Veprimtaria politike ilegale në Kosovë në vitet 1945-1999

[ARIANI_TB]

Shpalime historike:

VEPRIMTARIA E ORGANIZATAVE POLITIKE ILEGALE NË KOSOVË
1945-1999
Sheradin Berisha

Pas Luftës së Dytë Botërore,Kosova dhe viset tjera shqiptare,jo vetëm që u penguan për t´u bashkuar me shqipërinë,ashtu siç ishte vendosur në konferencën e Bujanit(31 dhjetor 1943-1 e 2 janar 1944),por ngjau ajo më e keqja,këto troje etnike shqiptare u ripushtuan dhe u ndanë në katër copëza brenda federatës jugosllave të AVNOJ-it :Kosovë,pjesët etnike shqiptare në Maqedoni,në Serbi dhe në Mal të Zi.
Populli shqiptar ndonëse s´u pajtua asnjëherë me këtë gjendje,u organizua në forma të ndryshme legale e ilegale për të sendërtuar aspiratën e vet historike çlirimin e trojeve shqiptare që mbetën nën sundimin jugosllavë(lexo-serbosllavë) dhe bashkimin e tyre me shtetin amë-Shqipërinë.Veprimtaritë politike-kombëtare ilegale të shqiptarëve në Kosovë…gjatë viteve 1945-1999 janë përshkuar nëpër gjashtë faza organizative:

1.Faza e parë,e organizimeve politike-kombëtare ilegale përfshinë periudhën nga fundviti 1944 e deri në vitin 1950 dhe përkufizohet kryesisht me veprimtarinë e Lëvizjes Nacional-Demokratike Shqiptare(LNDSH).Drejtues të LNDSH-së ishin intelektualët patriotë:Halim Spahija,prof.Ymer Berisha,Tahir Deda,Marije Shllaku,Gjon Serreçi,At Bernard Llupi,Adem Gllavica,Ukë Sadiku,kapiten Hysni Rudi,Ajet Gërguri,Luan Gashi,Ibrahim Fehmiu,Qemal Skënderi,Halim Orana,Hamdi Berisha,Prof.Ibrahim Kelmendi,Hysen Tërpeza,Ejup Binaku etj

2.Faza e dytë,përfshinë kohën në mes viteve 1950-1958 dhe në popull kjo periudhë deri në vitin 1966 quhej „koha e Rankoviqit“.Brenda këtyre viteve organizimet ilegale qenë të shumëllojshme si:vazhdimësia e veprimeve të LNDSH-së nga grupe me emërtime tjera,“informbyroistët“,organizimi i grupimeve të ndryshme nga Sigurimi shqiptarë,kundërshtimi i rekuizitave“otkupit“,Kundërshtimi i asimilimit të sshqiptarëve në turq dhe luftimi i marrveshjes xhentelmene Tito-Qyprili 1953 për shpërnguljen e shqiptarëve në Turqi…,luftimi në forma shantazhuese të kolektivizimit,Aksioni i Armëve etj.Përfaqësues të këtyre grupimeve ishin:Xhavit Gafuri,Hasan Jashari,Shaban Dërguti,Hafëz Jakupi,Bitër Dehalla,Sefer Elezkurtaj,Hajdar Bytyqi,Bie Vokshi,Fetah Bogiqi,Sami Peja,Sali Kelmendi,Konstandin Vasilaca(oficer i armatës shqiptare),Hajrullah Gorani,Ramiz Osmani,Xhemil Fluku,Ramadan Rexha,Ali Aliu,Omer Qerkezi,Sabit Kapiti,Mehmet Gega,Rexhep Abdullahu,Nysret Nivokazi,Emin Fazliu,Njazi Maloku(Procesi i Prizrenit)Enver Dukagjini,Adem Demaçi,Muhamed Brovina,Hidë Dobruna…

