Ambasador i diplomacise se vdekur

[Kryeplaku]

Po i hidhja nje sy hartes europiane sot dhe vura re se ngjyra blu, e BE, po mbyste kontinentin. Qysh nga Atlantiku e deri ne Stepat ukrainase!

Sigurisht qe nuk behet fjale per Europen e Degolit qe do arrinte deri ne Uralet sovjetike! Behet fjale per kete Europen e re. Europen e pangopesise gjermane, e konservimeve franceze e lojes anglo-amerikane. Behet fjale per kete Europen ku te urriturit lindore, ish kafshe eksperimentale te diktaturave staliniste shikojne nje shprese dhe nje dritare!

Dhe me thene te drejten te gjithe e gjeten dritaren e hapur qe deshen dhe keshtu morri kontinenti ngjyren bojqiell. Nga 15 papartimas numri na u be 25 dhe reth 60 milione qytetare te rinje u pajisen me pasaportat europiane. Vitin e ardhshem Komuniteti pritet te mirpresi edhe reth 25 milione rumuno-bullgaret.

Dhe keshtu Kontinenti behet bojqiell i gjithi! Dhe aty ku bojqielli te mahnit dhe humbesh si nje zog (simbol i komunitetit) duke fluturuar midis endrash dhe aspiratash, sfidash dhe ambiciesh te ketij Kontinenti, papritmas shikimi perplaset mbi nje vrazge te zeze. Te duket si vrima e ozonit, djeg pervelon dhe rezaton negativizht. Eshte Ballkani Perendimor, aty eshte edhe Shqiperia e mjere!

Duket sikur ka mbetur shume mbrapa pjeses tjeter te Kontinentit por edhe mbrapa pjeses tjeter te vet gadishullit (Ballkanit Lindor, Jugor dhe Verior). Mundohet i shkreti por nuk e lejne rehat problemet...

Aty dikur jetonte Jugosllavia dhe tani kane mbetur mbeturinat e saj.... nje kolazh republikash, provincash, kombesishe, minoritetesh, feshe, kulturash, ideologjish, sektesh.... ambiciesh dhe cmirash! Aty u be gjenocidi i fundit europian!

Aty u bene shume gjera te frikshme, te llahtarshme u bene shume... shume... shume...


PO PRA MO E MORREM VESH, po Shqiperia c'lidhje ka me gjithe keto probleme?

C'lidhje ka Shqiperia me problemin jugosllav, c'lidhje ka Shqiperia me perleshjet civile te Jugosllavise, c'lidhje ka Shqiperia me politiken Miloshevic, c'lidhje ka Shqiperia me republikat multietnike ish-jugosllave, c'lidhje ka Shqiperia me fanatizmin kombetar, c'lidhje ka Shqiperia me fanatizmin fetar?

Gjithe keto pyetje askush nuk na i sqaroi!

Megjithate Shqiperine e lane menjane nga e gjithe Europa tjeter dhe e futen ne nje thes me ish-Jugosllavine, gje qe nuk bene as me Bullgarine e as me Rumanine! Vetem Shqiperia paska pasur kaq probleme te jugosllavizuara!

Gjithe Europa Lindore u rras ne BE, Polonia me 40 milione te urritur, Rumania me 20 milione te urritur vitin e ardhshem... kurse 2 milione Shqiptaret ishin problem per Europen! Them 2 milione se 2 milionet e tjere jane bere me kohe qytetar europiane -pavarsisht se i perkasin nje kategorie te dyte. Nuk po permend edhe disa mijera Shqiptare qe jane ose po behen qytetare amerikane!

Pra nuk duket se mjafton as kjo, nuk mjafton qe gjysma e popullsise jemi europianizuar para kohe dhe po bejme kalamaj shqiptaro-europiane te cdo lloj shteti anetar!

Megjithate ketyre zoterinjve i mjaftoi 300 euroshi qe merr me shume ne vit rumani per te futur 20 milione te urritur rumane vitin qe vjen! Keta zoterinjte harruan se para 8 vjetesh ata qe sot qeverisin Kroacine kishin rroba ushtarake dhe duar te lyera me gjak muslimani apo ortodoksi, harruan qe para 4 vjetesh europianistet e Shkupit dergonin elikoptera me predha ne Tetove per te luftuar ate pjese se popullsise qe kerkonte te drejtat themelore njerezore!

Ketyre vetem Shqiperia i dogji.

Me te vertet nuk eshte njecik paradoks?!

