BE: Nuk ka kthim të Kosovës nën Serbi

[dodoni]

Nuk mund të ketë kthim të Kosovës nën Serbi, tha Oli Ren në takimin e ministrave të BE së

Bruksel, 28 shkurt - Ministrat e jashtëm të BE së në takimin e tyre në Bruksel kanë diskutuar për zhvillimet në Ballkan. Ata kanë theksuar rëndësinë e veçantë të vazhdimit të përmbushjes së standardeve në Kosovë dhe kanë mirëpritur mbajtjen e takimit ndërmjet Beogradit dhe Prishtinës për decentralizim. Ministrat e kanë quajtur këtë takim si demonstrim të gatishmërisë nga të dyja palët për t[u angazhuar në mënyrë konstruktive në procesin e statusit të Kosovës.
Këshilli i Ministrave të BE së ka përsëritur edhe në këtë takim se rëndësi të veçantë duhet dhënë edhe përmbushjes së standardeve në Kosovë. Autoriteteve të Kosovës u kanë dërguar porosi që paralelisht me negociatat për statusin, duhet të arrijnë përparim të shpejtë në përmbushjen e standardeve, sidomos të atyre që kanë të bëjnë me mbrojtjen e komuniteteve pakicë.
Komisioneri për zgjerim Oli Ren ka theksuar se nuk mund të ketë kthim të Kosovës nën Serbi.
Pjesën më të madhe të takimit të tyre ministrat ia kanë kushtuar problemit të bashkëpunimit të Serbisë me Tribunalin e Hagës. Para ministrave raportin për këtë e ka paraqitur komesioneri i zgjerimit të BE së, Oli Ren, i cili ka thënë se nëse nuk arrihet bashkëpunim i plotë raundi i ri i negociatave me Beogradin nuk do të mund të zhvillohet. Ministrat e jashtëm të BE së në konkluzat nga ky takim ia kanë tërhequr vërejtjen Serbisë se bisedat për stabilizim asociim mund të suspendohen nëse autoritetet në Beograd nuk arrestojnë të akuzuarit për krimet e luftës, posaçërisht Ratko Mlladiq dhe Radovan Karaxhiq.

www.kosova.com

[DardanG]

Nuk do të ishte fare e logjikshme, madje do të ishte shumë cinike sikur Kosova të mbetej sërish nën Serbi. Madje nuk është fare e logjikshme, madje është shumë cinike që ende sillet vërdallë kjo punë, cka do të thotë se nepër kancelaritë e Evropës kundërshtohet ( ndoshta me gjysmë zëri) mundësia e lënjës së Kosovës nën Serrbi, por... Bëni krahasim njëherë rastin mes Kosovës dhe Timorit Lindor.! Në Timorin Lindor forcat ndërkombëtare intervenuan pas intervenimit në Kosovë dhe atje menjëherë u ngrit flamuri i pavarsisë së atij shteti dhe u bë njohja e tij. Përse kjo nuk ndodhi edhe në Kosovë, apo përse kjo nuk ndodh tani? Kam drojë se atyre që kanë vendosur për Kosovën në këta më shumë se njëqind vite dhe që pritet të vendosin sërish për Kosovën dhe shqiptarët, kjo cështje u ka mbetur porsi "patatja e ngrohtë"në duar! Edhe një shtet sado i vogël shqiptar, në Evropë këtë ndoshta nuk e duan, ndërsa në anën tjetër nuk kanë "fytyrë"që edhe njëherë ta lënë Kosovën nën Serbi, ndaj cështja sillet e pështillet nepër kancelari, duke i torturuar shqiptarët me standarde e kushte që nuk varen, fundja fare nga shqipraët dhe Kosova.
Uroj që të mos kam të drejtë në këtë që mendova dhe e shkrova!

[RTP]

Vendimi për për statusin e Kosovës do të merret në Kombet e Bashkuara, thotë Petersen


