Shkodra Live - Realitet i Hidhur

[shkodrane82]

Një dritare për mijra qytetarë.

Bashkia e re e Shkodrës ka mundësi infrastrukturore për të pasur sportele të shumtë. Ka edhe bashkëpunim me prefekturën për këtë gjë. Por Bashkia vazhdon pa arsye të krijojë pakënaqësi dhe lodhje për qytetarët e saj që rrijnë mbas dritares dhe jo mbas sportelit. Jo vetëm kjo, por kjo dritare me hekura është në rrugë të ngushtë publike dhe si në shi apo erë çdo gjë është në mëshirë të natyrës. Sikur të gjithë këtyre qytetarëve t’ju kërkohej një fond shtetsë për 2-3 sportele të vërtetë me siguri do të paguanin, sepse do të ishte me leverdi për to. Gjithsesi njerzit janë shumë kurse dritaria është një dhe me hekura të shunmta dhe të zinj.

[shkodrane82]

Tabelat në Shkodër janë vënë për tu mos zbatuar.

As që mendon kush se tabela është një shenjë e vendosur për të ditur se çfarë duhet apo nuk duhet bërë me automjetin, apo kur ecën në këmbë. Mirë se Shkodra nuk ka senjalistikë horizontale , por edhe atë vertikale që ka nuk e zbaton apo e shikon njeri. Kurrsesi nuk do të jetë faji vetëm i policisë, sepse edhe vendosja e saj tashmë është vjetëruar në kushtet e një zhvillimi urban të qytetit të madh. Megjithatë mos zbatimi i ligjit është një edukatë e keqe e mësuar nga të gjithë përfshi edhe policinë. Ritabelizimi do të ishte përgjigja e duhur, por pastaj mbas këtij veprimi vetëm gjoba do të stabilizonte qarkullimin dhe parkimin në Shkodër.

[shkodrane82]

KESH- transformatorët 120 centimetër mbi tokë ku “teren” teshat

Askërkush nuk ju ka thënë specialistëve të KESH-it se banorët e matanë urës janë qytetarë të dorës së dytë. Megjithatë tensioni i mesëm prej 6000 voltësh është vetëm 3.5 metra mbi tokë dhe ai i ulti zbulluar vetëm 120 centimetra ku banorët rom dhe egjyptian verin teshat e tyre. Në fakt ka një shprehje disi jo kaq shumë humane në Shkodër për këto banorë që thotë “i ruan zoti”por këtë gjë nuk duhet ta zbatojë KESH-i. Lartësitë dhe afërsitë me banorët të këtyre transformatorëve dhe thikave të tansionit të mesëm janë të mirë shkruara dhe në rregulloren e sigurimit teknik. KESH-i nuk zbaton dhe organet e kontrolit nuk kontrollojnë deri sa në një ditë t’ju ndodhë fatkeqësia të cilën urojmë të gjithë të mos ndodhë. Deri atëherë të gjithë mund të thonë “zoti i ruajt” dhe teshat mund të nderen në transformimin nga 6000 volt në 380 volt vetëm 2 metra mbi tokë dhe katër metra larg shëpisë së banimit.

[shkodrane82]

Banorë të rinj, por zanate të vjetra.

Ka mbi 5-së vite që lagja e re “Mark Lula” në periferinë e Shkodrës jo vetëm në afërsi të stacionit të trenit por edhe buzë Kirit është shtuar me rreth 10.000 të ardhur të rinj kryesisht nga zonat rurale. Gjithsesi përveç mungesës së kanalizimeve dhe linjave të shkarkimit të ujrave të zeza, kjo lagje gjysëm informale e Shkodrës ka sjellë përveç banorëve që me të drejtë nuk mund të qëndrojnë në zonat malore të Dukagjinit edhe blegtorinë dhe zanatet e këtyre zonave. Nuk janë llogaritur por nëpër shtëpitë qytetare tashmë të banorëve të rinj, ka bagëti si derra , dhi, lopë dhe kafshë të tjera të buta si për ekonomi dhe transport. Zakonisht për këto bagëti përdoren pleqtë e shtëpisë , por shpesh herë edhe fëmijët sepse varfëria nuk lejon “luksin” e të shkuarit në shkollë ndërkohë që familjet me shumë fëmijë dhe pjestarë duhet të ushqehen pikërisht nga produkti që bagëtitë e mbajtura në shtëpi ju japin mbas kullotës. Gjithgsesi për një numur të përafërt të llogaritur në mbi 10.000 njerëz sasia e bagëtive është mbi 2000 kokë dhe ky numur është akoma më i madh në qoftëse do të llogarisim akoma më në periferi e cila varfërinë e ka “pjestare” të pandashme të jetës së përditëshme.

[shkodrane82]

“Automarketet” nga Tirana në Parrucë.

Tregu i Tiranës tashmë jo vetëm, nga konkurenca që është në rrezik për “automarketet”, por edhe i mbyllur për të shitur në qëndër të saj. Por në qoftë se Tirana nuk lejon para Universitetit të saj shitje mbi makinë dhe në trotuar këtë gjë e bën Shkodra bujare e cila lojon edhe konkurencën e pandershme por toleron edhe shitjet mbi apo pranë tortuarit. Ka shumë makina të Tiranës që kanë gjetur një treg të mirë në Shkodër dhe për shkodranët është e leverdishme sepse diçka më lirë gjejnë në këto “automarkete” të ardhura. Gjithsesi të gjithë mbeten të kënaqur si ato që shesin dhe ato që blejnë e kënaqur mbetet policia bashkiake dhe taksaxhinjtë e Shkodrës që mallin e njëjtë e lejojnë të shitet diku me taksë dhe diku pa taksë. Aq më tepër se kjo gjë bëhet vetëm 50 metra larg Drejtorisë së Tatim Taksave të Shkodrës.

