Fatmir Sejdiu u zgjodh President i ri i Kosovës

[ideus]

Kryetari i Kuvendit Nexhat Daci, para fillimit të votimit rikujtoi se seanca mbahet me kërkesën e të gjitha grupeve parlamentare, të cilat e kanë vlerësuar të nevojshme përmbushjen e vakuumit të krijuar pas vdekjes së Presidentit Rugova. Ai tha se edhe pas vdekjes së Presidentit Rugova, institucionet e vendit do të punojnë me përkushtim për shtetin e pavarur e sovran të Kosovës.
Presidenti Sejdiu, menjëherë pas zgjedhjes u betua solemnisht para deputetëve dhe qytetarëve të Kosovës, se do të reflektojë unitetin e popullit, tërësinë tokësore të vendit, dhe funksionimin demokratik të institucioneve. "Betohem solemnisht se do të ruajë dhe mbroj unitetin e popullit, tërësinë tokësore të vendit, dhe do të siguroj funksionimin demokratik të institucioneve të Kosovës" , tha Sejdiu.

Presidenti Sejdiu që në postin më të lartë të vendit pason Presidentin e ndjerë Ibrahim Rugova, udhëheqësin historik të shqiptarëve në rrugën e pavarësisë, tha se është nderuar dhe i privilegjuar për zgjedhjen, por njëkohësisht barrë dhe përgjegjësi e veçantë. "Unë zgjidhem në këtë detyrë dhe marr postin që ka mbajtur Presidenti ynë i parë dhe tashmë historik., Ibrahim Rugova", tha ai duke shtuar se këtë post të lartë të vendit e bënte më të madh me figurën e veçantë prej njeriu e prijësi të papërsëritshëm. Presidenti Sejdiu, ka përkujtuar edhe njëherë Presidentin Rugova në fjalën e tij duke e vlerësuar lart veprën e tij. "Presidenti Rugova ka lënë një trashëgimi të pasur politike e shtetërore, të ndërtuar me dije, me mund e sakrifica, por edhe me guxim të pashoq, për më shumë se një dekadë e gjysmë", tha ai. Presidenti Sejdiu tha se rruga të cilën e trashëguan institucionet nga Presidenti Rugova është e sigurtë për ta përmbyllur procesin e pavarësimit të vendit tonë. " Pavarësia nuk është vetëm një privilegj për të jetuar të lirë e me dinjitet njerëzor e nacional, por është edhe obligim dhe përgjegjësi, gjithashtu" , tha ai.

Presidenti Sejdiu tha se zyra e tij në udhëheqjen e tij do të bashkëpunojë ngushtë me institucionet e tjera të Kosovës, me partitë politike në pushtet dhe në opozitë, me grupet etnike dhe të gjithë qytetarët e Kosovës në dobi të unitetit, funksionimit demokratik, zhvillimin ekonomik, përparimin e përgjithshëm dhe mirëqenien sociale. "Kjo është detyrë e imja kushtetuese, ky është obligim qytetar i imi dhe i secilit institucion e qytetar të vendit, sidomos tani që përmbushja e synimit tonë për Kosovën shtet të pavarur e sovran është afër", tha ai. Presidenti premtoi vazhdimin e bashkëpunimit të ngushtë me UNMIK-un, KFOR-in, TMK-në dhe SHPK-në në dobi të forcimit të mëtejshëm të institucioneve të Kosovës dhe të sigurisë së vendit. Në fjalën e tij Presidenti i sapozgjedhur Sejdiu, foli edhe për procesin e bisedimeve për Kosovën, i cili tha se shtron detyra esenciale. Ai premtoi se si President, do të ketë angazhim parësor udhëheqjen e punës së Grupit Negociator dhe arritjen e njohjes së pavarësisë. “Ju siguroj se unë, si President, do të kem angazhim parësor udhëheqjen dhe vazhdimin e punës së Ekipit Negociator të Kosovës si ekip i unitetit, ashtu si e kishte strukturuar Presidenti Ibrahim Rugova, për të përshpejtuar këtë proces përballë nevojave të vendit tonë dhe vendosmërisë së bashkësisë ndërkombëtare për ta përmbyllur me sukses këtë proces sa më parë, gjatë këtij viti, në përputhje të plotë me vullnetin e popullit të Kosovës”, tha ai. Në këtë kontekst ai premtoi bashkëpunim të ngushtë me Emisarin e OKB-së për Statusin e Kosovës, z.Maarti Ahtisaari. Ai poashtu u zotua se ai dhe ekipi i tij, do të bashkëpunojnë ngusht me SHBA-të, Unionin Evropian, dhe Grupin e Kontaktit, siç tha ai me qëllimin e vetëm që Kosovën ta bëjnë, "shtet në paqe me veten dhe fqinjtë e vet, një vend që do të garantojë të gjitha liritë qytetare, njerëzore dhe të pakicave, në pajtim me standardet më të larta që ka vendosur bota demokratike". "Dhe në të njëjtën kohë të shprehim denjësinë tonë për të qenë partner i integruar në strukturat euro-atlantike", tha ai. Ai u bëri thirrje të gjithë qytetarëve dhe në veçanti komunitetin serb, që të punojnë së bashku për një Kosovë demokratike, përparimtare dhe tolerante, ku respektohen dhe nderohen veçantitë e secilit.
Kandidaturën e presidentit Sejdiu e bëri nënkryetari i LDK-së z.Kolë Berisha, i cili ndërsa foli për personalitetin e veçantë të Presidentit Sejdiu, e ka kujtuar edhe çastin që ka propozuar edhe kandidaturën e Presidentit Rugova, dhe se në atë moment 'askush nuk mund ta besonte se do të ndaheshim nga ai aq shpejtë'. Ai tha se Prof Dr. Fatmir Sejdiu, që prej themelimit të kësaj partie, ka qenë në forumet më të larta të saj dhe njëri ndër bashkëpunëtorët më të ngushtë të Presidentit të ndjerë, Ibrahim Rugova. "Duke pasur votën e këtij Kuvendi për President të Kosovës me punën e tij prej pedagogu, punëtorit të zellshëm të shkencës dhe intelektualit të mirëfilltë, me një kulturë të gjerë dhe njohës i mirë i rrethanave aktuale në vend dhe jashtë, me përvojën e tij të deritashme organizative dhe politike, me prirjen e njeriut i cili reflekton tolerancë, bashkëpunim dhe mirëkuptim, dhe duke qenë përherë njëri ndër bashkëpunëtorët më të aftër të paraardhësit të tij, të presidentit tashmë të ndjerë Ibrahim Rugovës, do ta arsyetojë besimin tonë", tha ndër të tjera Kolë Berisha.

