Leka Zogu u tërhoq nga politika

[Davius]

Trashëgimtari i fronit mbretëror në Shqipëri Leka Zogu, djali i mbretit shqiptar Ahmet Zogu, tërhiqet nga jeta politike në këtë vend, bëjnë të ditur mediumet shqiptare.

Ai deklaroi se edhe më tej t'i përfaqësojë interesat e të gjithë shqiptarëve, pa marrë parasyshë përkatësinë politike të tyre, ashtu siç bëjnë të gjitha familjet mbretërore në Evropë.

Leka Zogu, i cili themeloi lëvizjen e parë politike për legalizim, ndërsa para disa muajsh edhe "Lëvizjen për Zhvillim Kombëtar", prej sot nuk do të jetë anëtare e asnjë partie politike.

Trashëguesi i fronit është orvatur që disa herë të hyjë në politikën e Shqipërisë, por gjithë angazhimi i tij nuk hasi në mbështetje nga populli i Shqipërisë.

Në vitin 1997, gjatë kaosit në këtë vend, ai tentoi me grupin e tij të armatosur të ndikojë mbi komisionin zgjedhor i cili i realizonte zgjedhjet në Shqipëri.

[Davius]

Leka Zogu largohet nga LZHK

E Premte, 03 Shkurt 2006

Pretendenti i fronit mbreteror deklaron se do te kthehet ne qendrimin e natyrshem te Familjes Mbreterore Shqiptare, jashte paleve dhe partive politike

Pretendenti per Fronin Mbreteror, Leka Zogu deklaroi terheqjen e tij nga Levizja per Zhvillim Kombetar. "Naltmadhnia e Tij LEKA I ZOGU, duke vleresuar situaten aktuale politike, deklaron se ne sherbim te interesave me te larta te Atdheut dhe te Kombit Shqiptar, si dhe ne sherbim te tradites shteterore shqiptare, terhiqet nga jeta politike partiake, per t'u kthyer ne qendrimin e natyrshem te Familjes Mbreterore Shqiptare, e cila qendron jashte paleve dhe partive politike", thuhej dje ne nje deklarate te zyres se shtypit te Leka Zogut. Sipas njoftimit, Familja Mbreterore "ka sherbyer dhe do te sherbeje gjithmone per te mbrojtur interesat e te gjithe shqiptareve, pavaresisht bindjeve te tyre politike." "Ky qendrim eshte ne te njejtin tradite edhe me Familjet Mbreterore Europiane", thuhet me tej ne deklarate.

Nderkohe, sipas zyres se shtypit te djalit te Ahmet Zogut, Levizja per Zhvillim Kombetar, do te vazhdoje misionin e saj per te cilin u themelua dhe do te drejtohet politikisht nga organet e zgjedhura prej Asamblese Kombetare te LZHK-se.

Levizja per Zhvillim Kombetar u krijua nga nje grup partish te aferta me Leka Zogun. Por ne zgjedhjet e fundit parlamentare, LZHK mori nje rezultat zhgenjyes, duke mosarritur te perfaqesohet ne Parlament. Leka Zogu ishte drejtuesi i Levizjes per Zhvillim Kombetar, duke u angazhuar edhe ne fushaten e saj elektorale. Me veprimin e tij, pretendenti per fronin mbreteror duket se do te shkeputet nga angazhimet partiake. Sic thuhet edhe ne deklarate, Leka Zogu do te vijoje te ndjeke jeten politike ne poziten e pretendentit per fronin mbreteror.

Nderkohe, familja Zogu eshte ne nje proces te rimarrjes se pronave te shtetezuara pas clirimit te vendit. Pallati i Pionereve ne Tirane tashme po pergatitet per te qene prone e familjes Zogu.

A.L

[Brari]

gazeta 55


Data: 21/11/2006, ora



Murat Basha: LZHK ka vdekur, ju ftoj të mbajmë 1 minutë heshtje



63-vjetori i themelimit të Legalitetit (OKLL), si dhe hapja e fushatës për zgjedhjet vendore nga PLL, ishin arsyet e tubimit të një aktivi të zgjeruar të kësaj partie, zhvilluar në SHQU, me pjesëmarrjen e drejtuesve të strukturave më të larta, të kryetarëve dhe këshilltarëve legalistë të njësive vendore të të gjithë vendit, si dhe të mjaft veteranëve e simpatizantëve të kësaj partie e të monarkisë. Që në fillim të takimit, kryetari i zyrës së Oborrit Mbretëror Ali Ohri, i cili mban njëkohësisht edhe postin e sekretarit të Senatit të Veteranëve të PLL-së, u kumtoi të pranishmëve të shumtë një mesazh të ngrohtë urimi nga pretendenti për fronin mbretëror, Leka Zogu, lidhur me përvjetorin e rithemelimit të OKLL (sot PLL), si dhe përgatitjet e kësaj partie për zgjedhjet vendore. Në fjalën e tyre, drejtuesit më të lartë legalistë, Ekrem Spahiu, Murat Basha e Artan Tujani, u deklaruan pjesëmarrësve dhe mediave të shumta vendimin e strukturave më të larta legaliste për të konkurruar në këto zgjedhje, bashkë me aleatët e së djathtës, me në krye Partinë Demokratike, me ç’rast bënë me dije edhe marrëveshjen e nënshkruar mes PD-së dhe PLL-së, për të dalë bashkërisht dhe për të mbështetur kandidatët e së djathtës në garën zgjedhore të pushtetit vendor, çka u prit me kënaqësi dhe entuziazëm nga pjesëmarrësit.

