Bibla apo Kurani

[toni77_toni]

Bibla apo Kurani?
vazhdim


KRAHASIMI SHOQEROR

Le të themi se deri tani nuk kemi parë asnjë vend islamik që të zbatojë 100% ligjet e Kuranit. Shembulli më i freskët i kësaj tentative u bë nga Talibani në Afganistan deri në 2001. Ky ishte një nga regjimet më të urryer në të gjithë botën për shkak të trajtimit ç’njerëzor të qytetarëve, trajtimit barbar dhe kriminal ndaj grave, mohimi i të drejtave themelore të jetës, etj, etj. Sipas Talibanit, ata po përpiqeshin që të imitonin 100% shembullin ideal të Kuranit dhe profetit Muhamed dhe shoqërise islame.

Vende të tjera, nuk e kanë zbatuar tamam ligjet e Kuranit në shoqëritë e tyre, por nëse do ta bënin, atëherë vendi i tyre do të shkonte drejt asaj që u pa në Afganistan, një shoqëri e ngjashme me atë të shekullit të shtatë në Arabi. Në fakt sa më larg Kuranit të jetë një vend islamik, dhe sa më teper laik të jetë, aq më të mëdha janë mundësitë për trajtim më njerëzor të njerëzve, të drejtave të njeriut, trajtimit të grave, etj. Kjo shihet qartë në shembullin e Turqisë në krahasim me vendet e tjera islamike.

Problemi qëndron në faktin se sipas Kuranit (Sura 4:105, 5:48, 42:10) nuk duhet të ketë ndarje të fesë nga shteti dhe sipas tyre drejtuesit e shtetit duhet të jenë besimtarë të Allahut dhe drejtues shpirtëror të vendit. Për shkak të kësaj ligji, vendi diktohet nga ligjet e islamit, prandaj vendet islamike nuk mund të kenë asnjeherë demokraci apo trajtim njerëzor të qytetarëve përsa kohë që ndjekin kuranin. Sa më larg tij të qëndrojnë aq më tepër i afrohen civilizimit.

Këto nuk janë hamendje. Shikoni vendet islamike në shekullin 21. Asnjë prej atyre vendeve nuk ka demokraci. Cila prej tyre ka një shoqëri të hapur? Në shumë prej tyre, të krishterët që predikojnë ungjillin dënohen me vdekje apo me ndëshkime të tjera. Media drejtohet 100% prej pushtetit. Mendimi i lirë është i ndaluar dhe padyshim nuk lejohet pluralizmi. Po nga se kanë frikë vallë, nga një përrallë, siç ata e quajnë Krishtërimin? Në qoftë se është një përrallë, pse i druhen asaj dhe jo përrallave të tjera? Pse nuk ndalojnë edhe “Liza në botën e çudirave” në qoftë se Krishtërimi është një përrallë e çifutëve dhe të krishterëve? Pse nuk i lejojnë njerëzit të mendojnë dhe besojnë çfarë të duan? Shembulli i profetit të tyre i mëson të asgjesojnë çdo lloj kundërshtimi intelektual, politik, dhe fetar.

Ndjekja e Kuranit dhe mësimeve të Muhamedit të çon në varferi dhe mjerim, përveç diktaturës, dhunës, dhe efekteve të tjera. A duhet të harrojmë vallë ç’ndodhi me Shqipërinë nën pushtimin Osman? Mjaft muslimanë shqiptarë kanë guximin të na thonë se turqit nuk i detyruan me forcë shqiptarët të ndryshojnë fenë e tyre, por ata e bënë këtë vullnetarisht. Kjo është jo vetëm një gënjeshtër e hapur , por edhe fyerje e inteligjencës sonë. Si shpjegohet emigrimi në masë i arbëreshëve të Italisë atëherë? Çfarë ishin ata, refugjatë ekonomikë? Perandoria osmane po zbatonte pikërisht ato që Kurani mëson.


Sura 9:29

Luftoni ata që nuk besojnë All-llahun e as botën tjetër, nuk e konsiderojnë të ndaluar (haram) atë që e ndaloi All-llahu dhe i dërguari i Tij, nuk besojnë fenë e vërtetë, prej atyre të cilëve u është dhënë libri, derisa ta japin xhizjen në dorë e duke qenë të mposhtur.