Pas zgjedhjes së Presidentit Sejdiu në këtë post, atë e kanë përshëndetur kryeadministratori Petersen, Kryetari i Kuvendit Nexhat Daci etj.
"Jam i kënaqur që në kohën e duhur, ishte pak një lapsus i vogël që duheshin votat e raundit të tretë të jenë në raundin e parë që të mos lodheshim, megjithatë i dëshiroj shëndet të mirë dhe sukses. Kryetari i ri do ta ketë përkrahjen e plotë të Parlamentit me respektimin e vullnetit politik të popullit dhe atë që e kemi pasur më herët", tha kryekuvdenari Daci.
Kryeministri Bajram Kosumi vlerësoi se zgjedhja e Kryetarit është bërë me një procedurë shumë të mirë demokratike, se në kohën e duhur është bërë veprimi i duhur. "Edhe një herë klasa politike ka dëshmuar se në ditë të vështira, atëherë kur pritet që të jetë më së vështiri nuk dorëzohemi, përkundrazi e rishikojmë vetveten, pozicionet dhe qëllimin ku do të arrijmë", tha ai. Ndërsa kryeadministratori Petersen tha se ishte një mbështetje e fuqishme, duke iu referuar rezultatit të votimit. "Dëshiroj ta uroj parlamentin e Kosovës për ecjen kaq të shpejtë përpara, duke u siguruar që edhe procesi i statusit mund të ec përpara në këtë moment të rëndësishëm për Kosovën. Do ta ruajë unitetin, stabilitetin dhe të sigurohemi se mund të ecim përpara drejt një zgjidhej për statusin. E kam shprehur mbështetjen e plotë për Presidentin e ri të Kosovës, dhe jam i gëzuar që do të mund të shkojë në Këshillin e Sigurimit dhe të them që pas humbjes tragjike të presidentit Rugova, dhe se në më pak se tri javë, institucionet demokratikee kanë zgjedhur presidentin e ri të Kosovës, i cili gëzon mbështetje të fuqishme", tha Petersen.
Shefi i zyrës amerikane Filip Goldberg, tha se ishte dëshmitar i një votimi të rëndësishëm dhe që hap rrugën për të shkuar përpara. "Sapo ishim dëshmitarë të një votimi të rëndësishëm, diçka që është shumë e rëndësishme për Kosovën për të ecur përpara me bisedimet rreh statusit të Kosovës. Shtetet e Bashkuara të Amerikës e mirëpresin bashkëpunimin me Presidentin Sejdiu dhe Ekipin Negociator të cilin ai do ta drejtojë në ditët dhe javët e ardhshme për të ndihmuar çuarjen përpara të procesit të statusit final", tha Goldberg.
"Besoj se delegacioni i Kosovës do të rifunksionalizohet", tha lideri i PDK-së Hashim Thaçi, duke shtuar që pas këtij momenti duhet të jenë sa më të përgatitur për takimin e Vjenës që pritet të mbahet më 20 shkurt.
"Sfidat e Kosovës janë shumë më të mëdha", tha Veton Surroi, duke shtuar se duhet të kemi të njëjtin seriozitet, të njëjtin unitet të treguar për të vazhduar procesin e nisur të bisedimeve për statusin.
"Ne kishim një kandidat, i cili përfaqëson vlerat politike dhe maturitetin politik të LDK-së. Fatmir Sejdiu, është një zgjedhje e duhur në momentin e duhur dhe jemi të bindur që do ta ndërtojë një strukturim politik për Kosovën të tillë çfarë i nevojitet Kosovës tash. Zgjedhja ka shkuar në mënyrën më demokratike, Fatmiri ka fituar 80 vota, që janë dy të tretat, është një votim i madh në Kuvend, për Sejdiun Kryetar. Unë jam i bindur që e ka edhe dijen edhe maturinë edhe qëndrimin që të jetë një garant i zhvillimeve politike në Kosovë për ta mbaruar, për ta kurorëzuar të gjithë së bashku pavarësinë e Kosovës në këtë vit. Nuk është koha të flitet për nuanca, është koha të flitet për zgjidhjen. Zgjidhja është një zgjidhje demokratike, dhe një zgjidhje e mirë. Mos bëni krahasime kurrë. Ky është një mendim i ndjeshëm për të gjithë ne që kemi punuar gjatë me Ibrahim Rugovën. Rugova ka qenë një institucion politik vetvetiu, Fatmir Sejdiu, do të jetë një President i mirë,një njeri që e kryen mirë funksionin e Presidentit”, tha akad.Sabri Hamiti, kryetar i komisionit parlamentar për marrëdhënie me jashtë.

