Qeveria: Të përndjekurit, 30,000 lekë dita e burgut

[Albo]

Dëmshpërblimin i të dëmtuarve nga shteti do të bëhet sipas Kodit Penal. Rritje e fondit prej 3 milionë USD

Të përndjekurit, 30 mijë lekë dita e burgut

Kryeministri Berisha porosit Rusmalin që të sjellë sa më shpejt në qeveri projektligjin e ri për ish-të përndjekurit

Nevila Perndoj

TIRANË- Qeveria “Berisha” do të depozitojë së shpejti në Kuvend projektligjin e ri për ish-të përndjekurit politikë. Në draftin e ri pritet që të parashikohet edhe vlera e re e kompensimit të ish-të përndjekurve, sipas vlerës së kompensimit të parashikuar në një nga nenet e Kodit Penal, 20 mijë lekë dita. Kryeministri Sali Berisha ka premtuar dje në mbledhjen e qeverisë se, krahas fondit të përcaktuar nga buxheti i vitit 2005, (3 milionë dollarë), qeveria do të marrë përsipër edhe rritjen më tej të këtij fondi. Për hartimin këtij drafti është ngarkuar zv-kryeministri Ilir Rusmali. “Desha të sjell në vëmendje të zv- kryeministrit Rusmali çështjen e ligjit për dëmshpërblimin e të përndjekurve politikë, të të përndjekurve të diktaturës. Ky ligj duhet të paraqitet në qeveri sa më parë. Shoqatat kanë bërë propozimet e tyre. Natyrisht, këtu, në fakt, ligji ekziston, por ata u diskriminuan. Kodi Penal i Shqipërisë përcakton qartë dëmshpërblimin e të dëmtuarve nga shteti. Mirë po ky nuk është zbatuar dhe ky kod duhet të zbatohet tërësisht. Ndaj dhe duhet bërë paraqitja sa më shpejt e këtij ligji. Ne krijuam fondin në buxhet për dëmshpërblimin e tyre. Fondi ka një shumë modeste, por fondi do të rritet dhe mund të them se shoqatat dhe të përndjekurit kanë dëshmuar një arsyetim në kërkesat e tyre, i kanë të arsyetuara, kanë pranuar shtrirjen e këtij procesi, gjë që është e domosdoshme, por që ta kemi të qartë, se[u] pa dëmshpërblimin e shekujve, vite burgjesh, rini të tretura në kampe përqendrimi, jetësh të rëna për vlerat universale të njeriut, shoqëria shqiptare e drejtë nuk bëhet”, - tha Berisha. Për këtë arsye, shtoi ai, ne i rikthehemi një procesi që është kusht themelor për paqen e vërtetë sociale. Kreu i ekzekutivit bëri me dije se zv-kryeministri Ilir Rusmali ka punuar në këtë drejtim dhe se së shpejti projekti do t’i dorëzohej Kuvendit në përputhje me programin që ka pasur qeveria. Në këtë mënyrë, pritet që të jetë Kuvendi ai që do të vendosë përfundimisht mbi projektin për ish-të përndjekurit. Partia Demokratike premtoi gjatë fushatës elektorale rishikimin e formës së kompensimit të të dënuarve nga diktatura komuniste, duke kundërshtuar në këtë mënyrë formën e miratuar në muajin maj të vitit të shkuar nga ish-mazhoranca socialiste, që u hodh poshtë në fund të vitit të kaluar nga Gjykata Kushtetuese.
Gjykata Kushtetuese
Në mesin e muajit dhjetor të vitit të kaluar, Gjykata Kushtetuese e cilësoi antikushtetues kompensimin financiar të ish-të përndjekurve dhe të dënuarve politike gjatë sistemit komunist. “Me shfuqizimin e kësaj dispozite krijohet një boshllëk ligjor, prandaj i rekomandohet Kuvendit të ndërmarrë hapat e nevojshëm në këtë drejtim. Për këtë arsye, Gjykata Kushtetuese vendosi shfuqizimin si antikushtetues të ligjit 9 260 të korriku 2004. Ky vendim është përfundimtar i formës së prerë do të fillojë zbatimin ditën e botimit në Fletoren Zyrtare”, - thuhej në vendimin e Gjykatës Kushtetuese. Vendimi në fjalë i hapi rrugë vlerës së kompensimit të parashikuar në Kodin Penal, që përfshihej edhe në premtimet elektorale të PD-së. Projekti i qeverisë do të përmbushë në këtë mënyrë edhe kërkesën kryesore të ish-të përndjekurve politike, të cilët kanë kërkuar prej kohësh që dëmshpërblimi i tyre të bazohet në vlerën që parashikon Kodi Penal, me 20 mijë lekë për çdo ditë burgu.
Fatura
Në rast se do t’i referohemi një numri të dalë jozyrtarisht nga Ministria e Drejtësisë muaj më parë lidhur me numrin e të dënuarve në burgjet e komunizmit, (rreth 9 807) i bie që fatura e dëmshpërblimit nga ana e qeverisë të jetë realisht e papërballueshme. Megjithatë, shifra në fjalë u hodh poshtë nga ish-të përndjekurit, të cilët janë shprehur pak kohë më parë se ata nuk ishin më shumë se 6 mijë persona dhe se shifrat ishin ekzagjeruar qëllimisht për t’i shmangur ata nga e drejta e dëmshpërblimit.

