Rrëzohet mocioni i opozitës për Topallin në parlament me 70 vota

[Brari]

---------------


shekulli


Kryeparlamentarja do të nisë sot një vizitë disaditore në SHBA

Topalli niset për në SHBA, takime në Departamentin e Shtetit


Anila Rama

TIRANE - Kryetarja e Parlamentit, Jozefina Topalli, niset sot për një vizitë zyrtare drejt Shteteve të Bashkuara të Amerikës. Një vizitë kjo e planifikuar prej kohësh në axhendën e kryetares Topalli. Realizmi i vizitës, ndonëse ishte planifikuar më parë, është vënë në pikëpyetje nga vetë kryeparlamentarja Topalli, për shkak të zhvillimeve të fundit në Kuvend, por që në fund është vendosur për t’u realizuar. Burimet nga Kuvendi pohuan se në axhendën e vizitës së Topallit janë përcaktuar takime të rëndësishme ditët e fundit, me ndërmjetësinë e Ambasadës Amerikane në Tiranë. Vizita e Topallit në SHBA do të zgjasë gati 10 ditë, ku pritet që atje ajo të takohet me zyrtarë të ndryshëm të shtetit, përfaqësues të kongresit e senatit amerikan. Ndërkaq, largimi i Topallit në këtë vizitë të gjatë jashtë Shqipërisë përkon me situatën aspak normale të krijuar në dy seancat e fundit parlamentare, si pasojë e kundërshtimit të opozitës të procedurës së votimit të kërkesës së PS-së për shkarkimin kryetares Topalli nga detyra. Në seancën e zhvilluar ditën e mërkurë, Parlamenti rrëzoi me 70 vota kundër e 8 pro kërkesën e PS-së e PSD-së për shkarkimin e Topallit. Por opozita kundërshtoi procedurën e votimit të fshehtë me elektronikë, duke këmbëngulur që votimi të realizohet i fshehtë me kuti, në të njëjtën mënyrë që Topalli u zgjodh në krye të legjislativit në fillim të shtatorit. Për këtë arsye seanca kur u votua, por edhe seanca e ditës së enjte janë bllokuar nga deputetët e opozitës, të cilët kanë kërkuar, duke protestuar, ripërsëritjen e votimit e duke u shprehur njëkohësisht se nuk e njohin më Topallin si kryetare të Kuvendit. Partitë opozitare kanë deklaruar se nuk do të marrin pjesë në komisionet parlamentare, në byronë e Kuvendit apo edhe në konferencën e kryetarëve derisa të ripërsëritet votimi për mocionin e shkarkimit të Topallit. E njëjta situatë si në dy seancat e fundit pritet të mbizotërojë edhe nesër në Parlament, por këtë radhë pa praninë e Topallit.




26/02/2006
KATEGORIA: Politike

[Antimafia]

Shqiperi, Berisha akuza te forta socialisteve:
Ata nuk jane te interesuar per votimin e fshehte, por duan te fshehin krimin


TIRANE (26 Shkurt)- Kryeministri Sali Berisha ka dale sot ne nje konference per shtyp jo te zakonshme ku eshte deklaruar se socialistet te lidhur me krimin e organizuar po mundohen te bllokojne parlamentin duke rikerkuar votimin per Jozefina Topallin. Ai ka akuzuar direkt drejtues te larte socialiste per lidhje me krimin e organizuar duke perdorur tone te forta se nuk do te lejoj ate qe ai e quajti “aleance e mbrojtjes se krimit te organizuar” te ndaloj perpjekjet e maxhorances per vendosjen e shtetit ligjor.

Emrat e permendur nga Berisha kane qene sekretari politik i Partise Socialiste, Ben Blushi qe sipas kryeministrit eshte i lidhur me korrupsionin e tenderave nepermjet gruas se tij. Gjithashtu ai ka akuzuar nenkryetarin e grupit parlamentar te PS, Petro Koci qe sipas tij ka qene ne dijeni gjate kohes kur drejtonte Ministrine e Rendit per lidhjet me boten e droges se gjyqtares Gjinovefa Gaba e cila eshte propozuar per anetare te gjykates se larte. Sipas Berishes nuk do te lejoje te vishen me pushtet njerez te krimit. Po ashtu Berisha ka akuzuar dhe deputetin Gramoz Ruci dhe Arta Dade, per lidhje te familjeve te tyre me krimin, ndersa ka hedhur akuza te forta ndaj deputetit Blendi Klosi duke e quajtur ”manjak seksual” te perfshire ne nje skandal me studente shqiptare jashte vendit.
Kreu i qeverise theksoi se qeveria e drejtuar prej tij nuk ka shkelur asnje kompetence te presidentit. Sipas Berishes socialistet nuk e kane hallin te votimi i fshehte por te fshehin skandalet e tyre. Nderkohe duke iu referuar votimit me elektronike apo me kuti ne parlament, kryeministri ka the se “nga viti 2000- 2005 ne parlamentin shqiptar eshte votuar fshehtas 123 here. Nga keto eshte votuar fshehtas me elektronike ne 108 raste dhe butonat elektronike jane shtypur nga ata qe sot e shpallin kete si nje votim jo te fshehte. Me ane te ketyre votimeve jane zgjedhur drejtuesit e institucioneve kushtetuse si Kryetari i Gjykates Kushtetuese, kryeprokurori Theodhori Sollaklu, Avokati I Popullit, Ermir Dobjani, kreu i KLSHh, Kryetari i komisionit te verifikimit te pasurive, zv/kryeministtra, ministra, anetare te gjykates se larte etj”.
Ai shtoi me tej se eshte mazhoranca ajo qe perzgjedh formen e votimit, nderkohe qe siguroi se parlamenti do te funksionoje non-stop" (/BalkanWeb)

[Lunesta]

Po salihi kur e di qe i ka votat pse e ka frike votimin e fsehte?

[gene]

Nuk te besohet?

lexo me poshte deklaraten per shtyp te shefit te maxhorances ne lidhje me kerkesen e opozites per votim te fshehte ne lidhje me shkarkimin e Topallit

rregulloren do e interpretojme si te duam ne
votimet do i bejme si te duam ne
se ne jemi shumica dhe bejme c'te duam
(te tjeret te rrijne urte se perndryshe ... )

[gene]

27/2/2006
Kryeministri Berisha: Kam ardhur sot para jush, në këtë orë të së vërtetës, para qytetarëve shqiptarë në tërësi, në veçanti para atyre që kanë votur kundër në 3 Korrik, për t’u dëshmuar atyre respektin tim më të thellë, për t’u faktuar atyre me dokumenta zyrtare se kjo që po zhvillohet këto ditë është një betejë e hapur midis ligjit, shtetit ligjor dhe një aleance të shëmtuar të mbrojtjes së krimit të organizuar. Sot, përfaqësues të kësaj aleance u deklarojnë shqiptarëve se votimi elektronik është i paligjshëm, se nuk pranojnë rezultatin e këtij votimi, se Berisha, me vendosjen e këtij votimi, dëshmon se do manipulojë zgjedhjet, apo se ai do të shkarkojë me këtë votim Prokurorin e Përgjithshëm, anëtarë të institucioneve kushtetuese dhe anëtarë të institucioneve të tjera të formuara me ligj.