[Arb]

Presidenti Sejdiu zotohet për realizimin e pavarësisë dhe ruajtjen e integritetit të vendit

Prishtinë, 10 shkurt -Presidenti i ri i Kosovës u zgjodh prof.dr.Fatmir Sejdiu, me 80 vota pro në raundin e tretë të votimit të Kuvendit të Kosovës. Nga 110 deputetët e pranishëm në dy raundet e para të votimit kandidatura e LDK-së, prof.dr.Fatmir Sejdiu nuk arriti për 2 dhe 3 vota të zgjidhej President, ashtu siç është e përcaktuar me Kornizë Kushtetuese, që për zgjedhje i duhen dy të tretat e numrit të përgjithshëm të deputetëve nga 120 sa ka Kuvendi i Kosovës.

Ai mori dy të tretat e votave në raundin e tretë të votimit 80 për, 12 kundër dhe 17 të pavlefshme, kur i nevojitej shumica e thjeshtë prej 61 votash. Ndërsa, nuk kishte asnjë kundërkandidat në procesin e votimit.

Kryetari i Kuvendit Nexhat Daci, para fillimit të votimit rikujtoi se seanca mbahet me kërkesën e të gjitha grupeve parlamentare, të cilat e kanë vlerësuar të nevojshme përmbushjen e vakuumit të krijuar pas vdekjes së Presidentit Rugova. Ai tha se edhe pas vdekjes së Presidentit Rugova, institucionet e vendit do të punojnë me përkushtim për shtetin e pavarur e sovran të Kosovës.

Presidenti Sejdiu, menjëherë pas zgjedhjes u betua solemnisht para deputetëve dhe qytetarëve të Kosovës, se do të reflektojë unitetin e popullit, tërësinë tokësore të vendit, dhe funksionimin demokratik të institucioneve. "Betohem solemnisht se do të ruajë dhe mbroj unitetin e popullit, tërësinë tokësore të vendit, dhe do të siguroj funksionimin demokratik të institucioneve të Kosovës", tha Sejdiu.

Presidenti Sejdiu që në postin më të lartë të vendit pason Presidentin e ndjerë Ibrahim Rugova, udhëheqësin historik të shqiptarëve në rrugën e pavarësisë, tha se është nderuar dhe i privilegjuar për zgjedhjen, por njëkohësisht barrë dhe përgjegjësi e veçantë.

"Unë zgjidhem në këtë detyrë dhe marr postin që ka mbajtur Presidenti ynë i parë dhe tashmë historik., Ibrahim Rugova", tha ai duke shtuar se këtë post të lartë të vendit e bënte më të madh me figurën e veçantë prej njeriu e prijësi të papërsëritshëm.

Presidenti Sejdiu, ka përkujtuar edhe njëherë Presidentin Rugova në fjalën e tij duke e vlerësuar lart veprën e tij. "Presidenti Rugova ka lënë një trashëgimi të pasur politike e shtetërore, të ndërtuar me dije, me mund e sakrifica, por edhe me guxim të pashoq, për më shumë se një dekadë e gjysmë", tha ai.

Presidenti Sejdiu tha se rruga të cilën e trashëguan institucionet nga Presidenti Rugova është e sigurtë për ta përmbyllur procesin e pavarësimit të vendit tonë. "Pavarësia nuk është vetëm një privilegj për të jetuar të lirë e me dinjitet njerëzor e nacional, por është edhe obligim dhe përgjegjësi, gjithashtu", tha ai.

Presidenti Sejdiu tha se zyra e tij në udhëheqjen e tij do të bashkëpunojë ngushtë me institucionet e tjera të Kosovës, me partitë politike në pushtet dhe në opozitë, me grupet etnike dhe të gjithë qytetarët e Kosovës në dobi të unitetit, funksionimit demokratik, zhvillimin ekonomik, përparimin e përgjithshëm dhe mirëqenien sociale.

"Kjo është detyrë e imja kushtetuese, ky është obligim qytetar i imi dhe i secilit institucion e qytetar të vendit, sidomos tani që përmbushja e synimit tonë për Kosovën shtet të pavarur e sovran është afër", tha ai.

Presidenti premtoi vazhdimin e bashkëpunimit të ngushtë me UNMIK-un, KFOR-in, TMK-në dhe SHPK-në në dobi të forcimit të mëtejshëm të institucioneve të Kosovës dhe të sigurisë së vendit.

Në fjalën e tij Presidenti i sapozgjedhur Sejdiu, foli edhe për procesin e bisedimeve për Kosovën, i cili tha se shtron detyra esenciale. Ai premtoi se si President, do të ketë angazhim parësor udhëheqjen e punës së Grupit Negociator dhe arritjen e njohjes së pavarësisë.

“Ju siguroj se unë, si President, do të kem angazhim parësor udhëheqjen dhe vazhdimin e punës së Ekipit Negociator të Kosovës si ekip i unitetit, ashtu si e kishte strukturuar Presidenti Ibrahim Rugova, për të përshpejtuar këtë proces përballë nevojave të vendit tonë dhe vendosmërisë së bashkësisë ndërkombëtare për ta përmbyllur me sukses këtë proces sa më parë, gjatë këtij viti, në përputhje të plotë me vullnetin e popullit të Kosovës”, tha ai.

