Prokuroria, 1.5 vjet burg për Luiza Hoxhën

[Ina_19]

Historia e gruas barbare të '97-ës


Luiza Hoxha ka qenë një anonime, deri në trazirat e vitit '97. Gjatë kohës së diktaturës Hoxha rezulton të ketë kryer Shkollën e Partisë, ndërsa nuk ka në CV-në e saj studime në shkollat e larta. Rishfaqja e saj në '97 ka qenë barbare. Ajo u përfshi në ngjarjet e dhunshme dhe sulmet ndaj institucioneve në qytetin e Vlorës. Ajo ishte një nga pjesëmarrëset në dhunimin që iu krye punonjësve të SHIK-ut, të vrarë në mënyrë barbare nga bashkëpunëtorët e Hoxhës, e cila si vampire lyente fytyrën e saj me gjakun e punonjësve të SHIK.

Kjo ishte e vetmja meritë e Hoxhës për të cilën ajo u shpërblye menjëherë nga PS në zgjedhjet parlamentare të atij viti me mandatin e deputetes së PS. Përfundimi i mandates së deputetes e gjeti Hoxhën në një sërë institucionesh të tjera të larta shtetërore, duke qenë deri prefekte e caktuar nga PS dhe së fundi, drejtore e Përgjithshme e Postës Shqiptare. Me paratë e nxjerra nga korrupsioni, Hoxha jetonte në një apartament mjaft të shtrenjtë në kryeqytet.

PS, asnjë distancim nga hajdutja e postës

o my good...... nese vetem kjo te jete e vertete eshte e mjaftueshme qe ajo vampire te mos e shofe me driten e diellit...pppppp sja vlen as te komentohet ajo kafshe ne kete forum..bye

[Albo]

Francezi i pullave: Luiza Hoxha rriti ofertën

F.Vezaj

TIRANË- Përfaqësuesit e Prokurorisë së Tiranës lexojnë dëshminë e francezit Etien Desheris, në procesin gjyqësor kundër ish-drejtoreshës së Postës Shqiptare, Luzia Hoxha. Desheris është personi që ka bërë marrëveshjen e blerjes së pullave postare, nga ana e kompanisë franceze dhe dëshmia e tij u lexua në pamundësi për ta sjellë atë nga Franca në Shqipëri. “Shuma prej 500 mijë eurosh ka qenë oferta jonë e parë, por me insistimin e drejtoreshës Hoxha, kjo shifër u rrit në 650 mijë euro. Kjo është një praktikë pune e kompanisë tonë,”-thuhet në deklarimet e francezit. Ndërkohë, sipas burimeve nga gjykata, mësohet se francezi ka pohuar para oficerëve të policisë gjyqësore se: “këtë vit kemi dorëzuar kërkesën për blerjen e një sasie më të madhe pullash me vlerë 1 milion euro”. Kompania franceze blen pulla nga vendet e ndryshme të botës, i sistemon nëpër albume përkatëse dhe i hedh në treg me shuma të ndryshme parash. Pas leximit të deklarimit të kontratëbërësit, togat e zeza ndërprenë dje seancën gjyqësore, duke e shtyrë për në muajin shtator pranimin e provave të mbrojtjes. Ish-deputetja e Partisë Socialiste, Luiza Hoxha, u arrestua në kryeqytet gjatë muajit shkurt të këtij viti, me akuzën e shpërdorimit të detyrës, duke i shkaktuar një dëm prej 3 milionë e 800 mijë euro buxhetit të shtetit.

Shekulli

[Brari]

Mund te masakrosh njerez e te pish gjak njeriu dhe ste hyn ferre ne kembe..edhe kur i masakruari eshte nepunes i shtetit..
Te forte paskan qene kanibalet shqiptare..
Kanibalia.. me mire ta quajme kete vend se sa Albania..