Provat, faktet e mëposhtme, dëshmojnë katërcipërisht se këto janë mashtrime, mashtrime dhe vetëm mashtrime, se ato kanë vetëm një qëllim, jo të mbrojnë fshehtësinë e votës së lirë, sepse këta përfaqësues, edhe një herë, të aleancës së krimit, e kanë provuar dhe e dinë shumë mirë se fshehtësia e votës në parlamentin shqiptar ruhet shumë më mirë me elektronikë, sesa me kuti. Shqipëria, me votimet e saj, është shembulli më ilustrues dhe më i qartë i kësaj që them. Por nëse këta e kanë vërtetë hallin tek fshehtësia e votës, apo lidhjet e tyre të tmerrshme me krimin, le t’u referohemi fakteve. Nga viti 2000 deri në vitin 2005, në parlamentin shqiptar është votuar fshehtas 123 herë, Nga këto, është votuar fshehtas me elektronikë, jo 20 apo 30 herë, por fiks 108 raste dhe butonat elektronikë në 108 rastet janë shtypur nga i gjithë kori i atyre që sot, me histeri politike dhe panik të madh, shpall këtë si një votim jo të fshehtë.

Unë informoj qytetarët shqiptarë se, me votim elektronik të fshehtë janë zgjedhur nga viti 2000-deri në 2005 drejtuesit e institucioneve kushtetuese dhe të formuara me ligj që vijojnë: Kryetari i Gjykatës Kushtetuese, në mënyrë të përsëritur, Prokurori i Përgjithshëm, Kryetari i Kontrollit të Lartë të Shtetit, z. Ceku, Avokati i Popullit Dobjani, Guvernatori i Bankës së shtetit, z. Fullani, Kryetari i Komisionit të Verifikimit të Pasurive, znj. Laskaj, zv/kryeministra, ministra, anëtarë të gjykatës së lartë dhe gjykatës kushtetuese, kryetarë dhe anëtarë të institucioneve dhe bordeve kombëtare të të gjitha llojeve. Pra, të dashur qytetarë, fjala nuk është për mungesën e fshehtësisë, sepse me këtë mekanizëm të fshehtë janë zgjedhur 108 zyrtarë ndër më të lartët e këtij vendi.

Analiza e këtyre dokumentave nuk është detyrë e imja. Ajo është natyrisht detyrë e historianëve, kronikanëve, analistëve të parlamentarizmit. Por edhe njëherë theksoj se, kam ardhur këtu për t’u faktuar atyre që kanë votuar kundër nesh, përkushtimin tim të plotë dhe total për të respektuar opozitarizmin e tyre, votën e tyre ndryshe. Pikërisht ky respekt, detyroi mua dhe shumicën, që në kundërshtim më frymën e nenit 114 të rregullores së Kuvendit, të mos hedhim poshtë raportin e Këshillit Legjislativ, i cili faktonte se nuk ekzistonin motive kushtetuese, për të cilat sipas pikës 1 të nenit 114, mund të motivohen shkarkimi i anëtarit dhe drejtuesit të organeve kushtetuese. Ne u ngritëm mbi këtë. Po në këtë respekt ndaj opozitarizmit dhe hapësirave të opozitës, ne pranuam padrejtësisht, për herë të parë në historinë e një parlamenti demokratik, që brenda 7 ditëve të votohej mocioni i mosbesimit ndaj Kryetares së parlamentit. Po në këtë kontekst, ne i mohuam vetes të drejtën e interpretimit të rregullores, e drejtë kjo e sanksionuar me rregulloren e parlamentit, që i mundësonte shumicës të shmangte cdo lloj votimi për kryetaren e parlamentit. Dua të rikujtoj se ky votim nuk ka ndodhur, jo vetëm në vendet demokratike, por ky votim nuk është zhvilluar në Shqipëri as dhe kur parlamenti i drejtuar nga Skënder Gjinushi vendosi ekzekutimin në parlament të Azem Hajdarit, as dhe kur iu hoq imuniteti kryetarit të opozitës, apo kur udhëheqja drejtuese e opozitës u akuzua për krime kundër njerëzimit dhe u burgos nga prokuroria politike për këto krime. Kjo nuk ka ndodhur as dhe kur, në dhunim flagrant të Kushtetutës, nenit 77 të saj dhe vendimit të Gjykatës Kushtetuese, parlamenti socialist nuk lejoi opozitën të krijojë komision hetimor për vrasjen e Shkallnurit, për mbytjen e 9 janarit dhe bllokoi për muaj të tërë, komisionin Rama. Jo, ne jemi të vendosur të mos ecim në rrugët dhe shtigjet e tyre, ne jemi të vendosur të zbatojmë standartet demokratike në të gjitha institucionet e vendit.

Citova më sipër se ne pranuam të votojmë ne kundërshtim të hapur me ndërgjegjien tonë njerëzore, me ndërgjegjien tonë politike, me vullnetin politik. Sepse motivet ishin, për çdo njeri, të papranueshme. Akuza e parë eshte se ka kërkuar dorëheqjen e Dhori Sollakut. Në një vend të lirë, çdo qytetar, çdo zyrtar, pa cënuar asnjërin prej ligjeve të vendit, mund të kërkojë dorëheqjen dhe të propozojë secilin, kryetar të tij.

Akuza e dytë është se ka votuar jashtë afatit kushtetues dekretin e qeverisë dhe këtu është shkelur Kushtetuta. Cinizëm dhe amoralitet total. Dekreti do të votohej ditën e Zisë kombëtare. Parlamenti vendosi të ndërpresë aktivitetet dhe t’i kushtojë presidentit Rugova nderimin që duhej në parlament. Por në historinë e qeverisjes socialiste, afatet ligjore kushtetuese të emërimit të ministrave, janë shkelur jo prej zisë dhe jo për Zi kombëtare, por për luftë klanesh mafioze, muaj dhe muaj të tërë.

