Levizja VETËVENDOSJE!

[vrojtuesi]

a jan kta ata qe ja cpojn gumat kerrave te unmikut?

Kujt i duket UNMIKU i tepert ne Hapsirat e ish Jugosllavise?

Kujt ja don zemra mos me pas UNMIK ne Kosove?

SERBISEEEEEEEEEEEEEEEEEEEEEEEEEEEEEEEEEE..

askujt tjeter..

Me ja cpu gumen Kerrit te Unmikut..do me than.. ik bre Unmik.. qe je ktu si pas ardhese e Natos.. e eja ti qe je msu me qen ne Kosove.. me kerrat e blinduar qe albini vec mund tja rruaj bethen.. pra eja Serbi..

prandaj larg nga albinat e Demaqit..
Ata jan aventurier te rrezikshem..

Brari ti nuk e ke idenë se çfarë hajnishë të mëdha kanë bërë njerëzit udhëheqës të UNMIK-ut dhe çfarë ligjesh të mbrapshta kanë instaluar në Kosovë.

Ata kanë dëmtue rëndë shum veprimatari të jetës në Kosovë! Prej pensionistëve e deri te veprimtaritë ekonomike! Kanë bllokuar gadi çdo gjë që ka qenë normale!

UNMIK-u nuk është KFOR !!!

Ka edhe shum e shum gjëra tjera që ti me siguri se nuk i di duke shiquar FASADËN E JASHTME!
NUK QËNDRON PROBLEMI TE ALBINI ME SHOKË! POR TE SHOKËT E UNMIK-ut!

Te njërëzit që punojnë aty e me ta qofshin ata të huaj apo shqiptarë në bashkëpunim me të huajt !

Po ta përsëris atë që e kisha postuar në temën e ngjashme.

http://www.forumishqiptar.com/showth...t=37278&page=2

UNMIK apo ANMIK

--------------------------------------------------------------------------------

Qysh kur u instalua pushteti i UNMIK-ut në disa gazeta lindi dilema e leximit origjinal të emrit UNMIK apo ANMIK. Kjo nuk ishte e rastit sepse u dëshmua që prej ditës së parë se ata përveç se u munduan të na ndihmojnë bënë edhe shum dëme në shum lëmi të jetës kosovare. Si çdo kosovar kam pasur punë me ta prej nxerrjes së letërnjohtimit, pasaportës e deri në iks raste të punës sime zyrtare ku modoemos kohë pas kohe më duhet të takohem me përfaqësues të tyre. Në ndonjë vazhdim tjetër të polemikës mund të japë edhe raste konkrete të cilat më duhet ti rifreskoj sepse datojnë prej 1999 - tës e deri më sot.

Megjithatë këtu po e iu përcjell edhe adresën e fotogalerisë ku Lëvizja e Albin Kurtit përballet me UNMIK-un dhe adresën zyrtare të UNMIK-ut.

http://www.vetevendosje.org/gallery/...s.php?album=50

http://www.unmikonline.org/


TUNG

u kishte shënuar në veturat e tyre Albini me shokë!

UNMIK-u po shkon!

--------------------------------------------------------------------------------

Me këte titull bombastik me shkronja të mëdha në faqen e parë e fillonte dje me 2 qershor, "Koha ditore" tekstin në faqen e saj të parë. Më pas pasojnë shpjegimet e hollsishme se kur mund të ndodhë kjo që e kishte thënë vetë shefi i UNMIK-ut.

[vrojtuesi]

Lëvizja VETËVENDOSJE! organizon demonstratë popullore
Friday, 02 June 2006


Sot, Lëvizja VETËVENDOSJE! mbajti një konferencë shtypi. Aty u njoftua për demonstratën popullore të cilën do ta organizojmë në bashkëpunim me shumë shoqata, organizata e grupacione tjera shoqërore, politike, ekonomike dhe kulturore kundër regjimit të padrejtë politik të UNMIK-ut. Demonstrata kërkon ndërprerjen e proceseve të dëmshme politike në vendin tonë siç janë decentralizimi, negociatat me shtetin serb si dhe krijimin e Zonave të Veçanta përreth objekteve të besimit ortodoks; kërkohet zbatimi i përnjëhershëm dhe i pakusht i vullnetit të popullit, vetëvendosjes; kërkohet shfuqizimi i Rezolutës famëkeqe 1244, të cilën e zbaton UNMIK-u në Kosovë, e i cili nuk është projekt politik i popullit të Kosovës. Për më keq, kjo Rezolutë, përveç që është në shpërputhje me interesat e qytetarëve të Kosovës sepse angazhohet për ruajtjen e integritetit territorial të ish RSFJ-së, tash Serbisë, ajo, në pikën 4 të saj parasheh edhe kthimin e një pjese të forcave policore dhe ushtarake serbe në disa pjesë të vendit tonë. Kurse në nënpikën (e) të parimit 11, kjo Rezolutë shpreh zotimin për zgjidhjen e statusit politik të Kosovës në përputhje me Marrëveshjen e Rambujesë, e cila Kosovën e sheh si pjesë të Serbisë. Më 10 qershor, kësaj Rezolute do t'i vazhdohet mandati me automatizëm. Të mos e lejojmë një gjë të tillë.