3.Faza e tretë,përfshinte kohën në mes të viteve 1958-1968 dhe kjo periudhë karaketrizohet me formimin e organizatave ilegale,të cilat do të artikullojnë koncepte të reja politike e kombëtare.
-Në vitin 1958 atdhetari Metush Krasniqi formoi organizatën:“Partia Revolucionare për Bashkimin e Tokave Shqiptare me Shtetin Amë“(PRBTSHSHA);
-Në vitin 1960-61 atdhetarët Kadri Halimi dhe Ali Aliu formuan organizatën:“Komiteti Revolucionar për Bashkimin e Trojeve Shqiptare në Jugosllavi-me Shqipërinë“(KRBTSHJSH);
-Në vitin 1963-64 Simboli i qëndresës shqiptare Adem Demaçi formoi“Lëvizjen Revolucionare për Bashkimin e Shqiptarëve“(LRBSH) dhe në kuadër të saj kanë vepruar Komiteti i Prishtinës,i Pejës,i Gjakovës…
-Në vitet 1964-68 veproi grupi i studentëve(sipas platformës së LRBSH-së)të drejtuar nga studenti Osman Dumoshi.Ky grup ishte organizatore e demonstratave të 27 nëntorit 1968.

4.Faza e katërt,përfshinë periudhën 1969-1981 dhe mund të thuhet se është faza e lulëzimit të veprimtarive ilegale në Kosovë…Grupet ilergale më të njohur që e karakterizojnë këtë periudhë janë:
-Grupi Revolucionar i formuar në vitin 1972 nga Kadri Osmani,Xhafer Shatri…(K.Osmani fillimisht në nëntor 1969 kishte organizuar shpërndajen e një pamfleti,me anë të së cilës ka manifestuar suksesin e demonstratave të vitit 1968 dhe për këtë veprim denohet me 10 muaj burg);
-Grupi MLK(1976-78),OMLK(1978...)-vazhduese të „Grupit revolucionar“,të drejtuar nga Mehmet Hajrizi,Hydajet Hyseni,Kadri Zeka,Rexhep Mala…(Në vitin 1978 Kadri Zeka emigron ne Zvicërr)
-„Lëvizja Nacional-Çlirimtare e Kosovës“ (1975) i kryesuar nga Adem Demaçi dhe grupi i Adem Rukiqit;
-Partia Komuniste Marksiste-Leniniste e Shqiptarëve në Jugosllavi-PKMLSHJ(1977...)i drejtuar nga Avdullah Prapashtica;
-Beslidhja Kombëtare Demokratike Shqiptare(1977…)e drejtuar nga Emin Fazlia alias Emil Kastrioti me seli në Gjermani;
-Fronti i Kuq Popullor-FKP(1978...)i drejtuar nga Ibrahim Kelmendi i emigruar në vitin 1976 në Gjermani;
-Lëvizja Nacional-Çlirimtare e Kosovës dhe të Viseve tjetra Shqiptare në Jugosllavi(LNÇKVSHJ(1978-shkurt 1982) të drejtuar nga Metush Krasniqi,Jusuf Gërvalla dhe Sabri Novosella.(Në dhjetor 1979 Jusuf Gërvalla emigron në Gjermani ndërsa Sabri Novosella në Turqi).Gjatë viteve 1980-81 në Kosovë me programin e LNÇKVSHJ-së sipas udhëzimeve të Jusuf Gërvallës ka vepruar Komiteti i Deçanit i drejtuar nga Ismail Haradinaj,Hasan Ukëhaxhaj,Jashar Salihu,Xhavit Hoxha...dhe Komiteti i Drenasit i drejtuar nga Bajram Gashi...

[ARIANI_TB]

VAZHDIM

5.Faza e pestë e Lëvizjes Ilegale në Kosovë dhe në viset tjera shqiptare,fillon me demonstratat e pranverës së vitit 1981 dhe përfundon në vitin 1990,atëkohë kur nis fundi i shpërbërjes së Perandorisë jugosllave të AVNOJI-it.
-Bartëse e organizimeve ilegale ishte Lëvizja për Republikën e Shqiptarëve në Jugosllavi-LRSHJ,e cila u themelua me 17 shkurt 1982 pas shkrirjes së tri organizatave ilegale:LNÇKVSHJ-OMLK-PKMLSHJ në këtë organizëm.
-Në vitin 1986 LRSHJ merr emrin:Lëvizja Popullore për Republikën e Kosovës dhe në kuadër të saj kanë vepruar një sërë grupimesh të vogla me emërtime të ndryshme,të cilat synonin me çdo çmim jetësimin e Republikës së Kosovës.