[shkodrane82]

Të përgjumur me 80 km në orë.

Lodhen duke shkarkuar dhe ngarkuar groshë, miell e çfarë do gjë tjetër që merr tregu i madh i Shkodrës. Pastaj me 80 km në orë flejnë gjumë mbi spondën e vogël dhe thasët e mëdhenj të groshëve, djemtë e rinj të cilët nga çasti në çast rrezikojnë përmbysjen mbi superstradë. Gjithsesi ato janë mësuar me këtë punë dhe nuk ankohen, sepse kjo është dhe mënyra e vetme e nxjerrjes së bukës së gojës. Janë të pa fjalë dhe punëtorë të fortë dhe me këtë punë mbajnë edhe të tjerë në shtëpi. Megjithatë askush nuk pyet për to sa vjeç janë, sa shkollë kanë dhe a shkojnë në shkollë, sa të siguruar janë për punën që bëjnë dhe ajo që ka rëndësi e lejohet të qëndrojnë në këtë mënyrë në superstradë?

[shkodrane82]

Mungon tabelizimi në rrugë, por jo në fundin e karrocës në superstradë.

Në fakt është një kthesë disi e rrezikshme në afërsi të Lezhës kur del nga Shkodra. Nuk ka një tabelë e cila të vërtetojë se ky është një vënd rreziku dhe pikë rreziku. Mirëpo këtë e bën një karrocë e tërhequr nga një kalë e cila e ka mbrapa tabelën e duhur. Edhe pse nuk lejohet të qarkullojë kjo karrocë në këtë pikë të rrezikshme sëpaku është e paisur me atë tabelë e cila duhet të jetë në kthesë dhe aty ku rrezikohet me të vërtetë. Pra nuk thonë kot se “çdo e keqe e ka nga një të mirë nga mbrapa”

[shkodrane82]

Nuk heqin dorë nga qëndrimi në këmbë dhe akoma më keq e gjithë familja në superstradë mbi karroceri.

Traktori me goma dhe i zoti në timon kurse fëmijët dhe gruaja mbi karroceri dhe në këmbë duke sfiduar jo vetëm erën dhe lëvizjet e traktorit por dhe shoferët e Shkodrës dhe Lezhës që asnjëri nuk lëviz nën 80 km në orë pikërisht në këtë segment të drejtë mbi 10 km i cili është një sfidë shpejtësie për shoferët. Pikërisht kjo gjatësi nuk mbulohet mirë edhe nga policia e dy rretheve duke bërë kështu një pistë shpejtësie me fshatarët mbi karroca, rimorkio dhe motoçikleta. Mund të thuhet se edhe vdekjet në këtë segment janë më të mëdhatë dhe sidomos nga mos zbatimi i rregullave jo vetëm nga shoferët, por kryesisht nga banorët e zonës të pa mësuar akoma me superstradën Shkodër-Lezhë.

[shkodrane82]

Motorri i policisë si rreth rrotullim dhe ruajtës i trafikut.

E kanë zakon në Shkodër policët e trafikut që të lënë motorrin në ruajtje të rreth-rrotullimit dhe vetë të kryejnë ndonjë shërbim tjetër. Nuk kanë shumë faj, sepse Shkodra ka shumë kryqëzime dhe policët me motorra nuk janë shumë. Pastaj mungon krejtësisht senjalistika horizontale dhe podi ku të dihet edhe kthesa prandaj një “Guzzi” në mes të qarkullimit, nuk është krejtësisht keq. Por kjo nuk do të thotë se trafiku rregullohet, sepse atë e prishin të gjithë si makinat dhe këmbësorët përfshi dhe vetë policët në Shkodër. Më i pafajshmi dhe ai që bën detyrën është motori i shkretë, që jo vetëm kryen detyrën e tij të mbajtjes sipër të policit, por edhe mbajtjes së rregullit urban në Shkodër.

[shkodrane82]

Në trotuarin e Kishës së Madhe shiten drutë e Shkodrës

Disa herë është bërë vërejtje jo vetëm për policinë dhe Bashkinë por ehe me tatim taksat që në këtë vënd të mos shitet dhe aq më tepër drutë e qytetit. Megjithatë vazhdon e njëjta arësye e mos arëssyes. Në fakt Kisha e Madhe nuk është një vënd kulti ku “patjetër” duhet shitur përreth saj sepse pikërisht aty “nuk të thonë gjë”. Nuk është as mënyrë dhe detyrë e përfaqësuesve të fesë që të largojnë dhe çojnë në vëndin e tyre tregtarët e druve të cilët duhet të kenë vëndin e tyre. Kjo detyrë është e pushtetit lokal dhe policisë Bashkiake dhe asaj të shtetit që këtë vënd mos të lejojnë të përdoret abuzivisht nga tregu dhe fitimi përderisa është një vënd kulti dhe ideali.