Kombëtarja Shqiptare

[King_Arthur]

ishalla po na del i hajrit ky kroati do jete enderr per ne te kualifikohemi per ne europian

[niku-nyc]

Ne renditjen e re te FIFA's te muajit Maj, Shqiperia eshte ngjitur 20 venda me lart, pra nje rekord i ri.

Shqiperia ndodhet ne vendin e 65...



Renditja e plote:

http://www.fifa.com/en/mens/statisti...l-2006,00.html

[romeoOOO]

Shume vende paskemi hypur, kjo si rezultati qe patem ne grup per botrorin 2006, por mua kjo renditja sma mbush mendjen fare !


Po te shikosh me kujdes jan ca skuadra siper nesh qe me futbollin skan te bejn fare po hajd mo ca me bo!

[apollon 23]

Mire e thote ky mire po si shume yrysh ka mare , Luksemburgun para e kemi , ja te shohim
Hollanden e kemi ne xhep

[zeus]

-------------------------------------------

Drejtuesit e FSHF-së nuk kanë zgjidhur ende problemin e miqësores së muajit gusht të përfaqësueses shqiptare, edhe pse e kanë cilësuar si prioritet një gjë të tillë, pas emërimit të trajnerit të ri, Oto Bariç, 10 ditë më parë. Sipas burimeve zyrtare të FSHF-së, alternativa më e mundshme është Turqia, e cila
nuk ka një datë të lirë, ndërsa pritet me padurim një përgjigje definitive e Anglisë, për një miqësore në Londër, më 16 gusht. Dje, në FSHF ka mbërritur një faks nga zyra e shtypit e Federatës Angleze të Futbollit (FA), i cili i është përgjigjur kërkesës së drejtuar nga institucioni shqiptar pak ditë më parë. FSHF dërgoi pak ditë më parë një faks në adresë të FA-së, duke i kërkuar këtyre të fundit që të organizonin një miqësore në Londër, më 16 gusht, meqë aktualisht Kombëtarja, me të cilin kishin planifikuar të zhvillonin ndeshje në një datë të tillë, Greqia, ishte e pezulluar nga të gjitha aktivitetet ndërkombëtare. Përgjigjja e palës angleze ka qenë diplomatike, pasi në faksin e mbërritur në institucionin shqiptar saktësohej se do të pritej edhe një javë para se të vendosej përfundimisht nëse do të mbahej emri i Greqisë në axhendën e përfaqësueses apo jo. Në rast se hipoteza e dytë do të merrej parasysh nga trajneri i “luanëve”, atëherë do të merrej në konsideratë edhe kërkesa e FSHF-së për të zhvilluar një takim më 16 gusht, normalisht në kryeqytetin anglez.
Edhe pse përgjigjja në fjalë është mjaft evazive, drejtuesit e FSHF-së kanë vendosur të presin edhe një javë para se të intensifikojnë kontaktet me drejtues të federatave të tjera, me të cilat kanë lidhje. Në “pole-position” qëndron përfaqësuesja turke, me të cilën kanë filluar kontaktet e para prej më se dy muajsh. Drejtuesit turq kanë rënë parimisht dakord prej kohësh, duke pasur parasysh se ata e kanë të lirë datën 16 gusht, pasi nuk kanë planifikuar një miqësore të mundshme.
Ndaj, kandidatura shqiptare është quajtur si mjaft e rëndësishme edhe për Turqinë, e cila kërkon të përgatitë eliminatoret e Euro 2008, duke shpresuar që të kthehet mes ekipeve më të mira në Evropë, pasi ka dështuar në dy turnetë e fundit ndërkombëtarë. Për më tepër, turqit kanë ende një hesap për të larë me kuqezinjtë, pasi duan t’i dëshmojnë opinionit publik se fitorja e tyre në ndeshjen e fundit të eliminatoreve të Botërorit nuk ishte e falur, por e merituar. Megjithatë, ata i kanë kërkuar FSHF-së të nxitojë për të përcaktuar detajet, në të kundërt do të kërkojnë një tjetër kundërshtar gjatë këtyre ditëve. Si rrjedhojë, nëse FSHF nuk arrin të rregullojë çështjen e miqësores brenda kësaj jave, rrezikohet që edhe hipoteza e “sigurt” turke të bjerë poshtë.