Të krishterët u detyruan të paguajnë taksa të rënda (siç thuhet më lart, xhizjen ose haraçin), gjë që e cila detyroi shumicën e popullsisë në pamundësi për t’i paguar ato, të kthehen në muslimanë. Ata lanë vendin tonë 500 vjet prapa, në çdo fushë të jetës, atë ekonomike, shoqërore, intelektuale dhe politike. Çdo vend që vihet nën pushtetin musliman shkon prapa. Kjo shikohet qartë në çdo shoqëri që ka zbatuar ato parime.

Raporti ekonomik i OKB-së për vitin 2000 tregon se të ardhurat neto të 22 vendeve islamike së bashku janë sa gjysma e të ardhurave neto të Spanjës, dhe po të mos ishte për Arabinë Saudite nga nafta dhe Egjiptin nga turizmi, rrezik as sa të ardhurat e Shqipërisë nuk do të kishin. Muslimanët arabë, që urrejnë perëndimin dhe vlerat e krishtere në ato vende, janë dyndur me miliona në vit drejt atyre vendeve, megjithë ligjet e forta të emigracionit. Po pse shkojnë në ato vende, dhe nuk rrinë atje ku shoqëria është e përsosur sipas ligjeve të Kuranit dhe Muhamedit? Bota islame nuk ka kontribuar asgjë në fushën e shkencës, arteve, muzikës, apo teknologjisë. Dhe po të mos ishte për teknologjinë e perëndimit për naftën, arabët me lopata do i hapnin puset e naftës edhe sot.

Pasojat në shoqëri të ndjekjes së Kuranit dhe Muhamedit janë të qarta. Mund të vendosim shenjën e barazimit midis zbatimit të ligjeve të Kuranit në një shtet dhe varfërinë, mohimin e të drejtave të njeriut, abuzim me femrat, diktaturë, prapambetje shkencore, etj.

Nga ana tjetër, Bibla është mjaft e qartë që shteti duhet të jetë i ndarë nga feja. Jezusi tha: “Jepini Çezarit atë që i takon Çezarit, dhe Perëndisë atë që i takon Perëndisë” (Mateu 22:21). Jezusi nuk u mësoi dishepujve të tij që të merrnin drejtimin e shtetit, por në të kundërt që të luteshin për drejtuesit e vendit dhe për paqe në vend. Bibla lejon lirinë e besimit dhe nuk detyron njeri që ta besojë atë. Nëse një njeri nuk do ta besojë atë, nuk duhet të ketë frikë nga persekutimi. Padyshim ka bekime dhe pasoja në bazë mënyrës se si ne i përgjigjemi fjalës së Zotit, por këto vijnë nga Zoti vetë, asnjë i krishterë nuk ka të drejtë të persekutojë në asnjë farë mënyre ata që nuk besojnë. Kjo çështje është midis tyre dhe Perëndisë. Sipas Biblës besimtarët duhet t’i duan të gjithë njerëzit pa dallim, t’i dëshmojnë atyre për dashurinë e Perëndisë dhe faktin që Jezusi vdiq në kryq për ta dhe i dhuron atyre falas jetën e përjetshme, dhe duhet të luten për të gjithë njerëzit. Kjo liri që vjen nga mësimet e Biblës dhe Jezusit, është baza e ndërtimit të çdo demokracie, dhe çon në një shoqëri të hapur, dhe sjell pluralizmin, lirinë e medias dhe mendimit, zhvillimin ekonomik dhe shkencor, etj.

