Jeta nën gërmadhat e dashurisë

[Poeti]

Ëndërr reale

Ëndërrova diellin të strukur në gjiun tim, ëndërrova aq fuqishëm sa rrezet e tijë më ngrohën tërë truopin, çdo qelizë e pasuruan me nergji të re, energji që gjer më tani nuk e njihja, energjinë e dashurisë! Nuk ishte diell i zakonshëm ai, ishte dielli që tek unë solli rrezet e tua, ngrohtësinë tënde dhe dashurinë e pafund të ruajtur për mua!
Një drithërimë në rritje më përshkoi tërë trupin dhe dalëngadal u shëndrrua në tërmet që çdo ind timin e bëri të kërcej me vallen e dashurisë.
Pastaj po ky diell u shëndrrua në një ylber shumëngjyrësh, në ylberin e premtimit të dhënë për dashuri, ylberin e shpresës, ylberin e dëshirës për jetë. Po ky ylber të cilin në ëndërr e kalova, nuk më ndërroi gjininë (sikur thuhet në përralla) por më fali krahët, një palë krah të lehtë që të fluturoj drejt teje, drejt përqafimit tënd, drejt lumturis së pafund, drejt realizimit të premtimit.
Dhe sa qudi, ishte kjo një ëndërr që më nxorri gjumin dhe kur ngadal hapa sytë, isha me ty, në përqafimin tënd, i zhytur në lumturin e pafund njerëzore, kurse ti kokën mbaje mbështetur në krahërorin tim dhe lehtë shumë lehtë pëshpërisje ca fjalë falënderimi për perëndinë. Nuk e kuptoja se çfarë po ndodhte, por një e dija se isha njeriu më i lumtur në botë...

[risela]

e lexova ,kete version tuajin ,eshte mire,por sme ngjan me nje sens te te krijuari poetik,mbase eshte thjesht nje figurim ne menyre me teper e pare me syrin e nje kronike,se me dogmatiken e krijimit
nuk eshte fyerje,kjo,por eshte nje kritike arti ,sepse letersia nuk mund te perceptohet pa kritiken letrare
suksese ne punen tuaj krijuese ne vazhdim

[Poeti]

risela,
Kritika e permireson njeriun e ne veçanti ate qe merret me shkrime, nese kjo kritike eshte qellimmire. Besoj qe kritika yte eshte me qellim pozitiv dhe se nuk ka tendence te thyerjes se vullnetit tim per te shkruajtur.

Nje gje vura re ne kete kritike, citoj: "E lexova, kete versionin tuaj"??? sikur ky postim i imi nuk eshte origjinal dhe se kam bere plagjiat te modifikuar?? Te lutem ma thuaj ku eshte origjinali, sepse une nuk njoh nje te tille...

[risela]

menyra ime e gjerave krijuese ka te beje me idene se ai qe shkruan duhet te sjelle nje bote poetike te fshehur brenda indeve te nje poeti te mirefillte
e quajta version menyren tende te te shkruarit pasi dashurine e ke sjelle ne kete sfond si dicka tashme te programuar
si lindje
si perjetim
si ndjenje qe mbetet
ky eshte konceptimi ndertues qe ke bere
ndersa ne hartimin e frazave poetike ke perdorur nje sens te mirefillte tendin krijues
mendoj qe dashurine e ke pare ndryshe ne boten tende poetike dhe po ta kishe dhene me ate figuracion dhe forc shprehese do ishte me origjinale
pra vetem fakti tashme i kryer i nje njdjenje per mendimin tim duhej pare me thelle


e bej kete vleresim pasi jam studiuese e artit ,e njoh kete fushe ,dhe mendoj qe nje qe shkruan duhet vleresuar
dhe duhet pare tere kohen me sens kritik se ndryshe sdo ekzistonim si krijues
ne perfundim te uroj suksese ne punen tuaj krijuese dhe ne drejtimet e tjera
risela

[Poeti]

Risela,

Meqë merresh me artin e letërsisë, do të ishte mirë të bëje dallimin në mes të një poezie dhe një proze. Unë kultivoj kryesisht poezinë që është vlerësuar nga shumë anëtarë të forumit dhe në rrethin tim nga ata që më kanë lexuar. Si rezultat i këtyre vlerësimeve këtë muaj do të dal nga shtypi përmbledhja ime e parë me poezi, pas së cilës do të keni mundësi të bëni kritikë në çdo punim veç e veç. Ndërsa sa i përket prozës sime të sjellur në Këndin Letrar dhe përmbajtjes së saj, unë kam sjellur një pjesë të përjetimeve të mia, jo vetëm si punim prozaik, por si një përshkrim të një ndodhie, pa zbukurime letrare të veçanta, por nga zemra në letër, ashtu sikur edhe janë të gjitha shkrimet e mia. Më sakt, unë shkruaj që të më kuptojnë të gjithë dhe jo vetëm ata që studjojnë letërsinë sikur puna yte, sepse konsideroj se këtu ka kategori të ndryshme lexuesish të cilëve nuk duhet mbushur kokën me filozofi, por duhet sjelluar para tyre ndjenjat tona dhe afinitetet tona letrare,ashtu si i ndjejmë ne që shkruajm.
Sidoqoftë unë e kam thënë më lart në këtë temë, se e pranoj kritikën nëse ajo është qëllimmirë.