Në këtë kontekst ai premtoi bashkëpunim të ngushtë me Emisarin e OKB-së për Statusin e Kosovës, z.Maarti Ahtisaari. Ai poashtu u zotua se ai dhe ekipi i tij, do të bashkëpunojnë ngusht me SHBA-të, Unionin Evropian, dhe Grupin e Kontaktit, siç tha ai me qëllimin e vetëm që Kosovën ta bëjnë, "shtet në paqe me veten dhe fqinjtë e vet, një vend që do të garantojë të gjitha liritë qytetare, njerëzore dhe të pakicave, në pajtim me standardet më të larta që ka vendosur bota demokratike".

"Dhe në të njëjtën kohë të shprehim denjësinë tonë për të qenë partner i integruar në strukturat euro-atlantike", tha ai. Ai u bëri thirrje të gjithë qytetarëve dhe në veçanti komunitetin serb, që të punojnë së bashku për një Kosovë demokratike, përparimtare dhe tolerante, ku respektohen dhe nderohen veçantitë e secilit.

Kandidaturën e presidentit Sejdiu e bëri nënkryetari i LDK-së z.Kolë Berisha, i cili ndërsa foli për personalitetin e veçantë të Presidentit Sejdiu, e ka kujtuar edhe çastin që ka propozuar edhe kandidaturën e Presidentit Rugova, dhe se në atë moment 'askush nuk mund ta besonte se do të ndaheshim nga ai aq shpejtë'.

Ai tha se Prof Dr. Fatmir Sejdiu, që prej themelimit të kësaj partie, ka qenë në forumet më të larta të saj dhe njëri ndër bashkëpunëtorët më të ngushtë të Presidentit të ndjerë, Ibrahim Rugova.

"Duke pasur votën e këtij Kuvendi për President të Kosovës me punën e tij prej pedagogu, punëtorit të zellshëm të shkencës dhe intelektualit të mirëfilltë, me një kulturë të gjerë dhe njohës i mirë i rrethanave aktuale në vend dhe jashtë, me përvojën e tij të deritashme organizative dhe politike, me prirjen e njeriut i cili reflekton tolerancë, bashkëpunim dhe mirëkuptim, dhe duke qenë përherë njëri ndër bashkëpunëtorët më të aftër të paraardhësit të tij, të presidentit tashmë të ndjerë Ibrahim Rugovës, do ta arsyetojë besimin tonë", tha ndër të tjera Kolë Berisha.

Pas zgjedhjes së Presidentit Sejdiu në këtë post, atë e kanë përshëndetur kryeadministratori Petersen, Kryetari i Kuvendit Nexhat Daci etj.

Kryeparlamentari Nexhat Daci tha se, "Jam i kënaqur që në kohën e duhur, ishte pak një lapsus i vogël që duheshin votat e raundit të tretë të jenë në raundin e parë që të mos lodheshim, megjithatë i dëshiroj shëndet të mirë dhe sukses. Kryetari i ri do ta ketë përkrahjen e plotë të Parlamentit me respektimin e vullnetit politik të popullit dhe atë që e kemi pasur më herët."

Kryeministri Bajram Kosumi vlerësoi se zgjedhja e Kryetarit është bërë me një procedurë shumë të mirë demokratike, se në kohën e duhur është bërë veprimi i duhur. "Edhe një herë klasa politike ka dëshmuar se në ditë të vështira, atëherë kur pritet që të jetë më së vështiri nuk dorëzohemi, përkundrazi e rishikojmë vetveten, pozicionet dhe qëllimin ku do të arrijmë", tha ai.

Ndërsa, Kryeadministratori Petersen tha se, "ishte një mbështetje e fuqishme, duke iu referuar rezultatit të votimit. Dëshiroj ta uroj parlamentin e Kosovës për ecjen kaq të shpejtë përpara, duke u siguruar që edhe procesi i statusit mund të ec përpara në këtë moment të rëndësishëm për Kosovën. Do ta ruajë unitetin, stabilitetin dhe të sigurohemi se mund të ecim përpara drejt një zgjidhej për statusin. E kam shprehur mbështetjen e plotë për Presidentin e ri të Kosovës, dhe jam i gëzuar që do të mund të shkojë në Këshillin e Sigurimit dhe të them që pas humbjes tragjike të presidentit Rugova, dhe se në më pak se tri javë, institucionet demokratikee kanë zgjedhur presidentin e ri të Kosovës, i cili gëzon mbështetje të fuqishme", tha Petersen.

Shefi i zyrës amerikane Filip Goldberg, tha se "ishte dëshmitar i një votimi të rëndësishëm dhe që hap rrugën për të shkuar përpara. Sapo ishim dëshmitarë të një votimi të rëndësishëm, diçka që është shumë e rëndësishme për Kosovën për të ecur përpara me bisedimet rreh statusit të Kosovës. Shtetet e Bashkuara të Amerikës e mirëpresin bashkëpunimin me Presidentin Sejdiu dhe Ekipin Negociator të cilin ai do ta drejtojë në ditët dhe javët e ardhshme për të ndihmuar çuarjen përpara të procesit të statusit final", tha Goldberg.

Lideri i PDK-se, Hashim Thaci, tha se, "besoj se delegacioni i Kosovës do të rifunksionalizohet", duke shtuar se, "pas këtij momenti duhet të jenë sa më të përgatitur për takimin e Vjenës që pritet të mbahet më 20 shkurt."

