Klubi i Milanistëve #15

[Isomer937]

Milan fiton 3-1 dhe pas rezultateve te tjera siguron 2 gjera:

1. Shprese minimale per t'u bere kampion. Ne shpresojme po veshtire se do behet gje, mgjse shume gjera varen se si do luaje Juvja me Arsenalin dhe si do ndahen objektivat. Juvja ka kaluar ne strategji mbrojtese dhe me skuadrat e medhaja eshte e kenaqur dhe me barazim. Te shohim.

2. Lufta per vend te 2-te eshte tashme vetem mes Interit dhe Milanit pak a shume. Nje sukses ne derbyn e Milanos dhe vendi i dyte merret me tapi.

FORZA kunder Lionit.

[ClaY_MorE]

Ja nje ndeshje tjeter bindese e MILANIT.

Po tregon qe ka ardhur ne nje forme te shkelqyer.


Forca MILAN

[niku-nyc]

Mesa duket Wesley Snejder do jet lojtari i Milanit sezonin tjeter...21 vjecari Hollandez duket se ka interes me Milanin dhe klubi Milanist e kerkon me cdo kusht pasi Ru Costa do shkoj tek Benfica dhe Vogel mund te iki pasi ne loje nuk po gjen shume hapsire!

Ne qofse Snejder do vinte mendoj se ne mesfushe do mbulojm shume hapsira dhe probleme! Sneijder eshte vetem 21 vjec dhe shume i talentuar dhe luan me komtaren e Hollandes ne formacion! Sneijder do jet blerje e fort sepse eshte i ri dhe eshte e ardhmja e Milanit sic jan Kaka-Gilardino...

Milani do ket shume ndryshime dhe lojtare te rinj ne vere dhe merkato e mire do ta bej ekip em te fort me ate qe po shofim sot! Edhe sot prap po lujm mire dhe kemi lojtare me cilesi...prap merkato do na perfoconte ne hapsirta dhe problemet qe na kushtojn shpesh here!

[ClaY_MorE]

Edhe pse djersiti shumë, me siguri nuk e çoi mundin dëm. Ai luajti, vrapoi dhe doli i fundit nga fusha e "San Siros". Aspak keq për një lojtar që nuk do të luajë. Alesio Takinardi është i pezulluar, megjithatë ai ka dashur t'i qëndrojë sa më pranë ekipit të tij. "Më vjen shumë keq që nuk do të kem mundësi të luaj pikërisht tani që m'u dha rasti të kthehesha në Itali. Interi është i ndërgjegjshëm se është favorit për të vazhduar më tej, por ne të Vilarealit nuk kemi se çfarë të humbasim. Duhet të kenë kujdes dhe të mos na nënvlerësojnë siç bëri Milani me Deportivon." Meqë ra fjala për Milanin, Galiani e përgënjeshtroi zërin për një transferim të tij të mundshëm te kuqezinjtë dhe vetë ai përpara pak ditësh kishte thënë: "Të them të drejtën, nuk e di ku do të luaj në sezonin e ardhshëm dhe dua të shtoj se kur qarkullojnë disa zëra të caktuar, ka gjithnjë diçka të vërtetë. Megjithatë, për disa gjëra jam i sigurt, si për shembull që s'do të kthehem më te Juvja, pasi kur një lidhje mbaron, mbaron. Në Itali mund të luaj vetëm me Milanin ose me Interin." U tha edhe se ai mund të shkonte bashkë me Ançelotin te Reali, por tani Takinardi thotë: "Për këtë nuk di asgjë, por sigurisht Ançeloti ka luajtur një rol shumë të rëndësishëm në karrierën time dhe shkoj shumë mirë me të." Në të vërtetë, Takinardi ndodhet shumë më pranë Milanit nga çfarë mund të duket. Përveç italianit të rikthyer, në fushë dje kishte edhe 13 argjentinas në sfidën Inter Vilareal. Sorini, kapiteni i spanjollëve dhe i Argjentinës, tha: "Ndihem krenar që shoh kaq shumë argjentinas në Champions. Shpresojmë të jemi të gjithë në formë edhe në botëror. U takova me kënaqësi me Zanetin dhe të tjerët." Por pëshpëritej se ai nuk shkonte mirë me Veronin: "Janë thënë shumë budallalëqe, sigurisht që u takova edhe me të. Unë kam marrëdhënie të mira me të gjithë."

