Tre vjet burg pedofilit te ambasades amerikane

[Xhuxhumaku]

Tre vjet burg pedofilit te ambasades amerikane

Punonjësi i ambasadës abuzoi me të mitur shqiptarë


Dënohet me tre vjet burg nga drejtësia amerikane një ish-punonjës i ambasadës amerikane në Shqiperi. Diplomati ështa akuzuar dhe gjetur fajtori për akuzuan e marrëdhënieve seksuale me të mitur shqiptarë. Po kështu një tjetër akuzë po kaq e rëndë ishte edhe ajo e mbajtjes së materialeve porno me fëmijë.
Amerikani 50-vjeçar, Stjuart Moss, ish-punonjës në ambasadën amerikane në Tiranë, u deklarua fajtor në nëntor të vitit e kaluar nga gjykata amerikane ndërkohë që dje u mor vendimi për dënimin e tij.Lajmi është bërë i ditur nga disa agjensi të huja si dhe u publikua në disa televizione. Stjuart Mos ishte punësuar në ambasadë në shkurt të 2004 si menaxher informacioni. Dyshimet ndaj ish-zyrtarit amerikan u shfaqën në gusht të vitit 2004, pasi Stjuart Moss mohoi të denonconte një 16-vjecar i cili e kishte goditur në kokë me shkop dhe e kishte fajësuar për zhdukjen e shokut të tij.Më vonë Moss pranoi para hetuesve se ai ishte përfshire në raporte të ndryshme seksuale me disa djem shqiptarë të moshës 12 deri në 16 vjeç dhe pranoi se mbante foto të djemve që përfshihen në këto raporte seksuale. Gjatë kontrollit në banesë policia gjeti më shumë se 200 foto porno të fëmijëve në kompjuterin e Stjuart Mos. Sipas ligjit shqiptar, në rast se një shtetas i huaj kryen krime në territorin e Shqipërisë, atëhere ai duhet të përgjigjet penalisht në këtë vend, sipas Kodit Penal. Ende nuk është i qartë pozicioni i Moss në misionin amerikan, nëse ai ka pasur apo jo imunitet diplomatik. Ushingtoni ka preferuar ta trajtojë vetë këtë çështje, duke i kërkuar gjykatës edhe dënimin maksimal për ish-punonjësin e tij. Por rasti i Moss nuk është i vetëm. Në shtator një punonjës amerikan në Kosovë u arrestuar pasi ishte filmuar duke ngacmuar seksualisht një vajzë nëntë vjeçare. Amerikani që punonte në Kampin Bondsteel, si kontraktor i firmës "Halliburton, kishte shfrytëzuar gjendjen e rëndë ekonomike të një familjeje rome në Kosovë. Ai kishte dërguar mjaft dhuratë në shtëpinë e 9-vjeçares ndërsa vajzën e merrte shpesh me vete për shëtitje. Këtu ai e ngacmonte seksualisht, gjë që e kryente prej muajsh. Ai u arrestua vetëm pasi u filmua nga kamerat e sigurisë së një supermarketi ku po bënte Pazar me vajzën 9-vjeçare. Duke ecur në supermarket ai e prekte vogëlushen në vende intime duke qëndruar mjaft i qetë. E ndërsa dy pedofilë një në Tiranë dhe një tjetër në kosovë u vunë në bankën e të akuzuarve nga drejtësia amerikane, të tjerë persona të fshehur edhe pas imunitetit diplomatik kanë tentuar apo kanë abuzuar seksualisht me fëmijë por ata nuk janë marrë kurrë në hetimim pasi kanë shfrytëzuar mirë detyrën që mbanin.

Ekspress.