Kombëtarja Shqiptare

[Pasiqe]

Ate deklaraten qe Shqiperia e ka skuadren me te forte se Kroacia Baric e pergenjeshtroi. Gazetari ia ka futur kot.

E ka mire qe s'do te luaje me Uruguajin. S'ka kuptim te luhet ndeshja e pare me nje skuader kaq te forte. Megjithate tha "po s'gjetet tjeter, luajme edhe me Uruguajin".

[Davius]

Gati “Kartoni i kuq” për Shqipërinë

Organizmat më të mëdha europiane dhe botërore të futbollit, FIFA dhe UEFA, kanë dërguar paralajmërimin e radhës për futbollin tonë që ndoshta mund të jetë i fundit, dhe më pas nuk ngelet gjë tjetër, veçse përjashtimi. Dhe pikërisht, dje në adresë të Federatës Shqiptare të Futbollit ka mbërritur një faks nga FIFA dhe UEFA ku bëhet e ditur, se “kupa” tashmë është mbushur dhe nuk mban më. Pas këtij paralajmërimi, futbolli shqiptar rrezikon shumë për tu përjashtuar nga të gjitha aktivitetet europiane dhe botërore, si në rang kombëtareje ashtu edhe në rang klubesh, ç’ka do të ishte një humbje e madhe për lojën e topkëmbës.

Një lajm të tillë e bën të ditur për mediat zëdhënësi i Federatës Shqiptare të Futbollit, Lysien Nurishmi. “Sot(dje) ka ardhur në zyrat tona të Federatës një faks nga FIFA dhe UEFA ku na paralajmërojnë me përjashtim nga të gjitha aktivitetet futbollistike si kombëtaren ashtu edhe klubet. Në faks thuhet se organizmat e futbollit janë njohur me presionet dhe kërcënimet që kanë ushtruar persona të tjerë ndaj anëtarëve të Federatës, për t’iu marrë atyre dokumente të firmosura ku të kërkohet mbledhja e Asmblesë së Jashtëzakonshme të FSHF-së” deklaroi Nurishmi. Më tej zëdhënësi vazhdoi duke sqaruar me shkeljen që i është bërë pavarësisë së Federatës. “Në faksin e ardhur vihet theksi te mosrrespektimi i pavarësisë së Federatës që përfshihet në paragrafin 17 të Statutit të FIFA-s dhe në paragrafin 7.5 të Statutit të UEFA-s. E gjithë kjo situatë nuk e ndihmon aspak futbollin tonë, por e rrezikon seriozisht atë për përjashtim si nga FIFA ashtu edhe nga UEFA” vazhdoi zëdhënësi i FSHF-së.

Ja një pjesë e faksit që ka mbërritur në zyrat e FSHF-së. “I dashur zoti President, FIFA dhe UEFA janë informuar se shumë presione dhe kërcënime janë ushtruar mbi anëtarët e komunitetit të futbollit me qëllim që të siguronin prej tyre dokumente të firmosura ku kërkohej mbledhja e Asamblesë së Jashtëzakonshme Zgjedhore të FSHF-së. Principi i pavarsisë së Federatave të Futbollit i përfshirë në paragrafin 17 të Statutit të FIFA-s dhe në paragrafin 7.5 të Statutit të UEFA-s nuk është respektuar në Shqiperi. Te gjitha keto veprime, ndjekur nga muaj pengese, ndërhyrjeje , akuza të planifikuara nuk e ndihmojnë zgjidhjen e probleme që mund të ekzistojne. Më shumë akoma, këto veprime rrezikojnë prezencën e futbollit shqiptar në nivelet ndërkombetare. Sinqerisht i juaji, Jerome Chmpagne Jacob Erel, i delegari i Presidentit te FIFA-s”.