"Sfidat e Kosovës janë shumë më të mëdha", tha Veton Surroi, duke shtuar se duhet të kemi të njëjtin seriozitet, të njëjtin unitet të treguar për të vazhduar procesin e nisur të bisedimeve për statusin.

Ndersa, Akademik Sabri Hamiti, kryetar i komisionit parlamentar për marrëdhënie me jashtë, eshte shprehur se, "ne kishim një kandidat, i cili përfaqëson vlerat politike dhe maturitetin politik të LDK-së. Fatmir Sejdiu, është një zgjedhje e duhur në momentin e duhur dhe jemi të bindur që do ta ndërtojë një strukturim politik për Kosovën të tillë çfarë i nevojitet Kosovës tash. Zgjedhja ka shkuar në mënyrën më demokratike, Fatmiri ka fituar 80 vota, që janë dy të tretat, është një votim i madh në Kuvend, për Sejdiun Kryetar. Unë jam i bindur që e ka edhe dijen edhe maturinë edhe qëndrimin që të jetë një garant i zhvillimeve politike në Kosovë për ta mbaruar, për ta kurorëzuar të gjithë së bashku pavarësinë e Kosovës në këtë vit. Nuk është koha të flitet për nuanca, është koha të flitet për zgjidhjen. Zgjidhja është një zgjidhje demokratike, dhe një zgjidhje e mirë. Mos bëni krahasime kurrë. Ky është një mendim i ndjeshëm për të gjithë ne që kemi punuar gjatë me Ibrahim Rugovën. Rugova ka qenë një institucion politik vetvetiu, Fatmir Sejdiu, do të jetë një President i mirë,një njeri që e kryen mirë funksionin e Presidentit."

[Duke_Of_Arberia]

Shume zgjidhje e mire.

Pune te mbare Fatmir Sejdiut!!!!

[ideus]

Zyrtarë të lartë të Bashkimit Evropian (BE) dhe NATO-s përshëndetën zgjedhjen e Fatmir Sejdiut si president i Kosovës.

Shefi i politikës së jashtme dhe sigurisë së BE-së, Havier Solana dhe Komisioneri për Zgjerimin, Olli Rehn në mesazhet e tyre bënë thirrje gjithashtu për rifillimin e shpejtë të punës në kuadër të bisedimeve për statusin e Kosovës dhe angazhim për zbatimin e standarteve.

“Zgjedhja e shpejtë e Fatmir Sejdiut në postin e presidentit dëshmon pjekuri, por edhe një sinjal të rëndësishëm uniteti në këtë moment sfidash për Kosovën”, tha Solana.

Ai bëri thirrje gjithashtu për rifillimin e menjëhershëm të punës për procesin e statusit dhe angazhim konstruktiv, duke nisur që me bisedimet e Vjenës për decentralizimin.

Solana i kërkoi institucioneve të Prishtinës që të zbatojnë standartet dhe reformat evropiane për një të ardhme të shëndoshë dhe të sigurtë për të gjitha komunitetet.

Ndërsa Komisioneri evropian për Zgjerimin, Olli Rehn siguroi mbështetjen e BE-së për presidentin e ri Sejdiu.

Ai gjithashtu tha se Brukseli “mbështet negociatat për statusin e ardhshëm të Kosovës dhe se është I angazhuar për një zgjidhje, e cila do të cojë në krijimin e një Kosove me të vërtetë demokratike dhe multi-etnike.”

Zgjedhjen e Fatmir Sejdiut në postin e presidentit të Kosovës e përshëndeti edhe shefi i NATO-s, Jaap de Hoop Scheffer.

“Sejdiu, një person i moderuar, njihet për vullnetin në kërkim të kompromiseve, cilësi kjo thelbësore në një momënt kur ai do të drejtojë Kosovën në muajt kyç të negociatave për statusin, por edhe më pas”, komentoi Scheffer.

[Llapi]

Dr Fatmir Sejdiu: Për pavarësinë e Kosovës nuk ka kompromis - Intervistë për "Zërin e Amerikës"



Dr Fatmir Sejdiu: Për pavarësinë e Kosovës nuk ka kompromis

Intervistoi: Arben Xhixho

10-02-2006

Presidenti i ri, Fatmir Sejdiu vjen në këtë detyrë ndërsa Kosova ndodhet sot në një moment kritik, kur po përcaktohet statusi i saj, me shumë sfida për të kapërcyer. Zoti Sejdiu do të pasojë në këtë detyrë presidentin Rugova, i cili la një tashëgimi të pasur në mbështetje të realizimit të aspiratave të popullit të tij.

Zëri i Amerikës: Zoti Sejdiu, fillimisht, si do të jetë presidenca juaj? Ju keni thenë se do të vazhdoni trashëgiminë e Presidentit Rugova, por presidenti Rugova sillte me vete një përvojë të gjatë si themeluesi i lëvizjes moderne të rezistencës së shqiptarëve. Në këtë kontekst, çfarë të reje do të sillni ju?

