Dua

[marinI]

Dua,
dua të të shtrëngoj fort
sa kockat të më dhëmbin.
Pa të lënduar,

e kështu,
zemrën tënde të ndjej
të rrahë fort
e lehtazi të çikë
zemrën time.

Dua,
dua gishtat të fus
thellë në flokët e tu
e ti ngatarroj keq.
Pa ti tërhequr,

e kështu,
ti s'do ikësh më
se "flokët" do të dhëmbin
qoftë edhe një hap larg meje.

Dua,
dua sytë të ti mbuloj
me të puthura
të panumërta.
Pa të bezdisur,

e kështu
ti s'do largohesh nga unë
sepse,
sytë e tu,
vetëm buzët e mia do shohin,
e jo rrugën.

Dua,
dua të të mbaj në krahë
e fort të të rotulloj.
Pa të lëshuar,

e kështu,
ti e hutuar
në krahët e mi do të shtrihesh
e unë, i gjithpushtetshëm
lehtaz do të te përfshij

Dua,
dua aromën tënde
ta mbledh të gjithën.
Me kujdes,

e kështu,
ti do më lutesh të ta kthej
e unë gjithe jetën
peng do ta mbaj
atë, dhe ty

Dua,
dua...

Kur do të vish e dashur?

[elda]

Hi

Shume e bukur.

[Living in Vain]

fantastike!

[fullmoon]

Shume e bukur fantasitike