Berisha: Deputeti Ngjela, jashtë grupit parlamentar të PD

[Antimafia]

... Flas ketu ne parim, pasi te gjithe e dime qe ne Shqiperi vendimmarja kolektive dhe kolegjialiteti jane nocione aliene per veshin fshatar te PD-se dhe kryetarit te saj provincial. Edhe ne rastin me te keq partite politike perendimore lejojne krijimin e fraksinoeve parlamentare me deputete te cilet krijojne nje pakice brenda shumices (ose pakices) mazhoritare, por kurre nuk arrihet tek perjashtimi. Perjashtimi si koncept limitues dhe kufizues eshte tipik komunist...

Meqenese vdes per Edi Ramen, nuk po ta coj me larg por po te jap si shembull vendosjen e Mrike Vates si kandidate per kryesine e PS te Tiranes.

Po te dalim ne Perendim do te jepja shembujt nga:

Gjermania

Ku ish-Kancelari Schröder i vuri kryetarit te partise se tij SPD dhe njekohesisht minister i financave kushtin o ti o une.
Rezultati kryetari i SPD dhe njekohesisht ministri i financave Oskar Lafontaine dha dorheqje nga te gjitha postet. Dorzoi mandatin e deputetit. Beri 7 vjet pushime ne politike.


USA

Colin Powell "nuk kandidoj me per minister te jashtem"

Anglia

I ndjeri Robin Cook dha "dorheqjen" ne shenje proteste per luften ne Irak

etj. etj.


Keshtu ti yllka e Edvinit.
Ne politik si ne cdo cep tjeter te jetes ka nje shef dhe ka dhjetra, qindra, mijra, miliona vares.

Ai qe eshte njesh nuk dorhiqet ose hiqet (sepse po te ishte kaq i dobet do ishte vares dhe jo shef)

---------------------------

Tani shko me Deshmitaret e Jehovait dhe imagjinoni nje bote ku kur ti dhemb barku kaprollit ti sjell luani nje caj me kamomil

[Xhuxhumaku]

Efektet politike të një debati


Mentor Nazarko

Mjafton të shikoje titujt e shtypit të djathtë dhe elementët reagues të deklarimeve të zotit Berisha për dy televizione për të kuptuar llojin e etiketimit që ai donte t’i jepte debatit me avokat Ngjelën: përgjim i kryeministrit. Në fakt karakteristika kryesore e debatit dhe publicitetit që shoqëroi atë më pas nuk ishte përgjimi, që përgjithësisht realizohet për të mos u përdorur imediatisht. Në pamundësi për t’ju kthyer gjuhës së vjetër të sulmeve personale që zoti Berisha e zotëron mirë dhe që mundohet ta shmangë në versionin e tij të ri si kryeministër, sulmi mbi këtë pike duket gjetje propagandistike: përgjove kryeministrin pa i marrë leje! Ndërkaq thelbi është tjetër: subjekti i ashtuquajtur i përgjuar ishte një debat i fortë që i hedhur për konsum publik, tingëlloi akoma më i fortë dhe duket sikur po i jep ngjarjeve brenda PD një drejtim të ri që parashikohej të verifikohej kohë më vonë. E gjitha kjo megjithëse mund të ketë të tjerë të ngjashëm brenda shumicës parlamentare që ngelin jopublikë. Pa hyrë në diskutime se kush e bëri- dihej se të dy palët do të donin të ofronin një version personal të debatit dhe versioni audio ishte më i ndershëm se seicili prej tyre- meriton vëmendje analiza e situatës si u arrit deri këtu dhe cilat priten të jenë efektet e debatit.

Koniunktura ndërkombëtare? Në dukje e favorshme
Debati ndodhi në një moment kur zoti Berisha me të vërtetë mendoi se kishte një koninkturë të favorshme ndërkombëtare. Në krah të tij u gjendën disa takime si ai i partive popullore në Itali, disa intervista proqeverisë si ajo e Fratinit, një deklaratë e një zyrtari të lartë britanik për moratoriumin e skafeve, fitimi i mbështetjes prej Llogarisë së Mijëvjecarit, një instrument mbështetjeje amerikane për frontin antiterrorizëm dhe ceremonia përkatëse me përfaqësuesin e Departamentit të Shtetit Danilovic. Nëpërmjet mediave, propaganda qeveritare u përpoq që ta paraqiste këtë si një mbështetje transatlantike për qeverinë e zotit Berisha dhe me shumë gjasa kreu i demokratëve zgjodhi pikërisht këtë moment për të goditur Ngjelën, sic rezulton dhe nga zbardhja e bisedës. Biseda filloi pikërisht me kërcënimin përkatës, madje disa media e kishin paralajmëruar këtë synim të kreut të qeverisë. Duke qenë se të dy, qoftë Berisha, qoftë Ngjela janë njerëz me ndjeshmëri të lartë për propagandën, ndërsa i pari i dha mediave një version të ripërtypur të bisedës ku ai mundi Ngjelën, ky i fundit u mbështet tek teksti audio i bisedës, të cilën ende nuk dihet zyrtarisht se kush e ka dërguar mediave. Edhe sot Ngjela vazhdon ta refuzojë një gjë të tillë, por thelbi i problemit nuk lidhet me këtë moment. Edhe nëse ka qenë ai që ka regjistruar bisedën duke ja dhënë mediave,-me siguri biseda duhet të jetë regjistruar edhe zyrtarisht- ky do të ishte cënim etik në një betejë megjithatë të pabarabartë propagandistike.