Ndërkohë që në Kongresin Botëror të FIFA-s që u organizua në muajin maj, Josef Blater pasi takoi presidentin Armando Duka, deklaroi se do të organizonte një takim tre palësh, midis tij, Dukës dhe ministrit Bujar Leskaj por deri më sot një takim i tillë nuk ka ndodhur. FIFA dhe UEFA kanë dërguar këtë paralajmërim që është në vazhdën e shumë të tjerëve që janë dhënë nga organizmat e futbollit europian dhe botëror dhe mund të jetë “kartoni” i dytë i verdhë, që rrjedhimisht sjell të kuqin dhe daljen automatikisht nga “loja”.

Nëse Shqipëria do të përjashtohej nga aktivitetet futbollistike ndërkombëtare atëherë, kjo gjë do të sillte një humbje të madhe për futbollin tonë. Vendi ynë e ka provuar një herë këtë eksperiencë në vitin 1996, kur edhe atëherë shteti do të ndërhynte në punët e Federatës dhe Shqipëria do të përjashtohej për një muaj nga organizmat e futbollit. Do të duhej që shteti të kuptonte gabimin dhe të tërhiqej që do të bënte që futbolli tonë të pranohej sërisht në europë dhe botë. Shpresojmë që një gjë e tillë të mos të përsëritet më, por mesa duket shteti shqiptar nuk ka ndërmend të tërhiqet dhe futbolli tonë, tashmë e ka marrë rrugën.

[Davius]

FIFA paralajmëron sërish Shqipërinë

FIFA dhe UEFA kanë paralajmëruar edhe një herë Shqipërisë se rrezikon që të mos luajë në ndeshjet ndërkombëtare nëse shteti vazhdon të cënojë pavarësinë e futbollit. Ka qenë një letër e FIFA s ajo që ka dhënë edhe një herë alarmin për përjashtimin e Shqipërisë nga ndeshjet ndërkombëtare. Jerome Champagne, i deleguari i presidentit të FIFA s, dhe drejtori i federatave në UEFA, Jacob Erel, kanë qenë ata që kanë nënshkruar letrën. Përmbajtja e letrës është shumë serioze. Në fillim, dy drejtuesit kanë pohuar se FIFA dhe UEFA janë të informuar për ndërhyrjet e shtetit në zhvillimin e një asambleje të jashtëzakonshme.

Po kështu, në letër dy drejtuesit e futbollit europian dhe botëror kërkojnë që shteti të largohet nga pozicioni i tij në ndaj FSHF së, pasi mund ta pësojë si federata fqinje. "FIFA dhe UEFA janë informuar se shumë presione dhe kërcënime janë ushtruar mbi anëtaret e komunitetit të futbollit me qëllim që të siguronin prej tyre dokumente të firmosura, ku kërkohej mbledhja e Asamblesë së Jashtëzakonshme Zgjedhore të FSHF së. "FIFA dhe UEFA, me keqardhje të thellë, shikojnë se edhe pas paralajmërimeve të përsëritura drejtuar autoriteteve përgjegjëse qeverisëse në disa raste (gjatë takimeve në Tiranë dhe Nyon) dhe nga eksperienca e rasteve të ngjashme në vendet fqinje, principi i pavarësisë së federatave të futbollit, i përfshirë në paragrafin 17 të Statutit të FIFA s dhe në paragrafin 7.5 të Statutit të UEFA s, nuk eshte respektuar në Shqipëri. Të gjitha këto veprime, ndjekur nga muaj pengesash, ndërhyrjesh, akuzash të planifikuara me anë të medias dhe fushatash përfolëse etj., nuk e ndihmojnë komunitetin e futbollit shqiptar të adoptojë vendimet e nevojshme për zhvillimin e sportit tonë në vendin tuaj.

