Meditime të krishtera

[Bardhi]

I nderuari No Name,
Te faleminderit, per gjithe kete pune, kaqe te vlefshme qe e ke bere per ne.
Te uroj te gjitha te mirat , e kesaj bote ju dhe njerezve tuaj, se me te vertete puna e juaj eshte per qdo lavdate.

[Bardhi]

I nderuari No Name,
Te faleminderit, per gjithe kete pune, kaqe te vlefshme qe e ke bere per ne.
Te uroj te gjitha te mirat , e kesaj bote ju dhe njerezve tuaj, se me te vertete puna e juaj eshte per qdo lavdate.
================================================== ================================================== ================
KOMBI KA NEVOJE PER FAMILJE TE SHENDOSHE.

[NoName]

Bardhi, faleminderit per komplimentet!
Mjafton qe ju forumistat te mbetni te kenaqur,
dhe kjo gje per mua eshte shume domethenese..



Kam etje për Ty


Ja, para derës qëndroj dhe trokas... (Zb 3, 20)

E vërtetë është. Qëndroj para derës së zemrës tënde, ditë e natë. Edhe atëherë kur nuk dëgjon dhe kur dyshon se ky mundë të jem Unë, Unë jam aty. Pres edhe shenjën më të vogël të përgjigjes tënde, edhe thirrjen më të heshtur që do t’më lejojë të hyjë.
Dua ta dish se Unë vij sa herë që më thërret – gjithmonë, pa dyshim. Vij në heshtje dhe i pavërejtur, me fuqinë dhe dashurinë e pafund duke sjellur shumë dhanti të Shpirtit Tim. Vij me mëshirën time, me dëshirë që të falë e të shëroj, dhe me dashurinë më të madhe se sa mundë ta paramendosh – dashurinë që është e madhe sa dashuria që kam marrë prej Atit tim (Sikurse Ati më ka dashur mua, ashtu edhe unë ju kam dashur ju... Gjn 15,9). Vij me dëshirë të flaktë të të ngushëlloj dhe të të jap fuqi, të ngris dhe të mbështjell plagët tua. Vij me fuqinë time që të mundë të bartë ty dhe gjithë barrën tënde; me hiret e Mia, të prekë zemrën tënde dhe ta ndryshoj jetën tënde; ta dhuroj edhe paqen time që ta qetësoj shpirtin tënd.
Të njoh plotësisht – çdo gjë di për ty. Edhe çdo fije floku në kokën tënde e kam numëruar. Agjë në jetën tënde nuk është e parëndësishme për mua. Të kam përcjellur me vite dhe gjithmonë të kam dashur, bile edhe atëherë kur ke bredhur kot. I di të gjitha problemet tua. Më janë të njohura edhe nevojet dhe brengosjet tua. Po, i di të gjitha mëkatet tua. Por, prapë të them se të dua, jo për atë se çka ke bërë apo nuk ke bërë – të dua për shkak teje-vet, për shkak të bukurisë dhe dinjitetit që të ka dhënë Ati im duke të krijuar në përngjasimin e vet. Ky është dinjiteti të cilin shpesh e ke harruar, bukuria që e ke zhyer me mëkate. Por unë të dua të tillë çfarë je, dhe e kam derdhur gjakun tim që të të përfitoj përsëri.
Nëse vetëm më lutesh me fè, hiri im do të prekë çdo gjë që duhet të ndërrosh në jetën tënde; unë do të jap fuqi të lirohesh prej mëkatit dhe fuqisë së tij shkatërruese.
E di çka mbretëron në zemrën tënde – më është e njohur vetmija jote, di edhe për plagët tua – dëbimin, gjykimet, nënçmimet. Të gjitha këto i kam bartur para teje, ashtuqë, edhe ti, të mundesh ta ndash me mua fuqinë dhe fitoren time. Posaqërisht e di nevojën tënde për dashuri – se si me gjithë shpirtë kërkon dashuri, kujdes. Por, shpesh, me gjithë shpirtë e ke kërkuar po atë dashuri në mënyrë vetanake duke tentuar të plotësosh zbrastinë në veti përmes kënaqësive të kalueshme – me zbrastinë edhe më të madhe të mëkatit.
E kërkon me gjithë shpirtë dashurinë? “Kush ka etje le të vijë tek unë!” (Gjn 7,37). Unë do të kënaq e të plotësoj. E kërkon me gjithë shpirtë kujdesin? Unë kujdesem për ty edhe më shumë se mundë ta marrësh me mend – aq shumë, sa që edhe në kryq kam vdekur për ty.