Demonstrata mbahet të enjten, më 8 qershor 2006, në orën 12:00, përpara selisë qendrore të UNMIK-ut në Prishtinë.

PËR TË PLOTËSUAR INFORMACIONET E TË INTERESUARVE PO IU CITOJ DISA NGA PYETJET QË NJË ORGANIZATË NDËRKOMBËTARE ME RENOME NË KOSOVË I KA VENDOSUR NË PYETËSORËT E SAJ NË ANKETËN QË ËSHTË DUKE E ZHVILLUAR QE 10 DITË NËPËR SHUMICËN E QYTETETEVE TË KOSOVËS

Pyetja A2. Sipas mendimit tuaj kush është përgjegjës për situatën e tanishme politike?

1. UNMIK-u
2. Institucionet e Përkohshme të Kosovës
3. Partitë politike
.
.
.


A3. A do bashkangjiteshit protestave eventuale për shkak të situatës së tanishme politike?

1. Po
2. Jo
3. Pa përgjigje


A16. Sa jeni të kënaqur ose të pakënaqur me punën e ...
- UNMIK-ut ,
- Jessen petersenit,
- Fatmir Sejdiut,
- Agim Çekut,
- OSBE-së,
- Policisë së UNMIK-ut,
- Policisë së Kosovës,
- TMK-së ......

A55. A i përkrahni aktivitetet /idetë e "Vetvendosjes", lëvizje e Albin Kurtit?

- I përkrah plotësisht dhe do të bashkangjitem nëse ftohem
- I përkrah, por nuk bashkangjitem
- I përkrah deri diku
- Nuk i përkrah
- Fuqimisht i kundërshtoj
- Nuk kam qëndrim
- Refuzoj të përgjigjem




A62 ...... Ju personalisht a mendoni të migroni nga Kosova?
Nëse PO

A64. Në Cilin vend/shtet do të emigronit?
1. Gjermani
2. Zvicër
3. SHBA

[dibrani2006]

Nuk e di kush e perkrahen vetvendosjen pse pas lufte interesant por nese eshte vetvendosje si duhet eshte mire por?

[ARIANI_TB]

ZIKPRESS
Nga takimi me përfaqësues të mediave

Arrestime me vendime politike dhe për qëllime politike, LPK kërkon lirimin e menjëhershëm të të arrestuarve

Prishtinë, 10 qershor 2006
Kryetari i Lëvizjes Popullore të Kosovës, Emrush Xhemajli, ka mbajtur sot një takim me gazetarë ku ka prezantuar qëndrimin e LPK-së për demonstratën e 8-9 qershorit.
Lëvizja Popullore e Kosovës dënon dhunën e panevojshme të ushtruar nga policia, dje në Prishtinë, kundër demonstruesve. Ndërsa arrestimet e aktivistëve të Lëvizjes Vetëvendosje! Albin Kurti, Liburn Aliu etj, si dhe të disa veprimtarëve të LPK-së, në mesin e të cilëve edhe Naim Zhitia anëtar i Kryesisë, që ende po mbahen në arrest, janë bërë me vendime politike dhe për qëllime politike.
LPK kërkon që ata të lirohen menjëherë.
Megjithatë, demonstrata, për mendimin e LPK-së ka domethënien dhe mesazhin e vet të qartë. Tupani bie për ata që kanë vesh.
Merre me mend deri ku ka arritur spekulimi. Demonstrata ku kërkohet vetëvendosja shpallet si demonstratë kundër një forme të saj, pavarësisë. Kuptohet spekulantët politik fjalën e kanë për pavarësinë e cila nuk është, por e cila premtohet dhe sabotohet njëkohësisht e sistematikisht nga vetë ata për të fituar kohë.

http://www.lpk-kosova.com/index.html

[ARIANI_TB]

Demonstratat e Qershorit në Prishtinë paralajmërim
për stuhi të reja në Kosovë!