Ligji i miratuar në 2004-ën u rrëzua në dhjetor të 2005-ës nga Gjykata Kushtetuese
Skema e kompensimit që parashikonte ligji i PS-së

Tiranë- Dy vite më parë, mazhoranca socialiste përgatiti ligjin për ish-të përndjekurit politikë, ku parashikohej një kompensim financiar për grupet e ish- të dënuarve të të përndjekurve politikë sipas një skeme ku qeveria duhet të paguante për të dënuarit politikë një fond prej 2 milionë dollarësh, ndërsa periudha e dëmshpërblimit të zgjaste nga 10 deri në 15 vjet. Ky fond do të dëmshpërblente rreth 9 807 ish-të dënuar politikë. Skema ndahej në tre grupime, ata që kanë vuajtur nga 1-5 vjet burg do dëmshpërbleheshin me 1 000 lekë në muaj, ata me 5-10 vjet burg me 1 500 lekë dhe të pushkatuarit, me pagesë maksimale 5 000 lekë në muaj. Por në fund të vitit të kaluar, vendimi u kundërshtua nga shoqatat e ish-të përndjekurve, të cilët e ankimuan ligjin në Gjykatën Kushtetuese. Kjo e fundit e cilësoi si ligj antikushtetues për kompensimin financiar të ish-të përndjekurve dhe të dënuarve politike gjatë sistemit komunist. Ndërkohë, demokratët, asokohe në opozitë, u shprehën se dëmshpërblimi duhet të ishte sipas Kodit Penal, ku vlera e kompensimit është parashikuar të jetë 20 mijë lekë dita. Ish-të përndjekurit pretendojnë se janë rreth 6 mijë të tillë, ndaj dhe kompensimi në vlerën e pretenduar sipas tyre është më se i realizueshëm.

Skema e miratuar nga ish-mazhoranca socialiste
- Grupi i të përndjekurve me 1-5 vjet burg = 1 000 l/muaj

- Grupi i të përndjekurve 5-10 vjet burg = 1 500 l/muaj

- Grupi i të pushkatuarve, me pagesë maksimale 5 000 l/muaj

[Brari]

Ish-kryetari i Komisionit të Ligjeve tha se dëmshpërblimi, sipas Kodit Penal, është antiligjor dhe bëhet për qëllime elektorale