Kam etje për ty. Po, kjo është mënyra e vetme me të cilën mundë të përshkruaj dashurinë time për ty. KAM ETJE PËR TY. Kam etje të të dua dhe të jem i dashur prej teje – ti je aq shumë i rëndësishëm për mua. KAM ETJE PËR TY. Eja tek unë dhe unë do të mbush zemrën tënde dhe do të shëroj plagët tua. Do të të bëj krijesë të re dhe do të jap paqe, bile edhe në të gjitha tundimet tua. KAM ETJE PËR TY. Kurrë nuk guxon të dyshosh në mëshirën time, në atë se të pranoj, në dëshirën time se të falë, se me gjithë shpirtë dua të të bekoj dhe jetën time ta jetoj në ty. KAM ETJE PËR TY. Nëse ndjehesh i parëndësishëm në sytë e botës, kjo nuk ka kurfarë rëndësie. Për mua, askush në botë nuk është më i rëndësishem se ti. KAM ETJE PËR TY. Ma hap zemrën tënde, eja tek unë, me gjithë shpirtë më kërko mua, ma dhuro jetën tënde – atëherë do ta dëshmoj se sa je i rëndëishëm për zemrën time.
A nuk e kupton se Ati im veç e ka një plan të përsosur se si do ta ndërroj jetën tënde duke filluar nga ky moment? Më beso, mu lutë çdo ditë që të vij e të marr nën mbikqyrje jetën tënde – Unë do ta bëj këtë. Të premtoj para Atit tim Qiellor se do të bëj mrekulli në jetën tënde. Pse Unë ta bëj këtë? Për shkak se KAM ETJE PËR TY. Krejt çka kërkoj prej teje është të më dhurohesh plotësisht, Të gjitha tjerat do t’i bëj Unë.
Qysh tash po e shoh vendin të cilin Ati im e ka përgatitur për ty në mbretërinë Time. Mbaje mend se në këtë jetë je vetëm shtektarë, në rrugë kah shtëpia. Mëkati nuk mundë të kënaq kurrë e as ta jap paqen që e kërkon. Krejt ajo që ke kërkuar jashtë Meje ka lënë në ty vetëm edhe një zbrazëti më të madhe, prandaj mos u lidhë me gjërat e kësaj bote që kalojnë.
Para së gjithash, mos ik prej meje kur gabon. Eja tek unë pa hezitim. Mi jep mëkatet e tua, sepse ashtu ma jep gëzimin që të bëhem Shëlbuesi yt. Nuk ekziston asgjë që nuk mundë të falë e të shëroj; pra, eja dhe lehtësoje shpirtin tënd. Pa marrë parasysh se sa ke tretur, pa marrë parasysh se sa shpesh më harron, pa marrë parasysh se sa kryqe duhet të bartësh në jetën tënde, ka diçka që duhet ta mbash mend, diçka që nuk do të ndryshoj kurrë: KAM ETJE PËR TY. Ashtu i tillë çfarë je. Nuk duhet patjetër të ndërrohesh që të besosh në dashurinë time, sepse, pikërisht besimi yt në dashurinë time do të të ndërroj. Ti më harron, por unë do të të kërkoj në çdo moment – qëndroj para derës së zemrës tënde dhe trokas. Ke vështirësi ta besosh këtë? Shiqo në kryq, shiqoje zemrën time e cila ka qenë shporuar për ty. A nuk e ke kuptuar kryqin Tim? Atëherë ndëgjoj përsëri fjalët që i kam thënë prej tij – për arsye se ato flasin çartë se pse i kam vuajtur të gjitha këto për ty: “KAM ETJE...” (Gjn 19,28). Po, kam etje për ty – sikur edhe psalmi që kam lutur e që thot për mua: “Prita të gjendet dikush që të më ankojë, por s’qe, ndokush që të më ngushëllojë, por s’e gjeta” (Ps 69,21). Gjatë gjithë jetës tënde e kam kërkuar dashurinë tënde dhe kurrë nuk kam pushuar që të dua dhe me gjithë shpirtë e kërkoj dashurinë tënde. Ke tentuar shumçka për të gjetur lumturinë; pse nuk tenton t’ma hapësh zemrën tënde, mu tani, më shumë se kurrë?
Sa herë që i hap dyert e zemrës sate, çdoherë kur më afrohesh, rishtas do ta ndëgjosh zërin tim, jo me fjalë njerëzore por në shpirtë: “Pa marrë parasysh se çka ke bërë, të dua për atë se çka je. Eja tek unë me gjithë mjerimin dhe nevojet tua si dhe me gjithë dëshirën të jesh i dashur. Qëndroj në dyert e zemrës sate dhe trokas... Ma hap derën, sepse KAM ETJE PËR TY...”


