Gjimnazi “Qemal Stafa” noton mbi ujrat e zeza
Shkolla e Mesme e Përgjithshme “Qemal Stafa” noton mbi ujrat e zeza dhe gjendet në orët e rrezikut të epidemisë. Pikërisht gjimnazi i njohur me traditë 80-vjeccare që nuk ka pësuar asgjë nga luftrat dhe tërmetet, tani përjeton ditët e zymta të indiferencës shtetërore, ku ccdo ditë mund të shfaqet ndonjë sëmundje e rrezikshme për gjimnazistët. Për këtë janë shumë të shqetësuar edhe prindërit e 1500 nxënësve të cilët me të drejtë kërkojnë nga organizmat përkatëse rregullimin e situatës.Alarmin e kanë dhënë dje, drejtuesit e gjimnazit të njohur të kryeqytetit të cilët kanë disa ditë që i kanë nisur disa shkresa urgjente organeve përkatëse për të ndërhyrë, që të mundësohet zhvillimi normal i mësimit në këtë shkollë.Në këtë letër thuhet: Drejtoria e shkollës “Qemal Stafa” ju lutet të ndërhyni për një problem emergjent që s’ka gjetur zgjidhje prej kohësh. Sepse shkolla jonë me tradita të vjetra në arsimin shqiptar, e cila ndodhet në qendër të Tiranës, po vazhdon të notojë mbi ujërat e zeza. Problemi rëndohet ccdo ditë e më shumë sepse lagështira e tepërt ka depërtuar në themelet e anës veriore të kësaj godine duke i dëmtuar ato”. Më tej drejtori Jovan Kristaqi shkruan se “si rezultat i kësaj, ka ccarje muresh në mënyrë të frikshme dhe devijim të planit të dyshemesë së katit të parë”. Sipas tij, shkaqet kanë të bëjnë me bllokimet e kanaleve, të kolektorëve ose problemeve të tjera teknike, por në rradhë të parë shkaku kryesor është indiferenca totale e institucioneve që merren me këtë punë. Sipas drejtorit, në këtë shkollë mësojnë mbi 1500 nxënës dhe kjo indiferencë e strukturave përgjegjëse është e pafalshme. Përvecc kësaj letre të dytë, drejtori vë në dukje se ka shkruar edhe para dhjetë ditëve një letër në adresë të strukturave përgjegjëse, por gjendja nuk ka ndryshuar akoma. “Askush nuk ka ardhur dhe ende nuk është bërë akoma asgjë”, ka nënvizuar drejtori. Me këtë rast ai bëri një apel publik duke kërkuar zgjidhje të menjëhershme të problemit, ngaqë situata nuk mund të tolerohet më. “Nëse nuk do të veproni menjëherë, ju paralajmëroj se ndryshe ju do të mbani përgjegjësi të plotë për ndonjë rast të jashtëzakonshëm që mund të ndodhë”, ka theksuar ai.
Sot.
Krijoni Kontakt