Qëndrimi i palëkundur i Lëvizjes Vetëvendosje, për të arritur të drejtën
legjitime të VETËVENDOSJE, gjeti përkrahje të fuqishme jo vetëm nga
anëtarët dhe simpatizantët e saj, por edhe nga subjekte të tjera politike
përparimtare simotra.

Shkruan: Fadil SHYTI

Kushtrimi u dha më 7 qershor 2006, ndërsa më 8 qershor kjo u bë realitet.
Në rrugët e Prishtinës, marshuan revoltueshëm dhe krenarisht djemtë e
cucat më trima e trimëresha të Kosovës, por si kurdooherë në ballë i kishin
udhëheqësit popullorë e jo "institucionalo-puthadorët" e të huajve
unmik-as, të cilët nga sundimi kolonialist dhe pro-serbian , ua kanë bërë
jetën ferr shqiptarëve të Kosovës.

Pra, në ballë të demostruesve qëndronte djaloshi sypatrembur dhe
politikologu i zgjuar Albin Kurti, pastaj përkrah i gjendej simboli i
rezistencës sonë kombëtare, Adem Demaçi pastaj, atdhetari i pathyeshëm i
stuhive të luftës, Emrush Xhemaili i cili e sfidoi rreptë parlamentarizmin
zvarraniko-unmikist, të Prishtinës, pastaj veprimtari i çështjes kombëtare,
Rexhep Ahmeti e të tjerë...
Demonstarat e 8 qershorit 2006 fillimisht për naivët sikur dukej se do
pritej me gjakftohëtësi nga qarqet e brendshme dhe të jashtme, politike
por, fatkeqësisht kjo ngjau vetëm disa orë, derisa u mor vendimi nga
shërbimet e huaja që "të fortët" me stupca në krah, pra e ashtuquajtura,
SHPK , të vërsulen pamëshirë mbi demonstruesit paqësorë.
Në natën e 9 qershorit pikërisht në ora 3.00 në të gëdhirë, hijenat
shqipfolëse ish - policicët e UDB-së, ose pinjollët e tyre u vërsulën mbi
demonstruesit; i rrahën, i maltretuan, pastaj dhjetëra prej tyre i
burgosën; kurse sot derisa demonstrata po bëhej me një ritëm të pathyeshëm,
në ora 11.30 nga policia unmikase u arrestua edhe udhëheqësi, Albin Kurti.

Me këtë rast se ç´mu kujtua kënga revolucionare:

Milic hor gjumbleta,
Shih ku t´çon kuleta,
Parja moj e shkreta,
Me e vra vëllaun tënd!...

Duke bërë këtë "aleatët", zotërinjtë e huaj dhe vazalët e tyre mjeranë,
mendojnë se do ta shuajnë revoltën e popullit shqiptar.
JO !
Duke menduar kështu, ata bëjnë gabim të rëndë në projektimin e tyre për ta
shtypur të drejtën e kombit tonë për VETËVENDOSJE, duke bërë këtë fushatë të
tmerrshme mbi demonstruesit ata edhe më tej po e tregojnë fytyrën e vërtetë
të shtypjes dhe të kolonializmit!

Përvoja historike e popullit tonë dhe e popujve të tjerë liridashës na mëson
që kur shkilet drejtësia me egërsi, pastaj pasojnë konskuenca të
pariparueshme, të cilat në rastin e Kosovës mund të shpiejnë tek situatat
kritike të cilat askush me mend në kokë nuk i dëshiron; këto sulme të
egëra mbi çlirimtarët, shpiejnë drejt luftës civile!