Krishti është Zot, prandaj Dashuria dhe etja e Tij janë të pafundshme. Ai që ka krijuar gjithësinë, kërkon dashurinë e krijesave të veta. Ai ka etje për dashurinë tonë...” Këto fjalë: “KAM ETJE” – A JEHOJNË NË SHPIRTËRAT TANË?” (Nëna Terezë)

[NoName]

Vlera e Biblës për jo të krishterët


Shpesh kam dëgjuar se Bibla është libri më i rëndësishëm që ka Perëndimi. Mirëpo nuk kam mundur të besojë në Zotin, pasi nuk kam gjetur shumë njerëz të mençur që besojnë në Zotin. Leximi i Biblës më ka bindur në ekzistimin e Zotit dhe më ka nxitur të jetojë për Zotin e Biblës. Këto fjalë i shkroi një dëgjues jokatolik në Universitetin Katolik në Nagoyi (Japoni). Në këtë shkollë u mbajtën disa kurse me temën: Bibla si vepër letrare. 95 % e pjesëmarrësve ishin jo të krishterë. Shumë prej tyre e lexuan Biblën për herë të parë. Dhe komentet e tyre flasin se asnjëri prej tyre nuk ishte indiferent ndaj leximit të Biblës. Veç më herët kam dëgjuar se kurrë në botë nuk ka jetuar asnjë njeri më i mirë, më i dashur..., se sa Krishti. Nuk mund të kuptojë pse njerëzit nuk e pranojnë porosinë e Tij. Një tjetër shkroi: Tash jam i bindur se sikur njerëzimi të jetonte sipas normave të Tij, sigurisht do të mbretëronte paqja e vërtetë.

[NoName]

Më i lumtur ai që jep se ai që merr



Një profesor bashkë me një student duke shëtitur buzë rrugës i shohin një pale këpucë të vjetra, që i takonin fshatarit që ishte në përfundim të punës në arë. Studenti i tha profesorit: Hajde t`ia fshehim këpucët këtij fshatari e të fshihemi për të pare reagimin e tij. Jo, tha profesori, kurrë mos bëj shaka në llogari të huaj. Por më mire ti si i pasur bëje një gjest tjetër. Ti po e sheh se ky qenka njeri i varfër. Hajde ti leja ne te dy këpucët nga një lire dhe të fshihemi për të pare reagimin e tij. Studenti e dëgjoi profesorin. Kur erdhi plaku për t`i marr këpucët e vërejti se diçka ka në këpucë, mendoi ndonjë guri. Sa shumë u befasua kur vërejti lirën e arit. Shikoi rreth e rrotull dhe nuk pa askënd, e qiti lirën në xhep. Kur mbathi edhe këpucën tjetër, prapë vërejti diçka brenda. Befasia ishte edhe më e madhe. Atëherë ra në gjunjë dhe fillojë ta falënderojë Zotin: O Zot,Ti e di se e kam gruan të sëmurë dhe të palëvizshme, po ashtu edhe fëmijët në gjendje të mjerueshme. Faleminderit që nuk më harron dhe kjo dorë e panjohur m`i dhuroi këto të mira për të shpëtuar familjen time. Profesori e pyeti studentin: Cila lojë ishte më e mire, e jotja apo e imja? Studenti i entuziazmuar me këtë pamje klithi me shumë emocione: Tani vërtet po e kuptojë se shumë më i lumtur është ai që jep, se sa ai që merr!

[NoName]