Akuzohet se ka bllokuar dekretin e presidentit për gjykatësen Gaba. Këtu janë dokumenta sekrete, por unë do t’ua bëj me dije, jo të plota për të ruajtur sekretin shtetëror. Por për zonjën Gaba, familjarët e saj më të afërt, në drejtim të z. Rexhep Mejdani, z. Pandeli Majko kryeministër, z. Petro Koçi ministër i brendshëm, janë nisur një seri dokumentash. Asnjëri prej tyre nga opozita, që të gjitha këto nga organet shtetërore të luftës kundër drogës dhe zbatimit të ligjit. Dokumenti është nr. 1, 1761, datë 10.10.1998, ka të 99-ës, ka të 2000-s, 7 maj 2000, datë në të cilën në makinën e familjes Gaba gjendet drogë. Pra cili do të ishte, më thoni ju, parlamentari që do të mund të merrte përsipër të vepronte ndryshe, veçse të bllokonte një kandidaturë të tillë? Po çfarë qenka parlamenti? Kurator i kumbarëve të drogës?. Petro Koci e ka lexuar këtë raport. E di mirë se përse vepron në këtë mënyrë, janë lidhjet e tij të krimit. Është përfitues apo jo, koha do i provojë gjërat. Por për një gjë ju siguroj se, shoku Petro ka shënuar dhe gjëra këtu sipër. Edhe shoku Majko. Unë, si kryetar i qeverisë, i dija këto, por për hir të hapësirës për opozitën pranova një procedurë që nuk duhej pranuar.

Tani le të shkojmë prapë edhe një herë tek statistikat. Në vitin 2005 ka patur 13 votime të fshehta gjithsej të parlamentit, 12 prej tyre me elektronikë, vetëm 1 prej tyre është bërë me kuti. Ndër këto votime ka qenë Avokati i Popullit, janë dekrete të Presidentit për Gjykatën e Lartë dhe shumë të tjerë. Unë ju siguroj se kori i kësaj aleance nuk mbron fshehtësinë e votës me të cilën u zgjodh. Mbron thjesht dosjet e veta, mbron lidhjet me krimin, mbron trafikun e drogës, mbron hotelet, pallatet, vilat e ndërtuara mbi kontrabandën, vrasjet, krimin, dosjet e fshehura. Nuk është çështja tek fshehtësia e votës elektronike, çështja është tek fshehtësia e krimeve. Kjo po thuhet, po del në dritën e diellit. Dje u thashë qytetarëve shqiptarë se faji është tek Luiza Hoxha. Kur përmenda Luiza Hoxhën, dua të jem i sinqertë, nuk e kisha fjalën për anëtaren e KPD-së së PS-së, se ajo është para drejtësisë, por fjalën e kisha tek disa të tjera, apo të tjerë, të cilët sot sillen, shkulin tela në parlament, thyejnë kompjutera, betohen e çirren se do bllokojnë institucionet. Edhe unë do ju them këtu, në mënyrë absolute, krimi dhe lufta kundër tij, nuk do të përdoren për qëllime politike, krimi dhe lufta kundër tij nuk do të përdoren për ngjyra partiake, përkundrazi, do të trajtohet me barazi para ligjit secili. Por askush nuk do të mund të përdorë politikën për të mbrojtur lidhjet e tij të krimit.

Unë jam Sali Berisha, unë këtë zotim ju kam bërë qytetarëve shqiptarë. Ndaj dhe zoti Blushi, nuk hidhesh ti për Luiza Hoxhën, por t’i hidhesh për Eva Blushin, e cila në katër ditë ka vjedhur dhe përvetësuar 12 tendera, 250 milionë lekë. Z. Blushi, mos ki asnjë iluzion, se lufta kundër krimit do të bëhet me parimin e barazisë para ligjit. Nuk ka ndonjë preokupim Gramoz Ruçi për fshehtësinë e votës, as dhe Arta Dade. Fëmijët e tyre skuqën rrugët e Tiranës, dosjet u mbyllën për shkak të pushtetit. As pronat e krimit të Ruçit, as krimet e fëmijëve të Arta Dades dhe të asnjërit prej tyre, të mos mendojnë se do mbeten pa shkuar para ligjit, sikundër do shkojnë fëmijët e cilitdo tjetër. Por mënyra si komportohen, njëlloj si ai që përpiqet të fshihet prapa gishtit, edhe këta përpiqen të fshihen dhe të betohen për fshehtësinë e votës në parlament. Jo. Mund t’u them se në vitin 2004, në parlament janë bërë 44 votime, nga të cilat 42 me buton elektronik dhe vetëm 2 votime me kuti. Janë zgjedhur, Gjergj Cauli, Kryetari i Gjykatës Kushtetuese, Ardian Fullani, Guvernatori i Bankës, Robert Ceku Kryetar i Kontrollit të Lartë të Shtetit, është zgjedhur Kryetari i Komisionit të Kthimit dhe Kompensimit të Pronave, Sokrat Sinaj, Kryetari i Bordit të Konkurencës, Zef Preçi, Kryetari i KKRT Halil Lalaj, Kryetari i ERE-s Pjetër Dema, shumë e shumë zyrtarë të tjerë. Pra, sërish nuk është problemi tek fshehtësia e votës së zgjedhjes së tyre, problemi është tek dosjet që rëndojnë. Në vitin 2002 është zgjedhur me votim të fshehtë elektronik Dhori Sallaku, është shkarkuar me votim të fshehtë elektronik, Rakipi, është votuar me votim të fshehtë elektronik mocioni kundër Klosit. Pra, janë bërë të gjitha votimet e mëdha, pothuajse përcaktuese. Në vitin 2002 mund të lexoni një kërkesë që i drejtohet Kryetarit të Parlamentit, Namik Dokle, në të cilën deputeti Taulant Deda me Elida Tepelenën dhe me 5 deputetë të tjerë, i kërkuan z.Dokle votimin me kuti. Natyrisht, shumica hedh poshtë kërkesën e tyre dhe votohet me votim elektronik. Pra, në tërë këtë përpjekje nuk ka asgjë tjetër veçse një strukturim të një aleance për të mbrojtur krimin e organizuar, i cili në asnjë rrethanë nuk mundet dhe nuk do të na përkulë dot. Ne qëndrojmë me urtësi, qëndrojmë kokëulur para ligjit, por të vendosur ta zbatojmë atë me të gjithë forcën e tij.

Beteja kundër krimit të organizuar është në fillimet e tij. Kjo betejë nuk ka të ndalur, pavarësisht nga çmimi që mund të ketë ajo, është jetike, vendimtare për sigurinë e jetës se qytetarëve shqiptarë, për dinjitetin e Shqipërisë dhe shqiptarëve, për fëmijët e qytetarëve shqiptarë dhe fëmijët e fëmijëve të tyre, për imazhin e Shqipërisë. Në këtë betejë nuk do ketë pacifizëm, e theksoj edhe njëherë, por nuk do ketë as lëkundje. Vetëm këto ditë po merr goditje përfundimtare banda që lozi si top futbolli me kokën e njeriut në Lushnje. E dini ju se çfarë i tha ministri Poçi oficerit që deshi t’i arrestonte? Nuk ka djem më të mirë Myzeqeja se ata. Absolutisht po. Ne, duke mos ndjekur asnjë pistë politike, në mënyrë absolute zbatojmë “zero” tolerancë ndaj krimit të organizuar, “zero” tolerancë ndaj lidhjeve me krimin. Ky është zotimi ynë, ky është përkushtimi ynë. Nuk shkova shumë në detaje, se statistika e parlamentit është e tillë, që ajo le t’u mbetet analistëve.