Në rast se ngjanë kjo, bota demokratike do të bie në provimin e saj historik
të fillimshekullit 21, për faktin se ia mohoi të drejtën tepër legjitime një
kombi prej 2 miljonë banorësh, për të vendosur vet për fatet e tij.
Prandaj, duke e vështruar nga ky kënd situatën konstatoj që përgjegjësia për
këtë gjëmë të " re", do t´i bie automatikisht klasës politike shqiptare në
" pushtet", e cila po e pranon turpësisht rezolutën 12444 e cila ia njeh
sovranitetin e Serbisë mbi Kosovën.
Por, jo vetëm kjo klasë politike do të bie në provim por, natyrisht edhe GK,
OKB-ja.
Por, peshën më të madhe të turpit do ta bartin edhe ata shqiptarë të të
gjitha shtresave shoqërore të Kosovës e në veçanti intelektualët të cilët me
kohë nuk po i dalin zot atdheut, ata të cilët po heshtin si mumjet dhe nuk
po dalin t´ i përkrahin hapur kërkesat e drejta të demonstruesve.
Po çfarë po kërkojnë këta flakadanë lirie?
Po kërkojnë të hiqet UNMIK-u, bashkë me rezolutën famëkeqe 1244 e cila po ia
zë frymën Kosovës dhe kombit shqiptar.
Të hiqen nga skena politike ata/ato, të cilët qe 7 vjet e rropën popullin e
Kosovës, nga ethet e korrupsionit, të sëmurë nga kjo plagë e shoqërisë
"demokratike", ata e kanë humbur torruan, janë bërë "supermenë" çdo ditë me
betimin e pavarësisë së Kosovës, po i hedhin hi syve popullit dhe nuk po
bëjnë asnjë hap përpara në historinë tonë të re; këta "politikanë" mashtrues
edhe kur po hapërojnë , po hapërojnë prapakthehu!
Dëshmia më e hidhur e tyre janë të ashtuquajturat negociata me Serbinë, të
cilat nën maskën e zgjidhjes së çështjes së Kosovës, po e ndajnë Kosovën me
të ashtuqujturin "decentralizim"!...
Menjëherë pas ngjarjeve të hidhura në Prishtinë, nuk vonoi dhe në tribunë
para gazetarëve doli "mbreti i përrallave demokratike", Jesen Petersen i
cili duke i komentuar protestat e Lëvizjes Vetëvendosje ai tha se nuk e
kupton atë që po e bëjnë!!!
Jam i bindur se armiqtë e pavarësisë së Kosovës, kur i shohin këta njerëz
duke protestuar, do të jenë të lumtur - tha Petersen.
Por, Petersen nuk ka thënë asnjë fjalë përse shqiptarëve u janë shtuar edhe
13 standarde të tjera, ashtu siç nuk ka sqaruar deklaratën e bërë në
Maqedoni se pavarsisht nga vullneti i shumicës do të jetë pakica ajo që do
të përcaktojë statusin e Kosovës.
Sipas logjikës së rrjedhur prej matufllëkut të tij: Adem Demaçi, Emrush
Xhemaili, Rexhep Ahmeti Albin Kurti dhe gjithë ajo rini heroike dhe popull i
Kosovës që po demonstron, qenkan armiqtë e saj, ndërsa ky me servilët e tij,
institucionalistët shqipfolës që po krekosen edhe për rikthimin e një pjese
të policisë së MUP-it në Kosovë, na qenkan miqtë e saj!!!
NO KOMNENT!

Duke e përfunduar këtë shkrim-revolte do të shtoja vetëm edhe një

FTESË:

për popullin shqiptar, që e bëri atdhetari Albin Kurti, para dy netësh kur
tha në RTK: "ne duam të bëjmë REVOLUCION, ne duam t´i fitojmë të drejtat
tona duke u bërë pengesë për UNMIK-un, do të bëhemi barrikadë me trupat
tona"!

Popull i shumëvuajtur shqiptar!

Zgjohu brenda e jashtë atdheut, bashkohu me demonstruesit në Prishtinë dhe
demonstro me dinjitet kudo nëpër botë!
Zgjeroj dhe forcoj radhët për të vendosur vet për fatet tua, ashtu siç
vendosën e po vendosin me dinjitet kombet në ish-republikat tjera të cilat
deri dje vuanin nën shtetin më gjenocidal në botë, në ish-Jugosllavinë
titiste.
Mos lejo që për fatet tua të vendosin të tjerët, sikur para 128 vjetësh, në
Konferencën famëkeqe të Berlinit.
LSHP, na grishë për QËNDRESË!

PËRPARA! QËNDRO SHQIPTAR!

Suedi, 9 qershor 2006

[vrojtuesi]

PËR TË PLOTËSUAR INFORMACIONET E TË INTERESUARVE PO IU CITOJ DISA NGA PYETJET QË NJË ORGANIZATË NDËRKOMBËTARE ME RENOME NË KOSOVË I KA VENDOSUR NË PYETËSORËT E SAJ NË ANKETËN QË ËSHTË DUKE E ZHVILLUAR QE 10 DITË NËPËR SHUMICËN E QYTETETEVE TË KOSOVËS

Pyetja A2. Sipas mendimit tuaj kush është përgjegjës për situatën e tanishme politike?

1. UNMIK-u
2. Institucionet e Përkohshme të Kosovës
3. Partitë politike
.
.
.


A3. A do bashkangjiteshit protestave eventuale për shkak të situatës së tanishme politike?

1. Po
2. Jo
3. Pa përgjigje


A16. Sa jeni të kënaqur ose të pakënaqur me punën e ...
- UNMIK-ut ,
- Jessen petersenit,
- Fatmir Sejdiut,
- Agim Çekut,
- OSBE-së,
- Policisë së UNMIK-ut,
- Policisë së Kosovës,
- TMK-së ......