[ClaY_MorE]

Në vigjilje të takimit të parë çerekfinal ndaj Lionit, Adriano Galiani u përpoq t'i shuante një herë e përgjithnjë zërat që thonë se Karlo Ançeloti do të shkojë te Reali i Madridit: "Do të bëj një premtim të madh përballë tifozëve kuqezinj, - deklaroi zv.presidenti i Milanit. - Ançeloti nuk do të jetë trajneri i Realit të Madridit." "Nuk dua të flas për zërat e vazhdueshëm që mbërrijnë nga Spanja, kishte thënë vetë Ançeloti përpara nisjes për në Lion, - herët a vonë do t'u mbushet mendja. Për sa i takon së ardhmes sime, më duket gjithçka shumë e qartë."

[niku-nyc]

Per cdo video, intervista, foto mund te shkoni tek acmilan.com dhe ti shifni atje ne italisht dhe gjithashtu ne anglisht!

acmilan.com i ka hapur te gjitha falas se me perpara duhej te anonoej per ti pare!

[ClaY_MorE]

Inzagi: Mbrëmje e madhe dhe me zemër!

Kënaqësia është e madhe në shtëpinë e Milanit pas kualifikimit emocionues në gjysmëfinalet e Ligës së Kampioneve, që solli dështimin e Olimpikut të Lionit. Filipo Inzagi, autor i një dygolëshi, ishte heroi i fitores 3-1 dhe është i lumtur që ka qenë edhe një herë protagonist i një ndeshjeje kaq të rëndësishme.
"SuperPipo" ka shënuar katër gola në pesë ndeshje në këtë sezon të Championsit, duke treguar se është kthyer në nivelet e tij më të mira, pas një dëmtimi të rëndë që e bllokoi për thuajse dy vite, para rikthimit të tij tre muaj më parë. "Jam vërtet shumë i lumtur që kam shënuar sërish, - tha sulmuesi kuqezi. - Nuk mendoja pikërisht se do të shënoja një tjetër dygolësh pas atij kundër Bajernit në "San Siro", në turin pasardhës." Golat ndaj kampionëve të Gjermanisë ndihmuan shumë në suksesin 4-1 në ndeshjen e kthimit, por goli i dytë i Inzagit kundër Lionit ishte shumë i rëndësishëm, pasi u shënua dy minuta nga fundi i ndeshjes dhe Lioni ishte pranë kualifikimit, për shkak se kishte shënuar gol në fushë kundërshtare. Inzagi vazhdon: "E zgjidhëm ndeshjen në fund, është e vërtetë, por ky është futbolli, një vuajtje e vazhdueshme. Nëse nuk na pëlqen të vuajmë, atëherë është më mirë të tërhiqemi nga futbolli dhe të bëjmë një tjetër profesion. Kjo ishte një fitore e madhe për ne dhe fakti që e arritëm në fund, është një nga aspektet më të bukura të këtij suksesi. Luftuam deri në fund, duke treguar karakter të madh dhe shpirt skuadre. Vuajtëm deri në fund, por ndonjëherë ndeshjet më dramatike janë ato që të japin më shumë kënaqësi."
Duke u kthyer te kënaqësia e kualifikimit, Inzagi shton: "Lioni është një skuadër e madhe, por ne arritëm një fitore me zemër. Luajtëm keq? Jo krijuam shumë raste, ndonëse ata markonin mirë, pastaj me kalimin e minutave, topi sa vinte e bëhej më "i rëndë." Sa mirë që në fund ai top rokambolesk më gjeti në vendin e duhur për ta shtyrë në rrjetë. Golin ia kushtoj vëllait tim, Simones, që ka ditëlindjen (dje) dhe e uroj."
Goli numër 52 në Champions, dygolësh vendimtar dhe Milani në gjysmëfinale: një mbrëmje tepër magjike për Inzagin: "Ishte një mbrëmje magjike. Më kujton atë kundër Ajaksit dhe këtë herë goli m'u quajt mua. Dua para së gjithash të falënderoj tifozët dhe dua të ripaguaj mbështetjen e tyre ndaj meje, kur nuk ishte kaq e lehtë sa tani, por edhe gjatë periudhës së dëmtimit. Goli kualifikues? Ai top dukej se nuk donte të hynte, pati ndoshta edhe pak fat nëse pas dy shtyllave, topi erdhi drejt meje. Isha gati duke rënë, pastaj e preka me të djathtën, nuk e pashë Kakanë që ishte afër. Tani po shijoj këtë kënaqësi dhe për dy ditë kemi bërë shumë sakrifica në prag të kësaj ndeshjeje. Pastaj, që sot duhet të mendojmë për Kievon."