Në krahasimin shoqëror të Biblës dhe Kuranit konkludojmë që zbatimet e parimeve të Biblës sjellin si rezultat shoqëri shumë më të zhvilluara dhe të lira sesa shoqëritë që zbatojnë parimet e Kuranit dhe Muhamedit. Kjo është aq evidente saqë dyndja e qytetarëve të shoqërive islamike në vendet e perëndimit që shumë prej tyre i urrejnë, është një provë e superioritetit.

vazhdon-->

[toni77_toni]

Bibla apo Kurani?
vazhdim

KRAHASIMI LOGJIK

Bibla dhe Kurani janë padyshim dy libra komplet të ndryshëm. Mesazhi qëndror i Biblës përsa i përket marrëdhënies së Perëndisë me krijesën e tij më të lartë, njeriun, është fakti që njeriu për shkak të mëkatit nuk mundet të ketë bashkësi me Perëndinë pa u falur nga mëkatet e tij. Për shkak se standarti që Perëndia kërkon që dikush të shkojë në parajsë është 100% shenjtëri, ashtu siç është vetë Ai, dhe meqë askush nuk e arrin dot atë standart sado i mirë që të jetë, Perëndia sipas Biblës, dërgoi Jezusin për të vdekur në kryq për mëkatet e njerëzimit. Jezusi jetoi një jetë pa mëkat, dhe ofroi veten si një flijim përpara Perëndisë për mëkatet e botës në vendin tonë dhe mori dënimin që ne meritonim për shkak të mëkateve tona. Në këtë është shfaqur dashuria e Perëndisë.

Nga ana tjetër Kurani thotë qartë se Jezusi nuk u kryqëzua dhe nuk vdiq për mëkatet e asnjë njeriu. Muslimanët nuk pranojnë që dikush mund të vdesë në vend të dikujt tjetër për mëkatet e tyre. Sipas Biblës, askush prej nesh nuk mund të vdesë për mëkatet e një njeriu tjetër, sepse ne jemi mëkatarë për vete, prandaj nuk mundet të paguajmë për mëkatet e të tjerëve, por Jezusi ishte i vetmi që jetoi pa mëkat dhe si i tillë, ai mundej ta bënte këtë gjë. Por Kurani thotë që nuk është e drejtë që një njeri të vdesë në vendin e dikujt tjetër.


Tek Sura 4:157 thuhet:

Madje për shkak të thënies së tyre: "Ne e kemi mbytur mesihun, Isain, birin e Merjemes, të dërguarin e All-llahut". Po ata as nuk e mbytën as nuk e gozhduan (nuk e kryqëzuan në gozhda), por atyre u përngjau. Ata që nuk u pajtuan rreth (mbytjes së) tij, janë në dilemë për të (për mbytje) e nuk kanë për të kurrfarë dije të saktë, përveç që iluzojnë. E ata me siguri nuk e mbytën atë.

Pra sipas këtij vargu (ajete), Jezusi nuk u kryqëzua në të vërtetë, por njerëzve iu duk sikur ishte ai, dhe Allahu bëri një mrekulli dhe e shpëtoi Jezusin nga kryqëzimi dhe në vend të tij u kryqëzua dikush tjetër. Kjo duhet të ketë qënë një mrekulli e madhe e Allahut, duhet të theksojmë, që edhe vetë nëna e tij Maria të mos e njihte, apo dishepujt që kaluan 3 vjet e gjysëm me të çdo ditë. Pra Allahu i mashtroi njerëzit që t’u dukej sikur ishte Jezusi por në të vërtetë nuk ishte ai.

Ka disa probleme me këtë teori ose doktrinë të Islamit. Së pari, sipas muslimanëve vetë, nuk është e drejtë që dikush të vdesë në vend të dikujt tjetër (prandaj ata s’pranojnë që Jezusi mund të vdiste pë mëkatet e njerëzimit), si mundet atëherë që Allahu, mëshiruesi, mëshirëbërësi, etj, etj (Sura 1) të dënojë dikë pa patur bërë asnjë të keqe, thjesht sepse ai donte të mashtronte njerëzit që t’u dukej sikur ishte Jezusi, por në të vërtetë s’ishte ai?!!!

Së dyti, kjo “mrekulli” e Allahut, solli lindjen e fesë më të madhe në botë, Krishtërimit, baza kryesore e së cilës është pikërisht kryqëzimi dhe ringjallja e Krishtit. Ky mashtrim i Allahut solli lindjen e një feje jo vetëm më të përparuar dhe më të përhapur se Islamizmi, por që predikon morale shumë më të larta sesa Kurani vetë!!! Nuk duhet të kesh një doktoratë që të kuptosh që kjo jo vetëm që s’ka kuptim, por në thelb është vërtet budallallëk.