Por mos harroni, këto ditë kori i tyre me të madhe bërtet se iu morën kompetencat presidentit. U them këtyre presidencialistëve se nuk bëni gjë tjetër veçse mbroni krimin, se presidentit nuk i është prekur asnjë komptencë. Një vend si Shqipëria, i cili brenda 6 javëve lançon për anëtar të KLD-se shefin e bandës më gjakësore të Shqipërisë, gjykatësin Gjermeni, i cili fallsifikoi të gjitha proceset me të shoqen, në favor të tyre. Një vend që sjell Gabën për anëtare të Gjykatës së Lartë, një vend që 2 KR na rezulton 2 vjet i dënuar, e ka më të domosdoshme se çdo vend tjetër, t’i përmbahet Konventës së Vjenës, konventë e cila thotë se para se të emërosh, duhet të pyesësh vendin mik, nëse personi që do të emërohet është “grata” ose “non grata”, i pranueshëm ose i papranueshëm në këtë vend, sepse në rast se fiton ndonjë Gjermen, në rast se fiton ndonjë 2 KR dhe ai ka dosje, ai të turpëron dhe në këtë mënyrë nuk nxihet faqja e një njeriu, por e një kombi, e një vendi.

Pyetje: Zoti Kryeminister, pse keni pritur situatën e krijuar kohët e fundit në parlament pas rrëzimit të mocionit për shkarkimin e znj. Topalli, për të nxjerrë këto dosje, ku bëhej fjalë edhe për gjykatën e lartë?

Kryeministri Berisha: Kam pritur po për ato motive që më kanë shtyrë që, në kundërshtim flagrant me vetëdijen time njerëzore dhe politike, të pranoj një votim që s’duhet ta pranoja kurrë, por natyrisht njeriu duhet të tregojë një gjerësi, sepse tjetër është Luiza Hoxha dhe Luiza të tjera në Parlament dhe, tjetër eshte zgjedhësi socialist, i cili për hir të së vërtetës nuk ka asnjë lidhje me to, ai përjeton si gjithë qytetarët e tjerë varfërinë, tmerrin e krimit të organizuar, rrënimin dhe unë atë jam i detyruar ta respektoj dhe kjo ka qenë arsyeja. Por unë mendova se lëshimi maksimal që bëmë do të mund të lexohej siç duhej nga ata që e ndiejnë veten të lirë në Parlament. Kjo nuk ndodhi, ndaj dhe u detyruam të bëjmë transparencën përpara publikut shqiptar, në mënyrë që ta dinë se ç’janë ata, që kapin kompjuterat, manjakë seksualë që rrihen me vajza shqiptare në ambasadat e botës, si Blendi Klosi. Prapa kollares dhe qetësisë së tij fshihet një manjak i shpërfytyruar, por zgjedhësit e Mallakastrës nuk i dinë të gjitha. Do t’i mësojnë. Kjo është e vërteta.

Pyetje: Meqënëse ju folët tashme le të themi u hapëm pjesërisht, a ka mbërritur momenti të flasim me emra, qoftë dhe me ata që do të votojnë dhe po pengojnë votimin.Pas këtyre personazheve duhet të ketë politikanë?

Kryeministri Berisha: Kjo është një betejë, të cilën e kemi filluar me ata që kanë luajtur futboll me kokë njeriu, E kemi filluar betejën me ata të cilët bënin gjëmën në Tiranë dhe Durrës dhe kjo betaje do të vazhdojë. Kjo është një betejë në të cilën, në mënyrë absolute, ne nuk tërhiqemi dhe nuk bëhemi partiakë. Ligjorë dhe vetëm ligjorë. Ata do të bëjnë zgjidhjet e tyre. Unë nuk mund të mos thosha disa fjalë për ta. E përmenda z.Blushi se z.Blushi ka dy vjet që më ka paditur, por si frikacak dhe burracak nuk shkonte në Gjykatë se kishte tmerr nga dokumentat. I përmenda tjetrit rastin e tij, se eshte nje nder rastet me te turpshme, në Poloni ka ndodhur dhe ekzistojnë të gjitha relacionet për aktin e tij të shëmtuar. Po këto janë fillimi, këto dihen. Të mos të mendojë kush se ne do të kapim “x” qytetar për vrasjet e 94-95 - dhe përgëzoj policinë për këtë - dhe do të lëmë të pandëshkuara ato të 2003 apo 2004. Ligji është ligj, ligji do bëhet.

Pyetje: Politikanët tanë janë vetëm mbështetës apo dhe bashkëpunëtorë, dhe a do të çohen dosjet në Prokurori?

Kryeministri Berisha: Dosjet në Prokurori do shkojnë, por unë nuk bëj as hetimin as gjykimin. Unë deklaroj këtu me përgjegjesi të plotë se, nuk do mund të përdoret politika për të mbrojtur lidhjet e krimit dhe dosjet e krimit. E bëra këtë në një moment kur pashë se u tejkalua çdo lloj limiti.

Pyetje: Z. Berisha, para pak ditësh, ose një ditë para se të votohej kërkesa për shkarkimin e znj.Topalli, ju paralajmëruat një mundësi për ndryshimin e rregullores, meqë kishte mundësi interpretimi për votimin. A do të bëhet ky ndryshim në rregullore, duke patur parasysh që ka raste të tjera kur pritet votim për shkarkim ose emërim anëtarësh?

Kryeministri Berisha: Absolutisht do të respektohet rregullorja pikë për pikë, e cila përcakton në mënyrën më të qartë se raporti për anëtarët e organeve kushtetuese duhet të votohet, para se të vazhdohet më tutje. Ky diskutim u bë gjerësisht në grupin parlamentar, por ne vendosëm që të mos krijojmë ngjashmëri, asnjë identitet nuk kishte midis bllokimit që i bënë krijimit të Komisionit hetimor parlamentar, në kundërshtim me nenin 77 të Kushtetutës dhe kërkesës sonë për ta votuar raportin. Por, meqënëse kultura parlamentare nuk është një kulturë kaq masive, menduam se do të ishte e vështirë që të bindnim qytetarët se s’po të krijohej një akt i njëjtë dhe ka qenë ky një nga motivet që ne pranuam të votojmë. Menduam që më mirë të votojmë, pavarësisht se mund ta bllokonim votimin, por pranuam të votojmë. Një ditë para votimit, eksponentë kryesor të Partisë Socialiste deklaruan se do ta përsërisim çdo javë një formë të tillë.