Oponenca Ngjela? Nuk ka të dytë
A meritonte Ngjela përjashtimin? Që në fillim duhet thënë se në të vërtetë Ngjela është duke i bërë një oponencë të shkëlqyer qeverisë së vet dhe në shumë raste më të mirë se të opozitës vetë, megjithëse ai i është shmangur atakimit të drejtpërdrejtë të kryeministrit në komunikimin e tij publik. Të gjithë cështjet që ka shtruar Ngjela meritojnë vëmendje dhe vlerësim parë nga këndvështrimi i interesit publik; kriticizmi i tij për projektligjet ka qenë profesional, cilësi mjaft e vyer për një grup parlamentar si ai i PD ku ka nivel të ulët ekspertize juridike. Të gjithë argumentat e tij kundër 7 apo 8 ligjeve për antikushtetueshmërinë e tyre, për sulmet ndaj disa institucioneve të pavarur kanë qenë argumenta që u bënë pronë edhe e mendimit juridik të pavarur, pra ishin plotësisht të bazuar. Ato evidentuan në mënyrë të qartë atë që ishte dhe mbetet njera prej pikave vërtet të dobëta të qeverisë Berisha: kapacitetet e ulëta ligjvënëse, kryesisht në origjinën e tyre, pra në qeveri. Kjo dobësi në fakt është shprehje e një dobësie tjetër më të rëndë akoma: kjo shumicë nuk duket se ka inherente, pra pjesë të mendësisë së saj, konceptimin e shtetit si një korpus institucional jo me natyrë partiake. Edhe vërejtjet për tregun të Ngjelës kanë një bazament real: për shkak të dobësisë së propagandës qeveritare ose jo, masat me karakter represiv apo rregullator ndaj tregut më së shumti informal shqiptar- regjistrimi i biznesit të vogël; rritje e cmimit të energjisë; gjobat; prishjet e ndërtesave, -dominojnë lajmet mbi lajmet e mira për shpejtësinë në licencime që emeton qeveria. Pa folur për asnjë hap konkret të dukshëm apo të planifikuar në luftën ndaj monopoleve, subjekt i rëndësishëm i retorikës elektorale të zotit Berisha.
Po a e ka shkelur Ngjela vijën e kuqe që nuk duhet të shkelë një oponent i brendshëm i një mazhorance? Ka disa metra gjykimi. Në raport me traditën parlamentare shqiptare e ka shkelur sigurisht; askush si ai nuk ka bërë kurrë një lloj oponence të tillë kaq publike, kaq të artikuluar dhe kaq agresive, ndoshta që prej 1992, megjithëse atëherë përfytyrimet politike ishin akoma të pastrukturuara. Dhe atëherë, prapë ai ishte pjesë e oponencës në fjalë, dëshmi e koherencës së tij si oponent origjinal. Madje as Meta me Nanon sic i tha Berisha Ngjelës. Sepse Ngjela është Ngjela; për të ruajtur lirinë e vet personale për të cilën kishte paguar një harac të rëndë duke bërë dhe burg politik të gjatë ai është gati të rrezikojë akoma. Në prizmin tradicional duket negative gjithashtu ndërrimi i partive prej Ngjelës megjithëse ai mbeti brenda së djathtës. Ndërkohë të shikosh jashtë Shqipërisë, ka shumë politikanë të famshëm që kanë ndërruar parti dhe ajo cka mund të quhet pikë e dobët nga disa, nga disa të tjerë mund të shikohet si e fortë. Po ashtu një stil i tillë oponence është normal në Perëndim, psh në Britaninë e Madhe që Ngjela ka qejf të marrë për shembull, apo në Itali, ashtu sic është normale gjithashtu dhe ndërrimi i aleatëve rrugës- Italia, që Ngjela për interesin e vet e quajti të paprecedent ndërkombëtarisht. Italia është e famshme për të ashtuquajturat “ribaltoni”, apo ndërrimet e aleatëve rrugës së një legjislature. Kundërshtarët e Ngjelës shikojnë gjithashtu si pikë të dobët pavotueshmërinë e Ngjelës në forumet e PD, gjë që nuk rezulton sa kohë që ai u zgjodh prej Berishës dhe forumeve të ishte rival i Ramës për Tiranën, që do të thotë saktësisht të kundërtën. Dhe sikur të pranohet kjo, Ngjela arriti të fitonte në zonën e vet zgjedhore në Tiranë si deputet megjithë luftën e kandidatëve të djathtë atje, përfshi dhe një që kandidoi si e pavarur dhe kjo mund të merret si dëshmi e fortë që zgjedhjet që bëjnë forumet e PD nuk janë më të mirat. Për më shumë që tradita e tyre demokratike është e dyshimtë.