E pra eshte per te ardhur turp sesi kemi rene kaq poshte! Eshte per te ardhur turp kur Kroacia, Maqedonia dhe mbase neser edhe vet Serbia duket se e kane rrugen me te hapur se Shqiperia ne BE (mos harrojme qe dy shtetet e para jane bere shtete kantidate per ne BE... kurse ne jemi shume mbrapa akoma)!

Ah po harrova dy shtete te tjera pertej Shqiperise.... Moldavine -pertej Moldavise nuk ka ngelur shtet tjeter lindor me prespektive te hyje ne BE- dhe Turqine...

Turqia eshte muhabet me vete, se nuk ka kaluar as komunizem dhe eshte shtet kantidat ketu e shume vite... pra kemi te bejme me nje lloj tjeter problemi qe kerkon muhabet te gjate, por kurresesi nuk mund te krahasohet me rastin shqiptar.

Moldavia eshte shteti me i varfer i Europes, perbehet nga tre kombesi dhe Moldavezet nuk e kane vendosur akoma nese do e ndajne shtetin midis Rumanise dhe Ukraines apo do vazhdojne te jene bashke. Megjithate Moldavia e ka nenshkruar marreveshjen e asocimit qysh ne 2004!

Te gjitha keto ndodhin dhe europianistet e Kuvendit Popullor kane lene pistoletat dhe kallashat dhe kane veshur dorezat e boksit.... mengjes, dreke, darke kellcet grushti ne Parlament si ne arenat e amerikane te peshave te renda.... djerse, jarge, gjak, te nxirra (ah edhe Milo kur vajti ne Bruksel ishte me sy te nxire... por ate radhe e kishte nga publiku) rroba te grisura.... cfare te duash shef, me te vertet gallat!

Do thoni ju, si eshte e mundur te fshihet lidhja e problemeve shqiptare me ato ish-jugosllave.... e pra ky eshte pikerisht problemi... ku eshte diplomacia jone?

Pastaj del Sala me Fredin edhe zien per ambasadorin.... po cfare te bej ambasadori kur diplomacia shqiptare ka vdekur dhe populli shqiptar e ka humbur bileten e trenit te radhes... dhe pret nese ndonje tren i rastit do kaloj!


RROFTE SHQIPERIA EUROPIANE

[Kryeplaku]

Sondazhi, vendi ynë dhe Turqia të fundit në listën e hyrjes në Komunitetin Evropian

Shqiptarët, më të padëshiruarit në BE

Një ndër dy evropianë kundër anëtarësimit


--------------------------------------------------------------------------------



Sondazhi i eurobarometër, tregon se Shqipëria dhe Turqia janë dy nga vendet europiane më të padëshiruarat në Bashkimin Europian. Një në dy qytetarë të Bashkimit Europian nuk dëshiron që Shqipëria të jetë anëtare të këtij komuniteti. Vetëm 30% e të intervistuarve janë dakort që Shqipëria të pranohet në BE, 50% thonë JO, pyetjes nëse do të donin që të kishin si anëtarë të BE shqiptarët. Në këtë fat si më të padëshiruarit na e kalon vetëm Turqia, për të cilën janë shprehur kundër 55% e qytetarëve të BE-së

Më të pëlqyerit
Ata që duan më shumë hapjen e bashkimit europian dhe zgjerimin me vendet e reja janë 10 anëtarët e rinj të komunitetit. Megjithatë në Letoni, Lituani dhe Qipro, ka nivele më të larta të kundërshtimit për zgjerimin, ndërsa në në Estoni, Maltë, Sllovaki dhe Poloni, njerëzit duken më pak të sigurt për idetë e tyre lidhur me zgjerimin. E analizuar në detaje, mbështetja për zgjerimin e mëtejshëm shpreh mbështetje për pranimin e tre vendeve anëtare të Shoqatës Europiane e Tregtisë së Lirë, Islanda, (68 për qind) Norvegjia (77 përqind) dhe Zvicra (77 për qind). Mbështetja është e madhe edhe për Kroacinë (51 për qind) dhe Bullgarinë (48 për qind). Opinioni publik është më i ndarë për Rumaninë, Ukrainën, Maqedoninë, Bosnje-Hercegovina dhe Serbinë e MALIN E Zi. Përfundimisht, një shumicë e qartë qytetarësh duket se kundërshtojnë anëtarësimin e Turqisë dhe Shqipërisë; 55 për qind and 50 për qind e qytetarëve janë kundër aderimit të tyre në Bashkimin Europian.