A55. A i përkrahni aktivitetet /idetë e "Vetvendosjes", lëvizje e Albin Kurtit?

- I përkrah plotësisht dhe do të bashkangjitem nëse ftohem
- I përkrah, por nuk bashkangjitem
- I përkrah deri diku
- Nuk i përkrah
- Fuqimisht i kundërshtoj
- Nuk kam qëndrim
- Refuzoj të përgjigjem




A62 ...... Ju personalisht a mendoni të migroni nga Kosova?
Nëse PO

A64. Në Cilin vend/shtet do të emigronit?
1. Gjermani
2. Zvicër
3. SHBA

Ky hartuesi i anketës siç po shifet po e njihka mirë situatën në Kosovë apo jo??!!


Albin, me paraqitjen në emisonin "Jeta në Kosovë" e ke prish pak për mua e për disa tjerë bukur shumë!

Kur të ka provokuar me pyetje Adriatik Kelmendi në emisionin tjetër kam qenë në anën tënde kurse tani te Jeta Xharra u "shplove" vet!

Shifej i kishe disa gjëra të pakjarta sa i përket ardhmërisë së Kosovës!

Tjetër herë mos u ngut e përgatitu ma mirë nëse ndodh që të thrrasin pas kësaj që ndodhi dje!
Mos u mundo të japësh përgjigje edhe për ato gjëra që nuk i njeh mirë!
P.sh. Ekonomia, ushtria etj!

[King_Arthur]

une e mbeshtet kete levizje dhe eshte nje kerkese e drejte e tyre .







RROFTE SHQIPERIA ETNIKE

[laguna blu]

Albin, me paraqitjen në emisonin "Jeta në Kosovë" e ke prish pak për mua e për disa tjerë bukur shumë!

Kur të ka provokuar me pyetje Adriatik Kelmendi në emisionin tjetër kam qenë në anën tënde kurse tani te Jeta Xharra u "shplove" vet!

Shifej i kishe disa gjëra të pakjarta sa i përket ardhmërisë së Kosovës!

Tjetër herë mos u ngut e përgatitu ma mirë nëse ndodh që të thrrasin pas kësaj që ndodhi dje!
Mos u mundo të japësh përgjigje edhe për ato gjëra që nuk i njeh mirë!
P.sh. Ekonomia, ushtria etj!

I dashur Vrojtues,

ndonëse në shkrimet tuaja ka një dozë intelektualiteti dhe incisiviteti të theksuar, kur ështe në pyetje Albin Kurti dhe lëvizja e tij "Vetëvendosje" sikur çaloni i çikë me përcaktimin Tuaj. A është Albini dhe Albinat alternativa e ardhshme politike e Kosovës? A i bën më shumë dëm apo dobi një paraqitje e tillë e kësaj lëvizjeje politike zhvillmeve në Kosovë, do të duhej të ishin çështje në të cilat Ju si intelektual është dashur të keni një qëndrim të qartë që nga fillimi e jo të prisni nga emisioni në emision të bëni tifozllëk apo jo për "Vetëvendosjen" e Albinit.
Unë mendoj se kjo lëvizje assesi nuk mund të jetë alternativa e ardhshme politike e Kosovës dhe se paraqitja e saj më tepër e dëmton imazhin politik të Kosovës edhe ashtu jo aq për tu lavdëruar.
OKB -ja si organizatë dinosaure ndërkombëtare dhe burokratike, gjithsesi se ka të metat e saj dhe joefiçienca e këtij organizmi (Unmiku si filallë e instaluar në Kosovë) ka qenë objekt polemikash e debatesh të pafund mes SHBA-ve nga njëra anë e OKB-së nga ana tjetër aq sa është vënë edhe në pikëpyetje oportuniteti i ekzistimit të saj.
Por kur më kujtohet papërgatitja totale e "lidershipit" të korruptuar shqiptar për tu marrë seriozisht me fatet e Kosovës them më mirë të kemi një Organizatë ombrellë si Unmiku me të gjitha të metat që ka në Kosovë, organizatë që po na e ruan identitetin tashmë të krijuar territorial, se sa ky identitet të shpërbëhej në pak kohë nga të korruptuarit vendës që fragmente të caktuar të Unmikut i përdorin për të mbuluar malverzimet e veta...
Para se ta ngrini gishtin kundër një Organizate të huaj, që në një mënyrë legjitimoi politikisht ndërhyrjen e NATO-s në Kosovë, do të ishte më mirë të pyesnim vehten se sa ishim të aftë për ta çliruar Kosovën dhe tash kur është e lirë ajo, sa jemi të aftë ta bëjmë vend sovran e të prosperuar...? Sepse popujt që e kanë merituar lirinë, sot kanë probleme i çikë më të vogla nga ne...