Braho: Ndryshimi i ligjit për të përndjekurit, blof financiar


A.R

TIRANË- Ish-kryetari i Komisionit të Ligjeve, Spartak Braho, e konsideron antikushtetues dhe të pazbatueshëm nismën e kryeministrit Berisha për të ndryshuar formën dhe masën e shpërblimit të ish-të përndjekurve politikë. Braho, i cili ka drejtuar të gjitha debatet në komision para më shumë se dy vjetësh, kur është shqyrtuar ligji i hartuar nga qeveria socialiste, thotë se kjo është një çështje e mbyllur dhe nuk ka asnjë logjikë ligjore e financiare që të rihapet edhe një herë. Sipas tij, fatura financiare që del nga përllogaritja e thjeshtë është një blof i vërtetë. “Është antikushtetuese, antiligjore dhe e papranueshme. Është një çështje e mbyllur me kohë. Por rihapja e saj është tërësisht politike. Nëse ka para Saliu, le t’ua japë. Por do të thosha edhe një herë që nga pikëpamja ligjore është i pazbatueshëm, nga pikëpamja politike është elektorale, ndërsa nga pikëpamja financiare është një blof i vërtetë”, - tha Braho dje për “Shekullin”. Ai shtoi më tej se të gjitha këto probleme që ka drafti i qeverisë, do të vihen në dukje gjatë shqyrtimit që do t’i bëhet në Parlament. Ndërkohë, gjatë shqyrtimit të ligjit aktual “Për dëmshpërblimin e të përndjekurve politikë”, në komisionet parlamentare, por edhe në seancë plenare, është bërë një debat i ashpër politik. Ish-opozita e djathtë ka kundërshtuar paketën ligjore të socialistëve, duke e konsideruar atë diskriminuese dhe qesharake. Edhe në atë kohë opozita kërkoi që dëmshpërblimi për vitet e burgut të bëhet në bazë të dispozitave të Kodit Penal. Sipas ligjit të miratuar, por i shfuqizuar tre muaj më parë nga Gjykata Kushtetuese. Ligji parashikonte kompensim financiar për grupet e ish- të dënuarve, të përndjekurve politikë sipas një skeme ku qeveria duhet të paguante për të dënuarit politikë një fond prej 2 milionë dollarësh, ndërsa periudha e dëmshpërblimit të zgjaste nga 10 deri në 15 vjet. Ky fond do të dëmshpërblente rreth 9 807 ish-të dënuar politikë. Skema ndahej në tri grupime, ata që kanë vuajtur nga 1-5 vjet burg do të dëmshpërbleheshin me 1 000 lekë në muaj, ata me 5-10 vjet burg me 1 500 lekë dhe të pushkatuarit, me pagesë maksimale 5 000 lekë në muaj. Por në fund të vitit të kaluar, vendimi u kundërshtua nga shoqatat e ish-të përndjekurve, të cilët e ankimuan ligjin në Gjykatën Kushtetuese. Kjo e fundit e cilësoi si ligj antikushtetues për kompensimin financiar të ish-të përndjekurve dhe të dënuarve politike gjatë sistemit komunist.




23/03/2006
KATEGORIA: Politike




*************

Braho vete per 40 vjet jetoi ne vilen e nje ish tregetari. Kuptohet ish tregetari kushedi ku u vidhis me "deshiren e vet" .
Vila ne qender te qytetit llamburiste nga mermeri e shandanat e lustra e dyerve e parketeve te shtrenjta e pllakave manjolike e vaska klasike qe i zoti i kish blere ne itali ne vitet 1935-40 , kuptohet jo me tendera por me djersen e punes se tije.
Nga 90 deri ne 97 trashegimtaret e ish tregetarit benin sehir Brahon ne pronen e tyre dhe mbas 97 kur Braho u be dhe bos shum katshesh sic eshte zakoni ne llojin e tije, ai u instalua ne nje nga shum katshet e tij duke pershtatur 2 katet e siperme te shumkatshit me taraca e balkone gjigande me pamje nga deti. Dhjetra ustallare punuan ta llamburisin strehen e re te Brahos me orendi te blera ne vitet 90-2000 te firmat e degjuara italiane per te cilat u derdh paraja lume.
E tani LSI isti e proletari i zbritur nga skrapari Spartak Braho xhelozon se do marrin ca leke ata te cilet Braho i fuste ne burg nga 10 e 20 vjet me nxjerrje me perdhune piriti apo kromi per shprehjen "sna del Rroga" apo "jemi ngushte me shpi".