Me respekt Poeti

[Poeti]

Jeta nën gërmadhat e dashurisë.

Filluam ta kultivojmë dashurinë nga hiqgjë, filluam në një moment që as vet nuk e dinim se si ndodhi dhe kurë ndodhi ai kalim i kufirit nga shoqëria në dashuri. Ishim ende të rinj, ende ishim në botën e ëndërrave dhe ende kujtonim se jeta është një lojë. Ishim të lidhur në një shoqëri, kishim respektin ndoshta të tepërt për njëri tjetrin, por nuk e vërenim se ky nuk ishte thjeshtë respekt, ishin shkëndijat e para të një dashurie që po lindte. E kaluam kufirin e hollë që këtë shoqëri e ndanë nga dashuria, kufirin e hollë që ia ndërron kuptimin jetës dhe hap horizontet e reja të saj.
Ia dham njëri tjetrit premtimin, u betuam në dashurinë tonë dhe në gjunjë kërkuam nga njëri tjetri që të mos ndahemi kurrë. Ishin vitet më të lumtura të jetës, vitet kur fluturonim në krahët e erës, kur asgjë nuk mund të na pengonte, kur kujtonim se gjithëçka që fluturon edhe mund të hahet, se jeta është një kopsht i bukur me lule dhe sikur të gjitha gjërat e bukura që nuk zgjasin shumë, edhe dashuria jonë nuk zgjati më shumë se një verë. U ftoh së bashku me ndërrimin e stinëve, së bashku me dimrin u ftoh edhe kjo dashuri, të cilën nuk arrijtëm ta ngrohim aq sa duhet që të mbijetoj dimrin dhe të lulëzoj edhe më shumë me lulëzimin e pranverës.
Tani po jetojmë në gërmadhat e një dashurie të tretur dhe tanimë të harruar, një dashurie që për fat të keq na shoi të ardhmen dhe na e nxiu të kaluarën tonë. Eh gërmadhat e dashurisë që po na rëndojnë jetën dhe që po na fundosim çdo ditë e më shumë në thellësitë nga të cilat nuk ka kthim.
Gërmadhat e dashurisë…

[risela]

sa duhet justifikuar emri POET
nese je i tille duhet te gjesh menyren per te hyre ne rrugen e artit krijues permes nje bote poetike
e lexova me vemendje kete pjese tuajen
ne disa ndertime;poetike jeni i sakte,por ne menyren e konceptimit si e tere artistike me duket se e gjeni veten ne nje rrjedhe monologu te se kaluares me ate qe la pas
dashuria si ide duhet pare e arrire ne art nga nje poet me trauma dhe qetesine qe mbart ne vetvete
pjesa mbyllese eshte arrire nga ju flas nga ana krijuese si poet,kurse pjesa hyrese me teper eshte nje forme -ndertuese ;ja,ishim u rritem
me kupton se cdua te them
mendoj se do ishte me ne boten poetike te kapej vetem nje detaj i lindjes se kesaj dashurie pshm nje ecje femijerore
vetem me kete element do kishe arritur ta ndertosh me bukur kete ide qe ke dashur te arrish permes titullit;jeta nen germadhat e dashurise
ky ishte mendimi im qe i bej nje kolegu -ne art
dhe jo me tendence -larguese nga rruga e tij krijuese
suksese ne krijimet tuaja te mevonshme
me mirenjohje RISELA

te pershendes me ca vargje te miat



NJE DJEP I DJEGUR LEKUND ERERAT NE TUNDJEN E DUARVE TE NJE NENE
NJE VAJ I PERGJUMUR RIZGJON SHAMINE E LOTEVE TE SAJ
NJE PELHURE E ENDUR ME GISHTERINJTE E SE HARRUARES
LUAN ME PERPTYPJEN E NJE PESHTYME TE THARE NE UJEVAREN E NJE SHPIRTI TE HARRUAR

[Dito]

Poeti pergezimet e mia dhe vleresimin maximal.


Dito.

[Poeti]

Poeti pergezimet e mia dhe vleresimin maximal.


Dito.

Dito, respekt per ty dhe falenderim per vleresimin.

[Poeti]

E kisha një parandjenjë se dashurinë tonë do ta mbulojnë gërmadhat?! Vallë zemra qenka parashikuese e fatit? Dukej sikur një lëkundje e vogël, sikur një përkundje, nanurisje dukej sikur një puhi a fllad pranvere, por paskësh qenë tërmet, një tërmet shumë shkallësh, që shemb gjithëçka mbi tokë. Kujtoja se dashuria jonë është më e fortë edhe se tërmeti, më e fortë se edhe stuhia, më e fortë se xhelozia (ah kjo e fundit, ç’më thau trupin), por e paskam pasur gabim, totalisht gabim. Dhe tani kur gabimi nuk mund të përmirësohet (shpresoj të jem gabim), më mbetet vetëm të pastroj gërmadhat dhe të provoj që nën ato gërmadha të gjej grimcat e dashurisë së shkatërruar!