Gjithashtu kjo situatë, nuk e ndihmon as për zgjidhjen e problemeve që mund të ekzistojnë. Më shumë akoma, këto veprime rrezikojnë prezencën e futbollit shqiptar në nivelet ndërkombëtare. FIFA dhe UEFA kërkojnë që FSHF t'u dërgojë zyrtarisht një kopje të kësaj letre autoriteteve përgjegjëse qeverisëse të Shqipërisë dhe strukturave të tjera ashtu si dhe anëtarëve të FSHF së," thuhet në letrën e mbërritur dje në federatë. Duket se letra e djeshme paralajmëron hapur shtetin shqiptar që të largohet nga lufta me FSHF në. Në të kundërt, skuadrat, federata dhe futbolli në përgjithësi rrezikojnë pezullimin nga ndeshjet ndërkombëtare.

Olsi Avdiaj
Sporti Shqiptar

[OO7]

Para miqësores së parë me San Marinon, flet trajneri i kombëtares shqiptare, Oto Bariç 16-08-2006

Bariç: Problem i madh, lojtarët pa ekip

Para shtatë vjetësh, Oto Bariç ka debutuar në pankinën e Kombëtares së Austrisë në ndeshje kundër San Marinos, e një fillim të njëjtë e ka zgjedhur edhe në aventurën e tij në krye të kuqezinjve, kur të mërkurën (sot) Shqipëria do të zhvillojë miqësoren me kombëtaren modeste. "Me Austrinë kish një fillim fitues, besoj se edhe nesër (sot) ekipi do të fitojë me San Marinon," - kujton Bariç, teksa flet nëpërmjet celularit të tij nga vendi i vogël i Apenineve.
Pas stërvitjes së fundit, të martën në mbrëmje, ai ka folur për disa defekte evidente në radhët e kuqezinjve. "Më duhet të pranoj se kemi disa probleme të vogla. Disa lojtarë kryesorë nuk kanë klube. Ka të tjerë që janë rezerva nëpër klubet nga vijnë. Kjo dëshmon se ata, automatikisht nuk janë në ritmin e ndeshjeve. Në përgjithësi jam i kënaqur me angazhimin e lojtarëve. Shoh se lojtarët janë miq të mirë ndërmjet veti. Por, po ashtu, janë disa lojtarë që nuk janë të përgatitur fizikisht sa duhet. Megjithatë, nesër do të shohim se kush dhe çfarë do të japin në fushë, për të dhënë një vlerësim më të saktë," - pohoi trajneri kroat, Oto Bariç. Ai shton se nuk e njeh kombëtaren e San Marinos, por shpreh respekt për të. "Nuk e njoh mirë San Marinon dhe pak trajnerë e njohin në përgjithësi, por duhet marrë secili ekip seriozisht, për t'i treguar kualitetet," - pranon ai.
Pas pak, trajneri i ri kuqezi kalon te ndeshjet kualifikuese, që fillojnë në shtator, për Euro 2008. "Nuk dua të humbim me Bjellorusinë. Nuk kemi edhe shumë kohë dhe duhet të reagojmë si duhet," - kujton ai për një moment.
I kritikuar pse i ka lënë jashtë grumbullimit disa futbollistë, Bariç pranon se do ta përcjellë formën e secilit, sidomos të atyre që luajnë jashtë Shqipërisë.
"Pas ndeshjes do të mund të flisja më shumë për ekipin. Nuk dua të flas për formacionin, por sigurisht do të luajnë ata futbollistë që janë paraqitur rregullisht në ndeshjet e fundit. Nuk dua të flas për individë apo edhe reparte të fushës, në veçanti. Do të provoj 5 6 lojtarë për ta ruajtur vlerën e ndeshjes dhe natyrisht do të zëvendësohen ata që nuk do të jenë në ritëm të lojës. Natyrisht, ka edhe lojtarë që nuk i kam ftuar dhe që mund të mos i kem njohur, por do të mundohem ta përcjell sa më tepër nga afër formën e futbollistëve shqiptarë në ekipet e tyre, kudo ku ata luajnë," - shprehet më tej trajneri kuqezi.