Dejtuesit e ilegales në periudhën 1981-1990 në Kosovë dhe në perëndim ishin:Jakup Krasniqi,Hydajet Hyseni,Gani Koci,Mehmet Hajrizi,Bajram Kosumi,Ali Lajçi,Gani Krasniqi,Nezir Myrtaj,Fazli Veliu,Ali Ahmeti,Hysen Gega,Bajram Bahtiri,Emin Fazliu alias Emil Kastrioti,Kastriot Haxhirexha,Fehmi Lladrovci,Ismet Begolli,Emrush Xhemajli,Shaban Shala,Halil Alidema,Mr.Ukshin Hoti,Mentor Kaçi,Kadri Osmani,Nuhi Berisha,Regjep Mala,Xhavit Haliti,Xhafer Shatri,Elmi Zeka,Gafurr Adili,Hasan Mala,Agim Sylejmani,Xhavit Haziri,Saime Isufi,Abdullah Prapashtica,Meriman Braha,Martin Çuni,Bislim Elshani,Afrim Morina,Sejdi Gega,Bardhyl Mahmuti,Afrim Zhitia,Fahri Fazliu,Fadil Vata,Zija Shemsiu,Ibrahim Kelmendi,Bajrush Xhemajli,Hajdin Abazi,Fatmir Brajshori,Emin Krasniqi,Sejdi Veseli,Adem Grabovci,Enver Topalli,Halit Naxhaku,Gafurr Elshani,Muhamet Kelmendi,Tahir Hani,Pajazit Jashari,Fadil Lepaja,Januz Musliu,Ramë Buja,Ahmet Haxhiu,Ibish Neziri,Xhabir Morina,Rafi Halili,Ibrahim Shala,Berat Luzha,Ramadan Avdiu,Xhemajl Fetahu,Sherif Konjufca,Bajram Ajeti,Raif Çela,Shemsi Veseli,Petrit Duraku,Ahmet Isufi,Beqir Beqa,Bashkim Mazreku,Behadin Hallaqi,Nysret Pllana,Sadri Ramabaja,Azem Syla,Akile Dedinca,Nesimi Elshani,Ali Ajeti,Gursel Sylejmani...

6.Faza e gjashtë (1991-1999) është faza më kulminante e organizimeve politiko-ushtarake në Kosovë...dhe në historinë më të re të saj me të drejt cilësohet si periudha e lavdishme e Ushtrisë Çlirimtare të Kosovës(UÇK-së).
Bazamenti i UÇK-së u bë Lëvizja Popullore për Repubilkën e Kosovës(LPRK)e cila në vitin 1993 u emërtua si Lëvizja Popullore e Kosovës( LPK).

[ARIANI_TB]

KUSH I NDIQTE DHE I PERSEKUTONTE VEPRIMTARËT E ORGANIZATAVE ILEGALE NË KOSOVË... (1945-1999)