Pyetje: Organi i akuzës janë po ata që ju keni akuzuar vazhdimisht se flenë mbi dosje krimi.A do të mund ta luftoni krimin?

Kryeministri Berisha: Unë jam i bindur se organi i akuzës do t’i nënshtrohet reformës që meriton dhe ne e konceptojmë procesin e reformave si një proces të pandërprerë. Ne shohim të strukturohet një alencë në mbrojtje të krimit. Nuk impresionohemi, është normale, është e natyrshme, nuk konfrontojmë me këtë absolutisht kritikët e ligjshëm të vendimeve apo veprimeve tona. Nuk konfrontojmë me këtë në mënyrë absolute ata që e kanë për mungesë informacioni, apo për mungesë dije, siç dëgjova një diplomat të ngrihej kundër Konventës së Vjenës. Por ata që e bëjnë me qëllim janë në një aleancë dhe janë me të vërtetë të pashpresë. Ne kemi filluar nga gjërat më të mprehta, por ne do të ecim me shpejtësi dhe vendosmëri pa asnjë lloj tendence partiake. Mënyra më e mirë për të mbrojtur krimin, është t’i japesh atij ngjyra politike. Dhe ne nuk do t’i japim luftës kundër tij ngjyra te tilla.

Pyetje: Z. Berisha, unë nuk kam statistika siç ken i ju, por ju mbaj mend fare mirë, se këto 8 vjet në parlament keni kërkuar gjithmonë votim të fshehtë me kuti. Pse?

Kryeministri Berisha: Jo gjithnjë. Le të flasim hapur. Votimi elektronik me votimin e fshehtë kanë dallime. Votimi me kuti kërkon dy orë, ndersa ai elektronik vetëm nje minutë ose dy, ndaj nuk është se ka një ndikim në këtë raport që ju shihni këtu, që është kaq i thellë, që është në 10 raste, 1 me kuti dhe 10 me elektronikë. Natyrisht, ta kërkosh është njëra anë. Opozita në çdo rast ka të drejtën e pamohueshme të kërkojë diçka ndryshe nga qeveria. Por nuk e keni parë kurrë që në 8 vjet ne të imagjinonim të bënim ato që bënë ata per shkak te votimit. Votimit elektronik është votim i fshehtë .Dhe për disa që mund të mendojnë se kutia është më e fshehtë, ju them me bindjen më të prerë se butoni është më i fshehtë. Ka njerëz te specializuar që kanë maninë të kontrollojnë votën e kutisë nëpërmjet gjërave që s’duhet t’i bëjnë. Në mënyrë absolute është më i fshehtë butoni.

Pyetje: Sipas atyre që ne i përcollëm sot si kërcënime, disa emra të deputetëtve të Partisë Socialiste, mendoni që nesër në parlament situata do të jetë më qetë?

Kryeministri Berisha: Kërcënim nuk bëra. Unë solla vetëm fakte të pakundërshtueshme. Tregova dokumenta, të cilat janë zyrtare të periudhës së qeverisjes së tyre. Nxora të gjithë regjistrin e votimit të fshehtë në Parlament, bëra thjesht një statistikë. Cili do të jetë qëndrimi i tyre? Të mbrojnë Luiza Hoxhën, është e drejta e tyre të bëjnë çtë duan, unë nuk mund t’i diktoj asnjë qëndrim.

Pyetje: Opozita thotë të bëjmë votim me kuti se sipas tyre votimi me elektronik nuk është aq i fshehtë, pasi shoku në krah të shikon për kë votove. Cili është mendimi juaj për këtë?

Kryeministri Berisha: Mendimi im është ky. Edhe njëherë unë u shpreha. N.q.s ka njerëz sot në Europë që s’kanë të drejtë të shqipërojnë një gjë të tillë, janë ata që kanë vendosur parlamentin, që në 123 votime, 108 të jenë me elektronikë. E kanë sanksionuar në rregulloren e tyre dhe, për hir të së vërtetës, nuk do ta ndryshojmë sepse në dallim nga kutia, realizohet brenda dy minutave. Një votim në kuti do të paktën dy orë. Këtë trashëgimi të konsoliduar në Parlament, t’u vijë mirë apo keq, nuk do ta ndryshojmë, do ta vazhdojmë më tutje sipas vullnetit, kur mazhoranca do të dëshirojë votim me kuti do të votojë me kuti. Është mazhoranca ajo që përcakton format e votimit. Rregullorja përcakton dy format, të tretë mazhoranca nuk mund të shpikë.

Pyetje: Z Berisha: Mendoni që nesër edhe deputetët socialist do të binden që të vazhdojnë punimet normalisht, apo mund të ndodhi tjetra që emrat që ju përmendët mund t’ju denoncojnë më pas?

Kryeministri Berisha: Le të bëjnë ç’të duan. Zgjidhjen le ta bëjnë ata. Parlamenti do të vazhdojë funksionimin e tij në mënyrë normale. Në rast se ndokush mendon se për shkak të lidhjeve dhe dosjeve të krimit, do të mund të përdorë politikën për të ulur veprimin e ligjit, absolutisht gabohet. Është jetike, është ultimative. Eshtë përcaktuese, lufta kundër krimit të organizuar për të ardhmen e Shqipërisë, për integrimin e saj për sigurimin e jetës së qytetarëve të saj. Këtu nuk mund të ketë lëshime.

Pyetje: Do të nxirrni dosje të tjera?

Kryeministri Berisha: Ju siguroj se nuk do të ketë asnjë bllokim. Parlamenti do të funksionojë “non stop” me ligjet, marrëveshjet. Në rast se zotërinjtë kanë vendosur t’i bojkotojnë komisionet, i kujtoj se në respekt ndaj opozitës iu kemi dhënë drejtimin e tre komisioneve. Jemi të gatshëm të rishqyrtojmë vendimin në mënyrë që komisionet të bfunksionojnë normalisht me kryetarin e tyre. Kompromis me krimin ne nuk bëjmë. Kompromis me dosjet e krimit ne nuk bëjme, por kompromios me opozitën kemi bërë dhe jemi të hapur të bëjmë.

Edhe njëherë dua të theksoj se, në mënyrën më absolute, asgjë nuk do mund të ndalë procesin e reformave, asgjë s’do mund të ndalë luftën kundër krimit dhe korrupsionit. Ju jeni këtu dhe e dëgjoni vet se kjo është kërkesë ultimative e të gjithë shqiptarëve ndaj kësaj qeverie.

marre nga www.km.gov.al

[gene]

une shpresoj qe, nga momenti qe ka shumicen, berisha nuk do ti imponoje nje menyre te ngjashme votimi edhe ne zgjedhjet popullore.