Ja cthot gazeta:





Organi i akuzës ka kërkuar dënimin e ish-drejtoreshës Luiza Hoxha edhe me 1 milion lekë gjobë

Prokuroria: 18 muaj burg për Luiza Hoxhën


F.Vezaj

TIRANË- Prokuroria e Tiranës kërkoi dënimin me 18 muaj burg dhe 1 milion lekë gjobë për ish-drejtoreshën e Postës Shqiptare, Luiza Hoxha, e akuzuar për veprën penale të shpërdorimit të detyrës. Kjo kërkesë u bë pasditen e djeshme nga prokurori i çështjes, gjatë leximit të konkluzioneve përfundimtare në ngarkim të ish-deputetes së Partisë Socialiste. Sipas akuzës, ish-drejtoresha e Përgjithshme e Postave, Luzia Hoxha ka konsumuar veprën penale të shpërdorimit të detyrës, gjatë kohës që drejtonte këtë institucion në periudhën qershor–korrik të vitit të kaluar, pas nënshkrimit të një kontrate mes postës dhe një firme franceze, për shitjen e pullave postare për koleksion. Pas leximit të pretencës, gjykata ndërpreu seancën gjyqësore për t’i lënë kohë avokatit mbrojtës të përgatisë pretendimet e tij. Vetë e pandehura në këtë proces dhe avokatët e saj mbrojtës nuk e kanë pranuar akuzën e ngritur nga prokuroria, duke e cilësuar arrestimin e Hoxhës politik. Në seancën e kaluar, Luiza Hoxha i cilësoi të manipuluara provat që organi i akuzës ka paraqitur ndaj saj, ndërsa arrestimi u krye vetem për motive politike. Luiza Hoxha akuzohet nga Prokuroria e Tiranës se ka shitur 500 mijë pulla dhe 500 mijë blloqe postare nën vlerën e tyre reale, duke i shkaktuar shtetit një dëm financiar prej 3 milionë e 150 mijë eurosh.



14/09/2006

shekulli

[Brari]

Data: 14/09/2006, ora

Sollaku s’largohet pa nxjerrë nga burgu Luiza Hoxhën



Prokuroria hidhet në skandal, dënon Luiza Hoxhën, që grabiti më shumë se 3 milionë dollarë, me vetëm 10 mijë të tillë, ndërsa llogarit si burg edhe muajt e paraburgimit, duke caktuar kufirin e vetëm 18 muajve heqje lirie. Pas kësaj, kushdo që do të vjedhë nga shteti një shumë të majme, do të ndihet i mbrojtur dhe i motivuar me vitet e pakta të burgut që japin segmente të korruptuara të Prokurorisë



Prokuroria kërkon të zbusë dënimin mbi Luiza Hoxhën. Për 3 milionë e 200 mijë dollarë, kërkohen si gjobë vetëm 1 milionë lekë të reja, ndërsa masa e burgut jepet në 18 muaj. Pas llogaritjeve, pas pak i bie që Luiza të jetë e lirë, pasi llogaritet si burg edhe koha e paraburgimit. Gjithsesi, Prokuroria i ka kërkuar dje Gjykatës dënimin e ish-drejtoreshës së Postës Shqiptare dhe ish-deputetes së PS-së së Vlorës, Luiza Hoxha, me “18 muaj burg dhe 1 milion leke gjobë”. Sipas organit të akuzës, është konstatuar se Hoxha ka abuzuar duke i shitur pullat e postës me çmim të dyfishtë, nëpër koleksionistë të ndryshëm. Ky ka qenë vetëm njëri nga abuzimet që akuzohet të ketë kryer Luiza Hoxha, në kohën kur ka qenë drejtoreshë e përgjithshme e Postës, post prej të cilit u lirua në vitin 2005. Pas hetimeve disamujore, Prokuroria ka konstatuar se në kohën kur në krye të Drejtorisë së Përgjithshme të Postës Shqiptare ishte ish-deputetja e PS-së, Luiza Hoxha, në muajt qershor-korrik të vitit të kaluar, rezultoi se ishte kryer një kontratë me një subjekt francez, për shitjen e pullave për koleksion. Objekt i kësaj kontrate, sipas akuzës, ka qenë realizimi i shitjeve të një sasie të konsiderueshme pullash dhe blloqe pullash për koleksion. Vlera e këtyre pullave dhe blloqeve postare ka qenë rreth 3 milionë e 200 mijë euro, ndërsa janë shitur për 650 mijë euro. Ndërkohë që, gjatë seancës së djeshme ka dhënë dëshminë e saj dhe vetë e pandehura, sipas së cilës, gjyqi ishte politik. “Unë jam e pafajshme dhe nuk kam kryer asnjë shkelje ligjore, megjithëse e di që disa njerëz duan të më fundosin”, është shprehur Hoxha. Ndërkohë që avokati i saj, Fatmir Brraka, vazhdon të insistojë se Prokuroria nuk ka në dorë asnjë provë të vlefshme që të mund të komprometojë klientin e tij”. Ndërkohë, në seancën e radhës, fjalën e ka sërish mbrojtja, ku më pas, Gjykata do të japë vendimin e saj.