Shevçenko: Besuam deri në fund

Andrei Shevçenko arriti ta shndërrojë një mbrëmje zhgënjyese në magjike, vetëm në momentet e fundit, kur shënoi golin e tretë ndaj Lionit: "Besuam deri në fund, nuk ishte ndeshja jonë më e mirë, por Lioni është një skuadër e madhe që erdhi në "San Siro" për të na sulmuar. Patëm vështirësi në disa momente të ndeshjes, por e dinim që mjaftonte pak për ta kthyer situatën dhe për të gjetur kualifikimin. Na duhej një gol dhe mund të vinte edhe në minutën e fundit. Mjaftonte të prisnim çastin e duhur dhe të mos humbisnim rastin. Jam i lumtur për golin, sepse ishte një ndeshje e rëndësishme dhe fituam në minutat e fundit, duke treguar se nuk jemi të lodhur."


Berluskoni: Pipo, "Fenomen" i golit

Nuk e pa ndeshjen, por ka vuajtur gjithsesi me Milanin e tij.
Silvio Berluskoni është i kënaqur për fitoren me Lionin, që i lejoi kuqezinjtë të arrijnë në gjysmëfinale të Championsit, por rrëfen se nuk besonte deri në fund te "mrekullia". "Milani na bëri të vuajmë shumë, - tha pronari kuqezi. - Nuk pata kurajon të merrja pjesë në minutat e fundit të ndeshjes, që në të vërtetë do të ishin të bukura, sepse pikërisht në minutat e fundit Milani arriti të kalojë me këtë "Fenomen" të golit që vazhdon të jetë Pipo Inzagi."
"Isha duke punuar, kisha televizorin ndezur në një tjetër dhomë dhe erdhën e më thanë", - vazhdoi Berluskoni, duke shtuar se kishte folur në telefon me Inzagin për ta falënderuar për dygolëshin.
Kryeministri pati folur edhe me Galianin, "që e kishte zemrën copë", dhe Ançelotin. "Besoj, - shpjegoi padroni milanist, - që Milani meriton, për lojën që di të shprehë, të vazhdojë para në këtë veprmitari europiane, sikundër ka bërë në të gjithë këto vite. Dhe shpresoj që të na japë shumë kënaqësi, duke synuar edhe një herë fort te Liga e Kampioneve, për t'i dhënë një domethënie këtij sezoni të bukur që e sheh të dytin në kampionat pas një Juventusi të shkëlqyer." Një mendim Berluskoni ua kushton edhe "kushërinjve" të pafat të Interit, të skualifikuar nga Vilareali në Spanjë: "Mëkat, mëkat, mëkat, sepse Interi i këtij viti e meritonte t'u dhuronte kënaqësi të mëdha tifozëve të tij, që e prisnin prej shumë vitesh. Unë, siç më ka mësuar im atë, kur Interi luan ndaj një skuadre të huaj, kam bërë gjithnjë dhe do të vazhdoj të bëj tifo për të. Pra, forca Inter! Mund të ketë shumë kënaqësi në kampionatin italian dhe të jetë edhe vitin që vjen në Ligën e Kampioneve."

[ClaY_MorE]

Galiani-Ançeloti, në "qiellin e shtatë"

Adriano Galiani ëndërron shumë pas gjysmëfinales së arritur "in extremis" nga Milani kundër Lionit: "Nuk kemi komplekse inferioriteti ndaj askujt, as ndaj Barcelonës. Nëse në gjysmëfinale ndeshemi me ta, do të luajmë 50% me 50. Me këtë fitore, Milani konfirmon se është skuadra e parë në renditjen europiane edhe këtë vit." Ndërsa Ançeloti thotë: "Është një rezultat vuajtës dhe i bukur për mënyrën sesi shkoi ndeshja."