San Marino, e parafundit në Europë
Kundërshtari i kuqezinjve, San Marino, është kombëtarja e parafundit, në renditjen e 52 kombëtareve europiane. Më poshtë se San Marino është vetëm Luksemburgu, me të cilën Shqipëria ka luajtur dhe është ndarë pa gola para 4 viteve. San Marino zë vendin e 191 në renditjen botërore të FIFA së, deri sa Shqipëria është e 65 ta. Vetë Republika e San Marinos shtrihet në 61 km katror, ndërsa ka rreth 30.000 banorë, duke u llogaritur shteti i tretë më i vogël në Europë.


Kuqezinjtë provojnë shijet e Bariçit
Dje kombëtarja shqiptare ka zhvilluar dy seanca stërvitore në San Marino. Kombëtarja shqiptare e drejtuar nga trajneri Oto Bariç sot në orën 20.30 do të zhvillojnë ndeshjen e parë miqësore nën "erën" e kroatit. Përballë, kuqezinjtë e Bariçit do të kenë pikërisht ekipin kombëtar të San Marinos. Ndeshja është përcaktuar të luhet sot në stadiumin kombëtar të Principatës në orën 20.30. Pra, kuqezinjtë prej dy ditësh ndodhen në San Marino, ku po përgatiten për ndeshjen miqësore të 16 gushtit. Të hënën skuadra kuqezi është prezantuar para trajnerit të ri. Vetë presienti i federatës Armando Duka, i ka prezantuar stafit të ri të kombëtares të gjithë lojtarët e ekipit kombëtar. Pas ceremonisë së thjeshtë për të gjithë lojtarët ka folur trajneri Oto Bariç. Kroati ka folur para futbollistëve duke kërkuar që ata të japin maksimumin në çdo takim. Ndërkaq dje ka qenë radha e fushës. Trajneri kroat kishte parashikuar 2 seanca stërvitore. Seanca e parë është zhvilluar rreth orës 11.00. Trajneri Bariç më shumë është marrë me anën taktike, ndonëse nuk ka harruar të shohë edhe gjendjen e lojtarëve. Pas stërvitjes së paradites kuqezinjtë janë rikthyer në fushë për të zhvilluar stërvitjen e pasdites. Edhe pasdite Bariç ka bërë të njëjtat gjëra që ka zhvilluar paradite, më shumë taktikë dhe pak stërvitje fizike. Sipas informacioneve të marra pranë ekipit kombëtar, Bariç më tepër ka parë gjendjen e atyre lojtarëve, të cilët ai mendon se mund të luajnë në miqësoren e sotme.
Formacioni, top sekret
Ndonëse nuk është ndonjë miqësore prestigjioze, trajneri Oto Bariç ka preferuar që formacionin për ndeshjen e sotme ta mbajë top sekret. Kështu, sipas informacioneve të marra nga burime pranë kombëtares, Bariç nuk ka pranuar të japë 11 shen që do të luajë gjatë 90 minutave. Madje, formacionin pritet të bëjë publik për lojtarët, vetëm sot në mesditë. Gjithsesi, një gjë është e sigurtë. Me të gjitha gjasat të gjithë lojtarët do të luajnë nga një pjesë loje në takimin e sotëm, që do të nisë në orën 20.30. Edhe të dëmtuar, sipas informacioneve nuk ka asnjë, kështu që Bariç do të ketë luksin e të zgjedhurit mes 22 futbollistëve kuqezinj.

Olsi Avdiaj
Sporti Shqiptar

[PRI-LTN]

di gje njeri se kush kanal e transmeton ndeshjen?

[vagabondo_nyc]

di gje njeri se kush kanal e transmeton ndeshjen?

Une di kush DUHET ti jap ndeshjet po nuk e di kush do ti transmetoj.

Si jane kta robt me bo ndonje qiiindarke per vete ene se rrujne per popullin. FSHF kerko te bojne ndonje leke anesh se TVSH ska takat me pagu si kto kanalet me pagese. Po puna eshte une qe skam pare te shikoj kanale me pages si tja boj? ku ta shikoj kombetaren kur lu futboll? Skane turp vallai ne djall vafshin gjithe ata qe mendojne te bojne ndonje leke ne kurrize te popullit.