Re. Po.


55

[MICHI]

Kta e kane ne terezi vlla. Po ato pirjet e gjakut e ato offceret qe u organizoi vrasjen e lidhi pas nje peme e i torturonte sikur te ishin serb nuk quhen kto? Luiza do ta terheqesh zvarre me makine nga qelite ku eshte deri ne vendin ku vrau rob ne 97. Me ja kujtue edhe i her ca ka bo.

[Albo]

Flet pak orë pas lirimit nga burgu

Luiza Hoxha: Gjatë kësaj kohe kisha mbështetje politike

Aulona KADILLARI, Ornela MANJANI

Që nga jashtë derës dëgjohen trokitjet e gotave për daljen nga burgu të së afërmes së tyre. Zëra që gumëzhijnë dhe fytyra që qeshin nga gëzimi i jashtëzakonshëm. Kjo vjen pasi në familjen e tyre është rikthyer pas 9 muajsh e afërmja e tyre, Luiza Hoxha. E dënuar nga Gjykata e Tiranës me 1 vit burg për akuzën e shpërdorimit të detyrës, ish-drejtoresha e Postës Shqiptare ka lënë dje qelitë e paraburgimit 313, për t’u rikthyer jetës së përditshme. Nuk ka plane për të ardhmen, pasi për momentin i gëzohet lirisë së fituar. Por gjithashtu, ajo nuk mohon se do të tregojë deri në fund pafajësinë e saj. Në një intervistë për gazetën “Tirana Observer”, ish-drejtoresha e Postës Shqiptare, Luiza Hoxha, tregon për ditët që ka kaluar në qeli. Çfarë mendon ajo për arrestimin e saj dhe çfarë do të bëjë më pas.

