LAC- 2 police te vrare-merret peng autobuzi

[whisper]

Rreth ores 14 te dites se sotme tre persona te panjohur kane rrembyer nje autobuz te linjes Kukes Tirane ne te cilin udhetonin rreth 40 pasagjere, mes te tyre edhe shume kosovare.Sipas mediave kryeqytetese pengmarresit jane te armatosur me kallashnikove, mitroloz dhe granata mesymese. Autobuzi me pengmarresit ka mundur te caje postbllokun e pare te policise duke perdorur granatat dhe bresherine e automatikeve duke lene te vrare dy police te rendit te Kurbinit. Forca te shumta policore dhe specialet e Reneas ne afersi te Kishes se Lacit kane mundur te bllokojne autobuzin ku jane vec dy nga pengmarresit pasi i treti u dorezua per shkak se ishte plagosur gjate shkembimit te zjarrit. Pasagjeret jane leshuar nga pengmarresit ne vende te ndryshme te aksit rrugor ku ndodhi ngjarja. Ne keto momente vazhdojne negociatat mes policise dhe pengmarresve. Identiteti i pengmarresit te dorezuar eshte bere i ditur dhe eshte banor i Kosoves. Deri ne keto caste ku ora shenon 16 e pasdites kjo eshte situata sipas mediave shqiptare.
Sipas korespondenteve te mediave te pranishem ne vendngjarje pengmarresit duket se jane shprehur se kane problem me shtetin shqiptar dhe jo me grabitjen e pasagjereve.

[Davius]

Pengmarrje në një autobus në Shqipëri, dy të vdekur

Tiranë, 16:20


Së paku dy persona janë vrarë gjatë të shtënave me armë zjarri mes policisë shqiptare dhe disa personave të armatosur të cilët sot pasdite rrëmbyen një autobus në Shqipërinë veriore dhe ende mbajnë peng një numër të panjohur të udhëtarëve.

Njëri nga të vrarët është rrëmbyes, ndërsa një tjetër është polic, ndërsa mediumet elktronike shqiptare lajmërojnë edhe për të paktën pesë të lënduar.

Tani për tani nuk janë të njohura arsyet e rrëmbimit të autobusit që qarkullonte në relacionin Kukës-Tiranë, në afëri të vendit Rreshen, në Shqipërinë veriore.

Përleshja filloi pasi policia tentoi ta ndalojë autobusin, por rrëmbyesit u kundërpërgjigjën me bomba dhe me të shtëna automatike me ç'rast një oficer policor humbi jetën, ndërsa një tjetër u lëndua.

[Davius]

Rrëmbehet autobusi nga persona të armatosur


Një autobus udhëtarësh i linjës Kukës-Tiranë është rrëmbyer të mërkurën në mesditë pranë Rrëshenit.

Ka njoftime se autobusi u rrëmbye nga dy persona të armatosur.

Sipas njoftimeve të para, të paktën dy persona, njëri prej tyre polic, janë vrarë gjatë shkëmbimit të zjarrit.

Ka njoftime dhe për disa të plagosur: të paktën dy pasagjerë dhe një polic.

Me sa duket, ai është i plagosur rëndë dhe është transportuar për në spitalin ushtarak në Tiranë.

Forca të shumta të policisë, forca speciale të ndërhyrjes së shpejtë, të mbështetur edhe nga helikopterë janë duke marrë pjesë në aksion.

Dëshmitarë në vendngjarje kanë treguar për skena të dhunshme dhe tronditëse.

Në autobus mes pasagjerëve ka patur dhe gra edhe fëmijë.

Ka njoftime se policia ka filluar negociatat me rrëmbyesit e armatosur të cilët duket se kanë mbetur brenda autobusit.

Prej disa orësh është bllokuar krejtësisht trafiku në zonën midis Rrëshenit dhe Rubikut.

Ministri i Rendit ndodhet në një takim rajonal në Greqi, por ngjarja po ndiqet me vëmendje prej kryeministrit Berisha.

[ClaY_MorE]

Nje nga pengmarresit e Autobusit plagoset ndersa tjetri kapet nga policia.