E tërë doktrina e Islamizmit nuk ka fare kuptim. Bibla është një libër i plotë, nuk ka nevojë për asnjë shtesë. Bibla fillon me historinë e krijimit, vazhdon me historinë e njerëzimit, dhënien e ligjit nga Perëndia çifutëve, në mënyrë që njerëzit të njihnin shenjtërinë e krijuesit, vazhdon me profetët dhe profecitë për ardhjen e Krishtit dhe vuajtjet e tij në kryq; Dhjata e Re (ose besëlidhja e re) tregon për jetën, kryqëzimin dhe ringjalljen e Krishtit, pastaj vazhdon me formimin e kishave të para, dhe mbaron me profecitë (Zbulesa) e fundit të Botës, gjykimit dhe parajsës. Në fund të Biblës, në librin e fundit, në kapitullin e fundit thuhet:


Zbulesa 22:18,19

Unë i deklaroj kujtdo që dëgjon fjalët e profecisë së këtij libri, se nëse ndokush do t`i shtojë këtyre gjërave, Perëndia do të dërgojë mbi të plagët e përshkruara në këtë libër.
Dhe nëse dikush heq nga fjalët e librit të kësaj profecie, Perëndia do t`i heqë pjesën e tij nga libri i jetës nga qyteti i shenjtë, dhe nga gjërat që janë përshkruar në këtë libër.

Pra, Bibla është e plotë. Na thoni për çfarë ka nevojë tjetër?!

Kurani nga ana tjetër është një libër çorap. Kapitujt (Suret) janë renditur sipas numrit të vargjeve (ajeteve), me përjashtim të Sures 1 që është hyrja. Asnjë gjë nuk është renditur historikisht, nuk e merr vesh i pari të dytin përsa i përket kronologjisë, dhe jo vetëm që nuk ka ndonjë zbulesë më të mirë se Bibla, por përveç gjërave të njohura në Arabinë e shekullit të shtatë, nuk ofron asgjë më tepër.

Për më tepër, Kurani nuk ka një plan shpëtimi. Askush nuk e di tamam se ç’duhet të bëjë për të shkuar në parajsë, dhe asnjë musliman nuk ka 100% siguri se ku do ta kalojë përjetësinë.

Disa Sura thonë se një njeri shkon në ferr po bëri këto gjëra (Sura 14:16, 13:18, 13:5, 11:106, 11:17, 10:27, 10:8, 9:109, 9:95), por prapë do të shkosh në ferr po nuk bëre disa vepra të mira (Sura 2:21,23, 25, 28, 32, 37; Sura 4:1,2,3). Hajde merre vesh ti tamam se si mund të shkosh në parajsë!

Aq më keq akoma, as Muhamedi vetë nuk e dinte se ku do të kalonte përjetësinë.

Në Hadith (fjalët dhe veprat e Muhamedit) në Volumin 5, Libri 58, Numër 266 thuhet:

…Për Allah-un, megjithëse jam Apostulli i Allah-ut, unë nuk e di se çfarë do të bëjë Allah-u me mua…

Po si shpjegohet që profeti më i madh i Allahut të mos e dijë se çfarë do bëjë Allahu me të? Të gjithë apostujt e Jezusit e dinin ku do të shkonin, as që kishin dyshim për këtë. Jo vetëm ata, por çdo njeri, sipas Biblës, mund ta dijë me 100% siguri se ku do të kalojë përjetësinë.



1Gjonit 5:11-13

Dhe dëshmia është kjo: Perëndia na dha jetën e përjetshme dhe kjo jetë është në Birin e tij.
Ai që ka Birin, ka jetën; ai që nuk ka Birin e Perëndisë, nuk ka jetën.
Jua shkrova këto gjëra juve që besoni në emrin e Birit të Perëndisë, që të dini se keni jetën e përjetshme dhe që të besoni në emrin e Birit të Perëndisë.

Po si vallë mund ta dinte Muhamedi se ku do të shkonte? Shikoni çfarë thotë Kurani për shpëtimin.