Çfarë planesh ka pas lirimit nga burgu, Luiza Hoxha?
E para që do të bëj është fitimi i kohës së humbur. Për momentin nuk kam planifikuar që të bëj asgjë. Tani jam në një kohë ndryshe nga disa muaj më parë, pasi nuk mund t’i vazhdoj ato që kisha. Pasi për momentin vendin e parë e zë koha e humbur, familja, miq të afërm që më janë gjendur shumë pranë dhe që nuk e prisja një mbështetje kaq të madhe nga ata. Por për momentin kam një detyrë për të bërë, e para të sqaroj publikun për lirimin tim, por gjithashtu nuk mund të lë mbrapa familjen time, e cila ka vuajtur më shumë se unë, gjithashtu edhe rrethin miqësor që nuk e dija që ishte kaq i madh dhe që asnjëherë nuk më ka lenë vetëm. Një forcë të madhe më ka dhënë edhe mbështetja e personave që bëjnë pjesë në forcën politike që unë jam. I kam dëgjuar të gjitha deklaratat që kanë bërë përfaqësues të forcë politike dhe jam ndjerë më e sigurt.
Çfarë mendoni ju për vendimin e gjykatës?
Fakti që e kam apeluar për mua është një vendim i padrejtë. Për drejtësi, besim në ligj, është një nga parimet e mia kryesore. Fakti që më kanë goditur në pikën time më të fortë, në punë, që për mua është ndershmëria e korrektësia ligjore. Më obligon që unë ta vërtetoj këtë juridikisht dhe publikisht, pasi moralisht unë e kam fituar që në momentin që është marrë vendimi për shuarjen e masës së sigurimit. Kam besim se do të fitojë e drejta dhe bashkë me të edhe unë.
Çfarë do të tregoni ju në lidhje me akuzat që keni pasur, si ajo e vjedhjes dhe e shpërdorimit të detyrës?
Akuza e vjedhjes është rrëzuar, por së bashku me të do të duhet të kishte rënë edhe ajo e shpërdorimit të detyrës. Pasi siç thashë më lart, është një vendim i padrejtë, fakti që isha arrestuar në një periudhë politike që ishte krijuar, e cila nuk ishte e mirë. Pasi dokumentacioni që është bazuar drejtësia ka qenë i keqselektuar. Por e drejta do të dalë, pasi vendimin e kam apeluar dhe do të tregoj pafajësinë time. Unë mund të them që arsyet e gjithë asaj që ka ndodhur deri tani, janë përtej kornizës së marrëveshjes së shumëpërfolur.
Si i ka kaluar ditët e burgut ish-drejtoresha e Postës Shqiptare?
Unë në fillim kam qëndruar në një qeli me pesë gra të tjera. Kohët e fundit kam qenë me një grua të thjeshtë. Mundohesha që ta kaloja kohën duke shfrytëzuar energjitë pozitive. Shpeshherë vinin dhe më takonin familjarët e mi.

Hoxhës i bie një akuzë

Luiza Hoxha, ish-drejtoresha e Postës Shqiptare, i pushohet akuza e vjedhjes duke qëndruar vetëm ajo e shpërdorimit të detyrës. Ky është konkluzioni i Prokurorisë së Tiranës pas disa muajsh hetime për ish-drejtoreshën, e cila akuzohej se ka vjedhur 3.2 milionë euro nga shitja e pullave postare. Burime nga prokuroria bënë të ditur se, ndaj ish-drejtoreshës së postës do të ketë vetëm një akuzë, pasi ajo e vjedhjes është pushuar sepse nuk ka prova që vërtetojnë këtë vepër penale. Të njëjtat burime pohojnë se, gjatë hetimeve të organit të akuzës nuk ka rezultuar se Hoxhaj kishte pasuri, të cilat ishin “ndërtuar” nga vjedhja e pullave postare. Këto të fundit janë shitur sipas një kontratë paraprake me një firmë zvicerane. Kështu, mosrezultimi i pasurive si dhe llogarive bankare ka “detyruar” organin e akuzës së kryeqytetit të pushojë akuzën e vjedhjes për ish-drejtoreshën e Postës Shqiptare, Luiza Hoxha. Burime nga ky institucion bënë të ditur se, dosja e ish-deputetes së PS-së është drejt përfundimit dhe do të shkojë në gjykatë vetëm me një akuzë.

