Qeveria e pakenaqur per kompetencat e kufizuara

[Beqari002]

Qeveria e pakënaqur për komptencat e kufizuara


PRISHTINE (25 shtator) - Qeveria e Kosovës ka shprehur sot pakënaqësitë lidhur me kompetencat e kufizuara dhe pamundësinë për t'i kontrolluar ndërmarrjet e mëdha publike. Për qeverinë problem i veçantë janë edhe paralelizmat mes Autoritetit Qendor Fiskal dhe Ministrisë së Ekonomisë dhe Financave. Sipas këshilltarit të kryeministrit, UNMIK-u me burokracinë e tij ka ngatërruar edhe më shumë qeverinë edhe ashtu të papërvojë të Kosovës. Ai ka përmendur si pakënaqësitë kryesore të qeverisë funksionimin jo si duhet të Autoritetit Qendror Fiskal, të ndërmarrjeve publike si Posta dhe Telekomi i Kosovës, Korporata Energjitike e Kosovës, Aeroporti i Prishtinës, Hekurudhat dhe mosfunksionimin efikas të kontrolleve doganore. Sipas qeverisë, në gjithë këtë përzierje nuk ka qenë e lehtë për qeverinë veçanërisht për kryeministrin të bëjë edhe një aktivitet të dendur në kuadër të politikës së jashtme, në politikën ekonomike dhe çështje të tjera. Nga një pasqyre e raportit financiar të Kryeministrisë dhe ministrive, rezulton se shumica e ministrive kanë shpenzura më shumë se 50 përqind të buxhetit, ndërkaq Ministrisë së Ekonomisë dhe Financave i kanë mbetur vetëm edhe 3 për qind të buxhetit pa i shpenzuar. Nga ana tjetër këshilltari i kryeministrit, Hoti sot paraqiti edhe raportin gjashtëmujor të punës së qeverisë. Qeveria nga formimi i saj ka marrë 75 vendime të ndryshme, ndërkaq punën e saj, sipas Hotit, e kanë ngadalësuar ndjeshëm proceduart e komplikuara të UNMIK-ut, por edhe vetë fakti se ka qenë një qeveri e koalicionit. anjo/ko (Rtv 21/BalkanWeb)



Oj sharki e lehte si era , a ka ardhur ne Shqiperi pranvera?