1. Çdo njeriu i është caktuar një fat që askush se di.


Sura 17:13

Secili njeri ia kemi ngjeshur në qafë fluturakën (shënimin - për veprimin) e tij, në ditën e gjykimit, Ne do t'ia prezentojmë atij libër të hapur.

2. Allahu drejton kë do dhe gënjen kë do pa asnjë kriter.

Sura 14:4

E All-llahu e lë të humbur atë që do, dhe e udhëzon në rrugë të drejtë atë që do.

Sura 6:125

Atë që All-llahu dëshiron ta udhëzojë, ia zgjeron zemrën për (të pranuar) islamin. Atë që dëshiron ta lërë të humbur, zemrën e tij ia bën shumë të ngusht sikur të ngjitej në qiell. Kështu All-llahu lëshon dënimin mbi ata që nuk besojnë.

Sura 32:13

Sikur të kishim dëshiruar Ne, secilit do t'i jepnim udhëzimin, por fjala (vendimi) Ime ka marrë fund (definitiv) se do ta mbushë Xhehennemin së bashku me exhinë e njerëz.

Sura 2:284

…Ai ia fal atij që do dhe dënon atë që do. All-llahu ka mundësi për çdo send.

3. E vetmja garanci për parajsën është nëse dikush vdes në xhihad.

Sura 3:157

E sikur të ishit mbytur në rrugën e All-llahut, ose t'u kishte zënë vdekja, do të gëzonit falje e mëshirë prej All-llahut që është shumë më e dobishme se ajo çka ata grumbullojnë.

Jo më kot shumë muslimanë bëhen terroristë dhe kërkojnë të vrasin “kafir-ët”, sepse sipas Kuranit kjo është e vetmja rrugë e sigurt për në parajsë. Vargjet më lart thonë qartë, që Allah-u është kapriçioz, dhe gënjen kë të dojë, ia hap apo mbyll zemrën kujt të dojë, dhe dënon apo shpëton kë do ai.

Si mund ta dijë një njeri atëherë se ku do ta kalojnë përjetësinë?

Nga ana tjetër, Bibla përmban lajmin e mirë, i cili dëshmon se Perëndia është dashuri dhe për shkak të kësaj dashurie siguroi vetë një rrugë për shpëtimin e njerëzimit, dhe kjo rrugë është në birin e tij Jezus Krishtin. Ky shpëtim i ofrohet të gjithëve, pasi Perëndia i do të gjithë pa asnjë dallim, dhe Jezusi vdiq në kryq për të gjithë njerëzit.

Gjoni 3:16

Sepse Perëndia e deshi aq botën, sa dha Birin e tij të vetëmlindurin, që, kushdo që beson në të, të mos humbasë, por të ketë jetë të përjetshme.

Ky është një premtim dhe siguri.

Romakëve 10:9

Sepse, po të rrëfesh me gojën tënde Zotin Jezus, dhe po të besosh në zemrën tënde se Perëndia e ngjalli prej së vdekurish, do të shpëtohesh.

Vargjet nuk thonë që po të besosh edhe mund të shpëtohesh, apo egziston mundësia që edhe shpëtohesh, por thonë me 100% siguri premtimin e Perëndisë se të gjithë ata që vendosin besimin e tyre tek Jezusi dhe vepra që Ai bëri në kryq për ne, do të shpëtohen.

Të dashur lexues, Zoti ju do, dhe ju pret krahëhapur. Mos u largoni prej tij, por vraponi tek Ai. Pranoni Jezusin sot si Zotin dhe Shpëtimtarin e jetës suaj, sepse Ai për këtë arsye erdhi në botë dhe dha jetën e Tij në kryq. Për më tepër Ai u ringjall dhe sot është ndërmjetësi midis Perëndisë dhe njerëzve. Ai është avokati ynë përpara drejtësisë së Perëndisë. Kur drejtësia jonë një ditë të krahasohet me drejtësinë e Perëndisë në gjykimin e madh, për të gjithe ata që kanë pranuar Jezusin, Ai qëndron përpara Perëndisë At, dhe dëshmon se ky njeri është i drejtë përpara Perëndisë për shkak se ka pranuar drejtësinë e Jezus Krishtit dhe Zoti nuk shikon më mëkatet e tij që e dënojnë atë, por jetën e pamëkatë të Krishtit dhe e shpall atë të pafajshëm. A nuk do e pranoni ju një dashuri të tillë?

