Poezi E Oreve Te Fundit...

[Agim Doçi]

Bilbilenjtë e Parlamentit


Dolën deputetët, dolën bilbilenjtë
Kamerat filmuan. njerzit u pataksën
Frynin apo s’frynin të gjith barkmëdhenjtë
Bajga…kakërdhi…dikush bëri glasën.


Sherri merrte flakë, grushte nga dy anët
Keca, kacagjela, desh e cjep me brirë
Bandë e Ali Babës nxorri jataganët
Sallë e Parlamentit plot me faqenxirë…


Vodhën e plaçkitën, u çudit Evropa
Banda e kaçakve tetë vjet në pushtet
Ikën nga karriget se i nxorri vota
mall jashtë përdorimit plehra të vërtet.


Stan i socialistëve çfar të qaj më parë
Me çoban kokëboshin zdapin si zdërhell
Thurin, tjerrin plane, dhe hartojnë skenarë
Konferenca shtypi…futja kot hunderr…


Kush na ka në dorë, o mjer Shqipërija.
Majtas me hajdutë, djathtas me krahthatë
Korrupsioni plagë, gjumë prokurorija
nën jastëk flejnë dosjet, histori e gjatë…


Vota shkon e vjen, shkon e vjen pushteti
Si çekan reforma mbi administratë
Shkojnë e vijnë hajdutat, dëshmitar mileti
Për çdo natë replika, analistë truthatë…


Analistë ndër klane, analistë ekranesh
Njëri i bjen gozhdës, tjetri asht eksiq…
Dy janë kokë me qoshe, tjetri si mi halesh
Analistëve tanë u vjen era xaxiq…


Marr telekomandën, bredh nepër stacione
Veç kronikë e zezë, ngado mbretëron.
Pastaj ikin dritat, nxjerrim “municione”
Qirinj me dhjamë derri, gjith shpia tymon.


Nxin Tirana natën si qytet Afrike
Rrugët plot me baltë si në Tanzani
Kudo sundon terri, fushat me përmbytje
Krenarë dhe të dhjerë në…demokraci.



Kafenetë gëlojnë, vërrshojnë thashëethemet
Do ikë Jozefina, se kanë bërë Mocion!
Heqin vënë ministra, marrin shkas hamëndjet
Ngrihet avokati, flet si gramafon…


“Do ruaj aksionet!…jam politikan!”
Bjeri drejt bre burrë, fare mos u druaj.
Çfar të qaj më parë, biri im Selman?
S’janë politikanë… janë politikuaj!


Para mikrofonit, dalin kapardisur
Shajnë e ulërijnë, me zhargon banal
Shtyhen, ofendohen, si cjep të hazdisur
Miu bëhet buall…pordha bëhet mal.


Ky është Parlamenti…kjo është Shqipërija.
Lum si ti or popull, për liderë që ke
Na mban veç një shpres…ndoshta Perëndija
O do t’na bekojë…ose le t’na dhjesë!

[F_LASKU]

Majtas me hajdutë, djathtas me krahthatë

Shkojnë e vijnë hajdutat, dëshmitar mileti

I nderuar Agim, keto krahthatet e djathte hyne tek kjo pjesa qe shkojne e vijne apo jo?

Shume poezi e bukur,nje pjese e pandare e realitetit shqiptar pasqyrohet ne keto vargje.

[ALBA]

I nderuar xhaxhi Agim .

Urime per poezin apo parodin si mund ta quajm . Kam gjithe keto net qe mundohem ti bej ketyre palamentareve nje parodi por koha me ka munguar ....

Pershendetje nga Alba

[Poeti]

I nderuari Agim,

Parodia eshte shume e qelluar dhe ne kohen e duhur.
Do te mundohem edhe une te bej dicka te ngjashme per rrjedhat politike ne Kosove, perfshire ketu edhe ndryshimet ne kreun politik te vendit.

P.S. Sikur politik(u)ajt ti lexonin keto parodi, se paku do te edukoheshin paksa sepse per te iu hapur syte qe te shohin hallet e popullit as qe mund te behet fjale.

[Poeti]

Babai ju vdiç, kush do të ju mbrojë
Karriget e buta kush do të ua ruaj,
Luftë zhvilluat për të fituar votën
Shtëpi për shtëpi, me ditë dhe muaj!

Qumësht zogu premtuat, gënjyet në çdo hap
Se gjithëçka me ju do të jetë më mirë,
Kur mbi kurrizet tona pozitat kaptuat
Shikimet tuaja u mbushën me smirë!

Çdo ditë nga lart mesazhe dërguat
Se mendja tek ne gjithënjë po ju shkon,
Por se nuk po mundeni premtimin ta mbani
Sepse UNMIK-u shumë po ju pengon!

Por të bleni vetura me qindra mijra euro
Me aeroplana privat të bëni udhëtim,
Askush s’ju pengoi as dhe “nderi” juaj
Por ju pengoi të mbani bile një premtim!

Në çdo paraqitje tuajën flitnit vetëm një
Se pavarësinë sivjet keni për të na e dhuruar,
Kurse prapa krahësh bëni lloj-lloj pazaresh
Si dhe cili për vehte më shumë për të fituar!

Vaj halli për ne që votën ua dhamë
Dhe pushtetin juve ua lamë në dorë,
I mjer populli kend ka vu në ballë
Mu sikur deshët që bartin këmborë!

[dibrani2006]

urime urime urime per poezit