Nëna Terezë - "100 Fjalë të Urta"

[NoName]

Në një pyetje të një gazetari: “Çfarë mendoni Ju, çka është e nevojshme
që të ndërrohet në Kishë?” Nëna Tereze iu përgjigj: “Ju dhe unë.”



Ç‘farë ka ndodhur nga jashtë me historinë e Kishës do të kalojë. Për Krishtin Kisha është përherë e njëjtë: dje, sot dhe nesër. Apostujt kanë përjetuar po ashtu frikë dhe humbje të shpresës, ata po ashtu e kanë njohur pasuksesin dhe pabesinë, dhe prapë Krishti nuk i ka qortuar, por thjeshtë ju ka thënë: Fëmijëzit e mij, keni fe! Përse po frikësoheni? Unë dëshiroj që edhe ne të duam, siç ka dashur ai.



Njerëzit nuk i kërkojnë talentet tuaja, por Hyjin tek ju. Udhëhiqni ata drejt Hyjit dhe kurrë drejt vetes. Nëse nuk i udhëhiqni drejt Hyjit, kërkoni veten tuaj, dhe do të jeni të dashur sipas dëshirës suaj. Por jo, se ju i për-kujtoni në Jezusin. (Meshtarëve)

[NoName]

Kush është i mbushur me lumturi, predikon pa folur.



Lutja na jep një zemër të pastër, dhe një zemër e pastër është e aftë për të parë Hyjin.



Paqja për mua është një njësi me Hyjin. Krishti është paqja e Hyjit. Zemra ime është e hapur për të. Atij ia kam dhuruar jetën time. Dhe sa më tepër që besoj në të, aq më tepër ku-ptoj: Ai është paqja ... Për Krishtin të gjithë njerëzit kanë qenë vëllezër dhe motra. Nëse e jetësojmë dashurinë e tij, atëherë do të zhduket lufta. Nëse secili aty ku jeton seriozisht e pranon Jezusin, atëherë jetësohet paqja.

[NoName]

Fryti i heshtjes është lutja.
Fryti i lutjes është feja.
Fryti i fesë është dashuria.
Fryti i dashurisë është shërbimi.
Fryti i shërbimit është paqja.



Paqja ka për qëllim për të mbjellur dashurinë dhe për të lejuar zhvillimin e rritjes për veprim. Ne jemi të lindur për të dashur dhe për të qenë të dashur.



Drunjtë, lulet bimët, rriten në heshtje. Yjet, Dielli, Hëna, lëvizin në heshtje. Heshtja na jep një shikim të ri të gjërave.

[NoName]

Vetëm mendo, se Ai është krijues i tërësisë, ka kohë për ju, për krijesat e tij të vogla.



Kur lutemi, shndërrohemi në një rrezatim të dashurisë hyjnore: tek ne në shtëpi, atje ku jetojmë, dhe përfundimisht për gjithë botën mbarë.



Ne kemi nevojë për sytë e fesë, me të cilët do t’i njohim dobësitë trupore dhe petkat e zhytura të Krishtit, bukuritë e racës njerëzor. Ne kemi nevojë për duart e Krishtit për këtë trup, që është i shënuar prej vuajtjeve. Me dashuri, me adhurim dhe me fe, me hostjen shenjtë që e ngrit meshtari, ne duhet ta prekim trupin e lënguar të të varfërve.

[NoName]

Sa është e madhe dashuria e Jezusit që na dhurohet në Eukaristi! Ai shndërrohet në bukën e jetës, për të shuar urinë e dashurisë sonë. Ai vetë bëhet i uritur për ne, që të mund ta shuajmë dashurinë e tij për ne.



Burimi nga i cili mbushni, duhet të jetë mjaft i thellë. Atëherë ata që i doni do ta shohin, më herët apo më vonë, se ku buron.



Ne dëshirojmë që planet tona për ardhmëri t‘i hartojë Hyji i dashur, sepse e nesërmja nuk është ende këtu. Ne kemi vetëm të sotmen, për t’iu ndihmuar njerëzve, për ta njohur Hyjin, për ta dashur atë dhe për t’i shërbyer atij.

[NoName]

Krishti na ka thënë që të mos përkujdesemi për nesër; sepse ajo qëndron në dorë të Hyjit. Për këtë nuk na shqetëson e ardhmja. Përveç kësaj Jezusi është i njëjtë: dje, sot dhe nesër. Ai mbetet përherë i njëjtë. Dhe gjithçka varet edhe vjen prej tij.