Fatmir Sejdiu: Është një nder i veçantë për mua që të jem një nga bartësit e drejtpërdrejtë të asaj trashëgimie kaq të madhe, që la presidenti Rugova dhe po ashtu është nder i veçantë, që deputetët e Kosovës më besuan këtë barrë në këtë kohë kaq të rëndësishme për Kosovën dhe për të ardhmen e saj. Unë mendoj se me një bashkëpunim të ndërsjelltë institucionet e Kosovës dhe partite politike të pozitës dhe opozitës, do të jemi të denjë që të çojmë këtë mission përpara, aq më tepër në këtë faze kaq të rëndësishme që gjendemi, duke nxitur proceset e reja me një dinamikë mjaft të shpejtuar, për të materializuar atë vizion të rëndësishëm që kishte plotësuar presidenti Rugova, si ndërtues i politikës moderne dhe të ardhmes së Kosovës dhe për të realizuar pavarësinë e Kosovës. Natyrisht që në këtë proces na nevojitet, po ashtu sikur edhe më pare, një bashkëpunim i domosdoshëm me faktorin ndërkombëtar, të cilët ndihmuan Kosovën aq fuqishëm dhe mendojmë se me këtë ecje të përbashkët ne do t’ja arrijmë qëllimit final.

Zëri i Amerikës: Zoti President, me ardhjen në detyrë ju do të ndesheni menjëherë me një proces kritik për Kosovën. Ju do të jeni kryetari i grupit negociues për statusin, bisedimet pritet të fillojnë pas pak ditësh. Dy palët i kanë bërë të qarta qëndrimet e tyre të skajshme, megjithatë, të dy palëve u është bërë thirrje për kompromis. Duke qënë se ju jeni edhe specialist i së drejtës ndërkombëtare, ku i shikoni ju mundësitë për kompromis?

Fatmir Sejdiu: Unë mund të them se kompromisi kupton vetëm pavarësinë e Kosovës. Shqiptarët e Kosovës, si popull shumicë në Kosovë dhe të gjitha komunitetet e tjera që e mbështesin pavarësinë e Kosovës, këtë vizion politik dhe këtë përcaktim, e llogarisin si një kompromis të drejtpërdrejtë, sepse jemi në një gjendje që çmojmë realitetet e krijuara, duke patur parasysh edhe balancën e përgjithshme të ndërtuar në këtë pjesë të Evropës Juglindore dhe aq më tepër dëshirojmë, që të jemi factor i rëndësishëm i stabilitetit në rajon. Mbi këtë bazë, natyrisht që përcaktimi i popullit të Kosovës për pavarësinë brenda kufijëve të saj të njohur ndërkombëtarë, natyrisht që është varianti, që ne kemi ofruar dhe është variant shumë serioz.

Zëri i Amerikës: Zoti Sejdiu, gjendja e pakicave është një nga problemet më të vështira dhe të pazgjidhur ende. Pala shqiptare vazhdmisht ka dhënë disa here garanci për mbrojtjen e të drejtave të tyre, por komuniteti ndërkombëtar vazhdon të shprehë shqetësim. Si mund ta bindni ju komunitetin ndërkombëtar, çfarë garancish institucionale ofroni ju, për respektimin konkret të të drejtave të tyre?

Fatmir Sejdiu: Lirisht mund të them se është një provë e mirë edhe në këto vitet pas lufte, ku gradualisht janë mbartur përgjegjësitë në institucionet e Kosovës, se ne kemi bërë oferta serioze për çështjen e trajtimit të komuniteteve të tjera, apo të pakicave dhe në veçanti në këtë kontekst edhe të pakicës serbe, duke patur parasysh nevojën që ata të jenë pjesë integruese e të gjitha proceseve të jetës, pra edhe në proceset në jetën e institucioneve të Kosovës. Natyrisht që garancitë e para janë edhe garancitë e aspektit kushtetues, por ne ndërkohë mund të themi se edhe proceset në vazhdim kanë të bëjnë me oferta serioze, sidomos ato që kanë të bëjnë me zgjidhjen e problemeve praktike, përshembull çështja e reformës së pushtetit lokal, ku edhe komunitetet e tjera, sikurse edhe qytetarët e tjerë të Kosovës, do të jenë në gjendje që të prekin me duart e tyre pushtetin e drejtpërdrejtë, apo të jenë mbartës realizues të këtij procesi dhe të këtij pushteti. Natyrisht që trajtimi themelor i tyre do të mbështetet në standartet më të larta ndërkombëtare, duke patur parasysh realizimin e të gjithë asaj, që ka të bëjë me konventat ndërkombëtare mbi trajtimin e minoriteteve dhe mendoj se është një borxh i shumicës, në këtë rast i shumicës shqiptare, që të jenë shumë të denjë në këtë drejtim dhe shumë të përgjegjshëm. Besoj se kjo ofertë e vazhduar dhe që ka të bëjë edhe me proceset që nisën me bisedimet e Vjenës, janë të tilla dhe në këtë kuptim ne kemi pasë një qasje shumë serioze, e cila që në fillim është përshëndetur edhe nga bashkësia ndërkombëtare. Në këtë aspekt të gjitha angazhimet tona do të jenë edhe në fazën e ardhshme, që qytetarët e Kosovës, pra edhe të komuniteteve të tjera, ta ndjejnë Kosovën si vendin e vet, si atdheun e tyre dhe të punojnë për të ardhmen e tij.

Zëri i Amerikës: Si e shikoni statusin e pakicës serbe në Kosovë në të ardhmen?