[ARIANI_TB]

Dy negociatorët

Politikanët negociator të Kosovës, takohen më shpesh me UNMIK-un dhe gjithfarë politikanësh e diplomatësh që vijnë si emisarë nga bota, sesa ndërmjet vete. Për takimet e tyre me qytetarët që kinse i përfaqësojnë s’ka se as çfarë të flitet. Madje, këta negociatorë kosovar edhe kur takohen mes vete zakonisht janë të shoqëruar edhe me ca zyrtarë ndërkombëtarë aty pranë. Nëse gjatë këtyre takimeve bisedojnë ndonjëherë ndaras nga ndërkombëtarët ata menjëherë ndjehen disi me faj dhe sakaq i afrohen ndonjërit prej tyre që i vëzhgon. Ndërkaq, kur dalin jashtë sallave e zyreve të mbledhjeve në pauzat e kafes apo drekës, atëherë ngjajnë me ca nxënës të cilët kanë dalur në pushimin ndërmjet orëve të mësimit në korridor dhe asgjë nga ato që bisedojnë nuk ka të bëjë më me mësimin. Pushimi është argëtim, zbavitje, është arratisje nga ajo që është e mundimshme, e që në rastin tonë është pikërisht çështja e Kosovës.

Marrëdhëniet e këtilla janë faktor i rëndësishëm që jo vetëm afirmon pushtetin e UNMIK-ut mbi ta por edhe ia lehtëson atij menaxhimin politik. UNMIK-u takon veçmas secilin, pastaj i takon nga disa, i takon shumicën së bashku, dhe analizon i qetë atje lart se si të sundojë sa më lehtë me këta poshtë.

Edhe atëherë kur rastis që kryetarë ose nënkryetarë të partive politike të takohen pa ndërkombëtarët në tavolinë, si gjithnjë në ndonjë restoran luksoz ku darka për person kushton më shumë se pensioni apo asistenca sociale mujore, edhe atëherë, ata nuk takohen për çështjen e Kosovës, për hallet e popullit dhe të ardhmen e tij, por ata zateten për probleme të partive të tyre politike, për koalicionet, intrigat, dredhitë që janë bërë, po bëhen dhe ato që mendojnë t’i bëjnë, për aleancat për ta sjellur dikë në ndonjë pozitë dhe për ta rrëzuar një tjetër nga pozita aktuale, për bizneset e pista në llogari të xhepit të qytetarëve etj.etj. Zaten, UNMIK-u dhe Qeveria e Kosovës i kanë ndarë zonat e interesit: UNMIK-u pasuritë e Kosovës (ndërmarrjet publike dhe shoqërore), ndërsa Qeveria djersën e popullit (buxhetin e Kosovës i cili shpenzohet aq shumë për ta mbajtur vetë Qeverinë!). Shqetësimet dhe brengat e tyre janë brenda llojit të tyre, një lloj ky i shkëputur nga populli dhe mirëqenia e tij që mungon. Të hysh në politikën zyrtare në Kosovë do të thotë të hysh brenda kornizave të një sistemi të huaj që i është mbivendosur padrejtësisht popullit të cilin e shtyp. Hyrja në këtë sistem është dalje prej popullit. Ngjitja në këtë sistem është largim prej popullit. Andaj, politikanët që bëhen kryeministra, rejtingun më të mirë e kanë ditën e parë të punës. Një ditë më pas ai fillon të bjerë pa u ndalur deri në momentin kur të shtrydhur si limoni e hudhin tutje. Ka një barcoletë për këtë gjë. E kishin pyetur Bajram Kosumin pse kishte dhënë dorëheqje. Bajram Kosumi ishte përgjigjur: “Nuk më treguan!”.