Bruksel, 1 mars - Pas takimeve që pati dje në Bruksel në selitë e NATO s dhe të Bashkimit Evropian, kryeadministratori i Kosovës, Soren Jesen Petersen, tha se statusi përfundimtar i Kosovës nuk do të vendoset as në Beograd dhe as në Prishtinë, por në Nju Jork, bazuar në procesin e bisedimeve të drejt për dreja mes palëve dhe normave të vëna nga komuniteti ndërkombëtar.
Petersen tha për gazetarët se në takimin që pati me zyrtarët e NATO s dhe të Bashkimit Evropian në Bruksel, ata diskutuan zhvillimet në Kosovë pas vdekjes së Presidentit Ibrahim Rugova dhe zgjedhjes së Presidentit të ri, duke vënë në dukje se fillimi i bisedimeve të drejt për drejta mes Prishtinës dhe Beogradit është inkurajues.
Petersen tha se ata diskutuan gjithashtu edhe strategjinë e të ardhmes në kuadrin e planit të përgatitjeve për periudhën pas UNMIK ut, në bashkëpunim të ngushtë dhe nëpërmjet një dialogu konstruktiv me Bashkimin Evropian, që ky i fundit të luajë një rol më të madh për sa i përket shtetit juridik. Zoti Petersen tha se gjendja politike në Kosovë tani është më e mirë, megjithë vështirësitë e shumta që ende ekzistojnë dhe i vuri theksin përgatitjeve për të ardhmen.
"Ne po bëjmë plane për jetën pas UNMIK ut, pra për periudhën pas statusit. U takova me sekretarin e pëgjithshëm të NATO s dhe ai më siguroi se alenca do të qendrojë në Kosovë, jo vetëm deri sa të vendoset statusi i saj, por edhe më pas. Ne kemi nevojë për sigurinë që garanton prania e KFOR it, sepse gjendja megjithëse e qendrueshme është ende delikate dhe veçanërisht lidhur me pakicave, prandaj NATO ja do të vazhdojë të qendrojë në Kosovë".
Kryeadministratori i Kosovës gjithashtu tha se pa dyshim që Bashkimi Evropian do të jetë institucioni kryesor pas përcaktimit të statusit dhe po bën planet përkatëse për atë periudhë. Shteti ligjor, policia dhe sistemi juridik janë disa nga preokupimet kryesore, por ka vend që BE ja të luajë rol edhe në ekonominë e Kosovës, por prania e Bashkimit Evropian, në ndryshim nga UNMIK u do të jetë ndjeshëm më e paktë. Në përgjithësi roli i tij do të përqendrohet në ngritjen e strukturës politike dhe sociale. Është mirëkuptimi i përgjithëshëm se autoritet lokale do të kenë rolin qeverisës, por Bashkimi Evropian duhet të jetë atje për t'i mbështetur ato dhe për të garantuar sigurinë e pakicave.
Përsa i përket se çfarë entiteti do të jetë Kosova në të ardhmen, zoti Petersen tha se kjo do të vendoset bazuar në bisedimet mes Prishtinës dhe Beogradit në përputhje me parimet që tashmë janë fare të qarta, por statusi përdundimtar i Kosovës do të përcaktohet në Nju Jork.
"Eventualisht ai do të jetë një vendim që nuk do të merret as në Beograd dhe as në Prishtinë. Ky do të jetë një vendim që do të merret në Kombet e Bashkuara".
Ai tha më tej se për momentin, ka rëndësi fakti se bisedimet e drejt për drejta për statusin filluan më 20 shkurt në Vienë dhe u përshkruan si takimi i parë konstruktiv mes palëve. Kjo është bazë për krijimin e mirëbesimit mbi të cilin do të ndërtohet e ardhmja, tha administratori i Kosovës, Jesen Petersen, dhe shprehu bindjen e tij se vendimi për statusin përfundimtar do të merret brenda këtij viti.


QIK
www.kosova.com

[RTP]

Kryeministrat Berisha, Sanader dhe Buçkovski mbështesin përpjekjet ndërkombëtare për zgjidhjen e çështjes së Kosovës

Tiranë, 1 mars - Kryeministrat e Shqipërisë, Kroacisë dhe Maqedonisë, Sali Berisha, Ivo Sanader dhe Vllado Buçkovski, deklaruan në Durrës se mbështesin përpjekjet ndërkombëtare për zgjidhjen e plotë të çështjes së Kosovës, Malit të Zi dhe të Bosnje e Hercegovinës. Pas takimit mbi bashkëpunimin rajonal dhe çështjen e integrimeve euo atlantike të tre kryeministrat shfaqën shpresën që sivjet në Samitin e Aleancës Veriatlantike të ftohen për anëtarësim me të drejta të plota në NATO.
Ndërkaq, Kryeministri i Kroacisë Ivo Sanader tha se në takimin e Tiranës është rënë dakord që të tre vendet të mbështesin politikat ndërkombëtare për paqe në rajon.
"Ne u pajtuam për zgjidhjen e çështjes së Kosovës... Ne jemi vende të rajonit që njohim historinë, gjuhën, kulturën dhe mentalitetin. Ne do të jemi pjesë e komunitetit ndërkombëtar bashkarisht dhe pjesë e politikave evropiane, pjesë e përpjekjeve evro atlantike për të arritur paqe të qëndrueshme në rajon", tha Kryeministri kroat Sanader.
Kryeministri maqedonas Vllado Buçkovski tha se ky vit është kritik për rajonin, duke premtuar se Maqedonia do të luajë rol bashkëpunues me komunitetin ndërkombëtar rreth zgjidhjes së statusit final të Kosovës


QIK
www.kosova.com