Koniunktura e brendshme? E rrezikshme
Po a është Ngjela vetëm? Kjo mbetet për t’u parë në votimet parlamentare apo brenda PD-së që janë të nevojshme për të jetësuar kërcënimet e zotit Berisha ndaj tij. Një lloj anticipimi i këtij debati që pritej të ndodhte më vonë ndoshta mund të tkurrë rezistencën antiBerishë brenda PD që fillon nga të pakënaqurit e nivelit të parë që pretendonin të ishin ministra, vijon me deputetët që luftojnë cdo ditë me ministrat aktualë për të punësuar njerëzit e tyre, dhe akoma më shumë me një pjesë të ndritshme të PD brenda apo jashtë forumeve dhe kundër linjës improvizuese shpesh herë të qeverisë për cështje të mëdha si pronat, legalizimet apo ligje të tjera. Sigurisht nëse do të ekzistonin fraksionet e ligjshme, kundërvënia mund të ishte më e qartë. Ekziston ndërkohë dhe kundërshtia e aleatëve të vegjël si PDR që mund të kenë deri diku mbështetje ndërkombëtare mbrapa edhe për të mbajtur gjithnjë një oponencë kufizuese të Berishës për të mos bërë gabime si nga ato që ka bërë në mandatin e parë. Ekziston kundërshtia e institucioneve të pavarura të cilat megjithë opinionet e Fratinit të përkthyera në një mënyrë të caktuar, janë bërë bashkë për shkak të sulmeve të njëkohshme dhe të pallogaritura mirë të vetë zotit Berisha. Edhe opozita që nuk është formësuar ende si e tillë, i ka hyrë disa lëvizjeve përbashkuese të orientuara nga intuita antirrezik e Ramës, cikli i të cilave mund të përshpejtohej nga një rast i tillë si votimi për shkarkimin e Ngjelës, duke rritur koston e përjashtimit.
Në instancë të fundit, megjithëse duket sikur koniunktura ndërkombëtare është e favorshme që zoti Berisha të lajë hesapet me kundërshtarët e vet brenda partisë, ajo e brendshme nuk është e favorshme. Dhe asnjëherë një analizë e pjesshme nuk është më e mirë se një analizë e plotë. Sherri i fortë me sebep Ngjelën mund të përshpejtojë kështu krizën e një mazhorance që përkundër dukjes solide nuk i ka të gjithë numrat për të qenë e qetë. Dhe zoti Berisha ka më shumë arësye se Ngjela për të qenë i kujdesshëm.


06/04/2006
KATEGORIA: Analiza.Shekulli.

[Antipatrea]

S edegjova te fiksi te top-channel .tv

Skandaloze...

[Lunesta]

BERISHA BLEN OPOZITEN DHE SHET NGJELEN

Qeveria jep gjithcka per te rrezuar kundershtimin e kryetarit te Komisionit parlamentar te Ligjeve dhe uljen e revoltes ne mazhorance.
Ndodhi ajo qe nuk pritej. Berisha i dha dje opozites shansin per kompromis per voten e fshehte. Kishte jave qe bilbilat dhe rremuja mbizoteronin ne Kuvend, por kryeministri nuk pranonte te hapte udhe per voten e fshehte. Cuditerisht dje sapo filloi seanca plenare e Kuvendit, korrieret e Berishes bene nje kalkulim, ku nga kjo rezultonte se nuk arrinte te merrte 71 vota kunder Ngjeles nga 140 vota qe ka krejt Kuvendi.

Dhe menjehere ka ardhur pazari nga kupola e selise blu; iu japim kutine e fshehte dhe na jepni koken e Spartak Ngjeles! Opozita nuk humbet gje duke flirtuar me Berishen, pasi zoti Ngjela njihet si nje i djathte kunder se majtes, pavaresisht se mbron parime demokracie te cilat i sherbejne edhe se majtes, edhe se djathtes. Por, nderkohe ka patur nje reagim te ashper nga baza demokrate ne mbrojtje te Ngjeles dhe disa njerez prane kryeministrit i kane sugjeruar Berishes te terhiqet nga ky pazar.

Megjithate, burime te besueshme prane nje partie te vogel te se majtes tregojne se mesazheri i Berishes e ka bere te hapur pazarin; mos te jene te gjithe deputetet e majte ne sallen e Kuvendit diten e hene kur behet votimi per Ngjelen. Mosardhja e pak deputeteve te opozites krijon avantazhin qe kryeministri ta shkarkoje zotin Ngjela nga kryetar i Komisionit Parlamentar te Ligjeve, duke krijuar frike ndaj cdo kundershtari apo oponence ne mazhorance.

"Kur rrezoi Ngjelen, merret me mend se c'me ben mua!", kjo eshte psikoza qe do te perhapet ne mazhorance, nese Berisha arrin te mposhte zotin Ngjela. Me pas nuk ka as oponence per ligje apo per qeverisjen, pasi "koka e prere" e Spartak Ngjeles do te shfaqet sa here kryeministri te jete ne sallen e Kuvendit. Berisha duket mjeshter ne "prerje kokash" brenda radheve te PD se, por edhe ne parti te tjera e di se ne qofte se nuk arrin te mposhte me vota diten e hene zotin Ngjela, revolta merr trajten e "kryengritjes" ne mazhorance.

Ndaj dhe hodhi kompromis me opoziten, e cila e priti me nje fryme pazarin Berisha Edi Rama. Ne pamje te pare duket se leshimi qe beri dje kryeministri eshte shenje tolerance ndaj opozites, por te verteten do te shikojme ne muajt ne vijim se si opozita pastaj do te jete ne ekspansion mocionesh dhe votimesh me kuti te fshehte, aq sa do te pendohet edhe vete kryeministri qe dje hodhi koken e Ngjeles ne fushen e opozites si kembim pazari.

Berisha ne kete duel qe ka filluar me kokefortesi me zotin Ngjela do te perdore gjithe strukturat e pushtetit, tatimet, doganat, sherbimet sekrete, etj., per te mikluar cdo deputet te mazhorances qe ka dhene shenja oponence kunder kryeministrit per rastin "Ngjela" si dhe kundrejt cdo deputeti te se majtes, qe nuk ka paguar ne rregull tatime apo qe kerkon te hape nje porte dogane. Ne thelb kjo qe po ndodh, kur nuk punon Ekzekutivi prej tre ditesh, pasi eshte vene ne sulm per te mposhtur revolten "Ngjela", e cila eshte ne esence pozitive per nje PD me demokratike e perendimore.