Në flakët e luftës së dytë botërore me vendim të SHS të UNÇJ-së më 14 maj 1944 u formua OZN-a(Odelenje za Zashtitu Naroda-Dega e Mbrojtjes Popullore)e cila fillimisht ka vepruar në kuadër të seksionit të MP të KANÇJ-së.Ky formacion shfarosës për shqiptarët,në Kosovë u themelua më 1 shtator 1944.Të gjitha dokumentet e kohës flasin se OZN-a për Kosovë është formuar me kërkesën e “Komitetit Krahinor të Kosmetit” dhe të Komitetit Qëndror të PKJ-së për Serbi të bërë KQ të PKJ-së.Për formimin e saj, Aleksandër Rankoviqi atë ditë i kishte ftuar në një takim në ishujt Vis të Kroacisë:Miladin Popoviqin(kishte udhëtuar nga shqipëria),Dushan Mugoshën dhe Spasoje Gjakoviqin.Në këtë takim u mor qëndrimi që shef i OZN-ës për Kosovë të emrohej Spasoje Gjakoviqi.Me rastin e formimit të këtij formacioni famkeq në Kosovë,në radhët e saja ishin edhe tre anëtarë të “Komitetit Krahinor të Kosmetit”:Ali Shukrija,Çedo Mijoviqi dhe Sahit Bakalli.
Pas formimit të të ashtuquajturës”Qeveri demokratike” në mars 1945 OZN-a hyri në përbërjen e Ministrisë së Punëve të Brendshme,ndërsa pas shpalljes së Kushtetutës së parë të Jugosllavisë së AVNOJ-it(janar 1946)ky formacion u shndërrua në UDB(Uprava Drzhavna Bezbednosti-Drejtoria e Sigurimit Shtetëror-DSSH).Me këtë emërtim UDB-a veproi deri në korrik 1966,kur në Plenumin e Brioneve u largua nga pushteti A.Rankoviqi...Dhe pas disa ndryshimeve sipërfaqësore brenda këtij shërbimi,UDB-a mori emrin SDB(Slluzhba Drzhavne Bezbednosti-Shërbimi i Sigurimit Shtetëror),por pavarësisht nga ndryshimi në emrtim, populli shqiptar deri në ditët e sotme e njihte si UDB.Krahas SDB alias UDB-së ka qenë edhe një shërbim tjetër sekret i njohur si KOS(Kontra Obaveshtajna Sluzhba-Shërbimi Kundërspijunues)i cili ka vepruar në kuadër të Armatës jugosllave.
OZN-a,UDB-a,SDB-KOS-i qenë dhe mbetën mekanizmat më monstruoz,për luftimin e veprimtarive liridashëse të popullit shqiptarë gjatë viteve 1945-1999...
Derisa ky shërbim antishqiptarë konsiderohej si mbishtet brenda shtetit jugosllavë dhe si i tillë i vriste i ndiqte dhe keqtrajtonte kudo(në format me mizore) të gjithë shqiptarët që e kundërshtonin regjimin jugosllavë(lexo-serbosllavë),më 3 shkurt 1945 në bazë të vendimit të AVNOJ-it mbi formimin dhe kompetencën e”Prokurorit Publik të Jugosllavisë Demokratike Federative”,u formua edhe “prokuroria publike e Kosovës dhe Metohisë,ku prokuror publik u emrua Ali Shukrija”.
Vendosja e administratës ushtarake në Kosovë më 8 shkurt 1945 nga Titoja dhe vazhdimi i luftës së pakompromis të brigadave partizano-çetnike dhe reparteve të OZN-ës kundër shqiptarëve gjithandej Kosovës... ka dëshmuar karakterin pushtues të regjimit të ri jugosllavë ndaj trojeve shqiptare të mbetura nën Jugosllavi.Ndërkaq Kuvendi i Prizrenit(8-10 korrik 1945)ka përkufizuar”legjitimuar” aneksimin e Kosovës nga Serbia.Po t´i hidhet një vështrim i kujdesshëm të gjitha zhvillimeve politike e ushtarake në Kosovë nga mbajtja e Konferencës së Bujanit...,e të cilat ishin përcaktues të vendimeve të Kuvendit të Prizrenit,mund të thuhet pa hezitim se ky kuvend qe një farsë e përgaditur pikërisht nga OZN-a !!!

[ARIANI_TB]

Sheradin Berisha
PERSEKUTIMI I VEPRIMTAREVE TE O N D SH-së NGA OZN-a DHE GJYKIMI I TYRE NGA GJYKATESIT DHE PROKURORI ALI SHUKRIA

Në kohën kur veprimtaria e ONDSH po merrte hov, repartet e OZN-s shpërthyen një fushatë të egër terrori kundër atdhetarëve të njohur. OZN-a famkeqe nëprmes bashkëpunëtorëve nga radhët e shqiptarëve, zbuloi aktivitetin e kreut të ONDSH, dhe vetëm në rrethin e Prizrenit i shpalli kriminel lufte 21 shqiptarë e ndër ta B.Pejanin, H.Spahinë, U.Sadikun, Q.Bllacën, Beqir dhe Mifta Planen, M.Shllakun, Sh.Currin, E.Binakun, I.Lutfiun, R.Kajragdiun etj. . Kështu kah fundi i korrikut 1945 H.Spahija, pasi u shkarkua nga pozitat që kishte, në Kukës u arrestua nga komandanti i policisë dhe punëtori i OZN-s në Prizren: Mazllum Nimani.