Fatmir Sejdiu: Po i shikojmë në përgjithësi si qytetarë të barabartë, sikur çdo qytetar tjetër i Kosovës dhe mbi këtë aspekt natyrisht që është shumë e nevojshme që gjithë ajo trashëgimi kulturore historike e komunitetit serb, e komunitetit shqiptar dhe e komuniteteve të tjera, të trajtohet si pasuri e Kosovës dhe besoj në esencë ajo është e tillë. Në këtë aspekt garancitë tona më të fuqishme janë pikërisht në mbrojtje të gjithë atyre që mund të quhen pjesë të vlerës nacionale në standartet më të larta ndërkombëtare.

Zëri i Amerikës: A mund të ketë ndonjë status të veçantë për ta?

Fatmir Sejdiu: Po ne nuk kemi hapësirë dhe nuk kemi model që Kosova të krijojë statuse të veçanta për pakicën apo edhe shumicën. Për ne është shumë e rëndësishme që të gjithë qytetarët e Kosovës të integrohen në të gjitha rrjedhat e sistemit. Natyrisht që ky aspekt i reformimit të pushtetit lokal është një ofertë e mirë dhe një garanci e rëndësishme që qytetarët e mjediseve të ndryshme ta ndjejnë më afër pushtetin, apo të jenë bartës të tij. Në këtë aspekt mund të them se dhe një projekt i filluar si ndërtimi i disa komunave pilot ka të bëjë me një sprovë të rëndësishme për të parë thjesht proceset integruese të tyre. Por assesi kjo nuk do të nënkuptojë që të ketë qasje të atilla, të cilat do të bëjnë hermetizimin apo barrikatizimin e komuniteteve, ndërtimin e kufijëve eventual mes tyre, të cilat natyrisht do të ndërprisnin çdo komunikim me pjesën tjetër të tërësisë dhe natyrisht në këtë qasje kemi parasysh që institucionet e Kosovës të kenë mundësinë e realizimit të plotë të sovranitetit të tyre apo të gjithë funksioneve të tyre në tërësinë territoriale të Kosovës.

Zëri i Amerikës: Zoti Sejdiu, ju jeni shprehur se do të punoni intensivisht për të siguruar unitetin e klasës politike shqiptare në këtë moment negociatash. Sa vështirësi shikoni në të ardhmen për të ruajtur unitetin, që ju jeni angazhuar të mbani ?

Fatmir Sejdiu: Po mendoj se do të jem faktor i rëndësishëm. Kujtoj bashkë me të tjerë që kanë qasje të deklaruara të themi esencialisht që të mbajmë këtë unitet të nevojshëm, një unitet funksional i cili do të garantojë shpejtimin e proceseve dhe natyrisht do të jetë përfaqësuesi i largpamësisë së mendimit politik, që e kemi present në Kosovë. Por më e rëndësishmja është se në këtë unitet ekziston një formulë që i bashkon të gjithë. Është çështja e të ardhmes së Kosovës, e të ardhmes së pavarur të Kosovës, mbi të cilën nuk ka dilemë.//rd//

[Llapi]

Autoritetet vendore dhe ato ndërkombëtare përshëndesin zgjedhjen e kryetarit të ri Shefi i UNMIK-ut Soren Jesen Petersen vlerësoi se zgjedhja e kryetarit të ri të vendit është një ditë e mirë për Kosovën. Duke folur menjëherë pas përfundimit të votimin në parlament, kreu i UNMIK-ut tha se deputetët kosovarë kanë dëshmuara se janë të gatshëm të lëvizin përpara procesin e statusit.
Shefi i UNMIK-ut Soren Jesen Petersen vlerësoi se zgjedhja e kryetarit të ri të vendit është një ditë e mirë për Kosovën. Duke folur menjëherë pas përfundimit të votimin në parlament, kreu i UNMIK-ut tha se deputetët kosovarë kanë dëshmuara se janë të gatshëm të lëvizin përpara procesin e statusit.

” Jam i kënaqur që do të shkoj në Këshillin e Sigurimit dhe të them se pas vdekjes tragjike të kryetarit Rugova, kosovarët kanë arritur që për një periudhë më pak se tre javore institucionet demokratike kanë arritur të zgjedhin një president të ri të Kosovës”.

Edhe shefi i zyrës amerikane vlerësoi se zgjedhja e kryetarit të ri dëshmon përgjegjësinë politike të institucioneve të Kosovës.

” Ishte një ngjarje e bukur kur presidenti Sjediu mori 80 vota në raundin e fundit të votimit, kjo ka një rëndësi simbolike. Shtetet e Bashkuara të Amerikës do ta mbështesin presidentin Sejdiu dhe ekipin negocius që do të udhëhiqet nga ai, në mënyrë që të ndihmojmë lëvizjen përpara të procesit final”.

Kryeministri Kosumi, vlerësoi se me zgjedhjen e kryetarit të ri të vendit, udhëheqësit politik të Kosovës kanë dëshmuara se në momente të rëndësishme për vendin dinë si të veprojnë.

Kreyparalmenatri Nexhat Daci pohoi menjëherë pas votimit se ndihej i relaksuar që presidenti është zgjedhur në kohën e duhur.

Kryetari i partisë më të madhe opozitare në vend Hashim Thaçi tha se zgjedhja e kryetarit është një lajm shumë i mirë për tërë Kosovën.

Kryetari i partisë reformiste Ora, Veton Surroi nga ana tjetër tha se zgjedhje e kryetarit dëshmon seriozitetin që e ka Kuvendi i Kosovës.

Surroi tha se presin ftesën e kryetarit të ri për tu mbledhur në Ekipin Negociator të Kosovës dhe për të diskutuar përgatitjet për takimin e Vjenës.