Ne fakt ai e tha se menyra si behen sot nuk eshte e drejte!!!!!!!!!!!!!!

Une propozoj qe heren tjeter votimet ne parlament te behen me kuti po jo ashtu si do opozita. Une them se do te ishe udhes te kishim dy kuti votimi te ndara ku te votohet me gogla. Ne njeren te shkruhet VOTA PER DEMOKRACINE DHE ZONJEN TOPALLI ndersa ne tjetren VOTA PER KRIMIN DHE KORRUPSIONIN.
Do te bej nje peticion dhe do t'ia dergoj RD qe ta publikoje.

Foli gje njeri nga opozita??????????!!!!!!!!!!!!!!!!
Dordomuuuuuz. Formalitetin.

[Xhuxh Xhumaku]

Koha Jone, E Marte, 28 Shkurt 2006

POLITIKE SHARLATANE
Nga Mimoza Dervishi

Aty nga 1997, sapo pushtetet ishin nderruar, ish-presidenti Berisha filloi nje shoe, tip konference per shtyp qe e quajti “Ora e se vertetes”. Packa se ora e se vertetes zgjaste vetem gjysme ore ne fillim dhe 24 ore andej nga vitet 2000, thelbi ishte i njejte: te denoncohej dhe luftohej korruspioni. Per aq kohe sa PD?ja ishte ne opozite, njerezit besonin apo jo, e drejte e tyre, ato cka thoshte lideri i PD?se dhe qe mezi priste t’i faktonte kur te vinte ne pushtet. 8 vjet e ca pas 1997?s, dhe 8 muaj pas ardhjes ne pushtet, kryeministri vazhdon filozofine e vjeter, ate te ores se tij te se vertetes, qe shume mire mund te quhej ora e thashethemeve dhe qe nuk do ishte e denje as per nje rubrike roze a te zeze te nje gazete sharlatanesh. Politika ordinere e thashethemeve eshte ajo qe mbizoteron sot ne Shqiperi dhe qe s’ka zot ta perktheje. A keni degjuar ndonjehere qe Bush a Bler, a ndonje udheheqes me pak i njohur i vendeve fqinje me Shqiperine, te akuzoje per krime, droge dhe korrupsion ne mes te dites me diell, te flase para se gjykata ka folur, dhe tamam si nje i semure mendor te mos mbaje asnje pergjegjesi per ato qe thote.

Duhet pare ne dy aspekte akuza e Berishes ndaj opozites. Ne ate ligjor dhe ate njerezor. Ne aspektin ligjor, nje kryeministri nuk i lejohet kurrsesi te ngreje akuza pa fakte, te flase para se ligji dhe gjykata te kene bere punen e tyre. Nje kryeminister ne gjendje shendetesore normale, e para s’do ta bente kurre nje gje te tille, e dyta edhe nese do ta bente per arsye emotive, qe jane te pashmangshme ne raste krizash politike, te nesermen do kerkonte vete doreheqjen. Pa u gjetur akoma se ne cilen prej ketyre kategorive futet kryeministri shqiptar, ne ate me gjendje shendetesore te renduar, apo ne ate emotiven e castit, eshte e kote te diskutosh aspektin njerezor te deklaratave te tij.

Pasi Ngjela ka lene Shqiperine, po keshtu dhe Topalli, ne dukje per te zbutur situaten e krijuar, eshte vete kryeministri, qe jo vetem nuk i pelqen zbutja, (s’ka shume lidhje me te kjo fjale), por ne te kundert kerkon te shperndaje vemendjen nga nje problem aktual, ai i krizes parlamentare, ai i votimit dhe legjitimitetit te votes se fshehte, qe ne kete rast do te thote vote e lire. Se cfare lidhjeje ka mocioni per Topallin me akzuat e kryeministrit per korrupsion, kete vetem ai mund ta dije. Pervecse shperngulje e vemendjes dhe tymnaje per t’u larguar nga vete problemi aktual, eshte dhe njehere shprehje e banalizmit ku po e fut politiken kryeministri, gje qe e ka bere ne opozite, por nuk i falet ta beje dhe tani ne pushtet. Ky mbrojtes fjaleshume i demokracise dhe sherbetor qibar i popullit, vetem me demokracine dhe ligjet e saj s’ka me lidhje. Dhe jo se ka pasur ndonjehere, por te gjithe duartrokiten fatlumin “ndryshim” te tij. Ai po vazhdon te tregoje dhe zhgenjeje shqiptaet, se fushaten e tij antikorrupsion si rrjedhoje e te ciles fitoi dhe votat e nje populli te varfer qe vjedhjen s’ta duron dot, e ka ngritur thjesht mbi nje mal me thashetheme, qe te gjithe kujtuan se ishin fakte dhe dosje qe do hapeshin menjehere ne 4 korrik.

Suksesi me i madh i pozites ne kete drejtim ka emrin e Luiza Hoxhes, por nuk mund te quhet ende sukses pa u vertetuar ceshtja ne gjyq dhe pa u shpallur ajo fajtore. Dhe nese eshte e tille, le te marre denimin e merituar, por as per kete ceshtje kryeministrit nuk i takon te flase, deri sa gjykata ta kete dhene verdiktin. As edhe per Luiza Hoxha te tjera, nese jane, le te flase ligji dhe te gjithe me pas do t’i heqin kapelen kryeministrit, pa qene nevoja qe ai vete te cirret para kamerave. Ne qofte se do vazhdonim me thashetheme, e sidomos ato te llojit te pragut te deres, do ishte njesoj sikur opozita te ngrihej e te kerkonte doreheqjen e kryeministrit, ta zeme per hir te vajzes se tij. Qe gjithmone sipas thashethemeve thuhet se, ne Kosove ka punuar pro serbeve dhe ne dem te ceshtjes se shqiptareve. Por ky eshte nje thashethem qe bredh lart e poshte, qe po te vertetohej do ishte dhe me i rende sesa flirtet dashurore apo tenderat qe kurre s’i vertetoi kryeministri. Dhe me thashetheme nuk mund te behet politike, ato jane pjese e mejhaneve, dhe ne nje te tille po e shnderron kryeministri Parlamentin dhe qeverine e tij.