-------------------------------------------

[Juventus]

Shume vende paskemi hypur, kjo si rezultati qe patem ne grup per botrorin 2006, por mua kjo renditja sma mbush mendjen fare !


Po te shikosh me kujdes jan ca skuadra siper nesh qe me futbollin skan te bejn fare po hajd mo ca me bo!

romeoOOO une mendoj qe ki rezultat nuk eshte nga ndeshjet e kombetares ne grupe por kjo vjen si rezultat i nje sistemit te rij per renditjen e kombetareve, pra me pare kombetaret nga Afrika te cilat kane pasur me shume ndeshje kan qene me lart neve ndersa tani vleresohet ndrishe, por me rendesi eshte qe jemi me larte se kur,...

[zeus]

----------------------------------------------

Trajneri i kombëtares shqiptare, Otto Bariç, po kalon ditët tij të fundit të pushimeve, sepse së shpejti do të marrë rrugën drejt Tiranës. Megjithëse koha në dispozicion të tij deri në ndeshjen e parë zyrtare të kuqezinjve, në fillim të shtatorit me Bjellorusinë, është shumë e paktë, kroati nuk ndihet shumë i shqetësuar. Mbase nuk jepet, sepse më poshtë, në intervistën e tij, zbulon se në kokën e tij janë fiksuar vetëm 6-7 lojtarë, që ia kanë mbushur syrin në kasetat filmike që ka parë, ndërsa të tjerët, siç e thotë edhe vetë, duhet t'i gjejë. Ai shprehet optimist në këtë drejtim, por mbase e ka fjalën për një të ardhme jo dhe aq të shpejtë, d.m.th. jo për ndeshjet e para eliminatore të këtij europiani, sepse sfida me Bjellorusinë po troket te dera. Madje, Oto Bariç, sipas të gjitha gjasave, nuk do të ketë mundësi ta shikojë skuadrën as në ndonjë ndeshje miqësore para asaj zyrtare, as në ndonjë zbor disaditor, pasi edhe kjo mundësi e fundit ka rënë poshtë. Kjo, sepse klubet nuk i lejojnë lojtarët e tyre të jenë në dispozicion të trajnerit kuqezi veç datave të lira të UEFA-s. E vetmja mundësi ka mbetur 16 gushti, datë e lirë për miqësore.

- Bariç, si e vlerësoni eksperiencën tuaj të re në stolin e Shqipërisë?

Për herë të parë me përfaqësuesen shqiptare do të jem në fushë më 16 gusht. Për fat të keq, kundërshtar i kombëtares A do të jetë përfaqësuesja e kampionatit shqiptar. Kjo do të jetë ndeshja e vetme përgatitore para përballjes me Bjellorusinë në Minsk dhe me Rumaninë në Tiranë, ndeshje këto kualifikuese për kampionatin europian të vitit 2008. Kundërshtarët tanë në grup janë të fortë, por jam i bindur se diçka do të arrijmë.

- Si ju duket kombëtarja e Shqipërisë, aq sa e njihni?

Më e mirë nga sa e mendojnë shumë njerëz. Brigeli ka arritur që të bëjë diçka me këtë skuadër. Shqiptarët kanë gjashtë a shtatë lojtarë të shkëlqyeshëm, që më bindin vërtet. Prandaj, mua më duhet të gjej edhe nja katër a pesë të tjerë, që të kemi një skuadër interesante, e cila sigurisht do të jetë më e mirë se deri më tani.

- Sipas jush, cilët janë këta lojtarë të shkëlqyeshëm, të cilët e paskan vendin të sigurt në kombëtaren që do të drejtoni?

Bogdani, Cana, Skela, Lala, Beqiri dhe portieri Lika janë baza e ekipit, te të cilët nuk dyshoj aspak. Ata e kanë vendin të sigurt në kombëtaren që do të drejtoj. Të tjerët, sikurse ju thashë, më duhet t'i gjej.

- Kemi informacion se kontrata juaj financiare me Federatën Shqiptare të Futbollit është shumë e mirë?

Po, është e mirë.

- 400.000 euro neto për sezon?