Skema që i shkaktoi dëm shtetit

Një hetim njëmujor i Prokurorisë së Tiranës ka nxjerrë në dritë skemën që ka përdorur ish-drejtoresha e Postës Shqiptare, Luiza Hoxha, duke i shkarkuar shtetit një dëm prej 3.2 milionë euro. Burime nga organi i akuzës bënë të ditur se, menjëherë pas kallëzimit të drejtorit aktual të postës ka filluar procedimi. Sipas të njëjtave burime mësohet se, në fillim ish-drejtoresha e Postës Shqiptare si dhe ish-deputetja e PS-së, ka bërë një kontratë paraprake me një firmë zvicerane për shitjen e pullave. Por kjo kontratë është pasuar nga një tjetër, ku në këtë të fundit është vendosur edhe çmimi i pullave postare, i cili ishte 650 mijë euro. E gjithë kjo skemë është bërë vetë nga ish-drejtoresha, Luiza Hoxha, pa dijeninë e Ministrisë së Financave, por edhe pa konsultimin e Këshillit Mbikëqyrës të Postës. Kështu, pasi ka shitur 2 blloqe nga 500 mijë copë secila me një vlerë 650 mijë euro, më pas ish-drejtoresha ka informuar për këtë tender ministrin e Financave. Ky i fundit ka kthyer përgjigjen se ishte dakord me shitjen e pullave postare firmës zvicerane, por me një shumë më të madhe se shitja e tyre reale. Ministri i Financave ka vendosur çmimin 3.8 milionë euro. Ndërkohë, pullat ishin shitur me çmimin 650 euro dhe kjo shitje me këtë vlerë i ka kushtuar shtetit një dëm prej 3.2 milionë euro.

Arrestimi

Specialistët e Seksionit të Luftës Kundër P.P dhe Krimit Ekonomik–Financiar, kanë bërë të mundur arrestimin e Luiza Hoxhës. Ndaj kësaj të fundit, Gjykata e Tiranës kishte vendosur masën e sigurisë arrest në burg, pasi akuzohet për vjedhje dhe për shpërdorim detyre. Ndërkohë, pas hetimit të prokurorisë ka rezultuar se ish-deputetja e PS-së nuk ka asnjë pasuri e cila do të mbante në këmbë akuzën e vjedhjes. Mbi bazën e hetimeve si dhe mbi kallëzimet e deponuara në prokurori nga Drejtoria e Postës Shqiptare, në ngarkim të saj, rezulton se në muajt qershor-korrik të vitit 2005, Hoxha ka përfaqësuar Drejtorinë e Postës Shqiptare në kohën kur kryente detyrën e drejtoreshës së Përgjithshme, duke lidhur një kontratë të paligjshme.

Tirana Observer

[Brari]

me njefjale alfred arap-shyt-zylyftar mejdan ramiz- sallaku me dhor edvin caush ruc-moisiun .. e ligjeruan vampirizmin..
he me i lumte..

[Ozzy]

me njefjale alfred arap-shyt-zylyftar mejdan ramiz- sallaku me dhor edvin caush ruc-moisiun .. e ligjeruan vampirizmin..
he me i lumte..

ka ardhe koha qe sala ta tregoje veten e vet ........

ose te mbaje ato qe premtoje ne kohen e zgjedhjeve ose te pirdhet dhe tja lej vendin nje nejriu tjeter me te zotin
se keshtu vetem duke bo si gam gam si njeri gjysem i cmen nuk ka piken e kuptimit

skandal qe vampirja te dale nga burgu malo se griz fare
porkurori rrezik ka pre biletat me bo pushime ne belgjike cac jevgu kushedi ku e ka ngrejt cadren dhe po bo harem atje dado kurva po shikon se mos gjej ndonje **** tjeter te njome bjonde etc
pra asnjerit nuk po i hyn gjemb ne kembe deri tani eshte koha qe sala ta tregoj veten

[Baptist]

Me 3.2 milion euro qe kishte marre ajo e boj tironen nju jork

Jo ore, po kaq shpenzon shqiperia ne dite vetem per cigare hehehehe
ps.: per kosove e di se shpenzohen rreth 1 milion ne dite, po kjo shte teme tjeter ma merr mendja.

[Brari]

Shkrimtari invalid nga Vlora kërkon që Prokuroria të zbardhë atentatin që iu kurdis në 1997-ën


Shkrimtari nga Vlora, Enver Qama, kërkon që Prokuroria të zbardhë atentatin që iu kurdis në 1997-ën. Qama, ish-sekretar i Këshillit të Qarkut, mbeti invalid pas një akti terrorist që falangat e krimit të organizuar i kurdisën më 1997. Para dy vjetësh, ai i ka kërkuar zyrtarisht kryeprokurorit Sollaku nisjen e hetimeve nëpërmjet një letre, ku shpjegon gjithë rrethanat e atentatit të kryer ndaj tij. Të njëjtën letër, më parë ia kishte dërguar Presidentit të Republikës, Alfred Moisiu, nga i cili kishte marrë përgjigjen "letra iu dërgua për shqyrtim Prokurorisë së Përgjithshme, nga ku do të merrni sqarimet e nevojshme". Por edhe sot e kësaj dite nuk ka marrë përgjigje.