Ndërkohë u arrestuan edhe disa anëtarë të komiteteve qarkore të Prizrenit, Suharekës, Rahovecit etj. Me këtë rast, në procesin gjyqësor të përgaditur nga OZN-a (27.09.45) e të cilin e finalizuan shqipëfolësit: Ali Shukria (prokuror publik), Hivzi Sylejmani (kryetar i trupit gjykues) me anëtarët: Kol Shiroka e Qamil Brovina - për "tradhëti ndaj popullit dhe atëdheut" me pushkatim u denuan: Halim Spahija, Tahir Deda, Rexhep A.Kabashi, Rifat Krasniqi, Sefidin Ahmeti dhe Kajtaz Ramadani, ndërsa 12 veprimitarë të tjerë u dënuan me burgim të rëndë prej 1-20 vjet.

Në këtë fushatë të arrestimeve, më 23.07.45 OZN-a i burgosi edhe anëtarët e ONDSH për qarkun e Prishtinës: prof. Sylejman A.Drinin dhe Tahir Lupçin, ndërkohë që veprimtarët Ajet Gërguri, Beqir Bajgora dhe Jusuf Mornica i shpëtuan arrestimit, duke kaluar në ilegalitet .
Pas burgosjes së anëtarëve të KQ të ONDSH me seli në Prizren, barrën kryesore të organizimit politik e ushtarak e mbanin OP "Besa Kombëtare" dhe KQ i ONDSH me seli në Shkup. Orgnaizata "Besa Kombëtare" e udhëhequr nga Prof. Ymer Berisha me qëllim të forcimit të rezistencës, me 30 gusht 1945 mbajti një Kuvend në Dobërdol, në të cilin morën pjesë 158 anëtarë dhe udhëheqës të 19 grupevet ë rezistencës së armatosur si dhe 62 veprimtarë të shquar nga shumë treve të Kosovës. Në këtë Kuvend Prof.Y.Berisha u zgjodh udhëheqës politik i të gjitha grupeve të rezistencës shqiptare në Rrafshin e Dukagjinit kurse Ukë Sadiku (djali i Sadik Ramës - Gjurgjeviku) u caktua komandant i këshillit ushtarak - të përbërë prej 12 vetësh. Në Kuvend u aprovua edhe thirrja e "Shtabit Suprem të Kosovës" në krye me Adem Gllavicën, për mbajtjen e Kongresit të parë të LNDSH . Në këtë Kongres, që u mbajt më 15-16 gusht 1945 në fshatin Kopilaqë, e ku morën pjesë pothuajse të gjithë krerët e rezsitencës së armatosur, u vendos që veprimtaria e organizatës të zgjerohet me formimin e komiteteve të reja, forcimin e lidhjeve në mes çetave të armatosura, furnizimin e tyre me ushqime, veshmbathje, armë e municione si dhe mbajtjen e kontakteve me konsullin anglez, Xhorxh Herberg dhe me atë të Turqisë - Emin Çerçek në Shkup. Në këtë Kuvend u vendos që të gjitha organizatat dhe grupet politike e ushtarake që angazhohen për çlirimin dhe bashkimin e tokave shqiptare të quhen me një emër Lëvizja për Lirimin e Tokave Shqiptare (LpLTSH), ndërsa forcat e armatosura të rezistencës Ushtria Demokratike Popullore Shqiptare (UDPSH). Kongresi përcaktoi që KQ i ONDSH në Shkup të jetë organi më i lartë politik i lëvizjes që do të koordinonte të gjitha aktivitetet në vend dhe mbajtjen e kontakteve me komitetet shqiptare në Greçi e në Itali .
