Kur dritat ikin nga Tirana

[Diabolis]

Kësaj rruge ka kaluar Lavdia

Kësaj rruge ka kaluar Lavdia.
Dëshmoni gërryerjet që dhëmbët bënë,
Jehonën që brohoriti njerëzia
Dhe erën e ajrit ... djersë e rëndë.

Nuk lenë rrotat, kaq thellë, vraga,
Të tillë djersë nuk ka asnjë çirak;
Nën kurorë, iluzore ishte plaga,
Por gërryerjet janë mbytur në gjak.

Nuk u therrën pëllumbat e pazarit
As dyqanin nuk e lau një kasap,
Ishte pelerina e fitmitarit
Që dhimbjen e mbuloi në çdo hap.

Në gjunjë kur ra, me krahët përdhe
Gurët me dhëmbë fshehtas kur kafshoi,
Pastaj kur i puthi dhe thirri: Atdhe!
Dhe qyteti jehoi: Heroi! Heroi!

[Diabolis]

99.
Mali yt është më i lartë,
Shënohet në hartë.
Por kjo hartë ka gabime:
S’ka lartësinë e hundës time...

100.
Sa i mirë që je o Mylazim,
E shkarkove xhelatin Qerim.
Se, ku ishte dëgjuar kjo:
Viktimat “Mëshirë!” xhelati ”Urdhëro?”
Qerim, qerim! Më dëgjon?
Siurdhëron...

101.
Dear reader, be brave,
Call [free]1-800- my grave!

I dashur lexues, behu trim,
Telefono(falas) 1-800- varri im!

102.
The të vërtetën dhe s’të quajtën trim!?
Po ky është ... qytetërim.

103.
Femra të zgjedhë, pa naze:
Ose prostitutë, ose kamikaze.

104.
Rend o rend tha Kryepeshkop Noli
Por dëgjo ç’thotë Diaboli:
Ligjërues me paranteza
Je vrapues me proteza.

[mondishall]

Diabolis, ju jeni Diabolis! Firme me vete ne firmat e denja te poezise shqipe. Kaq tipik, kaq origjinal, kaq domethenes, me nje bukuri gjuhe qe te ben per vete. Pershendetje dhe perqafime nga mondishall

[fjollat]

[i][center]99.
Mali yt është më i lartë,
Shënohet në hartë.
Por kjo hartë ka gabime:
S’ka lartësinë e hundës time...

Lartësi hundësh
është kënaqësi të të lexosh...

[Diabolis]

Ti ma thuaj

Në fshatin tënd, në fshatin tim,
Është një shtëpi me fëmijë jetimë.
Atin e tyre e vrau nëna, vetë;
Nënës burgimin ja dhanë përjetë.

Në fshatin tim, në fshatin tënd,
Ndodhi vërtet një ngjarje e rëndë.
Për mediat kështu quhet vrasja
Për mua ... ah! Që nuk plasja.

Në fshatin tim, në fshatin tuaj,
Kush është më e rëndë? Ti! Ti ma thuaj:
Kur gruaja në urrejtje vret burrin,
A kur fëmijët kanë prind murin?

Në fshatin tonë, në fshatin tonë,
Një motër qan, një vëlla rënkon;
Për ju o bij më dhemb, më dhemb,
Ky fshati ynë për ju s’pat vend.

[Diabolis]

105.
Bëje të mirën dhe mos e hidh në det,
Hidhe në internet.

106.
Në protestë gaztorët e mbretit:
Luftë seriozitetit.

107.
O Ju që mbani Kurorën e Lavdisë
Prej degëve të blerta të Poezisë.
Mjeshtrit mbi mjeshtra, Dante Hyjnorit!
Dëgjoje përgjërimin e djallëzorit:
Hiqe të lutem dhe ma jep në mund,
Por hiqe prej kokës tënde atë hundë.
(p.s.If you know what I mean)

108.
Dhe nënë e babë i kam tuj vdek
Por në Shqipëri ka goxha mjekë;
Në bluzat e tyre shndrit një thënie:
Vdekja paguhet paradhënie!

109.
When you do work maintenance
Only one thing has importance:
Since your live run on binaries
Where to drive your luxury cars.

110.
Optimisti nga jeta s’u vel që s’u vel;
Thinjën e parë sa pa thirri: kaçurrel!

[bili99]

Në Patok

Janë kthyer peshkatarët
Anë molit barkat flenë
Lenë vija aeroplanët
Marrin renë.
Ku venë bijtë e nënës?
Ku s’venë?
Nënë?
Bir?
Lamtumirë!

Janë kthyer fshataret
Më këmbë kuajt flenë,
Ç’kanë bijat e nënës?
Heshtin vajza me të renë.
Nënë?
Bijë?
Nënë? Nënë? ...?

S’ka zemër në botë të mbajë dy thika,
Në sytë e nënës është shuar drita.

Shkelqyeshem diabolis... ... u kenaqa shume une shijova miresine ...dhe te falenderoj , je shume i mire ..."Te mirat ne vend se ti hudhish ne det ti i hedh ne internet"
Je nje 'bemires i madh ti TE LUMT.

Me nderime per Diabolis,
bili99

[Diabolis]

Rruga e kthimit

Mos më uroni udha mbarë,
E mbrapshtë të jetë kjo rrugë;
Në rënça gjunjët kam për të vrarë
Dhe ballin për ta bërë xhungë.

Mos më uroni udha mbarë
Por bëni gati brumë me kripë,
Pak ujë plagën për të larë
Dhe ndizni një kandile dritë.

Mos më uroni udha mbarë,
E dua rrugë të pashtruar,
Ta shtroj si pelën time të parë,
Ta shtrij si kë kam dashuruar.

Mos më uroni udha mbarë,
Në pyll të më humbë shtegu,
Në rrugën e rrahur bari rri tharë
Nga këmbët që e kanë shkelur.

Mos më uroni udha mbarë,
Ju lutem për ç’kam të shenjtë;
Në shpinë e mbaj, kryqni dy trarë,
Pastaj më shihni si hebrenjtë.

Mos më uroni udha mbarë,
Këtë rrugë e bëj symbyllur,
Ja njoh çdo plasë dhe të çarë
Çdo të moshuar në sofat ulur.

Mos më uroni udha mbarë,
Kaq herë unë po ju lutem,
Gëlltitni lotë dhe të qarë
O ju me të cilët puthem.

Mos më uroni udha mbarë,
Këtë rrugë fort mirë e di,
Në ëndrrat e mia e kam parë
Është rruga e kthimit në shtëpi.

[Diabolis]

Një folezë në atë bredh

Për një bredh të asaj rruge
Ngrihet malli dhe më merr.
Një guguçe me zë gryke
Këndon mbi kondicioner.

Mos më sjellën nëpër shi
Lajm nga motërzat e saj?
Por unë gjuhën nuk ja di
Që të qesh apo të qaj.

Veçse ndihem i malluar,
Fantazia atje më hedh,
Fëmijëria e boshuar-
Një folezë në atë bredh.

[Diabolis]

111.
Mundoi i munduar,
Kanë për tu dorëzuar.

112.
U vetëvra njëri për të fituar pikët
Që në botën tjetër të jetë me stoikët.

113.
Të punosh në Shqipëri me makinë?
Po ta kesh pasur nënën Heroinë.

114.
It is an easy way
Reaching me.
By subway,
Take trains D, F, Q, L, T.

115.
Kush të huan paret që ka në bankë,
Me atë shok rri në bangë.

116.
Nga frutet e punës më të ëmblin kam vjelë
Gjumin e drekës ... të djelë.