Bujar Qamili

[hajla]

Syni synin dashuronte

Ti me zemrën time
Jo moj vajzë mos luaj
Sonte ne kët dasëm
Më buzeqesh,më bën të vuaj

Zani im , shpirti
Vashë ty ta gëzonte
Kur këndoja kangën
Syni synin dashuronte

Falmi vashë dy sytë e tu
Zoti vet ti paska shkru
Amanet ty ta ka lanë
Tjeter kujt mos me ia dhanë

Se moj zemër unë e di
Kena lind veç për dashni
Dashninë zoti na e ka fal
Me u dasht sa te jena gjallë

Që nga ajo ditë
Vitet kan kaluar
Vetëm se ate mbrëmjen
Kurr skam me harruar

Edhe nëpër botë
Kudo ku kam shkuar
Ate këngën tane
me gjith shpirt e kam këduar.


Je e vogel rrumbullak


E kam nje merak o mi goce
Si tia bej se di
Me trego moj goce e vogel
Se ku rrin me shpi

S'ta tregoj une ty mor cuno
Se nuk ka lezet
Po e deshe shpin mor cuno
Hajde gjeje vet

Ti mos u merzit o moj goce
Shpin kam për ta gjet
E po sta gjeta shpin o mi goce
Do t'ma tregosh vet

Se ku rri me shpi mor cuno
Po deshe me e ditë
Unë e kam tek kafja e madhe
Ku kalon përditë

Oh cke moj goce
Qe po rrin ke shpija
Kam hallet e mija cuno
Se më ka zan dashnija

Je e vogel rrumbullak
Se me ty kam zan marak
Hajde hajde marshalla
Se me ty kam zan sevda
Je e vogel rrumbullak
Se me ty kam zan merak

Hajde goce marshalla
Djal me ty kam ra n'evda

O cke mre cuno
Qe po m'vjen vërdalle
O nuk të lë rehat moj goce
Deri sa te jem gjallë

Je e vogel rrumbullak
Se me ty kam zan marak
Hajde hajde marshalla
Se me ty kam zan sevda
Je e vogel rrumbullak
Se me ty kam zan merak

Hajde hajde goce marshalla
Djal me ty kam ra n'sevda



Ç'po kendon bilbili


Ç'po këndon bilbili moj
O në degë të manit
Ai këndon per mue moj
S'do tia dij asnjanit

Kno bilbil ti fushave
Bashkë me këngën e vashave
Që këndojnë lëndinave
Pranë trëndelinave

Ç'po këndon bilbili moj
O në degë të mollës
Ai këndon për mue moj
S'do tia dij asnjanës

Kno bilbil ti fushave
Bashkë me këngën e vashave
Që këndojnë lëndinave
Pranë trëndelinave

Faleminderit Gjalica, per pjesmarrje ne shoqeri... me andje e ndegjoja kte kengen e Bilbilit! po sikur te ndegjoja dhe "Zerin e Bilbilit"? qe zoti e ka krijuar te vetmin ze te tij,
* *
sa i embel sa i ndjenje,
mu ne zemer seq me there!
vall, a do te del dhe ndoiher pranvera?
t'kendon bilbili si-perhera
nga ta ndegjoja, ne dhena tjera...?!

hajla!

[Gjallica]

Bujari dhe Artiola duet

Ty mor djal s'të dua

Bujari

Unë të pres ty cdo mëngjes
Dhe s'të them ty asnjë fjalë
Unë e ndjej shikimin tand
Po at zemër pse sma fal?

Si një hije ty të ndjek
Gjithandej kudo që shkon
Zemra jeme fort troket
Po ti zemrën sma degjon

Artiola

Je i mire e për merak
Ma ndal zemra kur t'shikoj
Prit të rritem edhe pak
Se kam frikë se mos gaboj

Bujari & Artiola

Ty moj vajzë unë shumë të dua
Ki kujdes se bën zarar
Mati fjalët që mi thua
Se marr flakë e digjem zjarr

Bujari

Unë të pres ty cdo mëngjes
Dhe s'të them ty asnjë fjalë
Unë e ndjej shikimin tand
Po at zemër pse sma fal?