Këtë e thoni ju.

- A është Shqipëria aq e mirë sa të mund të mposhtë Kroacinë?

E dini si janë gazetarët? Në gazetat kroate ka dalë titulli "Shqipëria mund të mundte edhe Kroacinë", duke m'u referuar mua. Këtë nuk e kam thënë kurrë dhe as që do ta mendoja. Në radhë të parë pasi jam kroat. Pastaj se e di fare mirë cila është Kroacia dhe cila Shqipëria. E vetmja gjë të cilën e kam thënë është se Shqipëria ime është aq e fortë sa mund t'i shkaktojë probleme Kroacisë, e cila sot nuk është aq e mirë sa mund dhe duhet të jetë. Por gazetarit i është dukur shumë e butë kjo deklaratë dhe i është dashur ta përmirësojë.

- Duke zgjedhur Shqipërinë, a e keni tradhtuar Qipron? Kemi dëgjuar se keni qenë kandidat i fortë për postin e trajnerit të Qipros?

Me Qipron kam diskutuar shumë seriozisht dhe nuk e kam tradhtuar. Për gjithçka ishim marrë vesh, por më pas trajneri i tyre, më duket se është një grek, pas disa dështimeve, arriti ta ruajë postin e tij. Kësisoji, nuk kishte vend për mua, kështu që zgjodha Shqipërinë.

- Pse Qiproja dhe pse Shqipëria?

Në radhë të parë se dua të punoj, sepse mund të jap ende shumë. Do të doja të jepja për Dinamon e Zagrebit, por nuk u kuptuam. Në Qipro më pëlqente klima, ashtu si edhe në Shqipëri. Tirana është vetëm një hap larg detit, ndërsa në Durrës është gati si në Dubrovnik.

Driton Latifi
Sporti Shqiptar

[zeus]

------------------------------------------------

- Igli, pas vendimeve të fundit të gjykatës sportive italiane, Lacio e shikon veten në serinë B. Si janë tanimë relatat Tare-Lacio?

- Nuk ka ndryshuar asgjë. Unë jam lojtar i Lacios dhe çështja ende nuk është mbyllur, ndaj nuk ka ndryshuar asgjë.

- Kjo do të thotë se Tare i qëndron besnik Lacios?

- Unë kam kontratë me klubin lacial dhe dua ta respektoj atë, qoftë në serinë A apo në serinë B. E ardhmja ime do të jetë te skuadra e Lacios, sido që të shkojnë punët.

- Të flasim pak për kombëtaren. Çështja që "djeg" më shumë është rinovimi i formacionit kuqezi...

- Rinovimi është një proces që duhet bërë ngadalë dhe në përfundim të çdo edicioni, domethënë çdo dy vjet. Me termin rinovim nuk duhet abuzuar nga askush.

- Trajneri Bariç ka deklaruar së fundi se tashmë e ka një bosht dhe se do të rinovojë pjesën tjetër. Ju më duket se nuk jeni pjesë e atij boshti. Si e gjykoni këtë qëndrim të kroatit?

- Besoj se trajneri Bariç do të ketë qenë shumë i emocionuar kur e ka bërë atë deklarim. Natyrisht, nuk i vë faj, ishte intervista e parë si trajner i kombëtares shqiptare dhe mbase ka rënë pre e emocionit. Ajo që besoj unë është se trajneri Bariç nuk do ta presë kombëtaren me shpatë, në pjesë, dhe ne do t'i gjendemi në krah për ta ndihmuar. Ai thelbin e deklaroi. Ajo që më shqetëson mua është se nga e ka nxjerrë këtë thelb.

- Kjo është ironi?

- Jo, është realiteti. Për mua deklarata e trajnerit Bariç ishte një deklaratë emocionale.

- Mos vallë mendoni se Bariç nuk ishte personi i duhur për të ndërmarrë këtë nismë me kombëtaren tonë?

- Jo, duke gjykuar nga CV-të e paraqitura, pas asaj të Nevio Skalës, ajo e Oto Bariçit ishte më e sakta. Kjo që kërkoj të them unë nuk ka të bëjë me gjashtë emrat e përmendur dhe me të tjerët e lënë jashtë.

- Me se ka të bëjë atëherë?