Shkaperdarja e gjithe shtetit per te mbledhur gjithcka kunder Ngjeles nuk te krijon shije te mire per pushtetin, ose me sakte per kreun e Ekzekutivit shqiptar, per te cilin shpresuam se ka ndryshuar para 3 korrikut. Fatkeqesisht ai paska qene lyer me nje boje grimi qe shume pak veta e kane pikasur se eshte fasade. Shpresa se ka ndryshuar duket se venitet kur degjon debatin e transmetuar ne Top Channel mes Berishes dhe Ngjeles, ku akoma toni "une te shkarkoj!", "Une te perjashtoj!", etj., mbizoterojne ne fjalorin e kryeministrit. Ne vend qe te debatohet apo bashkebisedohet nese ka te drejte per akuzat qe hedh Ngjela per projektligjet e qeverise, kalohet me djallezi ne "shqetesimin" se "kush e ka pergjuar kryeministrin?".

Natyrisht qe ne ate takim kane qene shume njerez e aq me teper kur ne Shqiperi jane dhjetra sherbime sekrete te huaja, nuk ka perse perben shqetesimin kryesor. Jane pergjuar edhe ish kryeministri Nano dhe Fehmi Abdiu e asnjehere zoti Berisha nuk foli se "ajo qe ka ndodhur eshte e paligjshme". Vetem deklaroi ne parlament se "ja fytyra e vertete e zotit Nano!". Edhe ne kete rast duhet qe shqetesimi i deputeteve te PD se te jete nese po punon qeveria ne perfeksion sic u kane premtuar para 3 korrikut shqiptareve; nese projektligjet kane vertet probleme kushtetuese, nese Berisha ka ndryshuar ose jo, pasi kane degjuar fjalorin e tij ne debatin e transmetuar nga "Top Channel".

Ky duhej te ishte shqetesimi kryesor i deputeteve dhe mazhorances. A ishte zeri i kryeministrit ai qe bertiste dhe bente me keq se Partia Komuniste, e cila te perjashtonte me fjalen e kryetarit te partise? A ishte zeri i zotit Berisha qe thoshte se "nuk pyes per Kushtetuten e Mark Abdise", etj. Natyrisht qe po. Epo atehere kjo duhet te na shqetesoje, pasi kemi nje kryeminister qe ndryshe thote ne publik e ndryshe vepron ne prapaskene. Me mire te reagojme tani se sa punet te behen lemsh dhe nga lemshi te na zihet fryma e lirise.

Ngjela eshte precedenti. Por nese shikon disa emerime nepotike ne piramiden shteterore, te krijohet pershtypja se po ikin nje pale monopole e po vijne ata te Berishes. Demokratet dhe shqiptaret nuk votuan per te ikur nanoizmi dhe te vinte berishizmi. Ata duan progres dhe investime. Duan nje tjeter te ardhme e jo kete qe po sajojne merimangat e strukturave te vjetra te kohes 1992 1997.

Dje opozita fitoi ate qe nuk e mori prej javesh me bilbila e bori ne Kuvend. Fati ua solli konfliktin Berisha Ngjela ne dere dhe fituan. Personalisht duket se ka fituar edhe Berisha me vota ne Kuvend. Por me vone deputetet do te kuptojne se litari eshte tek dera e tyre. Genc Ruli dhe Rexhep Uka e kane provuar njehere litarin tek dera e shtepise se tyre politike.

Tashme litari eshte varur tek dera e Kuvendit te Shqiperise. Kush kundershton, varet!
Alban Mati KJ

[kolombi]

Kreu i Komisionit të Jashtëm tha se, nëse Ngjela besonte se ishte kaq shumë ligje antikushtetuese, duhet të dorëzonte postin e kreut të komisionit