Bilanci:

Gjithsej 6 te plagosur e 2 te vdekur.

[Llapi]

Vëllezërit Onuzi kanë planifikuar pengmarrjen e autobusit


Tiranë, 9 shkurt 2006 (Kosovapress) Time: 09 : 40

Dy vëllezërit Onuzi nga fshati Nangë i Kukësit kishin planifikuar pengmarrjen e autobusit të linjës Kukës-Tiranë për t’i dhënë forcë “zërit” të tyre të dëgjohej nga drejtuesit më të lartë të shtetit, për kompensimin e truallit mbi të cilin është ndërtuar aeroporti në qytetin e tyre të lindjes, shkruan në numrin e sotëm gazeta “Shekulli”.

[Llapi]

Shpërthen tragjedia në linjën Kukës-Tiranë. Shtatë të plagosur. Alarmi i shoferit me SMS




Autobuzi pengjeve, dy të masakruar

Dy vëllezër hedhin bombë, vritet polici dhe pasagjeri



--------------------------------------------------------------------------------

Nga Rubiku Gerti Xhaja

Ka përfunduar tragjikisht pengmarrja e autobuzit të pasagjerëve të linjës Kukës-Tiranë. Dy të vdekur, ndër ta një polic dhe tetë të plagosur. Dy vëllezërit pengmarrës të armatosur me kallashnikovë dhe granata janë vënë në pranga nga RENEA. Ky ishte bilanci I rëndë I një historie që zgjati plot 4 orë të gjata ankthi dhe tmerri, e që nisi në vendin e quajtur karburanti I Tomës në hyrje të Rrëshenit dhe u mbyll në të dalë të qytetit të Rubikut. Një histori që I kishte të gjithë elementët e një ngjarjeje tronditëse.
Rrugëtimi fatal I autobuzit nisi si çdo ditë; 19 pasagjerë nga Kukësi dhe rrethinat hipën në të dhe u nisën në drejtim të Tiranës në orën 07.00 të mëngjezit. Ndër ta edhe gra dhe fëmijë. Në dalje të Kukësit hipën dhe katër pasagjerë të tjerë. Mes tyre ishin edhe dy vëllezërit Ramiz dhe Rifat Jonuzi, që pesë orë më pas do të bëheshin personazhe të një prej ngjarjeve më të përgjakshme kriminale në Shqipëri. Ata u ulën në pjesën e mesit të autobuzit. Me vete kishin dhe nje çantë sportive, që siç u mësua më pas, fshihte arsenalin e armëve.
Shoferi kishte qenë I pari që kishte diktuar se në autobuzin e tij kishte dy persona të armatosur. Arrin të dërgojë një sms me të cilën sinjalizonte rrezikun dhe hyn në “Karburantin e Tomës” për të pushuar. Duke ditur se në vendin e quajtur Karburanti I Tomës kishte vazhdimisht punonjës të policisë tentoi të ndalojë pikërisht aty. Në orën 13.00 postblloku i policisë i ka bërë shenjë autobusit të ndalojë. Fran Kaçorri dhe Nikoll Gjikola, dy policë të grupit të gatshëm të komisariatit të Rëshenit I janë afruar derës së parë të autobuzit dhe kanë kërkuar të hyjnë brenda mjetit. Ky ishte dhe momenti që shënoi reagimin e dy vëllezërve Jonuzi. Ata kanë nxjerrë nga çanta sportive që mbanin poshtë sediljes së tyre kallashnikovët dhe granatat e dorës. Pa asnjë paralajmërim ata kanë hequr siguresën e njërës prej tyre dhe e kanë hedhur në drejtim të grupit të policëve. Granata difensive ka shpërthyer pranë gjoksit të policit Kaçorri duke I shkaktuar atij vdekjen e menjehershme. Copat e saj kanë plagosur edhe policin tjetër Gjikola që ndodhej pas kurrizit të tij. Po kështu u plagosën dhe tre pasagjerë të cilët ndodheshin në afërsi të vendshpërthimit të granatës. Njëri prej tyre vdiq pak caste më vonë. Nisën dhe të shtënat e automatikëve. Qëlluan dy vëllezërit nga brenda, qëlloi dhe policia nga jashtë, por në ajër, për të shmangur dëmtimin e pasagjerëve të tjerë. Në autobus kishte nisur rrëmuja. Një pjesë e pasagjerëve tentoi të dalë nga autobuzi nëpëmjet derës së prapme, të tjerët u hodhën nga dritaret e tij. Të gjendur nën një breshër plumbash, policët e grupit të gatshëm janë tërhequr me shpejtësi dhe kanë zënë pozicion mbas makinës së tyre. Dy pengmarrësit nuk tentuan t’I ndalonin pasagjerët në ikjen e tyre. Edhe shoferi Gjoka mundi të zbresë në tokë dhe dy vëllezërit u vunë në drejtimin e autobuzit.
Ka zgjatur vetëm 11 kilometra udhëtimi i pashtresë i dy grabitësve. Ata kanë lënë karburantin pas dhe janë nisur me autobus në drejtim të Tiranës. Me ta kishin mbetur edhe disa pasagjerë, të cilët nuk kishin mundur të dilnin prej tij. Në hyrje të Rubikut ata kanë lejuar dhe pasagjerët e mbetur të largohen nga autobuzi. Mbas tyre lëviznin dhe makinat e policisë. Ata kanë qëlluar disa herë nga pjesa e prapme e autobuzit në drejtim të policisë që u ishte vënë në ndjekje. Madje ata I kanë vazhduar të shtënat edhe në bulevardin kryesor të Rubikut. Ndërkohë ishte dhënë alarmi; të gjitha forcat e komisariatit të Rrëshenit u vunë në gatishmëri, u lajmërua Tirana dhe përpara autobuzit u ngritën postoblloqe të tjera. Tek njëri prej tyre, në vendin e quajtur Guri I Kishës në dalje të Rubikut, autobuzi ndaloi. Në të tashmë ndodheshin vetëm dy vëllezërit Jonuzi. Kishin kaluar vetëm pak minuta nga masakra. Autobuzi u ndalua në një segment rrugor të vështirë, në mes të një kthese; në të majtë të tij ndodhej humnera që përfundonte në lumin e Fanit dhe në të djathtë, ndodhej një e përpjetë e fortë shkëmbore. Pikërisht aty dy vëllezërit kuptuan se nuk kishin ku të shkonin. Të gjendur të rrethuar, ata kuptuan që ishin pa shpresë dhe ju dorëzuan policisë njëri mbas tjetrit.