Letra dërguar Sollakut, dy vjet pa përgjigje


Në letrën drejtuar Sollakut, shkrimtari Qama, ndër të tjera shkruan se "më 15 mars 1997, rreth orës 22:25, shtetasi Gentian Memollari kryen aktin terrorist ndaj familjes sime, duke qëlluar me dy karrikatore automatiku në drejtim të shtëpisë sime, ku unë banoja bashkë me nënën, gruan dhe 3 fëmijët, duke shkaktuar dëme materiale. Më 21 mars 1997, rreth orës 07:50, ndërsa unë po shkoja në punë, Gentian Memollari, i pamaskuar, rreth 20m larg derës së Komisariatit të Policisë, në prani të dhjetra qytetarëve, qëllon mbi mua me breshëri automatiku, duke më plagosur rëndë në këmbën e majtë, të cilën e humba plotësisht. Pas daljes nga spitali, më 9 qershor '97, mësova se Gentian Memollari kishte filluar punë në policinë e shtetit, së bashku me të atin Ilmi Memollari. Në vitin 2002, Gentian Memollari arrestohet në Milano nga policia italiane me 21.5 kg drogë dhe burgoset…


Përballja me drejtësinë


Më tej, zoti Enver Qama shkruan: "Duke qenë se në vitin 1997 mungonte totalisht shteti, ne si familje nuk prisnim ndonjë gjë, por sa më shumë kalonte koha, aq më shumë forcoheshin pozitat e Gentian Memollarit. U ngritën disa zëra në Çorovodë, por u thyen prej përgjigjes së Ilir Metës që "kush ka ankesë, t'i drejtohet prokurorisë", dhe ai që kishte guxuar të fliste do të përballej me kërcënimin e Gentian Memollarit. Në fillim të qershorit 2001, mora takim me Avokatin e Popullit, pas një letre që i kisha dërguar, por nuk aritëm në asnjë lloj zgjidhjeje të pranueshme për palët. Më 12 shtator 2002, i shkruaj një letër Presidentit Moisiu si kryetar shteti, për të vënë në lëvizje drejtësinë. Më 7 nëntor 2002, kabineti i Presidentit më kthen përgjigje "... ju sqarojmë se letra juaj iu dërgua për shqyrtim Prokurorisë së Përgjithshme, nga ku do të merrni edhe sqarimet e nevojshme..." firmosur nga Lindita Hanku. Dy muaj më vonë, në shtëpinë time vjen oficeri i Policisë Gjyqësore pranë Prokurorisë së Vlorës, Edison Asdemi, dhe më ftoi në prokurori. Në zyrën e prokurorit të Vlorës, Petrit Cano, sqarova se "unë i isha drejtuar Presidentit të Republikës, Alfred Moisiu, me qëllim që ai të ndikonte për ngritjen e një grupi të posaçëm hetimor nga Prokuroria e Përgjithshme, pasi unë, përveçse Gentian Memollarit, akuzoj edhe Ilir Metën si inspirues dhe mbrojtës të krimit, dhe ky është njeri me imunitet". Pas një muaji, po në zyrën e prokurorit Cano, takohem me prokurorin e Prokurorisë së Përgjithshme, Artan Lulaj, të cilit i parashtrova të njëjtat probleme.Ai më tha se unë duhet t'i jepja një kallëzim oficerit të Policisë Gjyqësore dhe në fund të parashtroja kërkesën për Prokurorin e Përgjithshëm. Kështu veprova. Më 2 prill 2003, më telefon duke qarë vajza ime e martuar në Çorovodë, pasi që prej disa ditësh ndodhej nën presionin e oficerit të Policisë Gjyqësore të Skraparit, me mbiemrin Celobashi, i cili e kërcënonte se po të mos vinte të dëshmonte në polici për ngjarjen, do ta merrte përdhunisht. E kuptova se njerëzit e Gentian Memollarit që kishin hedhur kthetrat e tyre në çdo institucion të shtetit, e ndërmorën këtë veprim që të na detyronin të tërhiqeshim, ndaj i thashë vajzës të rezistonte, se problemin do ta zgjidhja unë.