Si një hije ty të ndjek
Gjithandej kudo që shkon
Zemra jeme fort troket
Po ti zemrën sma degjon

Artiola

C'ke mer cun që vje ksaj ane
100 herë unë ta kam thanë
Ti e ke djal nji shkodrane
Që e don tjetra ne Tironë

Bujari

Vajza të bukura, ka shkodrane
Dhe dashni, për zemër kanë
Besa drejt du me ta thanë
M'ka met menja në Tiranë.

Bujari & Artiola

Ty moj vajzë unë shumë të dua
Ki kujdes se bën zarar
Mati fjalët që mi thua
Se marr flakë e digjem zjarr

[unforgiven II]

A e din kush si e ka titullin ajo kenga "Kur kalon ti rruges sime si lule zambak, ndalu pak e hishma synin se kam zan marak.." edhe a e din kush se mund ta baj download?

Flm

[hajla]

Pranvera kaloi bylbyl
Pranvera kaloi,
Plaget sna i sheroi bylbyl
Plaget s'na sheroi,
Dola ne dritare bylbyl
Erdhi i za bylbyly,
A'thua mos je ti? bylbyl
A po kendon bylbyly
Shum mu duken gjat keta muaj te dimri
Do ti shkruaj bylbyl
O ne pol qylymi
Shum mu duken gjat' keta muaj te veres
Do ti shkruaj bylbyl
O ne qosh te deres !

[hajla]

1) Nga zjarret e mija
Nese mund te rro, rro nga dashunia
Ndize veten qiri, qiri me ni emer
Jepi jetes drit, jepi lules emer...

Oh, kenga ime mos u digj e kote
Merre udhen nisu, nisu neper bote...(dy here)

2) Nese te doli para ndoj shtegtar
Ndoj shpres e ik, ik te un met pa
Nese u dogje per atdhe nga mallengjimi
Fluturo dhe eja, eja nga mergimi...

Oh, kenga ime mos u digj e kote
Merre udhen nisu,nisu neper bote...(dy here)

3) Kullave dugagjinit
Kullave te gurit jepi zemer shqipes
Shqipes e Flamurit
se ne kosov dhe njerzit tash, jan ne drit
lutu per Kosov, lutju Perendise...

Qh,kenga ime mos u digj e kote
Merre udhen nisu, nisu neper bote...(dy here)

[Davius]

Bujar Qamili: “Zëri” dhe “zemra” e këngëtarëve, nuk e kanë braktisur Shkodrën

Gjithmonë i respektueshëm dhe i thjeshtë, këngëtari i madh i muzikës popullore shkodrane dhe shqiptare Bujar Qamili, tregon jo vetëm fillimet dhe njerëzit me të cilët ka bashkëpunuar, por edhe sukseset dhe mendimet e tij për këngën popullore. Bujari është i gëzuar edhe për djalin e tij, i cili është një profesor i shkollës muzikës në Shkodër dhe kritikon momentin jo të mirë të mungesës së kompozimit të këngëve të reja popullore shkodrane. Bujari deklaron se “këngëtari duhet të këndojë këngë nga çdo trevë e Shqipërisë”.

