Kur dritat ikin nga Tirana

[whisper]

Qielli i natës të ketë fytyrën e qeshur

Kjo Hënë ... si patate po më ngjet;
Po ç’dreqin dua të bëhem poet?
Ngaqë sytë më ngelën në gjithësi?
Po sikur ... të merrem me astronomi?

Të kalkuloj ushtrimin e përjetshëm:
Qielli i natës të ketë fytyrën e qeshur,
Të mas në ç’kënd duhet Toka të kalojë
Që Hëna e ndriçuar të duket gojë.

Të spekuloj kur do digjen dy meteorite
Që përmbi gojë të duken sy prej drite,
E brezi që do shohë mrekullinë qiellore
Të saktësojë mbas presjes një trajektore.

Bukur mjeshter...

[Agim Doçi]

Ore diabolis!
Je gjigand ne kete stil poetik
Me respekt

[Diabolis]

Ju falemnderit.


Frymë, Fryma ime

Frymë, Fryma ime, frymë,
Në boshllëk të gjoksit hymë,
Ngrimë qiellit tullumbac,
Plaça unë në s’pëlcas!

Të pëlcas të bëhem copra
Me mirësi të mbushet bota
Si dëborë kur shtruar bie
Që nga retë gjer përdhe.

Ti ndez vatrën varfanjakut,
Lotët ti lëpij bonjakut,
Farë ti bëhem fshtarit,
Grushtin t’ja mbyll lypsarit.

Botës n’dru t’ja kthej raketat
Erosit ti shtoj shigjetat
Foshnjës qumësht ti mbush gjinë
Plakut ti mbaj pleqërinë.

Ti jap pjellës blegërimë
Ujë rrënjës bimë më bimë,
Frymë, Fryma ime, frymë
Frymë e mbytmë, mbytmë.

[Diabolis]

66.
Jetë e bukur! Film Hollivudi!
Të dihet fundi.

67
Mëkat! O Zot, krijove bukuroshet.
Mëkat, krijove shoqet.

68.
E nisa fjalën në një han:
Mushka e çalë nuk do nallban.
Do ti, një bujtës riosh se kapi.
Po ta shpjegoj unë – i tha kasapi.

69.
Uf, ç’ botë mashkullore e patakt,
Kulla e Pizës është një fakt.

70.
Shoqe dhe shokë.
Edhe unë mbështes mendimin
Se sasia sjell dështimin.

[Diabolis]

Po çfarë të bësh.

Ti buzëqeshësh, para-mbrapa, paparacit,
Të lumtë dora! - ti thuash doracit
Të vesh medalje në gjoksin e përtacit
Novatore të quash punët e kopjacit.
Po çfarë të bësh.

Për masazh ti paguash morrit,
Më gjuaj prapë - ti lutesh horrit,
Vend i shenjtë - ti thuash vorrit,
Pikpamjen tënde - ti kërkosh qorrit.
Po çfarë të bësh.

Të thuash në dietë u bë ngjalë dosa
Soprano e madhe është bretkosa,
Të dhurosh krëhëra ndër qerosa
Heronj të shpallësh tre bajloza.
Po çfarë të bësh.

Të të shijojë uji i bidonit
Aroma e lehtë e korrupsionit,
Të bësh be për gruan e ndonjonit
Me morsin e zileve të telefonit.
Po çfarë të bësh.

Të ta japë në çast të çastit
Kundër vetes të vesh lekët e bastit
Si majmun të kapesh mbas rastit
Të mbrosh të drejtat e pederastit.
Po çfarë të bësh.

Një vogëlsi - ti thuash balenës
Gjak mbretëror - gjakut të venës,
Kryevepra - gjithë ç’del prej penës
Gazin në dërrasë ti mëshosh rrenës.
Po çfarë të bësh.

Të dëgjosh fjalimin e analfabetit
Tek shpjegon ligjet e marifetit
Në pasuri si t’ja kalosh mbretit
Duke privatizuar ujin e detit.
Po çfarë të bësh.