- Me idenë e nisjes së punës. Kjo mënyrë pune lë për të dyshuar, por këtë do ta shohim më vonë.

- Meqë jemi te mënyra e punës. Në Kroaci ka luajtur Tirana, por përveç kësaj, Bariç ka anashkaluar edhe ndeshjen e kampionëve të Elbasanit. Kjo mënyrë pune na duket shumë familjare, si e paraardhësit të tij...

- Fillimi i mbarë është gjysma e punës. Mbase ai nuk e ka parë të arsyeshme të ndjekë skuadrat tona. Mesa duket kërkon të na shohë vetëm në testin e 16 gushtit që do të zhvillojë kombëtarja A me atë B.

- D.m.th nuk do të ketë një miqësore të mirëfilltë?

- Unë jam njoftuar vetëm për një përballje mes kombëtares A dhe asaj B.

- Rikthehemi te rinovimi. Ju si e gjykoni ndërmarrjen e tij?

- Nuk duhet abuzuar me rinovimin. Shohim se bëhen shumë gjëra në emër të rinovimit. Unë, Hasi apo të tjerë jemi vërtet në moshë të madhe, por ama nuk është ky thelbi i punës. Mungon ideja e rinovimit. Lojtarët duhen përzgjedhur në mënyrën më të mirë të mundshme. Deri më sot ata që kanë shkëlqyer janë afruar dhe askush nuk është bërë pengesë për ta. Ne na duhet një plan serioz. Intervista e Bariç nuk e përmbante këtë. Më la shumë dyshime. Por këtë do ta tregojë koha.

- Duket se nuk e aprovoni aspak...

- Ajo ishte intervistë e dalë nëpërmjet kasetave. Një konkluzion i tillë më duket i çuditshëm. Besoj se do të ishte më e drejtë që Bariç ta shikonte skuadrën nga afër. Ta shikonte në ndeshje dhe pas tre-katër muajsh të jepte një konkluzion më të qartë. Gjithsesi, siç e thashë më lart, konkluzioni i tij ishte i çuditshëm.

- E çuditshme ishte dhe deklarata e tij në fillim se Shqipëria e mund Kroacinë, apo nuk e keni lexuar?

- E kam lexuar dhe e kishte përgënjeshtuar diçka të tillë.

- Pra, ju kërkoni njëkohësisht një grup solid dhe një rinovim të kombëtares. Duket e vështirë apo jo?

- Nëse bëhet në mënyrën e duhur nuk është e vështirë. Patjetër që duhet grupi solid, por ama që ky grup të jetë sa më i fortë duhet që lojtarët, të cilët e përbëjnë atë, të jenë me kontrata të rregullta në klubet ku militojnë. Në kombëtare nuk mund të vijë cilido, vetëm se ka dëshirë për të luajtur, në kombëtare duhet të vijë ai që e meriton.

- Edhe sa mund t'i japë Igli Tare kombëtares sonë?

- E di që ka një fillim e një mbarim. Fillimi im ka kohë që ka kaluar, por as mbarimi ende nuk ka ardhur...


Fanella kuqezi, krenaria më e madhe e Iglit

"E kam ndjerë veten gjithmonë krenar që kam përfaqësuar kombim tim dhe jam ndjerë i emocionuar sa herë që kam pasur në shpatulla fanellën kuqezi! E them me plot gojën që nuk ka gëzim e kënaqësi të dytë që të jetë e barazvlefshme me atë të përfaqësimit të kombit tënd. Unë e dua kombin dhe kombëtaren time dhe jam krenar për këtë gjë."

Jeto Selimi
Sporti Shqiptar

[zeus]

--------------------------------------------

Ashtu siç ishte parashikuar, trajneri kroat i kombëtares shqiptare, Oto Bariç, ka dalë në një konferencë për shtyp, menjëherë pas përfundimit të takimit mes përfaqësuesve të federatës. Ai iu përgjigj pyetjeve të shumta të gazetarëve dhe ndonjëherë pati edhe "fërkim" mes përfaqësuesve (Mici, Çela, Bariç, Nurishmi) dhe medias, ku ndonjë pyetje shkaktonte mërmëritje mes të pranishmëve. E megjithatë, Bariçi dje ka folur hapur përpara mediave, ndonëse disa detaje iu lanë kohës, të paktën ashtu siç deklaroi vetë kroati.