Enver Bajrami


Postuar më: Eh/Radio Kosova & Blue Sky Staff me Feb 10, 06 | 3:24 pm

[Llapi]

Me 2/3 e votave Fatmir Sejdiu zgjidhet kryetar i Kosovës


Prishtinë, 10 shkurt 2006 (Kosovapress) Time: 13 : 33

Me 80 vota për, 12 kundër dhe 17 të pavlefshme, Fatmir Sejdiu (55) është zgjedhur të premten në rrethin e tretë për kryetar të Kosovës. Ai ishte kandidati i vetëm i propozuar nga Lidhja Demokratike e Kosovës (LDK). Kryetari Sejdiu do të vazhdojë mandatin e ish-kryetarit Ibrahim Rugova deri në zgjedhjet e ardhshme parlamentare. Kryetari i ri i Kosovës ka marrë shumë më shumë vota se ish-kryetari i Kosovës, Ibrahim Rugova. Rugova më 3 dhjetor 2004 në rrethin e parë kishte 65 vota, në të dytin 63, ndërsa ishte zgjedhur në rrethin e tretë me 64 vota për dhe 32 kundër. Në rrethin e parë të votimeve për Fatmir Sejdiun votuan 78 deputetë, 8 ishin kundër, 24 fletëvotime ishin të pavlefshme. Në rrethin e dytë për kandidaturën e Sejdiut votuan 77 deputetë, 9 ishin kundër dhe 24 fletëvotime ishin të pavlefshme. Detyrën e tij si kryetar Sejdiu pritet ta fillojë në ndërtesën e Kuvendit të Kosovës në katin e parë, ku janë të rezervuara zyrat për kryetarin e Kosovës dhe të cilat shumë pak janë shfrytëzuar nga ish-kryetari Rugova, i cili shtëpinë e vet e ka shfrytëzuar si rezidencë presidenciale. Në seancën solemne të Kuvendit për zgjedhjen e kryetarit të dytë të Kosovës ishin të pranishëm 110 deputetë. Fatmir Sejdiu është lindur më 23 tetor 1951 në fshatin Pakashticë të Besianës, kurse jeton në Prishtinë. Ka të kryer Fakultetin Juridik në Universitetin e Prishtinës dhe ka fituar gradën e Doktorit të Shkencave Juridike në po këtë universitet. Sejdiu, aktualisht deputet i Kuvendit të Kosovës, gjithashtu ka qenë deputet edhe në legjislaturën e kaluar. Ai është caktuar nga LDK si anëtar i kryesisë së Kuvendit të Kosovës dhe është i angazhuar në Komisionin Parlamentar për Legjislacion dhe Kornizë Kushtetuese si dhe në disa Komisione tjera parlamentare.

[Zana e malit]

Suksese presidentit të sapozgjedhur të Kosovës, Fatmir Sejdiut.

Uroj të shkojë rrugës së duhur, rrugës e cila çon vetëm drejtë pavarësisë së Kosovës!

zEm

[Flori]

Sapo është zgjedhur presidenti i ri i kosoves. Ai është Fatmir Sejdiu, i kandiduar nga Lidhja Demokratike.

Për zotin Sejdiu është votuar tri herë, meqenëse në dy rundet e para të votimit, ai nuk i mori votat e dy të tretave të deputetëve të kuvendit.



Ne votimin e tretë ndërkaq ai i mori 80 vota, që janë dy të tretat e votave.

Fatmir Sejdiu është presidenti i dytë në historinë e Kosovës.

Ai e trashegon këtë post nga Presidenti Ibrahim Rugova, i cili pas një sëmundje të rëndë, vdiq me 21 janar të këtij viti.

Rrjedha e ngjarjeve

Kryesia e Kuvendit u takua të enjten me urgjencë dhe ka shfuqizuar vendimin e saj të mëparshëm, duke e caktuar seancën solemne për sot.

Presionin më të madh që kryetari i ri i Kosovës të zgjidhet këtë javë e kanë bërë shefi i UNMIK-ut, Soren Jessen Petersen dhe kryeministri Bajram Kosumi.

Ata kërkuan që seanca solemne e Kuvendit të mbahej këtë javë në mënyrë që ata të marrin pjesë në të dhe të udhëtojnë më pas në Nju Jork, ku të martën mbahet mbledhja e Këshillit të Sigurimit për Kosovën.

Në fakt, Këshilli i Sigurimit i OKB-së fillimisht kishte planfikuar të mblidhet të martën e kësaj jave, por mbledhja u shty për një javë me qëllim që t'u jepej kohë autoriteteve kosovare të zgjidhnin presidentin e ri.

'Konsensus'

Kryetari i Kuvendit të Kosovës, Nexhat Daci tha të enjten se vendimi që seanca solemne të mbahej të premten ishtë marrë me një konsensus të të gjitha grupeve parlamentare.

"Seanca plenare për zgjedhjen e kryetarit të Kosoëvs do të mbahet sipas kërkesës së grupeve parlamentare dhe pak sipas presionit, të premten në ora 11:00," tha z. Daci.

"Unë jam shumë i lumtur që t'ju them se ishte mirëkuptim i plotë, unë i luta që kjo të reflektohet nesër në seancë plenare që të jemi të gjithë deputetët dhe unë nuk kam asnjë arsye të dyshoj që do të jemi mirë", shtoi ai.

[DriniM]

Urime Kosovë !

Urime LDK-ë !

Urime Prof. Fatmir Sejdiu !


Sukses në punë ,që të çosh deri në fund kauzën tonë .