***
Siç theksuam më lartë nga marsi 1945 në Kosovë kanë vepruar rreth 60 grupe të rezistencës dhe si udhëheqës suprem të tyre konsideroheshin: Në viset Llap-Gollak-Lipjan deri në juglindje të Ferizajit (Adem Gllavica, Qazim Llugagjiu, Bahtir Dumnica, Shahin Gërdoci, Ali Staneci etj; në Preshevë, Karadak, Kaçanik (Xheladin Kurbaliu, Hysen Tërpeza, Hasan Remniku, Din Hoxha, Riza Goga, Sylë Zarbinca etj.; në Viti (Hasan Kabashi); në Shalë- Përmelinë (Ahmet Selaci, Osman Bunjaku, Bislim Bajgora, Ukshin Kovaçica); në Drenicën veriore (Sadik Lutani, Imer Fazlia, Hilmi Zariqi, Mulla Iljaz Broja etj.); në Llapushë (Qaziim Bajraktari, Ukë Sadiku, Prof. Ymer Berisha, Feriz Bojaj); në lugun e Baranit dhe të Klinës (Demë Ali Pozhari, Ndue Përlleshi) në bjeshkët e Berishës (Alush Smajli, Mustafë Ibishi); në trevën e Gjakovës dhe të Hasit (Ejup Binaku, Reshat Kajragdiu, Hajdar Maloku, Ibrahim Lutfiu); në trevat e Prizrenit - në Kabash (Rexhep A.Kabashi dhe Hysen Rexhepi), - në rrethin e Suharekës (Adem Voca); në Prizren (Halim Spahija, Kapiten Ali Riza), - në trevën e Vërrinit (Destan (Sait) Berisha) e shumë e shumë të tjerë . Të gjitha këto grupe, ndonëse kishin komanda të veçanta mbanin lidhje dhe koordinonin veprimet njëra me tjetrën. Lidhja midis grupeve (drejtuesve) kryesisht mbahej me anë të korrierëve me letra ose verbalisht (me gojë) .
Ndërkaq lidhjet me botën e jashtme, në përjashtim të bashkëpunimit të KQ të ONDSH me konzullatën angleze dhe turke në shkup dhe me Komitetin Shqiptar në Greqi-pothuajse mungoin plotësisht. Në të vërtet në vitin 1945 dhe në pjesën e parë të vitit 1946 ishte një radiolidhës gjerman vienez, në rajonin e Vushtrisë, i cili transmetonte nga dy lajme në ditë në Vjenë, ku ishin Xh.Deva dhe A.Shasivari, por ky radiolidhës u zbulua dhe e mbyti natën në gjum-bashkëpunëtori i OZN-s Bislim Maksuti nga Popova, i futur në grupin e armatosur të Osman Bunjakut . Përkundër rrethanave të rënda shtetërrethimi, ku ishin mbushur të gjita malet me ushtarë e reparte të OZN në ndjekje të "bandave kaçake e balliste", grupet e rezistencës gjatë viteve 1945-46 ndërmorrën një sërë aksionesh të koorrdinuara ndaj kriminelëve serb dhe bashkëpunëtorëve të OZN-ës (UDB-s) nga radhët e shqiptarëve që nuk ishin të paktë.
Repartet e OZN-s famkeqe, duke e parë forcimin dhe autoritetin e fituar të grupeve të armatosura - tek masat popullore, në fund të vitit 1945 dhe gjatë vitit 1946-47, për shkatërrimin e tyre angazhoi oficerët më të stërvitur dhe bashkëunëtorët më të përgaditur, të cilët i hodhi brenda grupeve të armatosura. Deri në fund të vitit 1946, OZN-a me bashkëpunëtorët e vet "shqipëforlës" arriti të depërtoj në shumë grupe të rezistencës së armatosur dhe brenda një periudhe vranë ose përgaditën terrenin për tu vrarë 15 udhëheqës më të shquar dhe shumë të tjerë u kapën të gjallë për tu dënuar pastaj me pushkatim ose me burgim të rëndë .
Më 9 gjegjësisht më 12 shtator 1945 OZN-a nëpërmjet operativistit të tyre Nazmi Kursani, zbuloi vendstrehimin e bashkëluftëtarëve të U.Sadikut dhe të Y.Berishës, te Çeliat e Jellovcit afër Siçevës, dhe me këtë rast gjatë luftimeve jo të barabarta ranë heroikisht: Metë Dini, Smajl Hajdari, Ali Zeqiri, Mujë Ahmeti, Tafil Murati etj., kurse u plagosën: Alush Smajli, Sokol Ahmeti, Toger Rexhep Ismajli dhe Shaban Sadiku (vëllai i U.Sadikut) - i cili më pas vdiq në Gjurgjevik. Në këtë pusi u plagos edhe Marie Shllaku, e cila ra në duart e OZN-s .