Zogaj: Ngrirja e anëtarësisë, Ngjelën lidhet me përgjimin



N.Perndoj

TIRANË- Spartak Ngjela duhet të jepte dorëheqjen nga posti i kryetarit të Komisionit të Ligjeve, ndërkohë që ngrirja e anëtarësisë ndaj tij lidhet me faktin nëse ka qenë pikërisht Ngjela autori i përgjimit të bisedës së zhvilluar dy ditë më parë në mbledhjen e kryesisë së vogël. Ky është mendimi i shprehur dje nga deputeti demokrat Preç Zogaj, mik prej vitesh me avokat Ngjelën. “Qëndrimi (për zëvendësimin e Ngjelës) do të maturohet në grup. Ne do të mblidhemi dhe do të diskutojmë. Unë e di se si do të votoj, por nuk është etike të deklaroj këtu si do të votoj në grup. Kjo është një gjë që ka një parahistori. Për sa i përket mandatit, ne e kemi raportin me zgjedhësit dhe është raport i hapur, kurse postet e kryetarëve janë poste politike, poste të partisë. Nëse unë nuk jam dakord me shumë gjëra që sjell qeveria, unë e lë këtë post, ia lë një tjetri që është dakord. Ky nuk është mandat deputeti. Mendoj se mund të ishte evituar edhe në këtë formë, që nëse Ngjela beson se janë kaq shumë ligje antikushtetuese, atëherë të dorëzonte postin”,- tha dje Zogaj. Ai shtoi se akti i përgjimit të kryeministrit është një akt për t’u denoncuar dhe tepër i rëndë. “Unë distancohem nga ky akt ku duket qartë se kryeministri nuk di se po e përgjojnë. Pjesa tjetër është një ngjarje shumë e pakëndshme, e padëshirueshme. Shpreh keqardhjen e thellë dhe dëshpërimin që nuk arrita të ndikoj që të evitohet ky zhvillim kaq negativ në PD dhe mes njerëzish që përpos kolegë partisë janë edhe miq”,- tha ai. I pyetur nëse do të ketë pasoja ngjarja e ndodhur me parë, Preç Zogaj kujtoi se nuk ka vend shprehja “qentë le të lehin dhe karvani të shkojë përpara”. “Askush nuk ka dëshiruar të ndodhë kjo gjë. Ne nuk kemi njerëz të tepërt në parti, jo deputetë, por as anëtarë. Ne duam të marrim e jo të humbasim. Kështu që pasoja është kjo që një deputet shumë i njohur, një figurë shumë e njohur e PD-së, me kontribute në këtë parti vendoset në një pozicion konfliktual me kryetarin e partisë që është edhe themelues i partisë dhe kryeministër. Kjo nuk është një gjë pa asnjë pasojë”,- tha Zogaj. Duke iu referuar pikërisht deklaratës së mësipërme se në PD nuk ka deputetë dhe anëtarë të tepërt, Zogaj iu përgjigj dje pyetjes se a ishte e drejtë ngrirja e anëtarësisë së tij. “Kërkesa për dorëheqje lidhet me atë situatë për të cilën media është e informuar. Kurse masa e djeshme është marrë nga kryesia e vogël. Unë nuk jam anëtar as në kryesinë e vogël, as në të madhen. Por kam përshtypjen se lidhet me nevojën për të verifikuar diçka për përgjimin, sepse kjo është shumë e rëndë dhe duhet ta denoncojë edhe Ngjela. Mendoj se masa për ngrirje ka lidhje me dyshimet që lidhen me përgjimin dhe publikimin e përgjimit. Nga verifikimi do të dalë një e vërtetë dhe ne do të jemi aty. Nuk do të miratoja unë përjashtim nga partia thjesht se ka kundërshtuar ligjet. Kurse çështja e përgjimit është tjetër gjë”,- tha ai.

Marre nga Shekulli


PS Nese ndokush kerkon tek fabula e Cacit te gjeje MORALIN,e ka poshte kembeve te tij,te shkelur................
Pergjimi i bisedes e nxiu flokethinjurin.

[Thatcher]

Flokethinjurit i ra incizuesja nga xhepi ne emision qe sapo pash ne top channel te drejtuar nga rudina xhunga.

te jipte pershtypjen e nje psikopati te etur per pushtet.

here pas here kontradiktonte vetveten duke perkrahur pikerisht iniciativa qe ai kritikon se perkrah Berisha

Ngjela ka falimentuar. Berisha duhet ta kishte perzene ate me kohe. Njeri i ulet.

[Iliriani]

Une e pashe Ngjelen te Top Channel

Top Channel si Topi i Rames, kanal i majte ne lojen politike, kishte vene ball tije vetem gazetar te majte, e jo si Fevziu qe i ve nga gjithe spektri i opinionit.

Ngjela dominoi biseden komplet, e sqaroi qendrimet e tij, qe nga zhurma nuk dihej ca thoshte .

Per mua qe bindes e kishte te drejte ne gjerat qe shtroi, e ka qene nga politikanet me bindes ne gjithe keto vite e radhe kam pare ose asnje here nje parashtrim e thellesi te tille.

Kjo varet edhe nga njerezit se ai eshte profesional te kuptoine ca po thote ai .

PDja duhet ta mari shtruar e ti shikoj gjerat mire, se eshte e lehte ta heqesh Ngjelen po te shikoj me tutje.

Plus te mos meren si baze zeniet e kalimi i kufirit me fjale pas nxehjes [plus dhe incizimi nuk eshte etik e moral].

Po kur nderton nje politik e hedh nje hape , zenia e kalimi i kufive ne te, nuk mund te meret si referim,ose si baze te nje hapi a politike, se nuk eshte, mund ta perdoresh si justifikim, po kur ndermer nje hap duhen pare qe nga e kaluar e luftes ne opozite e deri te e ardhmja.

Plus shume nga problemet qe thote Ngjela per te djathten e PD jane te drejta e PD e qeveria duhet ti shikoj me shume kujdes.
[ nuk flas per shtremberimet apo etiketimet e shtypit te majte e te majtes]

[Iliriani]

Per mendimin tim po u futen ne keto rruge do bejne shume keq per vet PDne, duhej te gjejne nje zgjidhje pak me te gjere se ajo mekanikja po ne te ardhem kostoja do jete e madhe.

Eshte e lehte te besh dicka kundra Ngjeles, po nuk eshte ne interesin e PDse, po ta shikosh me gjere e ne realitet gjerat.

Shekulli
Me deklarimin e 7 deputetëve dhe lëkundjen e pjesës së mbetur të reformatorëve, maxhoranca rrezikon që të dështojë në votimin për shkarkimin e avokatit

Ngjela, varianti i PD-së, për ta përjashtuar më parë nga grupi

Përjashtimi më parë nga grupi parlamentar do të bënte të panevojshëm votimin në Kuvend