P.S
Shënim për besimtarët muslimanë: Në këtë artikull nuk jemi përpjekur aspak që të ofendojmë apo të ulim fenë islame, ne thjesht kemi prezantuar faktet e njohura nga burimet islamike. Ju inkurajojmë që nëse nuk ishit të njohur me këto fakte më parë, të mos i refuzoni ato, por të kontrolloni vetë ato që kemi thënë me referencat e Kuranit apo Hadith-it. Për këtë arsye kemi cituar vargje konkrete nga Kurani. Faleminderit për mirëkuptimin.

Zoti u bekoftë.

[Sabriu]

Nuk ka probleme me doktrinat e islamit e as me teorit e saja,problemet qëndroin dhe mbeten tek ata që me qëllim apo pa te tentoin ti shtrembëroin teorit dhe dokterinat e saja .Për tu bërë më i qart asnjëhere nuk kemi të bëjmë me teorit apo dpktrinat e islamit kur flasim për Kuranin por thjesht kemi të bëjmë me fjalët e Allahut.

[qerosi]

ate qka e pranojne dhe shume muslimane eshte se kurani ehste perkthimi arabik i bibles, paksa i ndryshuar per copyrights!

[toni77_toni]

A është kurani kopja e bibles?

Për këtë Jezusi thotë ne bibel.

13 Por, kur të vijë ai, AHMADI(Ngushelluesi), ai do t`ju prijë në çdo të vërtetë, sepse ai nuk do të flasë nga vetja, por do të thotë gjitha ato gjëra që ka dëgjuar dhe do t`ju kumtojë gjërat që do vijnë.

14 Ai do të më përlëvdojë, sepse do të marrë prej meje dhe do t`jua kumtojë.

15 Të gjitha gjërat që ka Ati janë të miat; për këtë ju thashë se ai do të marrë prej simes(Shpalljes) dhe do t`jua kumtojë.(Gjoni 16/13-15)


Dhe Jezusi thotë për profetin e ri.

7 Megjithatë unë ju them të vërtetën: është mirë për ju që unë të shkoj, sepse, po nuk shkova, nuk do të vijë te ju Ngushëlluesi; por, po shkova, unë do t`jua dërgoj.


Kush është ky Ngushullues qe qeka me mirë për dishepujt e Jezusit qe Jezusi tu largoka dhe te vika ky?Kush është ky ngushullues qe do ti tregoje njerzve shpalljen dhe te vërtetën e Jezusit te cilën ia tregonte Zoti.

13 Por, kur të vijë ai, Ngushelluesi, ai do t`ju prijë në çdo të vërtetë, sepse ai nuk do të flasë nga vetja, por do të thotë gjitha ato gjëra që ka dëgjuar dhe do t`ju kumtojë gjërat që do vijnë.
14 Ai do të më përlëvdojë, sepse do të marrë prej meje dhe do t`jua kumtojë.
15 Të gjitha gjërat që ka Ati janë të miat; për këtë ju thashë se ai do të marrë prej simes(Shpalljes) dhe do t`jua kumtojë.(Gjoni 16/13-15)

Në Bibel nuk parathuhet ardhja e Muhamedit!

Në Bile askund nuk parathuhet ardhje e Muhamedit, perkunder asaj, Jezusi dhe apostuj e Krishtit, permes Bibles na thojnë që të jemi të kujdesshëm sepse ata kan paraparë se do të vinë profet të rrejshem, andaj nese e shiqojmë me vemendje kuptojmë se pikrisht ky profetizim eshte duke u permbushur.

Të thot një musliman se "i besoj Muhamedit dhe Kuranit" per mua eshte krejt normale dhe e kuptoj ai ashtu po beson dhe në një formë (edhe pse s'pajtoj me at besim) un e respektoj, por te instistoi me gënjeshtra gjëja ka parathenje per ardhjen e muhamedit në Bibel eshte e pa vertetë dhe kjo është pikrisht ajo se na ka thënë Krishti se "do të vijnë profet të rrejsheëm në emrin tim".