Pyetjes së parë mbi fillimet e tij në këngë dhe botën e artit, Bujari i përgjigjet me shumë emocion dhe respekt për të kaluarën. Ai thotë se: “Unë me të vërtetë sot mund të kem arritur shumë, por unë nuk harroj kurrë që ti hedhë sytë edhe nga e kaluara. Unë kam qenë rreth 14-15 vjeç thotë Bujari, kur kam filluar me klubin e rinisë “Heronjtë e Vigut” i cili ka qenë mbështetja kryesore jo vetëm te unë, por edhe te këngëtarë të tjerë me shumë emër. Aty kanë qenë Justina Alija, Tonin Tërshana, Sherif Merdani, Bashkim Alibali apo muzikantët të cilët këtë klub rinie, e bënin një epiqendër të artistëve me një drejtor të shkëlqyer Zef Bushatin dhe regjisor të ndjerin Hilmi Tukaj. Por unë kam vazhduar të këndoj edhe në fabrikën e Duhan – Cigareve dhe e ndjeva veten mirë, sepse aty ishte Gëzim Kruja. Prej aty më thirrën në shtëpinë e kulturës “Vasil Shanto” dhe aty fillova pak e nga pak, të këndoj këngën popullore shkodrane. Unë dua me këtë rast të përmend muzikantin e madh shkodran Nazmi Lishi, i cili me siguri duke parë vlerat e vokalit tim dhe interesin që unë kisha për këngën popullore shqiptare dhe veçanërisht atë shkodrane, mori përsipër të bënte një recital”, tregon këngëtari shkodran. Në këtë rast kam pasur edhe ndihmën e madhe të drejtorit të asaj kohe Bashkim Alibali. Koncerti i parë recital shkoi jashtëzakonisht mirë dhe bëra edhe një turne nëpër Shqipëri dhe aty ndjeva një kënaqësi të madhe duke menduar “se po bahem dikushi”, shton ai. Mbas këtij recitali më propozuan të bëjmë të dytin dhe unë kisha problem repertorin. Gjithsesi kjo punë kaloi lehtë tregon Bujari, sepse repertori kryesor ishte kënga popullore shkodrane. Mbas këtyre koncerteve recital, mua më vjen ftesa nga një institucion profesionist, në të cilin shumë këngëtarë kishin zili vetëm të hynin në sallë dhe ky është teatri “Migjeni”. “Unë fillova me estradën në shumë premiera dhe tanimë e ndjeva veten profesionist dhe kjo sepse unë në këtë estradë profesioniste, kam gjetur një elitë artistësh kaq të mëdhenj dhe kaq të fuqishëm sa që unë sot, vazhdoj të jem korrekt me të gjitha aspektet ku bëhet një koncert apo jepet një shfaqe”, pohon këngëtari shkodran. Bujari me shumë respekt tregon se në estradë ka gjetur Tano Banushin e madh, Paulin Prekën, “kam gjetur madhështoren Zyli Milotin, kam gjetur artistin e madh Zef Deda”, Jolanda Shalën, Drande Xhain, dhe them vazhdon këngëtari Qamili të pyes: Si mundet me këto njerëz të mos fitosh një edukatë pune dhe profesioni, të jashtëzakonshme?

Unë kam shkuar në vitet 80-të në estradë dhe kam vazhduar deri në 92-shin e këto janë fillimet e mia në muzikë dhe jetën profesionale në këtë drejtim, shprehet i mirënjohuri Bujar Qamili. Pastaj ai tregon edhe për djalin e tij muzikant, i cili ka mbaruar liceun në Shkodër, dhe duke pasur edhe “veshin e thyer” sikundër thotë ai, u përgatit të konkurrojë në Tiranë. “Artijoni në konkurrim doli shumë mirë dhe vazhdoi studimet duke mbaruar vitin e parë dhe vitet e tjera, duke u diplomuar për kitarë. Tani është një profesor i kitarës në shkollën e muzikës “Prekë Jakova” në Shkodër”, thekson ai. Për gazetën “SOT” këngëtari u përgjigj dhe dha mendimin etij në lidhje me muzikën popullore sot në vendin tonë. “Unë do të jem me ju tepër i hapur. Sot është i lirë gjithsekush të flasë, të shkruaj, të këndoj dhe të mendojë çfarë të dojë. Por gjërat duhen thënë si janë në realitet. Unë e kam për krenari të jashtëzakonshme të jem këngëtar i Shkodrës vazhdon ai. Unë kam vendosur një gur në themelet e interpretuesve të këngës popullore shkodrane dhe këtë të drejtë timen ekskluzive, nuk mund të ma mohojë askush. Më ka hyrë në gjak kjo këngë dhe kjo gjë që në estradë, ku kam gjetur dy artist si Bik Ndoja dhe Shyqyri Alushi. Ato e dinë se sa sukses kam pasur në atë kohë, sepse i kam dëgjuar dhe jam munduar me marrë të mirat dhe anët pozitive të tyre.

