Kombëtarja Shqiptare

[Moltisanti]

Berti Vogs do ishte ideal per ekipin tone .Na duhet prap gjak gjermon , se kto jane veshtire te korruptohen , italjon e braziljon jane si puna jone , me nji shishe raki plas miku ne komtare o none o none
Scolarin harrojeni , paguhet nga federata portugeze 900.000 euro ne vit , Federata jone duhet me mor borxh ke fifa me pagu rrogen e ktij .

[uj me gaz]

me vu kusht ne kontrat pushimin nga puna nese kombetarja humb tre ndeshje rradhazi pa e pas bisedu m'par, jo briegel qy nuk t'rri aty po as trajner kosovar nuk vijn. un them qy trajner t'par mos ket. punen me skuadren ta boj i shtab trajneresh shqiptar, ndersa formacionin t'a venosi unanimisht forumi!

[Isomer937]

Sipas Eurosport.com trajneri i kombetares i le shendene Shqiperise.

Briegel quits Albania
Former Germany international Hans-Peter Briegel ends his three-year stint as Albania coach after rejecting a new contract offer.

Brigel le Shqiperine
Ish lojtari i kombetares gjermane Hans-Peter Briegel mbyll nje periudhe tre vjecare si trajneri i Shqiperise duke refuzuar kontraten e re.

Si mendoni qe do jete ecuria e Shqiperise ne eliminatoret e Euro 2008 pas ketij largimi. Iku Brigeli se deshte me shume leka apo se nuk e deshin tifozet?

[dodoni]

Dy trajneret e vetem qe kane hedhur kandidaturat deri tani jane Ardian Kozniku dhe plaku 74-vjecar rumun Jenei. Por rumuni jo vetem qe eshte plak por e ka edhe anen tjeter negative qe Rumania eshte ne grup me neve dhe nuk guxojme te bejme gabim duke marre nje rumun ne krye te kombetares sepse mund te kete konflikt interesash pastaj.

Une jam per Ardian Koznikun dhe kam besim te plote ne te qe jo vetem do ja nxjerr edhe piken e fundit te talentit lojtareve tani por edhe do sjell nje gjak te ri ne kombetare, nje vetbesim ne fushe, nje shpirt garues, dhe do jete me shume ne gjendje te thithe talentet tane qe luajne jashte, e ndoshta edhe bashkimin e mundshem te kombetares se Kosoves dhe Shqiperise ne futboll. Bashkimi i kombetareve, mund te na sjelle edhe Behramin, Kuqin, e tjeret qe luajne me kombetaret tjera ne kombetaren tone.

[Ilove_INTER]

Nejse mire u be qe u hoq edhe Ky Brigeli se ja kam pas marr inatin shume.... i kishiun ven kushtin qe ne qofse i ben 3 humbje radhazi hiqesh ... ky ska pranuar.. eh pi ik pra se sna duhesh.... mendoj qe ne shumicen e lojrave ka pas faj edhe Brigeli...


nejse mire u be..



Une lexova dje me duket qe pretendent eshte edhe Uve Radolpher .. nje trajner shume i mire gjerman eshte... te shohim... ky larte po thote edhe Ardian Kozniku... mbasi jom i te njejtin vend prej nga eshte edhe Ky (gjakoves) e njoh mire dhe e di qe eshte nje puntor i palodhshem ... nje Njeri me seriozitet te madh... DIhet qe dot kete mebshtetjen e dy vendasve qe luajne me kombetaren HASIT DHE CANES te cilet derdhin atomin e fundit per fanellen ton.. kam deshir te gjithe te jene ashtu....


Hajde shpresojme te behet mire me kombetaren tone ...

[inter_forever]

BRIGEL , trajner i ri i Bahrein .


Trajneri gjerman qe la pankinen shqiptare ka nenshkruar nje kontrate me nacionalen e Bahrein . Ai ze vendin e belgut Peruzovic.

Bahrein iu afrua shume kualifikimit per ne boteror , por u eleminua ne takimin deciziv me Trinidad & Tabaco .