Nevila Perndoj

TIRANË- Dy ditët në vijim janë edhe ato që do të përcaktojnë mënyrën se si PD-ja dhe lidershipi i saj do të veprojë për çështjen “Ngjela”. Vizita e kryeministrit në Bukuresht duket se po shërben edhe si pauzë reflektuese për Berishën dhe bashkëpunëtorët e tij në lidhje me votimin për shkarkimin e Ngjelës nga kreu i Komisionit të Ligjeve. Burime zyrtare nga grupi i PD-së thanë dje se për të shmangur një dështim të shkarkimit të Ngjelës në Kuvend, në lojë është edhe përjashtimi më parë i avokatit nga grupi i PD-së, çka do të bënte të panevojshëm hedhjen e shkarkimit në votim të hapur në Kuvend. Të njëjtat burime e sjellin këtë skemë si të mundshme, nisur nga rrjedhjet e votave brenda maxhorancës, që deri tani të deklaruara janë shtatë
Votat e maxhorancës
Aktualisht, grupi parlamentar i PD-së përfshin 49 deputetë bashkë me deputetin Spartak Ngjela. 7 deputetë të tjerë bëjnë pjesë formalisht në grupin parlamentar “Qendra Demokrate” dhe grupin parlamentar të “Partisë Agrare Ambientaliste”. Gjithsej bashkë me deputetët e shpërndarë te grupet e mësipërme parlamentare, grupi parlamentar i PD-së shënon 56 deputetë. Në rast se do t’i referohemi qëndrimit zyrtar të PR-së për ta mbështetur shkarkimin e Ngjelës, numri i mazhorancës arrin në 67 vota, pasi 56 deputetëve të PD-së u shtohen edhe 11 të PR-së. Kësaj shifre i bashkëngjiten edhe 3 votat e deputetëve të Partisë Agrare Ambientaliste, të cilët kësaj here nuk do të hezitojnë për ta shkarkuar Ngjelën për sa kohë që vetë deputeti Spartak Ngjela lëshoi akuza të ashpra ndaj përfshirjes së Xhuvelit (kryetarit të tyre) në qeverinë e koalicionit të djathtë. Për këtë arsye, sipas një përllogaritje të thjeshtë, votat e maxhorancës shkojnë në 70. Ose më saktë, në 69, pasi nuk llogaritet vota e Spartak Ngjelës. Në anën tjetër, tre deputetët e mbetur të PBDNJ-së janë shprehur se do të votojnë kundër shkarkimit të Ngjelës për sa kohë që e kanë vlerësuar punën e tij si kryetar i Komisionit të Ligjeve. Të njëjtën gjë kanë bërë edhe tre deputetët e PDR-së si dhe deputeti i PDK-së, Nikoll Lesi. Por në grupin parlamentar të PDR-PDK-së janë edhe tre deputetë të lëkundur për kërkesën për shkarkim ndaj Ngjelës. Janë Ndue Shpani, vota e të cilit nuk dihet, ai i kryetarit të PDR-së, Genc Pollo dhe nënkryetarit të kësaj partie, Tritan Shehu. Ky i fundit, në një deklarim për “Shekullin”, u shpreh se vota e tij do të varej nga mënyra se si do të formulohej kërkesa për shkarkimin e Ngjelës. Votat e tre deputetëve të lëkundur janë përcaktuese për shkarkimin ose jo të Spartak Ngjelës. Në rast se ata do të votojnë “pro”, atëherë Ngjela do të shkarkohet me 72 vota, ndërkohë që vetëm 71 nevojiten për të parë një tjetër kryetar në drejtimin e Komisionit të Ligjeve. Tri votat e lëkundura të PDR-së, pa llogaritur edhe tre-katër deputetë të PD-së, që janë miq prej vitesh me avokat Ngjelën do të rrezikonin jo pak mazhorancën për të shënuar humbjen e parë edhe për vetë kryeministrin Sali Berisha
Shmangia e votimit
Të gjendur përpara kësaj situate ku mazhoranca për here të parë duket se nuk i ka votat aq të sigurta, në grupin parlamentar të PD-së po diskutohen edhe variante të tjera, ku me i mundshmi deri më tani lidhet me shkarkimin e Ngjelës nga grupi parlamentar i Partisë Demokratike. “Në rast se një gjë e tillë ndodh, atëherë Ngjela nuk do t’i nënshtrohej fare votimit të hapur në Kuvend, pasi ai nuk do të përfaqësonte më PD-në”,- u shpreh një prej deputetëve të PD-së. Ndërsa një tjetër deputet, duke marrë apriori shkarkimin e Ngjelës nga grupi parlamentar, u shpreh se edhe pas këtij shkarkimi nga grupi parlamentar do të nevojitej zëvendësimi i tij në Kuvend, por nuk do të përfshihej në asnjë rresht të kërkesës fraza: “të shkarkohet Spartak Ngjela nga kryetar i Komisionit te Ligjeve”. Deputetët e Partisë Demokratike janë shprehur dje për “Shekullin” se përjashtimi i Ngjelës nga grupi parlamentar i PD-së është varianti më i mirë për të shmangur çdo keqkuptim apo përçarje të mazhorancës në Kuvend, ndërkohë që nuk hezitojnë të shprehen se i vetmi që duhet të japë një zgjidhje përfundimtare për këtë çështje është vetë kryeministri Sali Berisha. Ky i fundit ndodhet për një vizite dyditore në Bukuresht të Rumanisë, çka shtyn edhe për pak ditë mbledhjen e forumeve të larta partiake dhe atyre parlamentare për të vendosur mbi çështjen “Ngjela”.



07/04/2006
KATEGORIA: Politike

[Iliriani]

Për kë bien këmbanat?