Ndonëse e përbashkëta e këtyre politikanëve të sistemit, kryesorët prej të cilëve po negociojnë me Serbinë, është aq e madhe saqë s’ka aq letër e durim që të përshkruhet e shpjegohet, kjo s’do të thotë se të veçantat e tyre janë të vogla. Mirëpo, as ato nuk janë të rastësishme, dhe atë, mu në masën që janë të projektuara për nevojat e proceseve të nisura e të kontrolluara nga regjimi antidemokratik i UNMIK-ut. Këtu po i trajtoj shkurtimisht dy eksponate gjithnjë e më të rëndësishme, ngase gjithnjë e më të dëmshme: Lutfi Hazirin dhe Bajram Rexhepin.
Lutfi Haziri, ishte kryetar i Komunës së Gjilanit dhe Kryetar i Asociacionit të Komunave të Kosovës. Jo rastësisht ai u zgjodh për promovimin e decentralizimit dhe për shtyerjen e decentralzimit sa më lartë në agjendën politike vendore. Dhe mandej, pikërisht Lutfi Haziri bëhet Ministër i Pushtetit Lokal. Tashmë dihet se decentralizimi më së shumti e rrezikon Anamoravën duke e rrethuar e izoluar kësisoj Luginën e Preshevës. Pra, një person i cili ka lindur në Llovc të komunës së Gjilanit, dhe i cili është ‘rritur’ politikisht në Gjilan, e zgjedhin për promovues dhe bartës të decentralizmit në Kosovë, një projekt ky që e ka origjinën në Beograd. Kohëve të fundit, Lutfi Haziri i ka shpeshtuar deklaratat për atë se si nuk do të ketë marrëveshje të pjesshme në Vjenë pa u arritur marrëveshja për tërësinë, për statusin e Kosovës. Paralelisht me këtë, ai ka zënë t’i përmend ca elefanta duke aluduar në faktorët e fuqishëm ndërkombëtar dhe për atë se si ata nuk do të na pyesin neve. Me këtë deklaratën e dytë, Lutfi Haziri sigurisht se mëton të shfajësohet paraprakisht për atë që ende nuk ka ndodhur por që ai e ndjen se do të ndodhë e të cilën gjë ia fsheh opinionit publik – faktin se decentralzimi do ta fragmentojë Kosovën përderisa kjo s’ka sovranitet. Ndërkaq, me deklaratën e parë ai mundohet ta relaksojë popullin dhe ta mjegullojë një fakt tjetër – oferta kosovare për komunat e reja edhe vetëm si e tillë është e tmerrshme e lëre më që kompromisi do të jetë edhe më poshtë se kaq. Me këso ofertash, negociatorët kosovar po e zbresin keqas pazarin, po e definojnë shumë ultë maksimumin dhe me këtë sjellje të tyren këta padyshim se kanë përgjegjësi historike për vendimet që do të merren.

Në anën tjetër, Bajram Rexhepi u zgjodh nga UNMIK-u dhe qarqe të caktuara ndërkombëtare që ta bëjë koncesionin e pafalshëm për Mitrovicën si një qytet me dy komuna. Edhe ky, aspak rastësisht. Bajram Rexhepi, vjen vetë nga Mitrovica, gjatë luftës i ndihmoi e shërbeu UÇK-së, andaj është besuar se ka kredibilitet të mjaftueshëm për të lëshuar pe pa pasur ndonjë reaksion të fuqishëm popullor që do ta kundërshtonte. Se Bajram Rexhepi është i gatshëm për këtë lojë në kurriz të Kosovës, UNMIK-u i kishte disa dëshmi. Bajram Rexhepi në qershor të vitin 1999 nuk ndërrmori asgjë që organizohej vendosja e UÇK-së në veri; Bajram Rexhepi nuk bëri asgjë që të integrohej Mitrovica edhe pse pas luftës ishte për vite me radhë kryetar komune aty; Bajram Rexhepi gjersa ishte kryeministër i Kosovës, saktësisht me datën 23 korrik 2004, e bëri projektin e decentralizimit projekt qeveritar vendor; Bajram Rexhepi ishte punëtori më i devotshëm i UNMIK-ut gjatë demonstratave të 17 e 18 marsit të vitit 2004. Dhe tash, Bajram Rexhepi duke propozuar komunën serbe në veri të Mitrovicës e legalizoi pastrimin etnik që iu bë atje shqiptarëve në shkurt të vitit 2000, me ç’rast ky vetëm bënte sehir atëherë kur u dëbuan 11.364 shqiptarë prej shtëpive të veta. Deklaratat e Bajram Rexhepit se është e arsyeshme që serbët të kenë një qendër urbane në Kosovë, vetëm sa e shpërfaqin logjikën e ndarjes etnike territoriale të cilën ky e ka pranuar.

Lutfi Haziri dhe Bajram Rexhepi definitivisht po hyjnë në histori. Për të keq, sigurisht.

Prishtinë, 10 maj 2006
Albin Kurti

[vrojtuesi]

[QUOTE]

I dashur Vrojtues,

ndonëse në shkrimet tuaja ka një dozë intelektualiteti dhe incisiviteti të theksuar, kur ështe në pyetje Albin Kurti dhe lëvizja e tij "Vetëvendosje" sikur çaloni i çikë me përcaktimin Tuaj. A është Albini dhe Albinat alternativa e ardhshme politike e Kosovës? A i bën më shumë dëm apo dobi një paraqitje e tillë e kësaj lëvizjeje politike zhvillmeve në Kosovë, do të duhej të ishin çështje në të cilat Ju si intelektual është dashur të keni një qëndrim të qartë që nga fillimi e jo të prisni nga emisioni në emision të bëni tifozllëk apo jo për "Vetëvendosjen" e Albinit.