Marre nga Gazetta dello sport.

[Pasiqe]

Kosovari flet për largimin e papritur të Brigelit dhe për staturën e pasuesit të tij 11-05-2006

Hasi: Ikja e Brigelit, humbje për kombëtaren

Olsi Avdiaj


Ka mbetur i habitur një nga lojtarët më të mirë të kombëtares shqiptare, Besnik Hasi, kur i është thënë se Hans Peter Brigel është larguar nga Shqipëria. "Nuk e besoj. Unë di që ai firmosi një kontratë tjetër para disa ditësh, është shprehur kosovari dje nëpërmjet linjës telefonike. - Me të vërtetë nuk di gjë. Jam me pushime." Gjithsesi, një nga lojtarët më të vjetër të kombëtares dhe sigurisht i pazëvendësueshëm për rolin që ka në ekip, Hasi në fillim ka folur për Brigelin. Kosovari është shprehur se largimi i trajnerit gjerman nga kombëtarja shqiptare është një humbje për ekipin tonë. Brigeli gjithmonë ka qenë realist në punën e tij dhe është munduar të marrë maksimumin për Shqipërinë. "Unë mendoj se është një humbje për ekipin tonë. Ai ka bërë një ndryshim të madh nga e kaluara e kombëtares shqiptare që kishte vetëm një erë negative. Me të vërtetë ai i ka treguar më së miri vlerat e tij. Ka treguar se në radhë të parë është njeri i mirë dhe pastaj trajner i mirë. Me të vërtetë e ka ndryshuar shumë kombëtaren tonë. Ka qenë realist në vlerësimin e tij dhe në lojën e tij. Mendoj se do të jetë i pazëvendësueshëm," është shprehur Hasi.
Ky i fundit ka shtuar se do të jetë e vështirë që Brigeli të zëvendësohet në ekipin kombëtar. "Trajneri i ri të jetë i huaj apo shqiptar? Pak rëndësi ka. Në ekipin tonë kombëtar ka karaktere të ndryshme. Pikërisht këtë gjë duhet të bëjë trajneri i ri, të menaxhojë karakteret e ndryshme të lojtarëve. Normalisht duhet të ketë një kualitet më të lartë se Brigeli dhe të jetë i prerë e potent në qëndrimet e tij. Në të kundërt nuk do të kuptohej kjo lëvizje e gjermanit. Trajneri i ri duhet ta çojë më lart ekipin, sepse pastaj kjo gjë nuk do të kishte kuptim," ka përfunduar Hasi.

Brigel: Të hënën më ndryshoi kontrata
Nuk ka qenë dakord Hans Peter Brigel që të nënshkruajë një kontratë, e cila, sipas tij, ka ndryshuar vetëm ditën e hënë. Këto kënë qenë fjalët e trajnerit Hans Peter Brigel menjëherë pas largimit nga stoli i kombëtares shqiptare. Pasi është shprehur se Shqipëria gjithmonë është një kujtim i bukur, Brigeli ka folur në lidhje me atë çfarë ndodhi realisht mes palëve edhe në shtypin gjerman. "Të hënën u informova për objektiva shtesë, që nuk ishin parashikuar në kontratën e parë. Kisha menduar me qetësi dhe kisha vendosur që do ta drejtoja ekipin edhe për europianin. Do të kishim bërë një tjetër hap të madh përpara, por nuk ishte e thënë. Për t'u kthyer në Shqipëri, mendoj se do të kthehem pas dy-tri ditësh, pasi gjërat të qetësohen plotësisht," ka përfunduar gjermani.

Duka: Nuk ka rëndësi kombësia e trajnerit
Presidenti i FSHF së, Armand Duka, menjëherë pas finales së Kupës së Shqipërisë ka folur në lidhje me trajnerin e ri të kombëtares shqiptare. Duka ka pohuar se me të gjitha gjasat trajneri do të jetë i huaj. "Nuk mund të them se nga cili vend do të jetë. Gjithsesi, nuk ka rëndësi kombësia e trajnerit. Ai mund të jetë edhe shqiptar," është shprehur njëshi i FSHF së. Ndërkohë, Duka ka pohuar edhe një herë se Brigeli ka qenë dakord me kushtet e kontratës në parim, por nuk ka pranuar që të nënshkruajë për kontratën në mënyrë të çuditshme.