Jezusi është
Fjala, të cilën dëshiroj ta flas,
e Vërteta, të cilën dëshiroj ta tregoj,
Rruga, në të cilën dëshiroj të eci,
Drita, të cilën dëshiroj ta ndez,
Jeta, të cilën dëshiroj ta jetoj,
Dashuria, të cilën dëshiroj ta përhap,
Lumturia, të cilën dëshiroj ta dhuroj,
Paqja, të cilën dëshiroj ta sjell.



Jezusi është i urituri,
i cilin duhet ushqyer.
Jezusi është i eturi,
të cilit duhet t‘ia shuajmë etjen.
Jezusi është i rreckosuri,
i cilin duhet veshur.
Jezusi është i pastrehu,
i cili duhet mirëpritur.
Jezusi është i sëmuri,
i cili duhet shëruar.
Jezusi është i vetmuari,
i cili duhet ngushëlluar.
Jezusi është i padëshiruari,
i cili duhet dashur.
Jezusi është fëmija i braktisur,
i cili duhet pranuar.
Jezusi është i varur nga droga,
i cili duhet ndihmuar.
Jezusi është prostituta,
e cila duhet nxjerrë nga rreziku.
Jezusi është plaku,
për të cilin duhet të përkujdesem.

[NoName]

Pasi që nuk mund ta shohim Jezusin, ne nuk mund t’i themi atij, se sa shumë e duam. Por të afërmit tanë i shohim, dhe për ta mund të bëjmë, atë që kishim për të bërë për Jezusin, si të ishte ai i dukshëm.



Për mua Jezusi është Zoti im, dhëndrri im, jeta ime, dashuria ime e vetme, gjithçkaja ime e të gjithave, përmbushja ime. Unë e dua atë me gjithë zemrën time, me gjithë qenien time.



Unë ja kam dhënë Jezusit të gjitha, deri dhe mëkatet e mia, dhe ai më ka pranuar për nuse me butësi dhe dashuri. Tani e përjetë jam nusja e dhëndrrit tim të kryqëzuar.

[NoName]

Shumë vdesin ashtu siç kanë jetuar. Vdekja nuk është asgjë tjetër veçse një vazhdimësi e jetës, plotësim i saj ... Kjo jetë nuk është fund, kush mendon se është fund, frikësohet nga vdekja. Njerëzit po të mund të binden se vdekja nuk është asgjë tjetër veçse një kalim në Hyjin, nuk kishin për të pasur më frikë. Pyetje për Nënën Terezë: “A keni frikë nga vdekja?” Përgjigjja e saj: “Përse?”



Vetëm në qiell do të zbulojmë, se sa ju kemi borxh të varfërve, që ata na kanë ndihmuar, për ta dashur më shumë Hyjin



Jezusi na dhuron miqësinë e tij personale për gjithë jetën dhe na mbështjell me butësi dhe dashuri. Është diçka e mrekullueshme, që Hyji na do me butësi. Guximi ynë dhe gëzimi ynë rrjedhin nga siguria se asgjë nuk do t’na ndajë nga dashuria e Krishtit.

[NoName]

Atë qiellor!
Në familjen e shenjte të Nazaretit
ti na ke dhënë një model të mrekullueshëm të jetës.

Na ndihmo, o Atë i shenjtë,
që familjen tonë ta shndërrojmë në një Nazaret tjetër,
ku mbretëron dashuria, paqja dhe gëzimi ...

Na mëso, o Jezus,
që t’i shohim anëtarët e familjes sonë
në mënyrë të posaçme, në hijen e vuajtjeve të mëdha ...

Që çdo ditë më tepër
të mund ta duam njëri-tjetrin, sikurse ti na do ne,
dhe që t’ia falim gabimet njëri-tjetrit, sikurse ti na i fal mëkatet tona.




Fund!
NoName

[janar]

veprat e nene terezes jan nje shebull per njersimin i kushtoi jeten e saj te varferve

fjalet e urta i lexoj cdo dit zzoti thot nje fjal e urt kerko diturin o njeri

degjo fjalen e neners dhe babait vari ne qaf e ne vesh gjith jeten tende eshte drit per ty