Shpallja me buje e dy numrave per te denoncuar korrupsionin, madje dhe berja e centralistit, paska qene vetem nje fasade e genjeshtert propagande. Sepse vete ai, nuk po zbaton i pari ate qe u thoshte qytetareve ne telefon, qe na sillni prova qe keto akuza te vertetohen. Kjo qe po ben ai eshte nje shuplake ne fytyren e qytetareve, qe e nxjerr fare zbuluar kryeministrin, i cili as qe e ka ndermend te luftoje ndonje lloj korrupsioni. Politika e tij do vrase e prese ne baze te thashethemeve partiako/patetiste.
* * *
Nuk eshte as ne staturen e institucionit qe ai drejton dhe as te partise qe udheheq, e aq me pak te te gjithe spektrit politik shqiptar, kanalizimi banal i krizes dhe problemeve aktuale ne vend. Per te mos folur pastaj qe na kujton edhe njehere, edukaten dhe nivelin e kryeministrit, patetizmin e tij te cmendur, maniakerine e tij orale. Tregon se kryeministri i Shqiperise eshte i paafte intelektualisht te perballoje opoziten, tregon se eshte i manget ligjerisht te argumentoje akuzat e tij, por edhe situaten dhe krizen politike aktuale, tregon se nuk i njeh mjetet e nevojshme demokratike per te bere shtet, politike dhe ligje.

Nese drejtesia nuk funksionon sic duhet ne Shqiperi, perfituesi me i madh eshte vete kryeministri. Nese do te funksiononte sipas normave dhe rregullatoreve normale te nje shteti demokratik, vete ai do ishte sot i dorehequr, do ishte para drejtesise dhe absolutisht jashte spektrit politik shqiptar. Dhe as te mos ju shkoje ne mend qe kryeministri ka ndonje deshire te mire per te rregulluar gjyqesorin.

Lufta per Sollakun, megjithe te metat a gabimet e ketij te fundit, eshte thjesht lufte per ta zevendesuar ate me nje vegel te tij, qe do mund te shnderroje thashethemet e pafaktuara ne pranga per opoziten. Dhe ne kete menyre ka lare duart dhe me korrupsionin.

[vagabondo_nyc]

xhuxho vallai gabo qe sjell keshtu artikuj se BRARI do te hidherohet kurse qeveria e ka ne terezi...sala grin lakra para gazetarve sikur o kryetar pd vetem dhe harro se o kryeminister ..ministria e arsimit thote shkolla ne himare o e paligjeshme kurse nje minister tjeter thote o e ligjeshme....topalli aq ne terezi i ka punet saqe i ka ngel mangut takimi i "rendesishem" ne usa me zyrtar te vatres...parlamenti i bje bilbilave ...investime plot perfeshire ene ate dollaret e usas per vendet e merdhifme(bota e trete)....fshf-ja luft me fifa-n(ministri thote kush e rru se slujme ne futboll ne bote une do jem kok turku)... drita plot...rruge po shtrojme dite per dite ...kursime sa te dush ne kryeministri ...0000teta funksiono per merak...po ja le BRARIT ta vazhdoj me te tjerat se me erdhi qorri...go head mr Brari

[Brari]

Një plak te berberi


Ylli Pango

Ky plak na ishte mbi 80 vjeç. Hyri në berberhane, duke i shkelur syrin me dinakëri berberit e duke fërkuar duart. “Edhe dy muaj e i rrëzojmë këta. E sigurt”. “Sa mirë, sa mirë“, - tha berberi. “Ty ç’post do të të japin?” ”Nuk dua poste, nuk dua poste”, tundte duart plaku, a thua se posti ishte aty pranë dhe ai duhet të bënte çmos ta shmangte si një të keqe të madhe. ”Vetëm këta t’i shoh të rrëzohen, pastaj të vdes”.
Ajo gruaja nga Berati nuk donte asgjë, asgjë, as drita, vetëm të bashkoheshin e të fitonin ata të sajët, të PS-së. Ky kryetari i PS-së e quante “tradhti kombëtare“ ardhjen e PD-së në pushtet. Nuk mund ta konceptonte dot këtë të keqe të madhe. Edhe ky s’është se donte gjë tjetër. Vetëm PS-ja në pushtet.
Ata burrat e së majtës që u takuan te hotel “Tirana”, pas votimit kundër gruas së parë kryeparlamentare shqiptare, po shkriheshin nga kënaqësia. Të bashkuar kundër gruas. Siç iu ka hije trimave. Shtrëngonin duart, qafoheshin, hidhnin shaka miqësore këmbë mbi këmbë. Duheshin, oh sa shumë duheshin. Më në fund bashkë, përsëri bashkë. Ndjeheshin afër, kaq afër. Po aq afër ndjenin pushtetin, pothuaj aq sa ai plaku. Edhe këta nuk duan gjë tjetër, asgjë tjetër. Vetëm pushtetin. Nuk mund të rrinë kaq shumë pa të 6 muaj.
Po përse kaq me ngulm, përse kaq shpejt, vallë? Përse kaq padurim, kaq egërsi, kaq kërkesë insistente, kaq obstruksion?
Vini re. Çdo projektligj, ligj, vendim qeverie po sulmohet, po hidhet poshtë, po paragjykohet, po parashikohet si i keq ende pa filluar të zbatohet. Ndërkombëtarët po marrin qindra letra, ankesa, kërkesa, “gërgesa”.
“Po na hiqen nëpunësit” (lexo: militantët). “Po cenohet media, liria e saj” (O zot kush është ai trim vallë sot të shtypë median e t’i marrë asaj lirinë?).” Po votohet pa fshehtësi” (elektronika është shkelje ligji’). “Jo legalizimit”! (duhet pritur urbanizimi, pra kalendat greke, pa të bëhet legalizimi). Të mos dekretohen ambasadorët (të mbeten ata që janë se kanë afera të mira biznesmenët e majtë, atje, tek vendet e akreditimit). Etj., etj.
Vini re, vini re. Proletarë të të gjithë Shqipërisë, anti-PD. Militantë të të gjithë nuancave të së kuqes. Nga më flakta, tek më e zbehta. Bashkohuni. Një sulm frontal po fillon kundër çdo ligji, çdo hapi të qeverisë, çdo reforme, vendimi. Proletarë të PS organizohuni. Në një front. bashkohuni.
Në një front ku janë ata që nuk duan asgjë dhe ata që duan çdo gjë,. Të parët kanë urrejtje, të dytët kanë dëshira, shumë dëshira për para e pushtet.
Diku thuhet se e gjithë kjo bëhet se Berisha është i pandreqshëm. Le ta supozojmë. Pa dyshim të gjithë këta njerëz që janë në PD qeveritarë, deputetë të zgjedhur nga populli, popull që zgjedh PD-në, njerëz me bindje politike demokrate janë gjithashtu të pandreqshëm dhe s’do bëjnë kurrë asgjë të mirë. Ata llogariten tradhtarë. Dhe s’janë pak . Janë mbi 50 % e shqiptarëve.
Por le të kthehemi tek Berisha. Ai nuk po nget njeri nga ata që duhen ngarë ende. Ai po pret të veprojë drejtësia. Ndonëse e di se ajo nuk vepron. Dhe ajo nuk po vepron. Por ndërkohë në disa raste kur gjithçka është e qartë ajo s’ka ç’bën. Vepron. Dhe kjo është tronditëse. Për dikë. Për disa. Ora po afrohet. Hora y es. Është e frikshme të dish sa ke vjedhur, shkelur, grabitur, mashtruar, rrjepur shtetin, dhe të presësh. Të presësh me frikë. Kjo mund ta çmendë dikë. Atëherë ai nuk duron më. Bërtet. Del nga shtëpia. Vrapon, derdh pare. Kërkon me çdo mjet të shpëtojë. Paguan media. Ish qeveritarë. Biznese. Kriminelë. Lëviz njerëz. Politikanë. Kur nuk është pjesë e tyre. Ndërkohë bëhet akoma më nervoz. Kërkon mjete të tjera. U shkruan letra ndërkombëtarëve. Gënjen njerëz të thjeshtë duke i vënë në lëvizje. Kërkon urrejtje popullore. Sajon kazuse të paqena. Bën takime. Kërkon ethshëm bashkime. Bashkon madje edhe të njomin me të thatin. Mjaft të jetë anti-PD, anti-Berishë. Se ky s’ndryshon, Nuk e njeh korrupsionin. Është i “çmendur”. Pse? Se nuk njeh korrupsion, qejf, ves. Nuk njeh kompromis me krimin, korrupsionin, pisllëkun. Është i paepur. Ndërkohë që tetë vjet ky krim kë nuk vuri poshtë. Kë nuk bleu. Çdo gjë ishte mbroth. Kishte të vrarë, të plagosur, eksploziv, por kishte miliarda, luks, jetë sheikësh. Por kishte mirëkuptim. Mirëkuptim për krim, mirëkuptim në korrupsion e krim. Edhe populli gënjehej, edhe qeveritarët majmeshin. Edhe luga mbushej, edhe uniteti ruhej. E majta e bashkuar në pushtet. Po tani, po sikur të dalin nga hundët. Se me këtë s’merresh vesh. S’i afron dot edhe gjë. Dhe ndërkohë po hyjnë ca në burg. Ca biznese nuk po majmen më si ma do. Edhe pa pushtet s’rrihet.
Ja përse ka ethe, ja përse ka padurim, ja përse ka nervozitet. Koha nuk pret më. O sot, o kurrë. Hora y es. Shpata e Demokleut po bie. Kush iku, iku. Ne që jemi këtu të shpëtojmë ç’të mundim. Ne me imunitet. Edhe disa pa imunitet. Që përsëri shpresojnë e ende s’ikin. Ja përse ka nxitim. Ja përse ka obstruksion. Ja përse ka ethe. E majta bashkohet. Buzëqeshet. Ai plaku te berberi veç PD-në poshtë do, pa le të vdesë pastaj. Një plak te berberi. Një plak te kasapi. Një i moshuar te radha. Por këta qethen e rruhen pa merak. Është tjetër kush që ka frikë të qethet e rruhet mirë. Tjetër kush ka frikë nga brisku i berberit. Plaku naiv nuk e di këtë.




