Kombëtarja Shqiptare

[dodoni]

Bazuar ne lojtaret e grumbulluar dhe skemat e lojes te cilat pritet ti aplikoj Baric, une mendoj se formacioni i kombetares ne ndeshjen me Bjellorusine duhet te jete keshtu:

Ne porte: Arian Beqaj

Ne mbrojtje: Debatik Curri dhe Elvin Beqiri ose Nevil Dede (mvaresisht se cili eshte me ne forme nga ndeshjet e fundit dhe ne stervitje tani), ne krahun e djathte Armend Dallku dhe ne krahun e majte Altin Haxhi ose Erion Xhafa.

Ne mesfushe: Lorik Cana (Lala rezerve ne kete rol) mesfushor shkaterrues, Ervin Skela (Devi Muka rezerve ne kete rol) fantazist, Klodian Duro ne krahun e djathte dhe Edvin Murati ne krahun e majte.

Ne sulm: Erjon Bogdani dhe Hamdi Salihi.

[murik]

Sa pike mendoni se do te mbledhi kombetarja ne eliminatoret per kampionatin europian?Mendimi im eshte ky: Me Hollanden 2 ndeshje 0 pike,me Rumanine 2 ndeshje 3 pike,me Bullgarine 2 ndeshje 1 pike,me Bjellorusine 2 ndeshje 3 pike,me Sllovenine 2 ndeshje 1 pike,me Luksenburgun 2 ndeshje 6 pike.Pra sipas parashikimit tim gjithsej do te grumbullojme 14 pike.Pres mendimet tuaja.

[OO7]

Trajneri i kombëtares, Oto Bariç, shprehet se është gati për sfidën me Bjellorusinë 30-08-2006

Bariç: E kam gati kurthin për Bjellorusinë

Oto Bariç u lë në "derë" topin fubollistëve të kombëtares. Sipas tij, do të jenë ata që do të vendosin fatet e ndeshjes me Bjellorusinë, që do të zhvillohet më 2 shtator në Minsk. Trajneri i kombëtares shqiptare gjithashtu është shprehur se është i kënaqur me formën e ekipit dhe se shpreson në një rezultat pozitiv në ndeshjen e parë zyrtare të kuqezinjve nën erën Bariç. Ka qenë Xhelil Musa, mikpritësi i kuqezinjve, ai që e ka pohuar dje një fakt të tillë nëpërmjet linjës telefonike. Në fillim, Musa të flet shumë ngrohtë dhe shton se kushtet e ekipit kombëtar janë perfekte. Kombëtarja, sipas tij, ka zhvilluar një stërvitje vetëm pasdite, ndërkohë që paradite, për shkak të shiut, është zhvilluar një seancë teorike. Gjithsesi, Musa ka pranuar të na transmetojë disa përshtypje që trajneri Oto Bariç ka dhënë këto dy ditë. "Dje trajneri ka parë së bashku me ekipin kasetën e ndeshjeve të Bjellorusisë. Ai u ka shpjeguar lojën lojtarëve tanë dhe ka dhënë edhe mjaft sugjerime për kundërshtarët," është shprehur Musa.
Ky i fundit ka pohuar se Bariçi është shumë i kënaqur nga gjendja e ekipit. "Lojtarët në përgjithësi kanë gjendje të mirë fizike. Janë në formë dhe kjo më gëzon. Kundër Bjellorusisë kemi vetëm një lojtar të dëmtuar, Klodian Duron. Të tjerët deri tani janë në gjendje të mirë. Aktualisht e kam ngritur strategjinë anti Bjellorusi. Këtë gjë ua kam bërë të qartë edhe lojtarëve të mi. Shpresoj që ata të ma kenë kuptuar strategjinë. Nuk di ç'të them tjetër. Në dorë ndeshjen me Bjellorusinë e kanë vetë lojtarët. Do të jenë ata që do të vendosin fatet e ndeshjes së 2 shtatorit," mësohet të ketë thënë Oto Bariçi. Ky i fundit, sipas Xhelil Musës, shpreson që ditën e shtunë kombëtarja të marrë një rezultat pozitiv. Kjo, sipas tij, do të ishte shumë e rëndësishme për moralin dhe gjithë ambientin e kuqezinjve.