Por dua të dal këtu, sepse dikur në Shkodër janë bërë “Festivalet e Këngës Popullore Qytetare Shkodrane”. Ka qenë edhe “Filarmonia e Shtëpisë së Kulturës” në drejtimin e Xhavit Ujkanit. Unë kam arritur tre festivale të këngës popullore qytetare shkodrane, dhe kam marrë edhe çmime”, thotë Bujari me nostalgji, duke dashur të sqarojë edhe shumë aktivitete serioze në atë kohë. “Këto koncerte kanë vazhduar me vite deri sa në estradën profesioniste të Shkodrës erdhi një njeri si Luan Borova, i cili bëri revolucion në këngën popullore shkodrane. Ai ka marrë të gjitha këngët e vjetra shkodrane të ekzekutuara nga disa instrumente folklorikë tradicional të Shkodrës dhe i hodhi në një formacion orkestral të kohës. Ai ka bërë që në pak vite të orkestrojë tre koncerte të “Karafilave që ka Shkodra” dhe që janë baras me 99 këngë. Unë e pranoj botërisht se jam i vetmi këngëtar që në këngët e mia, dora e Borovës ishte mbi 40-të herë”, pohon ai. Në këtë mënyrë kënga popullore shkodrane mori vlera të mëdha dhe të bukura.

Sot kënga popullore shkodrane deklaron Bujari, ka një mungesë të theksuar kompozimi. Kjo është një mungesë e theksuar dhe e pa diskutueshme, forcon fjalinë këngëtari i madh i muzikës popullore. “Ka vite që është bërë festivali i tretë i këngës popullore qytetare dhe është bërë vetëm një kompozim i ri për atë kohë i kompozitorit të madh Pjetër Gaci. Emri është “Ky Marak” dhe gati u vendos që të hiqej si këngë. Kjo këngë doli dhe mori përmasa të jashtëzakonshme dhe e kanë kënduar mbi 30-të këngëtarë e qysh në atë këngë të fundit e futur në të gjitha dasmat shkodrane dhe sot nuk ka më. Kjo është një mungesë e theksuar e kompozimit, në një kohë që në Shkodër ka muzikant të jashtëzakonshëm dhe të mrekullueshëm”, tregon Bujari. Unë mund të përmend Roland Gulin, Ilir Zogën, Luan Degestanin por “nuk bëjnë këngë mor vëlla” shpërthen Bujari, më detyrojnë mua që në një album që mund të bëj, ti kthehem Shkodrës të shumë viteve më parë. Të gjithë ato që kanë mundësitë për të bërë këngën e re shkodrane, nuk prodhojnë. E mira është që këto koncerte të vazhdojnë dhe momentalisht është vetëm agjencia “Buna 1” që po e mban Shkodrën me koncerte dhe spektakle, deklaron me keqardhje Bujar Qamili.

