiton MILANI

[Juventus]

Juve me interin e paten per kete vite ne Champ.lig. dhe ska aspak gjasa qe juve te jete ne 1/2 finales, se eshte rezervuar atje vendi (Arsenal-Vilareal)...
Shendosh vitin e ardhshem...

[KOKASHTA]

Sa keq qe nuk do luka Del Piero ... Degjova ca lajme qe do ishte i gatshem te pakten per 1 pjese po aha sja paska dale .

V.K Edhe pa te ecen JUVE

[cunimartum]

Sot shpresoj te shof futboll per se mbari.
Them se Arsenali ka per ta mbyllur ne mbrojtje Juventusin e jo anasjelltas

[Davius]

Keto Xhuventinat ende po enderrokan se mund te dalin ne gjysem finale... e hajt hajd bela hajt...ncncncn.... c'na ka gjet me keto lol