Olsi Avdiaj
Sporti Shqiptar

[OO7]

Kombëtarja shqiptare dje ka zhvilluar vetëm një seancë stërvitore në Hamburg. Paradite kanë bërë taktikë 30-08-2006

Kuqezinjtë "studiojnë" Bjellorusinë

Kombëtarja shqiptare vazhdon përgatitjet për ndeshjen e parë eliminatore me Bjellorusinë. Skuadra kuqezi, e cila ndodhet në Hamburg prej ditës së hënë, vetëm sot është plotësuar me të gjithë lojtarët e kombëtares. Me ekipin janë bashkuar lojtarët që luajnë në kampionatin ukrainas, si Shkëmbi, Beqiri, Curri dhe Dallku. I gjithë ekipi ka qenë i plotë, me përjashtim të Klodian Duros. Lojtari i Tiranës, prej ditës së djeshme, nuk ka zhvilluar stërvitje me ekipin. Sipas informacioneve të marra brenda stafit të ekipit kombëtar, është e sigurt që Duro nuk do të jetë për këto dy ndeshje me Bjellorusinë dhe Rumaninë. Madje mesfushori mund të mungojë edhe në ndonjë ndeshje të kampionatit. Gjithsesi, trajneri kroat dje paradite e ka pasur në dispozicion të gjithë ekipin kombëtar.

Paradite vetëm seancë teorike
Kuqezinjtë, paraditen e djeshme, e kanë pasur pothuajse pushim. Moszhvillimi i stërvitjes së paradites është justifikuar me kohën e keqe. Sipas Xhelil Musës, mikëpritësit të kuqezinjve, shiu i madh ka bërë që stërvitja e paradites së mos zhvillohet. Kuqezinjtë, me në krye trajnerin Oto Bariç, nuk janë stërvitur, por për 3 orë me radhë kanë vëzhguar me kujdes ndeshjet e fundit të ekipit të Bjellorusisë. Sipas informacioneve, Bariçi u ka shpjeguar lojtarëve lojën e kundërshtarëve dhe se cilat janë dobësitë dhe anët e forta të ekipit kundërshtar. E gjithë skuadra ka diskutuar për lojën dhe strategjinë që do të ndjekë ekipi ynë për ndeshjen me Bjellorusinë.

Bie poshtë hipoteza për miqësore
Trajneri kuqezi Oto Bariç nuk ka pranuar dje që të zhvillojë një ndeshje miqësore. Burime zyrtare pranë ekipit tonë kombëtar kanë bërë të ditur dje se trajneri kroat nuk ka pranuar që të luajë një ndeshje miqësore me Hanoverin e Altin Lalës. Mësohet se Bariçi nuk ka pranuar që ta rëndojë ekipin kombëtar me një ndeshje kontrolli.

Hoteli pushtohet nga tifozët shqiptarë
Tifozë të shumtë shqiptarë kanë rrethuar dje hotelin ku është akomoduar ekipi kombëtar shqiptar. Shumë shqiptarë që jetojnë në Gjermani janë takuar me idhujt e tyre, madje kanë bërë edhe disa fotografi. Interesimi i tifozëve shqiptarë ka qenë shumë i madh. Shumë prej tyre pritet të vijnë edhe sot në hotelin që ndodhet në Hamburg dhe ku qëndron kombëtarja shqiptare. Ndërkohë, interesim të madh për kuqezinjtë e Bariçit ka pasur edhe media gjermane. Shumë kanale televizive kanë ndjekur stërvitjen e ekipit kombëtar shqiptar.

Berisha: Dua të jem me Holandën
Besart Berisha, talenti shqiptar që luan në Bundesligën 1 me Hamburgun, në takimin që ka zhvilluar me trajnerin Oto Bariç është shprehur se kërkon që të vishet sa më shpejt kuqezi. Berisha është shprehur që ka shumë dëshirë që ta veshë fanellën e ekipit kombëtar shqiptar që në ndeshjen me Holandën. Për të ky do të ishte një sadisfaksion i madh.

Piturka: Të fitojmë dy ndeshjet e para
Ekipi kombëtar i futbollit të Rumanisë filloi dje përgatitjet në "Football House" në kuadër të dy ndeshjeve të para, me Bullgarinë ditën e shtunë dhe Shqipërinë të mërkurën e ardhshme, të vlefshme për Euro 2008 ën. Lojtarët e ekipit kombëtar rumun janë grumbulluar në Kostancë, ku zhvilloi edhe stërvitjen e parë me dyer të hapura. Sipas trajnerit rumun Viktor Piturka, ndeshja e ditës së shtunë është shumë thelbësore, pasi Bullgaria vlerësohet si ekipi i dytë favorit në Grupin G, pas Holandës. "Ndeshja me Bullgarinë është e rëndësishme për ne, e njëjta gjë vlen edhe për Shqipërinë. Nëse do të marrim gjashtë pikë, atëherë shanset tona për kualifikim do të rriteshin shumë. Bullgaria është kundërshtarja jonë kryesore, pasi vlerësohet si ekipi i dytë pas holandezëve," - shpjegoi 50 vjeçari Viktor Piturka.