Ti shpëtosh tallonit mos biesh në lista
Të lash sa më shumë pare të pista
N’daç për ligjvënës, n’daç për xhepista,
Policia të gjurmojë në shumë pista.
Po çfarë të bësh.

Për modesti në shumës vëmë vetën
Për krye të nënës nuk e ndërrojmë fletën
Beja nuk zë kur ndërrojmë gazetën
Se më shumë na mbushin gavetën.
Po çfarë të bësh,
Me nder, duhet jetuar.

[Anisela]

Ky krijimi i fundit,do ish nje text ideal,per ate kengetarin durresak(vagabondi)Urime...

[Poeti]

Përshëndetje,
Ja dhe disa rrjeshta nga ana ime:

KUR IKIN DRITAT!

Kur ikin dritat nga Tirana
Ik dhe buzëqeshja
Nga buzët e mia
Terri shtrin duart mbi mua
Ti nuk me sheh zjarrin e syve
Kur me afsh të them të dua!

Kur ikin dritat nga Tirana
Terri zemrën rob më zen
Ti nuk i sheh dridhjet
Që më përshkojnë trupin
As dhe epshet
Kur të dua të them!

Kur ikin dritat nga Tirana
Asgjë nga ndjenjat e mia
Ti me sy nuk vëren
Vetëm duart
Që të ledhatojnë
Dhe trupin flakë
Që dashurinë rrëfen!

[Diabolis]

71.
Më e errët dita se terri i ndonjë nate,
Bashkëpuntori në krim u zgjodh antar gjykate.

72.
Nuk gjendet faqe kësaj bote
Më e lartë se rrokaqiellza jote!

73.
TEORIA E PUTACIONIT
Fig.1.1. Grafiku i kubikëve të reputacionit

74.
Dy herë nënvizim rreshtit:
Vleeerat e dhjamiiit të pleshtit.

[Zani]

Tre ore zor te shtyhen kudo
Ne aeroport akoma me veshtire
Peseminuteshat ne vend numero
Dhe kemba nen kembe e mpire

Nje panine te thate pa uje e gelltit
Dhe futem me kot ne tax-free
Se ketu te iken zari tu prit
E kete here nuk njifkam asnjeri
...

Dhe bie ne mendime e plane thur
Se ketu nuk ke se cte besh tjeter
Pervecse te ngulesh syte ne mur
A te kujtosh ndonje gje te vjeter
...
E te zhgarravitesh me laps ne leter

no answer

[Diabolis]

75.
X-i i madh i abetares:
Ëndrra amerikane e shqiptares.

76.
Përkufizimi ndryshe i poetit:
Viktimë e probabilitetit.

77.
Ku është ferri, kjo është ferra,
Ti njeh nuse faqeçjerra.

78.
Shtypi tastat në tastierë
Si gojët që të ka jot vjerrë.

79.
Si mbreti ynë s’ ka trim në botë
E fitoi mbretërinë me votë.

80.
Suksesi i poetit
Kalon nga shkallët e maternitetit.

81.
Prej shekujsh dihet:
Koka e falur q’het!

82.
Sa e sikletshme kjo vjersha:
Mushkonjat i tërheq djersa,
Por ato na shpojnë vrima
Se gjaku përmban proteina
Dhe siç e ka provuar shkenca
Gjak pijnë ato[] nga seksi femra.

83.
Kur zihen dy meshkuj thyhet ndonjë hundë,
Kur zihen dy femra... s’kam parë asnjë fund!?

84.
Bëj dy vargje buzë
Dhe të puth, Muzë.

85.
Sipas Ungjillit që njohin djajtë:
Edhe ai shkroi me dorën e majtë:
Maria-Magdalena,
të pres sonte më dhjetë.
Do të jemi vetëm ne të dy-
-mbëdhjetë.
Të puth, Isaia
P.s. Merri dhe ato të trija.

86.
Mes shalqinve të pjekur
Dordoleci vdes i etur.