Zv.presidenti kuqezi bën shaka për suksesin e kuqezinjve: "Kemi shënuar shumë shpejt, herën e shkuar ndodhi në minutën e 92-të, - duke iu referuar sukseseve të kaluara ndaj Ajaksit e Psv Eindhovenit. - Lioni është një skuadër e madhe dhe na vuri në vështirësi të mëdha, por në fund ra shumë. Besoj se Milani e meritoi fitoren, ndonëse topi nuk donte të hynte: është e pabesueshme, sepse goditëm dy shtylla. Jemi të lumtur. Edhe një herë shkojmë deri në fund të kësaj veprimtarie dhe kënaqësia është e madhe, sepse në katër vite në Champions kemi luajtur dy finale dhe të paktën një gjysmëfinale. Jemi përfundimisht të parët në renditjen europiane." Pavarësisht nga kualifikimi në gjysmëfinale, Karlo Ançeloti nuk u fshihet vështirësive: "Nuk ishte një Milan i madh, - tha trajneri kuqezi, - por në këto momente shikojmë vetëm rezultatin. Për mënyrën sesi shkoi ndeshja në fund, na dhuroi shumë emocione. Të gjitha gjërat e vogla dhe gabimet tani kalojnë në plan të dytë. Lioni është një skuadër e frikshme dhe në të dyja ndeshjet bëri diçka më shumë se ne. Në të vërtetë luajtëm shumë lehtë, ndonëse francezët nuk ndërtuan shumë. Ata u kënaqën pas golit. Goli i Inzagit? Ishte "replay" i golit ndaj Ajaksit më 2003-shin. Pse e zëvendësova Gatuzon me Ambrozinin? Kisha zgjedhje të ndryshme dhe Ambrozini me kokë është gjithnjë i pranishëm."


Kaka: Nuk gjeja shumë hapësira

Milani fitoi 3-1 ndaj Lionit, duke u kualifikuar në gjysmëfinale të Championsit, por Rikardo Kaka nuk zhvilloi një ndeshje të pëlqyeshme: "Në pjesën e parë nuk gjeta hapësira, - shpjegoi braziliani, - ndërsa në të dytën bashkëpunova me Serzhinjon dhe gjërat shkuan disi më mirë. Trajneri Ançeloti na kërkonte të mbyllnim hapësirat dhe të riniseshim me shpejtësi. Kush e shënoi golin? Nuk më intereson nëse është i imi apo i Inzagit, rëndësi ka që topi hyri në rrjetë. Megjithatë, dua ta përgëzoj Pipon që gjendet gjithnjë në vendin e duhur. A u frikësuam për moskualifikimin? Ndonjëherë gjatë ndeshjes e mendon, por rëndësi ka që të mos humbasësh besimin."

[Ujku'80]

HAlLLALL DJEMA

[ClaY_MorE]

Galiani: Do t'i mbaj të gjithë, përjetë!