Arian Beqaj e befason Bariçin
Portieri prizrenas Arjan Beqaj qysh në ditën e dytë të stërvitjeve në Hamburg ka lënë përshtypje të mirë se elektori Oto Bariç.
Në një bisedë të shkurtër për "Sportin shqiptar", Bariç ka pranuar se ka ndërruar bindja e tij për gardianin e portës. "Beqaj, duhet ta pranoj, më pëlqeu në stërvitje, ishte shumë i mirë. Mendoj se ai i dëshmoi cilësitë, është njëri nga tre portierët e ftuar dhe në bazë të formës do të shohim se cili do të mbrojë kundër bjellorusëve", tha Bariç. Klodian Duro është paraqitur i lënduar në Gjermani, e kjo është vërtetuar pas rezonancës magnetike, por trajneri kroat tashmë ka menduar për zgjidhjen. "Duro është i lënduar, por është nën përkujdesjen e ekipit mjekësor. Për ndeshjen e parë me bjellorusët sigurisht do të mungojë, ndërsa në takimin e dytë ka pak mundësi që të kthehet, por do të shohim. Në pozitën e tij mund të luajnë disa lojtarë, mund të lëvizë në krahun e tij Lala, apo edhe Haxhi ose Mukaj". Tekniku i kuqezinjve pranon se pak e njeh kundërshtarin e parë të "fushatës Euro 2008". "E njoh pak Bjellorusinë, por them se do të jetë një ndeshje shumë e vështirë, ndonëse angazhimi ynë nuk do të mungojë". Për deklaratën e Hlebit, se Shqipëria është favorite e kësaj përballjeje, Bariç tha: "Mendoj se nuk është logjike të thotë ashtu, ndonëse secili ka drejtë ta shprehë mendimin e vet. Unë mendoj se ne nuk jemi favoritë".
Në ditën e dytë, sipas burimeve, kuqezinjtë e kanë kryer analizën e lojës së tyre nga takimi i fundit miqësor me San Marinon, ndërsa në ditët e ardhshme do t'i shikojnë kasetat e ndeshjeve të bjellorusëve. Kuqezinjtë kanë zhvilluar seancë stërvitore pasdite, në orën 16.30. Të hënën, me selektorin Oto Bariç dhe me shefin e sektorit të ekipeve kombëtare, Besnik Qelaj, ka zhvilluar një takim pune edhe futbollisti i Hamburg SV, Besart Berisha, i cili pritet t'u bashkohet kuqezinjve sapo të pajiset me shtetësinë shqiptare.

Olsi Avdiaj
Sporti Shqiptar

[OO7]

Ndeshjet e kombetares:
Bjellorusi 02/09/06 Shqiperi
Shqiperi 06/09/06 Rumani
Hollande 11/10/06 Shqiperi
Shqiperi 24/03/07 Slloveni
Bullgari 28/03/07 Shqiperi
Shqiperi 02/06/07 Luksemburg
Luksemburg 06/06/07 Shqiperi
Shqiperi 12/09/07 Hollande
Sloveni 13/10/07 Shqiperi
Shqiperi 17/10/07 Bullgari
Shqiperi 17/11/07 Bjellorusi
Rumani 21/11/07 Shqiperi

Nga deshira e madhe per te pare kombetaren tone ne nje Kampionat Europian, mendoj se do te grumbullojme rreth 25 pike.

Ndersa po te shikojme perballjet qe kemi dhe kuotat per cdo ndeshje te gjithe mendojne se ne do te marrim rreth 14-17 pike.

[Qerim]

Parashikimi im per ndeshjen me bjelloruset eshte se rezultatet e mundeshme jane keto.2-1,1-1,0-2.Nuk mund ta them cili ekip do ta fitoje ndeshjen, por duke qene se shumica e lojtareve bjelloruse luajne ne kampionatin rus,i cili ka kohe qe ka filluar ,them se Bjellorus eshte favorite.

[Barlet23]

Edhe mosthirrja e Redi Jupit me duket e pakuptimte.Nje lojtar me pervojen e tij !!Aktivizimi i tij ne ndeshjet e fundit i dha nje tjeter kolorit ekipit.

Gjithashtu duhet te thirren edhe Gjasula dhe Agolli nga kampionati sviceran.

Qerim! , Redi Jupi eshte bere pijanec dhe duhanxhi i keq dhe kete e di se e njoh personalisht!! Eshte lojtar shume teknik por kur luan 90 minuta mund ti duket topi shalqi nga qe nuk ka kondicion!!