Në shkurt 1946 në fshatin Leçinë të Drenicës u arrestuan në një familje, të strehuar: Mulla Iljaz Broja dhe Ahmet Babaj të cilët u likuiduan menjëherë pa gjyq.
- Më 29 mars 1946, "Te shpella Kusarit" afër Gjakovës, OZN-a likuidoi Nue Lleshin, Zekë Arifin, Prenk Shytin (nga Prizreni), Gjon Çunin dhe Palush Prendin.,
- Më 1 prill 1946, pas një qëndrese heroike, forcat e OZN-s të ardhur nga Prizreni, vranë Alush Smajlin nga Llazica me të vëllain Muratin dhe Ahmet Krajkun nga Gjakova.
- Në prill-maj 1946, OZN-a gjatë një operacioni për asgjësimin e ONDSH dhe të rezistencës së armatosur, arriti të arrestojë disa veprimtarë të shquar të komitetevet ë Pejës, Gjakovës e të prizrenit. Gjatë një procesi gjyqësor të mbajtur në Prizren, prej 28.06.-13.07.1946, që e kryesonte prokurori Ali Shukria, gjykata i denoi me vdekje Marie Shllakun, at Bernsard Llupin, Kolë Parubin dhe Gjergj Martinin, të cilët më 25 nëntor'46 u ekzekutuan fshehurazi derisa varret e tyre nuk dihet se ku janë. Ndërkaq me burgim, me kohëzgjatje të ndryshme u denuan edhe Marsel Vuçaj, Isa Çavolli, Masar dhe Hamëz Begolli, Muharrem Vokshi, Isuf Imeri, Viktor Gashi, Franjo Çifllaku, Seb Mateja, Jak Krasniqi, Gitië Mjeda, Lucije Lekaj, Seb Koliqi, Miftar Bala, Binak Dema dhe Gjergj Deda .
- Më 11 qershor 1946 në fshatin Plançor vritet udhëheqësi dhe ushtaraku i shumë grupeve të armatosura Prof. Ymer Berisha. Ai vdes në duart e Ndue Përlleshit dhe varroset në fshatin Hereç të Deçanit. Vrasja e Y.Berishës ndodhi pas shpërndarjes nga mbledhja e mbajtur me grupet e armatosura të Shqipërisë veriore në krye me Muharrem Bajraktarin, te vendi i quajtur "Lugjet e Zeza" afër fshtit Plançor . Në vrasjen e Y.Berishës mori pjesë korrieri i tij (spiun i OZN-s) Rexhep Beka Alushi* nga Carrabregu i Deçanit, i cili pasi u kap pohoj se OZN-n e kishte vënë në dijeni edhe për mbajtjen e Kongresit të III të ONDSH më 25 qershor 1946 në Lypovicë të Lipjanit. OZN-a me këtë rast një ditë përpara kongresit, arrestoi shumë veprimtarë të ONDSH si: Halim Oranën (i cili u likuidua pa gjyq), Januz Ballën, Azem Moranën, Mahmut Dumanin, Mehmet Bushin, kapiten Hysni Rudin, Hasan Bilallin, Osman Camin e shumë të tjerë të cilët u dënuan me dhjetra vjetë burgim, në një proces gjyqësor të mbajtur në Shkup prej 27.01-07.02.1947 .
- Në gusht 1946 OZN-a arrestoi Rexhep Bunjakun dhe Hilmi Ejupin, të cilët u përpoqën të organizonin "Shërbimin e Sigurimit Publik" të ONDSH. Këta në një gjyq të mbajtur në Prishtinë së bashku me I.Spahinë, Abdurrahman Gërgurin, I.Visokën dhe S.Qazimin u dënuan me shumë vjetë burgim .
- Në fillim të nëntorit '46, OZN-a likuidoi Hajdar Malokun - Planejën (Has), njërin ndër themeluesit e ONDSH të Prizrenit. Më 18 nëntor '46 u arrestua vepritmari Hamit Emini, ndërsa më 29 dhjetor '46 me tradhëti vriten Mulla Arif Shala nga Sankoci i Drenicës së bashku me Sokol Ibrahimin dhe Izet Muratin.