28/02/2006
shekulli

[Brari]

Gazeta Shekulli

--

Sekretari politik i PS-së tha se thashethemet për familjen e Berishës janë vërtet interesante kohët e fundit

Blushi: Protesta popullore si në ’97-ën nëse Berisha vazhdon të përçajë


D. Ndrenika

TIRANË- “Rruga” mund të jetë e vetmja “shpresë” që shqiptarët të “shporrin njëherë e përgjithmonë nga politika Sali Berishën”, sikurse është shprehur dje Ben Blushi, sekretar politik i Partisë Socialiste. “Nëse kryeministri vazhdon ta përçajë Shqipërinë sikundër filloi duke e ndarë në demokratë dhe në hajdutë, atëherë shumë shpejt konfliktet sociale do të ngjizen se mesa duket shqiptarët nuk kanë rrugë tjetër për ta shporrur njëherë e përgjithmonë nga politika Sali Berishën, veçse duke dalë në rrugë”, - ka thënë Blushi, duke rikujtuar të njëjtat politika për të cilat PS-ja gjykon se kanë ndarë shqiptarët për shkak të ish-presidentit. “Tonet dhe gjuha e drunjtë e kryeministrit besoj se u kujton njerëzve padyshim vitet ‘95-’96. Kjo është një gjë që ne e kemi paralajmëruar në fakt. Në këto vite ishte hakmarrja primitive ndaj opozitës që solli një kolaps të përgjithshëm, politik, social dhe ekonomik në Shqipëri”, - ka kujtuar Blushi. Ndërkaq, Kuvendi do të mbetet i bllokuar dhe askush nuk do të “bëjë mbrapa”, nëse nuk ka rivotim të kërkesës-mocion për kryetaren Jozefina Topalli. “Parlamenti shqiptar do të vazhdojë të jetë i bllokuar për sa kohë që legjitimiteti i votës së lirë nuk kthehet në Parlament. Ky është një qëndrim nga i cili nuk ka asnjë prapa kthehu”, -tha Blushi. Sekretari politik, i akuzuar nga kryeministri për përfitime të familjarëve të tij me tendera, ka thënë se këto janë akuza që nuk meritojnë vëmendje, por kurrsesi që të mos kenë një cak. “Unë për shkak të moralit tim nuk kam ndërmend të merrem me familjen e Berishës, por sigurisht që edhe kjo ka masë. Çështja këtu qëndron që të mos e vulgarizojmë politikën, të mos ulim nivelin e etikës përballë opinionit publik duke e futur politikën në familjet reciproke, pasi thashethemet për familjen e Berishës janë vërtet interesante kohët e fundit. Megjithatë, u ftoj të shkoni në Gjykatë dhe të kërkoni informacion për mënyrën sesi nuk ka mbaruar gjyqi me një padi timen personale për të gjithë këto akuza para tre vjetësh për kryeministrin, i cili e vetmja gjë që bën herë pas here (jo vetëm me mua, por edhe me gjyqtarët që kanë obortuar çështjen), është që i lutet njerëzve që të prishin këtë gjyq, i cili mesa duket ka ardhur koha të vazhdojë e të japë drejtësi deri në fund”, - ka deklaruar deputeti Blushi.




28/02/2006


--




Nuk rri Blushi pa e pare vendin te djegur e me mijra te vrare.
Per tenderat e se Shoqes eshte gati tja nxije jeten cdo shqiptari.
Kanibal e bir kanibali.. ne se te ecen bravo te qofte..