[Barlet23]

Bariç: E kam gati kurthin për Bjellorusinë






Oto Bariç u lë në "derë" topin fubollistëve të kombëtares. Sipas tij, do të jenë ata që do të vendosin fatet e ndeshjes me Bjellorusinë, që do të zhvillohet më 2 shtator në Minsk. Trajneri i kombëtares shqiptare gjithashtu është shprehur se është i kënaqur me formën e ekipit dhe se shpreson në një rezultat pozitiv në ndeshjen e parë zyrtare të kuqezinjve nën erën Bariç. Ka qenë Xhelil Musa, mikpritësi i kuqezinjve, ai që e ka pohuar dje një fakt të tillë nëpërmjet linjës telefonike. Në fillim, Musa të flet shumë ngrohtë dhe shton se kushtet e ekipit kombëtar janë perfekte. Kombëtarja, sipas tij, ka zhvilluar një stërvitje vetëm pasdite, ndërkohë që paradite, për shkak të shiut, është zhvilluar një seancë teorike. Gjithsesi, Musa ka pranuar të na transmetojë disa përshtypje që trajneri Oto Bariç ka dhënë këto dy ditë. "Dje trajneri ka parë së bashku me ekipin kasetën e ndeshjeve të Bjellorusisë. Ai u ka shpjeguar lojën lojtarëve tanë dhe ka dhënë edhe mjaft sugjerime për kundërshtarët," është shprehur Musa.
Ky i fundit ka pohuar se Bariçi është shumë i kënaqur nga gjendja e ekipit. "Lojtarët në përgjithësi kanë gjendje të mirë fizike. Janë në formë dhe kjo më gëzon. Kundër Bjellorusisë kemi vetëm një lojtar të dëmtuar, Klodian Duron. Të tjerët deri tani janë në gjendje të mirë. Aktualisht e kam ngritur strategjinë anti Bjellorusi. Këtë gjë ua kam bërë të qartë edhe lojtarëve të mi. Shpresoj që ata të ma kenë kuptuar strategjinë. Nuk di ç'të them tjetër. Në dorë ndeshjen me Bjellorusinë e kanë vetë lojtarët. Do të jenë ata që do të vendosin fatet e ndeshjes së 2 shtatorit," mësohet të ketë thënë Oto Bariçi. Ky i fundit, sipas Xhelil Musës, shpreson që ditën e shtunë kombëtarja të marrë një rezultat pozitiv. Kjo, sipas tij, do të ishte shumë e rëndësishme për moralin dhe gjithë ambientin e kuqezinjve.

[dodoni]

Sport Expres, 30.08.2006 (Futboll)

Berisha, gati per ne Amsterdam

Besart Berisha eshte plot deshire e entuziazem per te veshur fanellen me ngjyrat kuqezi te Shqiperise, qe ne ndeshjen e 10 tetorit, ne “Amsterdam ArenA”, ku kombetarja do te ndeshet me portokallinjte e Holandes. Sulmuesi shqiptar, i cili luan me Hamburgun ne Bundesligen gjermane, ishte i pranishem te henen ne mbremje ne hotelin e kuqezinjve, ku darkoi me trajnerin Baric e shefin Besnik Cela. I prekur edhe nga pritja teper e ngrohte e grupit te lojtareve, Berisha shprehu deshiren per te perfunduar sa me shpejt procedurat per marrjen e nenshtetesise shqiptare, edhe per te luajtur menjehere me Shqiperine. 21 vjecari refuzoi me miresjellje ftesen per te folur me dy gazetaret shqiptare te pranishem, per shkak se me pare ka pasur probleme me keqinterpretimin e intervistave te tij, edhe per shkak te mungeses se rrjedhshmerise ne gjuhen shqipe. Nje interviste e munguar, por me premtimin per t’u bere me vone. Shefi i sektorit te ekipeve kombetare ne FSHF, Cela, u shpreh teper i kenaqur ne fund te bisedes dhe sqaroi se tashme Berisha i ka nisur dokumentat e duhur dhe se ato do te jene mbi tryezen e Celes kur ai te kthehet ne Tirane, pas takimit me Bjellorusine. “Do t’i bejme shpejt dosjen e nevojshme dhe do ta nisim ne presidence”, tha ai. “Shpresojme qe nenshtetesia t’i jepet sa me shpejt, sepse eshte nje sulmues me te dhena fantastike dhe trajneri Baric eshte i gatshem t’i jape besimin”.

[OO7]

Qerim! , Redi Jupi eshte bere pijanec dhe duhanxhi i keq dhe kete e di se e njoh personalisht!! Eshte lojtar shume teknik por kur luan 90 minuta mund ti duket topi shalqi nga qe nuk ka kondicion!!

Me thuaj kush nga lojtaret e Superliges qe ka grumbulluar Baric nuk i ka keto vese? Dede? Hidi? Xhafa? Muka? Lika? Perjashto Salihin se ai eshte ende i ri!