Autobusi i linjës niset nga Kukësi në drejtim të Tiranës. Dy rrëmbyesit ishin futur pa probleme mes pasagjerëve të autobusit. Ata kishin me vete një çantë sportive ku kishin vendosur një “Kallashnikov” dhe një pushkë autmatike model 56. Në çantë kishte gjithashtu edhe disa granata dhe krëhëra me fishekë. Dy vëllezërit Rifat dhe Ramiz Onuzi, janë përpjekur për të mos rënë në sy dhe për të fshehur nervozizmin e tyre. Ndërkohë që akulli që kishte zënë rruga e bënte udhëtimin e autobusit më të ngadalshëm.

Autobusi kishte kryer 6 orë rrugë dhe i ishte afruar Fanit. Në këto moment shoferi shikon lëvizjet e dyshimta të rrëmbyesve dhe dyshon në çantën që ata kishin afër. Arrin të dërgojë një sms në polici me të cilën sinjalizonte rrezikun dhe hyn në “Karburantin e Tomës” për të pushuar. Ishte njoftuar postblloku i policisë. Dy vëllezërit Onuzi, tentojnë të shmangin ndalesën e autobusit pranë postbllokut dhe nisin të kërcënojnë shoferin. Rrëmbyesit shikojnë policët të afrohen dhe nxjerrin armët.



g.sh

[Brari]

kush ma fshiu shkrimin..

incidenti me bus eshte film i edvin sallakut pik..

me kriju nji nepravisht dhe ne kukes..pik..

fshires.. ma kadal..

[ClaY_MorE]

Nje gje me beri pershtypje mua.

Kryeministri Berisha me incidentin e pare qe ndodhi vajti ne vendngjarje.