Zgjerimi
Afërsisht gjysma e qytetarëve europianë e mbështesin zgjerimin e mëtejshëm, por diferenca mes atyre që janë pro dhe atyre që janë kundër po ngushtohet. Sondazhi i fundit tregoi se 49 për qind e të intervistuarve në 25 vendet anëtarë të BE-së mbështesin zgjerimin në vitet në vazhdim dhe 39 për qind e kundërshtojnë atë. Edhe pse këto shifra janë shumë të afërta me ato të sondazhit të kryer në pranverën e vitit 2005, një kufizim i diferencës mes palëve pro dhe kundër është vënë re, gjë që paraqet një qëndrim edhe më kritik ndaj zgjerimit të mëtejshëm.
Opinioni publik për zgjerimin vazhdon të jetë i paqëndrueshëm dhe të variojë nga njëri vend në tjetrin në mënyrë domethënëse me mbështetjen më të madhe të regjistruar në Greqi (74 për qind), Slloveni (74 për qind) dhe Poloni (72 për qind). Kjo kontraston dukshëm me rezultatet e sondazhit në Austri, Luksemburg, France dhe Gjermani, ku përafërsisht 6 nga 10 të intervistuar janë kundër zgjerimit. Në vendet kandidatet dhe në fazën e pranimit 7 nga 10 persona të intervistuar mbështesin zgjerimin, me përjashtim të Turqisë, ku niveli i mbështetjes ka rënë nga 66 për qind në pranverën e vitit 2005 në 52 për qind në vjeshtën e vitit 2005.

Shqetësimet
Pesimizmi i europianëve shprehet në situatën e ekonomisë kombëtare si dhe punësimit. Papunësia ende është një ndër shqetësimet kryesore, edhe pse më pak se në pranverën e vitit 2005. Tani 44 për qind e të intervistuarve thonë se ky është një ndër shqetësimet më të mëdha të tyre. Në pranverën e vitit 2005, 57 për qind e të intervistuarve shprehin shqetësim për papunësinë që kishte prekur një spektër të gjerë të popullatës në vendet e BE-së. Situata ekonomike është një tjetër shqetësim. Në masën 26 për qind, kjo gjë nuk ka ndryshuar në krahasim me sondazhin e parë. Në 15 vendet e vjetra anëtare, shqetësimi prek 4 për qind të popullsisë në Irlandë deri në 43 përqind në Gjermani. Në vendet e reja anëtare, kjo është më e përhapur në Maltë (44 për qind) dhe më pak e përhapur në Estoni (16 për qind). Për një europian në katër, krimi është shqetësim serioz me të cilin përballen në vendet e tyre (24 për qind). Ky shqetësim prek nga 10 për qind të popullsisë në Maltë në 46 për qind në Lituani.

SHQIPERIA
Jemi të parafundit në listën e të pëlqyerve të BE dhe të qytetarëve të saj. Në fund të listës si më të papëlqyerit janë turqit dhe shteti i tyre.

RENIA
Ne krahasim vetëm me tre muaj më parë Shqipëria ka humbur disa pikë në pëlqyeshmërinë e vendeve të BE. Rënien më të madhe ajo e ka mes vendeve të reja anëtare. Ndërsa në mes të vendeve më të vjetra rënia është rreth 3 përqind

Terrorizmi
Shumë njerëz e konsiderojnë terrorizmin si një çështje jashtëzakonisht të rëndësishme. Por ky shqetësim është i kufizuar përdisa vende dhe në veçanti ato ku sulmet terroriste kanë ndodhur ose kërcënimet terroriste janë bërë të ditura

ANETARESIMI
Pas pranimit të dhjetë vendeve të reja anëtare në BE, mendimi i përgjithshëm se anëtarësimi i një vendi në BE është një gjë shumë e mirë ka pësuar një rënie të lehtë nga 54 në 50 për qind.

TE PELQYERIT
Islanda, 68%, Norvegjia 77% dhe Zvicra 77%, janë në krye të listës së vendeve të pëlqyera. Mbështetja është e madhe edhe për Kroacinë 51% dhe Bullgarinë 48%

SONDAZHI
Sondazhi i eurobarometër tregon preferencat e qytetarëve të BE në lidhje me zgjerimin e komunitetit si dhe për shqetësimet që kanë aktualisht qytetarët e BE.

KUSHTETUTA
Mbështetja për Kushtetutën Europian mbetet e gjerë. Pavarësisht nga rezultatet negative të referendumeve në Francë dhe Holandë, mbështetja për idenë e Kushtetutës Europiane mbetet e përhapur.


Gazeta Shqiptare 28/02/06