Takimi i djeshëm mes sekretarit Mici, Çelës dhe trajnerit Bariç ka sjellë edhe vënien e piketave të para të punës së kroatit. Kështu, sipas asaj që konfirmoi vetë trajneri dhe sekretari Mici, dje janë zhvilluar bisedimet e para rreth krijimit të stafit, bisedime që do marrin trajtë të plotë në ditët në vijim, në mbledhjen e radhës të komitetit ekzekutiv.
"Ju gazetarët kërkoni të dini gjithçka menjëherë. U zhvillua një bisedë normale që ka pasur si epiqendër zhvillimet për muajin e ardhshëm të skuadrës kombëtare. Këto bisedime përfshijnë gjëra të ndryshme, si akomodimi i lojtarëve, vendi ku do të grumbullohet skuadra e të tjera si këto."

Por, ndryshe nga trajneri Bariç, në përfundim të konferencës sekretari Mici ka saktësuar se takimi ka pasur të bëjë edhe me pagesat e pjesëtarëve të stafit, sidomos të zëvendëstrajnerit:
"Mund t'ju konfirmoj se kemi biseduar edhe për detajet ekonomike të ndihmësit të Bariçit. Për pagesën e vetë trajnerit kemi rënë dakord me kohë dhe ky është një kapitull i mbyllur. Sot biseduam vetëm për ndihmësin e tij."

Miqësorja

Një tjetër temë e nxehtë është edhe miqësorja e datës 16 gusht. Nga ajo që dihet deri më tani, kundërshtari i vetëm i kombëtares sonë do të jetë kombëtarja B, por trajneri Bariç ka konfirmuar dje se po vijojnë kërkimet për një përballje të nivelit të duhur:
"Federata po kërkon një kundërshtar të fortë. Deri më tani nuk e kemi, por shumë shpejt do ta kemi, sepse po zhvillohen bisedimet. Unë pres që brenda javës të mësojmë emrin e kundërshtarit të kombëtares sonë."

Ndërsa nga ana tjetër, sekretari Mici ka deklaruar se dje ka mbërritur një faks nga federata e Uruguajit, së cilës i është kthyer përgjigje pozitive. Tani mbeten për t'u përcaktuar detajet dhe vendi i zhvillimit të saj, nëse bien dakord të dyja palët.
"Federata ka marrë një ftesë nga homologia e saj uruguajane, e cila është shprehur e gatshme për një takim miqësor me Shqipërinë. Ka mbetur për t'u përcaktuar vetëm vendi i zhvillimit të takimit si dhe disa detaje të tjera."

Duke qenë se rinovimi i kombëtares sonë është dhe pikësynimi kryesor i federatës (kualifikimi për në europian është harruar), kroati Bariç do të zhvillojë sot një takim me trajnerin e Shpresës kuqezi, Artan Bushatin, me të cilin do të diskutojë pikërisht për këtë çështje dhe për elementët më me perspektivë.
"Kombëtarja kuqezi ka nevojë për lojtarë të rinj. Unë kam përmendur disa emra, duke i cilësuar të domosdoshëm, por kemi shumë nevojë për frymë të re. Nesër (sot) kam një takim me trajnerin e kombëtares U-21, Artan Bushatin, me të cilin do të diskutojmë për lojtarët më të mirë të rinj që militojnë në vend, por edhe për ata që luajnë jashtë. Ne do të bëjmë atë që duhet në këtë drejtim dhe për këtë jam i vendosur."