Një analizë objektive

Vargjet e Dhiatës së Re që citohen nga ti dhe studiuesit myslimanë për të mbështetur pretendimin e juaja se ardhja e Muhamedit parathuhet në Bibël, janë vargjet që flasin për Shpirtin Shenjët. “Ngushëlluesin”, d.m.th. për Shpirti (Fryma) e Shenjtë. Le të shikojmë disa prej këtyre pasazheve:

Jezusi tha: “Dhe unë do t’i lutem Atit dhe ai do t’ju japë një Ngushëllues tjetër, që do të qëndrojë përgjithmonë me ju, Frymën e së Vërtetës, që bota nuk mund ta marrë, sepse nuk e sheh dhe nuk e njeh; por ju e nhihni, sepse qëndron me ju dhe do të jetë në ju.” (Bibla, Gjoni 14:16-17)

Fjala në greqishten e asaj kohe, në greqishten koine, për Ngushëllues është parakletos. Studiuesit myslimanë pretendojnë që këtu flitet për Muhamedin, sepse emri i Muhamedit do të thotë “i lavdëruari” dhe kjo fjalë në greqisht është periklutos.

Fakt është që fjala në greqisht është parakletos. Nuk ka fakte që mbështesin argumentin se fjala origjinale ka qenë periklutos. Kemi mijëra dorëshkrime të Dhiatës së Re që datojnë para lindjes së fesë islame ku asnjë prej të cilave nuk e përmban fjalën periklutos. Gjithashtu, një lexim, qoftë edhe sipërfaqësor i teksteve ku gjendet fjala parakletos, do të tregonte se ajo është e vetmja fjalë që i përshtatet kontekstit.

Prandaj ka shumë studiues myslimanë që pranojnë se përkthimi i saktë është Ngushëllues, por pretendojnë se Muhamedi ishte Ngushëlluesi. Mirëpo në dritën e referimeve të qarta që tregojnë se Ngushëlluesi është Shpirti i Shenjtë (Gjoni 14:17+26; 15:26; 16:13 etj.), është e vështirë të nxirret ndonjë përfundim tjetër i mundshëm apo që mund të jetë i vërtetë. Le të shohim disa fakte:


“Ai do t’ju japë një Ngushëllues tjetër”: Jezusi u premtoi dishepujve të Tij se Perëndia do t’ua dërgonte Ngushëlluesin. Do t’ia dërgonte Shpirtin e së Vërtetës Pjetrit, Gjonit dhe dishepujve të tjerë dhe jo banorëve të Mekës, Medinës apo arabëve.


[I]“Që do të qëndrojë përgjithmonë me ju”: Kur erdhi Muhamedi, nuk qëndroi me popullin e tij përgjithmonë, por vdiq në vitin 632 pas Krishtit dhe varri i tij është në Medinë ku trupi prehet për mëse 1300 vjet. Megjithatë, Jezusi tha se Ngushëlluesi, me të ardhur, nuk do t’i linte më dishepujt e Tij, por do të ishte me ta përgjithmonë.[/I]


[I]“Frymën e së Vërtetës, që bota nuk mund ta marrë”: Kur’ani thotë se Muhamedi u dërgua për të gjithë njerëzit, si lajmës universal (Sure 34:28). Po të qe kështu, Jezusi nuk i referohej Muhamedit, sepse Ai tha se bota si e tërë nuk mund ta marrë Ngushëlluesin, Shpirtin e së Vërtetës.[/I]


[I]“Ju e njihni”: Përderisa Muhamedi lindi 500 vjet më vonë, sigurisht që nuk mund të ishte ai, Jezusi nxënësve të vet u tha; "Ju e njihni"! Apostujt nuk e njohen o burr idheut. ai 500 vjet permrapa ka lindur, nga paten me e njoftë![/I]


[I]“Ai do të jetë në ju”: Fjala në greqisht këtu është "en" dhe kjo do të thotë “pikërisht brenda”. Ashtu siç ishte në Jezusin, ashtu Shpirti do të ishte edhe pikërisht brenda dishepujve.[/I]


Vetëm brenda dhjetë ditësh pas ngritjes së Jezusit në qiell, dishepujt morën shpejt Ngushëlluesin, ashtu siç u premtua nga Jezusi. Dhe Ngushëlluesi, d.m.th. Shpirti i Shenjtë, erdhi tek dishepujt në ditën e rrëshajve, kjo është e shenuar në Bibel te Veprat e Apostujve, e dini edhe ju këtë gjë shumë mirë.