Këngëtari shkodran që është fitues i shumë çmimeve ka edhe “Folk Universin” me çmimin e publikut si dhe çmimin “Nderi i Unionit” nga “Unioni Artistik i Kombit Shqiptar”. Por Bujari nga Presidenti i Republikës, ka marrë edhe urdhrin “Naim Frashri i Artë” duke qenë një nga këngëtarët më të veçantë për çmime, medalje dhe prezantime në të gjithë botën ku ka shqiptarë. Pyetja tjetër për Bujarin ishte në formën e “vërejtjes” se pse nuk bënte koncerte recitale në Shkodër. Këngëtari i madh i këngës popullore shkodrane, tepër i interesuar për të sqaruar një herë e përgjithmonë këtë problem deklaroi: “Unë e vlerësoj edhe si pyetje edhe si vërejtje. Pastaj kam deklaruar se këtë vërejte ma kanë bërë edhe shumë simpatizantë të mi dhe unë do t’ju them atë që është realiteti. Unë nuk kam vërejtje që të bëj koncert në Shkodër, por nuk kam mundësi të bëj një koncert në Shkodër, duke pasur parasysh se koncerti ka përmasa jashtëzakonisht të mëdha. Unë flas për një koncert recital që fillon që nga “A” deri të “ZH-ja” dhe nuk e bëj në qytetin tim, për një arsye që është përmasa e madhe me të ftuarit, grupi valleve, orkestracionet, organizimi, grupi TV-së, punonjësit e skenës, fonia, ndriçimi, salla e shumë të tjera. Unë po të them botërisht se të hysh në “Sallën e Pallatit të Kongreseve”, hyn me 20 milion të vjetra minus për recitalin tim”. Pastaj Bujari sqaron se këto 20 milion merren nga 2000 spektatorët për dy net me 10.000 lekë të vjetra biletën.

“Në Shkodër e para ka 500 vende në “Migjeni”, dhe biletën unë nuk mund ta bëj më tepër se 5000 lekë të vjetra dhe duhet të jap 10-të ditë rresht shfaqje, gjë që është e pa mundur për të nxjerrë harxhimet që shtohen pikërisht këto 10-të ditë shfaqje. Fitimi im, janë sponsorët dhe vetëm ato. Sepse koncerti i merr të gjitha lekët e biletave e mjafton të them se 6 milion të vjetra bëjnë 6-të orë në pallatin e kongreseve dhe shumë miliona të tjera, të cilat shkojnë 20 milion të vjetra”, pohon këngëtari shkodran. Pothuaj në fund, Bujarin për gazetën e pyesim përse ka bashkëpunim dhe duete profesioniste vetëm me këngëtaren Artiola Toska dhe jo me ndonjë artiste shkodrane. Do të kisha dëshirë thotë ai, “por zoti e ka dhënë se ajo në radhë të parë është një talent me zë brilant dhe teknikë të kënduari që radhë kush e ka”. Unë prapë them vazhdon ai, që për krah meje të ishte një këngëtare shkodrane, por është pak e pa mundur sqaron ai, sepse në përgjithësi këngëtaret shkodrane në karrierën e tyre artistike kanë një defekt, sepse kanë mbetur brenda Shkodrës. Këtë e kam vërejtje shoqërore, sepse ato më duan dhe i dua shumë pa përjashtim. Bujari deklaron se në drejtim të repertorit këngëtarët shkodranë, janë vetëm brenda Shkodrës dhe kjo sipas tij është një defekt i madh. “Munden në repertor të tyre të futet ndonjë këngë e Shqipërisë së mesme apo të jugut dhe trevave shqiptare. Do të ishte edhe një popullaritet krejt tjetër. Mua më urojnë duke më thënë se: e ke bërë këngën shkodrane të dëgjohet në Gjirokastër, por këngëtari është këngëtar, dhe duhet të këndojë gjithçka”, shprehet ai. Bujari në fund thotë se atij i janë bërë shumë oferta për të shkuar dhe banuar në botë dhe jashtë Shkodrës. Por ai nuk ka pranuar, sepse nuk qëndron dot pa qytetin e tij. Sa hipi në avion thotë këngëtari i madh i Shkodrës, më merr malli për qytetin tim. Unë do të vdes në Shkodër, pohon ai dhe i uron të gjithë shkodranëve jetë dhe ditë më të mira.

GAZETA SOT

[ajzberg]

Nuk asnje gje te keqe qe kenget e Bujar Qamilit te postohen ne forum,por ai vetem i ka kenduar ,me mire do te ishte ''teksti filani,muzika fisteku,kendon Bujar Qamili.Te me falni qe perdora fjalet filan fisteku ,por per momentin nuk mu kujtua fjala e sakte.