[Pasiqe]

Brigeli na e la shendene sepse Armand Duka eshte nje lope gjiganteske qe ben pak qumesht e pastaj e shkelmon me force.

http://www.forumishqiptar.com/showthread.php?t=67965

[zeus]

---------------------------------------------------

Kroati Oto Bariç ka firmosur dje kontraten per te drejtuar kombetaren shqiptare ne eliminatoret e Evropianit. Gjate firmes ai ka deklaruar:

"Kam pare disa kaseta te kombetares shqiptare dhe mund te them qe Brigeli ka bere pune te mire. Mendoj se kam eksperiencen e duhur per ta çuar me perpara Shqiperine. Kam pune per te bere, por do te flas me lojtaret per te arritur qellimet. Do te bej gjithçka ashtu siç di."

Bariç do te shkoje perseri ne Shqiperi me daten 15 korrik per te biseduar me FSHF ne lidhje me organizimin e nje ndeshje miqesore.

---------------------------------------------------

[zeus]

-------------------------------------------------------------------

Oto Bariç i entuziazmuar nga Kombëtarja shqiptare e futbollit

Vetëm pak orë pasi ka firmosur kontratën, që e lidh me skuadrën kuqezi deri në fund të edicionit të ardhshëm, tekniku kroat ka vlerësuar skuadrën e tij. Në një intervistë ekskluzive, të dhënë për gazetën kroate “Jutarnji List”, tekniku Bariç ka tronditur opinion sportdashës të këtij vendi. Deklarata e tij, sipas të cilës “Shqipëria ime është aktualisht më e mirë se Kroacia e Zlatko Kranjcarit”, ka
qenë si një rrufe në qiell të pastër në ish-republikën Jugosllave. Faktikisht, habia e shprehur nga dalmatët është krejtësisht e kuptueshme, duke gjykuar mbi performancat dhe të kaluarën e dy përfaqësueseve në arenën ndërkombëtare. Nëse Kroacia është kualifikuar rregullisht gjatë
viteve të fundit për në kompeticionet e rëndësishme ndërkombëtare (duke fituar edhe medaljen e bronzit në Botërorin e vitit 1998), Shqipëria mund të krenohet vetëm me disa fitore sporadike, ku pika kulmore është fitorja me kampionët e saposhpallur të Greqisë, më 4 shtator të vitit
2004.

Gjithsesi, me tej, në intervistën e dhënë për gazetën kroate, trajneri 74-vjeçar ka vazhduar të flasë me elozhe për kuqezinjtë, duke theksuar se, pasi ka ndjekur shumë pamje filmike të ndeshjeve, Shqipëria ka treguar një nivel të lartë loje. Sipas tij, niveli që kjo skuadër mbart në vetvete
nuk përkon me pozitat dhe emrin në arenën ndërkombëtare.
“Kam parë dhjetë ndeshje të kuqezinjëve në videokaseta dhe mund të them
me plotë bindje se Shqipëria qëndron padrejtësisht në vazon e pestë”,
ka deklaruar Bariç.
Drejtuesi i stolit as që ka pasur ndërmend të frenonte këtu, duke dhënë edhe një premtim që për t’u realizuar kërkon që kuqezinjtë të kualifikohen në Evropianin 2008, i cili do të zhvillohet në Austri dhe
Zvicër.
“Duke parë të gjithë situatën dhe të gjithë kontingjentin e skuadrës, unë do të përpiqem që ta dërgoj atë në vazon e tretë, por mund të ndodhë që të futemi edhe në vazon e dytë”.
Fjalë të forta, të cilat do të thoshin edhe realizimin e ëndrrës së të gjithë shqiptarëve: pjesëmarrjen në fazën finale të një kompeticioni të rëndësishëm.

-------------------------------------------------------------------