Ka shumë fakte të tjera që tregojnë shumë qartë se ardhja e Muhamedit nuk parathuhej në Bibël.



Çfarëdolloj interpretimi që të ketë për parashikimin e ardhjes së Muhamedit në Bibël, ky është bazuar në vargje që janë shkëputur nga konteksti i tyre. Po ta shikojmë me vëmendje kontekstin, del që flitet për Jezusin, për Shpirtin Shenjët e jo për Muhamedin. Nga ana tjetër, mund të gjejmë qindra profeci që e parashikojnë ardhjen e Jezusit: që do lindte prej një virgjëreshe (Isaia 7:14); që do të lindte në Betlehem (Mikea 5:2); që do të lindte nga fisi i Jakobit (Numrat 24:17), Judës (Zanafilla 49:10) dhe Davidit (Jeremia 23:5); që do të kryente mrekulli specifike (Isaia 32:3-4; 35:5-6); që do të kryqëzohej (Zakaria 12:10; Isaia 53:12); që do të ringjallej (Psalmeve 16:10; 30:3; 118:18; Osea 6:2) dhe shume të tjera.


Ja edhe një propvë se tregon shumë mirë se Jezsusi nuk ka paraparë gjë tjetër jasht apostijve dhe Kishes së Tij:

Jezusi nxënësve të vet përpos se u premtoi Shpirtin e Shenjtë, Ai u dha edhe mësime, iparalajmroj ata se me çka do të përballen në të ardhmen, per cdo gje qe do te bejne per Jezusin, do te fitojne shperblimin por u dha edhe premtime dhe lajme të mira për të ardhmen. Jezusi u tha:

Ju jeni deshmitaret e mi (Lk 24,48 ).

Dhe ja une jam me ju gjithmone deri ne te sosur te botes (Mt 28, 19-20).

Apostujt duhet te jene kripa dhe drita e botes (Mt 5, 13-16)

Ata duhet ta duan njeri-tjetrin me te njejten dashuri me te cilen i deshi Jezusi ata (Gjn 13, 34).

Apostujt per detyre kane qe ta bejne ate qe Jezusi e beri ne darken e fundit, kur e dha trupin e tij dhe gjakun per ushqim (Lk 22, 19).

E shumë të tjera.Vecanerisht Jezusi apostijve u besoj qelsat, Pjetrit duke i thënë: "Dhe unë po të them gjithashtu se ti je Pjetri, (që do të thotë Shkëmbë) dhe mbi këtë shkëmb (mbi ty) unë do të ndërtoj kishën time dhe dyert e ferrit nuk do ta mundin atë."

Krishti foli per Kishen e Tij kur i tha dhe vazhdoj duke i thënë Simon Pjetrit: "Ty Pjetër t'i jap çelsat e Mbreterise se qiellit: gjithcka te lidhesh mbi toke, do te jete lidhur edhe ne qiell e gjithcka qe do te zgjidhesh mbi toke do te jete e zgjidhur edhe ne qiell (Mt 16, 17-20).

Poashtu Jezusi Pjetrit njëher tjetër i tha se; Simon... por ti kur te kthehesh, forcoji vellezerit e tu (Lk 22, 32).


Po të analizojmë vetëm këto të dhëna, mund të arrijmë në një përfundim të vetëm: Muhamedi nuk është parathënë në Bibel me parajshtim se është parathënë se do të ketë profet të rrejshem. Kurse Jezusi provon që është më shumë se profet: Ai është Shpëtimtari i dërguar nga Zoti, Ai quhet “Bir i Perëndisë”.


toni77