Blendi Kajsiu

Vendimi i kryeministrit për shkarkimin e Ngjelës nga posti i tij, si kryetar i komisionit të ligjeve, përbën një moment kritik për shumicën aktuale. Fatkeqësisht nga "lidership"-i i shumicës, ky moment gjithnjë e më tepër po justifikohet me përgjimin e bisedës midis tij dhe kryeministrit Berisha. Merret si i qenë fakti se diçka e tillë është bërë nga vetë Ngjela, sipas parimit, je fajtor derisa të provosh të kundërtën. Një mënyrë e mirë kjo për të anashkaluar një debat të domosdoshëm brenda shumicës në lidhje me këtë shkarkim, i cili nuk ka të bëjë aspak me përgjimin, madje e tejkalon tërësisht atë si çështje. Për faktin e thjeshtë, sepse nga biseda del qartë se vendimi për ta shkarkuar Ngjelën është marrë përpara sesa biseda të përgjohej dhe të transmetohej në media. Ngulmimi tek skandali i përgjimit më shumë se gjithçka duket si një manovër politike, për ta përjashtuar avokatin nga PD-ja, gjë që automatikisht e zhvesh atë nga posti aktual, si dhe për të anashkaluar argumentin e vetëm, mbi të cilin mund të bazohej ky shkarkim, pretendimi se Ngjela ka shkelur, apo bllokuar programin e Partisë Demokratike.
Vetëm nëse diçka e tillë është e vërtetë, shkarkimi i Ngjelës është i justifikuar. Është në të drejtën e çdo kryetari partie apo grupi parlamentar, për të kërkuar shkarkimin e një kryetari komisioni, nëse ai thyen disiplinën e grupit, duke bllokuar realizimin e programit qeverisës të kësaj force politike. Në rastin konkret është tepër e paqartë, sesi veprimtaria apo "indisiplinimi" i Ngjelës, në cilësinë e kryetarit të komisionit të ligjeve, ka bllokuar realizimin e programit të PD-së. Një pjesë e mirë e vërejtjeve të tij në këtë komision kanë qenë të karakterit juridik dhe kushtetues. Pra, kanë synuar që nismat ligjore të PD-së mos ta shkelin Kushtetutën. Sikurse e tregojnë edhe vendimet e Gjykatës Kushtetuese, të cilat i kanë cilësuar si jokushtetuese disa nisma ligjore të qeverisë, një sërë projektligjesh të miratuara nga qeveria, duke filluar nga amendimet për ligjin e KLD-së, deri tek ligji për legalizimet, kanë pasur probleme kushtetueshmërie. Madje, ky i fundit, ligji i legalizimeve, pikërisht për këtë arsye u kthye mbrapsht me një dekret të presidentit dhe vërejtjet e bëra nga presidenti u pranuan edhe nga vetë komisioni i ligjeve, ku shumica janë deputetë të PD-së. Çka provon katërcipërisht se ligji ishte problematik, në raport me Kushtetutën. I vetmi rast kur Ngjela ka thyer haptas vijën e partisë, ka qenë për moratoriumin mbi skafet, pasi sipas tij, ky ishte një ligj antikushtetues, që dhunonte një të drejtë themelore dhe përbënte gjithashtu një fyerje për qytetarët shqiptarë. Megjithatë, është e dyshimtë, nëse ky rast mjafton për shkarkimin e Ngjelës. Po sikur Gjykata Kushtetuese ta vlerësojë moratorium si antikushtetues? Pra, nëse Ngjela ka bllokuar, apo amenduar ligje që binin ndesh me Kushtetutën, madje, duke i bërë ato në përputhje me të, atëherë nuk është e qartë se si në këtë mënyrë është bllokuar programi qeverisës i PD-së. Kuptohet për sa kohë shkelja e Kushtetutës nuk përbën programin politik të PD-së. Aq më tepër kur në disa ligje themelore, si ai i legalizimeve, amendimet e propozuara nga Ngjela, jo vetëm që kanë garantuar kushtetueshmërinë, por edhe parime thellësisht të djathta, siç është e drejta e pronësisë. Në fakt, edhe aktiviteti politik i Ngjelës brenda së djathtës dhe jashtë komisionit të ligjeve është materializuar në kritika të trajektores së qeverisjes, kur sipas Ngjelës, ajo rrëshkiste majtas. Kështu janë kritikuar politika buxhetore barazitëse, në lidhje me barazimin e pensioneve fshat-qytet, apo në lidhje me pensionet e ushtarakëve. Ashtu sikurse është kritikuar edhe bllokimi i shtetit nga përplasjet apo konfliktet e shumta mes ekzekutivit dhe institucioneve të tjera, pasi kjo cenon nivelin e qeverisjes. Për më tepër kur këto përplasje kanë qenë beteja politike të pasuksesshme. E tillë ishte përplasja për INSTAT, për SHISH-in, me Prokurorinë e Përgjithshme, për "Zogun e Zi", për imunitetin e deputetëve, përplasja me profesoratin në fakultete, në lidhje me ligjin e arsimit të lartë, e kështu me radhë. Përplasje që kanë prodhuar konflikt dhe kanë përfunduar me tërheqjen e ekzekutivit. Duke thithur ato energji që duhet të ishin investuar në qeverisje dhe në zbatimin e reformave, që më pas do prodhonin mirëqeverisje dhe rrjedhimisht më pak korrupsion. Përplasje, që po sipas Ngjelës, kanë bllokuar tregun dhe ekspansionin e kapitalit. Dhe është e vështirë të imagjinosh sesi të kërkosh ekspansionin e kapitalit dhe zhvillimin e biznesit përbën shkelje të programit të PD-së, që pikërisht me këtë parullë ka ardhur në pushtet.
Mbase të gjitha kritikat e Ngjelës në lidhje me qeverisjen aktuale janë krejt të pabaza. Mbase asnjë nga kritikat e tij nuk qëndron. Mbase asnjë nismë ligjore e PD-së nuk ka qenë antikushtetuese. Mbase konceptet e Ngjelës për luftën antikorrupsion janë të gabuara dhe ato të Berishës janë të sakta. Megjithatë, ato minimalisht duhen debatuar, përpara sesa të shërbejnë si shkak për shkarkimin e tij. Të thuash se Ngjela kritikon se kërkon post, nuk përbën argument. Të vetmet kundërargumente nga ekzekutivi deri tani përmblidhen në batutën e kryeministrit rreth Ngjelës, "e dija gjel, por më doli çimkë". Batutë që aludon se shkarkimi vjen si pasojë e përgjimit, ndonëse ky i fundit ndodhi, pasi vendimi për shkarkim ishte marrë. Një qasje kjo që jo vetëm nuk e hap, por e mbyll debatin në lidhje me trajektoren e qeverisjes. Debat që në fund të fundit mund t'i shërbejë mjaft mirë përmirësimit të saj dhe ndenjes në pushtet sa më gjatë të PD-së. Duke vendosur të shkarkojë Ngjelën, duket sikur kryeministri vendos të mbyll sytë përpara shumë kritikave të ngritura prej avokatit. Duke e zhvendosur problemin nga argumentet, të cilat nuk marrin përgjigje, tek personi i cili mund të shkarkohet. A thua se ai ka bllokuar qeverisjen. Në fakt, shanset janë që të ndodhë e kundërta. Nëse ndodh, shkarkimi i Ngjelës nuk përbën vetëm një kosto për imazhin e PD-së dhe të kryetarit të saj. Pra, nuk është problemi thjesht tek shija që mund të lërë ndonjë kryetitull i tipit "Berisha përjashton Avokatin e Lirisë". Problemi qëndron tek mënyra sesi po bëhet ky shkarkim, që flet për një kokëfortësi problematike dhe një mohim të verbër, përballë çdo kritike apo argumenti. Kjo është rruga më e shpejtë drejt opozitës. Prandaj, këmbanat që dikush mendon se mund të bien për Ngjelën, në fakt mund të parathonë ceremoninë mortore të pushtetit të PD-së.


