Model i ri politik i LDK-së per Prishtinen "Loja e kapuçave"
Pesë degët e LDK-së te Prishtinës i ofrojnë elektoratit që gjatë qeverisjes së tyre, të gjitha problemet që ka Prishina do të zgjidhen me "lojën e kapuçave"
Agim Vuniqi, Michigan, SHBA
Politika "parimore" e LDK-së ka filluar të tregojë edhe rezultatet e para në vendosjen e "pushtetit demokratik" në nivel lokal. Kolegjiumi i pesë degëve të LDK-së, të Prishtinës, sfidon kryesinë e LDK-së dhe kryetarin e saj me "lojën e shtatëshit" (kryetar i komunës mund të jetë çdo njëri nga shtatë të parët, është ky modeli i rrotacionit, i njohur nga sistemi socialist vetëqeverisës, i zbatuar ne komitetin qendror të LKJ-së dhe në vetë kryesinë e ish "RSFJ-së") që bie në kudërshtim me deklarimet e anëtarëve të kryesisë se LDK-ja për transparencën e plotë para elektoratit. Kjo më shumë i ngjanë "lojës se kapuçave" ku si humbës do te mbetet elektorati (po që se rrumbullakson LDK-në), ai do të nënçmohet dhe përqeshet në vazhdimësi.
Edhe pse eshte shume pak i njohur ne politike modeli "loja e kapuçave", kjo në të vërtetë shpjegon krizën disavjeçare në tabllon politike të shqiptarëve, dhe atë gjithnjë, duke u fshehur pas "paravanit demokratik". Ajo që bie në sy më së shumti është refreni propagandistik ku përshëndetet një pjesë e elktoratit "në emër të presidentit Rugova", ashtu siç shprehet kryetari i tyre "në emër të popullit", që për ironi në emër të po këtij populli nga gjyakatat e "KSAK" (shqiptare e serbe) janë dënuar: Adem Demaçi, Ukshin Hoti, Mentor Kaçi, Tahir Meha, Ekrem Kryeziu, Hashim Thaçi, Ram Buja, Hydajet Hyseni, Flora Brovina, Mehmet Hajrizi, Albin Kurti..., janë dënuar me mija të rinjë (shume prej tyre kane vdekur neper burgjet shqiptaro-serbe nga torurat më çnjerezore, për të cilët poeti Zeqir Gërvalla ka shkruar vargje gjaku, për mësuesin Fazli Grajqevci e për shumë Fazli Grajqevca të tjerë) që kërkonin mëvetësi, që kërkonin demokraci, qe nuk ishte asgjë tjeter..., ishte vetëm një tregues i qartë që shqiptarët kërkonin pavarësi, kerkonin integrimin e natyrshëm me viset tjera shqiptare, arritjet e të cilëve po i shfrytëzonë LDK-ja për qëllime thjesht materiale (që u shprehë gjatë qeverisjesë dyvjeçare me Prishtinën, ku u uzurpua dhe plaçkitë pasuria e paluajteshme e Kosovës, nga këshilltarët komunal të LDK-së në Prishtinë).
Çka do te thote ky "cirk" demokratik, kjo është vetëm një përpjekje për të bërë një spustim nga qëndrimi i OSBE-së, që kandidati për kryetar komune duhet të paraqesë pasurinë individuale dhe të familjes, dhe me "lojën e kapuqave" të "bishtërohet" ky qëndrim i njëjtë për të gjithë, kjo tregon shumë qartë se LDK-ja është një grupacion politik i "të korruptuarëve" (kuptohet jo te gjithë), ku interesat individuale janë mbi ato të anëtarësisë por edhe të elektoratit. Si mund te shpjegohet ndryshe fakti që LDK-ja që pretendonte në vazhdimësi të mbante pushtetin qendror dhe atë lokal, nuk është në gjendje të harmonizojë qëndrimet me pesë degët e LDK-së të Prishtinës, kjo tregon frakcionizmin brenda radhëve të LDK-së (atëherë kur preken interesat e ngushta), ku interesi material është mbi të gjitha, është mbi ligjin, mbi rregullat zgjedhore, është mbi popullaten e saj, është mbi Kosovën.
Sfida e pesë degëve të LDK-së tregon anarkinë totale brenda radhëve të LDK-së, ku ëmblema e partisë kryetari i saj, është politikan i "hargjuar" që udhëheqë vetem nje grup njerezish që janë në presidencë. Si mund të arsyhetohet fakti që një grup i rebeluar i jo më pak se pesë degëve del me qëndrime të veta që janë në kolizion me qëndrimet e kryesisë se LDK-së, kjo tregon se çdo gjë që premtojnë është "prashitje në ujë".
Edhe një gjë që duhet të kuptojë votuesi shqiptar se shalli i Rugovës nuk i mbulon të gjitha komunat e Kosovës (si duket jo atë të Prishtinës), komunat duhet t'i drejtojnë të aftit, profesionistët e jo ata qe bien "sexhde" para shallit të tij, e këtë e materializojnë duke mbushur xhepat e vet, këtë e dëshmonë edhe rebelimi i pesë "mahallave" të LDK-së dhe modeli i tyre "loja e shtatë kapuçave"
Përgjigju Duke Cituar
Krijoni Kontakt