Më 6 prill 2003 i dërgoj Prokurorit të Përgjithshëm, me faksin Nr. 042/29805, kërkesën për pezullimin e hetimeve nga Prokuroria e Skraparit për arsyet e sipërpërmendura. Dy javë më vonë, në shtëpi më vjen oficeri i Policisë Gjyqësore të Skraparit, Celobashi, i cili më kërkoi një deklaratë se pse nuk isha dakord që hetimet t'i zhvillonte Skrapari. I parashtrova arsyet e mia. Pas rreth një muaji më thërret në takim oficeri i Policisë Gjyqësore të Vlorës, Edison Ademi, i cili më njofton se prokurori i Skraparit ka dërguar një pyetësor: "A dëshiron të përgjigjesh?", më pyeti. Po i thashë. Nga pyetësori kuptova se hartuesit e tij kishin informacion të saktë për ngjarjen, vetëm se kishin treguar kujdes që të largohej çdo hije implikimi të Metës në ngjarje. Unë i mirëkuptova të gjitha.


Kreu i shtetit në rolin e korrierit Presidencë-Prokurori


Pas kësaj, një heshtje 1-vjeçare. Prandaj u detyrova t'i drejtohem përsëri Prokurorisë. "Kërkesa mbetet po ajo, grup i posaçëm hetimor, me të cilin jam i gatshëm të bashkëpunoj. Ju betohem se sa të jem gjallë, këtë punë do të bëj, do të luftoj për të vënë në vend drejtësinë, për të mos lënë fëmijët me hasmëri, gjë që s'ma lejon edukata familjare. Unë jam shkrimtar, jam shqiptar dhe respektoj institucionet shqiptare. Ju ju konsideroj të tillë, mos më zhgënjeni! Vlorë më 12.02.2004. Me respektin tim të përhershëm Enver Qama". Më tej, ai sqaron edhe letërkëmbimin me Avokatin e Popullit, ku shkruan: "Më 2 qershor u takova me Avokatin e Popullit, i cili më tha se e vetmja ndihmë që mund të më jepte, ishte ta çoja letrën në Prokurori. Kur unë i kërkova sigurimin e jetës, ai më tha: "Në Shqipëri askush nuk e ka jetën të sigurt, në këto kushte unë nuk e pranova ofertën e tij".

Një histori letërkëmbimi që nuk ka zgjidhur asgjë, por që të çon në konkluzionin se dosja e këtij krimi të pazbardhur fle në sirtarët e Prokurorisë.

Për qytetarët, davaja ishte e humbur edhe kur e drejta ishte me atë. Rasti i shkrimtarit të mirënjohur Enver Qama është vërtet tronditës. Një histori rrënqethëse ku viktima hiqej zvarrë me shumë operacione nga plumbat, deri në agoni vdekjeje, (një herë vdekje klinike), ndërsa qëlluesit e tij gradoheshin në polici. Kjo ishte dhe fytyra e asaj "policie të specializuar" për të cilën bëjnë kaq zhurmë sot socialistët e implikuar thellë me krimin e organizuar. Kjo ishte fytyra e Prokurorisë, të cilën ë tregon fare qartë letra pa përgjigje e zotit Enver Qama. Dhe në fund, kjo është dhe fytyra e kreut të shtetit, i cili në këtë rast luan rolin e korrierit presidencë-prokurori.

Gëzim LLOJDIA



rd