07/04/2006
KATEGORIA: Analiza

[Breshka]

....dhe une e pashe emisionin ne top-channel... o zot......kjo quhet media e pamvarur ne shqiperi !!!!! ??????
C'fare pashe ne ate emision:
Nje gomar (nuk e kuptoj si mund te quhet inteligjent dhe "kapacitet" ne PD), dhe kater cakej mafjozo-komunist SUPER anadollak; ooo se harrova dhe nje qoftexhi i nje fare emisioni fix fare qe promovonte pergjimet e zyrtarve te larte "per te eleminuar genjeshtrat".... hahahaha cfare PUSHTI.
C'fare degjova ne ate emision:
Ngjela, nje i lajthitur qe nuk kishte njeri ne bote te kuptonte se c'fare thoshte, nje njeri qe perdori fjalen "UNE" nja 100 here... dhe qe tha qe qellimi i tij ishte te behej kryeminister, se eshte me i zgjuari i te gjitheve. O Zot...... shkarkimin e tij duhet ta kishin bere me kohe........ nuk ke asnje perfitim te kesh nje papagall te tille ne poste drejtuse te PD apo qeveri. Eshte Ngjela tradhetar????????
Jo, Ngjela eshte nje megaloman, nje llafazan,nje endrimtar adoleshen qe filmi i eshte ndalur ne vitet '70, nje idiot, ai nuk eshte as i rrezikshem bile, edhe mbas gjithatyre qe tha e thote;;; ....... Ngjela eshte KOT.
Ata te Katert...... nje fare Rudina me tre peshterosje te tjera qe vetequheshin ANALISTE.... ata po..... ato ishin dicka dhe kjo nuk ishte e veshtire te kuptoheshe.
Ato kane vetem nje mision, me cdo kushte te rrezohet Berisha, dhe pas kesaj padroni i tyre te bej pall, lesh e li, ose cti teket qe ti fryje xhepat sa me shume.... dhe te posedoje, te posedoje sa me gjere.
Nuk kam pare e degjuar qe ti drejtohesh kryeministrit te vendit tend me kaq PA etikete, PA respekt, PA frike, PA koke carje dhe me percmin, si ata....
Dhe qaheshin per lirine e fjales..........
Nuk kam pare diletant, te pa afte, pa elekuence, anti gazetare te tille....
Dhe qe qaheshin per despotizmin e Berishes..............
Nuk kam pare ndonje here qe nje kurve te drejtoje nje emision kaq diletant, dhe qe me gojen e saj, qe o zot kush e di sa here ka BLOW poshte tavolinave, te flasi me kaq arrogance kunder kryeministrit te vendit te vet....
Dhe te kerkoje arrestimin e Berishes, dhe te qahet per diktatorizem.... dhe per cudi te vazhdoje te beje emisione kunder qeverisjes pa i hyre gjembi ne kembe....
KU ESHTE DIKTATORIZMI KETU.......!!!!!!!!! Nuk e kuptoj !!!!!!!!!
Mbreme o miq, une pashe kater cakenj te zhgenjyer..........
kater cakej qe kishin ardhe te hanin delen Ngjela, por i doli i thartuar...
kater cakej qe po duronin cdo budallallek qe thoshte "avokati" vetem e vetem..... qe ti kenaqte ato me ndonje "bombe" kundra Sales........
dhe kur kjo nuk ndodhi u zbythen .... i pari qe e kuptoj ishte "analisti" i ndyre Nano.... i cili doli i pari nga diskutimi...... dhe pastaj dhe te tjeret......... me rradhe.....
Tos gomari nuk i dha Top_Droges, mbreme, ate qe ato po prisnin....... ne fakt ai pa dashje i dha nje emer tjeter.... Top-M.ti.