Meqë tashmë isha mësuar që në shum tema të mos më përgjigjet askush dhe me këtë edhe të përfundoj diskutimi(!) kur gjej ndonjë reagim kjo më gëzon sepse më jep mundësinë për kundërpërgjigje apo plotësim të asaj që ka mbetur pa u thënë ose pa u kuptuar nga debatuesi vijues.

E mu kjo sot po më ndodh me ju! Juve mund edhe të iu falet që të mendoni ashtu sepse me siguri nuk i keni parasysh pikpamjet e mia nga postimet tjera dhe keni formuar bindjen nga vetëm ky shkrim. Kjo megjithate tashmë nuk ka rëndësi !

Siç edhe u pa qëllimi im nuk ishte ta hudhë tërsisht Albinin si tjerët sepse ai sëpaku ka treguar një guxim në veprim pa marrë parasysh pasojat personale apo më gjëre, por siç ia tërhoqa vërejtjen butësiht ai tanimë ka nevojë ti pastron disa pikpamje të veta për të ardhmen e Kosovës dhe për mënyrën e arritjes së tyre!

Problemi më i madh i neve në Kosovë por edhe në përgjithësi te shqiptarët është përcaktimi OSE OSE! pa i lënë vetit alternativë të kombinuar.

Nëse e ke shikuar emisionin ke parë se Albini për hesapin tim ka çaluar më së shumti në ato dy pikat që i kam cekur dhe edhe në disa pjesë tjera kurse për shum njohës të mi dhe si duket edhe për ty "ka dalë në aut totalisht".

E fundja ai dhe lëvizja e tij nuk është për gjuajtje! Nuk janë budallë ata të huajt që i ceka që organizojnë anketa në tern për mendimin e qytetarëve për ta!

Aq më tepër jo nga ata që nuk e njohin sa duhet problematikën e zhvillimt të situatës në Kosovë - sidomos në raport me UNMIK-un. Përndryshe unë mund të jap vetëm një detaj se në vizitkatën time zyrtare qëndron sëpari stema e UNMIK-ut dhe jam "bajagi" i njohtuar me "marifetllyqet" dhe hajnitë e tyre të ndihmuara edhe nga tanët!

Kurse si duket ti dhe tjerët mund të jeni vetëm tifoz të kësaj apo asaj partije apo personi!

Tek e fundit djali për veprimin e vet po e ha dajakun e na po e shikojmë prej së largu apo nga dhoma!

Apo tjetra! Çka ta merr mendja, pse para disa dite ndodhi poashtu problemi me Krushën e Vogël ku u rrahën gratë dhe fëmijët dhe tani shkuan edhe ti kërkojnë falje!

Ndoshta ti vet nuk i ke disa gjëra të kjarta e keni fituar bindjen se unë paskam pritur nga ky emision të përcaktohem për "tifozllëk" ndaj Albinit.

Tani mos të vazhdojmë më tepër për këte pjesë sepse do të duhej cituar Mimozën që i tha Jetës, që emisionin ta titullonte: Albini dhe ......

Unë mendoj se kjo lëvizje assesi nuk mund të jetë alternativa e ardhshme politike e Kosovës ...

Po mu këtu ishte shkaku që shpreha edhe mospajtimet e mia me Albinin sikurse edhe pjesëmarrsit tjerë në emision kur ai filloi ti shpalos plane të pa thëna publikisht deri tani. E pa se si reagoi edhe Mimoza edhe Batoni?

... dhe se paraqitja e saj më tepër e dëmton imazhin politik të Kosovës edhe ashtu jo aq për tu lavdëruar.

Nuk pajtohem sepse derisa shumicën e popullit - përkatësisht pjesën që nuk ka dalë në votime e që ai numër tanimë është në rritje për zgjedhjet tjera, nuk e afron ndonjë program i mirë i ndonjë partije ekzistuese apo ndonjë të reje atëher moedomos duhesh pritur edhe bashkangjitjen e të rinjëve rreth kësaj lëvizje.

Ti që nuk pajtohesh rri anash apo bashkoju tjerëve dhe fito!

( Pjesën në vazhdim nuk e citova dhe nuk po replikoi sepse deri diku kemi edhe disa pika të përbashkëta!)

Për çdo rast poashtu të përshëndes sepse të gjithë një "gajle" e kemi për Kosovën!