[Qerim]

Mbas nje jave do te luhet ndeshja me Bjellorusine.

Pikat e forta per Shqiperine.

1.Trainer me shume pervoje ,mund te themi traineri me rezumene me te mire ne grupin tone kualifikues.
2.Pervoja e lojtareve si Skela, Tare ,Bogdani,Lala, Hasi etj e cila mund te beje diferencen kurdo.

Pikat e dobeta.

1.Mesatarja e moshes e madhe.
2.Stoli dhe kontigjenti i lojtareve qe mund te thirren nga kampionati shqiptar ,mjaft i dobet.


Nje tjeter avantazh, qe kemi. Mendoj se dyshja sulmuese Tare-Bogdani, eshte dyshja sulmuese me produktive e grupit tone kualifikues.

[Tulipani Zi]

Nje tjeter avantazh, qe kemi. Mendoj se dyshja sulmuese Tare-Bogdani, eshte dyshja sulmuese me produktive e grupit tone kualifikues.

Me produktive se Kuijt-van Persie, Petrov-Berbatov ose Mutu-Niculae?
Tare ka kohe qe ka marre fund dhe ne nuk mund te luajme me dy sulmuesa te te njejtit tip. Ne krah te Bogdanit duhet nje sulmues i shpejte si Salihi. Ne nje ekip qe krosi pothuajse nuk ekziston fare nuk mund te luhet me dy "shtylla".

[dodoni]

Lista e plote lojtareve te grumbulluar per ndeshjen Bjellorusi-Shqiperi.

LISTA EMRORE E LOJTAREVE QE DO TE GRUMBULLOHEN PER NDESHJEN ME BJELLORUSINE DATE 02-09-06 DHE RUMANINE DATE 06-09-06 PORTJERE 1. ILION LIKA 2. ISLLI HIDI 3. ARJAN BEQAJ MBROJTESA 1. ARMEND DALLKU 2. ERION XHAFA 3. ELVIN BEQIRI 4. ADRIAN ALIAJ 5. NEVIL DEDE 6. DEPATIK CURRI MESFUSHOR 1. KLODIAN DURO 2. ERVIN SKELA 3. EDVIN MURATI 4. LORIK CANA 5 .DEVI MUKAJ 6. ALTIN LALA 7. ALTIN HAXHI 8. BESNIK HASI 9. BLENDI SHKEMBI SULMUES 1. ERION BOGDANI 2. IGLI TARE 3. ETMOND KAPLLANI 4. HAMDI SALIHI 5. BEKIM KASTRATI TRAJNERI EKIPIT KOMBETAR OTTO BARIC

Mendoj qe Edvin Murati (qe luan ne ligen e dyte greke tani), Blendi Shkembi (gjithmone rezervist ne Ukraine), e bile edhe Adrian Aliaj (pa skuader), nuk duhej te ishin ftuar fare.

Besart Berisha, kishte dorezuar dokumentacionin per nenshtetesi shqiptare (sic shkruan gazeta Lajm e Kosoves e dites se djeshme) dhe shpejt do i bashkangjitet kombetares, bile mendoj se do duhej te ishte ftuar edhe per kete takim.

Une mendoj qe dyshja jone sulmuese duhet te jete Erjon Bogdani - Besart Berisha.

Bjelloruset thane qe favorite eshte Shqiperia ne kete takim. Nese i marrim 6 pike nga keto dy ndeshje (gje qe do jete shume e veshtire), atehere shansat per kualifikim rriten, nese i marrim 4 pike zbehen pak por prape jemi ne gare, kurse nese marrim me pak se kater pike kualifikimi do behet edhe me i veshtire se c'eshte tani.

[FЯODO]

As Arjan Beqaj, Klodian Duro, dhe Edmond Kapllani s'duhet te ishin ftuar megjithese Baric s'mund ta nderroje te gjithe ekipin prenda nje jave, duhet kohe per ti njohur lojtaret e rinj dhe ato ekzistues.