Mos e kërkoni Krishtin
ndërmjet njerëzve të dëshpëruar, të zhgënjyer nga një botë, që pretendojnë t'u shkojë për shtat, ta përdorin vetëm për kënaqësitë e tyre:
Kufoma të qelbura, farëhedhës të vdekjes.
Mos e kërkoni Krishtin
ndërmjet pushtetarëve, që kanë etje për toka, për para, për privilegje, për salltanete, për qejfe:
Xhelatë të pashpirt, që s'ngopen kurrë me gjakun e viktimave të pambrojtura.
Mos e kërkoni Krishtin,
ndërmjet dinakëve, që fytyrën prej derri të kënaqur, e fshehin pas maskës së Sokratit të vuajtur e interesin pas maskës së mëshirës; mënçuria e tyre është e kotë:
Gjarprinj të helmatisur që të kafshojnë për vdekje.
Mos e kërkoni Krishtin,
ndërmjet njerëzve pa ideale: s'u bëhet fare vonë në se ka a s'ka në botë drejtësi, liri e paqe:
Anarkistë të patëmth, që tjetër s' kërkojnë, veç rehatinë.
Mos e kërkoni Krishtin,
ndërmjet të çkujdesurve, që s'janë të aftë as të mendojnë as ta kërkojnë shtegun e ngushtë e të vështirë të ndershmërisë, të bashkëjetesës, të respektit për të drejtat e të tjerëve.
Kokëgëdhenj e poterxhinj.
Mos e kërkoni Krishtin,
ndërmjet yjeve të kinemasë, të sportit, të eturve për sukses të rremë. Janë tregtarë ëndrrash për fitime të lehta, falsifikatorë të jetës, që bëhet thjeshtë një shfaqje, ku lëvizin fytyra të llangosura:
Idhuj kopukë e shkapërdarë.
Mos e kërkoni Krishtin,
ndërmjet atyre që tjetër s'njohin, veç dhunën, veç luftën kërkojnë, verbuar nga vRERI. Janë shkatrrimtarë të buzëqeshjes, mbjellës të gjembave.
Njerëz gatuar me helm, të padurueshëm
Mos e kërkoni Krishtin,
ndërmjet profetëve të ideologjive, që duan ta shlyejnë të Amshuemin e të vrasin dëshirën për të jetuar:
Mësues të gabuar të shkollave të përkohshme.


KRISHTIN E GJALLË KËRKOJENI,
ndërmjet atyre që ju paraprijnë në shpresën për të ndërtuar një botë, në të cilën gjithkush mund të ketë shtëpi, punë, kulturë, dinjitet, liri e paqe:
Njerëz të vërtetë, farëhedhës jete.
Krishtin e gjallë kërkojeni
ndërmjet atyre që ju paraprijnë për të shërbyer, për të ndihmuar, për të bashkëpunuar:
Mbarështues të jetës.
Krishtin e gjallë kërkojeni,
ndërmjet atyre që ju prijnë në sinqeritet, ngarkuar me dashuri për njeriun, me kujdes për kryerjen e detyrës, me mëshirë që pagesë nuk kërkon:
Miq të vërtetë me zemër prej ari.
Krishtin e gjallë kërkojeni,
ndërmjet atyre që ju udhëheqin në luftën për drejtësi, për liri, për paqe:
Roje vigjilente, armatosur me guxim për mbrojtje e të varfërve.
Krishtin e gjallë kërkojeni,
ndërmjet atyre që ecin para jush në mendimin e kthjelltë, energjik. Janë të aftë të provojnë rrugët më të drejta, ku ecin veç ata që mbrojnë ndershmërinë, bashkëjetesën e respektimin e të drejtave të veta e të tjetërkujt. Njerëz të aftë për t'i korrigjuar gabimet e vetjake e për t'i nxitur edhe të tjerët të braktisin rrugët e shtrembra, pa ia imponuar askujt mendimet e tyre:
Udhëheqës të sigurtë në shtegun e vështirë të së vërtetës
Krishtin e gjallë kërkojeni,
ndërmjet atyre që thurin me art poezinë e jetës, duke zbuluar mrekullinë, e cila të bën t'i shijosh që në tokë, Lumturitë Qiellore:
Sy që shkëlqejnë nga drita e së vërtetës.
Krishtin e gjallë kërkojeni,
ndërmjet atyre që ju prijnë atje ku shkëmbehen buzëqeshjet, rrafshohen kundërshtitë, rindërtohen rrënojat:
Engjëj të ëmbël paqeje.
Krishtin e gjallë kërkojeni,
ndërmjet atyre që ju udhëheqin drejt jetës së përtejme dhe ju mbushin me gëzimin e të jetuarit të një jete që s' mbaron këtu: në dhimbjen tonë, e as në gëzimin tonë.
Mësues të vërtetë të një shkolle, themeluar mbi shkëmb, nga maja e të cilit syri rrok horizontin e pafund.

KËRKONI NË KËTË ARDHE TË GJATË NJERËZISH TË GJALLË QË KËNDOJNË:
ALELUJA, ALELUJA, ALELUJA
E DO TË SHIKONI SE NË KRYE TË KRAVANIT TË PAFUND, ËSHTË AI, I NGJALLURI!