Euforia e kualifikimit në gjysmëfinale të Ligës së Kampioneve nuk ka lënë njeri pa prekur në mjedisin kuqezi. Është gjysmëfinalja e tretë në 4 vite dhe mendësinë që ka Milani në këtë veprimtari, nuk e ka asnjë nga skuadrat italiane, si Juventusi apo Interi të skualifikuar respektivisht nga Arsenali dhe Vilareali. Eufori që Adriano Galiani nuk e mban asnjëherë përbrenda. Përkundrazi, pas çdo fitoreje apo kualifikimi në Champions, zbret nga tribuna për të takuar dhe përqafuar djemtë së bashku me Ançelotin. Galiani është i sinqertë dhe pranon faktin se loja e të tijve nuk ishte shumë e bukur dhe se të martën skuadra pati fat: "Vërtet, por në Stamboll stërmeritonim të fitonim dhe patëm fat të keq. Le të biem dakord për një gjë: nëse merret rezultati për atë që është, atëherë kanë përgjegjësi kur humbasin dhe meritë kur fitojnë. Kaq." Xhilardino nuk luajti dhe Galiani justifikon mërzitjen e sulmuesit: "Xhila është 23 vjeç, është një lojtar i madh, që po studion për t'u bërë një kampion dhe do të bëhet. Rritja e tij do të shpejtohet nga arritjet "epike" të shokëve të tij Shevçenko dhe Inzagi." Nga Spanja vazhdojnë të vijnë zëra që Ançeloti do të drejtojë vitin e ardhshëm Realin e Madridit dhe nga Londra që Sheva do të shkojë te Çelsi, por zv.presidenti kuqezi është i qetë: "Nuk inatosem për asnjë nga të dyja rastet, sepse nuk ka motiv. Tifozët tanë duhet të jenë të qetë kur them se Ançeloti do të qëndrojë për vitin e ardhshëm dhe Shevçenkoja do ta mbyllë karrierën këtu. Kemi fituar shumë, pa i prekur asnjëherë prirjet tona: ne respektojmë fjalën e dhënë." Sidoqoftë, këta lojtarë që duhet të qëndrojnë gjithë jetën, janë ca si shumë. "Pas Stambollit, - shpjegon Galiani, - kam menduar çdo ditë në mënyrën e duhur për t'u kthyer menjëherë në krye, sepse kush e njeh futbollin, e di se pas një "vrasjeje" të tillë është e vështirë ta rimarrësh veten. Mund të ndryshonim gjithçka, siç pritej që të bënim, ose t'i mbanim të gjithë. Vendosëm dhe ramë dakord me Berluskonin për të marrë këtë rrugë dhe jemi ende këtu. Dua të nënvizoj se kemi kaluar nga 1-1, në 3-1 me Kostakurtën e Maldinin në fushë. Diçka do të thotë." Të martën në mbrëmje, përqafimi me Gatuzon ishte special për Galianin, i cili vazhdon: "Sepse Rinoja është një nga ata që ka vuajtur më shumë pas zhgënjimit në Stamboll. Së bashku kemi ndjekur një rrugë, duke folur shpesh. U përpoq të largohet, por tani është i lidhur me Milanin përjetë. Kontrata do t'i skadojë më 2009-ën dhe kur të jetë momenti, do ta rinovojmë. Kontratat nuk janë një problem. Rinoja do të qëndrojë, si të tjerët. Pra të gjithë të konfirmuar? Të gjithë, sapo e thashë." Edhe Vogeli, Amorozo dhe Kalaci. "Të gjithë, - shton Galiani me siguri. - Po kërkojmë një mbrojtës të djathtë, por skuadra do të qëndrojë në grup. Dhe tani që kemi një gjë më shumë: do të fitojmë ose humbasim në gjysmëfinale, nuk e di, por nuk do të luajmë me mendjen e bllokuar. Jemi shëruar, Stambolli ka kaluar përfundimisht. Vërtet jemi të vjetër në moshë, por jemi të parët në UEFA. Me "pleqtë" tanë luajmë më mirë se të rinjtë." Edhe këtë herë një tjetër protagonist "i vjetër", Inzagi. "Është një kampion i madh. Jep shpirtin, e di se cila është filozofia e Milanit. Me ne asnjë nuk ndihet një mall. Futbolli s'është një çështje parash, por ndjenjash."


Dario Simiç shfryn kundër Ançelotit

Në festën kuqezi për kualifikimin në gjysmëfinale të Ligës së Kampioneve, ka një përjashtim: Dario Simiç. Mbrojtësi është shfryrë ndaj trajnerit Ançeloti dhe paralajmëroi lamtumirën: "Jam vërtet i sigurt, është momenti të ndryshoj skuadër, - tha Simiçi në shtypin kroat. - Sjelljet e trajnerit më kanë hapur sytë, por edhe zhgënjyer. Nuk e di si ta shpjegoj këtë indiferencë." Një shfryrje për t'u thënë lamtumirë ngjyrave kuqezi dhe zgjedhjeve të Ançelotit, që e ka mbajtur jashtë në momentin kyç të sezonit. "I shoh paraqitjet e mia në ndeshje, - vazhdon kroati, - nuk kanë mjaftuar për të shpjeguar as arsyet e kësaj indiference, ç'mund të shtoj? Jam i zhgënjyer, i mërzitur, duke filluar që nga ftohtësia që ka treguar Ançeloti." Duke parë shifrat, kroati ka luajtur 13 ndeshje në kampionat, 2 në Champions dhe 4 në Kupën e Italisë, për një total prej 1408 minutash në fushë gjatë sezonit, me një shifër mesatare prej 74 minutash në sezon. "Besoj se meritoj më shumë respekt për atë që kam treguar, - përfundoi kroati. - Kjo gjendje nuk ka kuptim: kam treguar pas operacionit se jam në lartësinë e duhur, por nëse nuk bëj pjesë në planet e trajnerit as si zgjedhje e parë e Stamit, atëherë s'ka dyshim që besimi ndaj meje mungon."