I pyetur rreth pozicionit të tij në kombëtaren shqiptare në një kohë kur federata është përfshirë në një "luftë" gjyqësore me MTKRS-në, ku kjo e fundit deklaron paligjshmërinë e FSHF-së, Bariçi thotë se nuk është në dijeni të kësaj, por ka shtuar se ka besim te ajo që ka biseduar me zyrtarët e federatës. Madje, edhe kur mëson se shteti ynë ka kontaktuar me ambasadat e Austrisë dhe të Kroacisë në vendin tonë, për ta njoftuar Bariçin se po nënshkruan një kontratë të paligjshme me një institucion të paligjshëm, që nuk njihet nga shteti, trajneri kroat u ka dhënë një "grusht të fortë" deklaratave të mëparshme të drejtorit Spahiu për këtë problem.
"Unë besoj te njerëzit. Nëse ka diçka që është e jashtëligjshme, ne do të ulemi dhe do ta sqarojmë problemin. Por, nëse është ashtu siç më thoni ju, mua nuk më ka njoftuar njeri për diçka të tillë, madje as ambasadat austriake e kroate këtu në Tiranë, ku kam miq e shokë. Madje, jo më larg se pak ditë më parë, më uroi vetë ambasadori kroat në Shqipëri për emërimin tim si trajner i kombëtares shqiptare. E kemi lënë që të darkojmë së bashku tani afër."


10 ndeshje të zhvilluara nga kombëtarja jonë në eliminatoret e fundit kanë qenë nën vëzhgim të rreptë nga trajneri, i cili deklaron se, nëpërmjet asaj që ka parë, ka arritur të mësojë sesi funksionon kombëtarja jonë. Madje, ai ka premtuar se do të rrisë nivelin e lojës sonë dhe se do të punojë shumë fort.
"Kam parë 10 kaseta të takimeve të Shqipërisë në eliminatoret e Botërorit Gjermani 2006, dhe praktikisht i bie që të kem parë pjesën dërrmuese të takimeve të luajtura. Kam parë sesi funksionon kjo skuadër dhe, duke i marrë parasysh të gjitha, mënyrën e lojës dhe kohën në dispozicion, them se do të përmirësojmë mjaft gjëra. Unë dua që të bëj ndryshime dhe loja e përfaqësueses shqiptare të arrijë nivele europiane, të bëhet më moderne."

"Lojtarët aktualë të kombëtares shqiptare janë lojtarë shumë të mirë. Unë kam përmendur disa emra, si Skela, Lika, Bogdani e të tjerë, por kjo nuk do të thotë se lojtarët e tjerë janë të këqinj."
Kështu e nis Oto Bariç përgjigjen për pyetjen më delikate dhe që ka krijuar jo pak reaksion në mediat sportive ditët e fundit. Gjithashtu, ai mendon se do të arrijë t'i shfrytëzojë të gjitha potencialet që do të ketë në dispozicion.
"Kohën do ta shfrytëzojmë në maksimum dhe, përveç kësaj, do të shfrytëzojmë çdo element tjetër pozitiv. Unë kam një vizion të qartë dhe e di se çfarë kërkoj. Kombëtarja shqiptare nuk do të varet nga një futbollist, pasi do të bëjmë çmos të kemi të paktën nga dy lojtarë të denjë për çdo rol. Ne do të arrijmë të mundim një nga skuadrat e forta. Këtë do ta bëjmë."

Kualifikimi

E ndërsa dihet që kundërshtari më i fortë i përfaqësueses sonë është natyrisht dhe pretendenti kryesor për të dalë nga grupi, Holanda, trajneri Bariç i ka idetë të qarta në këtë pikë. Ai nuk kërkon të lëshojë "bomba" rreth kualifikimit, teksa shikon si më jetike zgjidhjen e problemeve të tjera.
"Unë jam i ri këtu dhe dua kohë. Do ta shfrytëzoj në maksimum këtë kohë. Unë premtoj që do të punoj. Nuk mund të premtoj gjëra të tjera. Do të ishte e pabazë për shembull që të deklaroja se do të mundnim Holandën. Ne nuk jemi të shkëlqyer, por do të përmirësohemi,"- deklaron Oto Bariç, trajneri i kombëtares shqiptare.

Jeton Selimi
Sporti Shqiptar

[Moltisanti]

Knej thote Shqiperia ka ekip te denje te perballet edhe me kroacine , nga ana tjeter pohon se nuk do kundershtar si Uruguai ne miqsore pasi jane shume te forte ??? Se marr vesh ku do te dali !!....preferon te masi forcat me san marinon qe eshte i nivelit te lushnjes dhe nuk preferon nje legjende te futbollit boteror pasi i duket shume i forte ...

artikullin e keni tek www.balkanweb.com