Gjatë muajve të parë të vitit 1947 u dorëzuan, u zunë ose u vranë shumë veprimtarë dhe udhëheqës të grupeve të rezistencës. Kështu në janar 1947 u doërzuan vetë Din Hoxha - udhëheqës i rezistencës në rrethin e Kaçanikut dhe Zhuk Haxhija në rrethin e Rugovës, të cilët u denuan me shumë vjetë burgim.
- Më 3 shkurt 1947 pabesisht në Akrashticë arrestohet Ajet Gërguri, njëri nga ideologët e rezistencës së armatosur .
- Më 17 shkurt 1947, në Sferkë të Gashit të tradhëtuar - nga një pritë e OZN-ës vriten Qazim Bajraktari dhe Halil Sadria (kushëri i Ukë Sadikut), ndrësa Uka u plagos në këmbë dhe iku në malet e Përçevës. Ai duke e parë se ishin sosur të gjitha mundësitë për ta luftuar me armë pushtuesin e ri sllavokomunist vendosi të dorëzohet tek komunistët. Ukë Sadiku ia dorëzoj armët deputetit jugosllav nga Llapusha - Mustafë Arifit apo Hoxhë Mustafës siç e quanin të gjithë, dhe me kërkesën e tij (Ukës) iu dorëzua Fadil Hoxhës në Prishtinë, ku me ç'rast - edhe burgoset .
- Më 23 shkurt 1947, në OZN u dorëzuan: Islam L.Breznica dhe Ali Riza nga Zhabari i Mitrovicës.
- Më 23/24 shkurt 1947, u arrestua Gjon Sereçi njëri nga udhëheqësit e Lëvizjes së armatosur në Kosovë, ndërkaq po ato ditë në rrethin e Mitrovicës u likuiduan udhëheqësit e grupeve të Shalës: Ahmet Selaci, Ukshin Kovaçica dhe disa bashkëluftëtarë të tyre.
- Më 10 mars 1947 në fshatin Kçiç u kap tradhëtisht: Osman Bunjaku, drejtues i grupit të rezistencës në Vushtrri dhe u denua me vdekje, ndërsa më 23 mars 1947, pas një lufte shumëvjeçare, u dorëzua Lotë Vaku, njëri nga kaçakët më të vjetër në Kosovë .
- Më 10 prill 1947 në gjyqin ushtarak të Prishtinës, u mbajt procesi gjyqësor kundër drejtuesve të rezistencës së armatosur në Kosovë: gjon Sereçit, Ajet Gërgurit, Ukë Sadikut, Osman Bunjakut etj., të cilët u dënuan me pushkatim. Ekzekutimi i tyre (përveç O.Bunjakut) u krye në mëngjesin e 31 gushtit 1947 në Toukbashqe të Prishtinës dhe u varrosën në vend të panjohur .
Kjo fushatë e egër vrasjesh, dënimesh me burg e ekzekutimesh ... nga OZN-a (UDB-a) theu rezistencën e armatosur në Kosovë ndonëse maleve mbetën (deri më 1948) edhe rreth 40 luftëtarë të armatosur përkrah: Demë Ali Pozharit, Ndue Përlleshit, Hasan Remnikut, Aziz Zhilivodës, Metë Hasanit etj., të cilët të ndjekur këmba-këmbës disa u vranë e u burgosën ndërsa të tjerët u larguan jashtë vendit.
---------------------
Sic duket nga ky studim,ne gjykimin e Komitetit drejtues te ONDSH-se me seli ne Prizren ka marre pjese edhe HIVZI SYLEJMANI-si kryetar i trupit gjykues,ndersa gjykates porot ishin KOLE SHIROKA dhe QAMIL BROVINA-Nderkaq Prokuror publik ishte ALI SHUKRIJA.
Ky trup gjykues i denoj me pushkatim disa drejtues te kesaj organizate ne krye me HALIM SPAHIUN,ndersa dhjetra te tjere i paskan denuar prej 1-20 vjet burgim....Nderkohe gjthandej Kosoves OZN-a me bashkepunetoret e tij shqipfoles kane vrare,arrestuar,torturuar edhe qindra atdhetare tjere qe per synim kishin bashkimin e tokave te pushtuara me shtetin ame Shqiperine.