Por ajo që ra në sy në këtë tubim, ishte deklarata e nënkryetarit të kësaj partie, lidhur me formacionin elektoral të zgjedhjeve parlamentare të 3 korrikut 2005, Lëvizjen për Zhvillim Kombëtar (LZHK), të cilën, Murat Basha e shpalli “të vdekur” politikisht dhe “një eksperiment të dështuar...” Madje, drejtuesi i lartë legalist, për ta çuar deri në fund kumtin e tij dhe për të larguar çdo dyshim lidhur me kontekstin e kësaj deklarate bombë, i ftoi të pranishmit të mbanin “një minutë zi për vdekjen e LZHK”, çka i davariti përfundimisht keqkuptimet e mundshme. Dhe për ta mbyllur në kreshendo këtë kumt, nënkryetari Murat Basha, në rolin e këshilltarit politik të Leka Zogut, u deklaroi të pranishmëve se, së shpejti, vetë Leka Zogu do të prononcohet drejtpërsëdrejti në media, në mbështetje të koalicionit të djathtë me në krye PD-në në këtë fushatë zgjedhore, me ç’rast do të konfirmojë edhe një herë qëndrimin e tij përkrahës ndaj pozicionimit politik të djathtë të PLL, e cila është partia që mbështet politikisht dhe institucionalisht restaurimin e monarkisë në Shqipëri. Disi më të përmbajtura ishin tonet e kryelegalistit Ekrem Spahiu, i cili, ndryshe nga parafolësi, e trajtoi si të natyrshëm fundin politik të LZHK, të cilin ai e cilësoi si një ish-koalicion politik me mandat të kufizuar kohor, i ngritur për të konkurruar vetëm, në zgjedhjet parlamentare të 3 korrikut. Sipas Spahiut, konform marrëveshjes politike respektive midis partive pjesëmarrëse, nënshkruar para zgjedhjeve parlamentare, LZHK e kishte përfunduar misionin e saj politik ditën e zgjedhjeve, pra më 3 korrik dhe, për këtë arsye, kjo lëvizje politiko-zgjedhore nuk mund të funksiononte më, as juridikisht dhe as politikisht. Sepse sipas tij, ky koalicion ishte pajisur veçse me një mandat të përkohshëm, deri në zgjedhje, dhe pikërisht për këtë arsye, më 19 korrik të vitit të kaluar, PLL kishte deklaruar zyrtarisht largimin nga koalicioni LZHK. Madje, sipas Spahiut, “largimi i PLL si forca kryesore e këtij koalicioni, tashmë e ka delegjitimuar këtë subjekt zgjedhor...”, çka u dha të pranishmëve të kuptonin se përpjekjet aktuale për ta ricikluar politikisht LZHK-në si subjekt zgjedhor, ishin thjesht spekulative. Në fund të takimit, Spahiu u dha drejtuesve legalistë të bazës udhëzime të qarta për bashkëpunim politik luajal me strukturat lokale të PD dhe partive të tjera të djathta, me qëllim arritjen e fitores së përbashkët në zgjedhjet vendore. I pyetur të komentonte prononcimin e nënkryetarit legalist, Murat Basha, njëri nga drejtuesit legalistë të bazës, i pranishëm në këtë tubim, deklaroi se kjo lidhet me përpjekjet e disa politikanëve për ta përdorur LZHK-në gjatë zgjedhjeve vendore, për marrjen e sa më shumë votave, nëpërmjet shfrytëzimit të paqartësisë që ende ekziston në elektorat, lidhur me LZHK-në e shpallur nga pretendenti për kurorën mbretërore, Leka Zogu.
Re. Po.

[ELDORADO]

dukej serioz dhe me shume shpresa kur erdhi por aha kaq e pati ne ky gje e mire do ishte ideja e mrtenise ,kushedi do vinte ora per nai bashkim trojesh

[Xhuxh Xhumaku]

eldorado, miku im.

Kongresi i Peeermetit eshte guri i themelit qe i permbahen PS-PD, ler menjane llafollogjine.

Legalisto-monarkistet e kaluan sproven ne '97, por ....

Ne nje fare menyre, Leka Zogu u be viktime e qelbesit, desha te them qerthullit te Tiranes politike, infektuar ende me shume prej metropoleve te tjera te Ballkanit.

[ELDORADO]

lal nuk di gjo per kete kongres nese do ma thoje cfare thuhej ne te do te ta dija per nder

[Xhuxh Xhumaku]

Kongresi i Permetit, i sponsorizuar nga partia komuniste jugosllave, hodhi "themelet" e qeverisjes se burgut te ardheshem Shqiptar qe Enveri e shoket e shoqet e tij do te kryesonin. Vepra e enverit, qe politikanet e sotem nuk i lejne te pluhurosen, midis te tjerave eshte edhe "Kur u hodhen themelet". Kopjen origjinale e ka shoku Ramiz e shoqja Nexhmije, ndersa te tjerat, ndodhen ne raftet e "mbrame" te politikaneve e shtetareve te shquar shqiptare.

Nje nga pikat kryesore te atij kongresi, ishte ndalimi i kthimit te Mbretit Zog ne Shqiperi.

Te tjerat, pas '90, ti i di vete.

[skampin]

eh sa kujtime na lidhin me Permetin?